a trip-رحلة

05/05/2024

لُب حكاية كل حد فينا ثقته في نفسه 🥹
شوفوا الفيديو واتعرفوا علي نفسكم 🙏🏻
https://youtu.be/rE3JdXQTpME?
si=Me7Ha5_FiWbipBON

النفس هي مخلوق من أقدم مخلوقات الله ، إئتمنك عليها حتي تساعدكما خوض رحلتك الأرضية ، كن واعي وافهم من هي نفسك أولا ، سنتحدث عن كل مايخص النفس حتي تبدء في ادرا...

09/09/2023

رحلاتنا ل #سيوه كل ويك إند
رحلتنا اللي جايه من الخميس ١٢/١٠/٢٠٢٣ليوم الاتنين ١٦/١٠/٢٠٢٣
ومستمره كل كل اسبوع😍
الانتقالات رايح جاي بزيارة المزارات كامله 😍
بالإقامة لمده ٤ ايام ٣ ليالي
فطار وعشا مميز جدا😋
تصوير فوتوغرافيا بروفيشنال
برنامج ترفيهي يومي داخل الجزيره
افضل مكان اقامه من اوضتك علي بحيرة #سيوه
مباشرة
سعر خاص للمجموعات والشركات بخصم ١٠٪؜ 😇😍

11/08/2023

وتحسب أنك جرم صغير وفيك إنطوي العالم الأكبر ، 🙏🏻
الكون أنت جزء منه وفيك كل الكون ،
هل تشعر بالإندماج مع طبيعة ربنا ، ام تشعر أنك منفصل ،
هل تأملت في السماء قبل ذلك ، هل تأملت النجوم او القمر ،
هل نظرت الي الشمس نظرة المكتشف ، المندهش ،
هل تسألت عن ٱلية عملهم ، كيف يتحركون ويؤثرون في كل جزء من الكون ، هل أحسست يوما انك لاتقل اهميه عنهم وعن امكانيه تأثيرك ونفعك لمن حولك ،
هل انت ممن يشعر ان وجوده لا يقل اهميه عن وجود القمر والشمس والنجوم والنباتات ،
تأمل اولا ، واستشعر اين تكمن قوتك واين تجد ماينفعك وينفع ماحولك ،
كيف تكون شمسا لمن حولك تضيء لهم مع اختلاف توجهاتهم وجنسايتهم ،
كيف تكون قمرا يمرر مايفيد ويحجب مايضر ،
كيف تكون نجما يهتدي بك من حولك لتكون سببا في ارشادهم لوجهتهم ايا كانت الوجهه فقط مرشد ،
تأمل داخلك وانظر خارجك وتعلم واكتشف ،
فأنت مخلوق من اهم المخلوقات في هذا الكون ان لم تكن اهمها علي الاطلاق ،
#وعي #رحلة

06/07/2023

شروق وغروب وقمر مكتمل في نفس المكان🤍🙏🏻

04/07/2023

احلي رحله واحلي ناس واروع مكان في سيوه 🙏🏻
شكرا M-biama island Siwa علي استقبالكم الرائع ومكانكم الجميل المريح اللي حقيقي مافيش زيه والقائمين علي ادارة المكان والخدمه والبساطه في كل تفصيله 💕
حقيقي معني الراحه النفسيه لقيناها
وشكرا علي ثقة كل الناس اللي اختارت a trip-رحلة لرحلة سيوه المميزه 🙏🏻
استنونا في اللي جاي✌🏻

24/06/2023

صباح الفل 🙏🏻😍
تم اكتمال عدد رحلة العيد ☺️
ومبروك للناس اللي نزلها خصم 50٪ علي الرحلة 🤩
📌المفجأة التانيه اللي بنقدمها لرحلة العيد 🤔
ريتريت كاااامل الخصم هدية لكل الرحلة🙏🏻 في ايام العيد
يعني الرحلة دي في الواقع بخصم 90٪ 😳🤯
شكرا للرعاه اللي معانا اللي ساعدونا علي البرنامج المميز اللي حبينا نقدمه للناس☺️🙏🏻
شكرا لكل حد بيشارك في زيادة الوعي والاستمتاع والاستشفاء في اروع مكان في مصر #سيوة اللي مليانه اسرار كتييييييير
تابعونا☺️ #منشن لإصحابك اللي هايستعدوا للرحلة الجديدة🤗💃🏻

21/06/2023

دايما بننسي واحنا مسافرين حاجه من احتياجتنا 🥹
دي شوية تفاصيل هاتحتاجها ف رحلتك 😍🧚‍♀️🎉
👇🏻👇🏻
⭕شنطة ضهر عشان هاتبقي صاحبتك في الرحلة 🫵🏻
⭕ تشيرتات خفيفه عشان لما تغير اي وقت و (مايوه ) واحد يكفي🩱_ بناطيل واسعه عشان الحركه وعشان لما نطلع الجبل🧗 وشوز خفيفه بتفضلها في الحركه 🤸🏻‍♀️🤸🏻‍♂️🏃🏻
⭕ كاب ونضارتك الشمس الجميلة 😎
⭕ فوطه وبرفيوم وكريم لشعرك والذي منه 🤩😌
⭕ نوت صغيره وقلم عشان هانتعلم حاجات كتير وهاتحتاج تكتب اهم اللي اتعلمته 😊☺️
⭕ لو بتحب الرسم او العزف او اي نشاط 🥁🎨🪄📸🎷ممكن تجيب ادواتك معاك *لانه هايبقي افضل وقت تبدع فيه* وتسيب نفسك🤗
#منشن لكل اصحابك اللي بيفكروك بحاجاتك وانت مسافر😅😅😅😅
وخليهم يشاركونا خبرتهم في كومنت 💪🏻 🏆

20/06/2023

بوست التخيييييم😍
من داخل الخيمه نتحدث🌅🧘🏻‍♂️🧘🏻‍♀️
تخييم يعني حريه يعني انت جزء من الطبيعه
يعني انت والطبيعه وبس
لما كمان يكون التخييم في ارض مميزه بيبقي حاجه تانيه خالص
اختارنا افضل مكان اقامه في الخيم وفيه كل الخدمات
اكل وشرب وحمام والبحيرة وعين الميه السخنه
كل ده في مكان واحد 🥰🙏🏻
#سيوه تتحدث

17/06/2023

مفأجاة العيييييد😊🥳
عشان تتبسط وتقضي عيد مميز 😳
عملنالك برنامج مختلف عشان تتبسط وتجدد طاقتك🤗
هانروح #سيوة لمدة ٣ ليالي بأفضل مكان اقامه علي بحيرة سيوة مباشرة بخصم 50٪ لأول 10 حجوزات ☺️ شامل الاقامه بالانتقالات الداخلي بالفطار والعشا 😉 وهانتبسط بأحلي حفلة مميزة ومختلفه علي البحيرة 💃🏻🤸🏻‍♀️
هانزور كل المزارات والاماكن الآثرية اللي عمرك ماسمعت عنها 😊
هانعيش مغامرة حقيقيه ممتعه
لكل اصحابك اللي هايعيشوا معاك المغامرة

📌البوست اللي جاي مفجأة وبسعر مميز للتخيييم 🤗 🙏🏻 لعشاق الحياة في الخيمه علي 🧘🏻‍♀️🧘🏻

10/06/2023

مفاهيم كتير متلغبطه عندنا
منهم ان #سيوة لازم نروحها في الشتا 🫨
الكلام دة مش مظبوط 🤦🏻‍♀️🤦🏻‍♂️ #سيوة في الصيف اروع من الشتا 😳
او خلينا نقول ان كل وقت فيهم ليه حلاوته ومتعته 😍
من حيث نزول البحيرة والاسترخاء والاستجمام في عيون الميه الكبريتيه وبحيرات الملح وكمان البرنامج العلاجي اللي بالفعل بيبدأ من اول شهر ٦ لجميع الاعمار 🤸🏻‍♀️🏃🏻🧑🏻‍🦳👨🏻‍🦳
وكمان نعمل taning بلون مظبوط 🤗
اللي لسه مجربش في الصيف فايتوا كتيييييير🥰
#منشن لإصحابك وعيش معانا المغامرة في العيد 💃🏻 واستنوا عرووووووووض العيد معانا ❤️🙏🏻🌹

14/05/2023

سألت نفسك قبل كده عن التخييم 🧐؟
😊تعالي كده اقولك شوية حاجات عنه
😍من امتع المغامرات اللي ممكن تعيشها لمدة يوم او يومين 🙏🏻 بتبعد عن كل حاجه بتسبب ازعاج وبتجدد طاقتك من الطبيعه والهدوء والهوا النضيف وتشوف السما وتتأمل جمال الطبيعه في كل لحظه 😍

تخيل بقي لو انت خيمت في اجمل اماكن الأرض #سيوة
لما تحضر الشروق والغروب قدام بحيره وانت مسترخي في خيمتك اللي تصحي وتنام وانت مستمتع بالشمس 🌞 وصوت المايه 🌊 واجمل صوت ممكن
تسمعه صوت جريد النخل مع الهوا🌴🌴وشكل السما بالليل اللي تحس انك جزء منها في وسط النجوم 💫 وتشوف الشهب وروعة المنظر
كل عوامل الطبيعه اللي تخليك في افضل حاله
موجوده 🧘🏻🧘🏻‍♂️🧘🏻‍♀️
اللي حابب يعرف اكتر عن رحلات سيوة ورحلات التخييم يبعتلنا رساله وهانرد عليه في كل الاستفسارات

13/05/2023

مين لسه محجزش في رحلات الصيف
ولو حابب تطلع في مغامرة تحب تكون فين

08/05/2023

الحجز بدء للمغامرة وتعالي نقولك شوية تفاصيل هاتحتاجها ف رحلتك 😍🧚‍♀️🎉
⬅️١-شنطة ضهر عشان هاتبقي صاحبتك في الرحلة
⬅️٢-طقم واحد للبحر (مايوه )
⬅️٣- طقم واحد هاتغيره لما توصول سيوه عشان هناك لازم حاجه خفيفه تيشرت وبنطلون واسع وشوزه خفيفه عشان لما نطلع الجبل
⬅️٤-كاب عشان الشمس
⬅️٥- فوطه وبرفيوم وكريم لشعرك
⬅️٦- نوت صغيره وقلم عشان هانتعلم حاجات كتير وهاتحتاج تكتب اهم اللي اتعلمته
⬅️٧- طقم خفيف زيادة عشان لو حبيت تغير في مطروح .......................💪💪💪💪💪
أي حد سافر في رحلة وحابب يضيف حاجه يبعتها في كومنت ويشاركنا الخبرة بتاعته 🏆

08/05/2023

مبروووووو ك مبروووووك ،
شكرا لكل اللي اتوقع ومبروك للي اتوقع صح كنا نتمني اللي يكسب الرحلة يبقي اكتر من كده ،
Shimaa Ghaleb Mony Àshraf

08/05/2023

كلها كام ساعة ونعلن عن سعر الرحلة والفائزين ،
ياتري اللي مش هايفوز هايبقي عنده روح المغامرة ويبارك للي فاز ويحجز المغامرة ديه ؟

08/05/2023

اللي مش هايطلع مغامرة الصحراء ممكن يطلع مغامرة البحر ، إحنا بتوع الفرهدة ،🤪
اللي نفسه يجرب رحلة اليخت ويبات في البحر علي اليخت العظيم ده ، وكمان يصطاد وينزل البحر ،
الرحلة ديه برضه للمغامرين فقط عشان هاتنط فيالبحر يعني هاتنط ، 🥳
إسال عن تفاصيل الرحلة بس بعد مسابقة الفرهدة ماتخلص ،
واللي برضه هايتوقع اليخت ده في منطقة إيه في البحر الاحمر ليه جايزة حلوة بس المرة ديه مش رحلة هدية ،
لا المرة ديه لعبة هدية من nilco ،متقدمه من Soulmate Studio اللي حب يشاركنا المغامرة وجايبلنا كل الالعاب اللي هانلعبها مع بعض علي اليخت ،
#مغامرة #صيد #رحلة #الفرهدة

07/05/2023

رحلة التوفير مغامرة اللي نفسه يعمل مغامرة بس عايز يوفر فلوس ،
عارفين الناس اللي بتطلع اوروبا وبتحاول توفر في اي حاجه عشان يعرف يروح اكتر بلاد ، ماعندهمش مشكلة ياخدو مواصلات من اول ايطاليا لحد اسبانيا مش مهم الوقت اللي هايقضوه في الطريق المهم متعة الرحلة ،
إحنا بقي بنأهلك لده بعد ماتفهم يعني ايه سفر في مصر ويعني يه مغامرة وروحها ، هانطلع رحلة التوفير لأوروبا اللي هو حرفيا ممكن ماتصرفش اكتر من ١٠ اللاف جنيه في رحلتك لأروبا بالطيران رايح جاي ، بس اللي هايقدر يعمل ده في مصر هو اللي هايقدر يعملها في اوروبا ،
إعتبر رحلة المغامرة في مصر تمرين لمغامرة لأي جزء في العالم ،
جهز نفسك وكل اللي عليك وفر فلوس بسيطه وهانقولك تبدء مغامرة منين وهانقولك برضه أيه اهم الحاجات اللي هاتاخدها في شنطتك عشان ديه هاتبقي رفيقة رحلتك ،
متحمس للمغامرة معانا ،
يالا بينا في رحلة - a trip
#المغامرة #استمتع

06/05/2023

الحياة لعبة كبيرة ولو مافهمتش ليه احنا عاشقين للالعاب هاتفهم ان ده تمرين عشان نعرف نلعب اللعبة الكبيرة،
لو انت في الحياة قافل علي نفسك وواخدها جد ومن أأقل محاولة بتفقدها، بتتضايق وبتتوتر وبتحس ان المحاولات خلصت يبقي انت لسه مافهمتش ،
الحياة زيها زي اي لعبة محاولاتها لا تنتهي بس خلي الحماس والمتعه هما الوقود بتاعك ،
لما بتخسر في اي لعبه بتعيد اللعبة وانت متحمس ومستعد اكتر ومركز انك ماتكررش غلطاتك اللي فاتت ،
مافيش لعبه فيها روتين ثابت
الالعاب لازم يبقي فيها حركة وتطوير وهيا ديه برضه الحياة ،
العب سافر اكتشف خلي روح المغامرة جواك ،
حاول مرة واتنين واستمتع بكل لحظه في اللعبة ،
متحمس تلعب ، متحمس لاي مغامرة حتي لو مغامرة في كتاب ،
#المغامرة #استمتع

06/05/2023

رحلة المغامرة والمتعه والفرهدة

🎉🎉🎉المسابقة خلصت ( مبروك للفائزين ) 🎉🎉🎉
سعر الرحلة ١٢٥٠ جنيه ✴️
ابعت رقمك واسمك عشان تلحق تحجز معانا ✴️

٣ ايام ليلتين مليانين مغامراااات
ماعندكش حجه خالص دلوقتي
🚤رحلة -a trip🚁
بتعمل عظمه ،
اللي بيحب الانتخه مايكملش البوست
+18 المغامرين فقط
قررنا اننا نوفرلك رحلة جامدة جدا ودسمه جدا وفيها اماكن عمرك مازورتها ولو هاتفكر تزورها فانت عايز بنك 😊
بس احنا عشان بتوع مغامرات قدرنا نوفرهالك بأقل سعر ممكن وبأعلي جودة ممكنه 💪
تعالو معانا نشوف المغامرة ديه هاتبدء منين وخلي السعر مفاجأة🧚‍♀️ عشان بجد إحنا بنعمل عظمه
بداية الرحلة من القاهره الحبيبه
هانركب اتوبيسنا السريع 🚍
الرحلة عبارة عن ( مرسي مطروح - سيوة - العلمين )

هانطلع علي بلد الجمال والروعه مرسي مطروح بجمال بحرها وروعه مناظرها
هانطلع نسيب الشنط بتاعتنا ونغير لبسنا عشان ننزل البحر اللي قدام مكان إقامتنا مباشرة ، عشان نروح احلي الشواطيء وننزل البحر الرائع بألوانه اللي مافيش زيها في مصر 🌊🌊
اللي يحب هناك ياخد جولة حره ينفع يعمل كده بس من غير مايشتري حاجه لان لسه وقت الشوبينج ماجاش وديه المفاجأه 🎲🎲

هانخلص مغامرتنا هناك ونبيت عشان ٥ الفجر هانطلع علي إيه ( نغااااامرة قولنا )
هانركب اتوبيسنا المريح ونطير علي اجمل بقاع الارض واللي هاتبقي بنبونايه المغامرة ديه
✨️✨️✨️سيوووووه ✨️✨️✨️
سيوة يعني الروعه والجمال والطبيعه والمتعه والاستشفاء وقووووول اللي انت عايزة عشان هيا تستاهل✨️🏆
سيوة بقي اول ماهانوصل هانروح اجمل مكان هناك حرفيا جزيرة امبياما 🏝
الجزيرة ديه بقي في بحيرة سيوة الأم ،
البحيرة اللي اول ماهتشوفها هاتغير فكرتك عن البحيرات لانك مش بتشوف اخرها هاتحس انها بحر مش بحيرة ، هانحط شنطنا في الخيم واللي عايز يغير هدومه عشان هناك قصه تانيه خالص 🏞🏝🏞
هاننزل البحيرات المالحه اللي اول مابتنزل فيها جسمك بيطفو لوحده،
يعني ديه للي مش بيعرف يعوم اصلا 🏊🏊‍♀️🏊‍♂️
وهاننزل عيون المايه السخنه وهانطلع نعمل هايكنج في اهم الجبال هناك 🏔🏔
وهاناكل من الاكل السيوي
والبطاطا المشويه 🥔علي النار والمرشيميلو

واللي بيحبو المغامرة اوووي وشايلين شويه فلوس غلي جنب هايطلعوا السفاري الرائعه اللي مافيش زيها في اي حته في العالم لأن ده بحر الرمال العظيم ،
وبعد ماهنشوف جمال سيوة هاناكل احلي عشاء سيوي ( ابو مردم ) الاكل اللي بيستوي تحت الرمل واللي عايز يركب خيل هايركب واللي عايز يتزحلق علي الرمال هايعمل كده .
أنا متحمس جدااا .
إنت متحمس ؟؟
من الاخر هناك احلم بس وحلمك في اي مغامرة هايتحقق ، 😍
وبعد كده هانحضر الحفله السيويه مع الاغاني السيويه التراثيه المذهله ،
واخيرا هانركب اتوبيسنا السريع ونرجع وهانتحرك علي طول علي روعة من روائع المدن الجميلة العلمين المدينه اللي هاتبقي عروس المتوسط بعد إسكندرية ،
بجد تفتخر بإنها علي ارض مصرية حاجه كده اللي ما شافهاش فايته كتير 🎊
واللي بيعشق الصور هايلاقي كل حاجه هناك ينفع يتصور معاها 🤩🤩
انا متحمس ...ياتري إنت متحمس ؟؟؟ ،
الرحلة ديه للي ماعندهمش وقت واللي بيحبو المغامرة مش للناس اللي بتحب الانتخه ولو انت من الناس اللي بتحب الانتخه عندنا برامج تانيه للانتخه ومن فضلك سيبلنا المغامرة ديه وسيبنا نعيشها بفرهدتها ،
عشان ديه للمغامرين فقط 😗
المغامرة ديه كلها شامله
الانتقالات كلها
بيات ليله في مرسي مطروح
والتخييم في سيوة
والمزارات
بالنسبة للوجبات
فطار وعشاء سيوة فقط
عند إضافه فطار وعشاء مطروح يتم إضافه ٢٥٠ جنيه للفرد
السفاري فقط هو اللي للي عايز يطلع بمصاريف منفصله ،
وديه سعرها ٥٠٠ جنيه منفصله عن سعر الرحلة
عشان تحجز في المغامرة ديه ابعت رسالة فيها
⬅️اسمك ورقم تليفونك
⬅️الحجز قبل الرحلة ب٥ ايام
⬅️ الرحلة
الذهاب يوم 13/5 والعودة يوم 16/5
⬅️التجمع في ميدان مصطفي محمود السبت 13/5 الساعه ١٠ مساءأ

وإذا عايز تعرف الرحلة ديه بكام سيب كومنت بتوقعك عن سعر الرحلة واللي هايتوقع صح هايطلع مجانا ،
المسابقه لمدة ٢٤ ساعة فقط
عدد ٥ فائزين فقط
تنفذ الشروط والأحكام
المسابقة انتهت
مبروك للفائزين

06/05/2023

أنا متحمس للغاية لاستكشاف جمال البلدان المطلة علي البحر الابيض ،
ومتحمس لإكتشاف صحراء سيوة الساحرة - أرض الجمال والسحر! لا استطيع الانتظار لبدء هذه الرحلة الرائعة،

06/05/2023

لقد حظيت للتو بأروع رحلة إلى البلد الساحرة ، لقد استكشفت جزر سيوة الغامضة والمذهلة وجمال الصحراء. لقد كان ساحرًا حقًا! إذا كنت تبحث عن مغامرة ، فإنني أوصيك بشدة بزيارة سيوة!

06/05/2023

الجبل الأبيض أنا متحمس للغاية للقيام برحلة إلى سيوة ،
بلد الجمال الساحر! لا أطيق الانتظار لاستكشاف جزيرة إمبياما وصحراء الجبل الأبيض المذهلة
- ستكون مغامرة العمر!