Guide / mostafa mohamed

15/12/2024

الصور الاول من جولتنا فى الاسكندرية الجمعة 13-12-2024
جولة مختلفة وجديدة وشيقة
أول مرة التحرك فى الاسكندرية بالانتقالات الداخلية
وايضا التحرك من القاهرة فى الذهاب والعودة الى الاسكندرية
عبر وسيلة قطار السكك الحديد
كنوع من التغييرو الابتكار فى جولاتنا كالمعتاد
كما كانت زيارتنا مليانة بالاماكن الجيددة والمختلفة
زى
المدرج الرومانى
جامع النبى دنيال
شارع فؤاد
شارع التماثيل ومحطة الرمل
وايضا جولة حرة كانت ممتعة فى اكلة سمك حلوة من مطعم شعبان
وان شاء الله انتظروا الفوج التانى لينا فى رحلة الاسكندرية قريبا
التصوير يرجع الفضل الاول / مصطفى محمد مؤسس صفحة جوتاريس
الشرح يرجع الى كلا من / الاستاذ هيثم من ابنااء الاسكندرية
ومرشدنا السياحى / مصطفى محمد
وعلشان تعرفو اكتر عن جولاتنا القادمة تابعونا على صفحتنا
ودا اللينك الخاص بينا لجروب الواتس اب
https://chat.whatsapp.com/BnN8gdVmEVwITFyTAK2FCX

https://www.facebook.com/slahaldyn406/posts/pfbid02381YcLsDork3zJFvtfHtsbN7pzD1T4YNj2LuDTFUPNCAvR9dEvZbZ7XMsxp84wRyl

03/12/2024

رمسيس مش فرعون موسى
طيب لية بنقول الكلام دا
الواحد مع الاسف بقى يشوف الساحة مليانة هبد وكلام كتير عن الموضوع دا واراء من وحى الخيال ودرب العقل
ولكن انا هقول تحليلى بشكل مبسط علشان الدااااااارس تاريخ واثار يفهم ويحلل الكلام دا ويحاول يفتح الكتب معايا
واللى مش دارس بردو هيفتح المراجع وهيدور ورايا بالعفل والمنطق
تعالو كدا نحسبها ونملكها وكل واحد لية عقل هيحكم وهيرجع لية .................................................................................
1-طبقا للترتيب الى اتكلمت علية فى بوست قديم عن ترتيب الاسر المصرية القديمة ودا اللينك بتاعة جايز ترجع لية وتفهم الى هقولة
https://www.facebook.com/slahaldyn406/posts/3105026596400937
2-رمسيس التانى المعروف عنة حكم فى فترة الاسرة ال19 عصر دولة حديثة
3- رمسيس التانى حكم مصر لفترة 67 سنة
4- رمسيس التانى يبقى ابن الملك سيتى الاول اللى لية معبد خاص بية فى مدينة سوهاج
وخلى بالكم من النقطة دى ان ابو رمسيس كان بيحكم ولية معبد فى صعيد مصر
5-رمسيس التانى كان لية عدة زوجات وخلف ابناء وبنات كتير وصلوا ل 100 ابن وابنة
اشهر بناتة ميريت امون وليها تمثال شهير فى مدينة اخميم فى الصعيد وخلو بالكو بردو من النقطة دى
6- رمسيس التانى لية زوجات كتير ولكن اشهر زوجاتة هيا الملكة نفرتارى اللى ليها معبد خاص بيها فى ابو سمبل لدرجة انو الراجل ما كان واقع فى غرامها قال ( هيا التى تشرق الشمس من اجلها )
7- رمسيس التانى الاثار الخاصة بية والتماثيل والمعابد من اسوان وحتى السلوم فى كل حتة ضفاف نهر النيل العظيم
8- رمسيس التانى لية اولاد حكمو مصر من بعدة واشهرهم مرنبتاح وفى ابناء ماتو فى حياتة دا غير قائمة كاملة من ابنائة اسمهم بردو رمسيس ولية موميات وجثامين موجودة حتى الان فى متحف الحضارة القومى بالفسطاط
9- رمسيس التانى العاصمة الى كان عاملها وعاش فيها هيا حاليا مدينة الشرقية بالتحديد صان الحجر او كما كان يطلق عليها ( بر رعمسيس)
دا غير مقر الحكم الاصلى فى طيبة كمان
10- رمسيس التانى توفى عن عمر 93 عام وكان عندو خشونة فى الركبة وسرطان فى العظام
وعدم المقدرة الكاملة على ركوب الخيل نهائيا وكان علية اعراض شيخوخة كبيرة ودا الى اثبتة الفحص لما المومياء كانت فى فرنسا قبل كدا
11- الفحص كمان اثبت لما راحت المومياء فرنسا انها انو الملح اللى موجود فى الئة كان من ملح وادى النطرون الى بيستخدم فى التحنيط مع الخلط بزيت بذرة الكتان الحار ودا موجود فى كل الموميات
12- مملكة رمسيس التانى كانت ممتدة من النوبة فى الشلال التالت وحتى شمال سوريا مرورا بفلسطين ولبنان ورفح وسيناء وكل ما حوالها
13-رمسيس التانى كان بيسجل كل المعارك والحروب الى دخلها على جدران المعابد ومسجلش اى حروب دخلها فى وقتة مع اليهود نهائيا او اتكلم عنهم اصلا
14- رمسيس التانى فى عصرة مصر كانت فى ازهى عصورها من قوة اقتصادية وعسكرية كبيرة جدا وكمان التشيد المعمارى فى عصرة كان كتير جدا من معابد ومسلات ومقابر واساطيل بحرية وبرية على مستوى رفيع جدا
دا باختصار شديد عن رمسيس التانى
___________________________________________________________
فرعون موسى
1- اولا فرعون هو اسم شخص وليس لقب ملكى
واللينك دا فى وجهة نظر كاملة عن الموضوع دا
https://www.facebook.com/slahaldyn406/posts/pfbid02XbNQUMcr6QmNYmNvMTLSaZqD4UcNYWpAwyHPeeyDbc5JCyJxAkHKYYgYrYMmUWXdl
وتقتنع او تقتنع بالكلام دا انت حر طبعا ولكن ارجع لتفسير القراءان الكريم والعلماء واللينك دا انا موضح فية رمسيس اسم مش لقب
2- فترة وجود فرعون كانت ايام حكم الهكسوس فى الفترة من الاسرة ال15 والى الاسرة ال17 يعنى ملهاش علاقة بفترة حكم رمسيس التانى فى الاسرة ال19
و غيرمحدد بتاريخ اى ملك من ملوك الهكسوس الى احتلوا مصر وبالتحديد ليس مصر كلها بل جزء بسيط فى الشمال الشرقى بالتحديد مدينة ( تل الضبعة )
3- فرعون موسى تزوج من اسيا بنت مزاحم وهيا زوجتة الوحيدة
وكانت عاقر
4- فرحة اسيا لما شافت سيدنا موسى اول مرة وكان فرعون هيرفض دخولة القصر يأمر بقتلة
بيدل على انهم مكنش عندهم ولد
وربنا فى كتابة العزيز قال عن القصة دى
بسم الله الرحمن الرحيم
(وَقَالَتِ ٱمْرَأَتُ فِرْعَوْنَ قُرَّتُ عَيْنٍۢ لِّى وَلَكَ ۖ لَا تَقْتُلُوهُ عَسَىٰٓ أَن يَنفَعَنَآ أَوْ نَتَّخِذَهُۥ وَلَدًا وَهُمْ لَا يَشْعُرُونَ)
5- فرعون وهامان وموسى وهارون وقارون ويوكايد ام موسى واسيا بنت مزاحم
كل دى اسماء اعجمية لا تمت بالاسماء امصرية القديمة ونسبها الالهى والملكى بصلة
6- فرعون موسى
فى عصرة ربنا انزل علية الغضب
وتمثل فى الطوفان والجراد والقمل والضفادع والدم والبق على الرغم انو الموضوع دا مفيش تاريخ مصرى فى ولا عصر اتكلم عنة الا فى برديات من نهاية العصر الدولة الوسطى يعنى بعيد عن رمسيس التانى
7- ربنا لما ذكر فرعون عن حياتة وعن اثارة قال فى كتابة العزيز
بسم الله الرحمن الرحيم
الكريم "ودمرنا ما كان يصنع فرعون وقومه وما كانوا يعرشون" الأعراف الآية 137
يعنى اى شئ يخص مملكة فرعون دمرت على عكس مملكة سيتى الاول ورمسيس التانى حتى الان ليهم معابد واثار كاملة وليهم جثامين
8- فى وقت مطاردة سيدنا موسى وعبورة البحيرة او البحر او اليم
لو حسبتها هتلاقى انو ازاى فرعون يطلع بكل جنودة ويغرق فى البحر على الرغم انو لية مملكة على الجانب التانى يعنى كد كدا موسى هيحاصر وهيقع بردو ولكن دا محصلش وموسى استمر فى رحلتة ونزل على سيناء وفضل فى التية 40 عام ومات ولم يدخل فلسطين لا هو ولا الجيل الى امن من قومة
9- هل رمسيس التانى لو هو فرعون موسى يا سيدى
هيجرى ورا سيدنا موسى اكتر من 100 كيلو من العاصمة فى الشرقية لحد حدود السويس وهو فى سن الشيخوخة دا وهل صحتة كانت حلوة فى التوقيت دا ؟ وسنة كبر ؟
10- مفيش ولا خرطوش ملكى اكتشف بيؤكد انو فرعون موسى هو رمسيس التانى
ولا قصة وفارق السنوات والفترات ما بين الهكسوس والاسرة ال19 كبير جدا
11- فى البند رقم 7 واطلع فوق كدا
ربنا مش هيضحك علينا ربنا بيقول انو دمر كل ما يمتلك فرعون واثارة وجنودة
طيب لو فرعون موسى هو رمسيس ازاى رمسيس التانى لية اثار فى اسوان والاقصر والمنيا وسوهاج وسقارة وميت رهينة والاسكندرية والشرقية كل الاماكن دى اماكن خاصة برمسيس يبقى ازاى بتقنع نفسك بالموضوع دا
فى النهاية دور واقرى كتير وانت وعقلك وانت وقرارك فى النهاية تصدق او تكدب انت حر\
واسف انو انا طولت عليكم كل الكلام دا

24/11/2024

18/11/2024

من جديد انتظرونا على راديو اذاعة القاهرة الكبرى 102.2
برنامج حواديت اله الزمن
تقديم الاستاذة حنان سالم
و3 حلقات مهمة عن نساء فى حياة مصر
الحلقة الاولى والتانى عن شخصية ( دورثى ام سيتى )
الحلقة التالت عن شخصية وحكاية ( قطر الندى )
ايام
السبت 23-11-2024
الاحد 24-11-2024
الاتنين 25-11-2024
الساعة 7 مساء على راديو القاهرة
وعلشان تتابعوا الحلقات السابقة تقدروا تتابعوها على قناة اليو تيوب الخاصة بينا ( اعرف اثار بلدك )

10/11/2024

Again with a new friend from India and a different new tour inside the Egyptian Museum and the complex of religions
@متابعين@أبرز المعجبين

04/11/2024

صور من جولتنا البرايفت
من داخل الاهرامات الجيزة ومعرض ( الابد هو الان )
استمتع بالجولة استمتع معنا 55 مشترك لجولة الاهرامات من ابناء مدينة الشيخ زايد الجميلة
وكان الجولة عبارة عن الاتى
1 شرح مقدمة عن التاريخ المصرى
2- شرح تفاصيل عن عصر بناة الاهرام
3- شرح تفاصيل ونظريات الهرم الاكبر
4- شرح منطقة محاجر هرم خفرع
5- شرح منطقة ابو الهول ونظرياتة
6- شرح معبد الوادى
7- الاستمتاع بالمعرض وعمل سيشن صور لكل الحاضرين
ولو حابين تشاركونا فى نفس الجولة دى
عندنا جولة الجمعة الجاية 8-11-2024
وتفاصيلها داخل اللينك دا
https://www.facebook.com/events/1716893298853121/?acontext=%7B%22event_action_history%22%3A[]%7D
ومتبقى 10 افراد مع العلم اخر ميعاد للحجز الثلاثاء القادم
تصوير / مصطفى محمد

31/10/2024

متبقى 5 افراد لجولة المتحف المصرى يوم السبت القادم
مين معنا

30/10/2024

انتظرونى قريبا من جديد عبر راديو اذاعة القاهرة 102.2
مع برنامج حواديت اله الزمن
وحلقات مهمة بعنوان
شخصيات من حياة المصريين

30/10/2024

عندنا جولتين مهمين جدا فى شهر 11 /2024
الجولة الاولى المتحف المصرى
يوم السبت 2-11 والتفاصيل داخل الجروب دا
https://chat.whatsapp.com/KX6iDFpaFdu78yjfnQhZVY
الجولة التانىة
اهرامات الجيزة ومعرض الابدية
الجمعة 8-11 والتفاصيل داخل اللينك دا
ودا لينك الجولة
https://chat.whatsapp.com/DBdv9jPfebHFUFGOFkrQDI

22/10/2024

مساء الخير عليكم
كلة يشد كرسى كدا ويقعد يقرى القصة دى خصوصا البنات
تعالو مع بعض نشوف القصة دى بتاعت
( قطر الندى )
عارفين الاغنية بتاعت
♫♪ .. الحــنة .. ياحـــنة ... ياقـطــــر النــــدى .. ♫♪
الغنوة دى ليها اصل وحدوتة وحكاية ورواية وقطايف ولطايف زى ما بيقول معلقنا ايمن الكاشف فى مباريات الكورة
عارفين لية
هو الاول تعالو نسال مين هيا قطر الندى
اسمها فى الاصل اسماء بنت خماروية ابن احمد ابن طولون..
المهم مات عمنا احمد ابن طولون وجية من بعدة خماروية كان نسخة من ابوة فى القوة والحزم مع تفوات الاراء انو كان حنين وبيحب الدلع والستات
بس خلينا فى المهم
طبعا فى الوقت دا الخليفة العباسى فى بغداد معجبوش الوضع فى مصر
وشايف انو الخلافة فى بغداد بقت ضعيفة وبتعانى من فقر الجيش والمال
وشايف انو مصر منفضالة ومتفعش الخراج السنوى علشان تقوى من الدولة فى العراق وتسيطر على مصر زى الاول
والحقيقة انو خماروية كان عاوز يحافظ على الحكم فى مصر
ومن ناحية تانية ميخسرش الخلافة العباسية
قام بحركة صايعة
وطبعا مش هيروح للمعتضد يرميله الفلوس ع الترابيزة
ويقوله اتنازلى بعقد ..
لأ جابها من ناحية تانية وقالك نناسبه
ويبقى بينا مصاهرة وعلاقات وكدا
والمثل ف مصر بيقولك ايييييه يا خمارويه .. ؟
اخطب لبنتك ولا تخطبش لأبنك ..
عنها وسمع الراجل الكلام وبعت مرسال للخليفة
يقوله جوّز ابنك لبنتى
واهو يبقى زيتنا ف دقيقنا
والبنت بنتكو ونجيبها لحد عندكو
واحنا بنشترى راجل ...
.. قوم المعتضد يشوف حركة الصياعة دى
فيرد بأصيع منها
ويقول للمرسال يرجع لخمارويه يبلغه الآتى . المعتضد بيقولك . ابنى المكتفى .. مكتفى بحريمه اللى عنده ..
ويتجوزها هوه ليه .... ما اتجوزها انا !!!!
طبعا خمارويه إتفاجا ومقدرش يرد الطلب ..
ولما يحسبها هيلاقى نفسة كسب مرتين
اولاا كسب ولاء الخليفة وثانيا حفيدة ابن المعتضد هيبقى فى يوم لية نصيب فى الخلافة العباسية وربنا دماغة كانت عالية الراجل دا
المهم نرجع لبطلة قصتنا قطر الندى ...
البنية كانت بنت 14 سنة
ومهيئة للجواز من شاب .. صح ؟
إذ بيها يا نضرى تستفؤجى
ان العريس اتبدل وهتتجوز راجل قد ابوها ويمكن اكبر . ومتجوز ومخلف
وبيحتقر باباها ف الكوتيم و أفلام هندى كتير كدا
فتنكتم وتزعل وأبوها يقرر يعوض عنها
ويعملها فرح بليلة حنة متعملتش لعروسة قبلها ف الدنيا بحالها . ويبتدى يجهزها و يحضرها للسفر لعريسها
ويعملها ليلة حنة أربعين ليلة
تنقاد فيها الشموع
ويتوزع على البنات اللى بتتجوز ف نفس التوقيت دا ...
أكوام اكوام م الحنة
وتتمد الموايد والأكل اشكال واصناف
عمر الشعب الغلبان دا ما شافها ..
وبقولكم كان بيربى اسود وزراف ..
فمتخليين كان بياكل ايه حضرته ؟!!!
الخليفة المعتضد .. خليفة بقى وكدا
فدفع لقطر الندى مهر مليون درهم
وكان أعلى مهر ف الزمن دا ..
قوم يرد عليه خمارويه ويجهز البنت ب40 ضعف المبلغ
الحاج خمارويه عشان ميزعلش قطر الندى
ويحسسها بالغربة والوحشة وكدهون ..
قرر يبنيلها محطات سفر ع الطريق
استراحات ترقى لمستوى القصور ..
تتبنى ف طريقها للسفر لعريسها ..
وشوفوا انتوا بقى السكة من القطائع للعراق قد ايه ؟؟؟
وسافرت قطر الندى ف صحبة عماتها وحاشيتها
لحد ما وصلت لقصر عريسها الخليفة المعتضد ..
اللى كان لسه راجع من اخماد ثورة
ومش طايق نفسه وكدهون
طبعا ضرتها مرات الخلبفة مكنتش طايقها اكتر
والواد المكتفى
العريس اللى متجوزهاش كان قلقان منها
اكمنها صغننة
لتاكل بعقل ابوه حلاوة ..
والموقف مكهرب
وبس كام يوم والمعتضد راق
واتجوز البنية بعد جو الإرهاب دا ..
وعاشت معاه 4 سنين وشوية بما يرضى الله
ومتدلعة منه ...
لحد ما ربنا افتكره
ومسك ابنه المكتفى مكانه ..
فراح مصادر فلوسها وجواهرها ..
وست الحاجة نينة ام المكتفى (ضرتها)
خرجتها من الجناح بتاعها وقعدتها ف اوضة عادية
واتعاملت زى الجوازى والحريم ..
فالبنت طبعا بنت العزّ
وسليلة القصور شالت ف روحها
ومبقاش عندها لا زوج
ولا أب فزهدت ف الاكل لحد ما ماتت
ماتت
وهيا ف عز شبابها ..
ماتت جعانة ومكسورة
وهيا ف يوم ما كانت كل البنات تتمنى تكون مطرحها
وتتجوز جوازتها
وتشوف العز اللى شافته ..
وتوتة توتة خلصت الحدوتة
وعلشان تعرفو عن جولتنا فى المكان دا الجمعة الجاية
كل التفاصيل داخل اللينك دا
https://www.facebook.com/events/534075319257390/?active_tab=discussion
تابعونا على كلا من ..................
على الواتس اب دا الجروب الخاص بينا
https://chat.whatsapp.com/EhZgmqXwheyAnUj1qMgofJ
وعلى الفيس بوك صفحتنا اعرف اثار بلدك
https://www.facebook.com/slahaldyn406

20/10/2024

https://youtu.be/rIjk8Ebo7Cs?si=2ttKiv9ywom-jIvR
حلقتنا مع قناة النيل الثقافية
عن الجبانة المنفية كاملة
مع أدمن الصفحة
المرشد السياحى / مصطفى محمد
يارب تنول اعجابكم ومتنسوش جولاتنا الجمعة والسبت القادمين

قناة النيل الثقافية - برنامج نورت مصر - حلقة 2024/10/17 - إعداد / هالة دحروج وفقرة مع المرشد السياحى مصطفى محمد عن منطقة سقارة التاريخية #الني...

18/10/2024

جولة مهمة ترفيهية وتاريخية اثرية
فى احضان قلعة صلاح الدين الايوبى
هنعرف فيها احداث مع عصور مختلفة وهنشوف مصر بعيون جميلة ومختلفة
وتعالو نعرف البرنامج
-----------------------------------------------
أولا التجمع والإنطلاق
التجمع والإنطلاق
التجمع من 9:30 حتى 10 صباح يوم السبت الموافق 19/10/2024 امام الباب الرئيسي للقلعة فى الاعلى
والإنطلاق الساعة 10 صباحا بجولة للشرح داخل القلعة ومسجد محمد على .
█▀▀▀▀▀▀▀▀█
� ملخص الزيارة �
█▄▄▄▄▄▄▄▄█
الرحلة تشمل شرح الاتى
1- شرح فكرة بناء القلعة
2- اسوار القلعة واابراج القلعة من الداخل
برج الحداد والرملة
3- شرح مسجد محمد على
4- دخول البانوراما الحربىة والمتحف الحربي
5- دخول سجن القلعة
6- دخول البانوراما
7- جامع سارية الجبل
الزيارة هتنتهى الساعة 3
::::::::::::::::::::::::::::::::
█▀▀▀▀▀▀▀▀█
� سعر الرحلة �
█▄▄▄▄▄▄▄▄█
تكلفة الزيارة 55 جنيه للفرد العادي غير شاملة تذاكر الدخول .
تكلفة الزيارة للأطفال من سن 6 سنوات وحتي 12 سنة 25 جنيه غير شاملة تذاكر الدخول
سعر تذاكر الدخول للقلعة للمواطن العادى 60 جنيه وللطالب 30 جنيه وطلبة أثار وارشاد وتاريخ وفنون جميلة بيدخلوا بالكارنيه .
يتم دفع الاشتراك
::::::::::::::::::::::::::::::::
تعليمات هامة
1- إتباع تعليمات الأمن والمنظمين عند الدخول والخروج
2- المحافظة على المكان لأنه ملك للجميع
3- احضار بطاقة تحقيق الشخصية للإحتياطات الأمنية ( ضرورى )
:::::::::::::::::::::::::::::::::::
طريقة الوصول للقلعة :
1- اركب ميكروباص او اوتوبيس للسيدة عائشة وانزل ميدان السيدة عائشة وهتتمشى 5 دقايق هتلاقي نفسك قدام القلعة .
2- ممكن تركب مترو وتنزل محطة مترو الملك الصالح وتخرج من ناحية اتجاه المرج وتركب عربية للسيدة عائشة هتنزلك فى الميدان وتتمشى شوية لغاية القلعة .
3- ممكن تنزل ميدان عبد المنعم رياض وتركب الاوتوبيس اللى رايح المقطم هينزلك امام القلعة مباشرة .
:::::::::::::::::::::::::::::::::::
كيفية الاشتراك
العدد مفتوح للجميع والجولة مناسبة لجميع الفئات
وعلشان تشارك معانا كل الى عليك
التحويل على فودافون كاش على رقم 01006425901
فيها الاسم وعدد الافراد فقط لا غير وبكدا تبقى شاركت معنا
الواتساب : 01006425901 مصطفى محمد
الواتساب : 01220165551 مصطفى محمد
وعلشان تعرف عننا اكتر
صفحة الفيس بوك (اعرف اثار بلدك )
https://www.facebook.com/slahaldyn406
لينك واتس اب
https://chat.whatsapp.com/JbKsfPzUDnu1DyTpc0y5lr
لينك الانستجرام
https://www.instagram.com/salah_aldyn_22/
لينك جروب الفيس بوك
https://www.facebook.com/groups/1517694731813085
لينك قناة اليوتيوب
https://www.youtube.com/channel/UCH6WQKGLWJf6iHpLkg5dESg
لينك الايفينت
https://www.facebook.com/events/525544543520381/?active_tab=discussion

17/10/2024

النداء الاخير لجولة قلعة صلاح الدين السبت القادم

15/10/2024

متاح عمل جولات ارشادية ( برايفت )
لكل الاسر والعائلات سواء ن مصرى الجنسية او من اى دولة عربية
للتواصل واتس اب
012 20165551
01006425901