https://www.facebook.com/100942421909324/

Luxor in pocket, Luxor (2024)

26/09/2022

هتقدر تعرض تفاصيل شغلك ومنتجاتك لكل الناس في الاقصر من خلال رسالة سريعه هتعلق في دماغهم وهما معديين وهيفضلوا دايما فاكرينك 👌
احجز معانا وعرّف كل الناس بيك وزود حجم انتشارك ومبيعاتك 💰💙

إحجز مساحتك الاعلانيه الآن
📱 012 100 3 9000

your success partner

10/01/2021

استنيتوا كتير !!!!
معلش بس أكيد الوقت يستاهل .... انا مين ؟؟
اعرفكم انا مين انا دليلك لكل مكان في الاقصر ....
يعني مش هتحتار في انك تروح الاقصر وتقول انا هخرج فين !! لأن انا هقولك تخرج وتروح فين .....
وخليني ابدأ علي طول بشارع من شوارع الاقصر
شارع سان جوزيف
وكانت البداية بفندق سان جوزيف واللي هو بداية من شارع خالد بن الوليد ونهاية الشارع من شارع المدينة المنورة والشارع كمان علي اسمه ....
فندق سان جوزيف يبعُد عن محطة قطار الأقصر مسافة 700 متر ومعبد الأقصر مسافة أقل من 5 دقائق لو معاك عربية و 15 دقيقة مشي , الفندق بيتكون من 7 طوابق وفيه 75 غرفة وبيتميز بالهدوء .
بعد فندق سان جوزيف واحنا مكملين في طريقنا لشارع المدينة المنورة هنلاقي فندق (فلوباتير) وهو من الاماكن الهادية اللي للأسف مغلق من فترة.
بعد الفندق مباشرة هنلاقي مركز الاقصر الطبي واللي بيقدم خدمة طبية ممتازة علي مدار 24 ساعة وبيتسقبل طوارئ وفحوصات علي مدار اليوم يعني مش هتدور علي مكان تاني بعيد عن الشارع عشان تسأل دكتور .
لو حابب ترجع للزمن الاصيل والقعدة الهادية اللي كلها أغاني الست والعندليب متحاولش تطلع من الشارع لأنك حرفيا وانت ماشي هتلاقي قهوة المحروسة , المشاريب زي أي مكان ومش غالية خالص لانك في مكان شعبي بس في اللذيذ يعني.
(Arkwrights)
سوبر ماركت هتلاقي فيه أي حاجه عايز تشتريها او بتدور عليها سواء مصري أو اجنبي والمكان مفتوح 24 ساعه , وبيساعدك تلاقي الحاجه بسهولة من غير تعب و بأسعار كويسه ليك متقلقش.
طبعا انت كده فاكر الشارع سياحي وكده .. أحب اقولك متتسرعش لان وانت مكمل في طريقك هتلاقي مطعم ( أحباب المصطفي ) يعني فول وطعمية وبطاطس والاكل الشعبي اللي كلنا بنحبه موجود في سان جوزيف من الاخر كده الشارع فيه كل حاجه بس انت اتقل ..
ستووووب بقي وتعالي هنا (رصيف نمرة 5) مكان هادي بشكل رائع مشروبات ومأكولات وكل حاجه بديكور ومكان شيك.
وبعده مباشرة موجود paparika مكان جديد لسه هنشوف بيقدم إيه!!
A taste of india انا قولتلك مش هتلف كتير , لو عايز تسافر الهند و تجرب اكلهم تعالي هنا
Mama mia يعني أصل البيتزا ايطالي
pizza roma البيتزا الايطالي علي ابوه لازم تجربها
المكانين بإختصار هو حاجه كده شبيها بالميكس لو جربت واحد فيهم لازم تجرب التاني بس متنساش تدعيلي.
Bon Appetit Restaurant
ده بقي مطعم الاكل المكسيكي والمصري اللي قلبك يحبه اكل نضيف مش هتدوقه في أي مكان تاني وهدوء شديد و مفيش زحمه كبيرة تخليك تضايق من المكان واسعاره كويسة
كمل شوية لقدام هتلاقي فندق رويال هاوس الفندق المثالي ليك ولأي حد حابب يشوف عراقة الفندق الهادي بتصميمات وديكور خلاب بصراحة عجبني جدا ومش غالي علي فكرة
بعده علي طول هترجع لعهد محمد علي والمماليك في كافيه ومطعم حارة المعز بيخليك ترجع بالزمن لورا و مشروبات اختراعات بيقدمها المكان يعني برضوه هتدعيلي وانت خارج
خلصنا سان جوزيف استنونا بقي في لفة جديده
اه صحيح محتاج رأيكم بقي .......