https://www.facebook.com/104512102226420/

سفراء الحضارة

Home
Egypt
Shebin al-Kom
سفراء الحضارة

سفراء الحضارة جيل جديد من المؤرخين ، حُماة_التراث

29/09/2024

معبد الاوزيريون بمحافظة سوهاج
Taken by :- Hager ashraf

#حُماة_التراث ♥️🇪🇬

29/09/2024

مسجد الأمير أزبك اليوسفي، السيدة زينب، القاهرة
Taken by:‐ Amr Alaa

#حُماة_التراث ♥️🇪🇬

07/09/2024

نافذة بمسجد الكردي (المدرسة المحمودية)، شارع الخيامية، القاهرة ♥️🕌
Taken by:- Amr Alaa

#حُماة_التراث ♥️🇪🇬

05/09/2024

زاوية وسبيل الناصر ف*ج بن برقوق، الدرب الأحمر، القاهرة

Taken by:- Amr Alaa

#حُماة_التراث ♥️🇪🇬

03/09/2024

أسطورة بروميثيوس (سارق النار)

بروميثيوس كان واحد من حكماء التايتن، واسمه كان معناه "بعيد النظر" لأنه كان بيعرف يتنبأ بالمستقبل. ولما قامت الحرب بين كرونوس والتايتن من ناحية، وزيوس وإخواته من ناحية تانية، بروميثيوس قرر ينضم لصف زيوس، وعشان كده لما زيوس كسب وأرسل التايتن لتارتاروس عشان يعاقبهم، سامح بروميثيوس.

زيوس خلى بروميثيوس مستشاره الشخصي بسبب حكمته وبعد نظره، وكلفه هو وأخوه إبيمثيوس يصنعوا الحيوانات والبشر. إبيمثيوس صنع الحيوانات وبروميثيوس صنع البشر. إبيمثيوس خلص الحيوانات بسرعة، لكن بروميثيوس قعد فترة طويلة لأنه كان عاوز البشر يبقوا متقنين. بسبب بطئه، إبيمثيوس وزّع كل الهبات على الحيوانات: زي السرعة، الرؤية القوية، السمع الحاد، وادالهم فرو يدفيهم من البرد، وأسلحة زي القرون والأنياب، ومابقاش حاجة للإنسان.

بروميثيوس شاف حال البشر وعطف عليهم، فطلب مساعدة من زيوس، لكن زيوس مكانش فارق معاه حال البشر وكان عاوزهم يفضلوا ضعاف وخايفين عشان مايفكروش يتحدوه. بروميثيوس حب البشر أكتر، فقرر يديهم هبات كتير زي فنون العمارة، النجارة، استخراج المعادن، علم الفلك، الأرقام، الكتابة، وترويض الحيوانات وركوبها، وحاجات كتير تانية.

زيوس غضب جداً من بروميثيوس، لكنه اكتفى بتحذيره. لكن بروميثيوس مصدقش وراح سرق النار من جبل الأوليمب وادّاها للبشر. شافهم بيتجمدوا من البرد، فقرر يساعدهم، راح لهيفاستوس في جبل الأوليمب وسرق النار. البشر اتعلموا يطبخوا، وريحة الشوي وصلت لزيوس اللي عرف بخيانة بروميثيوس.

في مناسبة تانية، بروميثيوس خدع زيوس لما قدم له قربانين: الأول كان عبارة عن لحم مخبي في أمعاء الثور شكله مش جذاب، لكنه مغذي وقيمته في اللحم اللي جواه، والتاني كان عظام ملفوفة في شحم لامع شكله جذاب لكنه مجرد عظام وعديم القيمة. زيوس اختار القربان اللي فيه العظام، وبكده قدر بروميثيوس يخدع زيوس ويسيّب للبشر اللحم اللي يستفيدوا منه، والآلهة تاخد الأجزاء الأقل قيمة. ده كان طريقته إنه ينصف البشر قدام زيوس.

زيوس غضب وقرر يعاقب بروميثيوس، ربطه بسلاسل في جبال القوقاز وكل يوم نسر عملاق كان ييجي ياكل كبده، اللي كان بيجدد تاني كل ليلة، وعذابه كان أبدي. بروميثيوس استحمل العذاب عشان كان عارف إن فيه بطل هيجي ويحرره.

زيوس عرض على بروميثيوس حريته لو قاله عن النبوءة اللي تخص نهايته، لكن بروميثيوس رفض. وقرر زيوس يعاقب البشر كلهم، فأمر هيفاستوس يصنع امرأة جميلة اسمها باندورا، وأداها صندوق وقال لها متفتحيهوش. لكنها فتحت الصندوق، وخرجت منه كل الشرور في العالم، ومافضلش فيه غير الأمل.

بعد سنين، البطل هرقل، ابن زيوس، حرر بروميثيوس من قيوده بعد ما قتل النسر اللي كان بيعذبه. زيوس وافق في النهاية على حرية بروميثيوس، بس أمره يصنع خاتم من السلاسل اللي كان مربوط بيها. ومن وقتها البشر بيصنعوا الخواتم احتفالًا ببروميثيوس وتقديرًا لصنيعه

بقلم /

#حُماة_التراث ♥️🇪🇬

المصادر:

https://www.bbc.co.uk/teach/class-clips-video/articles/zn86p4j

02/09/2024

إيوان السادات الثعالبة، السيدة عائشة , القاهرة
Taken by :ـ Amr Alaa

#حُماة_التراث ♥️🇪🇬

29/08/2024

مسجد أحمد المهمندار ، شارع التبانة ، القاهرة .
من العصر المملوكي تم إنشائه سنة ٧٦٥ هجريا ، و جدده الأمير سلمان اغا القازدوغلي سنة ١١٣٥ هجريا .

Taken by :ـ Mai Yasser

#حُماة_التراث ♥️🇪🇬

28/08/2024

سقف مدرسة الظاهر برقوق بشارع المعز ، القاهرة 🇪🇬♥️🕌

Taken by :ـ Arwa Ayman

#حُماة_التراث ♥️🇪🇬

28/08/2024

(خَلِّ عنك يا أخي حديث السلطان والولاية)

بدأت الخلافة العباسية تضعف في عصر الخليفة المتوكل، وبدأت بعض الولايات في الاستقلال عن الخلافة العباسية، وكانت مصر من ضمن الولايات التي استقلت.
ولكن من هو أول والي على مصر يستقل عن الخلافة العباسية، ومن قائل تلك المقولة؟

👈🏻هو الأمير أبو العباس أحمد ابن طولون.

وُلِدَ بالعراق عام 220 هجرياً، وتولى ولاية مصر وهو عمره 34 عاماً، وكان أبوه طولون مملوكاً تركياً أرسله حاكم بخارى نوح بن أسد الساماني إلى الخليفة المأمون، وصار أميراً من أمرائه بعد ذلك، وأنجب طولون ابنه أحمد من جارية تسمى «قاسم». وكان أحمد بن طولون معروفاً بالتقوى والصلاح والكرم. ولما مات أبوه طولون، فوض إليه الخليفة المتوكل ما كان لأبيه من الوظائف.

نال أحمد بن طولون ثقة الخليفة المستعين عندما كان عائداً من طرسوس، وكان قد انضم إلى قافلة تجارية قادمة من بيزنطة تحمل أشياء تخص الخليفة، فهاجمها قطاع الطرق عند الرها، فتصدى لهم أحمد بن طولون، فاعترف الخليفة له بهذا الجميل وأعطاه ألف دينار. كان الأتراك يضايقون الخليفة المستعين، وقد حبسوا الخليفة المستعين وجعلوا أحمد بن طولون رفيقاً له في السجن، حتى أنهم كتبوا لأحمد بن طولون: «اقتل المستعين ونولّيك واسطاً» فكتب إليهم: «لا أراني الله قتلتُ خليفةً بايعتُ له أبداً!».

وعندما عاد أحمد بن طولون إلى سامراء بعد مقتل المستعين، ولاه الأتراك ولاية مصر نيابة عن واليها آنذاك (لم يكن ابن طولون قد ولي ولاية مصر بعد).
ولايته لمصر: ولي أحمد بن طولون مصر واستقل في أيام الخليفة المعتمد، وولي الشام نيابة عن باكباك التركي زوج أمه، وكان خراج مصر في يد أحمد بن محمد بن المدبر، الذي كان سيء السيرة بسبب شدته وقسوته، وحاول أن يستميل أحمد بن طولون بأن أرسل إليه 10 آلاف دينار، فرفض أحمد بن طولون الهدية، وأدرك بن المدبر أنه رجل طموح فدبر مؤامرات ومكايد للتخلص منه، لكن أحمد بن طولون هو الذي تخلص منه.
وأول ما دخل ابن طولون مصر خرج عليه ابن طباطبا العلوي فيما بين برقة والإسكندرية، وسار إلى الصعيد، فتم قتله هناك، وحملت رأسه إلى الفسطاط.
ثم ظهرت بعض الفتن والثورات الأخرى في مصر، وتمكن ابن طولون من إخمادها، وفي عام ٢٦٣ هجرياً طلب المعتمد من أحمد أن يرسل خراج مصر إليه، فرد عليه: «لستُ أطيق ذلك والخراج بيد غيري»، فقلده المعتمد خراج مصر ولاه الشام، وصار هو المشرف على جميع أعمال مصر، وبذلك أصبح أحمد بن طولون مستقلاً بمصر.

الكنز الذي وجده أحمد: في يوم ما كان ابن طولون راكباً على فرسه ذاهباً للصيد، فغرست أرجل فرسه في الرمل، فأمر بإزاحة هذا الرمل فوجد شيئاً به مليون دينار، فتصدق بها، وأنفق منها على بناء الجامع.

بناء الجامع: بنى أحمد بن طولون جامعه على جبل يشكر، وأنفق على بنائه مبالغ طائلة قيل أنها 120 ألف دينار. سأل البناؤون أحمد بن طولون عن شكل المئذنة، فأمسك ورقاً ولفه حول إصبعه وسقط بعض الورق وبقى بعضه، فقال لهم: «اصنعوا المنارة على هذا المثال» فصنعوها على مثال المئذنة الملوية بجامع أبي دلف بسامراء.

ثورة العباس بن أحمد: خرج أحمد بن طولون إلى الشام عام 264 هجرياً واستخلف ابنه العباس على مصر، وضم إليه أحمد بن محمد الواسطي وزيراً له، ولكنه أعلن العصيان على أبيه بسبب صحبة السوء، وقبض على الواسطي بسبب أنه أخبر أباه بما حدث، فعندما عاد ابن طولون إلى مصر سجن ابنه العباس وظل في السجن حتى مات في عهد أخيه خمارويه بن أحمد بن طولون.

وفاة أحمد بن طولون:
توفي أحمد بن طولون عام 270 هجرياً، والسبب أن بازمار الخادم استولى على طرسوس التابعة لحكم أحمد بن طولون، فخرج إليه أحمد بن طولون بجيشه وحاصره، فخرق بازمار نهر طرسوس فكاد الناس يموتون، فرحل أحمد ابن طولون وكتب إليه: «إنني لم أرحل إلا خوفاً أن تنخرق حرمة هذا الثغر فيطمع فيه العدو»، وعندما عاد إلى أنطاكية أكل لبن الجواميس وأكثر منه، وكان عنده طبيب نصراني؛ فقال له: «ما الرأي؟» فقال له: «لا تقرب الغذاء اليوم وغداً»؛ لكنه عندما جاع أكل من خروف وطيور، وكان مريضاً حينها فامتنع عن الأكل، وأخبر الطبيب بذلك فعالجه فعاودهُ الإسهال فخرج محمولاً من أنطاكية وركب سفينة إلى مصر، وعندما عاد إلى مصر فشل الأطباء في معالجته، ولما اشتد مرضه قرأ اليهود والنصارى التوراة والإنجيل، وخرجوا بكتبهم إلى الصحراء ودعوا له، وأقام المسلمون بالمساجد يقرأون القرآن ويدعون له، ودعا أحمد لنفسه قائلاً: «يا رب ارحم من جهل مقدار نفسه، وأبطره حلمُك عنه» ثم نطق الشهادة ومات.

بقلم/

المصادر: ١- ابن تغري بردي: النجوم الزاهرة في ملوك مصر والقاهرة.
٢-ابن خلدون: العبر وديوان المبتدأ والخبر في أيام العرب والعجم والبربر ومن عاصرهم من ذوي السلطان الأكبر.

27/08/2024

أسطورة نرجس (نركيسوس):

كان نرجس شاب وسيم، لدرجة إنه كان بيبهر كل اللي يشوفه بجماله. لكنه كان مغرور جدًا ودايمًا بيرفض حب أي حد يعجب بيه. الإلهة اللي زعلت منه اسمها "نمسيس" (Nemesis)، وهي إلهة الانتقام في الأساطير اليونانية. نمسيس كانت مسؤولة عن معاقبة الناس على غرورهم وكبريائهم.

نمسيس قررت تعاقب نرجس على غروره، فخليته يشوف انعكاس صورته في بحيرة صافية. لما نرجس شاف صورته، وقع في حب نفسه بشكل مفرط، وفضل يبص لنفسه في المياه لحد ما بقى مهووس بصورته وماقدرش يبعد عنها.

هنا، الأسطورة بتقول إنه "مات من شدة العشق"، لكن الموت ده مش بالمعنى الحرفي. المقصود هو إنه ضاع في حب نفسه لدرجة إنه بطل يهتم بأي حاجة تانية حواليه. يعني، هو عزل نفسه تمامًا عن العالم الخارجي وماعدش بيهتم لا بالأكل ولا بالشرب ولا بأي حاجة تانية، وده أدى في النهاية لموته.

ومن هنا طلع مصطلح "النرجسية" اللي بنستخدمه لما نصف حد بيحب نفسه بزيادة. وبعد موت نرجس، نبتت زهرة على ضفاف البحيرة سموها "Narcissus" وده اللي جه منه اسم "النرجس" بالعربي.

بقلم /

#حُماة_التراث ♥️🇪🇬

المصادر:
https://www.theoi.com/

26/08/2024

مسجد قانيباي الرماح ، ميدان الرميلة ( القلعة ) ، القاهرة ♥️
تم إنشائه سنة ٨٠٨ هجريا / ١٥٠٢ ميلاديا .🇪🇬❤️🕌

Taken by :_ Mai Yasser

#حُماة_التراث ♥️🇪🇬

26/08/2024

اهلا بيكم من جديد في سلسلة قرافات القاهرة
في المقال السابق اتكلمنا بشكل عام عن مدينة الموتى وعرفنا تاريخها ومُسمّاها والتقسيمات اللي بتحويها
وعرفنا ان مدينة القاهرة بتضم عدة مقابر أو قرافات زي القرافة الكبرى وقرافة المماليك وباب الوزير وباب النصر
ولو عايزين تعرفوا تفاصيل أكثر شوفوا الجزء الاول من السلسلة على اللينك دا https://www.facebook.com/share/p/Fb9rcGMsAon8gfDN/?mibextid=oFDknk

في مقال اليوم هنبدأ نغوص اكثر في التفاصيل الساحرة للقرافة الكبرى ونتعرف عن واحد من اشهر قرافاتها ونعرف كمان امثلة على منشآتها المعمارية الأثرية.

تقسيمات القرافة الكبرى
قرافة السيدة نفيسة، قرافة الإمام الشافعي وقرافة الإمام الليث بن سعد وقرافة سيدي عقبة وقرافة سيدي عمر بن الفارض وقرافة السيوطي وغيرهم.

أما موضوع مقالنا النهاردة فهيكون عن قرافة السيوطي بالسيدة عائشة
اتعرفت المقابر بقرافة سيدي جلال الدين السيوطي كعادة مقابر القاهرة الي كانت بتتسمى على اسم العلماء المسلمين أو المشايخ أو أفراد آل البيت المدفونين فيها، مع العلم ان عندنا امثلة تانية زي قرافة الإمام الشافعي وقرافة السيدة نفيسة وغيرهم...
الشيخ السيوطي مدفون في خانقاه للصوفية المنقطعين للعبادة واللي كان شيخ عليها ودا بأمر من أمير مملوكي اسمه برقوق الظاهري جقمق اللي انشأها ودفن السيوطي فيها بعد مماته.

أقدم الآثار بالقرافة هي قبة الصوابي من عصر المماليك البحرية والذي كان بيشتغل مُربي لابن السلطان الظاهر بيبرس.
وكأمثلة تانية على آثار القرافة عندنا:
👈🏻قبة وإيوان المنوفي من العصر المملوكي
👈🏻التربة السلطانية
👈🏻قبة قوصون ومئذنته
👈🏻قبة الأمير مصطفى أغا جالق
👈🏻جامع مسيح باشا من العصر العثماني
👈🏻بالاضافة لباب القرافة وباب قايتباي وكتير من الآثار الجميلة والمجهولة.

أمثلة على آثار القرافة:
قبة سودون العجمي واللي اتبنت في عهد دولة المماليك الجركسية في أيام السلطان الغوري في حدود سنة ٩١٠ هجرية/ ١٥٠٤ ميلادي
بناه الأمير سودون من جاني بك واُشتهر بسودون العجمي"وبنقول من علشان ننسب المملوك لتاجر الرقيق أو للأمير اللي اشتراه"
بدايةً كان من مماليك السلطان المملوكي قايتباي، وبعد تولي ابنه السلطان الناصر محمد عينه نائب السلطنة، وبعدها عينه السلطان الغوري أمير مجلس يعني المسؤول عن دخول وخروج الأمراء في المجلس السلطاني ودا دليل على ثقته المتناهية فيه ، وبعدها عينه نائب الشام، واخيرا أتابك العساكر يعني زي وزير الدفاع بمفهومنا الحديث.
شارك سودون في معركة مرج دابق والي كانت في الشام بين المماليك والعثمانيين وكان قائد قلب الجيش و مات في المعركة، وبعد انتصار سليم الاول أمر بدفنه في زاية شيخ أسمه أبو النور القارئ في قرية في حلب، والبتالي قبته الموجودة في القرافة فارغة.

باب القرافة.. باب صلاح الدين الأيوبي
هو واحد من أبواب القاهرة في سورها الجنوبي اللي بيمتد من القلعة للفسطاط، ومن اسمه بنعرف أن اللي بناه هو القائد صلاح الدين الأيوبي على يد وزيره بهاء الدين قراقوش سنة 1176 ميلادي، والغرض من بناه كان أنه بحيط عواصم مصر الأربعة بسور واحد لزيادة تحصينها ضد هجمات الصليبيين،
والباب دا كان هو المدخل الرئيسي لأهل القاهرة في طريقهم لزيارة موتاهم المدفونين بالقرافة.
فضل الباب مستخدم إلى أن جاءت الحملة الفرنسية على مصر وقفلته علشان تحكم قبضتها على المدينة بعد الثورات اللي قامت ضدها وظل مهملا لفترة كبيرة واتبنت بيوت ملاصقة ليه لغاية ما أُعيد فتحه من جديد، وعلى بعد أمتار قليلة موجود باب تاني بيفتح على القرافة وهو باب قايتباي.

بقلم/

المصادر/
١-يوسف أسامة، المماليك ،قرافة السيوطي بالسيدة عائشة
٢-دليل مصر التاريخي Egypt Historical Guide

#حُماة_التراث ♥️🇪🇬

24/08/2024

مسجد الأمير أزبك اليوسفي، السيدة زينب، القاهرة
Taken by:‐ Amr Alaa

#حُماة_التراث ♥️🇪🇬

23/08/2024

مسجد محمد علي، من داخل برج الرملة بقلعة صلاح الدين
Taken by:- Arwa Soliman

#حُماة_التراث ♥️🇪🇬

23/08/2024

Ancient Egyptian Obelisks
Most Egyptians are familiar with obleisks in terms of shape & location, but very few know about the story behind these so-called: skyscrapers of the past…
It might be well-known to many that an obelisk is a tall four-sided structure with a small pyramidion on top of it, but have you ever wondered what its name means? Or have you even thought what was the significance of erecting such gigantic structures?
Well, the name “obelisk” is derived from the ancient Greek word “obeliskos”, which was first used by Greeks to refer to these striking structures, & it literally means “the small spit” in reference to the distinctive form of these structures. However, it’s important to know that the ancient Egyptians called it by a different name: “tekhenu”, a word whose origin and meaning are still obsecure.
As for the significance behind these structures, there have been so many interpretations. In general, it’s agreed that obelisks were meant to honour the sun god “Re” from the earliest of times & this interprets why the earliest obelisks are thought to have originated at Helipolis the cult centre of Re (now in Matariya, Cairo). However, some obelisks could be dedicated to other deities as well, all of whom had something to do with the solar cult, such as: Atum (the setting sun), Khepr (the rising sun), Re Herakhty (the sun at noon), Isis, Ptah, and others.
Accordingly, some suggested that obelisks, with their distinctive form and pyramidion top, were meant to symbolize sunrays that landing on earth from the sky. Others insist that the meaning of obelisks lies within their pyramidion top, which for the ancient Egyptians could have symbolized the “Benben”, or the primeval hill. This hill, according to one ancient Egyptian creation myth, was the stone on which the sun god stood amid the primeval ocean of non-being and started to create the world. Thus, for the ancient Egyptians, the obelisk symbolized the sun god & the beginning of creation. Additionally, during certain periods in ancient Egyptian history, the ancient Egyptians thought that obelisks were actually occupied by a god, and even made offerings to obelisks and the god lying within them. Furthermore, much more secular purposes had been also associated with obelisks. These included being used in pairs as an aesthetic architectural element to mark the entrance to temples in ancient Egypt. Sometimes, they were also meant to commemorate the king who erected them, and to also commemorate his relationship with the deity to which the obelisk was dedicated. This was highlighted through the reliefs and inscriptions on all four sides of such obelisks.
It's noteworthy that there was also another type of obelisks that had a funerary purpose. These were rather smaller obelisks that flanked the entrances to some private tombs. Such obelisks were only inscribed on one side with the name & titles of the tomb owner, and sometimes even included prayers to the deities of the dead.
Finally, it’s important to note that obelisks were not built, but rather cut out of a single piece of stone. This fact, however, raised so many speculations about the way obelisks were shaped, cut, transported, and finally erected in their intended places in temples…
To be continued…

By: Arwa Soliman.

References:

-Habaschi, L. (1978). The Obelisks of Egypt: Skyscrapers of The Past. London.

-Nur El-Din, Abdelhalim: Lecture on Obelisks in Ancient Egypt. (The Sirst Cultural-Archaeological Season in Bibliotheca Alexandrina).

23/08/2024

كتير مننا متعود على كلمة مسلة و شكل المسلة، و فيه مننا اللي بيعدي على مسلة كل يوم في طريقه، زي مثلاً مسلة المطرية أو المسلة الموجودة في ميدان التحرير، لكن عمر حد فكر في معنى كلمة مسلة؟👀 طب عمرك فكرت ليه اتعملت أصلاً؟🤔

الحقيقة هي إن المسلة عبارة جسم طويل بأربع جوانب، و قمة هرمية، و معنى اسمها: الإبرة الكبيرة (اللي بتستخدم في خياطة القماش السميك)، و دا طبعاً لأن شكلها بيشبه الإبرة. طب يا ترى المصريين القدماء سموها إيه بلغتهم؟👀
الإجابة هي إن المسلة في اللغة المصرية القديمة اسمها "تِخِنو"، لكن لحد دلوقتي مقدرناش نعرف الكلمة دي كان معناها إيه في لغتهم.🤷🏻‍♀️

طب هو كان إيه هو الهدف من إقامة المسلات؟🤔
الحقيقة هي إن المسألة دي فيها آراء كتير، لكن بشكل عام، يُعتقد إن المسلات كانت تتم إقامتها تبجيلاً لإله الشمس رع، و أحياناً لبعض المعبودات الأخرى المرتبطة بالعقيدة الشمسية (عقيدة المعبود رع- إله الشمس- اسمها العقيدة الشمسية) زي أتوم (بيرمز للشمس وقت غروبها)، و خِبِري (بيرمز للشمس وقت الشروق)، و رع حِر آخِت (بيرمز للشمس في عز توهجها وقت الظهيرة)، و إيزيس، و بتاح، و غيرهم.

بناءً على دا، يعتقد البعض إن شكل المسلة بقمتها الهرمية بيرمز لآشعة الشمس الساقطة من السماء على الأرض. كمان في رأي تاني بيقول إن معنى المسلة كله يكمن في قمتها الهرمية؛ لأنها بترمز لصخرة بنسميها صخرة ال"بن بن"و اللي ليها علاقة بخلق الكون عند المصريين القدماء، و دا لأنه في إحدى أساطير خلق الكون عند المصري القديم: الكون كله كان عبارة عن محيط لا نهائي (بيمثل العدم)، و لما جه إله الشمس يخلق الكون، جعل المحيط يتراجع، كاشفاً عن التل الأزلي، اللي بنسميه "بن بن"، و عليه، وقف إله الشمس و بدأ يخلق الكون. عشان كدا، المسلة بقمتها الهرمية، ربما كانت ترمز لبداية خلق الكون و معاه بالتأكيد لإله الشمس.
بالإضافة لدا، بنلاقي إن في بعض الفترات من التاريخ المصري القديم، اعتقد المصريون القدماء أن المسلة يكمن بداخلها إله الشمس نفسه، و عشان كدا هنلاقي إن في بعض الأحيان، المصريين كانوا بيقدموا قرابين للمسلات و الإله الكامن بداخلها، حسب اعتقادهم.🤷🏻‍♀️🫣
جدير بالذكر بردو إن المسلات كان ليها، بالإضافة لما سبق، استخدامات أبسط من كدا، زي مثلاً إنه جرت العادة إنه تقام مسلتين قصاد بعض عند مداخل المعابد لتزيينها و تحديدها، و كمان كانت بتقام لتمجيد و تخليد ذكرى الملك، و علاقته بالإله الذي كُرِّست له المسلة من خلال النقوش و الكتابات اللي بتزينها.
جدير بالملاحظة بردو إن مش كل المسلات كانت كبيرة و ملكية👀 بل كان فيه بردو مسلات صغيرة خاصة بالأفراد، و كان بيتم وضعها على مداخل قبور الأفراد عشان يتكتب عليها اسم صاحب المقبرة و لقبه، و أحياناً بعض الصلوات الموجهة للآلهة الخاصة بعالم الموتى.

و أخيراً، نسأل بقى الأسئلة المهمة😁
هي المسلات كانت بتتعمل ازاي؟
مهم جداً نضع في الاعتبار إن المسلات مكانتش بتتبني، و إنما بتتنحت من قطعة واحدة من الحجر🤯
طب ازاي و فيه مسلات طولها كان بيوصل لعشرات الأمتار، و ووزنها بيبقى كذا طن؟🤯
ازاي كانوا بينحتوها و يفصلوها عن المحجر؟ و ازاي كانوا بينقلوها و ينصبوها في أماكنها في المعابد؟🫣

دا بقى اللي هنعرفه المرة الجاية😁

بقلم/: أروى أيمن

المصادر:
Habaschi, L. (1978). The Obleisks of ancient Egypt: Skyscrapers of The Past. London

-عبد الحلبم نور الدين: محاضرة عن المسلات في مصر القديمة (الموسم الثقافي الأثري الأول بمكتبة الإسكندرية)

18/08/2024

اتكلمنا في الجزء الأول من المقال عن الجامع الأزهر أو جامع النصف جنيه ،وعرفنا أهميته وتاريخه والإضافات اللي تمت عليه طوال العصر الفاطمي وصولا إلى وضعه في العصر الأيوبي، و في مقال النهاردة هنكمل حديثنا عن الأزهر في العصر المملوكي والعثماني ونتعرف على عمارته المرسومة على العملة، بس الأول اقرأ المقال اللي فات من خلال اللينك دا علشان تربط المعلومات معانا👇🏻
https://www.facebook.com/share/p/hWY8JqkBSQRB9HGm/?mibextid=oFDknk.
بداية بالعصر المملوكي واللي من المعروف إن مصر شهدت فيه طفرة معمارية من حيث حجم وعدد وزخرفة منشآته من جوامع ومدارس وخلافه، ولكن زي ما اتفقنا يَبْقى جامع العاصمة الرئيسي محط اهتمام سلاطين وحكام دولة المماليك بشقيها البحري والجركسي، فهنلاقي أنهم أعادوا صلاة الجمعة فيه واهتموا بتجديد عمارته وإضافة عناصر جديدة زي المدارس واللي عددها بلغ 3 داخل حرم الجامع وهم:
👈🏻 المدرسة الطيبرسية
أُنشأت سنة 709 هجرية ومن إسمها فهي منسوبة للأمير علاء الدين طيبرس الخازندار من عصر السلطان الناصر محمد بن قلاوون.
بتقع في غرب الجامع، و بنعرف من المقريزي أن المُنشئ خصصها للفقهاء الشافعية للتدريس فيها وأنفق أموال كتيرة علشان يبدع في عمارتها، وأوقف عليها أوقاف، وبعد موته اتدفن فيها.

👈🏻 المدرسة الأقبغاوية:
من أعمال الأمير علاء الدين أقبغا عبد الواحد واللي كان بيشغل منصب مقدم مماليك في عهد الناصر محمد بن وهي رتبة عسكرية، ولكنها لا تُقارن بحسن وبهاء المدرسة الاخرى وتم الانتهاء من بناها سنه 739 هجرية وليها مئذنة وهي الأقدم في الجامع.
و بعد ما انتهت دولة المماليك البحرية وبدأ حكم المماليك الجراكسة، سار حكامها على نفس نهج السابقين، فاهتموا اكتر بالجامع وأُشتِهر أكثر في كافة أرجاء العالم الإسلامي بسبب الاهتمام بالطلاب الدارسين فيه.
أما عن أعمال البناء والتجديد فعلى سبيل المثال لا الحصر، الظاهر برقوق بنى مئذنة جديدة للجامع سنة 800 هجري بدلا من القديمة اللي كانت قصيرة وحجمها غير متناسق مع ضخامة الجامع، ولكنها اتهدمت بسبب ميل فيها واتبنى مكانها اكثر من مئذنة على مر السنين.

👈🏻 المدرسة القنقبائية:
من أعمال الأمير جوهر القنقبائي من عهد الأشرف برسباي، موجودة في الجانب الشرقي من الجامع وتعرف أيضا بالمدرسة الجوهرية، وهي مدرسة متكاملة فيها 4 ايوانات للتدريس رغم صغر مساحتها.
أما بالنسبة للسلطان قايتباي فجدد في عمارة الجامع من خلال هدمه للباب للغربي القديم وبنى باب جديد وبنى مئذنته بجواره.
وبعدها بنى السلطان الغوري، آخر سلاطين المماليك، مئذنتة الشهيرة برأسها المزدوجة.

وبكدا لما تشوف مآذن الجامع المرسومة على ال50 قرش تقدر تتعرف عليها بسهولة 🤗

الجامع الازهر هو أكبر مؤسسة علمية في العصور الوسطى وكان بيتوافد عليه طلبة من جميع أنحاء العالم، وكل جنسية أو مجموعة كانت بتجلس في مكان خاص ومعروف بيها، فمش غريب لما نسمع أن الملك الفلاني جدد رواق التوانسة أو الأفغان أو الشوام أو الأتراك أو حتى على الصعيد الداخلي في مصر زي رواق الشراقوة والصعايدة وهكذا.

أما عن الازهر في العصر العثماني، فبالرغم من تمتعه باهتمام من الجانب المعماري من تجديد وصيانة، إلا إن دوره الثقافي تراجع إلى حد كبير ودا بيرجع لسياسة الدولة العثمانية نفسها من حيث فرض نوع من العزلة والسيطرة الفكرية.

وأهم المحطات في تغير عمارة الجامع كانت على يد أمير البناء في العصر العثماني عبد الرحمن كتخدا اللي زود عدد أروقة الصلاة خلف المحراب وعمل منبر خشبي وبنى باب جديد للجامع اسمه باب الصعايدة اللي بيوصل لمدفنه والسبيل اللي بيقدم الماء للمارة مجانا، بالاضافة للباب الأشهر للجامع حتى الآن وهو باب المزينين، والمزين يعني حلاق ونُسِب ليهم لانهم كانوا بيحلقوا لطلبة الجامع قدامه.
بخلاف مآذنه المملوكية الطراز، فالأزهر فيه مئذنتين على الطراز العثماني والمعروف بالقلم الرصاص من أعمال كتخدا برضو، وموجودين وراء توسعة الجامع.
في أواخر القرن ال 19 الميلادي، لجنة حفظ الاثار العربية فككت الباب والكُتّاب اللي كان فوقه ورجعتهم لورا علشان توسع الشارع وتحافظ على خط تنظيم الطريق، ولكن لم يتم إعادة تركيب الكُتّاب.
ختاماً، الحديث عن الأزهر لا يمكن أن يُختزل في مقال أو اثنين، الأزهر تاريخ لوحده وعمارة مهولة، ولا نغفل دوره في توحيد راية المصريين في مواجهة المحتل الأجنبي، و ان منه خرجت ثورة القاهرة الأولى وشارك طلابه في ثورة 1919، وغيرها من الاحداث الهامة في تاريخ مصر... ولسة في الأزهر حكايات كتير.

بقلم/

المصادر المستخدمة:
1-سعاد ماهر، مساجد مصر وأولياؤها الصالحون، الجزء الأول
2- محمد عثمان عبد الستار، موسوعة العمارة الفاطمية
3- أحمد عبد الرازق أحمد، العمارة الاسلامية في مصر منذ الفتح العربي حتى نهاية العصر المملوكي
4- يوسف أسامة، المماليك

#حُماة_التراث ♥️🇪🇬

17/08/2024

كنت حابة في البداية قبل ما نبدأ في الأساطير و حواراتها
كنت عايزه نبدأ نتعرف على الشخصيات الأساسية اللي تم ذكرها في الأساطير
عموما الأساطير بالذات بتكون مش دقيقة اوي عشان بيكون في كذا مصدر من كذا مكان لكن أنا جبت أقرب حاجة ممكن تدخل العقل 💀
الإسبوع ده واللي جاي هنحكي قصة بداية الكون وأهم الشخصيات في الأساطير الإغريقية

بالنسبة للأسطورة اليونانية "بداية الخلق"
كانت بداية الكون عبارة عن فوضى و كان في "خاوس"
وهو الفراغ.
من الفراغ ده إتخلقت الأرض اللي هي "جايا".
و"اورانوس" اللي هو السماء جايا و اورانوس اتجوزوا وبدأت الحياة.
خلفو أطفال كتير جدا ومن هنا كانت بداية الجيل التاني وهم العمالقة اللي اسمهم "التايتنز" كان من اهمهم هو كرونوس اللي اتمرد على والده اورانوس و وقعه و اصبح هو اللي بيحكم الكون

كرونوس اتجوز من اخته ريا اللي بردو من التايتنز
وخلفو ٦ اطفال وهم زيوس ، هاديس بوسيدون ، هيرا ، ديميتر ، هيستيا

كرونوس كان خايف ان اللي عمله في باباه يحصل فيه وكان الحل بالنسباله انه يبلع اي طفل يتولد

لكن وقت ولادة زيوس ريا ضحكت على كرونوس و ادته حجر ملفوف في قماش بدل من الطفل وخبت زيوس في كهف لحاد اما كبر
لما كبر زيوس اتحدى كرونوس و أجبره انه يرجع اخواته

زيوس اتعاون مع اخواته في حرب ضد كرونوس و التيتانز الباقيين و فازوا عليهم و قسموا الكون بينهم
كده احنا في الجيل التاني اللي هو الاوليمبيانز
وكان" زيوس" هو حاكم السماء و ملك جميع الآلهة
"هاديس" بقا حاكم العالم السفلي
"بوسيدون" بقا حاكم البحار
"هيرا" مرات زيوس و هي ملكة جميع الالهة
"هيستيا" بترمز للحياة العائلية والسلام

الجيل الأول يمثل بداية الخلق والفوضى، بينما يمثل الجيل الثاني النظام الجديد والحكم الإلهي بعد الإطاحة بالجبابرة "التايتنز". الجيل الثالث يتعامل مع قصص الأبطال اللي بنسمع عنهم زي هرقل وغيره والأحداث التي تحدث خلال فترة حكم الأولمبيانز اللي هم "زيوس واخوته" منهم بيكون احفاد او ابناء للاوليمبيانز او ممكن يكون اصولهم بشرية عادي.
وفي الأول وفي الآخر الكلام ده تصور وفكر اليوناني القديم.

بقلم/

#حُماة_التراث ♥️🇪🇬

Address

Shebin Al-Kom

Website

facebook.com

Alerts

Be the first to know and let us send you an email when سفراء الحضارة posts news and promotions. Your email address will not be used for any other purpose, and you can unsubscribe at any time.

Videos

♥️🇪🇬 #سفراء_الحضارة #جيل_جديد_من_المؤرخين #حُماة_التراث ♥️🇪🇬

يعني الهكسوس مدخلوش مصر بالحرب؟🫣 ياااه، انت لسا فاكر؟!😄 الرأي دا اللي طرحه كان مانيتون السمنودي، اللي كتب تاريخ مصر القديمة، و اللي قالنا إن الهكسوس كانوا غزاة احتلوا مصر بالقوة و دمروها، و قتلوا و استعبدوا المصريين، و هو دا الرأي اللي فضل مسيطر على عقول علماء المصريات لسنين طويييلة لكن الاكتشافات الأثرية اللي حصلت بعد كدا في تل الضبعة أثبتت عكس دا؛ لأن زي ما قولنا في الجزء اللي فات، دخول الآسيويين عامةً مصر تم على مراحل يعني في شكل موجات متتالية من الهجرة من غرب آسيا (جنوب فلسطين على الأغلب)، و استقروا شرق دلتا النيل، و مع الوقت قدروا يتقلدوا مناصب عليا و يوصلوا للحكم و الظروف الداخلية في مصر وقتها ساعدتهم في دا طب ازاي؟🤔 هنا بقى هنحتاج نرجع للنقطة اللي توقفنا عندها، و هي وفاة الملكة سوبك نفرو- آخر ملكات الأسرة ال١٢- بدون وريث، و انتهاء الأسرة ال ١٢. بداية جديدة لتل الضبعة: و بنتفاجئ بعد كدا بوصول مجموعة من الملوك إلى الحكم من اللاشئ: بعضهم بيبقوا من أصحاب المناصب العليا في الدولة، و البعض الآخر من عامة الشعب و في الحالتين بيستولوا على الحكم مع نهاية الأسرة ال ١٢، و دا اللي بنسميه الأسرة ال ١٣ اللي أغلب ملوكها ميقربوش لبعض و أغلبهم تمتعوا بفترات حكم وجيزة، و مع ذلك، خلال الأسرة دي، قدر

قلعة صلاح الدين فى طابا ❤️🇪🇬 Presented by :_ Mai Yasser Designed by:_ Mostafa Mady #سفراء_الحضارة #جيل_جديد_من_المؤرخين #حُماة_التراث ♥️🇪🇬

معبد حورس بمدينة إدفو ، أسوان ♥️🇪🇬 #سفراء_الحضارة #جيل_جديد_من_المؤرخين #حُماة_التراث ♥️🇪🇬

Egyptian Civilization 🇪🇬❤️🙈 #سفراء_الحضارة #جيل_جديد_من_المؤرخين #حُماة_التراث ♥️🇪🇬

جامع أحمد بن طولون ♥️🕌 #سفراء_الحضارة #جيل_جديد_من_المؤرخين #حُماة_التراث ♥️🇪🇬

إستكمالا لمبادرة «شخصيات غيرت مجرى التاريخ » .. نعرض لكم فيديو عن شيخ الشهداء ، شيخ المُجاهدين، وأسد الصحراء ، عمر المختار ♥️ Presented by :_ Mai Yasser Designed by:_ Suzan Khaled #سفراء_الحضارة #جيل_جديد_من_المؤرخين #حُماة_التراث ♥️🇪🇬 #مبادرة_شخصيات_غيرت_مجري_التاريخ

مين فاكر حكايات قصر البارون 🔥♥️!؟ #سفراء_الحضارة #جيل_جديد_من_المؤرخين #حُماة_التراث ♥️🇪🇬 #مبادرة_شخصيات_غيرت_مجري_التاريخ #رمضان_كريم #قصر_البارون #المداح_اسطورة_العودة #المداح

Payramid of khafre ♥️🇪🇬 #سفراء_الحضارة #جيل_جديد_من_المؤرخين #حُماة_التراث ♥️🇪🇬

عُمر ♥️.... إسم إرتبط ذكراه في وجدان كل شخص بإسم ثاني أعظم رجل في أمة محمد ﷺ . وها قد عدت 🦋 ، لقد تتبعت حياة الفاروق بإيجاز فى المقال السابق من مولده وصفاته وحياته في الجاهلية مرورا بمقاومته للدعوة ، فلا تجعله يفوتك عزيزي القارئ قبل إستكمال مقال اليوم 👇🦋 https://www.facebook.com/share/p/ZQKiJRnFbupyka3n/?mibextid=oFDknk فاليوم نستكمل الحديث حول قصة إسلامه وهجرته في العلن . . وما جهر بالهجرة أحد غيره . سنتحدث اليوم علي لسان عُمر نفسه ♥️🙈 كنت في السادسة والعشرين عندما أصابتني دعوة النبي ﷺ في قلبي ، فقد كان السبب الأساسي في إسلامي دعوة رسول الله ﷺ ( اللهم أعز الإسلام بأحب الرجلين إليك بأبي جهل بن هشام ، أو بعمر بن الخطاب ) هي لحظة كتبت فى السماء لتكون في الأرض فكانت ! كنت فى الأرض جبارا ، يأس المسلمون أن يشهدوا إسلامي ، ولكن النبي ﷺ نقل ملف قضيتي من الأرض إلي السماء داعيا ، فكنت أنا ! يقول أول مرة سمعت بأمر هذا الدعاء من عبد الله بن مسعود قبل يوم من إسلامي ، إذ ضرب أبو جهل عبد الله بن مسعود وطرحه أرضا ، فرق قلبي له ، ومددت إليه يدي أساعده لينهض.. فقال لي :_ والله إنك لخير الرجلين ، ما أظن دعاء الرسول يخطئك! ولكني لم ألقي للأمر بالا ، ثم بعد ذلك عرفت ما الذي تفعله دعوة قيلت في الأرض ، فوجدت في السماء إجابة ! أمضيت ليلتي تل

إستكمالا لمبادرة «شخصيات غيرت مجرى التاريخ » .... ننتج لكم فيديو جديد للملكة الجميلة برينيكي الثانية ♥️ إمرأة أخري مؤثرة وعظيمة ، إستطاعت تخليد إسمها في التاريخ لدي المصريين 🤍 في عصر حكم البطالمة في مصر ✨ بدون إطالة عليكم 🔥 كتب المحتوي /#أروي_أيمن ✒️ قام بتسجيل الفيديو من قبل/ #أروي_أيمن 💁🏻‍♀️ مشاهدة ممتعه 😊 #سفراء_الحضارة #جيل_جديد_من_المؤرخين #حُماة_التراث ♥️🇪🇬 #مبادرة_شخصيات_غيرت_مجري_التاريخ #رمضان_كريم

(وَكَانَ عَرْشُهُ عَلَى الْمَاءِ) أعلم أنه جذبك الآن عنوان ذلك المقال ، وإستدعي فضولك عزيزي القارئ ، أجل هي من الآية السابعة من سورة هود ، فيها خبر من الله تعالي أن عرشه سبحانه كان على الماء قبل أن يخلق السموات والأرض وما فيهن . ولكن ما علاقتها بمقالنا اليوم !؟ لأنها أصل الموضوع ، هي الشعار لأول معمار ديني يبني علي البحر ، مجمع ديني وثقافي، معلم إسلامي وسياحي، يقع على ساحل مدينة الدار البيضاء العاصمة الإقتصادية للمغرب. ألا وهو ..... مسجد الحسن الثاني ♥️🕌 🔸يعد من أكبر المساجد في أفريقيا 🔸بني في عهد الملك الحسن الثاني وسمي بإسمه، وإستغرق تشييده ست سنوات ، إتخذ له الحسن الثاني شعارا قوله تعالى "وكان عرشه على الماء" (هود – الآية 7) وذلك لأن المسجد قريب جدا من مياه المحيط الأطلنطي . 🔸أشرف الملك بنفسه على مراحل بنائه ، وصمم إحدى قبابه التي إستعملت لأول مرة في المساجد المغربية 🔸يزور المسجد نحو ٣٠٠ ألف سائح أجنبي سنويا، ويعد أيقونة المساجد المغربية، التي يحرص المصلون من مختلف المناطق على الذهاب إليها كلما حل شهر رمضان. الموقع :_ 🔸يقع المسجد في شارع سيدي محمد بن عبد الله في الدار البيضاء، المغرب . ويمتد نصف هذا المسجد على مياه أطراف المحيط الأطلنطي على الشاطئ الغربي للمدينة، ونصفه الآخر ع

سفراء الحضارة

29/09/2024

29/09/2024

07/09/2024

05/09/2024

03/09/2024

02/09/2024

29/08/2024

28/08/2024

28/08/2024

27/08/2024

26/08/2024

26/08/2024

24/08/2024

23/08/2024

23/08/2024

23/08/2024

18/08/2024

17/08/2024

Address

Website

Alerts

Videos

Shortcuts

Share

Category