28/03/2023
تعرف إن مدفع رمضان بدأ بالصدفة أصلًا؟
في روايات كتير بتتكلم عن بداية مدفع رمضان لكن رغم اختلافهم إلا أنهم كلهم أجمعوا أنه كان مجرد صدفة.. تعالى أحكيلك التفاصيل:
الرواية الأولى بتقول إن سنة 865 هـ ، السلطان المملوكي "خش قدم" كان بيجرب مدفع جديد وصادف إطلاق أول قذيفة وقت المغرب بالظبط فالناس اعتقدوا أن السلطان قصد إطلاق المدفع لتنبيه الصايمين للفطار. ولما السلطان لقى ان الصدفة دي عجبت الناس أصدر قراره بإطلاق المدفع كل يوم وقت المغرب في رمضان.🧨
الرواية التانية بتقول إن الجنود في عهد "الخديوي إسماعيل" كانوا بينضفوا أحد المدافع، فطلعت منه قذيفة وقت أذان المغرب في رمضان، الناس افتكرت أنها طريقة جديدة للإعلان عن الإفطار، عرفت "الحاجة فاطمة" بنت الخديوي إسماعيل باللي حصل، عجبتها الفكرة وأصدرت فرمان باستخدام المدفع عند الإفطار والإمساك وفي الأعياد الرسمية. واتسمى المدفع باسم "مدفع الحاجة فاطمة" 🤷🏻♂️
لو أول مرة تعرف المعلومة دي، تابعنا وهتعرف حكايات تانية كتير.
...
