Misr ElMahroussa Travel

Misr ElMahroussa Travel Misr El-Mahrousa Travel one of Misr El-Mahrousa Group Companies welcome to Misr Elmahroussaツ
Launched in 1983 .

لكل من يهمه الامر
27/12/2024

لكل من يهمه الامر

27/12/2024

الجزء الثالث /اقصه يناء الكعبه
*************************
اية اللي هيحصل بعد ما سيدنا آدم يعرف أن هابيل اتقتل !🤔
سيدنا آدم هيحزن جدا ويزعل اوي هو وستنا حواء ..
سيدنا آدم كان بيحب أوي هابيل لأنه كان إبن صالح ومؤمن ،، وبيسمع كلام سيدنا آدم ،، وبيسمع كلام ربنا ❤
وكان بيعمل كل حاجة سيدنا آدم علمهاله عن ربنا ❤

فضل سيدنا آدم زعلان أوي علي موت هابيل 😢،،
لحد في يوم من الايام حواء حملت وجابت ولد وبنت في بطن واحدة ..

سيدنا آدم قال إن اكيد ربنا هيعوضه عن هابيل وهيبعتله الولد دة عشان يكون مؤمن وصالح ويسمع كلامه وكلام ربنا ❤
فسمي الولد دة ايييية ؟!!
" شيث "

يعني أية شيث 🤔
شيث يعني هبه الله ❤ يعني عوض من ربنا ❤ يعني هديه جميلة اوي من ربنا ❤

ربنا بعت شيث لآدم وحواء عشان يعوضهم عن موت هابيل وزعلهم عليه ❤

شيث كان بيسمع كلام سيدنا آدم وحواء..
فسيدنا آدم فضل يعلم شيث أوامر ربنا

علمه كل حاجه ربنا علمهاله.،، وقاله علي كل الأسماء اللي ربنا علمها لسيدنا آدم ،،

كان بيعلمه ليه كل حاجة ؟؟
عشان يعلم كل الناس اللي هتتولد من بعده.😍

عاش سيدنا آدم سنين كتييييير كتييييير ..
عاش لحد ما شاف أولاده وأولاد أولاده وأولاد أولاد أولاده ..

أية دة !! هو عاش كام سنة !!؟
عاش ألف سنة !!

سيدنا آدم كبر أوي ،،
خلاص كان قرب يموت ،، فقال " لشيث " انا هوصيك وصيه ولازم تعملها يا شيث ..

قاله ،،
يا شيث أنا عايزك تعلم الناس الخير وتبعدهم عن الشر😍
وتعلم الناس أنهم يحبوا ربنا ويعبدوه 😍،، ويبعدوا عن الشيطان وميسمعوش كلامه ..!

بس سيدنا آدم حذر شيث من حاجة !!
حذره أنه ميقولش لقابيل أنه هيخلي الناس تعمل الخير وتبعد عن الشيطان ،،

ليه ميقولش لقابيل ؟؟
عشان قابيل كان حسود ،، وهيقول اشمعني شيث اللي يعلم الناس وأنا لأ !!

وفي يوم من الايام سيدنا آدم تعب أوي ،، وقال لأولاده إنه نفسه في فاكهه الجنة ❤
أولاده راحوا عشان يطلبوا فاكهه الجنة ،، ف الملايكة قابلتهم .. قالتلهم ما تريدون وما تطلبون ؟؟
انتوا عايزين أية ؟
أولاد سيدنا آدم قالولهم : إن أبونا تعبان ونفسه في فاكهه الجنة ❤
ف الملايكة راحت لسيدنا آدم وقعدت حواليه لحد ما سيدنا آدم مات ،،،

ومين اللي دفنه ؟؟
الملايكة هي اللي دفنته ❤

فربنا خلي شيث بقي نبي بعد آدم..❤
وبقي يعلم الناس الخير وطاعة ربنا.❤
ويعلمهم الصح والغلط 😍 والحلال والحرام ❤

وبعد سنة من موت سيدنا آدم ماتت كمان حواء ..

شيث بني الكعبة بالحجارة " الطوب " والطين ،، وفضل يعمل حج وعمره كتيييير في مكة ..
( في خلاف بين العلماء عن مين اول من بني الكعبه منهم من قال الملائكه واخرين قالوا سيدنا آدم وسيدنا شيث وقول غير راجح انه سيدنا إبراهيم والله أعلم)

كان شيث وقومه ساكنين في الجبال ،،
يعني أية قومه ؟
يعني الناس اللي بتسمع كلامه وكلام ربنا اللي علمهوله وسيدنا آدم علمهوله ..

وقابيل وقومه ساكنين في السهول ،،

شيث قال لقومه أنه ميختلطوش بقوم أخوه قابيل ،، وميقربوش منهم خالص ..

بس يا تري بقي هيسمعوا كلام شيث ولالا !!
************★***********★*******
انتظرونا غدااا فى قصه (سبب الهروله فى الحج والعمرة)

اللذين تشرفنا بخدمتهم رحله ٢٤ديسمبر اليوم مزارات المدينه صلاة جمعه بالمدينه المنوره من اساسيات كل رحلاتنا
27/12/2024

اللذين تشرفنا بخدمتهم
رحله ٢٤ديسمبر
اليوم مزارات المدينه
صلاة جمعه بالمدينه المنوره من اساسيات كل رحلاتنا

جمعه مباركه
27/12/2024

جمعه مباركه

26/12/2024

الجزء التانى
★********
هو أية اللي حصل لسيدنا آدم وستنا حواء ؟🤔

سيدنا آدم عليه السلام نزل الأرض مع حواء..

الارض غير الجنة خالص ،،
في الأرض آدم هيسعي ويشتغل وهتبقي الحياة فيها تعب.. بس مين نزل معاهم !!

نزل معاهم إبليس ،، العدو اللي بقي واضح ليهم. 😈

حواء كانت بتولد كتيييير
وكل مرة تولد فيها توأم ولد وبنت..!
وخلفت ولاد وبنات كتير...
فكل مرة حواء تولد فيها ولد ومعاه بنت في بطن واحدة .. وبعدين ولد وبنت تانيين في بطن واحدة !! وفضلت كل ما تولد ،، تولد ولد وبنت في بطن واحدة..

سيدنا آدم كان بيعلم اولاده تعاليم ربنا وأوامره وبيحذرهم من الشيطان..😈

بس طبعا مكنش فيه حد علي الأرض غير سيدنا آدم وحواء وأولادهم !!
طب دلوقتي آدم وحواء عندهم أولاد وبنات كتير هيتجوزوا ميييين بقي ؟؟

وقتها ربنا امر ان كل ولد هيتزوج من البنت اللي اتولدت مع الولد التاني ،، والبنت التانية تتجوز الولد الاولاني..
يعني ماينفعش توأم يتجوزوا.بعض

و ازاي هيتجوزوا بعض وهما أخوات !!؟
ده كان دينهم وقتها وامر ربنا ليهم ساعتها... لأن مفيش غيرهم علي الارض.
مكنش فيه حد ربنا خلقه خالص غيرهم ،،
إنما دلوقتي مينفعش وربنا قالنا أن حرام أخ وأخت يتجوزوا !

قابيل..
دة كان الاخ الاكبر واتولدت معاه بنت جميلة.❤
هابيل ..
دة كان الاصغر واتولد معاه بنت اقل جمالا.. هي كانت جميلة برضو لكن التانيه كانت اجمل منها ❤

فالمفروص كدة هابيل يتجوز مييييين !!
يتجوز البنت الاجمل ،، اللي هي توأم قابيل..

لكن قابيل مارضيش.!!! وقال انا هتزوج البنت اللي اتولدت معايا..
انا هاخد الأجمل.😒
مع ان المفروض اللي يتزوحها هابيل. مش قابيل !!

فراحوا لسيدنا آدم عشان يحكم بينهم.فقالهم..
يقربوا قربان لربنا.
يعني أية ؟؟
يقدم قربان يعني يقدم حاجة يتقرب بيها لربنا ،، واللي ربنا هيتقبل منه هو اللي هيتزوج البنت توأم قابيل.!

هابيل كان بيعمل في رعي الحيوانات وعنده خرفان كتير.. هابيل فضل يشوف مين أحسن خروف عنده ،، لقي خروف سمين وتخين وقوي.💪
فقال لنفسه ده هيكون القربان اللي هقدمه لربنا ده أحسن حاجة عندي ..

وقابيل كان بيشتغل في الزراعة..
وفضل يدور إيه الحاجات إللي هو مش محتاجها،، اللي متلزموش ومش عاوزها..
فأخد أسوأ حاجات مزروعه عنده وقال في نفسه هو ده اللي هقدمه..😢

راح هابيل وقابيل وكل واحد معاه القربان بتاعه وكل واحد حط القربان بتاعه..

طب هيعرفوا إزاي ان ربنا تقبل منهم؟
ان هتنزل نار تاكل القربان ،، وده هيبقي علامة ان ربنا تقبل القربان ده..

هابيل حط القربان بتاعه فأخدته النار..
وقابيل حط القربان بتاعه فربنا ماتقبلش منه.😢

وليه ربنا متقبلش من الاتنين؟؟ وتقبل من هابيل بس ؟؟

ربنا تقبل من اللي قدم احسن حاجة عنده ،، اللي قلبه خاف ربنا واختار احسن حاجة يقدمها لربنا ❤
وهابيل دور علي احسن حاجه عنده يقدمها لربنا أنما قابيل أختار اللي مش عايزه عشان يديه لربنا 😢

هو لو حد جالك وقالك انا جعان وعاوزين نأكله عشان نرضي ربنا نحطله بواقي الاكل ؟ ولا احسن أكل ؟
" احسن آكل طبعا "
طب لو حد غلبان وعاوزين نديله هدوم ،، نديله هدومنا المقطوعة القديمة؟ ولا نديله هدوم جميلة؟
" نديله الجميلة طبعا "

اول لما قابيل شاف ان ربنا مقبلش قربانه..اتغاظ😠.وقلبه اتملي حقد وحسد لأخوه.😢
وقاله: أنا هقتلك! 😱

فرد هابيل عليه :
" قَالَ إِنَّمَا يَتَقَبَّلُ اللَّهُ مِنَ الْمُتَّقِينَ"
يعني انت متغاظ وهتقتلني ليه ؟
ربنا عارف قلب كل واحد وبيتقبل من اللي بيخافه وعاوز يرضيه.. ❤

لكن قابيل كان الحسد والحقد ملا قلبه ومش عاوز يسمع أي كلام ولا نصيحه ولا عاوز كمان يصلح اللي عمله..
كل اللي بيفكر فيه انه يقتل هابيل .. 😱

لكن هابيل رد وقاله :
"لَئِن بَسَطتَ إِلَيَّ يَدَكَ لِتَقْتُلَنِي مَا أَنَا بِبَاسِطٍ يَدِيَ إِلَيْكَ لِأَقْتُلَكَ ۖ إِنِّي أَخَافُ اللَّهَ رَبَّ الْعَالَمِينَ"
يعني لو انت حاولت تقتلني انا مش هحاول اقتلك لاني بخاف من غضب ربنا .❤

هابيل مكنش ضعيف ..
هابيل كان جسمه قوي ويقدر يقتل قابيل..
بس قاله انه بيخاف ربنا ومش هيعمل حاجة يغضب بيها ربنا..
هابيل كأنه بيقوله انت كمان يا قابيل لازم تخاف من ربنا قبل ماتفكر تؤذيني.. 😢

قابيل نفسه اتملت غل لأخوه ومش بيفكر غير في قتل هابيل اخوه وبس
فهابيل فضل يفكر أخوه بعذاب ربنا قاله :
انه هيشيل ذنب علي ذنبه وهيبقي مصيره النار لو فكر يؤذيه ومفكرش يخاف من غضب ربنا ...

لكن قابيل لسه مصمم على قتل هابيل،، وفضل شايل في قلبه أوي من هابيل !!

واتجوز هابيل البنت الجميله ،، وقابيل البنت الاقل شوية صغيرين جمالا ..

قابيل فضل يكبر في قلبه الحقد علي اخوه لغاية لما الحقد ملا نفسه كلها.😢 واتملت نفسه اكتر بفكرة قتل اخوه
لغاية ما في يوم من الأيام كان هابيل نايم ..
فقابيل جاب صخرة وراح عند أخوه وضرب راسه بالصخرة... وقتله.. ومات😢😱

قابيل افتكر انه لما يقتل اخوه هيروح الغيظ اللي في قلبه.. لكن بقي هو اللي خسران..😢

هابيل مقتول... وقابيل قاعد جنبه مش عارف يعمل ايه.... اول مرة حد يموت علي الارض..!
ماينفعش يسيبه كده... بس مش عارف يعمل أية !!؟..

فربنا بعت غراب بيحفر في الارض
لية؟؟
عشان يوريله ازاي يدفن اخوه..

قابيل شاف الغراب بيدفن غراب تاني..
فقابيل حس بالندم.😢 انه حتي مش عارف يعمل زي الغراب.😢 مش عارف يداري جسم اخوه اللي قتله.😢 وحس بالندم وانه عقله أقل من الغراب.😢

قابيل حفر زي الغراب ما علمه ودفن اخوه ..

قابيل ساب نفسه لحسدها وغيظها من غير ما يصلحها... فكبر الغيظ في قلبه أوي وبقي سهل عليه اوي القتل..!!😢

قابيل كان فاكر انه بعد ما يقتل أخوه هيفرح عشان أنتصر عليه .!
لكن بعد ما عمل اللي هو عاوزه محسش لا بانتصار ولا فرحة.. ما بقاش عنده غير إحساس الندم والحسرة والخسارة .😢
تابعونا والجزء التالت

26/12/2024

اللذين تشرفنا بخدمتهم
رحله ٢٤ديسمبر ٢٠٢٤
المدينه المنورة

26/12/2024

ما فيش حاجة أهم من علاقتك بربنا، مهما كانت مشاغلك.
الدنيا متاع زائل، لكن العبادة هي اللي هتثبتك وتدي لحياتك قيمة.
افتكر دايمًا إنك مخلوق في الدنيا لعبادة اللَّه.
قال تعالى: {وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ}.

26/12/2024

ابدأ يَوْمَكَ بِهَذَا الدُّعَاءِ
اللَّهُمَّ إِنِّي تَوَكَّلْتُ عَلَيْكَ فَأَعِنِّي، وَوَفِّقْنِي، وَاجْبِرْ خاطري، جبراً أَنْتَ وَلِيهُ. يَا رَبِّ، أَدْعُوكَ بِعِزَّتِكَ وَجَلَالِكَ، أَنْ لَا تَصْعَبَ لِي حَاجَةً، وَلَا تَعْظُمْ عَلَيَّ أَمْرًا، وَلَا تَحِنِ لِي قَامَةً، وَلَا تَفْضَح لي سراً، وَلَا تَكْسِر لي ظهراً، اللهم اجعل دَعَوَاتِنَا لَا تَرِدْ، وَهَبْ لَنَا رِزْقًا لَا يُعَدَّ، وَافْتَحْ لَنَا بَابًا لِلْجَنَّةِ لَا يَسْدُّ اللَّهُمَّ اجْعَلْنِي مِنْ الَّذِينَ تُدَبَّرُ فَرْحَتُهُمْ فِي السَّمَاءِ الْآنَ وَأَمَانِيهِمْ أَوْ شَكْتُ أَنْ تكُونَ، اللهم اجعَلْ لِي نَصِيباً فِي سَعَةِ الْأَرْزَاقِ وَتَيْسِيرِ الْأَحْوَالِ وَقَضَاءِ الْحَاجَاتِ اللَّهُمَّ أخْرِجْنِي مِنْ حَوْلِي إلى حولك وَمِنْ تَدْبِيرِي إِلَى الصدقة تدبيرك ومن ضعفي إِلَى قُوَّتِكَ.

25/12/2024

1️⃣قصه خلق سيدنا ادم ...
❤ أبو البشر..❤
أول إنسان ربنا خلقه في الأرض.❤😍

ربنا عنده علم وحكمة وقدرة.أكبر من تفكيرنا...
وعشان كده قال للملائكة إنه هيجعل مخلوق جديد علي الأرض فقالهم:
إني جاعل في الارض خليفة ❤

يعني إيه خليفة ؟
يعني الإنسان هيخلف كائن تاني ربنا خلقه.. اللي هما الجن... (هيخلفه يعني هييجي من بعده) ..

الجن عاشوا علي الأرض قبل الانسان لكن الجن أفسدوا في الارض وحاربوا بعض فربنا أمر الملائكة يبعدوا الجن للجزر البعيدة وهتكون الارض للبشر ❤

الملائكة كأنها كانت عارفة إن فيه مخلوقات قبل الانسان فسدت علي الارض.. اللي هما الجن..
و ان الملائكة برضو كأنهم متوقعين ان الانسان هيعمل كدة.ويفسد هو كمان في الأرض ،، ماكنوش يعرفوا ان هيكون من البشر انبياء وشهداء وعباد صالحين❤

ربنا قالهم إني اعلم ما لا تعلمون..
ربنا يعلم كل شيء وله سبب وحكمة من كل شيء بيحصل،،
وحتي لو إحنا مش عارفين السبب بنطيع ربنا لإننا عارفين إنه الخالق والأعلم من كل مخلوقاته وعنده كل الحكمة الأسباب❤

فربنا اخد قبضة من تراب الارض بكل ألوانه..

تراب الارض منه الابيض والاسود والبني الفاتح والغامق..😍
وزي ما تراب الارض ألوانه مختلفة. ،، ألوان البشر برضو مختلفة.❤
منهم الابيض والاسود والبني والفاتح والغامق.!!
لكن مافيش لون أفضل من لون عند ربنا.❤
الانسان الأفضل عند ربنا هو اللي أخلاقه طيبة وبيحب ربنا ❤

وبدأ خلق آدم من تراب وماء ،،بقوا زي الصلصال ،، مجرد تمثال.
وحجمه أكبر وأطول مننا ،، وخلقه علي أحسن صورة.❤ ضهره مفرود وجسمه قوي 💪❤

ربنا ساب آدم فترة من الزمن. ،، مانعرفش قد إيه.مجرد صلصال زي التمثال !

إبليس كان شيطان ،، ربنا خلقه من النار..😈
بدأ يروح يبص عليه ويدور حوليه إيه ده ؟..
إيه المخلوق ده ؟!!
بدأ يلف حواليه..!!
إبليس لاحظ ان المخلوق ده فاضي من جوة ،، فقال لنفسه. ده كدة يبقي مخلوق ضعيف.😱
إبليس حس ان المخلوق الجديد ده أقل منه وأضعف منه.😠😠
بعد وقت من الزمن ربنا نفخ في سيدنا آدم وعطاله الروح اللي هيعيش بيها.❤

ربنا علم آدم الاسماء.. كل الاسماء.دي شمس 🌞 دي شجرة .🌳ده نهر🌊 علمه كل حاجة ..
ربنا خلق الانسان عنده قدرة علي التعلم.❤ وعلمه اسماء كل الأشياء.. وميزه بأنه علمه ❤

ربنا عرض الاسماء والحاجات اللي علمها لآدم علي الملائكة وقالهم :
أَنبِئُونِي بِأَسْمَاءِ هَٰؤُلَاءِ إِن كُنتُمْ صَادِقِينَ...

الملائكة حسوا انهم مش عارفين الاسماء دي..
وعرفوا ان ربنا ميز المخلوق ده اللي هو سيدنا آدم 😍 اللي هو هيبقي خليفة علي الارض.😍
ربنا ميزه بعلم ومعرفة مش عند باقي مخلوقاته ..

الملائكة ردت باءستحياء..
قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ ..

يعني يارب احنا علمنا علي قد ما علمتنا وانت عندك العلم الواسع والحكمة والاسباب لكل حاجة بتحصل لكن احنا لأ..

ربنا أمر الملائكة بالسجود لسيدنا آدم .قالهم :
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ

يعني اول لما انفخ فيه الروح.. كلكم تسجدوا لآدم..

هو السجود ده عبادة ؟..
لا.. ده كان سجود تكريم وتحية لسيدنا آدم..
فأول لما ربنا نفخ الروح في آدم كل الملائكة سجدت.❤
إلا مييييييين!!؟

إلا ابليس واقف متكبر .😠
الملائكة اللي هما أكرم مخلوقات ربنا سجدت وأطاعت ربنا.. وإبليس عصى ربنا وماسجدش مع الملائكة..

ربنا سأله قَالَ ؛؛ مَا مَنَعَكَ أَلا تَسْجُدَ إِذْ أَمَرْتُكَ ؟
يعني أية اللي منعك تسجد زي ما الملائكة سجدت !!

فرد ابليس قَالَ أَنَا خَيْرٌ مِنْهُ خَلَقْتَنِي مِنْ نَارٍ وَخَلَقْتَهُ مِنْ طِينٍ

ابليس اتكبر علي أوامر ربنا..😠
إبليس لما شاف آدم وهو مخلوق من تراب وطين ،، حس انه أحسن وأعلي وأقوي منه..

ربنا قال لإبليس. :
قَالَ فَاهْبِطْ مِنْهَا فَمَا يَكُونُ لَكَ أَن تَتَكَبَّرَ فِيهَا

يعني ما ينفعش تتكبر وتعصيني ومتسمعش كلامي ،، فجزاءك تخرج من رحمة ربنا و تعذب في جهنم..

ابليس بدل.بقي ما يستغفر ربنا وقال :
أَنظِرْنِي إِلَىٰ يَوْمِ يُبْعَثُونَ

يعني اديني فرصه بس لحد يوم القيامة
اليوم اللي هتحاسب فيه الإنسان والجن ،، هدخل المخلوق ده معايا النار هو وأولاده وأولاد أولاده 😈
وهفضل ورا المخلوق ده بكل الطرق عشان أخليه يعصيك زي ما أنا عصيتك.😠😠😈

ربنا هيعمل اختبار لآدم عشان يتعلم ويحذر من الشيطان..

ربنا قال لآدم انت هتعيش في الجنة انت وزوجتك.❤

ربنا خلق حواء عشان تكون زوجة لسيدنا آدم وام لكل البشر.❤ خلقها من ضلع آدم..

يعني أية ضلعه ؟؟
يعني حواء كانت جزء من آدم وربنا بقدرته عطاها الروح والحياة ❤
الحياة في الجنة مافيهاش تعب ولا جوع. ،، كل حاجة موجودة وجميلة وسهلة وممتعة.❤

لكن ربنا عطي امر لآدم وحواء.

ربنا قالهم متقربوش من الشجرة دي ...
استمتعوا بالجنة بس ماتقربوش من الشجرة دي.
مش بس ما تكلوش. ،،لا ماتقربوش من الشجرة دي..

آدم وحواء فضلوا عايشين في الجنة ،، بس كل شوية الشيطان يدخلهم الجنة ويحاول يقنعهم ياكلوا من الشجرة دي..!

الجنة طبعا مليانة فاكهه كتيييييرة جميلة ربنا جعلها ليهم وقالهم ماتقربوش من شجرة واحدة بس .
فمارضوش يسمعوا كلام الشيطان..😍

الشيطان ما وقفش..
فضل وراهم.. يزن.. يزن ،،،، يزن .. ويسيبهم ويرجع..😈

الشيطان وقف وحلفلهم انهم لو أكلوا من الشجرة مش هيموتوا ابدا وهيكونوا ملايكة وهيبقي عندهم ملك ما بينتهيش..😈
وقالهم انه بينصحهم ومش عاوز غير مصلحتهم..😈

آدم وحواء صدقوا..😢 نسيوا أمر ربنا .😢
وراحوا للشجرة قربوا منها وكلوا منها.😢
ربنا كان خافي عنهم مكان العورة " اللي في جسمهم ومحدش ينفع يشوفها "
فظهرت عورتهم 😱 واتكسفوا ،، وفضلوا يقطعوا من ورق الشجر ويغطوا بيه نفسهم 😢
وعرفوا انهم وقعوا في ذنب كبيييييييير أوي و إنهم مسمعوش كلام ربنا في امره والشيطان كذب عليهم.😢

سيدنا آدم وحواء حسوا بالذنب الكبير أوي دة وعرفوا انهم وقعوا في معصية كبيرة..😢

ربنا عاتبهم وقالهم مش انا قولتلكم متقربوش من الشجرة دى وقولتلكم ان الشيطان دة عدو كبير ليكم ومتسمعوش كلامه ،،
سيدنا آدم لما عصي ربنا مابررش زي ابليس ما برر وقال انا ما سجدش لاني احسن منه..!!
سيدنا آدم ما فضلش يبرر ذنبه وخطأه... او يقول اي اسباب خلته يعمل كدة...
سيدنا آدم فورا استغفر ربنا ورجع له وندم علي اللي عمله ❤
فربنا سامحه علي اللي عمله ❤

وده كان الاختبار والدرس لآدم قبل ما ينزل الارض عشان يعرف مين عدوه ..
وان ازاي مهما حصل يطيع امر ربنا حتي لو مش فاهم سببه..
وان الشيطان عدوه للي هيحاول بكل الطرق ميسمعش كلام ربنا ويعصيه !!
وخطوة بخطوة هيوقع الانسان في الذنوب
عشان كدة ربنا قالنا :
وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ..

ربنا تاب علي آدم وحواء ونزلهم الارض. لكن الارض غير الجنة..
تعب وشغل عشان يوفروا اكلهم وسكنهم... وربنا رزقهم باولاد وبنات كتييييير جدا
بس إيه إللي هيحصل بعد كدة ؟

انتظرونا والجزء التانى غداا

25/12/2024

مين هيعمل لايك ويكتب كومنت ويعمل متابعه للصفحه
قصص الانبياء والسيره النبويه

25/12/2024

تابعوا يوميا السيره النبويه وقصص الأنبياء على الصفحه بإذن الله
ادعم الصفحه بالمتابعه والمشاركه لتعم الفائده
اكتر ٣ اشخاص هيعملوا شير ومنشن لاصحابهم هيكسبوا معانا

25/12/2024

لمّا اموت طلعوا عني صدقات كل شهر .

و ادعولي كل يوم .

و اعملولي عمرة و حج .

و اقرأوا لي قرآن .
----------------

ليه سقف توقعاتك في الناس عالي اوي كده ؟ أنت مشوفتش اللي قبلك؟ حد بيفتكر حد ؟ حد بيهتم يفكر في اللي راح أوي غير القريبين أوي و مع الوقت بحكم بشريتهم هينسوا ؟!

- الفلوس معاك دلوقت .. طلع صدقاتك ( بلاش تمسك في فلوسك و تعتمد على غيرك يضحي بفلوسه علشانك، لو عملها مرة مش هيعملها التانية )

- لو عندك قدرة .. بدل ما تشتري موبايل أحدث حاجة روح عمرة .

- كل يوم ربع ساعة .. خصصهم لقراءة ورد من القرآن ده الأكيد هينفعك ( متهجرش مصحفك اللي هيشفع لك يوم القيامة علشان كنت مصاحبه في الدنيا معتمد على ختمة هتتعملك مرة ! )

اعمل لنفسك كأن ملكش حد ..

الناس في الدنيا و انت معاهم و بتخدمهم و بتسندهم، اللي بيسندك مرة ممكن بعد كده ميقدرش، فـ تتوقع و انت في قبرك لا بتفيدهم ولا بتقدم لهم أي حاجة هينسدوك دايمًا؟

اعتمد على رحمة ربك ثم اعمالك .

- مالي وللناس ، كنت في بطن أمي وحدي ، وخرجت إلى الدنيا وحدي ، وأموت وحدي ، وأدخل القبر وحدي ، وأُسأل وحدي ، وأُبعثُ من قبري وحدي ، وأُحاسب وحدي ، فإن دخلت الجنة دخلت وحدي ، وإن دخلت النار دخلت وحدي .ففي هذه المَواطن لا ينفعني أحد ... فمالي وللناس

25/12/2024

انتظرونا فى مفاجاءات
كتيررررررر

اجمل احساس ,. اللهم عمرة قريبه لنا جميعا
24/12/2024

اجمل احساس ,. اللهم عمرة قريبه لنا جميعا

🌟 تهنئة من القلب لحجاجنا الفائزين! 🌟 نتقدم بأصدق التهاني لمن وقع عليهم الاختيار لأداء فريضة الحج لهذا العام. نسأل الله ...
24/12/2024

🌟 تهنئة من القلب لحجاجنا الفائزين! 🌟
نتقدم بأصدق التهاني لمن وقع عليهم الاختيار لأداء فريضة الحج لهذا العام. نسأل الله أن ييسر لكم رحلتكم، ويتقبل منكم أعمالكم، ويجعلها حجًا مبرورًا وسعيًا مشكورًا.

💖 ولمن لم يحالفهم الحظ هذا العام، :
لا تحزنوا، فاختيار الله دائمًا فيه الخير. نسأل الله أن يعوضكم في الأعوام القادمة بما هو أفضل، وأن يكتب لكم الأجر على نواياكم الصادقة.

✨ اللهم ارزقنا جميعًا زيارة بيتك الحرام في القريب العاجل. ✨

مبرووووك للسادة الحجاج عملاء مصر المحروسة للسياحة الفائزين بقرعة الحج السياحي اسماء السادة الحجاج الناجحين في حج السياح...
23/12/2024

مبرووووك للسادة الحجاج عملاء مصر المحروسة للسياحة الفائزين بقرعة الحج السياحي

اسماء السادة الحجاج الناجحين في حج السياحة لموسم 2025 المستوي الاقتصادي وال 5 نجوم

هو احنا ليه بنصلي؟ ايه الفايدة من الصلاة؟****طب نعرف الأول يعني ايه صلاةصلاة =صلة بين خالق الكون العظيم والمخلوق الضعيف...
23/12/2024

هو احنا ليه بنصلي؟ ايه الفايدة من الصلاة؟
****
طب نعرف الأول يعني ايه صلاة
صلاة =صلة بين خالق الكون العظيم والمخلوق الضعيف اللي هو أنا وإنت
وده معناه إن ربنا مش محتاج صلاتنا ولا عبادتنا كلها ..طب ليه أمرنا بيها؟؟!!
- أولا عشان إحنا في الدنيا في اختبار ولازم يظهر اللي هينفذ أمر ربنا ويصلي ويعبده صح
- تاني حاجة بنصلي عشان روحنا تتصل صح بخالقها عشان تقدر تكمل الحياة صح
ولأن دي ضرورة هتلاقي غير المسلمين لجؤوا لحاجات تعوضهم عن الصلاة بجلسات التأمل وغيرها...لكن إحنا في ديننا الصلاة تغنيك عن كل ده ولكن التأمل وكل الحاجات دي ماتغنيش عنها
- بنصلي عشان طريقنا ينور ونقدر نكون أقوى ومهما غلطنا نقوم غصب عننا نتوضا ونصلي وده بيدينا إرادة وقدرة إننا نواجه كل حاجة في الحياة
وفي حالة حتى حد ماقدرش يسيب الغلط ..اهو هيبقى بيعمل الصح والغلط وياخد حسنات وسيئات واكيده ده حالته أحسن من اللي ماعندوش غير سيئات بس

لما بتعمل عمرة لأول مرة مش بتكون مدرك ان المسافة في السعي بين الصفا والمروة كبيرة اوي كدة. ساعتها بتسأل نفسك هي ليه السي...
22/12/2024

لما بتعمل عمرة لأول مرة مش بتكون مدرك ان المسافة في السعي بين الصفا والمروة كبيرة اوي كدة. ساعتها بتسأل نفسك هي ليه السيدة هاجر رضي الله عنها راحت ورجعت بينهم سبع مرات. يعني المفروض انها طلعت مرة علي الصفا ملقتش مية وطلعت مرة علي المروة ملقتش مية ليه بقي فضلت رايحة جاية سبع مرات. وبعدين تفتكر هول الموقف الي كانت فيه.

السيدة هاجر كانت في عرض الصحراء لوحدها مع طفل رضيع الي هو سيدنا اسماعيل بيبكي من العطش وهي مش معاها لا مية ولا اكل. هي مكنتش بتسعي السعي دة عشان تلاقي مية قد ما كانت بتسعي من الخوف علي ابنها وخوفها علي ابنها ده هو الي خلاها تسعي سبع مرات رغم انها عارفة ان مفيش مية.
وكأن سعيها ده متمثل في دعاء ورجاء من الله انه يساعدها.
السيدة هاجر مكنتش تعرف ان المية هتظهر في السعى السابع، ولو مكنتش المية ظهرت كانت هتفضل تسعى للمرة التامنة والتاسعة والعاشرة وهي في نفس حالة الرجاء والدعاء.

القرآن بيتعامل بشكل ايجابي جدا جدا مع سعي الانسان في الدنيا.

ربنا سبحانه وتعالي بيقول "وَأَن لَّيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى"

انت ممكن تحاول مرة وتفشل وتقول خلاص انا فاشل. لكن ده مش سعي.

افتكر انك مش بتسعى عشان توصل، لا انت بتسعى ليرى الله سعيك. وعلي قدر سعيك جزاك الله جزاءك الاوفي.

الجزاء الاوفى ده مش معناه الحاجة الي انت عايزها، لا ده معناه الحاجة الي ربنا شايفها انسب ليك.

السيدة هاجر سعت سبع مرات بين جبلين في الاخر المية خرجت من تحت رجل سيدنا اسماعيل.

خلي المنهج ده واضح في حياتك واعرف ان حياتك كلها هي مسعي لله. فأي سعي انت بتسعاه في الدنيا انت بتسعاه ليرى الله قدر سعيك فتبقي مطمئن وراضي ساعتها بجزاء الله.

ربنا سبحانه وتعالى بيقول"وَمَنْ أَرَادَ ٱلْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُوْلَٰٓئِكَ كَانَ سَعْيُهُم مَّشْكُورًا"

وبرضوا قال سبحانه وتعالى "فَمَن يَعْمَلْ مِنَ ٱلصَّٰلِحَٰتِ وَهُوَ مُؤْمِنٌ فَلَا كُفْرَانَ لِسَعْيِهِۦ وَإِنَّا لَهُۥ كَٰتِبُونَ"

فأسعى في الدنيا سعى الاخرة، وأسعى بكل ما اوتيت من قوة لان الله سيري قدر سعيك هذا وسيجازيك عليه ومتقلقش سعيك في صلاح الدنيا دائما مشكور ومكتوب واذا جازي الله احسن الجزاء لاكتر من الي كنت بتتمناه. لكن بس افضل اسعى واتركها لله.

Address

2 El Mathaf Street
Tanta

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Saturday 10am - 10pm
Sunday 10am - 10pm

Telephone

0403304665

Website

Alerts

Be the first to know and let us send you an email when Misr ElMahroussa Travel posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Misr ElMahroussa Travel:

Videos

اللذين تشرفنا بخدمتهم رحله ٢٤ديسمبر ٢٠٢٤ المدينه المنورة

رحلة 26 نوفمبر بصحبة الشيخ اسامة عبد العزيز
رحلة 26 نوفمبر بصحبة الشيخ اسامة عبد العزيز

مزارات رحلة ٢٦ نوفمبر بصحبة الشيخ اسامه عبد العزيز

نجاح أي رحلة دينية🕋 جزء كبير منه راجع للمشرف الديني اللي بيكون معاك في الرحلة ودي حاجة احنا بنتميز بيها👌 ▫️بنختارلك أفضل المشرفين المتخصصين في العلم الشرعي ▫️وكمان بيقدروا يوصلوا المعلومة بشكل بسيط وروح حلوة ⬅️عشان متحسش بأي صعوبة في أداء المناسك بالذات لو انت اول مرة لو خرجت معانا قبل كدة اكتبلنا اسم المشرف في التعليقات👇👇

تلبية معتمرينا اليوم بعد إحرامهم من ميقات أهل المدينة💖

شتاء المدينة الجميل من منطقة المسجد النبوي 💚 اسأل عن عروض رحلات شهر 1 و 2

مجموعه من السادة الحجاج لعام ١٤٤٤ هـ مع شركة مصر المحروسة للسياحة بادر بالحجز الان
مجموعه من السادة الحجاج لعام ١٤٤٤ هـ مع شركة مصر المحروسة للسياحة بادر بالحجز الان

مجموعة من السادة الحجاج لعام ١٤٤٤ هـ بادر بالحجز الان لحج عام ١٤٤٥ هـ واحصل علي خصم ٥٠٠٠ جنية للحجز والاستعلام او زيارة اقرب فرع :- المقر الرئيسي 3 شارع المتحف طنطا ☎️ 0403304665 - 0403314220 🪀📞01006085400- 01210461898 - 01557332338 او زور أقرب فرع ليك 🏢 ... ✅- الفرع الثاني: ش ابو بكر الصديق امام شركة تساهيل - طنطا 0403586633 ✅الفرع الثالث : طنطا ش سعد الدين مع طه الحكيم رفعت عفت 01203565658 ✅فرع المحلة الكبري / ميدان البندر شارع السنترال الجديد إمتداد نادى 23 يوليو 01006767133 01224466688 040/2233491 ✅فرع كوم حماده ش التحرير جهةالمرور برج الخولى بجوار البنك الاهلى وشركة الغاز 0100416752/ 01028400429 ;0453686565 ✅فرع الاقصر شارع جده المتفرع من التليفزيون 01066862939/01009320888/01126660026 ✅كفر الزيات شارع الجيش (الترعه)اعلى فليفل للالبان ٠٤٠٢٥٢١٦١٧ ٠١٢٢٦٤٤٧٠٠٨ ٠١٠٢١٢٦٠٢٥٠ ✅فرع سمنود شارع سيدي عقيل بجوار مسجد الحرايري امان فرع فودافون 01065754419 - 01000527383 - 01552479322 - 0402975051 ✅فرع كفر الشيخ 01007011911

مبروك للفائزة بكارت ال VIP علي رحلة ٢ اكتوبر أ. جنى احمد محمد القاضي
مبروك للفائزة بكارت ال VIP علي رحلة ٢ اكتوبر أ. جنى احمد محمد القاضي

مبروك للفائزة بكارت ال VIP علي رحلة ٢ اكتوبر أ. جنى احمد محمد القاضي

شكراً للسادة المعتمرين علي اراءهم بشركة مصر المحروسة للسياحة
شكراً للسادة المعتمرين علي اراءهم بشركة مصر المحروسة للسياحة

معتمرينا الكرام

جمعة مباركة
جمعة مباركة

عمره شهر ديسمبر مع شركه مصر المحروسه
عمره شهر ديسمبر مع شركه مصر المحروسه

معتمرين شركه مصر المحروسه تقبل الله منكم صالح الاعمال

Shortcuts

Share

Category

Our Story


  • welcome to Misr Elmahroussa Travelツ Launched in 1983 . رحلات داخليه وخارجيه - رحلات حج وعمره - حجز تذاكر طيران - نقل سياحي - حجز فنادق - تأمينات - تأشيرات جميع دول العالم -----------------------

  • عناوين فروع شركة مصر المحروسة للسياحة - كفر الزيات (38 شارع الجيش بجوار المنشاوي) - كفر الشيخ - 88 شارع الخلفاء الراشدين عمارة المحاربين القدماء - كوم حماده - ش التحرير بجوار المزور برج الخولي - بسيون - شارع 23 يوليو برج مكة للحجز والإستعلام : 0403314220☎ 0403304665☎ او من خلال زياره اقرب فرع ليكم خدمتك شرف لنا😍💪