شاليه للايجار بلومار الساحل سيدى عبد الرحمن Blumar Sidi Abd El Rahman

15/08/2023

الحمد لله و الشكر لله
فضل ربنا كبير
😁

17/07/2023

فوائد الحجز بدرى ؟
انا اقولك
اولا ممكن تاخد سعر كويس
ثانيا لو حجزت متأخر هتلاقى السعر عالى ( عكس النقطه اللى فوق ) 😁
ثالثا بتريح نفسك و بتكون مطمن و مش شايل هم
رابعا بتجهز نفسك من دلوقتى علشان متنساش حاجه
و حاجات تانيه كثير مش فاكرها بصراحه 😁
احجز بدرى
الشالية متاح اعتبارا من ٣١ / ٧ 🏊🏊‍♀️🏊‍♂️🏝🌊

15/07/2023

بعض من تجديدات الشاليه 😉

04/07/2023

من المالك مباشرة بدون عمولات
متاح خميس و جمعة و سبت
٦ و ٧ و ٨ يوليو
و متاح من يوم الجمعه ٢٨ / ٧ 😉
علوى بروف غرفتين مكيف بالكامل
1066663314

23/06/2023

بسم الله الرحمن الرحيم
بدأنا السيزون بعد التجديد 😁
متاح من يوم وقفة العيد بإذن الله
شاليه علوى بروف مكيف بالكااااامل
غرفتين منهم غرفه ماستر بحمام منفصل
كل غرفه فيها عدد ٢ سرير ١٢٠ سم و تكييف و تليفزيون lcd
ريسبشن مكيف بتلفزيون ٤٠ بوصه
كل الأجهزة موجوده ( ميكرويف / بوتاجاز كبير / ثلاجه / غساله / مبرد مياه / سخان فى كل حمام )
تفاصيل الايجار :
الشاليه عائلات فقط ( غير مسموح بالشباب بمفردهم)
أقصى عدد ٦ أفراد
غير مسموح بالحيوانات الاليفه نهائيا
الاستلام الساعه ١٢ ظهرا و التسليم الساعه ١٠ صباحا
سعر الايجار غير شامل ٤٠٠ جنيه نظافه عن الفترة كلها ( house keeping)
سعر الايجار غير شامل استهلاك الكهرباء ( يتم المحاسبة على الاستهلاك الفعلى فقط )
السعر شامل استهلاك المياه
التأمين ٣٠٠٠ جنيه تسترد فى نهاية الزيارة بعد خصم قيمة استهلاك الكهرباء
01066663314

03/06/2023

بسم الله الرحمن الرحيم
و به نستعين ،،،
ان شاء الله سنبدأ الموسم الجديد قريبا جدا بعد التجديد الشامل للشاليه و إضافة تكييف للريسبشن بناء على طلب المستأجرين الاعزاء ليكون الشاليه مكيف بالكااااامل بإذن الله بالاضافه إلى العديد من التجديدات الأخرى.
انتظرونا ......
Loading.....

22/08/2022

بفضل ربنا و كرمه علينا
الشاليه غير متاح لنهاية السيزون
كل سنه و حضراتكم طيبين و بخير
و انتظرونا بإذن الله السيزون اللى جاى و التوضيبات الجديده ❤️

12/08/2022

اخر فترة فى السيزون
متاح من الأحد ١٤ أغسطس إلى الجمعه
بسعر خاص جدا

26/07/2022

لإلغاء الحجز
بسعر خاص الفترة من ٣١ / ٧ إلى ٤ / ٨
٥ ايام فقط
للتواصل :
01066663314

05/07/2022

كل سنة و حضراتكم طيبين
القطاع العام .....اجازه اسبوع
القطاع الخاص ..... اجازه اسبوع
البنوك ..... اجازه اسبوع
و لسه اسبوع العيد فاضى يعنى يا تلحق يا متلحقش
ملكش حجه 😍😍

01/07/2022

بمناسبة تجديد محمد صلاح عقده مع ليفربول ليكم مفاجأه كبييييييرة
تخفيضات على سعر اليوم فى الشاليه 😍😍😍
الحقوا المفاجأة 🇪🇬🇪🇬🇪🇬🇪🇬
طبعا محدش يصدق انا مالى و مال محمد صلاح يجدد و لا ميجددش
الاسعار زى ما هى 🤣🤣🤣🤣

01/07/2022

كل سنة و انتوا طيبين
بدأنا حجز اسبوع العيد
من الجمعه إلى الجمعه
01066663314

25/06/2022

بدأنا السيزون الجديد
المصيف يعنى الساحل الشمالى و المتعه يعنى سيدى عبد الرحمن
من المالك فى قرية بلومار وادى دجله فى قلب سيدى عبد الرحمن
شاليه غرفتين منهم غرفه ماستر بحمام منفصل و الشاليه معاه روف كمان . كل غرفه فيها تكييف و LCD
كل الاجهزة موجوده ( ميكرويف - غساله - مبرد مياه .... )
و السعر على العام مش على الخاص 😍
سعر اليوم ٢٥٠٠ جنيه
سعر العيد ٣٧٥٠ جنيه اليوم
حد أقصى ٦ افراد
ممنوع اصطحاب حيوانات نهائى ( فى حالة وجود حيوانات بيتم الالغاء فورا دون اى مسئوليه )
الحجز قبل الموعد ب ٣ ايام على الاقل لاستخراج التصاريح الامنيه عن طريق القرية

19/06/2022

الحمد لله 🙏🙏
تم تنظيف و تطهير الشاليه تمهيدا لبداية الموسم بإذن الله
فى انتظار انتهاء أعمال صيانة حمامات السباحه و تجهيز الشاطئ 🌊
البدايه بإذن الله الخميس ٢٠٢٢/٦/٣٠ 😍😍

10/06/2022

السلام عليكم
اهلا بحضراتكم جميعا
ان شاء الله قريب اوى هانبدأ السيزون الجديد بس مستنين ابلاغنا بأن الطريق قابل للاستخدام و ان المرافق كامله فى القرية و جاهزة بإذن الله
تحياتى لحضراتكم جميعا ❤

01/05/2022

كل عام و حضراتكم بخير
عيد سعيد عليكم
و انتظرونا بإذن الله مع بداية السيزون الجديد 😍

06/04/2022

رمضان كريم على حضراتكم جميعا

01/01/2022

كل سنة و حضراتكم طيبين و بخير و ان شاء الله عام جديد سعيد علينا كلنا

23/09/2021

كل سنة و حضراتكم طيبين
و ان شاء الله
السنة اللى جايه نتقابل على خير
و بشكل و توضيب و فرش جديد خالص ❤❤❤
بشكر كل واحد شرفنى و حجز عندى 🙏
و بعتذر لكل واحد لو فى اى حاجه معجبتوش فى الشاليه و اوعده ان السنة اللى جايه هاتكون الدنيا افضل 💪🙏

19/07/2021

كل عام و حضراتكم بخير
اخر فترة متاحه الموسم دا بإذن الله و فضله
من يوم الثلاثاء ٢٠٢١/٨/٢٤ إلى الخميس ٢٠٢١/٩/٢

16/07/2021

من قلب الحدث ❤❤

10/07/2021

⛔ مساء الخير ⛔
عاوز تحجز و اتفقت او حد حجز معاك و انت مالك و عاوز منك إثبات اقرى الكلمتين دول كويس اوى و ركز
اللى حجزت معاه عاوز منك دفعه مقدمة
روح لحد بيته او مقر شغله و على مكتبه و اديله الدفعة
و حتى لو بعتلك صورة البطاقة و صورة كارنيه القرية و صورة عقد الملكيه 🚫🚫
يقولك حولى على فودافون و اتصالات كاش لا لا لا لا لا
يقولك قابلني فى الشارع لا لا لا لا لا لا
تقولى اصل الاكونت اصلى و قديم لا لا لا لا لا
يقولك اعملى ايداع فى البنك لازم يكون اسم صاحب الحساب هو نفس اسم البطاقه اللى باعتها و تكتب فى الإيداع دفعه حجز لشاليه فى المكان الفلاني هام هام هام هام ⛔
ادفعله فى ايده جوا شغله او فى بيته و تشوف و انت معاه كل المستندات و تطابق صورته فى البطاقه مع الكارنيه مع كله
طيب انا مالك و اللى حجز معايا طالب منى إثبات ملكيتى للشاليه ابعتله البطاقه و كارنيه الملكيه و صورة من العقد ؟!
لااااااااااااا اوعى تعمل كدا اطلاقا خليه يجيلك لحد عندك لو هو جدى فى الحجز و يدفعلك الفلوس و يشوف كل حاجه
ليه بس كدا و ايه المشكله ؟!
اقولك
الباشا هياخد كل مستنداتك اللى انت بعتها دى و هايعمل بيها احلى نصب
هاينزل اعلان عن شاليه بسعر قليل و اللى هايحجز معاه و يطلب إثبات للملكيه هايبعتله كل مستنداتك و كلها سليمه
خلو بالكم احذرووووووووووووا
اللهم انى بلغت اللهم فاشهد

08/07/2021

اتأكد ازاى انى لو دفعت مقدم حجز مش هايتنصب عليا !!!!!!!
خلينى اقولك ان مفيش حاجه تضمنلك فلوسك الا لو دفعتها على باب الشاليه للمالك شخصيا و برضه ممكن يتنصب عليك 😂😂
بص يا سيدى ركز معايا 🚫
اولا : حاول تأجر من حد يقرب ليك او تعرفه او عن طريق حد تثق فيه .
ثانيا : لازم يكون اكونت الفيس بوك بتاع اللى بيعرض حقيقى و قديم .
ثالثا : حتى لو بعتلك صورة البطاقه و صورة كارنيه القريه متحولش فلوس نهائى اتعب شويه و انزل روح البنك اعمل الإيداع او حول on line المهم يكون بنفس الاسم و الأفضل تروح بنفسك للشخص فى مقر عمله و تدفع الفلوس و متقابلش حد فى الشارع
موضوع صور الشاليه اذا كانت حقيقية و لا لا دى للاسف صعب اوى انك تتحقق منها
طبعا فى مواقع بتدير عملية الايجار و بتكون محترمه
الخلاصه اللى تعرفه احسن من اللى متعرفوش .
اجازة سعيده 🌊
ملحوظه الفيديو من القرية اللى فيها الشاليه بتاعى بس قديم من سنتين تقريبا 😍😍😍

06/07/2021

اهلا بحضراتكم
المواعيد المتاحه بفضل ربنا 🙏🙏

⛔ شهر أغسطس ⛔
1️⃣ عدد ٣ ايام ( من السبت ٧ أغسطس إلى ٩ اغسطس )
2️⃣ من ( الاحد ١٥ أغسطس إلى نهاية أغسطس )
⛔ شهر سبتمبر كامل ⛔

05/07/2021

التعليقات اللى زى دى و تقدير المجهود هى اللى بتخلى الواحد ينبسط و يحس انه بيعمل حاجه مختلفه
شكرا ليك يا استاذ شريف و دايما تنورنا 🤩🤩😍😍

04/07/2021

شكرا شكرا شكرا
الحمد لله من فضل ربنا علينا 🙏🙏🙏
تم حجز شهر يوليو حتى يوم ٢٨ و متاح من يوم ٢٩ يوليو
و نبدأ بإذن الله فى حجز شهر أغسطس 🤩
بنحاول نعمل حاجه جديده و خدمة مش موجودة
مستنين ايه 😆😆😆 عندنا هاتحجز و هتاخد هدايا موتسكيلات و عجل و دباديب و حاجه ساقعه ( بصوت علاء ولى الدين ) 🤣🤣🤣
و كمان ضيفنا كل القنوات الرياضيه و المشفره مجانا و كمان مكتبه افلام عربى و أجنبى و كل المسلسلات اللى تتخيلها فى الشاليه يعنى مفيش حجه هات اللب و السودانى و الباقى علينا 😁😁😁😁
https://youtu.be/GS3uSG9aDP0

فيلم الناظرشاهد جميع قفشات الفيلمhttps://www.youtube.com/watch?v=VHg3oR229-I&list=PLj4xaSqBHKg4WwTs8LE1FQ_K3MyLQvN1xبطولةعلاء ولي الدين : عاشور / صلاح الدين ...

02/07/2021

اهلا بيكم
الحجز الشبكى اللى كنا اتكلمنا عليه هايكون عبارة عن خصومات حضرتك هتاخدها لو حد من طرفك حجز عندنا .....يعنى ايه ؟
اقولك يعنى ايه
يعنى حضرتك حجزت عندى مره و قلت لحد على الشاليه و اللى حضرتك قلتله دا حجز عندى بناء على توصيتك و بلغنى انه من طرف استاذ فلان
فورا حضرتك بتاخد عندى خصم ٥ % على اول حجز ليك عندى 😍😍😍
و طبعا ليك لحد ٢٥ % خصومات
شدوا حيلكم و فعلوا الخصومات 🤑🤑🤑🤑

01/07/2021

الحجز الشبكى
هو دا المختلف عندنا فى الشاليه بتاعنا
استنونا 😍😍

30/06/2021

من المالك مباشرة
شاليه رائع فى بلومار وادى دجله سيدى عبد الرحمن الساحل الشمالى
فيو بحر و بيسينات و مسطحات خضراء
غرفتين منهم واحدة ماستر بحمام منفصل
و كل غرفه فيها تكييف و Lcd 🤩
ريسبشن كبير مجهز بتلفزيون ٤٠ بوصه بكل القنوات المشفرة و الرياضيه و مجهز بمراوح استاند و سقف
مطبخ بكل اجهزته ( ميكرويف - ثلاجه - بوتاجاز - ديسبنسر مياه )
حمام رئيسى بغساله و سخان
روف داخلى بفيو رائع 😍😍
ابعتلنا و اسألنا على المواعيد المتاحه
( عائلات فقط بحد أقصى ٦ افراد بالغين )
تليفون المالك :
01066663314
لينك واتس اب مباشر اضغط و راسل فورا :
https://wa.me/201066663314