Yara Fayed - يارا فايد

10/06/2024

قبل ما تقرأ اي حاجه قولي اكتر تذكار اشتريته منين و بيفكرك ب ايه🌝

دايماً الواحد اما يسافر رحله بيبقي متحمس ل كل حاجه فيها الأكل الجديد اللي هيدوقه و الحجات المختلفه اللي هيجربها و يشوفها و دايماً كل بلد بتتفنن ف انها تظهر حضارتها ف شكل تذكارات السائح ياخدها معاه عشان تفكره بيها

و فعلاً كُل حاجه ف الرحله ممكن تتنسي الا التذكارات دي
و من شغلي كمان اكتشفت ان المصريين اكتر ناس بيشترو تذكارات و العرب كمان عموماً بس المصريين اغلبهم بيشتري بشكل هستيري
افتكر مره ف رحله الاقصر و اسوان بتاعه الكليه تاني يوم كل البنات كانت مغيره هدومها و لبست العبايات النوبيه و الولاد جابو لبس بكار😄

التراث حلو و التاريخ حلو و اي حاجه بتعبر عن هويه الإنسان حقيقي مفيده و جميله🩷

21/03/2024

عاملالكو شويه عروض عسل و الله ف ظل ارتفاع الاسعار اللي حل عالكوكب كله مره واحده ده

العادي انك تلاقي شركة تحجز معاها الرحلة و تقدر توفرلك سعر كويس وخدمة مقبولة و انتقالات توصلك للمكان بتاعك و ده شيء تقليدي بالنسبالنا في كيان تراڤيل😊..
لكن اللي مش عادي انك تلاقي شركة تقدر تحجز معاها رحلتك اللي مناسبة ليك و لشخصيتك و لو شايف ان دي حاجه سهله او ملهاش لازمة ف العملا بتوعنا يقدروا يغيروا رأيك في حاجة شبه كده✨..
عشان احنا في كيان تراڤيل نقدر نوفرلك الفندق و الرحلات و التنقلات المناسبة ليك و لهدف رحلتك و ده عشان بنقدر ناخد منك المعلومات اللي تساعدنا في اننا نوفرلك افضل و اجمل رحلة ممكن تطلعها في حياتك عشان هتكون مخصوص ليك انت بس💖🙏🏻
دلوقتي تقدر تبعتلنا على رسايل الصفحة او الواتساب وتحجز معانا رحلتك في العيد و متقضيش العيد في البيت زي كل سنة خليه السنة دي مختلف😉
رقم الواتساب:
http://wa.me/+201091981981

21/03/2024

مشهد كريم عبد العزيز و هو بيخطب ف اتباعه في مسلسل الحشاشين فكرني ب موقف ف التاريخ عكس الطريقه دي تماماً بس نفس الهدف

موقف كنت قرأته ف كتاب بيحكي عن قيام الدوله الفاطميه ف مصر

المهم الكاتب كان بيتكلم ان المعز لدين الله الفاطمي اول خليفه فاطمي ف مصر و الرابع ف العالم اول ما جه مصر طبعاً جه علي العاصمه بتاعته (القاهره) اللي بنهاله جوهر الصقلي و جاب كل حاجه معاه حرفياً حتي رفات اجداده و كان جاي بموكب كبير جداً
ف كل الناس شافته و انبهرت ب موكبه

هو بقي عمل ايه؟

هو قفل علي نفسه ف قصره حوالي ٣ او ٤ شهور خسب كلام الكاتب و كان بياكل اكلات دسمه و اهتم بصحته و بشرته وبعد المده دي طل علي شعبه و هو لابس مجوهرات كتير اوي ملونه من الزمرد و المرجان والدهب و لابس استبرق اخضر (ما كان يبدو عليه للناس)

ف الجواهر و اللون الاخضر مع توريد وجهه بسبب الاكلات الدسمه خلته كأنه بينور و أوهم الشعب انه كان ف رحله زي رحله النبي (الاسراء و المعراج)
و طبعاً كان هدفه الطاعه المطلقه

طب احنا عرفنا الحجات دي ازاي؟
احنا بنعرف الحجات دي بسبب ان في مؤخرين كانو بيبقو حاضرين المشاهد دي و بينقلوهالنا بالتفصيل و احياناً مع الرسم كمان

المشهدين اتنفذو بأختلاف شديد الا ان الهدف الاساسي( التأثير عليهم بغرض الطاعه المطلقه) كان واحد و تو عن طريق الدين و انهم مش بس من الأولياء لا دول ف مكانه الانبياء

و الفكر ده مكنش ف الديانه الاسلاميه فقط للاسف ده بيتعمل من قبل الاسرات كمان مش بس فراعنه عشان احنا ك بشر بيسهل التأثير علينا عاطفياً خصوصاً ف مجتمعات بالنسبالها الدين و التقاليد من الاولويات اللي مينفعش تتكسر و اي حد يقربنا منه بيبقي green flag 😂🤍

03/03/2024

02/03/2024

كنت بتفرج عالتليفزيون و لقيت مشهد من مسلسل يوسف الصديق و انا كنت عمري ما شفته و مع احترامي ليه و للناس اللي بتحبه بس لفت نظري الملابس ف اقل من دقيقه

كل الناس كانت لابسه غطاء الرأس nms (نِمِّسْ) و ده خاص بالملوك

كمان كانو لابسين الشنديت و دي زي نقبه او جيبه كده خاصه بالملوك برضه🌝

ف للتوضيح احنا اللي وصلنا من حضارتنا كانو مش عوام كانو يا ملوك و بالتالي مقابرهم و هدومهم و عاداتهم مش هي السائده و ده اللي مخلينا بنقول علي حضارتنا مصر القديمه مش الفرعونيه عشان مكنتش مقتصره عالفراعنه (الحُكام) بس

و كان كمان في العلماء اللي كانو بيبحثو و يسجلو بردياتهم الخاصه بالفلك و الطب و الهندسه و غيره

و الكُتاب و دول كانو من أهم الناس ف الدوله

ف العاده كان ممكن حد ياحد اكثر من دور و يبقي من طبقه النبلاء ف يبقي حكيم بيكتب تعاليم الناس تمشي عليها بس هو اصلاً مهندس بني حجات مهمه للملك

ف اعلب اللي اتشهرو و ظهرولنا دول مش العوام دول ناس ارتبطت بالدوله و الملك
ف بنلاقي الظباط و الخدم و العمال بانيين الاهرامات و المعابد و بنلاقي الادباء و الشعراء و الحكماء اللي كانت قصصهم قائمه علي مهمات للملوك و الفنانين اللي مانو بينحتو منحوتات للملوك و النبلاء بعد موافقه الملوك

13/02/2024

عارف صدمتك عن القمر اما تشوفه من بعيد منور و بيلمع و أملس و تكتشف انه معتم و فيه نقور و مش مستوي خالص كل ما تقرب💁🏻‍♀️

اهو العكس بقي حصلي ف تدويري عن شخصيه تحتمس كل ما اقرب اغير انطباعي الأول عنه خالص🤷🏻‍♀️
تحتمس زي ما قولتلكو البوست اللي فات تصرفاته مع معلومات بسيطه عن نشأته تديك انطباع انه عنيف

لكن مثلاً هو اول ما مسك الحكم و قبل ما يتتوج عرف من جواسيسه ان في حرب هتقوم ضده من الثغور الاسيويه خصوصاً ان حتشبسوت كانت مهتمه بالجنوب و التجارة اكتر ف المهم هو قرر انه يروحلهم و بلغتنا كده يتغدي بيهم قبل ما يتعشوا بيه
و مش كده و بس ده حمس الجيش بتاعه لدرجه ان مسافه من طيبه العاصمه (الأقصر حالياً) لحد فلسطين حالياً اخدت منهم حوالي ١٥ يوم فقط متواصل 😯
المهم هو ف المعركه دي (معركه مجدو) عمل حجات متعملتش قبل كده
اولاً هو عرف أن الجيوش كلها مجتمعه ف قلعه مجدو و دي ليها ٣ طرق طريق يمين طويل و طريق شمال طويل و طريق اسمه عرونا ف النص
المهم انه عمل اول مجلس اركان حرب ف التاريخ عشان يشوف الرأي الاغلب ف اتخاذ قرار الطريق المناسب (دي حاجه مهمه لان وقتها كان الملك المصري مقدس لا يسمح حتي بلمسه بالخطأ ما بالك ب اخذ آراء الضباط ف الحرب)
ف لقي ان القاده بتوعه اختارو يا يمين يا شمال لكن هم برضه اذكيا حسو ان الملك مرجع الطريق اللي ف النص ف قالولو يا مولانا الملك
طريق عرونا ده صعب جداً نمشي فيه، اولاً الطريق فيه جبال يعني لو حد واقف فوق ب اسهم احنا خلصنا قبل ما نوصل للحرب ، ف جاب جواسيسه قدام القاده أكدو ان مفيش حد عالجبال ، طب ثانياً الطريق ضيق جداً يا مولانا الملك لدرجه انه هياخد واخد بس بالفرس بتاعه يعني مقدمه الحيش هتحارب و مؤخره الجيش هتبقي لسه ف اخر الطريق 🙄 المهم قعد يسمع منهم و خلي بالكو ده مكنش السائد اوي وقتها ف ف الاخر عمل حركه سوسه كدّه قالهم و الله اللي عايز يمشي يمين يمشي و اللي عايز يمشي شمال يمشي بس انا عن نفسي هاخد الطريق اللي ف النص بس خلي بالكو احنا لو دخلنا متفرقين هيقولوا علينا جبنا و هيقولو ملككم جبان و الاله امون رع أجبن و خايف من الهزيمه
طبعاً هم ثارو اما تخيلو الموقف و تحمسو جداً و معاك يا ملك و الجو ده ف هو كان سوسه امتر و قال انه هياخدهم معاه بس بشرط انه يتقدم الجيش حتي فرق المشاه ف تخيل حد بالروح دي هو اول واحد هيتضرب مهو الطريق هيعدي واحد واحد ف كده اللي وراه هيخافو او هيحسو انه بيسلمهم و يبقي هو ف الاخر ينجو بحياته!؟
المهم مشي طريق عرونا و وصل قبل المتوقع بـ اسبوعين و عمل اول عنصر مفأجأه ف الحرب ف التاريخ لدرجه ان العدو حرفياً ساب السلاح و جري و استخبو ف حصن مجدو ،
ف اضطر الملك انه يحاصرهم ،
حاصرهم بقي كتير!؟
٦ او ٧ شهووور ، !! انت متخيل!!
المهم بعدها طلبو السماح ب انهم طلعو الاطفال بالهدايا للملك طالبين منّه المسامحه انت بقي لو مكانه هتعمل ايه ؟ 🤔

تخيل نفسك ملك لسه ماسك الحكم و بعد شوقه حرفياً اكتر من ٢٠ سنه و قعد كل مده الحرب و الحصار دي من غير تتويج رسمي من الدار للنار حرفياً و استهزاءو بيه و استهزأو بيه تاني و خلوه محاصرهم كل المده دي و بعد ده كله يطلعو الاطفال يقولو معلش حتي من غير مفاوضات 🤷🏻‍♀️

هستناكو تقولولي رأيكم لو مكانه هتعملو ايه عشان نكمل الاجزاء الجايه💋

13/02/2024

كنت مع صديقه جزائرية ف متحف الحضاره و وقفنا قدام مومياء الملك
❤️ تحتمس التالت ❤️
و قلتلها انه قدوتي و اكتر شخصيه فعلاً بحبها جداً و سألتني ليه ! ف خليني اقولكو ليه
الراجل ده نشأته كانت صعبه جداً اتولد لقي نفسه ابوه ملك و امه محظيه و يعتبر ابن غير شرعي و الحاكم الفعلي كانت مرات ابوه و عمته ف نفس الوقت ف اتولد لقي ان ابوه شبه مهمش و ضعيف البنيان و دايماً مريض حتي انه مات بدري و اتيتم هو لسه مكملش ١٢ سنه و حصل لخبطه ف ان المفروض يحكم الابن الذكر الشرعي و هو الابن الذكر بس معندوش شرعيه ف اتجوز بنت حتشبسوت اللي هي اخته الشرعيه و هو لسه مبلغش الحُلُم و كانت حتشبسوت وصيه عليه و اسمها بيتنقش مع اسمه ف الاحتفالات و بدون مقدمات ابعدته عن الحكم ٢٠ سنه بحجه تدريبه العسكري و بدون مقدمات برضه مسك الحكم

خليني اقولك كام حاجه و افسرهالك: مثلاً هو كسر اغلب تماثيل حتشبسوت و شوه اسمها
و قاد ١٧ حمله عسكريه و مخسرش ولا واحده
ده كمان دخل انواع طيور و نباتات مكنتش موجوده قبل كده

اخدت عنه انطباع!! توقعك ايه 🤔 اكيد انه شخصيه عنيفه محبه للانتقام ، ده كان نفس توقعي برضه قبل ما شغفي يجيبني ناحيته و اكتشف انه مش كده خالص و ده يمكن اللي حببني فيه ❤️

هقولكو ف بوست تاني تفاصيل من شخصيه تحتمس التالت ❤️⭐️

08/02/2024

أهملت الصفحه دي جداً رغم انها كانت آخر حاجه بتربطني بشغفي بس ان شاءالله ارجع تاني 💘

اتخرجت و اخدت خطوه كنت بحلم بيها "يكون ليا شغلي الخاص" و كنت فاكره اللي جاي بعدها كله هيكون سهل بس طلع أصعب مما يكون و محدش قالي😂🤷🏻‍♀️
لكن الحمد لله ف وقت قليل جدا أقل من موسم كان في ناس سافرت معانا و اتبسطت و ناس اتطمنتلي و ناس جابت صحابها و ناس تانيه برضه كان في سوء تفاهم 😂 لكن يظل ان شغلي ده حاجه ممتعه و اما العميل بيرجع مبسوط بحس اني أديت رسالتي 🤩


Kayan Travel
دي الصفحه الخاصه بيا بالشغل اتمني تدعموني و تعملوها لايك و تقولو رأيكم ف الرحلات او لو في حاجه زياده محتاجينها 😃
Kayan Travel reviews
و ده جروب الريفيوهات اتمني اللي طلع معايا رحله قبل كده يتكلم عنها🙃💖

07/02/2024

😍 احنا مش بتوووع رحلات يوم واحد بس عشان اخواتي جبنا صفقه اجمد من بتوع الشاذلي للفيوم 😅🌴 و شوف اما كيان تطلعك رحله هتبقي مميزه ازاي Kayan Travel reviews ارجع ل رأي عملائنا فينا😉

لو مطلعتش معانا المره دي هيبقي فايتك كتير اوي لانها مش مجرد رحله دي ذكريات لسنين قدام 🤩🤩

⏺️رحلة داي يوز الاستجمام والاستمتاع (وادي الريان وقرية تونس) 😍♥️🔥

📌 البروجرام :
◀️الانتقالات بباصات حديثة ومكيفة من طنطا 😍
1- دخول محمية وادي الريان
2- وصول قريه تونس لتناول وجبة الفطار ( فطير مشلتت - عسل ابيض - عسل اسود -جبنه بالخضار- جبنة قديمة مش )
3- دخول محميه وادى الريان وزيارة الشلالات (اللي تصور فيها تامر حسني)😉
4- ركوب فلوكة ف بحيره قارون
5- الساند بورد ( التزحلق ع الرمال )
6- زيارة وتسلق جبل المدورة
7- العودة للكامب ف قرية تونس وتناول وجبة الغداء ( ربع فراخ او كفتة حسب الاختيار - ارز - عيش - سلطات )
8- كامب فاير
9- حفلة سمر شاي بدوي ع الفحم
10- مارشميلو ع الفحم
11- العاب فردية وجماعية ( الشوال - الحبل - الزجاجة الدوارة - البالون )
12- كالر بارتي ( حفلة الوان )
13- شماريخ
14- دي جاي
15- اغاني بدوية وحفلة بدوية رقص بدوي
16- فوتوجرافر خاص بالرحله عشان يسجلنا كل لحظاتنا الحلوه 🩵
و كل ده هيحصل ف الماجيك ليك اللي هو اجمد مكان تشوف فيه النجوم و تستمتع بالصور فيه 🔥
◀️وكمان لو حبيت (اختياري)
متاح ركوب #خيل وجمال وكريتة وبيتش باجي 🐎
◀️وكمان ممكن تعمل جولة ف الصحراء بعربيات 4×4 🚙

✅وكل دا بسعر ولا في الخيال 🤩🤩

◀️بروجرام دسم جدا هيبسطك يعني هيبسطك 😍🔥

✅الأحلى بقي ان في #تخفيضات للمجموعات والمدارس والجامعات والنقابات ...
** عروض خاصة جدا للمجموعات 🤩
** ومتاح تنفيذ البروجرام للشركات والهيئات والمدارس والجامعات والنقابات والنوادي والبنوك أو أى مجموعات بشكل عام وبتخفيضات وهمييييييه يعتبر ببلاااااااش 🔥🔥
وكمان اعلي تنفيذ بفضل الله وبشهادة عملائنا🙏🏻♥️...
ابعتلنا على رسايل الصفحة او سيب كومنت و احنا هنتواصل معاك في اقرب وقت 💙
العنوان :
🚩 طنطا:المعرض برج مناره الميداني اعلي حلواني شيخ العرب بجوار حريقه الدور الثالث علوي يسار الاسانسير.
وسائل التواصل الاجتماعي:
Instagram https://instagram.com/_kayan_travel_?igshid=NTc4MTIwNjQ2YQ==
Telegram
https://t.me/yara_fayed
☎أرقام التواصل + واتساب
http://wa.me/1091981981
http://wa.me/+201204490153

07/02/2024

اللي عايز يطلع يكلمني💖

باقي يوم واحد على معادنا .. استنونا 🔥🔥