Sólorka

04/12/2024

TÓNLEIKUR, UNDIRHALD OG HUGNI Í GÓÐUM HONDUM
- JAVNA-FIESTA FRÁ 22. APRÍL TIL 1. MAI 😊
GESTIR VIÐ SERLIGUM TØRVI, FAMILJA OG AVVARÐANDI

Tað gongur upp á stás at fáa festligar luttakarar til heimsins fyrstu sponsku Javna-fiestuna, so nú er at skunda sær at melda til.
Limaskapur í Javna er ikki ein treyt.

Tað gongur somuleiðis upp á stás at fáa góðar undirhaldarar, tónleikarar, plátuvendara, dansarar, fimleikalærara, gandakall og øll hini, sum hoyra til eina ordiliga fiesta. Vit fáa Rógva í fullum útblástri við bæði gykli, undirhaldi og ítrivi. Kim Hansen og Eyðun Nolsøe hava smáar konsetir fyri okkum, og teir spæla til dans um kvøldið eins og lokalir bólkar við suðurlendskum rútmum. Gissur leggur plátur á okkurt kvøldið eins og hann seinnapartar eisini hugnar um við bingo og øðrum aktivitetum.

Hvønn dag hava vit stuttligar rørslur. Onkran dag hava vit skemtilig danskiskeið, og onkran annan dag venja vit sang. Ein dag fara vit at hava appilsin-party. Fyrst fara vit út í plantasjuna hjá Paolu og Vicent at henta appilsinirnar og at pressa heimsins besta djús. So fara vit heim at halda party, har vit pressa og drekka meira djús, syngja og dansa appilsindans og annað, sum hoyrir til eitt appilsin-party.

Vit fara eisini bara at njóta veðrið og gangar onkran túr. Tað ber til at koma við á onkra útferð – ett nú til fjallabygdina Guadalest ella at vitja djóragarðin. Sí meira her: www.solorka.fo/javnafiesta - Tað ber til at fáa meira at vita og at tekna til hjá JAVNA umvegis [email protected] ella tlf. nr. 208090

27/11/2024

HANS JACOB OG VINMENN SETA FUTT Í VÁRSETUNA
- TIL GRÍSAFEST, Í UNDIRHÚSI, Á VAGLI OG Í KLUBBA 😊
Aftur í vár fer frálíka og sera vælumtókta daniorkestrið at ríka okkum løturnar saman við øðrum góðum bólkum. Hans Jacob og Vinmenn fara at spæla bæði á Vagli og í Klubba - og kanska eisini onkra løtuna í nýggja Undirhúsinum, hvør veit. Harafturat fara teir sjálvandi at spæla til dansin á nýggju Várveitsluni, har øll eru boðin við, og sum í vár verður skipað sum ein skemtilig grísafest. Saman við heilstoktum grísum, nostalgiskum Den Med Tyren og øllum søgunum, skrøgginum og reypinum frá Toftamanninum og øðrum við fara okkara musikantar at seta eitt ordans futt í várið í Sólorku.
Meira er at frætta her: www.solorka.fo/vársetan
Seinastu plássini verða seld umvegis [email protected]

27/11/2024

UNDIRHÚS, GRÍSAFEST OG DEN MED TYREN
- VÁRSETAN GERST NÚ ENN FESTLIGARI 😊

Vársetan fær av álvara sítt egna lív við nøkrum nýggjum festligum og hugnaligum táttum. Millum annað fær hon sítt egna “undirhús” – heimsins fyrsta uttandurahús - har vit seinnapartar kunnu práta, syngja ella reypa saman ella kanska spæla kort ella dart ella okkurt heilt annað. Hereftir fer vársetan eisini at hava sítt egna grillparty, ta sonevndu Várveitsluna, har øll eru boðin við.

Hesaferð fara vit – eitt sindur í spølni – at geva veitsluni eitt søguligt spanskt tema: Grísafestina! Vit fara at hugleiða um góðar gamlar dagar við rúsdrekkakortum, skattaváttanum, Veru Katrup og Den Med Tyren....og (sum skaldið kvøður) hvussu føroyingar vóru tá, serliga tá teir vitjaðu sunnanfyri. Millum onnur fer Toftamaðurin at fortelja onkrar góðar frá, tá hann á sinni sjálvur var við á grísafest. Kanska kennir hann onkran av hinum sólorkugestunum aftur frá teirri ferðini?

Hetta er jú eitt grillparty, so vit fáa sjálvandi heilstoktar grísar og okkurt gott afturvið. Og hvør veit, kanska finna vit nakrar fløskur av Den Med Tyren at hella í onkran nostalgiskan føroying? Suðurlendskir snillingar fara at spæla á spanskar gittarar, og eingir minni enn Hans Jacob og Vinmenn fara at spæla til dans.

Meira er at frætta her: www.solorka.fo/vársetan
Seinastu plássini verða seld umvegis [email protected]

08/11/2024

JAVNA-FIESTA - FAGNAÐURIN FYRI F**T OG FESTLIG FÓLK
- BEINLEIÐIS ÚR VÁGUM FRÁ 22. APRÍL TIL 1. MAI 😊
Byggjandi á drúgvu royndir okkara við serligum tænastum skipa vit – í samstarvi við JAVNA - fyri eini nýggjari servitjan í Spania. Limaskapur í Javna er ikki eitt krav. Vitjanin er fyri ymiskar gestir við serligum tørvi – eitt nú menningartarni, autismu, sálarligum avbjóðingum ella øðrum avbjóðingum – og fyri allari familjuni og avvarðandi umframt stovnum, felagsskapum o.ø. Afturat hugnanum og stuttleikanum á gistingarøki okkara fara vit at at skipa fyri løttum gongutúrum og útferðum í vøkrum umhvørvi, har okkurt gott finst til allar sansirnar. Harafturat verða hópin av stuttligum aktivitetum, uppgávum, kappingum og spølum. Somuleiðis verður vitjanin eyðkend av tónleiki, sangi og dansi. Sí meira her: www.solorka.fo/javnafiesta
Tað ber til at fáa meira at vita og at tekna til hjá JAVNA umvegis
[email protected] ella tlf. nr. 208090

05/11/2024

HUG AT VENJA OG KAPPAST Á SOMU VØLLUM SUM
PEDRI, GAVI OG LAMINE YAMAL? - PÁSKIRNAR 2025😊
Í páskaferiuni skipa vit fyri venjingarlegum innan nógvar ymiskar ítróttagreinir. Ein teirra er sum vera man fótbólturin. Venjingarvøllir okkara á Costa Blanca eru teir, sum tey sponsku ungdómslandsliðini venja á. Her hava vit tí havt fleiri av størstu talentunum á vitjan – teirra millum Pedri, Gavi og Lamine Yamal. Umframt fínar gestir úr B68, NSÍ og KÍ hevur Sólorka eisini havt ungdómslið hjá enskum feløgum til venjingar her, eitt nú Manchester City, Liverpool Elite Academy, Bury FC og Church of England. Í páskaferiuni (frá 15. til 22. apríl 2025) hava tit so møguleikan at venja á somu vøllunum! Høvi verður eisini at vera við í Jugones Cup, har vissa er fyri í minsta lagi fýra dystum. Avvarðandi, fjepparar o.o. eru vælkomin við.
Sí meira her: www.solorka.fo/paskavenjing
- ella skriva til: [email protected]

05/11/2024

HUG AT VENJA Í SPANIA Í PÁSKAFERIUNI?
- VIT TAKA MÓTI FLESTU ÍTRÓTTAGREINUM 😊
Vit skipa fyri fleiri venjingarlegum í páskaferiuni (frá 15. til 22. apríl 2025). Spania skarar framúr innan næstan allar ítróttagreinar, og vit hava fasilitetir og venjarar til at kalla alla ítrótt. Vit kunnu skipa fyri eini fulltíðarskrá innan eina grein, ella vit kunnu seta tína ítróttagrein saman við onkrum styttri skeiði (t.d. í ein hálvan dag) innan onkra heilt aðra grein, so tú fært eina spennandi uppliving framíhjá. Avvarðandi, fjepparar o.o. eru vælkomin við. Vit skipa eisini fyri venjingarlegu í fótbólti við møguleika fyri at vera við í Jugones Cup, har vissa er fyri í minsta lagi fýra dystum.
Sí meira her: www.solorka.fo/paskavenjing
- ella skriva til: [email protected]

05/11/2024

ENN BETRI MØGULEIKAR AT VENJA OG KAPPAST Í SPANIA
- VIT SKIPA NÚ EINA NÝGGJA ÍTRÓTTADEILD BURTURAV 😊
Í Sólorku hava vit drúgvar royndir í at skipa fyri venjingarlegum og dystum í Spania – altíð við fullari tænastu frá okkara egna starvsfólki á staðnum. Nú leggja vit enn størri dent á hetta virksemið. Vit hava tí stovnað nýggju deildina Sólorka Sport.
Sí meira her: www.solorka.fo/sport
Vit venda okkum bæði til ungdómslið, lið í fremstu deildunum og landslið. Millum annað bjóða vit venjingarlegur fyri fleiri ymiskar ítróttagreinir í páskavikuni.
Sí meira her: www.solorka.fo/paskavenjing
Tit kunnu eisini fáa meira at vita umframt at boða frá áhuga her: [email protected]

25/10/2024

ENN EIN HENDINGARÍK HEYSTFERIA FARIN AFTUR UM BAK :-)

Vit hava júst sagt 350 fittum, lívligum og stuttligum heystferiugestum farvæl – børnum, foreldrum, ommum og abbum.

Aftur hesaferð hava vit skipað fyri fótbóltsskúla við sponskum venjara fyri okkara framtíðar fótbóltshetjur eins og fyri svimjiskeiði fyri komandi føroyskar havfrýr. Eisini hevur ungdómstoymi okkara skipað fyri dansi, ymiskari vatnítrótt, minigolf, bingo, tekning og øðrum – og seinasta kvøldið sjálvandi eisini fyri andlitsmáling, tatovering og hárliting.

Vit hava vitjað vøkru fjallabygdina Guadalest, fossalendið Fuentes de l’Algar og stórbýin Valencia við størsta akvariumi í Europa. Vit hava spákað stutta teinin oman til Miðjarahavið á degi og runnið hann tíðliga á morgni fyri at uppliva sólarrisið. Sjálvandi hava vit eisini dansað í Klubbanum aftur við tónleiki frá Danny and the Veetos, Black Glitter og Clandestinos umframt dansitónunum hjá Gissuri.

Vit takka tykkum øllum hjartaliga fyri vitjanina 😊

23/10/2024

ENN EIN KÆRKOMIN VITJAN AV HEILAFELAGNUM 😊
Fyri triðju ferð hava vit havt vitjan av okkara góðu vinum úr Heilafelagnum, og fornoyilsið er líka stórt hvørja ferð. Hesum gestunum er futtur í 😊. Her eru nakrar myndir, m.a. frá dúgliga arbeiðinum úti á víngarðinum og síðani døgurðanum inni hjá bøndrunum. Kvøldið eftir var tað showið í Benidorm. Nakrar løtur bar kortini gestunum til at taka sær av løttum – og kanska fingu Danny and the Veetos nakrar nýggjar fjepparar, hvør veit? Vit takka tykkum hjartaliga fyri vitjanina! 😊

23/10/2024

DÚGLIGIR SVIMJARAR Á VITJAN 😊
Tað hevur glett okkum at hava vitjan av Fuglafjarðar Svimjifelag, sum hevur verið her á venjingarlegu í eina viku. Vit fegnast eisini um at hava fingið nakrar myndir frá felagnum. Íðin hava tey vant í svimjihallunum í Altea og Benidorm – og eisini á ein øðrvísi hátt í Miðjarahavinum og undir fossunum í Fuentes d’Algar. Eftir venjingarnar var so bara at leypa í ískarið 😊. Tíbetur var eisini onkur løta, har hesir dúgligu svimjararnir kundu taka sær av løttum – antin undir sólini ella saman við Danny and the Veetos, Clandestinos ella Black Glitter í Klubbanum. Vit takka tykkum hjartaliga fyri vitjanina – og fyri myndirnar! 😊

22/10/2024

Vit eru sera fegin um, at vit hesa vikuna hava havt deiliga vitjan av virkis- og venjingarstovuni á Lágargarði. Vit takka tykkum hjartaliga fyri vitjanina og ynskja tykkum góða ferð heim 😊

14/10/2024

Sólorka by night. Amigos!! 😊

13/10/2024

Hesi halda sum Danny and the Veetos, at tađ heila er bara heilt alright 😎

13/10/2024

ÓVANLIGA RØSK BØNARFÓLK Í VÍNGARÐINUM 😊
Sponsku vínbøndurnir eru ovfarnir av, hvussu ídnir og arbeiðssamir føroyingar eru. Betri bønarfólk finnast ikki til víngarðarnar, halda teir. Okkurt bendir á, at føroyski veiðimentaliteturin eisini ger seg galdandi, tá drúvurnar skulu hentast. Hvør kann fylla flestar kassar? Nú eru vit eisini aftur farin at halda gamlan sið við at vassa saftina úr drúvunum, soleiðis sum tey áður gjørdu í øldir 😊. Sponsku vertirnir eru ikki minni fegnir, tá føroyingar inni við bóndans borð tríva í at syngja (í hesum føri við kønari hjálp frá Halli og Bedda). Kenslubornir minnast teir aftur á mongu sponsku veitslurnar við felagssangi.

02/10/2024

ENN EIN HENDINGARÍK NÁMSVITJAN ER AT ENDA KOMIN
– TAKK FYRI ØLL SOMUL :-)

Knotur eru í føroyskum ungdómi, og hjá hesum raska bólkinum gjørdi tað ikki mun at koma úr seks hitastigum beint niður í 30 stig í skugganum. Hesa seinastu vikuna hava vit aftur havt vitjan av einum kjokkfullum airbussi av føroyskum skúlanæmingum og lærarum – hesaferð einum flokki úr Vági, tveimum úr Sørvági og tveimum úr Fuglafirði umframt øllum teimum, sum ganga á heyskeiðinum í Ítróttaháskúlanum í Vági. Øll hava tey verið røsk at taka lut í bæði mentanarligum, kropsligum og sosialum avbjóðingum.

Vit hava sum vant havt toymismenning, salsadans, postarenning og onnur tiltøk og kappingar. Vit hava vitjað stórbýin Valencia við tí vakra katedralinum við heilaga kalikinum, smalasta húsinum í Europa, matvørumarknaðinum og heimsgitna Lista- og Vísindabýlinginum við eksperimentarium og størsta sjósavninum í Europa. Vit hava vitjað vøkru fjallabygdina Guadalest og søguliga skansan og inkvisitoriska tortursavnið har.

Vit hava róð kajakk og paddleborð og svomið undir vøkru fossunum í Fonts d’Algar. Harafturat hava tey á Ítróttaháskúlanum sum vera man boðið sær sjálvum av við ’cliff-jumping’ og øðrum av tí slagnum – og mundi ikki onkur koyra go-kart eisini? Seinasta dagin skipaðu vit fyri fótbóltskapping millum lið úr øllum skúlunum, har gentur og dreingir sjálvandi kappaðust saman á felagsliðum.

Vit hava havt livandi tónleik og dans, og viðhvørt hava skúlanæmingarnir sjálvir framført. Stundir vóru eisini til eitt sonevnt ’pool-party’, og alt endaði sjálvandi við eini gallaveitslu. Øllum tykkum 170 takka vit hjartaliga fyri vitjanina og ynskja tykkum góða ferð heim :-)

03/09/2024

GRAN CANARIA: BÍÐILISTI TIL MIRAFLOR OG 8 DAGAR
FULLTEKNAÐIR – BERT FÁ PLÁSS EFTIR TIL 15-DAGAR 😊

Sum vant gongur sølan til Gran Canaria væl. 8-daga vitjanin frá 3. februar hevur verið fullteknað eina tíð, og bíðilisti er nu eisini til smátturnar í Miraflor. Enn eru nøkur pláss eftir til 15-daga vitjanirnar á frálíka Sandy Beach frá 27. januar og frá 3. februar.

Vit fara aftur í vetur at hugna okkum saman á Gran Canaria bæði til fjals og í fjøru – fyri ikki at tosa um í oyðimørkini ella niðri á havsins botni. Vit fara aftur at njóta fiskin, plantasjukaffið, vínið, rommið, Kolumbus, sólina, tað góða selskapið og alt hitt saman við tykkum. (Her er eitt lítið myndasavn frá seinasta vetri 😊).

Tit kunnu boða frá áhuga umvegis messenger ella [email protected] - sí meira her: www.solorka.fo/grancanaria

16/08/2024

FRAMTÍÐIN ER TIL SØLU – FYRSTUR KEMUR, FYRSTUR FÆR 😊
Í Sólorku hava vit hópin av gestum, sum vitja okkum regluliga, og summi tykkara hava verið ofta. Tøkk skulu tit hava fyri tað. 😊
Onkuntíð hoyra vit leysasøgur siga, at tað er so trupult hjá nýggjum gestum at fáa pláss hjá okkum, tí at meira rutineraðir gestir hava lagt seg á plássini, longu meðan teir hava verið her, og at vit taka teir fram um onnur. Hetta er ikki rætt. Tað ber alla tíðina øllum til at tekna seg til framtíðarvitjanir, og vit tryggja, at fyrstur kemur, fyrstur fær (hetta, sum danir plaga at rópa ‘først til mølle’). Eitt nú er alt 2025 og meira afturat til sølu í løtuni. Fyrstu tíðina eru tilmeldingarnar óbindandi og kosta einki.
Tað einasta, sum krevst, er at áhugað skriva til okkara umvegis messenger ella teldupostadressuna [email protected] - Er onkur í iva, ber til at ringja til okkara á tlf. 221090. Sí annars meira her: www.solorka.fo

Sólorka er Tín Vertur úti í Verðini. Vit veita tryggleika, stuttleika og upplivingar til tín,

15/08/2024

GRAN CANARIA: 8 DAGA VITJANIN ER NÚ FULLTEKNAÐ
- ENN ERU NØKUR PLÁSS TIL 15-DAGA VITJANIRNAR 😊

Sum vant gongur sølan til Gran Canaria væl. 8-daga vitjanin frá 3. februar er nú fullteknað. Enn eru nøkur pláss eftir til 15-daga vitjanirnar frá 27. januar og 3. februar.

Vit fara aftur í vetur at hugna okkum saman á Gran Canaria bæði til fjals og í fjøru – fyri ikki at tosa um í oyðimørkini ella niðri á havsins botni. Vit fara aftur at njóta fiskin, plantasjukaffið, vínið, rommið, Kolumbus, sólina, tað góða selskapið og alt hitt saman við tykkum. (Her er eitt lítið myndasavn frá seinasta vetri 😊).

Vit hava gjørt av at víðka okkara Gran Canaria-tilboð eitt sindur í 2025. Næsta ár fer at bera til at vitja okkum í 15 dagar frá bæði 27. januar og 3. februar, og í 8 dagar frá 3. februar (sum nú er fullteknað). Tað fer enn sum áður at bera til at gista á Seaside Sandy Beach ella í smáttunum í Miraflor. Sum nevnt eru enn nøkur pláss eftir til 15-daga vitjanirnar, og tað ber til at boða frá áhuga umvegis messenger ella [email protected] - sí meira her: www.solorka.fo/grancanaria