Tremuzo, Historia e Patrimonio, Cruceiro de Roo, Outes (2024)

22/12/2024

A piques de pasar outra páxina en forma de ano 2024 no libro da vida, toca reflexionar sobre o ano en cuestión. No proceso anual de intentar mellorar e g***r deste camiño vital, comprometido con aproveitar está viaxe da mellor maneira posible intentando convertirse nun Benjamin Button mental ao menos, teño que dicir que foi o mellor 2024 da miña vida. Non se repetirá outro igual seguros eso é bo, o 2025 xa veremos, vou fuxir de planificacións, obxectivos de todo tipo e por suposto, non vou aplicar criterios empresariais mindfullnianos de moda ao ciclo vital. Simplemente vou seguir aprendendo e flipando co proceso de crecemento da maneira que vaia xurdindo e rodeado de boa xente, que é o fundamental en realidade, estar ben rodeado. Este ano que remata tivo de todo, coma todos. Comentaba un psicólogo nunha entrevista que vin fai uns meses que se por veces estás feliz, por veces triste, cabreado, ansioso, estresado, de mala ostia, se ris, choras, berras, estás optimista, pesimista, se a veces che apetece romper todo, se a veces estás eufórico, se a veces te sintes só, e outras arroupado, etc, se vas nunha montaña rusa emocional, entón quere dicir que a máquina funciona na súa totalidade, porque non existe full time. Co que eu, totalmente dacordo con esa postura e con moitas gañas de seguir aprendendo, coñecéndome, mellorando e fozando, seguirei facendo que os indicadores vaian funcionando cómo deben, sempre dende a bondade e compasión como norma. Así que nada, péchase un ano caralludo e nuns días ábrese outro que vai ser espectacular seguro, o mellor 2025 das nosas vidas. Que cada quen pase estas datas da maneira que estime oportuna, acompañados de quen consideren máis apropiado e a seguir viaxe neste tren da vida. Boas festas e bo 2025 a ti quisqui

17/12/2024

📢 COLABORACIÓN‼️

Fai dúas semanas fixemos un post sobre a apicultura no Concello de Outes, en concreto, nas aldeas que se atopan no val que o río Donas conforma na parroquia de Santo Ourente. Comentábamos que nesta parte son numerosos os vestixios en forma de abellarizas e lacenas que dan fe dun pasado ligado ao mundo da abella e que se mantén aínda, en moita menor proporción que antano, nalgunhas aldeas. Somos conscientes de que non é o único lugar do concello onde se desenvolven actividades apícolas, o que non temos tan claro é a presencia de vestixios patrimoniais dun pasado ligado a esta actividade noutras aldeas e/ou parroquias.

Polo que agradecemos sobremaneira calquera información en canto a restos de abellarizas ou lacenas que poidan existir noutras parroquias e aldeas de Turismo en Outes, ou concellos próximos. Moitas gracias de antemán a todos e todas pola colaboración.

Ría da Estrela Asociación para a defensa do Patrimonio Cultural Galego Concello de Porto do Son Concello de Noia Concello de Negreira Concello de Mazaricos Concello de Muros patrimoniogalego.net

12/12/2024

No libro "Galicia, un mar con historia", Isidro Dubert expón datos sobre a procedencia da sardiña salgada descargada en Valencia na última metade do século XV. Resulta que o principal lugar de procedencia era a Ría de Muros, por diante de Vigo, Coruña ou Pontevedra e un ten a sensación de que máis alá de que non se lle prestou a debida atención á Historia de Galicia a nivel institucional e educativo, descoñecemos de onde vimos e que a historia local é esa gran descoñecida.

Nós, sen ser historiadores pero tendo paixón polo noso pasado máis próximo, seguimos ensinando e divulgando a nosa contorna e o seu patrimonio cultural. Coñecer é o primeiro paso necesario para poder identificar e valorar, de onde deriva o sentimento de pertenza e de identidade. No noso caso, Outes segue a ser o noso lugar de referencia e non hai nada máis gratificante que a resposta da xente e a satisfacción do descubrimento que nos transmiten. Realmente esto é o que nos move a seguir, pensar que dende a humildade estamos a aportar algo a prol do territorio.

Ría da Estrela Concello de Outes

03/12/2024

🎬 Esta época de finais de outono e inverno resulta moi atractiva para nós, xa que é cando nos aventuramos no proceso creativo, de coñecemento e deseño de novos produtos para seguir divulgando o noso territorio. Desta vez, tal como comentamos fai algo máis dun mes, comezamos na parte norte do Concello de Outes, no val que o Donas conforma na parroquia de Santo Ourente. Esta zona, onde se asentan aldeas coma Banzas, Vilar, Buíste, Piñeiro, Oroña ou Cabanamoura, aos pes do Montes da Pena e de Gende garda tesouros patrimoniais pouco coñecidos e/ou valorados. A apicultura convivía nesta partde do noso territorio coa agricultura dende antigo.

🥰 Hoxe en día sábese que a relación do ser humán coas abellas data de fai uns dez mil anos. Na península ibérica os indicios máis antigos desta relación son unhas pinturas rupestres descubertas na zona mediterránea nas que pode verse algunhas imaxes da recolección da mel en panais silvestres. Co paso dos séculos, nos lugares de difícil orografía, de clima rigoroso e con presencia de predadores o ser humán viuse na obriga de protexer as colmeas con construcións específicas, nacendo así as alvarizas. A todos nos ven á mente a imaxe de alvarizas de planta circular nas zonas do Courel e Ancares para protexer as colmeas dos osos e outros predadores. Pero para poder desenvolver a produción apícola fan falla uns condicionantes previos como son a orientación ao Sur, a flora melífera ou proximidade de cursos de auga, condicionantes que se dan en moitas aldeas do Val do Donas.

O clima temperado de Galicia favoreceu a produción de mel en toda a nosa xeografía dende antigo. Sabemos polo Marqués de Ensenada que en Galicia existían máis de 350 mil cortizos (colmea, cortiza, trovo ou covo). A Costa da Morte, segundo nos conta Carme Toba Trillo, tivo un potencial apícola moi importante noutros tempos, favorecido en grande medida pola influencia de mosteiros coma Moraime, Ozón, Seavia ou Baíñas, atesourando algún dos mellores conxuntos de alvarizas ou abellarizas de toda Galicia. En canto ás construcións relacionadas, ás alvarizas hai que unir na zona costeira as denominadas lacenas, construídas nas paredes das casas para protexer ás abellas das inclemencias nun eixe atlántico húmido, ventoso e chuvioso. Pois ben, na zona mencionada de Turismo en Outes existen ao redor de 11 abellarizas e 18 lacenas, hoxe en desuso na súa maioría, pero que aínda se poden observar e poñer en valor, e que tiveron un impacto na paisaxe da zona. Un patrimonio cultural moi pouco coñecido que paga a pena poñer en valor.

Ría da Estrela Asociación para a defensa do Patrimonio Cultural Galego Concello de Porto do Son Concello de Mazaricos Conoce Mazaricos Concello de Noia Concello de Muros patrimoniogalego.net Concello de Negreira

25/11/2024

😍 O entorno máis próximo do río Bendimón é un espectáculo patrimonial. A paisaxe que nel se conformou ao longo dos anos, froito desa interacción entre o ser humán e a natureza ao longo dos séculos debuxa un ambiente místico, onde por momentos parece que viaxes no tempo. Muíños, canais de regadío ancestrais, canais de muíños, paredes a xunta seca e escaleiras para salvar desniveis, pontellas de laxes, a rede de camiños tradicionais que vertebra o territorio e conecta dende tempos inmemoriais as aldeas próximas fan que un paseo polas súas beiras sexa terapia.

🥰 Pero a espectacularidade da paisaxe que o propio río debuxa no seu curso medio para salvar o desnivel do seu curso alto ata a tranquilidade do baixo é outra cousa, magnificada polo aumento de caudal nesta época. Un paseo acompañado polo son da auga neste tramo cheo de minifervenzas é relaxante e moi recomendable.

Concello de Outes Turismo en Outes Turismo de Noia

13/11/2024

🧐 Comenta LinkAlicante que o Puig Campana, ou Montaña Máxica de Finestrat, é a segunda cima máis alta de Alacant cos seus 1408 metros de altitude. Impresina ver como se levanta a escasos 7 kms da meca do turismo de sol e praia do Levante, Benidorm. Todo o interior de Alacant está impregnado dun pasado cultural espectacular que foi configurando un patrimonio histórico cultural de moita relevancia. Así mesmo, esta montaña atópase dentro do Paisaxe Protexido Puig Camapana e Ponotx, onde o patrimonio natural e paisaxístico sobrecolle a quen o visita.

😍 Na visita da que acabamos de volver a terras alicantinas argallamos unha visita a este xigante calcáreo en modo trail. Unha visita que non nos deixou indiferentes a tal magnitude e beleza. Unha cima dura, rodeada de lenda e mística, onde este coloso de 1408 metros presenta unha coitelada na súa orografía froito do combate de Roldán, comandante de Carlomagno, cou un xefe musulmán da zona. Nun momento en que o caudillo musulmán caeu ao chan, Roldán levantou a súa espada, nomeada Durandarte para rematar ao infiel. Este esquivou o golpe facendo que Durandarte impactase coa rocha con violencia. Este golpe foi de tal dureza que arrincou un anaco da rocha, que caeu rodando ao mar, sendo coñecida hoxe coma a illa de Benidorm quedando a fenda na montaña.

🎬 Non menos atractiva foi a visita a El Castell de Guadalest, un dos pobos máis visitados do estado español, que forma parte da rede da Rede de Pobos Máis Bonitos de España, unha mestura paisaxística, histórica e cultural que ben paga unha visita. Na nosa opinión dase un difícil equilibrio entre un lugar histórico e a perda de identidade froito dunha xestión turística na que imperan as tendas de recordos e agasallos que fomentan a homoxeneidade, dando igual que un se atope en Santiago, Mallorca ou Guadalest. Máis alá destes sinsentidos froito dun modelo turístico esgotado que penaliza a diferenciación dos destinos, unha visita a esta xoia histórica ben paga a pena, podendo g***r do seu Castell roqueiro, a Casa Orduña e o ben conservado pobo intramuros. Rematar unha visita a esta zona cunha experiencia enogastronómica na bodega Masos Valle de Guadalest foi a guinda a unha mañá espectacular.

10/11/2024

😍 O centro do noso mundo de cumple. É incríble que nos digan que os e as superhéroes saen nas pelis e nos cómics, cando os temos pretiño en realidade. Ao final os que nos inspiran na vida están ao ladiño, dannos leccións das que nos imos dando conta co paso do tempo. Moitas felisidades ao faro que nos guía ♥️.

05/11/2024

😍 Un dos proxectos nos que colaboramos dende xa fai 3 edicións é a Mostra Internacional de Cinema Documental Mares Da Fin Do Mundo. Un evento cinematográfico estreitamente vinculado e comprometido co patrimonio marítimo e co sector pesqueiro, que este ano se celebrou no Concello de Ribeira. A aproximación de outras realidades dende diversos puntos da xeografía mundial é algo incrible, poder coñecer que é o que pasa, como viven e pensan noutros lugares do mundo é espectacular. Pero o aspecto pedagóxico deste tipo de eventos que xiran en torno a valoración do patrimonio dende o ámbito local, a pedagoxía a través do cinema da realidade que esperta reflexión, fomenta o espírito crítico da sociedade e nos achega a diversas realidades é algo sen parangón ao que a sociedade hoxe en día xa non está acostumada. Este tipo de eventos son pois, fundamentais e estratéxicos nun mundo onde o único que parece importar é a homoxeneidade do pensamento e o aspecto cuantitativo en todo. Precisamos urxentemente máis aspecto cualitativo e reflexión diaria.

❤️ Un evento de 5 días (ou algún máis) moi intensos de traballo no que o factor diferencial para que todo funcione é o H. É para nós un inmenso pracer formar parte dun equipo humano tan espectacular e dedicado, un equipo que fai que todo sexa máis sinxelo. Os coñecementos e competencias son importantes, pero cando te rodeas de xente que antepón as gañas de aprender constantemente e a calidade humana, o demais vai sobre raís. Formar parte dalgo así e poder aportar un gran de area a un proxecto tan diferencial e cunha identidade tan marcada mola moito.

Concello de Rianxo Concello da Pobra do Caramiñal Efm Concello de Boiro Barbanza Arousa

26/10/2024

😍 O proceso de coñecer é das cousas máis adictivas e apasionantes que existen. E se ten que ver co coñecemento do territorio, da interpretación das paisaxes e historia que nos rodean este proceso magnifícase. Nós cremos que é adictiva porque canto máis coñeces, máis te das conta do pouco que sabes, co que comezan a xurdir novas necesidades que che manteñen en vilo e con gañas de seguir aprendendo. A nivel patrimonial e de pasado, moitas veces pasa que o coñecemento está na cabeza dos nosos maiores. Este coñecemento, en demasiadas ocasións non fai a viaxe de transmisión xeracional, diluíndose a importancia do noso pasado e da nosa identidade social e histórica. Son procesos evolutivos que responden en moitas ocasións á falta de valoración do noso patrimonio máis próximo, como se o habitual non fose importante por coñecido. Como se o que facían e pensaban os nosos antergos, como moldeaban e se adaptaban ao territorio, non tivese importancia. Pero cando as cousas non se valoran, non se transmiten, non se coñecen e, case sempre quedan esquecidas para a poboación en xeral.

🧐 Canto máis pensamos que coñecemos do entorno máis próximo, máis nos damos conta do que falta por coñecer para entender o noso pasado. A adaptación dos nosos antergos ao territorio era froito dunha profunda intelixencia práctica e pode interpretarse en múltiples exemplos se se analiza o impacto paisaxístico. Dende onde se construían as aldeas, a orientación das casas, a distribución territorial, o establecemento da rede viaria, as pontes e pontellas, a industria, a agricultura e outro tipo de aproveitamentos dan fe desta intelixencia práctica da que en moitas ocasións so quedan restos patrimoniais ruinosos, moi descoñecidos en grande medida.

📚 O sábado pasado facíamos unha viaxe ata unha aldea do val do Donas, na parte norte de Turismo en Outes para, da man dun veciño interesado no pasado da súa zona e con profundas inquedanzas, coñecer a importancia pasada da apicultura nesa zona, o impacto paixasístico nos arredores das vilas desa zona e incluso nas propias casas. Pero tamén poidemos g***r coñecendo antigos camiños e a distribución anterga das ladeiras do monte da Pena preto de Piñeiro, Buíste ou o Vilar, para poder adicalas á agricultura, o aproveitamento dos caudais de auga para a construción de canais de regadío en diversos niveis, coñecemos a travesía, e moitas máis cousas que resultaron sumamente gratificantes. Mil gracias a Ramón "Chenki" pola visita, e a Carlos Navarrete por poñernos en contacto. Agora so queda seguir co traballo.

Ría da Estrela Concello de Porto do Son Concello de Muros Concello de Lousame Concello de Mazaricos Concello de Negreira

22/10/2024

📽 COÑECE O NOSO PATRIMONIO 2024 (OUTONO) - "A SANTA LUCÍA POR ENTÍNS"‼️

✅ Este pasado domingo tiña lugar a última saída organizada polo Concello de Outes nesta iniciativa na que se percorre e da a coñecer o noso territorio. Desta vez queremos comezar agradecendo a Outes, cultura e mocidade a iniciativa, a toda a xente que colapsou as listaxes de inscrición destas saídas o mesmo día que se abrían, así coma a inestimable labor altruísta de Proteccion Civil Concello de Outes. Esta última andaina levounos por terras de Santa María de Entíns e San Xián de Tarás, dúas parroquias con elementos patrimoniais de moito interese, situadas nun entorno natural espectacular, nas ladeiras do monte Formigheiro ata o río Tins, lindando con Santo Ourente e ata o humidal que conforma a desembocadura do citado río e que forma parte do Espazo Natural Protexido Esteiro do Tambre, pertencente á Rede Natura 2000.

🧐 A saída, coma de costume, estaba programada para as 9:00 a.m. dende a igrexa parroquial de Santa María de Entíns, datada do 1️⃣7️⃣2️⃣0️⃣ e construída sobre os restos dunha anterior da que quedan restos en forma de canzorros románicos. A pesares da ameaza de chuvia acudiu a grande maioría de persoas que estaban inscritas á mesma, e a meteoroloxía deunos un respiro ao longo da mañá para g***r da saída. Saíndo da Igrexa camiñamos por unha rede de camiños tradicionais na ladeira do Formigheiro ata a capela de Santa Lucía, despois de atravesar o lugar de Entíns.

🧐 Dende aquí, seguindo un sendeiro espectacular que pasa pola famosa fonte de Santa Lucía continuamos ata a igrexa de San Xián de Tarás, para contemplar unha pequena igrexa que, segundo documentación antiga é que sufriu unha reforma no século XVIII, descoñecendo a data de construción inicial. Seguimos ata o cruceiro de Tarás, un antigo cruceiro con inscrición que contén gravado no capitel unha cruz de San Andrés. A baixada ata o castro de Coiradas fixémolo por un camiño máxico polos montes da Barreira, parando previamente a contemplar e interpretar a paisaxe do humidal que conforma o Tins na súa desembocadura. Dende este punto poidemos falar da importancia do patrimonio industrial do esteiro do río Tins en tempos pasados. Neste chegaron a existir tres talleres de carpintaría de ribeira, seis aserradoiros e a fábrica de ladrillo do Chorrello, da que se conserva aínda a chiminea. Destes talleres e aserradoiros (Lameán, Marís, Cunchiñas, Seco, Rafael, Alborés, Tomasiño, Juan Mallo ou Pepito de Espiñeiro) saíron algúns dos barcos máis grandes feitos na Ría da Estrela como foi o caso da Goleta América ou o Espiñeiro. Pasando polo castro costeiro de Coiradas, volvemos a subir ata a ladeira do monte e circular por camiños por riba do Rego, A Fonte, Pazos, entrando en Entíns para dar por finalizada a andaina no punto de saída.

Turismo en Outes Concello de Porto do Son Concello de Muros Concello de Mazaricos Concello de Noia Concello de Lousame Turismo de Noia Asociación para a defensa do Patrimonio Cultural Galego patrimoniogalego.net Galicia Máxica

13/10/2024

🎬 Coa chegada do outono comeza para nós unha das épocas máis gratificantes do ano, eses meses nos que imos ao monte para seguir redescubrindo e coñecendo o noso territorio. Son varios os frentes e as finalidades deste coñecemento, sendo unha das máis interesantes a de aprender a interpretalo. Todo comeza facendo quilómetros polos montes que nos rodean, adentrándonos nos montes e indo por eses camiños tradicionais pechados na maioría dos casos e ver a onde nos levan, comprobar de primeira man que núcleos poderían conectar. É espectacular e supergratificante ir entendendo e debuxando esa rede viaria tradicional, conformar mentalmente e coa axuda das novas tecnoloxías a distribución e estruturación do territorio que no pasado tiña o noso entorno máis próximo, antes de que chegasen as estradas ou as pistas forestais froito das concentracións parcelarias.

📚 Nalgunha ocasión comentamos que para nós, esto incluso é unha labor de respeto ao pasado, de poñer en valor esa parte do noso pasado que quedou sen uso pero que tivo unha importancia capital para a sociedade e a súa evolución. Ao final, toda esta rede viaria conforma unha parte do noso patrimonio cultural, garda recordos persoais, memoria social e permite interpretar unha parte do noso pasado e da súa evolución. Son camiños da historia, onde un se maravilla comprobando como a pátina do tempo e as novas realidades van mudando a conformación paisaxística do territorio.

Ría da Estrela Galicia Máxica patrimoniogalego.net Asociación para a defensa do Patrimonio Cultural Galego Turismo en Outes

08/10/2024

📽 COÑECE O NOSO PATRIMONIO 2024 (OUTONO) - "VISITA ÁS CAPELAS E CASTRO DE SANTO OURENTE"‼️

🧐 O domingo 29 de setembro foi o día grande na parroquia de Santo Outente coa celebración do día de San Campio, a romaría máis importante e multitudinaria do Concello de Outes, que atrae devotos dende toda a xeografía galega dende antigo xa. Unha semana máis tarde, o 6 de outubro tiña lugar a andaina para dar a coñecer unha parte desta parroquia, unha parroquia con múltiples elementos patrimoniais de interese. E que mellor lugar para comezar que a igrexa parroquial, levantada a finais do século XVIII para acoller os restos de San Campio, ese santo miragreiro traído dende o cemiterio de San Calixto de Roma por petición do cardeal Celada.

📚 Iniciamos camiño cara a Capela do Rial, antigo mosteiro de Santa Tasia, erguida no ano 1668 e cuxa fonte de augas miragreiras ten unha importancia capital nos rituais da romería de San Campio. Dende esta histórica capela continuamos cara a capela de San Adrián pasando polo lugar de Mosteiro. A partir daquí iniciamos ascensión cara o Formigheiro, un extenso monte que separa o val do Tins do Val do Donas, cuxa rede de camiños con importancia ancestral, fan que viaxes no tempo. O roteiro levounos polo de Santo Ourente para dirixirnos ao Formigheiro de Riba, pola vertente do Donas e volver polo trazado do .

✅A volta polo fixo que pasasemos polo cruceiro do Monte, cruce de camiños desa ancestral rede de camiños e que hoxe está mimetizado co entorno natural, conformando un entorno natural cultural case místico. Baixamos por Lavacolla para dar por rematada a excursión no punto de inicio. Agradecer a esas persoas que, pese a meteoroloxía, viñeron coñecer unha parte do noso territorio e da súa historia. Agradecer igualmente a Proteccion Civil Concello de Outes a súa axuda, fundamental para que esta iniciativa se realice. Agora só queda lembrar que o domingo 20 de outubro terá lugar a derradeira andaina deste ciclo outonal para descubrir o Turismo en Outes, por terras das parroquias de Santa María de Entíns e San Xián de Tarás.

Ría da Estrela

02/10/2024

🌧 Fai apenas unha semana comezaba o outono, posiblemente a época do ano na que máis se magnifica a beleza dos nosos montes, ao noso parecer. Coa estación recén comezada chegaron as primeiras choivas, e a auga é vida. Se xa é espectacular a muda que comezan a experimentar os montes en canto a cores, olores e sons, a chuvia magnifícao todo. Fai a súa aparición para recargar os ríos, fontes, regos e regatos que fai unhas semanas baixaban con pouca auga, e darlle vida. A auga caída fai que os olores se magnifiquen e que a banda sonora do percorrer destes cursos de auga suban o volume para deleitarnos.

😍 Saír ao monte nestes meses é sinónimo de gozo. Un simple paseo por estes renovados cadros naturais é unha cura para a alma, os impactos sensoriais que se reciben fan que sexa terapéutico. Os baños de natureza que nestas latitudes parecen novidade, pero que noutras latitudes do globo terráqueo son ancestrais, axundan a acadar un espazo de equilibrio e paz interior que só a conexión ca natureza pode facilitar. Non en van, o ser humano, ata onde se sabe non foi deseñado para interaccionar con formigón ou asfalto. É no espazo natural, na conexión coa natureza onde acadamos o noso equilibrio, ou onde é máis doado acadalo.

🎬 No día de hoxe saíamos a comprobar os montes próximos e confirmamos que non é preciso saír con cascos para escoitar música e aillarnos do entorno, xa que están os músicos da natureza a pleno rendemento casi. A simple contemplación do cauce do río, desa forza da natureza, a conexión cos sons que o seu percorrer fan posibles, eses olores que todo o impregnan, fan que todo mellore. O outono acaba de chegar e nós estamos encantados de que así sexa.

Ría da Estrela Concello de Outes Turismo en Outes Turismo de Noia Galicia Máxica

24/09/2024

📽 COÑECE O NOSO PATRIMONIO 2024 (OUTONO) - "DE SAN TIRSO Á CATEDRAL DA ELECTRICIDADE"‼️

🎯 Este pasado domingo tiña lugar a segunda andaina de outono desta iniciativa do Concello de Outes. Neste caso a ruta permitiría descubrir unha parte da parroquia de San Tirso de Cando percorrendo camiños ás beiras do Tambre, dende a igrexa parroquial ata o espectacular entorno natural onde se ubica a Central Eléctrica do Tambre, un edificio histórico dunha beleza monumental construido onde en tempos existiu unha antiga pesqueira dependente do Mosteiro de Toxosoutos. Unha parroquia e unha zona regadas polo Tambre, que fai que configure un entorno natural brutal, sen perder o encanto dun patrimonio cultural máis que interesante.

🥰 Quedamos na igrexa parroquial, un conxunto arquitectónico do siglo XVIII que conta con algunhas peculiaridades que o fan único. Formado pola igrexa, a capela do Carmen e a torre do campanario, a construción fíxose en tres etapas ao longo da segunda metade do citado século sobre un antigo templo que xa quedaba pequeno para acoller o crecemento da poboación na época. Dende aquí, pasando ás beiras do Pazo do Enxido, hoxe Pazo Do Tambre, encamiñámonos cara o humidal á beira do río para observar de preto a riqueza natural deste espazo protexido pola Rede Natura 2000. Ao lonxe poidemos observar a histórica , a primeira infraestrutura que uniu por terra os actuais Concello de Outes e Concello de Noia alá polo lonxano século IX e que segue a dar servizo a día de hoxe. Neste punto é obrigado falar da importancia pasada destas terras dende tempo de , cando a vía secundaria Per Loca Marítima posiblemente pasase por estas terras para dirixirse cara a mansión de Glandimiro, no actual Brandomil segundo nos conta Rosa María Maside.

🧐 Camiñando polas ladeiras do Cívidos dirixímonos cara a Central do Tambre, construída polo arquitecto Antonio Palacios nos anos 20 do século pasado. Esta zona, até despois da construción do embalse de Barrié de la Maza, era coñecida pola abundancia de lampreas dende época romana. De feito son moitos os vestixios de rodeiros ao longo de parte do curso do río. A toponimia da fe desta importancia, e na parte de Turismo de Noia, preto da Central está a aldea de Castro Lampreeiro. De volta pola beira do Tambre paramos preto do Pazo. Por último e non menos importante, mostrar o noso agradecemento a Proteccion Civil Concello de Outes e a todos os asistentes que seguen mostrando interese en coñecer o maravilloso territorio de Turismo en Outes.

Ría da Estrela

18/09/2024

🧐 Baixo a nosa percepción o cumpre á perfección co obxecto de ser máis que unha proba deportiva. A celebración deste evento no Concello de Outes da a oportunidade de poñer en valor e dar a coñecer un entorno dun valor paisaxístico notable, sen esquecer a riqueza do patrimonio cultural e industrial da zona. Nós tivemos a oportunidade de colaborar e participar na Andaina, 12 kms por lugares espectaculares da parroquia de San Cosme de Outeiro.

😍 Os nosos parabéns aos organizadores do Club de Atletismo Outes, a Proteccion Civil Concello de Outes e a todas aquelas persoas, entidades e empresas que fan posible a celebración desta proba na cabeceira da Ría da Estrela. Agardamos pola XIX Edición para o 2025.

Turismo en Outes Outes, cultura e mocidade patrimoniogalego.net Adisbismur

11/09/2024

COÑECE O NOSO PATRIMONIO 2024 (OUTONO) - "PASEO MAR E MONTE EN SAN COSME"‼️

🎬 Este pasado domingo daba comezo no Concello de Outes unha nova edición da iniciativa para dar a coñecer o noso municipio. Esta edición de outono iniciábase cunha andaina nova, para dar a coñecer unha parroquia na que aínda nunca se fixera unha andaina enmarcada nesta iniciativa. A parroquia de San Cosme de Outeiro resulta moi atractiva dende moitos puntos de vista, máis alá da xa coñecida liña de costa correspondente ao entorno da praia de Broña.

🧐Saíndo da Igrexa parroquial de San Cosme de Outeiro, erixida a mediados do século XVIII, o grupo encamiñouse cara Vara por camiños de monte espectaculares rodeando o monte do Pedreghal. É neste monte onde se atopan os restos da igrexa primixenia. Dende aquí baixamos por Vara cara a Barquiña, en tempos un importante porto con moito tránsito que conectaba o noso concello co resto da ría, en tempos onde a rede de estradas e os medios de transporte rodados non tiñan a importancia de hoxe. Neste porto tiña un importante papel o xa desaparecido Sancosmeiro, esa típica embarcación tradicional construida ex profeso para navegar nesta parte da ría, un barco de carga de importancia crucial na zona. Visitamos asemade o enclave onde se sitúa a antiga carpintaría de ribeira de Pepito de Farey, que tristemente sufriu un incendio fai uns messes.

📚 Dende aquí cara a Meixoada, camiñando por uns antigos camiños que nos levaron ata a zona da Boghalleira, onde tivemos ocasión de falar da importancia que a agricultura tiña nesta zona, en concreto a famosa cebola de San Cosme, coñecida e recoñecida en toda a comarca e que viviu tempos mellores. Aquí aproveitamos para falar dun elemento do noso patrimonio cultural e artesanal, o coñecido coma sombreiro Sancosmeiro ou Chapeu de Santo Ourente. Continuamos cara punta Requeixo onde poidemos ver a antiga canteira que abasteceu de pedra a construción da escollera de Concello de Noia nos anos 50, e dende aquí pola senda verde para volver subir, atravesar os montes da Cubela e Penedos e volver ao punto de inicio. Moitísimas gracias a toda esa xente que segue acudindo a estas andainas patrimoniais, así coma a Proteccion Civil Concello de Outes, sempre botando unha man de forma desinteresada.

Ría da Estrela Concello de Muros Concello de Mazaricos Concello de Porto do Son Concello de Lousame Outes, cultura e mocidade

Tremuzo, Historia e Patrimonio

22/12/2024

17/12/2024

12/12/2024

03/12/2024

25/11/2024

13/11/2024

10/11/2024

05/11/2024

26/10/2024

22/10/2024

13/10/2024

08/10/2024

02/10/2024

24/09/2024

18/09/2024

11/09/2024

Dirección

Teléfono

Página web

Notificaciones

Contato La Empresa

Atajos

Compartir

Categoría