Visit Sada

27/04/2024

Páxina oficial do Municipio. Información das concellerías, servizos e turismo na localidade

25/04/2024

🔶ESPECTÁCULO DE CONTACONTOS: CACHO ANIMALADA🔶
A concellería de Cultura programa o venres 26 de abril ás 18:30 horas no Auditorio da Casa da Cultura "Cacho Animalada" un espectáculo de contacontos a cargo de Vero Rilo, Espectáculo AGADIC

CACHO ANIMALADA é unha sesión de narración oral e música para público infantil. A narradora Vero Rilo acompáñase desta vez da guitarra e voz do multifacético Luis Iglesias. A tradición oral, o humor, o rock e a alegría fan cordada cun feixe de animais e animaladas pensadas para g***r en familia. Un espectáculo fresco e despreocupado para recargar enerxías.

ENTRADAS ( 3€ ) Á VENDA EN SADA.GAL - https://reservabutacas.sada.gal/

10/04/2024

O próximo xoves 11 de abril os nosos alumnos de guitarra darán un concerto no local social da Sociedad Recreativa, Cultural y Deportiva de Sada. Máis info no 638 16 07 99.
https://facebook.com/daccultura/

10/04/2024

Este vindeiro xoves, organizamos acto de presentación do novo libro de Ricardo Seixo con ilustracións de Abraham Vila. Será na capela de San Roque a partir das 20:00 horas

10/04/2024

🔶MOSTRA DE TEATRO AFECCIONADO DE SADA 2024🔶
Este fin de semana prosegue a Mostra de Teatro de Sada que terá representacións até o domingo 21 de abril na Casa da Cultura Pintor Lloréns.

🔹SÁBADO13 DE ABRIL ÁS 19 HORAS: "CROQUETAS" de A. TEATRAL MARIÑÁN (BETANZOS)
🔹DOMINGO 14 DE ABRIL ÁS 19 HORAS: "HASTA LUEGO MARI CARMEN" de CAJÓN DE SASTRE (A CORUÑA)

🔹A Mostra de Teatro do Concello de Sada configúrase como unha cita anual na que teñen cabida os traballos presentados por compañías de teatro amateur para servir de impulso favorecedor da participación popular na cultura e promover o teatro como medio de enriquecemento cultural dos veciños e veciñas. Con este certame inténtase achegar máis o teatro á poboación de Sada, ofrecendo unha visión do panorama do teatro amateur que se fai non só dende Galicia, senón que, na medida en que se apunten e saian seleccionadas, tamén noutras comunidades autónomas.

🔹PREMIOS LUGRÍS FREIRE
O público asistente otorgará o Premio Lugrís Freire ao «Mellor espectáculo para o público», cun importe de 400€. O público disporá de tarxetas de votación que depositaran ao final de cada función coa súa valoración. O premio será para o espectáculo que acade a puntuación media máis alta. Establécese tamén o Premio Lugrís Freire ao «Mellor espectáculo para o xurado», cun importe de 400€. A Concellería de Cultura e Normalización Lingüística nomeará un xurado, que estará formado por persoas implicadas na actividade teatral e por representantes municipais.

10/04/2024

🔶CORES, CONTOS E ROCK&ROLL EN SADA🔶
A concellería de Cultura programa, o venres 19 de abril ás 18:30 na Casa da Cultura, “Cores, Contos e Rock´n´Roll con Ramona Pequena” da man de Pakolas. Un espectáculo onde a interacción coas nenas e nenos, a súa música acompañada por contos e historias, e as cores e debuxos en directo de Laura Romero son o principal atractivo para o público.

🔹Paco Cerdeira (Pakolas) guiaranos coa súa forza interpretativa e o seu humor por todo un universo musical, a través da súa voz e guitarra, e contando nesta ocasión co apoio de Laura Romero (ilustradora), dando unha nova dimensión visual coa creación en directo de debuxos con cores que acompañan ás cancións e contos que nelas se recollen, e axudando así a Pakolas na presentación das súas historias e personaxes.

🔹Neste espectáculo contarán e cantarán, e debuxarán a historia de Ramona Pequena, unha muller labrega da Serra do Courel, que posúe unha horta automática con patacas cibernéticas, e ademais ten unha máquina do tempo, o seu mellor invento. Con ela viaxa ao futuro e ao pasado na procura de tecnoloxía para crear un mundo mellor, mais ecolóxico e con enerxías limpas.

🔹Espectáculo: Musical e ilustración
🔹Duración: 50 min
🔹Idioma: Galego
🔹Público: Infantil e familiar.

ℹVENDA DE ENTRADAS: 3€ - https://reservabutacas.sada.gal/

10/04/2024

🔶EXPOSICIÓN FOTOGRÁFICA "CAPTURANDO A NATUREZA"🔶
A exposición "LOST IN WOODLANDS" estará aberta ao público desde o 11 de Abril ata o 9 de Maio da Capela de San Roque en horario de de Martes a Sábado de 10:00 a 14:00 e de 18:00 a 21:00.

🔹Álvaro Lamas, co seu proxecto Lost in Woodlands Photography, presenta novamente a súa exhibición titulada "Capturando a Natureza". Despois de percorrer varios lugares da área de Ferrolterra e Ortegal, a exposición estará aloxada desde o 11 de Abril ata o 9 de Maio na Capela de San Roque no Concello de Sada.

🔹Capturando a Natureza é unha escolma do traballo deste fotógrafo mugardes que recolle algúns dos lugares máis emblemáticos da comarca de Ferrolterra, Ortegal, a Mariña Lucense e as veciñas Asturias e Cantabria. Paisaxes dunha inigualábel beleza capturadas pola cámara e o ollo do fotográfo e interpretadas pola súa particular visión dunha forma única. A mostra está composta por unha vintena de imaxes impresas en Aluminio Dibond de 50x75cm, un formato que se caracteriza pola sua gran definición, nitidez, calidade de imaxe e elegancia.

29/03/2024

O vindeiro domingo 31 de marzo as 19h, teremos con nós a César de Centi, na Sociedad Recreativa, Cultural y Deportiva de Sada
Estades todos convidados!! Máis info no 638 16 07 99
https://www.facebook.com/daccultura/

29/03/2024

29/03/2024

🔶ÚLTIMO VERÁN EN SANTA CRISTINA🔶
A concellería de Cultura programa o sábado 30 de marzo ás 20:00 horas a obra "Último verán en Santa Cristina" de Eduardo Alonso representada pola compañía Teatro do Noroeste. Colabora AGADIC

🔹“Último verán en Santa Cristina”, conta o acontecido a un rapaz de 12 anos que, no ano 1960, pasa o seu último verán nunha praia preto da cidade na que vive. Moitos anos despois, cando xa é un home adulto recibe unhas cartas supostamente propiedade da súa nai xa morta e, na lectura destas cartas, rememora o acontecido aquel verán. Como ademais é fillo de militar, o rapaz vive especialmente os acontecementos da sociedade franquista da época: os desfiles na praza da cidade que coinciden coa estancia de Franco no Pazo de Meirás, a poucos quilómetros de onde el veranea.

ℹENTRADA 5€ - VENTA AQUÍ - https://reservabutacas.sada.gal/

23/03/2024

Hoxe traémosvos un novo festival!!
Estamos encantados de anunciarvos que o día 24 de Marzo estreamos o noso Festival de Acordeón no auditorio de Pintor Lloréns, a partir das 19:00.
Esperámosvos!!!

Actividade subvencionada pola Cultura da Deputación da Coruña Concello de Sada

22/03/2024

02/03/2024

🔶TEATRO: RÍO BRAVO🔶
A concellería de Cultura programa o domingo 3 de marzo ás 19:00 horas no Auditorio da Casa da Cultura a obra de teatro RÍO BRAVO da Asociación Cultural Catro Gatos Teatro

ℹENTRADA LIBRE ATÉ COMPLETAR AFORO
Ciclo Marusía Escénica organizado polo Concello de Sada, Concello de Bergondo, Concello de Cambre, Concello de Oleiros, Camtheam e Asociación Cultural Catro Gatos Teatro.

23/02/2024

🔶TEATRO EN SADA: "EDIPO REY"
A concellería de Cultura programa o sábado 24 de febreiro ás 20:00 horas na Casa da Cultura Pintor Lloréns o estreno da obra "Edipo Rey- Sófocles" da compañía Noite Bohemia.

ℹENTRADA GRATUITA ATÉ COMPLETAR AFOROç

🔹Considerada por Aristóteles como a máis perfecta das traxedias gregas en moitos aspectos, Edipo Rey de Sófocles é un drama de revelación que propón a procura do que se esconde tras as aparencias, a indagación na esencia do que uno é. A peste e unha longa epidemia arrasan Tebas. Tras a consulta ao oráculo de Delfos, Edipo entenderá que o remedio a ese mal esixe vingar a morte do anterior monarca, Layo.
🔹Cun manexo maxistral da ironía tráxica, o gran dramaturgo grego ofrécenos o paulatino desvelamiento dos detalles do ascenso do protagonista ao trono, así como o descubrimento final da súa condición de parricida e esposo da viúva do seu pai, a súa propia nai. É unha das obras clásicas do teatro grego, cuxa importancia é capital para a civilización occidental.

10/02/2024

🔶EXPOSICIÓN FOTOGRAFÍA: "DISPARANDO CON MIS OJOS"🔶
A Capela de San Roque acolle do 7 ao 27 de febreiro a exposición fotográfica "Disparando con mis ojos" de Carlos Muiños

ℹENTRADA LIBRE

10/02/2024

🔶ENTROIDO SADA 2024 - DO 10 AO 13 DE FEBREIRO🔶
A Concellería de Cultura programa as festas do Entroido Sada 2024 co desfile e Concurso de disfraces e carrozas, a ###III edición da festa da Fillora, unha festa Infantil de disfraces e o Enterro da Sardiña.

🔹PROGRAMA DE HOXE SÁBADO 10 FEBREIRO:
17:00 a 20:00 - Festa infantil de disfraces no Pavillón Municipal de Deportes.
Haberá inchables para grandes e pequenos, xogos de gran formato, talleres de manualidades e animación musical

10/02/2024

🔶ENTROIDO SADA 2024 - DO 10 AO 13 DE FEBREIRO🔶
A Concellería de Cultura programa as festas do Entroido Sada 2024 co desfile e Concurso de disfraces e carrozas, a ###III edición da festa da Fillora, unha festa Infantil de disfraces e o Enterro da Sardiña.

🔹SÁBADO 10 FEBREIRO:
17:00 a 20:00 - Festa infantil de disfraces no Pavillón Municipal de Deportes.
Haberá inchables para grandes e pequenos, xogos de gran formato, talleres de manualidades e animación musical

🔹DOMINGO 11 FEBREIRO:
17:00 a 21:00 - ###VIII Festa da Filloa no Pavillón Municipal de Deportes.
Repartiranse un total aproximado de 1200 racións de filloas. O custe da ración será de 3 euros con dereito a catro filloas, unha bebida (a escoller entre café, auga ou anís) e complementos doces como mel, azucre, nata ou chocolate para aderezalas se así se desexa. A animación musical correrá a cargo da charanga DGT.

🔹MARTES 13 FEBREIRO:
17:00 a 19:00 - DESFILE -CONCURSO DE DISFRACES E CARROZAS: Inicio na Casa da Cultura Pintor Lloréns ás 17:00 e finalización no Pavillón Municipal de Deportes ás 19:00.
APÚNTATE AO CONCURSO DE DISFRACES ANTES DO 9 DE FEBREIRO AQUÍ - https://bit.ly/3RZDM18

19:00 a 20:15 - Entrega de premios das distintas categorías do Concurso Disfraces e Carrozas.

21:00 - ENTERRO DA SARDIÑA: A comitiva sairá do pavillón en dirección á Praia das Delicias onde, sobre as 21 horas, terá lugar a queima da Sardiña, á que despediremos con música de charanga e fogos de artificio.

02/02/2024

O sábado 17 de febreiro al 19h terá lugar no local social da Sociedad Recreativa, Cultural y Deportiva de Sada a presentación do documental de Nico Campos. Estades todos invitados. Evento aberto a tódolo público.

29/01/2024

🔶CONCURSO DISFRACES ENTROIDO SADA 2024🔶
A concellería de Cultura programa o martes 13 de febreiro o Desfile-Concurso de Disfraces e Carrozas dentro da programación do Entroido 2024 de Sada e a tal fin abre a convocatoria do Concurso de disfraces.

🔹QUEN PODE PARTICIPAR?
Poderán participar todas aquelas persoas e colectivos que o desexen, sen límite de idade. As persoas concursantes deberán desfilar polas rúas do centro urbano de Sada, segundo o percorrido que proporá a organización, amosando os seus disfraces ao público e ao xurado, exhibindo as coreografías e a animación musical que acompañen a súa proposta. O concurso organízase en 3 categorías: MINI, GRUPOS, CARROZAS, optando a 3 premios en cada unha delas.

🔹COMO ME PODO INSCRIBIR?
Poderás inscribirte (ou inscribir ao teu grupo) cubrindo un formulario online na web municipal SADA.GAL , no que se recollerán os datos necesarios. Poderás concursar nunha destas 3 categorías: MINI (ata 4 compoñentes); GRUPAL (grupos de persoas disfrazadas coa mesma temática cun mínimo de 5 compoñentes); CARROZAS (agrupacións con disfraces dunha mesma temática que incluirán plataformas móviles autopropulsadas ou remolcadas, adornadas conforme á temática escollida polo grupo de participantes e relacionada cos seus disfraces).

🔹QUE PRAZO TEÑO PARA INSCRIBIRME?
O prazo de inscrición abrirase o día seguinte ao da publicación das bases no Boletín Oficial da Provincia da Coruña e finalizará o venres 9 de febreiro de 2024 ás 14:00h.

🔹PREMIOS
Os premios outorgaranse segundo as puntuacións totais obtidas, despois da suma das valoracións parciais de cada compoñente do xurado. Haberá 3 premios en metálico por cada categoría:
1º PREMIO 300€ Mini; 600€ Grupal, 1.000€ Carrozas
2º PREMIO 200€ Mini, 450€ Grupal, 800€ Carrozas
3º PREMIO 100€ Mini, 300€ Grupal, 600€ Carrozas

ℹ️INFORMACIÓN, BASES E FOLLA DE INSCRICIÓN - https://bit.ly/3RZDM18

26/01/2024

🔶TEATRO: ESAS COUSAS MARABILLOSAS🔶
A concellería de cultura programa o vindeiro domingo 28 de xaneiro ás 19:00 horas no Auditorio da Casa da Cultura Pintor Lloréns a obra de teatro de adultos: ESAS COUSAS MARABILLOSAS.

🔹"Esas cousas marabillosas" comeza cando o público vai entrando na sala e é recibido polo actor. Dálles a benvida, a axuda a acomodarse, e entrégalles o papel que vai xogar no espectáculo. Cando empeza o espectáculo, o público xa leva un fragmento dentro del sen sabelo e algúns cunha "cousa marabillosa" na man. É unha peza participativa, tenra, emocionante e divertida. É unha comedia que fala sobre a saude mental, a depresión e o suicidio.

🔹Colabora AGADIC a través da Rede Galega de Teatros e Auditorios (RTGA)

ℹVENTA DE ENTRADAS: 3€ - TAQUILLA - https://bit.ly/3vHPq9x

26/01/2024

🔶TEATRO INFANTIL - NINJA🔶
A concellería de Cultura programa o vindeiro venres 26 de xaneiro ás 18:30 no Auditorio da Casa da Cultura Pintor Lloréns a obra de teatro infantil: NINJA

🔹"Ninja" é unha obra lúdica e pedagóxica que aborda o acoso escolar. A través dunha historia divertida e chea de reflexións sobre o respecto, o apoio mutuo e a diversidade farase fincapé no máis importante para resolver un problema: visualizalo.

🔹Teatro en galego. Público: a partir de 5 anos. Colabora AGADIC a través da Rede Galega de Teatros e Auditorios (RTGA)

ℹVENTA DE ENTRADAS: 3€ - TAQUILLA - https://bit.ly/3vHPq9x

19/01/2024

🔶TEATRO ARTESÁN: MELOCOTÓN EN ALMIBAR🔶
Mañá sábado 20 xaneiro ás 20:00 horas no Auditorio da Casa da Cultura Pintor Lloréns
o Teatro Artesán presenta a obra MELOCOTÓN EN ALMIBAR.

🔹Elenco: Ángeles Vázquez, Emilio M. Barreiro, Jose Gun, Maribel Múñoz, Nacho Alonso, Nuria Mulet, Tomás de Cozar
🔹Dirección: Juan de Mondego

ℹENTRADA LIBRE ATÉ COMPLETAR AFORO

19/01/2024

🔶VIII TRAIL COSTA DOCE🔶
Mañá sábado 20 e o domingo 21 de xaneiro de 2023 terá lugar a VIII edición do TRAIL COSTA DOCE organizado polo Concello de Sada e o Club Atletismo Sada cunha participación de 571 persoas.

ℹINFORMACIÓN - https://www.sada.gal/viii-trail-costa-doce

18/01/2024

💥🐬 💥TREMENDO CARTEL!!!!🐬 💥🐬 ¡¡¡Compárteo!!!
Comezamos o ano con forza, presentamos o cartel do TouliñaPop 2024.
🔎11 de maio de 2024 🔍- Concello de Sada

PRIVATE FUNCTION (Melbourne – Australia)
THE CRAWDADDYS (San Diego – U.S.A.)
LOS CHICOS (Madrid – España)
PAT TODD & THE RANKOUTSIDERS (Los Ángeles – U.S.A.)

THE MIDNIGHT KINGS (Domodossola - Italia)
THE BO DEREK’S (Pontevedra - Galicia)

🎧🎧🎧Pinchadiscos🎧🎧🎧
ROCKIN’ RUB (Sada - Galicia)
DIEGO DE LA CHURCH – (Pontevedra - Galicia)
PHIL SPETO (El Puerto de Santa María - Andalucia)

📌ENTRADA DE BALDE / GRATIS / FREE📌

Volvemos ao gran formato con 3 escenarios: Porto, Praia e Paseo Marítimo.

😜ESTADES LISTOS / ARE YOU READY?🐬🐬🐬🎸🎸🪇

Visite o sitio web para obter máis información. Link in bio
toulinapop.com/

́sicaEnVivo ́sicaendirecto ́sica

16/12/2023

🔶ESPECTÁCULO EN SADA: PAPAGENA🔶
A Concellería de Cultura programa o domingo 17 de decembro ás 20:00 no auditorio da Casa da Cultura a obra "Papagena", unha ópera contemporánea de Iago Hermo

🔹Papagena é unha ópera electrónica nacida a partir da figura da personaxe homónima da Frauta Máxica de Wolfgang Amadeus Mozart. Unha produción para analizar e re-escribir esta personaxe dende unha mirada actual e en base a dun dos maiores procesos de avance político-social dos últimos tempos: a loita contra o sexismo.

🔹Unha soprano (Esperanza Mara), un barítono (Jacobo Rubianes Castelo), e un músico en escena (o propio compositor da ópera, Iago Hermo) serán os piares desta peza deseñada para chegar tanto aos grandes teatros como a aqueles espazos e vilas onde a ópera, quizais, nunca chegou.

ℹENTRADA LIBRE. REDE CULTURAL 2023 - DEPUTACIÓN DA CORUÑA

16/12/2023

🔶GALA NADAL PATINAXE ARTÍSTICA🔶
O domingo 17 de decembro a partir das 12:00 no Pavillón Polideportivo do Albergue da Mariña terá lugar a Gala de Nadal do Club Patinaxe Artística Sada.

🔹ENTRADA LIBRE

14/12/2023

🔶MARTÍN CAMIÑA ILUSIONISTA EN SADA🔶
Sada programa o venres 15 de decembro ás 18:30 o espectáculo de maxia "J, K, W e Y": UNHA ESCOLMA DE DESPROPÓSITOS do mago Martín Camiña

🔹​Se crías, despois de ler no google maps, que “Valle de Oro” era un desleixo á nosa cultura ou se pedir no restaurante “carne al caldero más un albarito” era estar á moda, agarda ouvir o que seleccionamos en: “J, K, W e Y...as novas Letras Galegas. Unha escolma de despropósitos”.

🔹Un espectáculo con mollo de antoloxía da actualidade lingüística: máxico e poético, unha desfeita etnográfica, unha escolla de ilusionismo, humor, participación e un abandono total da nosa historia. Un renovado abecedario, cun alcouve de novos pensamentos por agromar no cedo, repousa nesta colleita escénica de irresponsabilidades. Todo o que nunca imaxinabas: a nosa lingua e cultura pendurada do xeito de vida actual, a través dun acto cheo de intres con sorpresas, abraios e moitos sorrisos.

ℹENTRADA LIBRE ATA COMPLETAR AFORO

13/12/2023

🔶EXPOSICIÓN "PLATA NATIVA DE ONTE E HOXE"🔶
A Capela de San Roque acolle durante o mes de decembro a exposición "Plata Nativa de Onte e Hoxe"

🔹Horario: De martes a sábado de 10:00 a 14:00 e de 18:00 a 21:00 horas