Quel est le site Web ?

https://www.facebook.com/110219765402677/

Nomad Outdooor

Yes I can travel
(5)

04/06/2023

صفحة رائعة. تستحق المتابعة و التشجيع

04/06/2023

احسن قهوة ا سطنبول 😍

01/06/2023

بازار اسطنبول الكبير اقدم سوق مغطى فالعالم و من اكبر الاسواق و الاكتر تنوعا بفضل امتداد الدولة العثمانية في تلات قارات

31/05/2023

في بلاد الامن و الامان والله لا قربليك واخا تغنيه ماشي غا توكلو 🤣🤣🤣
تابعونا لمزيد من السفريات و الاماكن حول العالم

30/05/2023

بعض المعلومات على الاثمنة د فيزا uk
اولا اثمنة د القنصلية
👈فيزا 6 اشهر 1200 درهم
👈فيزا سنتين 4510 درهم
👈فيزا 5 سنوات 8190 درهم
👈فيزا 10 سنوات 10270 درهم
ثانيا متجر tls 😁 من غير المصاريف العادية
👈صالون بيرميوم 653 درهم زايد نيكتاري و بتي بان على العادي
👈موعد فليكسيبل 914 درهم زايد انك تاتختار غا نهار و كي فاي وقت بغيتي
👈موعد خارج اوقات العمل 1176 درهم
👈اسكانيو ليك الوراق 376 درهم
👈تدفع و تخلي باسبور عندك 799 درهم
👈لاكنتي زربان بغيتي فيزا ف 5 ايام تاتخلص 3255 درهم
👈ايصيفطو ليك ميساج فتليلفون فعوض مايل 19 درهم

مع العلم انهم ايزولو الدفع نقدا قريب كولشي الخلاص اون لاين
طريقة التقديم اتكون من بعد

29/05/2023

عندما تقرأ كتاب فن لا مبالات ثلاث مرات

29/05/2023

من اسهل الفيزات لي تاخد تاتخرج ف 3ايام ماكاين لا رولفي بونكير لا وراق الخدمة فقط معلومات على الشخصية
التمن ديالها 25 دولار بالبطاقة
طريقة ساهلة
تاتدخل لهاد الموقع
https://evisa.gov.az/en/apply-step1
تاتعمر تاتسكاني باس تاتخلص تاسيفطوهاليك فمايل
الى كونتي ف تركيا مافيها باش تزيد شي ايام تما المركوب موجود من جميذ دول الجوار خاصة تركيا و جورجيا
ترد البال غا معا ارمينيا بيناتهم مشاكل بعد على الحدود البرية

26/05/2023

اسهل فيزا فالعالم
تادخل لهاد السيت
https://e-visa.gov.uz/application
تاتعمر المعلومات الشخصية ديالك تاتسكاني باسبور و تصويرة تاتخلص
بالنسبة للأثمنة
دخلة واحدة 20 دولار
دخلتين ب 35 دولار
متعددة الدخول 50 دولار
صالحة لمدة شهر
بالنسبة للتنقل لازوباكستان موجود من جميع الدول المجاورة خاصة تركيا و الامارات

21/05/2023

كولشي عارف بيني كندا فتحات باب الهجرة عن طريق فيزا سياحة يعني امكن ليك تاخد فيزا سياحة و تمشي تقلبها تما اقامة بشرط الحصول على عقد عمل

المهم انعطيكوم الطريقة الجديدة عند طريق ircc portail لي زادوها مؤخرا و لي هي اسهل من الطريقة لقديمة عند طريق cle gc.
كيما قلنا الطريقة سهلة مابقاش خصك تعمر لي فورميلير و تيليفرسيهوم...
تاتدخل ليان
https://portal-portail.apps.cic.gc.ca/signin?lang=en
اول خطوة تاتكري كونط و تاتبدا تعمر المعلومات الشخصية و العائلية و اهداف الزيارة
المدة من الاحسن دير اسبوعين تال 3 و ميزانية السفر جوايه 6000 دولار كندي ( طبعا خص الحساب البنكي ديالك اكون تاتيحمل هاد المصاريف) وإلا كانت دعوة من اخد الاقارب تايكون حسن من اوطيل
من بعد خصك تسكاني الوقائق ديالك غا ب cam scaner ماتحتاجش سيبير
الوتائق هما اولا رسالة دعوة ايصيبها ليكوم شي واحد من عائلة تما بغا اليگاليزها را غا شي 5 دولار امكن لبقيت عاقل
لاكارط ناسيونال
باسبور
كشف الحساب من الاحسن لاكان 6 اشهر التالية. فالاخر تاتلقا وثائق اضافية لي باليك نافع تقد تزيدو تما باش تقنععم
فالاخير تاتعاود دخل سميتك
و تادوز للخلاص
بالنسبة للمصاريف كاينة 100 دولار كندي مصاريف دراسة للملف و 85 مصاريف باش تاخد ضوني بيومتريك
لي تاتخدو ف vfs و تابقاو خدامين مدة 10 سنين
يعني تقدر دفع مرة اخرى بنفس البصمات

20/05/2023

غروب الشنس على ضفاف النيل 😍

19/05/2023

واخا الفوطة واكلها فار ولاكن الابداع كاين 🤣🤣

19/05/2023

من داخل مقابر واد الملوك
اعظم حظارة فالتاريخ

18/05/2023

الاقصر فمصر من بين احسن البلايص لي تقدر تعمل فيهوم منطاد بتمن مزيان 35 اورو تقريبا شي ساعتين و نتا تاتمتع بالمناظر ديال المعابد و النيل و الحقول

18/05/2023

شكون تايعرف هاد السيدة تيريزة 🤔

17/05/2023

خان الخليلي ❤️

16/05/2023

القاهرة مضببة كتر من كازا 🤣🤣

15/05/2023

كلشي ب 5 دراهم وصلات السعودية 🤣🤣

08/05/2023

نهضرو شويا على فيزا امريكا من اسهل واحسن الفيزات لي تايعطو مدة طويلة و نفس الوقت ماتشدوليكس لباس و تتايعاونوك بزاف الى بغيتي تزور دول الكاراييب و امريكا الجنوبية

اولا اتدخل تعمر فورميلير DS 160 اتلقاه فهاد الليان

https://ceac.state.gov/GenNIV/Default.aspx

خود الوقت الكافي ديالك و غا بشويا عليك ولا مفهمتش شي حاجة ترجمها الاسئلة عاديين عليك الخدمة ديالك و الحالة العائلية
تختار فيزا سياحية B2
خصك تكون موجد حجز فندقي و مصور و قول مصور اصيفها ليك ف مايل باش تقاد تصويرة خصها شويا ديال الشروط باش تقبل ليك فداك السيت خص وجهك اعمر 50 تال 60 ٪ ف الطول من التصورة تكون 5 على 5
منين تسالي و تجاوب على كولشي تايعطيوك تراجعو و تكونفيرمي ماتبدل اتطبع المرجع د DS 160 و تحتفظ بيه مازال تحتاجو والكودابار

منين تسالي داكشي اتدخل لهاد ليان

http://cdn.ustraveldocs.com/ma/

اتدير كونط جديد ب جيمايل دايلك
ايطلبو ليك شي معلومات منين اتدخلهوم ايخرجليك واحد الكود سي جي إي
هاد الكود اتطبعو تديه اي وكالة د البنك الشعبي و اتخلص 1560 درهم و الغد ليه اتدخل داك الكود CGI لي خلصتي عليه فنفس السيت منين دخلو ايتحلو ليك لي رونديفو منين تاخد لي بغيتي تطبع تأكيد الموعد و وروسي دالبانكة فحالة ما ادا طلبوهوم ليك
نهار المقابلة ضروووري تدي معاك تاأكيد ديال دي إس 160 و باسبور و تصويرة تكون طاي 5 على 5

بالنسبة ل المقابلة تقد تختار اللغة لي بغيتي الانجليزية ولا الفرنسية و لا العربية و لا حتا الامازيغية موهيم اي لغة تاتفهمها مزيان و تكون تاتهضر بيها مرتاح

بالنسبة الاسئلة تاتكون متوقعة اغلبية علاش باغي تمشي اشمن مدينة فاش خدام واش مزوج واش عندك دراري شحال تاتدخل فالشهر شنو الدول لاش مشيتي من قبل

بالنسبة للضوسي تقد تدي اي حاجة بغيتي و بانت ليك نافعة و تاتبت الهضرة ديالك وراق د الخدمة.... واخا اغلبية مايطلبو ليك والو
الى عندكم اسئلة اخرى خلوهم لي في كومنتر🫣

08/05/2023

#العمرة بفيزا شنغن

كيفاش تمشي دير عمرة!!

ايخصك فيزا اما شنغن أو أمريكا أو بريطانيا… تكون مستعملة من قبل ويكون عندك الكاشي ديال الدولة لي عطاتك الفيزا
توصل المطار من الافضل اكون مطار جدة ولا الى لقيتي طيارة للمدينة تاتوصل تاتعطيهم باسبور و فيزا لي عندك تايطبعو ليك فيزا عند الوصول خصك ضروري كارط باش تخلص المصاريف ( 128 دولار) ماتيقبول الكاش
خصك عارف اش باغي تسبق واش المدينة ولا مكة
الى كانت المدينة كاين قطار الحرمين السريع ولاكن غالي
كاين حل هوا خطافة ولا طاكسي من باب المطار للمدينة التمن مابين 100 ريال تال 120 ماتفوتهاليهومش
هاد الحل هوا احسن باش ماتسطريساش بالاحرام تاترتاح فالمدينة يامات

ديما فالمدينة إلى بغيتي تصلي فالروضة الشريفة خصك حجز مسبق من الأحسن ديرو من قبل مدة كاين على تطبيق نسك ولا توكلنا

نفرضو ساليتي من المدينة لبستي الإحرام اتمشي ساحة انا احب المدينة اتقلب على طاكسيات مكة بلا مايغوفلو عليك فالتمن ماتفوتش فيه 60 ريال للواحد راه معا دخلة تايقوليك 90 ريال طبعا ايوقفوك فابيار على لي هوا الميقات المكاني توضأ و تصلي ركعتين و تبدأ التلبية

وصلتي لمكة اتدوز لوطيل تحط الباگاج و تقصد الحرم المكي اتقلب على الباب 79 باب الملك فهد هوا الباب الخاص بالمعتمرين دير طواف تصلي ركعتين خلف مقام إبراهيم تمشي للصفا و المرورى تخرج تقرع🤣🤣 هانتا ساليتي العمرةايبقا ليك الصلوات بالنسبة للرجال لي جا بلا إحرام ماتخليوهش ادخل من باب المعتمرين خصو ادخل من بيبان خرين لي تاطلعو للفوق يعني ماغتتونش فصحن الكعبة بالنسبة للعيالات هانيا

اتسالي ايبقا ليك تمشي لجدة قصد الحرم جيهت الشبيكة
كاين طاكسي ولا خطاف ب 15 ريال للواحد ولاكن شرطو عليه احطكوم فسونطر إلى بغيتو تبقاو فجدة تباتو إلى حطكوم فباب مكة بعيد على صونطر
الى بغيتو امشيو نيشان للمطار تفاهمو معا مول طونوبيل من مكة ايقام رخص على تمشيو لجدة عاد من جدة للمطار اشتد uber ب35 ريال.

بالنسبة للشوبينغ تاتبالي المدينة حسن فيها التنوع و حتا الاتمنة حسن و كاين مولات ولاكن ديما سول شحال من بلاصة عاد تشري

بالنسبة الاوطيلات إلى مشيتو 2 ولا 3 د الناس اتجيكوم حسن حيت تمن دالغرفة لوحدك هو نفس التمن د تنائية ولا ثلاثية و حاولو تشوفو شي حاجة قريبة للحرم.
الى مزال اسئلة خليهم ليا في كومنتر شكراً.☺️ #

Adresse

Saint Etienne
42000

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Nomad Outdooor publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.