BSU - Tourism Faculty

29/04/2024

ბსუ-ს შოთა რუსთაველის სახელობითი სტიპენდიის გამარჯვებული ტურიზმის ფაკულტეტის IV კურსის სტუდენტი

Keti Mgeladze

გილოცავთ და წარმატებას გისურვებთ!👩‍🎓

23/04/2024

https://www.bsu.edu.ge/main/page/20572/index.html

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებ....

18/04/2024

📣 15 მაისს ბსუ-ს სტუდენტთა და კურსდამთავრებულთა დასაქმების მასშტაბური ფორუმი გაიმართება, სადაც აჭარის ტერიტორიაზე ოპერირებადი დამსაქმებლები მათ კომპანიებში არსებულ მიმდინარე ვაკანსიებს წარმოადგენენ💼.

👩‍💻👨‍💻 ბსუ-ს სტუდენტებსა და კურსდამთავრებულებს კი, სხვადასხვა სექტორის წარმომადგენლებთან ერთ სივრცეში შეხვედრის, გასაუბრების და დასაქმების შესაძლებლობა მიეცემათ.

🗂️ დასაქმების ფორუმში მონაწილეობის მსურველ კომპანიებს გთხოვთ, გაიაროთ რეგისტრაცია მითითებულ ბმულზე: https://docs.google.com/forms/d/e/1FAIpQLSdxMhezUs2Mrb9UrRbowDXDDWd5jxU51FTJazxfAFkIAKsgIg/viewform

#დასაქმებისფორუმი #ვაკანსიები #დასაქმე #ბსუ2024
#კარიერა

18/04/2024

🏫ტურიზმის ფაკულტეტის ასისტენტ პროფესორმა ნინო დევაძემ, უნივერსიტეტის მესამე მისიის ფარგლებში ქ. ბათუმის №3 საჯარო სკოლის XI კლასის მოსწავლეებთან ღია ლექცია ჩაატარა თემაზე “ტურიზმის განვითარების პერსპექტივები საქართველოში და მისი გავლენა ეკონომიკაზე“.
ვიზიტის ფარგლებში მოსწავლეები ასევე გაეცნენ უნივერსიტეტის საბაკალავრო საგანმანათლებლო პროგრამებს.

16/04/2024

🟢ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, ტურიზმის ფაკულტეტის დეკანი ირაკლი კორძაია და დეკანის მოადგილე ნანა გიორგაძე ტურიზმის საგანმანათლებლო პროგრამების განვითარებისა და ინტერნაციონალიზაციის ხელშეწყობის მიზნით საფრანგეთის მასპინძლობის მოწინავე უმაღლეს სკოლა FERRANDI Paris-ში სამუშაო ვიზიტით იმყოფებოდნენ.

🟢ვიზიტი მოიცავდა მოკლე და გრეძლვადიანი პროგრამების წარდგენას, სასწავლო ინფრასტრუქტურის გაცნობას, თანამშრომლობის შესაძლებლობების გამოვლენას სტუდენტთა სტაჟირებისა და აკადემიური მობილობის მიმართულებით.

🟢შეხვედრებს პარიზსა და დიჟონში პარიზის სავაჭრო პალატა, FERRANDI Paris-ის საერთაშორისო ურთიერთობების დეპარტამენტის წარმომადგენლები და საქართველოს ელჩი საფრანგეთში მასპინძლობდა.

🟢აღნიშნული ვიზიტი აჭარის ტურიზმისა და კურორტების დეპარტამენტის ინიციატივით დაიგეგმა და მასში საქართველოს ტურიზმის ეროვნული ადმინისტრაციის, პროფესიული კოლეჯის “ბლექ სი” და გასტრონომიული და სოფლის ტურიზმის ასოციაციის წარმომადგენლები იყვნენ ჩართული.

🟢Merab Khalvashi, the Rector of Batumi S***a Rustaveli State University, along with Irakli Kordzaia, Dean of the Faculty of Tourism, and Nana Giorgadze, Deputy Dean, undertook a working visit to FERRANDI Paris, a leading school of hospitality in France. The purpose of the visit was to enhance the development and internationalization of educational programs in tourism.

🟢The visit comprised presentations on both short and long-term programs, an in-depth exploration of the educational infrastructure, and the identification of opportunities for collaboration in student internships and academic mobility.

🟢The meetings in Paris and Dijon were hosted by the Chamber of Commerce of Paris, representatives of the International Department of FERRANDI Paris, and the Georgian Ambassador to France.

🟢The visit was coordinated by the Department of Tourism and Resorts of Ajara, in collaboration with representatives from the Georgian National Tourism Administration, the Vocational College "Black Sea" and Gastro Tourism Business Association.

04/04/2024

ბათუმის შოთა რუსთაველის სახელმწიფო უნივერისტეტის ტურიზმის ფაკულტეტის სტუდენტები კომპანია “ექსპო ბათუმის” ბაზაზე ერთთვიან სტაჟირებას გაივლიან.

04/04/2024

♻️საქართველოს საერთაშორისო ინვესტორთა ასოციაციის ოფისში ბსუ-ს ტურიზმის ფაკულტეტის სტუდენტებთან ტურიზმისა და სასტუმრო აღჭურვილობის რიგით მე-15 საერთაშორისო გამოფენასთან დაკავშირებით საინფორმაციო შეხვედრა გაიმართა.

👩‍🎓ბსუ-ს ტურიზმის ფაკულტეტსა და „Expo Batumi International Tourism And Event Company“ გამოფენის ორგანიზატორთან გაფორმებული მემორანდუმის ფარგლებში, ტურიზმის ფაკულტეტის 50-მდე სტუდენტი გამოფენის საორგანიზაციო პროცესში ჩაერთვებიან და ერთ თვიან პრაქტიკას გაივლიან.

🎯სტუდენტთა ჩართულობისა და პრაქტიკის მიზანია ტურიზმის სფეროში პროფესიული პრაქტიკული უნარების განვითარება, პრაქტიკული მუშაობისთვის აუცილებელი კომპეტენციების მიღწევა და რეალურ სამუშაო გარემოში თეორიული ცოდნის პრაქტიკული აპლიკაცია.

📚პრაქტიკის დასასრულს სტუდენტებს გადაეცემათ სერტიფიკატები და თურქეთის ერთ-ერთ ტურისტულ ქალაქში იმოგზაურებენ.

📣,,ტურიზმისა და სასტუმრო აღჭურვილობის რიგით მე-15 საერთაშორისო გამოფენა მიმდინარე წლის 10-12 მაისს გაიმართება.

29/03/2024

🇬🇪 🇫🇷 ბათუმის შოთა რუსთაველის სახელმწიფო უნივერსიტეტში, ტურიზმის ფაკულტეტზე ფრანკოფონიის საუნივერსიტეტო სააგენტოს (AUF) ორგანიზებით, დასაქმების ფრანკოფონული ცენტრი (CEF) გაიხსნა.
🔹 ცენტრი გახსნეს და მონაწილეებს მისასალმებელი სიტყვით მიმართეს ბსუ-ს რექტორმა მერაბ ხალვაშმა, AUF-ECO-ს რეგიონულმა დირექტორმა მუჰამედ კეტატამ და ფრანგული ინსტიტუტის დირექტორმა კამილ ნორამ. ბსუ მეორე უმაღლესი საგანმანათლებლო დაწესებულებაა საქართველოში, სადაც დასაქმების ფრანკოფონული ცენტრი გაიხსნა. ცენტრის მიზანია ინტერნაციონალიზაციის ხარისხის გაზრდა, უნივერსიტეტის სხვადასხვა ფაკულტეტის ფრანგულენოვანი სტუდენტებისთვის ტრენინგების ჩატარება, ახალგაზრდა კურსდამთავრებულთათვის კონფერენციების, სემინარების, ინტერვიუების ორგანიზება, სტუდენტების სამეწარმეო უნარების განვითარება, დასაქმების ხელშეწყობა და ახალგაზრდებს, მეწარმეებსა და დამსაქმებლებს შორის შეხვედრების ორგანიზება.
🔹 ღონისძიების ფარგლებში გაიმართა ფრანკოფონიის კვირეულის დახურვის ცერემონია. ფრანკოფონიის ღონისძიებების - კონკურსის „Bonjour la France“, კონფერენციის, სპორტული შეჯიბრის, ლიტერატურული და მუსიკალური საღამოებისა და კარნავალის გამარჯვებულ სკოლის მოსწავლეებს გადაეცათ სერტიფიკატები და საჩუქრები.
🔹 ფრანკოფონიის კვირეული მსოფლიოს მასშტაბით იმართება და ფრანგული ენისა და კულტურის პოპულარიზაციას ემსახურება. ბსუ-ს ჰუმანიტარულ მეცნიერებათა ფაკულტეტი და ზუსტ მეცნიერებათა და განათლების ფაკულტეტი ფრანკოფონიის დღეებს ყოველწლიურად სხვადასხვა ღონისძიებებით აღნიშნავს.
🔹 ფრანკოფონიის კვირეული ბათუმის შოთა რუსთაველის სახელმწიფო უნივერსიტეტის ორგანიზებით ხორციელდება და მასში ჩართულია აჭარის ა.რ. განათლების, კულტურისა და სპორტის სამინისტრო, აჭარის კერძო და საჯარო სკოლები, აჭარის ფრანგული ენის პედაგოგთა ასოციაცია, საქართველოს ფრანგული ინსტიტუტი და საერთაშორისო ასოციაცია ფრანგული რენესანსის საქართველოს წარმომადგენლობა.

25/03/2024

🇬🇪 🇱🇻 ტურიზმის ფაკულტეტის სტუდენტთა „Erasmus+“ საერთაშორისო მობილობა ლატვიაში, ვიძემის გამოყენებითი მეცნიერებების უნივერსიტეტში

ბსუ-ს ტურიზმის ფაკულტეტის „ტურიზმის“ საბაკალავრო საგანმანათლებლო პროგრამის მეორე სასწავლო წლის სტუდენტი ნინი თებიძე და მესამე სასწავლო წლის სტუდენტი ალეკო ბერიძე 2023-2024 სასწავლო წლის გაზაფხულის სემესტრში სწავლას ლატვიაში, ვიძემის გამოყენებით მეცნიერებების უნივერსიტეტის ტურიზმის პროგრამაზე გააგრძელებენ. სტუდენტები სპეციალობის შესაბამისად გაივლიან ტურიზმში პროექტების მართვის, Საჯარო გამოსვლების, ვიზიტორების მოტივაციის, ლატვიური ენისა და კულტურის სასწავლო კურსებს.

საერთაშორისო მობილობის მონაწილეები ერთი სემესტრის განმავლობაში მიიღებენ არა მხოლოდ აკადემიურ ცოდნას მათ მიერ არჩეულ სასწავლო კურსებში, არამედ გაეცნობიან ლატვიის კულტურასა და ტრადიციებს, რაც ხელს უწყობს კულტურათაშორის გაგებასა და უნივერსიტეტების თანამშრომლობას.

🇬🇪 🇱🇻 Students from BSU - Tourism Faculty will study at Vidzeme University of Applied Sciences in Latvia through the Erasmus+

In the spring semester of the 2023-2024 academic year, Nini Tebidze, a second-year student enrolled in the "Tourism" undergraduate program at the Faculty of Tourism of BSU, alongside Aleko Beridze, a third-year student, will embark on an academic journey at Vidzeme University of Applied Sciences in Latvia. This opportunity allows them to explore specialized courses such as tourism project management, public speaking, visitor motivation, Latvian language and culture.

Throughout the semester, students will not just acquire academic expertise within their selected courses but will also immerse themselves in Latvian culture and traditions, fostering intercultural appreciation and fostering collaboration within the university community.

22/03/2024

🏫ტურიზმის ფაკულტეტის დეკანმა, ასოც. პროფესორმა ირაკლი კორძაიამ, უნივერისტეტის მესამე მისიის ფარგლებში კავკასიის ბიზნეს სკოლის XII კლასის მოსწავლეებთან ღია ლექცია „ტურიზმის საუკუნეთა განმავლობაში“ ჩაატარა.
ვიზიტის ფარგლებში მოსწავლეები გაეცნენ უნივერსიტეტის საბაკალავრო საგანმანათლებლო პროგრამებს და მათ ბსუ-ს სასაჩუქრე პაკეტები გადაეცათ.

22/03/2024

🏫 ტურიზმის ფაკულტეტის ასისტენტ პროფესორმა ნათია ბერიძემ, უნივერისტეტის მესამე მისიის ფარგლებში „შპს თაობა“ სკოლის XII კლასის მოსწავლეებთან ღია ლექცია „აჭარა ტურისტული დანიშნულების ადგილი და მისი პოტენციალი“ ჩაატარა.
ვიზიტის ფარგლებში მოსწავლეები გაეცნენ უნივერსიტეტის საბაკალავრო საგანმანათლებლო პროგრამებს და მათ ბსუ-ს სასაჩუქრე პაკეტები გადაეცათ

22/03/2024

🔹ბათუმის შოთა რუსთაველის სახელმწიფო უნივერსიტეტის რექტორი, პროფესორი მერაბ ხალვაში, ტურიზმის ფაკულტეტის დეკანი, ასოცირებული პროფესორი ირაკლი კორძაია და მასპინძლობის მენეჯმენტის დეპარტამენტის ხელმძღვანელი, პროფესორი როსტომ ბერიძე მსოფლიოში ერთ-ერთ უდიდეს ტურისტულ გამოფენაზე - „ITB Berlin 2024“ იმყოფებოდნენ. ვიზიტი მიზნად ისახავდა ტურიზმის მიმართულების საგანმანათლებლო პროგრამების მქონე უნივერსიტეტების და სტუდენტების გერმანიის ტურიზმის ინდუსტრიის ორგანიზაციებში საწარმოო პრაქტიკის ობიექტების არსებულ და პერსპექტიულ პარტნიორებთან შეხვედრებს, ტურიზმის სფეროში ინოვაციების, სიახლეების და მსოფლიო ტურიზმის განვითარების ტენდენციების გაცნობას.

🔹 ვიზიტის ფარგლებში შეხვედრები გაიმართა მიუნხენის გამოყენებითი მეცნიერებების უნივერსიტეტის ტურიზმის ფაკულტეტის, მითელშტანდის უმაღლესი სკოლის და გერმანიის მასპინძლობის საერთაშორისო ინსტიტუტის წარმომადგენლებთან ერთობლივი, გაცვლითი პროგრამების შემუშავებისა და მომავალი თანამშრომლობის განვითარების შესაძლებლობების მიზნით.

22/03/2024

🇬🇪 🇪🇺 ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ევროპის სხვადსხვა უნივერისტეტში მობილობის განსახორციელებლად 2024-2025 სასწავლო წლის შემოდგომა/გაზაფხულის სემესტრებისთვის.

➡️ დეტალური ინფორმაცია იხილეთ ბმულზე 👇

🔗 https://bsu.edu.ge/sub-19/page/20384/index.html

12/02/2024

✅ ბსუ-ს ტურიზმის ფაკულტეტის „ტურიზმის“ საბაკალავრო საგანმანათლებლო პროგრამის IV კურსის სტუდენტებმა 30 იანვარიდან 4 თებერვლის ჩათვლით ბერლინში გამართულ „საერთაშორისო სასტუმროს მენეჯმენტის“ სტაჟირების პროგრამაში მიიღეს მონაწილეობა. ტურიზმის ფაკულტეტის სტუდენტებისთვის შედგენილი სტაჟირების პროგრამა მოიცავდა სასტუმროების „25hours Hotels“, „Scandic“ „Henri“, კვების სერვისის კომპანიის „L & D GmbH“ და დიზაინისა და ღონისძიებების სააგენტოს „Nok Akt“ -ის გაცნობას, კომპანიის წარმომადგენლებთან შეხვედრას, დისკუსიებს და სტუდენტთა ჯგუფურ მუშაობას ქართული ინოვაციური საერთაშორისო ღონისძიებების შექმნას.

✅ სტაჟირების პროგრამა უზრუნველყოფს ახალგაზრდებისთვის ღირებულ პრაქტიკულ გამოცდილებას, საერთაშორისო სასტუმროს მენეჯმენტის კომპლექსურ ანალიზს და მასპინძლობის ინდუსტრიაში პროფესიული შესაძლებლობების გამოვლენას.

✅ ბერლინის საერთაშორისო სტაჟირების რიგით მეოთხე პროგრამა განხორციელდა „Solutions Holding GmbH“-ის აღმასრულებელი დირექტორის, ბსუ-ს საპატიო დოქტორის, პროფესორ შტეფან გერჰარდის ორგანიზებით.

✅ From January 30th to February 4th, students in the fourth year of the "Tourism" undergraduate program at BSU's Faculty of Tourism ventured into an enriching experience through the "International Hotel Management" internship program held in Berlin. The immersive internship program exposed students to renowned establishments such as "25hours Hotels," "Scandic," and "HENRI Hotel Berlin," along with prominent entities like the catering company "L & D GmbH" and the design, communication, and events agency "Nok Akt Social Engineering GmbH." Throughout the program, students engaged in meetings with company representatives, participated in discussions, and convened for group sessions aimed at fostering innovative approaches to international event management, with a focus on Georgian culture.

✅Under the mentorship of industry professionals, students gained invaluable practical experience and received a comprehensive overview of international hotel management practices. The program not only equipped them with practical skills but also opened doors to numerous professional opportunities within the dynamic hospitality industry.

✅The internship program in Berlin was made possible through the efforts of Professor Stephan Gerhard, Managing Director of "Solutions Holding GmbH" and an esteemed honorary doctor of BSU.

30/01/2024

🇬🇪🇩🇪 ბსუ-ს ტურიზმის ფაკულტეტის საბაკალავრო საგანმანათლებლო პროგრამის სტუდენტები ,,საერთაშორიოს სასტუმროს მენეჯმენტი” ტრენინგ კურსის წარმატების გავლის შემდეგ სტაჟირების პროგრამის ფარგლებში გერმანიაში, ქალაქ ბერლინში ერთი კვიროთ მიემგზავრებიან.

სტუდენტებისთვის დაგეგმილი მიზნობრივი პროგრამა მოიცავს საინფორმაციო შეხვედრებსა და ვიზიტებს კონცეპტუალურ სასტუმროებში (hotel 25hours, Catering Company L & D GmbH, Nok Akt in Father Graham, Hotel Scandic), რომლის ფარგლებშიც სასტუმროს წარმომადგენლები სტუდენტებს გააცნობენ მასპინძლობის ინდუსტრიის მუშაობის თანამედროვე სტანდარტებს, ტენდენციებს და ინდუსტრიის გამოწვევებს.

პროგრამა ასევე მოიცავს პრეზენტაციებს, დისკუსიებსა და კარიერული განვითარების შესაძლებლობების გაცნობას ტურიზმისა და მასპინძლობის ინდუსტრიაში.

სტაჟირების რიგით მეოთხე პროგრამა განხორციელდა მასპინძლობის ინდუსტრიის გერმანელი ექსპერტის, ბსუ-ს საპატიო დოქტორის, პროფესორ შტეფან გერჰარდის ორგანიზებით. სტუდენტთა ფინანსური მხარდაჭერისთვის ტურიზმის ფაკულტეტი მადლობას უხდის აჭარის ავტონომიური რესპუბლიკის მთავრობას, აჭარის ა.რ განათლების, კულტურისა და სპორტის სამინისტროს და ბსუ-ს ადმინისტრაციას.

27/01/2024

📣 ბსუ-ში შიდა და გარე მობილობა დაიწყო !

🔴 გარე მობილობა

➡️ სხვა უმაღლესი სასწავლებლებიდან ბსუ–ში მობილობის წესით ჩარიცხვის მსურველი სტუდენტი ვალდებულია სსიპ - განათლების მართვის საინფორმაციო სისტემის ელექტრონულ პორტალზე (www.students.emis.ge) გაიაროს რეგისტრაცია 2024 წლის 30 იანვრიდან - 2024 წლის 8 თებერვლის 18:00 სთ-მდე და გადაიხადოს მობილობის საფასური (40 ლარი).

➡️სტუდენტებმა, რომელთაც მოიპოვეს 2023-2024 სასწავლო წლის გაზაფხულის სემესტრისთვის მობილობის წესით ბსუ-ს საგანმანათლებლო პროგრამებზე ჩარიცხვის უფლება, 2024 წლის 9-14 თებერვლის (17:00-საათამდე) ჩათვლით ბსუ-ს ელექტრონულ მისამართზე - [email protected] უნდა გადმოაგზავნონ შემდეგი დოკუმენტაცია:

🔹განცხადება;
🔹პირადობის დამადასტურებელი მოწმობის ასლი;
🔹საგანმანათლებლო დაწესებულებაში ჩარიცხვის ბრძანებისა და სტუდენტის სტატუსის განმსაზღვრელი ყველა სამართლებრივი აქტის დამოწმებული ასლი;
🔹სასწავლო ბარათის დამოწმებული ასლი/ცნობა სტუდენტის მიერ ათვისებული კრედიტების შესახებ;
🔹წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
🔹უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში);

🔴 მობილობის პროცესში მონაწილე პირის მიერ ათვისებული კრედიტების აღიარების დასკვნის გაცნობის შემდეგ, მობილობის მსურველის თანხმობის შესახებ განცხადების და ხელშეკრულებების გაფორმება ან უარყოფის შესახებ განცხადების რეგიტრაცია იწარმოებს 2024 წლის 15-16 თებერვალს, 10:00-დან 17:00 საათამდე.

📌მისამართი: ბათუმი, ნინოშვილის ქუჩა №35, პირველი სართული, ოთახი №20

☎️დამატებითი ინფორმაციისათვის საკონტაქტო პირის ტელ: 577 44 54 00

➡️ შიდა მობილობა

🔴 შიდა მობილობის ვადები ბსუ-ში საგანმანათლებლო პროგრამის შეცვლის ან ბსუ-ს სტატუსშეჩერებული პირის სასწავლო პროცესში დაბრუნების მსურველთათვის.

🔹 ბსუ-ში შიდა მობილობის მსურველთა ელექტრონული რეგისტრაცია იწარმოებს ბსუ-ს სტუდენტური პორტალის (portal.bsu.edu.ge) ველის ,,შიდა მობილობა’’ საშუალებით. (პროგრამის შეცვლის მსურველი ბსუ-ს სტუდენტი უფლებამოსილია აირჩიოს არაუმეტეს 3 საგანმანათლებლო პროგრამისა და განსაზღვროს არჩეული საგანმანათლებლო პროგრამების პრიორიტეტულობა (რიგითობის შესაბამისად) - 2024 წლის 5 თებერვლიდან 14 თებერვლის ჩათვლით;

🔹 სასწავლო პროცესის მართვის დეპარტამენტის შესაბამისი პასუხისმგებელი პირის (შემდეგი - ე.წ. ,,მობილობის ჯგუფი’’) მიერ ბსუ-ს პორტალის ,,შიდა მობილობის’’ მოდულში რეგისტრირებულ სტუდენტთა ელექტრონული განცხადების ტექნიკური გადამოწმება და დადასტურება -2024 წლის 15 თებერვლის ჩათვლით;

🔹 ფაკულტეტის დეკანის მიერ განსაზღვრული პასუხისმგებელი პირის მიერ სტუდენტების ერთიანი ეროვნული გამოცდების/სამაგისტრო გამოცდების შედეგების შეთავაზებულ (სტუდენტის მიერ არჩეულ) პროგრამასთან თავსებადობის გადამოწმება და დადასტურება - 2024 წლის 16 თებერვლის ჩათვლით;

🔹ფაკულტეტის დეკანის მიერ განსაზღვრული პასუხისმგებელი პირის მიერ ფაკულტეტის საბჭოს გადაწყვეტილებით განსაზღვრულ წინაპირობებთან (ასეთის არსებობის შემთხვევაში) შეთავაზებულ (სტუდენტის მიერ არჩეულ) პროგრამასთან თავსებადობას გადამოწმება და დადასტურება 2024 წლის 16 თებერვლის ჩათვლით;

🔹 ამ პუნქტის ,,ა’’-,,დ’’ ქვეპუნქტებით განსაზღვრული აქტივობების ფარგლებში გამოვლენილი ხარვეზის შემთხვევაში მობილობის მსურველის მიერ რეგისტრაციის კორექტირება - 2024 წლის 17 თებერვლის ჩათვლით, ხოლო კორექტირებული მონაცემების გადამოწმება და დადასტურება ბსუ-ს უფლებამოსილი პირების მიერ - 2024 წლის 18 თებერვლის ჩათვლით;

🔹ფაკულტეტის ხარისხის უზრუნველყოფის სამსახურის ხელმძღვანელობით შიდა მობილობის მსურველთა მიერ საგანმანათლებლო პროგრამის ფარგლებში მიღწეული სწავლის შედეგების შეთავაზებულ (სტუდენტების მიერ არჩეულ) საგანმანათლებლო პროგრამასთან თავსებადობისა და კრედიტების აღიარების დასკვნების მომზადება 2024 წლის 18 თებერვლის ჩათვლით და ელექტრონული ვერსიების (ხელმოწერილი და სკანირებული) ატვირთვა ბსუ-ს პორტალის ,,შიდა მობილობის’’ მოდულის შესაბამის ველში - 2024 წლის 20 თებერვლის ჩათვლით;

🔹 ბსუ-ს პორტალის ,,შიდა მობილობის’’ მოდულის შესაბამის ველში ატვირთული კრედიტების აღიარების დასკვნების ელექტრონული ვერსიების (ხელმოწერილი და სკანირებული) დადასტურება შესაბამისი ფაკულტეტის დეკანის მიერ - 2024 წლის 21 თებერვლის ჩათვლით;

🔹 შიდა მობილობის მსურველის მიერ კრედიტების აღიარების დასკვნის გაცნობის შემდეგ ბსუ-ს პორტალის ,,შიდა მობილობის’’ მოდულის საშუალებით თანხმობის ან უარყოფის ელექტრონულად დაფიქსირება - 2024 წლის 22-23 თებერვლის ჩათვლით;

🔹 ბსუ-ს სასწავლო პროცესის დეპარტამენტის მიერ 2023-2024 სასწავლო წლის გაზაფხულის სემესტრში ბსუ-ს შიდა მობილობის შედეგების შესახებ სამსახურებრივი ბარათის წარმოდგენა შიდა მობილობით ჩარიცხვაზე უფლებამოპოვებული პირების შესახებ, რომლებთანაც უნდა გაფორმდეს ხელშეკრულებები - 2024 წლის 26 თებერვალი;

🔹 ბსუ-ში შიდა მობილობის შედეგად შესაბამის საგანმანათლებლო პროგრამაზე ჩარიცხვის უფლებამოპოვებულ პირებთან ხელშეკრულების გაფორმება- არაუგვიანეს 2024 წლის 26 თებერვლის 10:00 სთ-დან 18:00 სთ-მდე (ხელშეკრულების გაფორმების ადგილის შესახებ ინფორმაციას სასწავლო პროცესის დეპარტამენტმა განათავსოს ბსუ-ს ვებგვერდზე და პორტალზე, შესაბამის ველებში);

🔹 ბსუ-ს სასწავლო პროცესის დეპარტამენტის მიერ ბსუ-ს შიდა მობილობის შედეგების შესახებ სამსახურებრივი ბარათისა და ბსუ-ში შიდა მობილობის შედეგების შესახებ ბსუ-ს რექტორის ბრძანების პროექტის წარმოდგენა და ბრძანების გამოცემა - 2024 წლის 27 თებერვალი.

🔴 „2023 წლის 1 აგვისტოს მდგომარეობით სტატუსშეჩერებული სწავლის საფასურის დავალიანების მქონე ბსუ-ს სტუდენტების 2023-2024 სასწავლო წლის გაზაფხულის სემესტრისათვის ბსუ-ს სასწავლო პროცესში დაბრუნებისათვის გასატარებელი ღონისძიებების შესახებ“ ბსუ-ს წარმომადგენლობითი საბჭოს 2024 წლის 16 იანვრის N07-01/06 გადაწყვეტილების გათვალისწინებით, 2023 წლის 1 აგვისტოს მდგომარეობით სტატუსშეჩერებული სწავლის საფასურის დავალიანების მქონე ბსუ-ს სტუდენტების 2023-2024 სასწავლო წლის გაზაფხულის სემესტრიდან ბსუ-ს სასწავლო პროცესში დაბრუნება მოხდეს წინამდებარე ბრძანების პირველ პუნქტში აღწერილი პროცედურებისა და ვადების დაცვით, 2023-2024 სასწავლო წლის გაზაფხულის სემესტრის სწავლის საფასურის არანაკლებ 40% (პირველ ეტაპზე გადასახდელი საფასური) 2024 წლის 23 თებერვლის ჩათვლით გადახდის გათვალისწინებით (ხოლო დარჩენილი სწავლის საფასურის ოდენობის გადახდა ამ სტუდენტების მიერ განხორციელდეს გაზაფხულის სემესტრის ადმინისტრაციული რეგისტრაციის მე-2 და მე-3 ეტაპზე, ბსუ-ს რექტორის შესაბამისი ბრძანებით განსაზღვრული ვადების მიხედვით).

‼️ დეტალური ინფორმაცია იხილეთ: https://bsu.edu.ge/main/page/20138/index.html 👈

#მობილობა #ბსუ #ბსუ2024 #გარემობილობა #შიდამობილობა

13/01/2024

🌎 ✅ბსუ-ს ტურიზმის ფაკულტეტის ორგანიზებით ჰილტონ ბათუმის ESG აკადემიის საინფორმაციო შეხვედრა გაიმართა.
ჰილტონ ბათუმის გუნდი გენერალური მენეჯერის პატრიკ ნოთერის ხელმძღვანელობით ტურიზმის, ეკოლოგიისა და სხვადასხვა საგანმანთლებლო პროგრამის დაინტერესებულ სტუდენტებს სასტუმროს გარემოსდაცვითი საქმიანობის და კორპორაციული პასუხისმგებლობის შესახებ ესაუბრა. ენერგორესურსების დაზოგვის, ნარჩენების შემცირებისა და გადამუშავების მეთოდების შესახებ ცნობიერების ამაღლება პირველი ნაბიჯია ბიზნესის მართვის ეკოლოგიური მოდელის დასანერგად. ტურიზმის ფაკულტეტისა და ჰილტონ ბათუმის თანამშრომლობის ფარგლებში ერთობლივად დაგეგმილ სამომავლო აქტივობებში ბსუ-ს სტუდენტები შეძლებენ გარემოსდაცვითი და მოხალისეობრივი პროექტების განხორცილებაში მონაწილეობას, რომელიც მიმართული იქნება მდგრადი განვითარების მიზნების მიღწევისკენ.

ჰილტონის სასტუმროები მიჰყვება დევიზს - საქმიანობა ეკოლოგიური და სოციალური პასუხისმგებლობების გათვალისწინებით. ეს მიმართულება ერთიანდება გლობალური ESG (Environmental, Social, Governance) სტრატეგიის გარშემო. ჰილტონ ბათუმი სწორედ ამ სტრატეგიით ოპერირებს და პასუხისმგებლიანი ტურიზმის პოპულარიზაციას ეწევა - ცდილობს, სასტუმროში დარჩენის გამოცდილება სტუმრებისთვის ისე გარდაქმნას, რომ მომსახურების მაღალი ხარისხი შეინარჩუნოს და თან დადებითად შეცვალოს გარემოს დაცვის დინამიკა.

07/12/2023

🔵 ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა, ტურიზმის ფაკულტეტის დეკანმა ირაკლი კორძაიამ, ტურიზმის ფაკულტეტის სტუდენტებმა: ქეთევან მგელაძემ და ჟანა ჩხიკვაძემ, აჭარის ა.რ. ტურიზმისა და კურორტების დეპარტამენტის ხელმძღვანელთან, თინათინ ზოიძესთან ერთად სსიპ ,,კურორტების განვითარების სააგენტოს” მიერ ორგანიზებულ პირველ საერთაშორისო კონფერენციაში ,,კურორტების მდგრადი განვითარების ტენდენციები და გამოწვევები” მიიღეს მონაწილეობა.
🔵 კონფერენცია ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა გახსნა. მინისტრმა თავის გამოსვლაში საქართველოში კურორტების განვითარების საჭიროებასა და ამ სექტორის პოტენციალის მაქსიმალურად და სწორად გამოყენების მნიშვნელობაზე და ამ პროცესში სახელმწიფოს როლზე ისაუბრა.
🔵კონფერენციაში მონაწილეობა მიიღეს სახელმწიფო, კერძო, საერთაშორისო და ადგილობრივი ორგანიზაციების წარმომადგენლებმა და ექსპერტებმა. კონფერენციის ფარგლებში სამი თემატური სესია გაიმართა - კურორტების მდგრადი განვითარება: ტენდენციები, გამოწვევები და პერსპექტივები; კურორტების განვითარების სოციალური და ეკონომიკური შედეგები და ველნესი და ბალნეოლოგია ჯანმრთელობასა და ადამიანთა კეთილდღეობაში.

28/11/2023

19-21 ნოემბერს ბათუმის შოთა რუსთაველის სახელმწიფო ინივერსიტეტის რექტორმა, პროფესორმა მერაბ ხალვაშმა, ტურიზმის ფაკულტეტის დეკანმა, ასოცირებულმა პროფესორმა ირაკლი კორძაიამ, მასპინძლობის მენეჯმენტის დეპარტამენტის ხელმძღვანელმა, პროფესრომა როსტომ ბერიძემ, ტურიზმის დეპარტამენტის ხელმძღვანელმა, პროფესორმა ანზორ დევაძემ, ასოცირებულმა პროფესორმა ეკატერინე ბახტაძემ, ასისტენ პროფესორმა თეონა ზოიძემ და ასისტენტმა ლელა დევაძემ, ,,შატო ივერი“-ს გენერალურ მენეჯერთან, ივერი ბერიძესთან და ბრენ შეფთან მარინე გორგილაძესთან ერთად ბსუ-ს ტურიზმის ფაკულტეტის და არდაჰანის უნივერსიტეტის ტურიზმის ფაკულტეტის ორგანიზებულ ვორქშოპში „გასტორნომია და ტურიზმი“ მონაწილეობა მიიღეს. შეხვედრა ოფიციალურად არდაჰანის პროვინციის გუბერნატორმა ჰაირეთინ ჩიჩეკმა, უნივერსიტეტის რექტორებმა და დეკანებმა გახსნეს.

ვორქშოპის ძირითად ნაწილში, ტურიზმის ფაკულტეტის აკადემიურმა პერსონალმა ეკატერინე ბახტაძემ „გასტონომიის როლი სოფლად ტურიზმის განვითარებაში (მაჭახელას ეთნო-სოფლის მაგალითზე), თეონა ზოიძემ „აჭარული გასტრონომია-მულტიკულტურალიზმის ნაწილში“ და ლელა დევაძემ „გასტრონომიული ტურიზმი და საქართველო - გამოწვევები და პერსპექტივები“ პრეზენტაციები წარადგინეს.

ვორქშოპის დასასრულს, მონაწილეებს „შატო ივერის“ ბრენდ შეფმა მარინე გორგილაძემ აჭარის რეგიონისთვის დამახასიათებელი ტრადიციული კერძები, ხოლო არდაჰანის უნივერსიტეტმა არდაჰანის პროვინციის დამახასიათებელი კერძები მოამზადეს და მონაწილეებს დააგემოვნებინეს.

20/11/2023

🟢ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებმა ქეთევან მგელაძემ და ჟანა ჩხიკვაძემ სტუდენტთა სამეცნიერო კონფერენციაში „საქართველოს კურორტების მდგრადი განვითარების ტენდენციები და მიდგომები“ მიიღეს მონაწილეობა. ქეთევან მგელაძემ კონფერენციაზე წარადგინა მოხსენება „ხალხურ მედიცინაზე დაფუძნებული კურორტის პერსპექტივები საქართველოში“, ხოლო ჟანა ჩხიკვაძემ - ,,ეკო-მეგობრული სასტუმროების როლი საკურორტო ადგილების განვითარებაში (აჭარის მაგალითზე)“.

🟢სტუდენტთა სამეცნიერო კონფერენციის მიზანი იყო კურორტების განვითარების ხელშეწყობა, სააგენტოსა და საქართველოში აკრედიტირებულ უნივერსიტეტებს შორის ურთიერთთანამშრომლობის გაღრმავება და საქართველოში ჯანმრთელობის ტურიზმისა და კურორტების განვითარებაში სტუდენტების ჩართულობა.

🟢კონფერენციის თემატური მიმართულებები იყო ბალნეოლოგიური, კლიმატური, ველნეს და სპა კურორტები. სესია ასევე ითვალისწინებდა ჯანმრთელობის ტურიზმისა და კურორტების მიმართულებით ინოვაციური მიდგომების დანერგვას კურორტებისა და საკურორტო ადგილების განვითარების სფეროში.

🟢სტუდენტთა სამეცნიერო კონფერენცია საქართველოს ეკონომიკისა და მდგრადი განვითარების სამინისტროს კურორტების განვითარების სააგენტოს ორგანიზებით გაიმართა.

30/10/2023

🇬🇪 🇵🇱 ბსუ-ს ტურიზმის ფაკულტეტის „ტურიზმის“ საბაკალავრო საგანმანათლებლო პროგრამის მეოთხე სასწავლო წლის სტუდენტი საბა კახიძე 2023-2024 სასწავლო წლის შემოდგომის სემესტრში სწავლას პოლონეთში, ვროცლავის სახელმწიფო უნივერსიტეტის დედამიწის შემსწავლელ მეცნიერებათა და გარემოს მენეჯმენტის ფაკულტეტის „ტურიზმისა და მასპინძლობის“ პროგრამაზე გააგრძელებს. ვროცლავის უნივერსიტეტი ცენტრალური ევროპის უძველეს და პოლონეთის წამყვან სახელმწიფო უნივერსიტეტებს შორისაა, სადაც საბა კახიძე სპეციალობის შესაბამისად გაივლის ტურიზმის მდგრადი განვითარების, კულტურათაშორისი კომუნიკაციის, ტურ-ოპერატორული ბიზნესისა და ტურიზმის ეკონომიკის სასწავლო კურსებს.

სტუდენტთა შესარჩევი კონკურსი უნივერსიტეტის კომისიის მიერ ჩატარდა და კონკურსანტებს შორის საუკეთესო მონაწილე ინგლისური ენის ცოდნის, კომუნიკაციის უნარისა და აკადემიური მოსწრების გათვალისწინებით გამოვლინდა.

კონკურსში გამარჯვებული სტუდენტის მობილობა აჭარის ა.რ. განათლების, კულტურისა და სპორტის სამინისტროსა და ბსუ-ს შორის გაფორმებული თანამშრომლობის შეთანხმების საფუძველზე სრულად დაფინანსებულია.

07/10/2023

🔵 ბსუ-ში მუშაობა დაასრულა გერმანიის აკადემიური გაცვლის სამსახურისა (DAAD) და ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის საშემოდგომო სკოლამ „კულტურული და საერთაშორისო ტურიზმი - მშვიდობის სასიცოცხლო ძალა“. საშემოდგომო სკოლაში მონაწილეობდა 40-მდე ქართველი და უცხოელი პროფესორ-მასწავლებელი და სტუდენტი. სკოლა მოიცავდა თეორიულ-პრაქტიკულ სწავლებას, აჭარის ტურისტული პოტენციალისა და საერთაშორისო ტურიზმის აქტუალურ საკითხების გაცნობას.

🟢საშემოდგომო სკოლის მიზანი იყო საზღვრისპირა გამყოფი ხაზების ირგვლივ განათლების და კულტურის მიმართულებით კავშირების დამყარება, სამხრეთ კავკასიის, მოლდოვისა და ევროკავშირის ქვეყნების უნივერსიტეტებს, აკადემიურ პერსონალსა და სტუდენტებს შორის თანამშრომლობითი ურთიერთობების ხელშეწყობა; აკადემიური კავშირების გაღრმავება-წახალისება; ტურიზმის დარგობრივი მიმართულებით ცოდნის გაზიარება. საშემოდგომო სკოლის მონაწილეებს გადაეცათ სერტიფიკატები.

26/09/2023

🇬🇪 🇪🇺 ბსუ-ში გერმანიის აკადემიური გაცვლის სამსახურისა (DAAD) და ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის საშემოდგომო სკოლა „კულტურული და საერთაშორისო ტურიზმი - მშვიდობის სასიცოცხლო ძალა“ გაიხსნა.
🔹 საშემოდგომო სკოლაში 40-მდე ქართველი და უცხოელი პროფესორ-მასწავლებელი და სტუდენტი მონაწილეობს. ღონსიძიება გახსნეს ბსუ-ს რექტორმა მერაბ ხალვაშმა, DAAD-ის თბილისის რეგიონული ოფისის ხელმძღვანელმა გებჰარდ როილმა, ბსუ-ს ადმინისტრაციის ხელმძღვანელმა მერაბ დიასამიძემ და ტურიზმის ფაკულტეტის დეკანმა ირაკლი კორძაიამ.
🔹 საშემოდგომო სკოლა მოიცავს თეორიულ-პრაქტიკულ სწავლებასა და აჭარის ტურისტული პოტენციალის გაცნობას. ბსუ-ს საპატიო დოქტორი, გერმანელი ექსპერტი კურტ რაიცი, ბსუ-ს პროფესორები და ტურიზმის დარგის უცხოელი ექსპერტები მონაწილეებს ხუთი დღის განმავლობაში კულტურული და საერთაშორისო ტურიზმის აქტუალურ საკითხებს გააცნობენ.
🔹 საშემოდგომო სკოლის მიზანია საზღვრისპირა გამყოფი ხაზების ირგვლივ განათლების და კულტურის მიმართულებით კავშირების დამყარება, სამხრეთ კავკასიის, მოლდოვისა და ევროკავშირის ქვეყნების უნივერსიტეტებს, აკადემიურ პერსონალსა და სტუდენტებს შორის თანამშრომლობითი ურთიერთობების ხელშეწყობა; აკადემიური კავშირების გაღრმავება-წახალისება; ტურიზმის დარგობრივი მიმართულებით ცოდნის გაზიარება.
➡ ვრცლად იხილეთ ბმულზე:👇

🔗https://bsu.edu.ge/main/page/19530/index.html

16/09/2023

ბათუმის შოთა რუსთაველის სახელმწიფო უნივერსიტეტი გთავაზობთ ევროკომისიის მიერ დაფინანსებულ „ერაზმუს+"-ის გაცვლ.....

14/09/2023

https://www.facebook.com/100072181823386/posts/347439177672140/?mibextid=Nif5oz

#სტუდენტთასაერთოსაცხოვრებელი

📣 რეგისტრაცია | ბსუ-ს სტუდენტთა საერთო საცხოვრებელში 🏢

🔹 გამოცხადდა რეგისტრაცია ბსუ-ს სტუდენტების და პროფესიული სტუდენტების მიერ ბსუ-ს საერთო საცხოვრებელში თავისუფალ ადგილზე სარგებლობის უფლების მოპოვებისათვის:

📌🗓️ რეგისტრაციის პერიოდი - 2023 წლის 13 სექტემბრიდან 21 სექტემბრის ჩათვლით;

🔹 როგორ გავიარო რეგისტრაცია❓

®️ℹ️რეგისტრაცია უნდა წარიმართოს შემდეგი წესით:

1. ბსუ-ს პორტალზე რეგისტრირებული ბსუ-ს სტუდენტები, ასევე 2023 წლის ერთიანი ეროვნული გამოცდების შედეგად ბსუ-ში ჩარიცხვის უფლებამოპოვებული პირები, ვინც დადგენილ ვადებში გაიარა რეგისტრაცია და გააფორმა ბსუ-სთან ხელშეკრულება, უფლებამოსილნი არიან განახორციელონ ონლაინ რეგისტრაცია, რაც გულისხმობს მათ მიერ:

ა) ბსუ-ს პორტალზე მოდულის ,,ჩემი პროფილი“ შემადგენელი ველის ,,სოციალური ბარათი“ შევსებას/ინფორმაციის განახლებას და შესაბამისი დოკუმენტების ატვირთვას (საცხოვრებელით სარგებლობის უპირატესი უფლების მქონე პირთა გამოვლენის მიზნით);

ბ) ბსუ-ს პორტალის მოდულში ,,რეგისტრაცია საერთო საცხოვრებელში 2023-2024 სასწავლო წლისათვის“ რეგისტრაციას (დადასტურება);


🔹 ბსუ-ს პროფესიული სტუდენტების მიერ ბსუ-ს საერთო საცხოვრებლით სარგებლობის უფლების მოსაპოვებლად წარმოდგენილი უნდა იქნეს ,,ბსუ-ს საერთო საცხოვრებლით სარგებლობის წესის“ შესაბამისად შევსებული განაცხადის ფორმა, რომელშიც უნდა მიეთითოს „ბსუ-ს საერთო საცხოვრებლით სარგებლობის საფასურის განსაზღვრის შესახებ“ ბსუ-ს ადმინისტრაციის ხელმძღვანელის 2022 წლის 4 მარტის №01-10/18 ბრძანების N1 დანართში აღნიშნული შეღავათის კატეგორია (არსებობის შემთხვევაში) და წარმოდგენილი უნდა იქნეს შესაბამისი დოკუმენტი.


🏢🔹 სტუდენტური საცხოვრებელი შემდეგ ინფრასტრუქტურას მოიცავს.
▪️დაცვის ოთახი
▪️ადმინისტრაცია
▪️სამრეცხაო-საშრობი
▪️საკონფერენციო დარბაზი
▪️ასევე საცხოვრებლის ბლოკები: ძირითადი, 4 სტუდენტზე გათვლილი ბლოკური პრინციპით, რომელსაც გააჩნია თავისი სველი წერტილი და სამზარეულო
▪️შშმ პირებისთვის ადაპტირებული 3 ბლოკი - თითო თითოეულ სართულზე;
▪️ლიფტი შშმ პირებისთვის.


📞დამატებითი კითხვების არსებობის შემთხვევაში გთხოვთ დაგვიკავშირდეთ: 577 17 70 29

📌 დეტალური ინფორმაცია, ასევე საჭირო დოკუმენტების ჩამონათვალი, განაცხადის ფორმა და სხვა იხილეთ 🔺 portal.bsu.edu.ge ➡️ სიახლეები ➡️ “ გამოცხადდა რეგისტრაცია ბსუ-ს საერთო საცხოვრებელში უფლების მოსაპოვებლად “

გისურვებთ წარმატებას 😊

#ბსუ #ბსუ2023 #სტუდენტი #საერთოსაცხოვრებელიბსუ #პირველკურსელი