Orbis Bude • ორბის ბუდე

„ორბის ბუდე“ სოციალური საწარმოა, ქვემო ქართლში, თეთრიწყაროს მუნიციპალიტეტის სოფელ სამშვილდეში, რომელიც თბილისიდან, სულ რაღაც 65 კილომეტრში მდებარეობს. საუკუნეების მანძილზე, აქ ერთ-ერთი უძველესი ციხე-ქალაქი ქალაქი სამშვილდე მდებარეობდა - ის, ძველი წელთაღრიცხვით, 1-ლი ათასწლეულის შუა საუკუნეებში ჩნდება და ახალი წელთაღრიცხვით, მე-18 საუკუნემდე აგრძელებს არსებობას. დღეს, ციხე-ქალაქის მრავალი საკულტო,

თუ სხვა დანიშნულების შენობათა ნანგრევებია შემორჩენილი: ღვთისმშობლის მიძინების ეკლესია, სამნავიანი ბაზილიკა, სამშვილდის სიონი და ა.შ.
დღევანდელი სამშვილდე ისტორიულ-კულტურული ღირსშესანიშნაობებით, მრავალფეროვანი ბუნებითა და საუცხოო პეიზაჟებით გამოირჩევა. მათ შორისაა, მდ. ხრამის კანიონი (5-6 კილომეტრის სიგრძის) და მდ. ჭივჭავის კანიონი (3-4 კილომეტრის სიგრძის).
„ორბის ბუდე“, ამ გამორჩეულ ადგილებში, დასვენებისა და მოგზაურობისთვის, გთავაზობთ: ტურისტულ მარშრუტებსა და მეგზურობას, დასასვენებელ სივრცეს სოფელ სამშვილდეში, გასართობ და შემეცნებით აქტივობებს, ასევე ადგილობრივ სამზარეულო მასტერკლასებს.