UncleB 調理農務體驗所

22/02/2024

阿超：汪汪🐶
我：有得食好食，就快餓死我，然後你食埋我之後都會餓死🧑🏾‍🌾
阿超：係你悲觀啫🐶

救救獨居老人，三至五月開放探訪

05/02/2024

🧑🏾‍🌾大周龍上個禮拜話有兩張$4880問我睇唔睇，好彩我冇制😌，為慶祝被昆一劫，我決定拎出相同面值（嘅少少）出嚟，新春期間嚟同我拜年即派！ 🧧🧧🧧🧧 ⛺️⛺️⛺️⛺️

#國際賣吓襪

#敵對國家嘅態度

26/01/2024

同村大周龍：天日爆唔爆場？
我：拍曬烏蠅，個個北上
大周龍：我天日都上
我：我後日

#上啦上啦上飽佢
#香港玩完咖喇
#我有份害死

07/01/2024

👨🏽‍🌾 最近好多新場都玩到好豪華，
我自己都想同阿嫻去歎吓😌

難得仲有咁多營友堅持呢份純粹嘅大自然感覺，
各有各風格，希望香港可以多啲唔同風格嘅camping 同glambing嘅地方，令到呢度多啲嘢玩，大家唔洗上曬堔圳啦😌

#一月二月又係露營好時候
#快啲搵我啦

25/11/2023

呢啲天氣又身痕 ⛺️🧑🏾‍🌾

13/03/2023

🧑🏾‍🌾 一早起身收到幾個inbox話我知我俾人”攪”緊，嚇死我啦～ ��細佬雖然係鄉下佬，但係阿媽教落我做人要以事論事，受人批評錯就要認，所以首先真係好多謝大家嘅善意批評，真心感覺到樓主 Kristal 嘅意見係想我哋可以改善，唔係”攪”我哋嘅，今朝已經想覆大家，不過谷主一直冇未批我個comment ，所以喺呢度同大家講幾句啦。

講得啱個草地的確冇開業時咁靚喇，始終冬天寒冷乾燥，加上都已經幾個月經歷，就算我哋成日淋水都難以百份百保存，等休季後我哋已經計劃咗重補/保養草地，開季時再令大家眼前一亮啦。

洗手間地下嘅鞋印、洗手盤廚餘，我都好想解決，我哋每隔幾小時都有清理吓洗手間地面，不過濕咗再踏上去又即時會滿曬鞋印；洗手盤廚餘就更加呢頭清完嗰頭又塞，我哋有清，但真係要大家都有啲公德心，洗完碗就清返自己隔住嘅廚餘。我明白大家作為消費者嘅期望，但無可奈何真係冇可能每個人用完我都清理一下，我會再加密清潔次數，盡量解決問題，希望大家都幫幫手做多一步。

其實由開業前到宜家，面對過太多自私自利又蠻不講理嘅客人，的確心路歷程係有所變化，原本一片丹心希望大家識得愛惜、尊重，變到要貼張罰款A4紙嚇大家，我一啲都唔想，講真亦從來冇實施過咁樣罰錢，但係我唔咁樣寫，大家知唔知嗰個位可以一晚就六七袋唔包好嘅垃圾加一堆用爛或唔要嘅營具，攪到個環境更差？我放任，有啲客真係會好過份；我嚴例，又會覺得我冇禮貌，呢幾個月的確定立咗唔同嘅規例，趕走過/屌過一啲話極唔聽影響他人嘅人，都係想令到唔同要求嘅客人可以享受到想要嘅嘢，如果唔係太過份影響到人，我已經係有禮相讙，俾我屌過嘅，問吓自己做咗啲咩先啦，唔通我真係唔擔心自己爆血管咩？順得哥情失嫂意，我只好繼續學習吓，或者真係休息吓啦～ :)

我都唔想再解釋太多，唔想大家覺得我狡辯，我的確有好多不應足，我應承大家會再深入檢討吓點樣係每個細節做好啲，亦希望大家多啲提出你哋嘅意見，我由頭到尾冇諗過要hea住做、賺大錢唔俾服務，由以前到宜家到將來，我每日都係諗緊點樣做好啲，點樣令大家嚟到玩得開心。

多謝大家。更多謝不少客人inbox我哋關心支持，小弟不才，會繼續努力。

05/03/2023

🧑🏾‍🌾 齊心就事成，一班朋友仔夾手夾腳共吓患難燒埋黃紙，起到個營嘅喜悅一世難忘㗎🥰

#冇錯加油
#盡量唔好叫我郁
#我有五十肩

28/02/2023

🧑🏾‍🌾你班友當我老到傻咗，宜家先講太遲唔好搏大霧呀🤣～ 當日有同我講嗰啲全部有我親自message 回覆，cap 圖見到我有覆嗰啲先係呀～ 你班友~ 🙄

27/02/2023

免費入營呀！！🧑🏾‍🌾🎉🍺🎂見你哋成班孝子賢孫咁乖豬，早兩日喺我生日當日有留言/PM我講生日快樂嘅全部獲得免費入營名額一枚！hap唔happy 仔？😎

條件：
- 需要選擇四月內任何一個星期五、六、日入營⛺️
- 只能兩日一夜
- 需要最少搵一個friend陪你👭🏻
- 照平時咁網上預約入營，Cap 低 IG/facebook 同我留言嘅版面，我whatsapp 回覆你時表露身份🦸🏻‍♂️

17/02/2023

大地回春，要勤力施肥灌溉喇～ 🧑🏾‍🌾💚

#同村唔知邊個個仔
#咁淋淋一個月都未淋完呀仔
#小朋友要學識愛大自然

07/01/2023

📢⛺️有露襯手！📢🌴
玩埋呢個四月就要休養喇👋🏻～ 包括我同埋啲草草～🧑🏾‍🌾☘️

#我等緊去旅行
#如果我有兩張機票阿嫻會唔會跟我去

#香港好去處 #香港露營 #香港露營用品 #香港露營地點 #香港營地 #山系 #汽車露營 #香港秘境 #露營 #香港露營 #車中泊 #山系女子 #露營 #露營美學

13/12/2022

🧑🏾‍🌾又到聖誕～ 又到聖誕🎅🏻～ 細侄 手嘢真係巧有feel ，攪到呢度巧有氣氛～

09/12/2022

打鼓嶺謝賢😎、新界西陳冠希😏、香港木村🧔🏽‍♀️...... 由細到大都俾人叫埋呢啲花名😪，成日俾人認錯係吳彥祖🧑🏻‍🦱要攞簽名其實好無奈~

🧑🏾‍🌾any肥，呢啲浮名我睇得好淡，但潮流嚟講，阿嫻❤️都成日讚我世一。呢間嘢 近期可以話係本土品牌炙手可熱，我哋惺惺相識，我係咁二send 咗三百𡃁個message 俾佢，佢就一口答應同我哋合作，推出呢件 Grocery X Uncle B 超限量洗水tee！等要型要潮要chok 嘅營友可以勁型勁潮勁chok🕺🏻💃🏻！咪走雞！🐓

Grocery X Uncle B 超限量Over Size洗水Tee
布料：300g 厚重全綿布料

特別處理：每件成衣柒後再進行洗水處理

尺寸：Oversize 風格（尺寸表請留意上圖)
售價：$490/pcs

有興趣嘅朋友可以IG 我，或者入營時即買即著！
仲有 Online Shop: https://grogrocery.com

#靚嘢
#我係一個不屈撓嘅人
#俾我睇上你你就煩
 #問你怕未
#我型定佢型
#我知係我
#點解佢著到咁大件我咁貼
#因為我健美

01/12/2022

❤️阿嫻煲咗廿四味俾我下下火，家陣平心靜氣啲同大家update下事情發展，同時都想交待返清楚少少。👨🏽‍🌾

其實佢哋入營當日我哋已經知班小朋友好活躍，一個晏晝我哋已經話過佢哋兩次（但我甚少會話小朋友），叫佢哋唔好亂跑因為好易踢到營繩跌親，同埋佢哋不斷著住鞋走入規定要除鞋嘅小屋、反鎖自己喺小屋入面等等等等。

當晚我有啲事唔可以留低，但因為有雨，原本只開放到八點嘅小屋我冇關閉，怕大雨嘅話大家都有地方避下雨，結果就出事⋯⋯第二朝返到嚟，所有傢俬當然翻天覆地，仲有薯片滿地，而uncle B地標之一嘅和紙波波燈亦爛曬。

第一日出咗post後，唔夠半日有好多當日入營嘅營友send inbox、留comment 、whatsapp 我哋，投訴當日呢班小朋友不斷走入佢哋嘅營區、踢到大家嘅營及營繩、玩飛碟掉到佢哋、朝早6:30走去各人嘅營拍人帳蓬問「有冇人呀？哈哈哈！」然後走咗去、食剩嘅杯面倒喺垃圾桶蓋上面等等等等，唔少人同咗佢哋父母講而不獲理會，更有人send 埋相俾我哋睇，呢班父母晨早就擅自將兩架車駛入草地（我哋嘅草地係要預約先可以揸車入去，因為本身草地係需要保養，亦都好感謝好多露營人士會覺得其實步行距離十分近，泊車响停車場冇問題，感恩大家非常愛惜我哋嘅草地）佢哋揸車穿過多人嘅營區去到自己營區執嘢走，但當時其他人帳篷依然係有人響度，險象橫生！而且未經我哋批準及帶領下駛上草地嘅行為亦非常可恥！

好喇，三日過去，大家最想知佢哋父母有冇睇到個post 之後打嚟呢？答案係有嘅！出咗post 之後好快佢哋Daddy 有send Whatsapp俾我哋，問我哋盞燈幾錢及叫我哋send CCTV俾佢，同時話見到有啲人留言指責班小朋友，佢就回應小朋友一定活躍，飛碟掉到人只係大風之類，總之大概小朋友都冇錯嘅意思啦～之後我都因為要忙於打理場務未再覆佢，到夜晚打返電話俾佢哋冇聽，之後兩日都有打俾佢哋N次當然都係唔聽啦，可能收唔到電話（？）都係佢哋冇錯嘅應該。

其實佢講得啱，小朋友真係冇錯，小朋友一定係活躍好動，我欣賞家長維護班小朋友，但與此同時就真係要狠狠地屌呢班所謂“父母”識唔識做人父母？！小朋友做錯事唔洗負責？負責嗰個咪係你囉！你可以完全唔守規則揸架車上草地，呢啲咁嘅細節就知你本身點做人，你個仔咪照學囉！帶得小朋友出公眾地方，個地方就唔再係你哋嘅私人天地，有其他人！你影響到其他人就係錯！人哋好聲好氣同你講你又唔理，你個仔咪又照學囉！我哋都係人、我哋都為人父母，點解人哋啲小朋友可以學習尊重別人？喺大自然露營，唔係一個最好機會，教小朋友學習尊重大自然？尊重別人咩？你當我燥底，心嗰句係唔L 識教就唔好生啦！ #^@（ #&*@！^$）

唉，差啲爆血管 😤

錢！我由出post 嗰刻就唔期待你會賠，枝燈係日本名師野口勇先生設計嘅Akari 燈呀！我話俾你聽要成萬蚊呀！日本職人嘅工藝嚟！點解可以咁樣對待？你message我哋，恐怕只係怕我哋將 CCTV放出嚟公審你，所以你先想睇下拍到幾多？你放心啦，我由始至終根本冇諗住要share俾任何人，亦都唔會報警，因為如果我咁做，結果傷害嘅只係呢班小朋友，最錯嘅根本唔係佢哋，係你呢班怪獸家長！其實你send得message 嚟都已經明知個事實係咪你哋做，我只係想你知道自己有問題，正確教導返你嘅小孩子！不過你嘅處理方式我已經知鬧你都冇用，因為你一定覺得你冇錯，錯嘅係天下人，你係最啱嘅！any肥，唔好搵我哋，亦都唔洗賠錢！件事完喇！

最後，對於當日俾佢哋影響到嘅營友深感抱歉🥲，我會逐個聯絡返你哋，俾返個半價優惠你再嚟玩過吖！🥳

其實大部份營友都好乖，好識尊重大自然、尊重人、尊重自己、尊重我🫰。明白好多新入坑嘅朋友仔未體會到露營嘅文化，當咗係公園咁玩，但只要你哋嚟到虛心啲感受吓其他有經驗嘅營友係點玩，你都好快可以感受到箇中樂趣，大自然教我哋謙卑，希望每一個嚟呢度玩嘅人，都係真心愛惜呢度嘅人。

👨🏽‍🌾By the way~ 我著緊件衫正唔正？有得買！留意住！🤭留言講啲嘢，最好嗰個可獲贈一件！

#世界仍然美好
#酌情權會減少
#冇辦法我都唔想

26/11/2022

🤬🤬真係好x嬲！當大家懶係識欣賞日本人好有公民質素，又成日指責鄰國人點冇公德心，同時自己就做啲咁嘅嘢！小朋友頑皮你唔教！整爛曬嘢又扮冇事晨早逃之夭夭！？😡😡😡

大家一定笑我onG幾千蚊喺日本買枝燈返嚟，但係我就係想俾好啲質素嘅享受大家！但係由開張到而家樣樣嘢都係唔識珍惜、唔守規矩！就係一啲低質嘅人，就算其他人做得幾好都俾你影衰曬我哋香港人！🤬🤬🤬🤬🤬🤬🤬

我俾三日時間你打返俾我，唔係我唯有交cctv俾警方

#係咪唔值得俾好嘢大家
#心灰意冷
#唔好怨去到第啲場用淘寶嘢
#宜家慎重考慮緊唔再開間屋俾大家用

11/11/2022

🥶🥶群情洶湧，我一個老嘢覆唔到咁快🥶大家網上填表後，我哋會依次序處理，如果申請獲接納，👨🏽‍🌾我就會whatsapp你confirm booking. 唔好急！唔好吹我！唔好係咁whatspp我問confirm未！我掛住覆你哋就更加拖慢處理㗎喇～～ 乖🫰💋

11/11/2022

👨🏾‍🌾❤️喂喂喂！嚟喇！一月至二月booking 開放喇！呢幾個月多謝大家支持，我識咗好多朋友仔，見到大家都玩得開心，我覺得自己青春咗廿年🥰🌸 希望今個農歷年同大家一齊慶祝，等我可以持續回春啦！🎊

十一月至十二月繼續開放預約，大家一齊玩！一齊調理農務！快啲預約啦！🌕 🚙🌴🌴

#香港好去處 #香港露營 #香港露營用品 #香港露營地點 #香港營地 #山系 #汽車露營 #香港秘境 #露營 #香港露營 #車中泊 #山系女子 #露營 #露營美學

06/11/2022

我大佬！野炊達人David哥！
雖然今日先認識已經結拜兄弟！
以後有好嘢食，記得叫埋細佬🤤



#其實佢好似唔識我
#結拜可以單方面
#我今日真係學到好多野
#雞滑
#魚香
#飯味濃
millmilk

06/11/2022

👨🏽‍🌾我叫曬班鄉親睇😎

HKCAMP小編為你推介香港各個營地，更詳細資訊可以直接上我哋網站http://www.hkcamping.comHKCAMP 全港最大露營資訊平台，分享谷內已有接迎11萬人，一齊分享露營嘅資訊，打做及分享屬於我哋嘅香港露營文化。香港營地介紹-EP17場地 :Un...

18/10/2022

秋意濃⋯ 又諗起阿嫻 🍂👨🏽‍🌾

#秋天的童話

#夜晚都幾涼記得着多件衫先嚟
#睡袋要夠保暖

#香港好去處 #香港露營 #香港露營用品 #香港露營地點 #香港營地

15/10/2022

呢班營友玩到好大！貼堂嘉許！🏕️👨🏻‍🍳👩🏻‍🍳

02/10/2022

👨🏽‍🌾⛺見到大家咁鐘意個場，我都老懷安慰🥹，雖然你哋讚不絕口，但係我就仲有好多嘢未滿意，每日逐樣逐樣同再執好佢。💪🏻

十月至十二月繼續開放預約，大家一齊玩！一齊調理農務！快啲預約啦！🌕 🚙🌴🌴

#香港好去處 #香港露營 #香港露營用品 #香港露營地點 #香港營地 #山系 #汽車露營 #香港秘境 #露營 #香港露營 #車中泊 #山系女子 #露營 #露營美學

01/10/2022

🐷🐶 豬朋狗友 & 一家大細 👨‍👩‍👧‍👦 有型之選，呢個可以搏住車尾嘅隧道營，夠曬空間容納十幾人一齊坐埋煮吓嘢食Chill吓🔥🍻

大型隧道營（可相連車身)
$800 / 晚

👨🏽‍🌾可容納三張露營枱及約十人使用
此隧道營不包括內帳及地墊，如打算於營內過夜需自行考慮休息裝舖備。

#你睇整車嘅大口強襯埋個營度幾有型

01/10/2022

23/09/2022

👩🏼‍🌾隔離村阿嫺：
B哥，早兩日去尖沙咀行街，見到隻嘢好似你呀，我買咗俾你😊，諗住賀你80大壽囉。🎁

👨🏽‍🌾我：
嫺妹，梗係似啦，喺嗰間 ] 搵個設計師好似叫占占對住我整㗎，威冇？😎

👩🏼‍🌾阿嫺：
B哥你由細到大都咁叻🥰⋯ 可惜⋯👉🏻👈🏻

👨🏽‍🌾我：
唉～ 啲陳年舊事又講嚟做乜? 阿權對你好好咪得囉🥹

#李屋的羅密歐與朱麗葉
#當年雷雨交加又咁啱有個柴房
#我同阿嫺冇嘢
#希望阿權睇唔到
#佢屋企有把關刀

多謝
]