Anginsalju community

27/11/2023

Mari Ngopi

16/03/2020

Virus corona

18/05/2018

10/05/2018

Assalamualaikum pambukak kato
Salam tatumpah kanan rami
Rela jo maaf ambo pinto
Kapado dunsanak nan dikasihi

Kapeh dirimbo batambah tinggi
Tampek inggok siburuang punai
Palapeh rindu dalam hati
Jawek lah salam dari denai

Latiak lariak tabang karimbo
Tabang kasamak lalu kaaka
Tabang maraok karumpuik banto
Kaciak nan indak basabuik namo
Gadang nan indak basabuik gala
Dilingkuang salam kasadonyo

Tasabuik nagari Batusangka
Urang baradaik elok bahaso
Sapanuah hati ambo maminta
Rela jo maaf dek awak ka puaso

Mamikek balam rang koto tuo
Dapek lah buruang katitiran
Dek hari lah dakek puaso
Marilah kito saliang bamaafan

Sabana sanang hati nyo tupai
Dapek jariang bagungguang juo
Bajawek salam tangan indak sampai
Jari mangetik maaf dipinto

Alah lapeh kijang karimbo
Tibo dirimbo mancari makan
Alah dakek bulan puaso
Salah jo silap tolong maaf kan

Buruang balam mandi ditabek
Masak katupek dalam kuali
Bajawek salam kok indak dapek
Bakirim tulisan jo WA kaganti diri

Jalan kabaso basimpang ampek
Singgah mandi disicincin
Dek puaso lah hampia dakek
Mohon maaf lahia jo bathin.

Kok salaruik salamo nangko.
Marauik talalu runciang mamapek talalu kapangka.
Takaso bahaso talanjua bicaro maaf gadang paedah rela gadang harago salah ka Allah mintak ampun salah kamanusia mintak maaf.
Bari maaf ambo sabanyak banyak nyo

Wassalam 🙏🏼

10/09/2017

01/05/2015

Selamat siang sobat,,