28/05/2024
Ah! Mano ban ïam naka bynta jong nga?
Naduh basdang ka Pyrthei,
Hala ka lynti nga tuid nga par,
Khlem jingpynthud laka lynti nga ïaid,
Ryngkat bad phi ki jong nga ki paid.
Nga la tuid ban bsa um ïa phi,
Nga kdup nga lum ïa baroh,
Khlem bynnud ne ñew shilliangkhmat,
Ïa baroh nga shakri k*mjuh.
Ba phin ïoh pyndonkam ïa ka,
Nga ai ka um kaba khuid ba bha,
Nga pyndap ruh ki dohpnat ki dohkha,
Ba phin ïoh bam baroh shirta.
Ki khlaw ki btap sawdong jong nga,
Ïa nga ki pyndap ki bsa,
Ban ïoh shakri pat ï’u khun bynriew,
Hala jingim phin ba phin nangkiew.
Ki artylli ki pyntha kba ki lyngkeiñ,
Ka Pynthor wah bad pynthor neiñ
Ïa ki nga bsa um khlem bynnud,
U kba jong phi, baroh ki jawdud.
Phi khot ka blei, phi buh ki duwan,
Ïa nga phi khot ‘ka tawiar ka takan,’
Phewse! mynta phin pynïap ïa nga,
Sha ka nala phi pynkylla ïa nga.
Ki thwei ki shka ha met jong nga,
Ki tuid ruh ki jingïathuhkhana,
Hynrei kin neh satang katno sha?
Ynda k*m umkhrah ngan kylla nala.
Ka Syiem Myntdu phi khot ïa nga,
Sati Myntdu, ka Lamynchi, ka Sangman
Kumjuh ka Syntu Ksiar ki nongïarap jon nga,
Phewse! kin sah satang ha jingïathuhkhana.
Ha ka kyrteng ka jingnang roi ka ri,
Phi shna ki surok ban ïaid ki kali,
Phi tih phi khlong sawdong jong nga,
Ki dieng phi pom, ki lum phi pyntwa.
Surok kat naba mon ban shna phi lah,
Hajar tylli ruh ban shna phi lah,
Hato ka wah thymmai phi lah mo ban shna?
Ne lah mo tang ïa kaba mynta ban pynbha?
Phi shna ki jingtei harud jong nga,
Ki ïng ruh de mar syndah jong nga,
Ymtang ba phi pynthut lynti jong nga,
Ki jakhlia baroh phi bret ha nga.
Lada ngan kylla tang k*m ka nala,
Haoid ngan im swai im sdot shirta,
Hynrei kan jia aïu ïa ka pateng jong phi?
Ka apot kaba kaba k*mno kan ap ïa ki?
Lashai ka um pyndonkam kim ïoh shuh,
Ka ap sa tang ka jingkordit jingkyrduh,
‘ka um ha ryndang ban dih kim ïoh’
A ! hangta ïano kin kynnoh?
About 14 KM from Jowai on the Jowai-Dawki Road, the villages situated on the top of rolling hills. There is Sacred Grove, Pitcher plant and Umngot river.
