19/08/2021
പ്രതികാരത്തിന്റെ കഥയല്ലിത്! ആഴങ്ങളിലേക്കുള്ള ചവിട്ടി താഴ്ത്തലുകളിൽ നിന്ന് തളരാതെ വീറോടെ.. വാശിയോടെ.. കേറി വാടാ... കേറി വാടാന്നു സ്വയം പറഞ്ഞ് ജീവിതം പൊരുതി നേടിയവരുടെ ആവേശത്തിന്റെ കഥയാണിത്! ഏക് ദിൻ 🦋
ഒരു കൂട്ടം ചെറുപ്പക്കാരുടെ രണ്ടര വർഷത്തിലേറെ വരുന്ന അധ്വാനത്തിന്റെ ശ്രമഫലമാണ് ഈ ചിത്രം. ഒട്ടേറെ പുതുമുഖങ്ങൾ അണി നിരക്കുന്ന ചിത്രത്തിൽ അവരോടൊപ്പം ഉണ്ണി മുകുന്ദൻ, ഇന്ദ്രൻസ്,ശ്രീകാന്ത് മുരളി,ദേവകി രാജേന്ദ്രൻ,വൈഷ്ണവി വേണു ഗോപാൽ,ബിലാസ് നായർ,നന്ദൻ ഉണ്ണി,കോട്ടയം പ്രദീപ്, VKബൈജു,വിനോദ്, അജിത്ത് കുമാർ എന്നിവരും ശക്തമായ കഥാപാത്രങ്ങൾ അവതരിപ്പിച്ചിട്ടുണ്ട്.
കൊച്ചിയിലും മുംബൈയിലുമായി വിവിധ ഷെഡ്യൂളുകളായി 120ദിവസം കൊണ്ട് ചിത്രീകരണം പൂർത്തീകരിച്ച ഈ ചിത്രം, ജീവിതമാകുന്ന പോരാട്ടത്തിലെ വിവിധ ഘട്ടങ്ങളിലൂടെയൊരു യാത്രയാണ്..
ഹരിനാരായണൻ,വിനായക് ശശികുമാർ,ശബരീഷ് വർമ്മ,ദീപക് റാം എന്നിവരുടെ വരികൾക്ക് സംഗീതം പകർന്നിരിക്കുന്നത് നവാഗതനായ ജോസ് ഫ്രാങ്ക്‌ലിൻ ആണ്. സിത്താര, ജാസി ഗിഫ്റ്റ്, ജോബ് കുര്യൻ, വിദു പ്രതാപ് ,ഹിഷാം അബ്ദുൾ വഹാബ്, സച്ചിൻ വാര്യർ,ഭദ്രാ റജിൻ, ഉണ്ണി മുകുന്ദൻ എന്നിവരാണ് ഗാനങ്ങൾ ആലപിച്ചിരിക്കുന്നത് .
കുറ്റാന്വേഷണ ചിത്രങ്ങളുടെ ശ്രേണിയിൽ തന്നെ വ്യത്യസ്തമായൊരു വഴിത്തിരിവിനു തുടക്കമിട്ടു വലിയ വിജയം കൊയ്ത '7THDAY' ക്കും,
സിനിമാ ലോകത്തിന്റെ തന്നെ യശസ്സ് വാനോളമുയർത്തി രണ്ട് ദേശീയ പുരസ്ക്കാരങ്ങളും ഒട്ടനവധി അന്തർദേശീയ പുരസ്കാരങ്ങളും നേടി, കാൻസ് അന്താരാഷ്ട്ര ചലച്ചിത്രോത്സവമുൾപ്പടെ പല വേദികളിലും പ്രദർശിപ്പിച്ച് നിരൂപകരുടെയും ആരാധകരുടെയും പ്രശംസ ഒരു പോലെ നേടിയ 'സിൻജാർ'നും ശേഷം ഞാൻ നിർമ്മിച്ച ചിത്രമാണ് 'ഏക് ദിൻ'. ചിത്രം എഴുതി സംവിധാനം ചെയ്യുന്നത് നവാഗതനായ വിയാൻ വിഷ്ണു ആണ്! നിരവധി ദേശീയ-അന്തർദേശീയ പുരസ്ക്കാരങ്ങൾ കൈവരിച്ച 'എ മില്ല്യൺ തിംഗ്സ് ' എന്ന ഹ്രസ്വ ചിത്രം ഒരുക്കികൊണ്ടാണ് ഈ മേഖലയിലേക്ക് കടന്ന് വന്നത്...
മുന്നോട്ടു എല്ലാവരുടെയും പ്രാർത്ഥന കൂടെ ഉണ്ടാകണം 🙏
https://youtu.be/_y7LIRAs6Fk
