മലപ്പുറം ജില്ലയിലെ നിലമ്പൂര് താലൂക്കില്, നിലമ്പൂര് ബ്ളോക്കിലാണ് ചാലിയാര് പഞ്ചായത്ത് സ്ഥിതി ചെയ്യുന്നത്. അകമ്പാടം, കുറുമ്പലങ്ങോട്, പുള്ളിപ്പാടം എന്നീ വില്ലേജുകളിലായി വ്യാപിച്ചുകിടക്കുന്ന ചാലിയാര് ഗ്രാമപഞ്ചായത്തിനു 124.28 ചതുരശ്രകിലോമീറ്റര് വിസ്തീര്ണ്ണമുണ്ട്. ഈ പഞ്ചായത്തിന്റെ അതിരുകള് വടക്കുഭാഗത്ത് ചുങ്കത്തറ പഞ്ചായത്തും, കിഴക്കുഭാഗത്ത് പോത്തുകല്ല്, നിലമ്പൂര് പഞ്ചായത്തുകളും, തെക്കുഭാഗത്ത് മമ
്പാട് പഞ്ചായത്തും, പടിഞ്ഞാറുഭാഗത്ത് ചുങ്കത്തറ, ഊര്ങ്ങാട്ടിരി പഞ്ചായത്തുകളുമാണ്. മൊത്തം വിസ്തീര്ണ്ണത്തിന്റെ ഏകദേശം 7 ശതമാനം ഭൂപ്രദേശം സമതലങ്ങളും, 38 ശതമാനം ചെറുകുന്നുകളും, 65 ശതമാനം മലമ്പ്രദേശങ്ങളുമാണ്. ചരിത്രാതീത കാലത്തു തന്നെ ഇവിടെ മനുഷ്യവാസമുണ്ടായിരുന്നതായി ചാലിയാര് പുഴയുടെ സമീപപ്രദേശമായ തണ്ണീരാംചാല് എന്ന സ്ഥലത്തു നിന്നും കണ്ടെടുത്തിട്ടുള്ള നന്നങ്ങാടിയുടെ അവശിഷ്ടങ്ങളില് നിന്നും മനസ്സിലാക്കാം. 1979-ല് ഡിസംബര് 25-ാംതീയതിയാണ് ചാലിയാര് പഞ്ചായത്ത് നിലവില് വന്നത്. ചാലിയാർ പഞ്ചായത്ത് ടൂറിസം സാദ്ധ്യതകൾക്ക് വളരെ പേര് കേട്ട സ്ഥലമാണ്. അവിടുത്തെ പ്രകൃതിഭംഗിയെ സമൂഹത്തിലേക്കു പരിചയപ്പെടുത്താൻ ഉദ്ദേശിച്ചുള്ളതാണ് ഈ പേജ്..
വരൂ അനുഭവിക്കൂ... നല്ല നാടിന്റെ നല്ല അനുഭവങ്ങൾ