What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm Sunday 9am - 2pm

https://packages.360degreedestinations.com/

360 Degree Destinations, Pune (2024)

22/09/2023

आपल्या भक्ताच्या नावाने ओळखला जाणारा,अष्टविनायकांपैकी एकमेव गणपती म्हणजे पालीचा बल्लाळेश्वर. रायगड जिल्ह्यातील सुधागडाच्या पायथ्याशी पाली या गावात हे सुंदर मंदिर आहे. देवाने येथे येऊन राहण्याची आख्यायिका भक्त आणि देव यांतील नाते सांगणारी आहे.
या आख्यायिकेनुसार, पूर्वी पाली हे गाव 'पल्लीपूर' या नावाने ओळखले जात होते. येथे कल्याण नावाचा व्यापारी राहत होता. त्याचा मुलगा बल्लाळ हा गणेशभक्त होता. तो रोज आपल्या बरोबरीच्या मुलांना घेऊन जवळच असलेल्या जंगलात जात असे. तेथे तो एका शिळेचे गणेशरूप म्हणून पूजन करीत असे. बल्लाळाने दिवसरात्र गणेशाच्या भक्तीत तल्लीन राहणे कल्याण यांना मान्य नव्हते. एकदा त्यांनी बल्लाळाला बेदम मारले आणि झाडाला बांधून निघून गेले. शरीरावर जखमा झाल्या असल्या, तरी बल्लाळाने गणेशाचे नाव घेणे सोडले नाही. त्याची भक्ती पाहून गणेश विप्र रूपात तेथे आले. त्यांनी बल्लाळाला सोडविले. बल्लाळाने आपल्या आराध्याला ओळखले आणि भक्तांचे दु:ख दूर करण्यासाठी तेथेच राहण्याची विनंती केली. गणेशानेही ती विनंती मान्य करून अंशरूपाने तेथे वास्तव्य केले.
पालीत बल्लाळेश्वराचे सुबक दगडी मंदिर आहे. या मंदिराआधी धुंडीविनायकाचे मंदिर लागते. बल्लाळाने पूजन केलेली शिळा धुंडीविनायक म्हणून ओळखली जाते. बल्लाळेश्वराचे दर्शन घेण्याआधी धुंडीविनायकाचे दर्शन घेण्याची प्रथा आहे. बल्लाळेश्वराचे मंदिर पूर्वी लाकडी होते. पेशवाईच्या कालखंडात त्याचा जीर्णोद्धार झाला आणि आज दिसणारे दगडी मंदिर उभे राहिले. मंदिराच्या दर्शनी भागात मोठी घंटा आहे. ही घंटा वसईच्या विजयानंतर चिमाजीअप्पा यांनी, विजयाचे चिन्ह म्हणून अर्पण केली आहे.
बल्लाळेश्वराची मूर्ती दगडी सिंहासनावर स्थित आहे. साधारण तीन फूट उंच असलेली ही मूर्ती रुंद आहे. मागच्या बाजूला चांदीच्या प्रभावळीवर रिद्धी आणि सिद्धी उभ्या आहेत. अतिशय प्रसन्न अशा या पूर्वाभिमुख मूर्तीच्या डोळ्यांमध्ये आणि बेंबीत हिरे जडविले आहेत. गणेशाची सोंड डाव्या बाजूला झुकलेली आहे. मूर्तीसमोर, गर्भगृहाबाहेर हाती मोदक घेतलेला उंदीर आहे.
भाद्रपद आणि माघ महिन्यात पाच दिवसांचा उत्सव असतो. विनायकी आणि संकष्टी चतुर्थीला देवाची पालखी निघते. चतुर्थीला महानैवेद्य आणि पंचमीला दहीकाल्याचा नैवेद्य असतो. येथे गणेश स्वत: येऊन नैवेद्य ग्रहण करतात, अशी भाविकांची श्रद्धा आहे.

15/09/2023

प्राचीन काळी गृत्समद नावाचे महान ऋषी होऊन गेले. त्यांनी आपल्या मातेला शाप ला होता. त्या शापाचे प्रायश्चित्त घेण्यासाठी त्यांनी या ठिकाणी ‘ॐ गं गणपतये नमः।” या मंत्राचा अनेक वर्षे जप करून तपश्चर्या केली. या तपश्चर्येमुळे गणेश त्यांच्यावर प्रसन्न झाला. गणेशाने त्यांना वर मागण्यास सांगितले. त्यावर गृत्समद ऋषींनी स्वत:साठी काही न मागता गणेशास विनविले की, “तू याच ठिकाणी वास्तव्य करून भक्तजणांची मनोकामना पूर्ण करावी.” विनायकाने ऋषींची प्रार्थना मान्य केली. त्याप्रमाणे विनायक या ठिकाणी राहून भक्तांची इच्छा / मनोकामना पूर्ण करू लागला. या ठिकाणी विनायकाने गृत्समद ऋषींना वर दिला; म्हणून येथील विनायकास ‘वरदविनायक’ असे नामाभिधान प्राप्त झाले. तेव्हापासून हे ठिकाण वरदविनायकाचे स्थळ म्हणून सर्वत्र ओळखले जाऊ लागले. अशा प्रकारे येथील स्थान-महिमा आहे.
येथील वरदविनायक मंदिर पूर्व दिशेला मुख असलेले आहे. हे मंदिर बाहेरून पाहताना एखाद्या कौलारू घरासारखे दिसते. आत जाऊन पाहताच कोरीव नक्षीकामाचा उत्कृष्ट नमुना असलेले मंदिर पाहावयास मिळते. मंदिराच्या सर्व दिशांना दोन-दोन हत्ती कोरलेले दिसतात. मंदिराचा घुमट पंचवीस फूट उंच असून त्यावर सोनेरी कळस आहे. मुख्य मंदिरासमोर सभामंडप आहे. मंदिराच्या जवळ देवाचे तळे आहे. उन्हाळ्याशिवाय इतर वेळी तळ्यात पाणी असते. मंदिराचा जीर्णोद्धार झाला असून नवीन मंदिर अतिदेखणे आणि सुंदर आहे. मात्र मंदिराचा पेशव्यांनी बांधलेला हेमाडपंथी पद्धतीचा गाभारा होता. तो तसाच ठेवण्यात आला आहे. मंदिराजवळ असलेल्या तळ्यात वरदविनायकाची स्वयंभू मूर्ती सुमारे तीनशे वर्षांपूर्वी सापडली. मात्र ही मूर्ती भग्न झाल्याने त्या मूर्तीचे विसर्जन करून देवस्थानने नवीन मूर्तीची प्रतिष्ठापना केल्याचे सांगितले जाते. श्री वरदविनायकाची मूर्ती पूर्वाभिमुख आहे. मूर्ती गाभाऱ्यात पाषाणाच्या महिरपी सिंहासनावर बैठ्या आसनात असून सिंहासनापासून वेगळी आहे. मूर्ती डाव्या सोंडेची, सुंदर आणि रेखीव आहे. गाभाऱ्यात ऋद्धी-सिद्धीच्या मूर्ती कोरीव पाषाणाच्या असून दोन्ही बाजूंच्या कोनाड्यांत गणेश मूर्ती दिसून येतात. मंदिराचासभामंडप ८० फुट लांब आणि ८० फुट रुंद असून शिखराची उंची २५ फुट असून ते सोनेरी आहे. शिखरावर नागाची नक्षी आहे.
हे एकच असे मंदिर आहे जिथे भक्त मूर्तीच्या जवळ जाऊन स्वतः नैवेद्य दाखवू शकतात.

हा गणपती नवसाला पावणारा आहे असे मानतात. इथे येणारे भाविक दुपारी १२ पर्यंत स्वहस्ते गणपतीची पूजा करू शकतात. दुपारी १२ ते २ या वेळात प्रसाद वाटला जातो.

05/09/2023

अष्टविनायकातला हा एकमेव असा गणपती आहे जो डोंगरात एका गुहेत आहे. पार्वतीने आपणास पुत्र व्हावा म्हणून या डोंगरात १२ वर्षे तपश्चर्या केली. ही तपश्चर्या फलद्रूप होऊन श्री गजानन भाद्रपद शुद्ध चतुर्थीला बटुरूपात प्रकट झाले. गिरिजेचा म्हणजे पार्वतीचा आत्मज(पुत्र) म्हणून या गणपतीला ‘गिरिजात्मज’ हे नांव मिळाले.
कुकडी नदीच्या तीरावर लेण्याद्री गाव वसले आहे. लेण्याद्रीजवळच्या या डोंगरात १८ गुहा आहेत. त्यातील ८व्या गुहेत गिरिजात्मकाचे देऊळ आहे. या गुहेला गणेश लेणी असेही म्हणतात. देवळात येण्यासाठी ३०७ पायरया चढाव्या लागतात. या मंदिराचे वैशिष्ट्य म्हणजे हे पूर्ण देऊळ एका अखंड दगडापासून बनले आहे. हे स्थान डोंगर खोदून तयार केलेले आहे. जुन्नर तालुक्याच्या उत्तरेला हतकेश्वर आणि सुलेमानच्या डोंगररांगांमध्ये असलेल्या २८ लेण्यांपैकी एका लेण्यात गणपतीची मूर्ती असल्याने त्या सर्वच लेण्यांना ‘गणेश लेणी’ असे म्हणतात. हा भाग गोळेगाव या गावाच्या हद्दीमध्ये आहे. जवळूनच कुकडी नदी वाहते. या ठिकाणाचा उल्लेख ‘जीर्णापूर’ व ‘लेखन पर्वत’ असा झाल्याचे आढळते. पार्वतीने ज्या गुहेत तपश्चर्या केली असा समज आहे त्याच गुहेमागे कुणा गणेश भक्ताने गणपतीची ही मूर्ती कोरली आहे. हे देवस्थान लेण्यांमध्ये आहे म्हणून याला लेण्याद्री असे नांव पडले.लेण्याद्री हे देवस्थान सात क्रमांकाच्या गुहेत असून देवस्थानासमोरील सभामंडप ५१ फूट रुंद व ५७ फूट लांब आहे. त्याला कोठेही खांबाचा आधार नाही.
पायऱ्या चढून गेल्यावर प्रथम चैत्यगृहाचे लेणे लागते व त्यानंतरच्या प्रशस्त गुहेमध्ये गणपती. बहुतेक सर्व लेण्यांसमोर ओसरी आहे. सहाव्या लेण्यातील चैत्य विहार अजिंठा-वेरूळची लेणी येथील नवव्या लेण्याशी मिळताजुळता आहे. चैत्यगृहात वैशिष्ट्यपूर्ण अशा पाच खांबांच्या दुतर्फा रांगा आहेत. हे खांब इ.स. पूर्व ९० ते इ.स. ३०० जलकुंभाच्या वरच्या भागात चक्रावर वाघ, सिंह, हत्ती यांच्या शिल्पाकृती कोरलेल्या आहेत. छताला अर्ध गोलाकार फिरणाऱ्या लाकूडसदृश कमानी कोरल्या आहेत. चैत्यगृहाच्या मध्यवर्ती घुमटाकार सहा फूट प्रार्थनास्थळ हे साडेचार फूट उंच जोत्यावर एकसंध कोरलेले आहे. सातवे लेणे थोडे उंचावर असून, जुन्नर लेण्यातील सर्वांत प्रशस्त लेणं आहे. मंदिर या वास्तुसंकल्पनेतील खांब, कमानी, मंडप, शिखर या कुठल्याच गोष्टी नाहीत. खांबविरहित ५७ फूट लांब व ५२ फूट रुंद गुहा हेच मंदिर आहे.या मूर्ती इतर अष्टविनायकांप्रमाणे आखीव रेखीव नाही
अष्टविनायक यात्रेतील या दुर्गम आणि विलोभनीय गणरायाचे दर्शन घ्या थ्री सिक्स्टी डेस्टिनेशन्ससोबत....!

04/09/2023

अष्टविनायकातला पाचवा गणपती म्हणजे ओझरचा विघ्नहर. या गणपतीला विघ्नेश्र्वर म्हणूनही ओळखले जाते. विघ्न म्हणजे कार्यात येणारी बाधा आणि हर म्हणजे दूर करणारा. १७३५ मध्ये बाजीराव पेशव्यांचे भाऊ चिमाजी आप्पा यांनी हे देऊळ बांधून त्यावर सोनेरी कळस चढविला. विघ्नहराच्या मंदिराच्या पुढे २० फुट लांब सभागृह असून आतील गाभारा १० बाय १० फुटाचा आहे. मंदिराच्या कडेने मजबूत संरक्षक भिंत आहे. येथील पूर्वाभिमुख मूर्तीच्या कपाळावर नाभीवर हिरे आहेत. मंदिराच्या चारही बाजूने दगडी तट आहे. मंदिराच्या आवारात दोन रेखीव दिपमाळा आहेत. मंदिराचे बांधकाम प्रेक्षणीय आहे. श्रींची मूर्ती डाव्या सोंडेची असून पूर्णाकृती आसन मांडी घातलेली आहे.
राजा अभिनंदनने त्रिलोकाधीश होण्यासाठी यज्ञ सूरू केला. यामुळे भयभीत झालेल्या इंद्राने या यज्ञात विघ्न आणण्यासाठी विघ्नासूर राक्षसाची उत्पत्ती केली व त्याला यज्ञात विघ्न आणण्यास सांगितले. त्याने एक पायरी पुढे जाऊन सर्वच यज्ञांमध्ये विघ्न आणायला सुरवात केली. यामळे ऋषीमूनींनी विघ्नासूराचा बंदोबस्त करण्याची गणपतीला विनंती केली. गणपतीने पराभव केल्यानंतर विघ्नासूर गणपतीला शरण गेला. गणपतीने त्याला जेथे माझी पूजा केली जाते तेथे न येण्याच्या अटीवर सोडून दिले. विघ्नासूराने गणपतीला विनंती केली की तुमचे नाव घेण्याआधी माझे नाव भक्तगणांती घ्यावे व तुम्ही येथेचे वास्तव्य करावे. विघ्‍नासूराची ही विनंती गणपतीने मान्य केली व तो या ठिकाणी विघ्नहर या नावाने वास्तव्य करू लागला.

आपली जीवनयात्रा कुठल्याही संकटाशिवाय सुरू राहण्यासाठी विघ्नहर्त्या गणेशाचे दर्शन घेऊयात अष्टविनायक यात्रेतील आपला विश्वसनीय ट्रॅव्हल पार्टनर थ्री सिक्स्टी डिग्री डेस्टिनेशनबरोबर....

व्हॉट्सअप संपर्क ८४०८८१३८९९

02/09/2023

अष्टविनायकांपैकी हा चौथा गणपती. या गणपतीला महागणपती असे म्हणतात. हे महागणपतीचे स्वयंभू स्थान आहे. अष्टविनायकांपैकी सर्वाधिक शक्तिमान असे महागणपतीचे रूप आहे. श्री महागणपती डाव्या सोंडेचा असून गणेशाला कमळाचे आसन आहे.श्रींच्या मुळ मुर्तीला दहा सोंडा आणि वीस भुजा आहेत महोत्कट' असे नाव असून, तिला दहा सोंडा व वीस हात आहेत तीला महोत्कट असे म्हणतात, परंतु ती तळघरात ठेवलेली आहेत. येथील पूजेकरिता ठेवलेल्या मूर्तीच्या बाजूला ऋद्धी-सिद्धी आहेत. माधवराव पेशव्यांच्या काळात या मंदिराचा जीर्णोद्धार केल्याचे इतिहासात आढळते. इंदूरचे सरदार किबे यांनीदेखील या मंदिराचे नूतनीकरण केल्याचा उल्लेख आढळतो. त्यांनी या देवळातला लाकडी सभामंडप बांधून दिला आहे.
हे क्षेत्र श्री भगवान शंकरांनी वसविले असून त्यांनीच गणेश मूर्तीची येथे स्थापना केली. गृत्समद ऋषींचा पुत्र त्रिपुरासूर हा गणेशाने दिलेल्या वरामुळे अतिशय उन्मत्त झाला होता. त्याने सर्व देवांनाही जिंकले. सर्व देवांच्या विनंतीवरून भगवान शंकराने या दैत्याचे पारिपत्य करण्याचे मान्य केले व येथे शंकराने विनायकास प्रसन्न करून घेतले. कार्तिक शुद्ध पौर्णिमेस याच ठिकाणी शंकराने त्रिपुरासुराचे पारिपत्य केले. त्यावेळेपासून या पौर्णिमेस त्रिपुरारी पौर्णिमा म्हणण्यात येऊ लागले.

भाद्रपद शुद्ध चतुर्थी अर्थात गणेश चतुर्थीला इथे खूप मोठ्या प्रमाणावर गणेशाचा उत्सव साजरा केला जातो. भाद्रपद शुद्ध प्रतिपदा ते भाद्रपद शुद्ध पंचमी या पाच दिवसांच्या कालावधीत दर्शनासाठी येणाऱ्या प्रत्येक भक्ताला देवाच्या गाभाऱ्यात अगदी मूर्तीपर्यंत जाऊन दर्शन घेता येते, त्यामुळे या काळात दर्शनासाठी भाविकांची इथे रीघ लागलेली असते.

महागणपतीचे दर्शनाने भक्तांचे नवस पुर्ण होतात अशी भक्तांची श्रध्दा आहे आणि उत्तम नियोजन,आरामदायक अष्टविनायक यात्रा ही आमची खासियत...!
अष्टविनायक यात्रेसाठी आपला सोबती म्हणून थ्रीसिक्स्टि डेस्टिनेशन्स चीच निवड करा.

व्हॉट्सअप संपर्क ८४०८८१३८९९

01/09/2023

अष्टविनायकमधील तिसरा गणपतीः सिद्धटेक सिद्धिविनायक सिद्धटेक हे अहमदनगर जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे. येथील गणेश मूर्तीची स्थापना प्रत्यक्ष श्री भगवान विष्णू यांनी केली आहे. मधु व कैटभ या असुरांशी भगवान विष्णू अनेक वर्षे लढत होते. मात्र, त्यात त्यांना यश प्राप्त होत नव्हते. तेव्हा शंकराने विष्णूला गणपतीची आराधना करायला सांगितली. याच ठिकाणी गणपतीची आराधना करून विष्णूने असुरांचा वध केला. श्री सिद्धिविनायकाची मूर्ती स्वयंभू आहे. अष्टविनायकांपैकी उजव्या सोंडेची ही एकमेव मूर्ती. उजव्या सोंडेच्या मूर्तीस सिद्धिविनायक असे संबोधले जाते. उजव्या सोंडेच्या गणेशाचे सोवळे फार कठिण असते. त्यामुळे हा गणपती भक्तांसाठी कडक मानला जातो. मंदिरातील सिद्धिविनायकाची मूर्ती तीन फूट उंच व अडीच फूट रुंद आहे. मूर्तीचे तोंड उत्तरेकडे असून ती गजमुखी आहे. गणपतीने एक मांडी घातली असून त्यावर ऋद्धि-सिद्धी बसलेल्या आहेत. प्रभावळीवर चंद्र, सूर्य,गरुड यांच्या आकृत्या असून मध्यभागी नागराज आहे. देवाचे मखर पितळेचे असून सिंहासन पाषाणाचे आहे. छोट्याश्या टेकडीवर असलेल्या या देवळाचा रस्ता पेशव्यांचे सेनापती हरिपंत फडके यांनी तयार केला. मात्र, १५ फूट उंचीचे व १० फूट लांबीचे हे देऊळ पुण्यश्लोक अहिल्याबाई होळकर यांनी बांधले. हरिपंत फडके यांचे सरदारपद पेशव्यांनी काढून घेतले, तेव्हा फडक्यांनी या मंदिरास २१ प्रदक्षिणा घातल्या. त्यानंतर २१ दिवसांनी त्यांची सरदारकी त्यांना परत मिळाल्याची आख्यायिका सांगितली जाते.या देवळाला एक प्रदक्षिणा घालण्यासाठी सुमारे ५ कि.मी चालावे लागते. आपल्या भक्तांच्या मनोकामना सिद्धीस नेणाऱ्या सिद्धिविनायकाचे दर्शन घेण्याचा बेत सिद्धीस जाण्यासाठी ट्रॅव्हल पार्टनर म्हणून थ्री सिकस्टी डिग्री डेस्टिनेशन्सची निवड करा...!

30/08/2023

मोरगावः श्री मयुरेश्वर
अष्टविनायकातील सर्वांत पहिला गणपती म्हणून मोरगावचा मयूरेश्वर ओळखला जातो. श्री गणेशाचे हे आद्यपीठ होय. मोरेश्वर (मोरगाव) हे पुणे जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे. हे क्षेत्र भूस्वांद भुवन म्हणून ओळखले जाते.
मोरेश्वराचे मंदिर म्हणजे एक प्रशस्त गढीच असून हे मंदिर काळ्या दगडापासून तयार करण्यात आले असन ते बहामनी काळात बांधले गेले. गावाच्या मध्यभागी असलेल्या या देवळाला चारही बाजूंनी तटबंदी व मनोरे आहेत.मंदिरासमोरचा भव्य नंदी लक्षवेधक आहे.गाभार्‍यातील मयूरेश्वराची मूर्ती बैठी, डाव्या सोंडेची, पूर्वाभिमुख आणि अत्यंत आकर्षक आहे. मूर्तीच्या डोळ्यात व बेंबीत हिरे बसवले आहेत. मस्तकावर नागराजाचा फणा आहे. मूर्तीच्या डाव्या- उजव्या बाजूस ऋद्धिसिद्धीच्या पितळी मूर्ती असून पुढे मूषक व मयूर आहेत.

यामागची आख्यायिका अशी की, पूर्वी सिंधू नावाच्या असुराने पृथ्वीतलावर उत्पात माजवला होता, त्याचा नाश करण्यासाठी देवांनी अखेर गणपतीची आराधना केली, तेव्हा गणपतीने मयूरावर आरूढ होऊन येथे सिंधू असुराचा वध केला.त्यामुळे गणपतीला येथे मयूरेश्वर असे नाव पडले. या गावात मोरांची संख्या जास्त असल्यामुळे त्याला मोरगाव असेही म्हणतात.
ब्रम्हदेवाने दोन वेळा या मयूरेश्वराची मूर्ती बनवली आहे. पहिली मूर्ती बनवल्यावर ‍ती सिंधुसुराने तोडली. म्हणून ब्रम्हदेवाने पुन्हा एक मूर्ती घडवली अशी दंतकथा आहे. सध्याची मयूरेश्वराची मूर्ती खरी नसून त्यामागे खरी मूर्ती असल्याचे मानले जाते. ती मूर्ती लहान वाळू व लोखंडाचे अंश व हिर्‍यांपासून बनलेली आहे.

आपल्या अष्टविनायक यात्रेची काळजीपूर्वक आखणी आणि अंमलबजावणी करण्यासाठी ३६० डेस्टिनेशन्स शिवाय उत्तम पर्याय नाही..... Whatsapp - 8408813899

30/07/2023

360 DEGREE DESTINATIONS..!!🙏🏻
Stay Tuned..!!!😎

08/07/2023

दिव्यता आणि शांततेचा परिपूर्ण मिलाफ म्हणजे उत्तराखंडच्या चमोली जिल्ह्यातील बद्रीनाथ हे नयनरम्य शहर, भारतातील सर्वाधिक भेट दिलेल्या पर्यटन स्थळांपैकी एक म्हणून हे शहरओळखले जाते. भगवान विष्णूचे निवासस्थान म्हणून मानले जाणारे, बद्रीनाथ हे पवित्र चार धाम तीर्थक्षेत्रांपैकी एक आहे. सुंदर दृश्‍य, बर्फाच्छादित शिखरे आणि स्फटीकासारखी सरोवरे यांनी वेढलेले, बद्रीनाथ हे अत्यंत लोकप्रिय तीर्थक्षेत्र आहे.नर आणि नारायण पर्वत रांगांमध्ये वसलेले आणि अलकनंदा नदीच्या काठी पसरलेले, बद्रीनाथ हे भव्य नीलकंठ शिखरासह गढवाल हिमालयातील काही सर्वात उंच शिखरांपैकी एक असून एक सोपा ट्रेक यात्रेकरूंना बद्रीनाथ मंदिरात घेऊन जातो.

अनेक पौराणिक कथा या शहराशी निगडीत आहेत. पौराणिक मान्यतेनुसार, नारद ऋषींनी सांसारिक सुखांकडे अनावश्यकपणे झुकत असल्याचे सांगितल्यानंतर भगवान विष्णू बद्रीनाथमध्ये ध्यान करण्यासाठी आले होते. दुसरी कथा सूचित करते की भगवान शिवाला भगवान विष्णूंनी बद्रीनाथमधून घालवून दिले आणि यानंतर भगवान शिवांना केदारनाथला गेले.अर्थात भारतातील शैव-वैष्णव वादातून ही कथा उत्पन्न झाली असावी. प्राचीन ग्रंथांनुसार, स्वर्ग, पृथ्वी आणि जगात अनेक तीर्थक्षेत्रे आहेत, परंतु बद्री (जसे याला प्रचलित म्हटले जाते) सारखे कोणीही नव्हते आणि नसेलही काही आख्यायिकांनुसार आदि शंकराचार्य यांनी ९ व्या शतकात याची स्थापना केली.

हे मंदिर तीन विभागांमध्ये विभागले गेले आहे - गर्भगृह,दर्शन मंडप आणि सभा मंडप जेथे भक्त एकत्र येतात. सध्याची रचना गढवालच्या राजांनी बांधली असल्याचे सांगितले जाते. गर्भगृहात आपल्या दोन हातात शंख आणि चक्र धारण केलेले भगवान बद्रीनाथ, ज्यांना बद्री विशाल असेही म्हटले जाते, त्यांची मूर्ती आहे. योगमुद्रेत त्याचे दोन हात त्याच्या मांडीवर विसावले आहेत. काळ्या पाषाणात बनवलेली, भगवान विष्णूची मुख्य मूर्ती ध्यानस्थ बसलेली दिसते. मंदिरात पौराणिक पक्षी गरुड, जे भगवान नारायण यांचे वाहन आहेत, आदि शंकराचार्य, स्वामी देशिकन आणि श्री रामानुजम यांच्या मूर्ती आहेत.

भवसागरा पार करण्यासाठी केल्या जाणाऱ्या या यात्रेत आपली उत्तम व्यवस्था आणि आपुलकीने काळजी घेण्यासाठी आम्ही अर्थात थ्री सिक्स्टी डेस्टीनेशंस तत्पर आहेच……!

अधिक माहितीसाठी संपर्क
थ्रीसिक्सटी डिग्री डेस्टीनेशंस
पुणे
मोबाईल:+91 84088 13899
व्हॉट्सॲप:+91 84088 13899.

21/03/2023

TSDDBLTWG19 – 6N MH 4*SUPERIOR
360 Degree Destinations Summer Series Departures with Flights
April, May, June 2023 (EX BOM)

Dates Ex BOM :- (6 Nights)

05-May, 12-May, 21-May 27-May, 01-June, 06-June, 10-June

4 Star Superior

2 Nights Risata Bali Resort Kuta/ Fairfield by Marriott Sunset Road: - Superior
2 Night Aston Gili
2 Nights Kampung Ubud Villa: - 1 BR Pool Villa

Day 01 Arrival and Transfer to Hotel
Day 02: After Breakfast Water Sports followed by Uluwatu Sunset Tour
Day 03: Bali – Gili fast boat with Cidomo Cart Transfer to Hotel
Day 04: Day at Leisure
Day 05: Check out from Gili Fastboat to Bali followed by Kintamani Ubud Tour with Tegenungan Waterfall
Day 06: Bali Safari Jungle hopper Pass (animal show Tiger show, Safari Journey, Water park elephant show)
Day 07: Hotel to Airport Transfer takes flight back

For More Details Whatsapp On - 8408813899.

25/02/2023

🙏

22/02/2023

❤️ 🙏☸श्रीबद्रीनाथ

360 Degree Destinations

22/09/2023

15/09/2023

05/09/2023

04/09/2023

02/09/2023

01/09/2023

30/08/2023

30/07/2023

08/07/2023

21/03/2023

25/02/2023

22/02/2023

Address

Opening Hours

Telephone

Website

Alerts

Contact The Business

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm
Sunday	9am - 2pm