الزاد للسفر والسياحة

27/07/2019

الى اي وجهة او مدينة تتمنون السفر؟ 😃

10/07/2019

اطباق تستحق انك تسافر حتى تتذوقها بالعطلة الصيفية:

اذا جنت من عشاق الاكل وتحب تجرب الاطعمة والنكهات الغريبة فلازم تكون اسطنبول هي وجهتك بهالعطلة ...

1. لحم بعجين lahmacun
2. بيدا pida وهي معجنات رقيقة مخبوزة مع اللحم المثروم والجبن.
3. مانتي manti معجنات صغيرة محشوة باللحم، مسلوقة أو مقلية، تقدم مع اللبن أو الزبد، ومجموعة من البهارات.
4. دونر doner يتكون من لحم دجاج، أو لحم العجل، ويتم رصه ووضعه على أسياخ للشواء، وتقديمه بعد أن ينضج، وفي العادة يقدم مع الأرز، والسلطات، واللبن الزبادي مع الثوم.
5.لقم lukum ملبن يتم تحضيره من النشا والسكر، ويتم حشوه بالفستق وجوز الهند، ويعجن بماء الورد.
6. جيغ كفتة او cig kofti هو عبارة عن برغل يطبخ بكمية بهارات حارة ، يقدم مع سلطة من تشكيلة خضار , وهي اكلة شعبية مشهورة.
7. المحار Midye Dolma هو محار محشي ب الرز ، نكهة غريبة جديدة.

30/06/2019

شنو الي يمنعك من ان تكون بهيج مكان؟🤨

27/06/2019

اشياء لا تسويها لما تسافر:

- لا تعتمد ع التكسيات.
هواية اكو مواصلات بكل مدينة، وفر عليك فلوس التكسيات لانها تكون اغلى غالبا مقارنة مثلا ب الباصات ، جربها، واستمتع ، وشوف ناس جدد.
- لا تتسوك اول ما توصل راسا .
خلي التسوق بالنهاية لانك رح تشوف اكثر واكثر، حتى ما تندم انك اشتريت شي وراها شفت الاحلى، وهمين حتى لا تضيع الونسه ع المسواك بس .
-لا تخالف قواعد البلد وقوانينه.
لان هالشي رح ياخذ من وقتك هواية تحديدا لو انك ما تفهم لغة البلد اللي مسافرله، رح تدخل بمواضيع توجع راسك ، مثلا لا تطبك سيارتك بمكان ما مسموح، او انك تعبر الشارع بغير المكان المحدد لعبور المشاة.

25/06/2019

اشياء لا تسويها لما تسافر:

- لا تمشي بشوارع غامضة، مظلمة، ضيقة.
لان هالمكان مو هواية ناس بيها، وغالبا يكون بيها ناس وظيفتهم يسرقون السياح.

- لا تشيل تلفونك هواية وتفتح مواقع التواصل.
استمتع سفرتك، واخذ كم صورة تذكارية (اجمعهم ولما ترجع انشرهم)، ولا تضيع كل الوقت ع التلفون، جرب اشياء جديدة، لأن هاي الايام بعد ما تنعاد 🙂

23/06/2019

السفر الشي الوحيد اللي يصفي البشرة
ماسك اللبن والخيار سوي منه جاجيك ع العشه 🙂

22/06/2019

🕶
اشياء لا تسويها لمن تسافر:
اكو شغلات هواية ممكن اذا سواها المسافر يضيع وقت وفلوس زيادة وبالتالي مو كلش يتونس بسفرته، رح نسولفلكم عن كم شغلة هنا:
- لا تحول تحول العملة بالمطار من الدولار لـ العملة المطلوبة، لانه غالبا راح تخسر بتصريف المبلغ مقارنة لو انك صرفت فلوسك من صيرفة عادية خارج المطار.
- لا تكعد متأخر ويضيع عليك اليوم, منظر الشروق رهيب لا يفوتك تحديدا لو كانت اطلالة سكنك على البحر.
- لا تاكل بالمطاعم القريبة من المواقع السياحية, اسعار المطاعم بهيج اماكن تكون ضعف الاسعار العادية بالمطاعم الثانية.

20/06/2019

افضل طريقة للتخلص من الاكتئاب:
-قليل من اليانسون
-معلقة صغيرة قرفة
- معلقة صغيرة زنجبيل
-اتركه يغلي لخمس دقائق
-بعدها ارميه .. وسافر🕶

18/06/2019

😄
شلون تستمتع بسفرتك بأقل ميزانية ممكنة؟

- ميزانية للانشطة والترفيه:
مثلا ترتب ميزانية للمتاحف والقصور والحدايق اللي تكون بمبالغ معقولة اضافة للانشطة البحرية، وممكن تسوي جولتك مع عائلتك فقط اذا كنت مع برنامج سياحي، فقط تحتاج تتعرف على الاماكن وطريقة الوصول الها.

- تحديد ميزانية للتسوق:
ننصحك انك تحدد ميزانية خاصة للتسوق، بحيث انه سفرتك لا تصير كلها تسوق ولا كلها للونسه, ويكون التسوق باخر يومين من سفرتك حتى تكون شايف كلشي مو تشتري بالبداية وبعدين تتندم😉

16/06/2019

#نصائح 😃
شلون تستمتع بسفرتك بأقل ميزانية ممكنة؟

- تحديد ميزانية للتنقلات الداخلية:
اكيد رح يكون اكو تنقل داخلي بالمكان اللي حتسافرله، بداية من المطار الى الفندق، وايضا الامكان السياحية داخل المدينة، وحتى توفر من المصاريف تكدر تتنقل بالمواصلات التقليدية بهذا البلد بمكان التكسيات واللي هي غالية تكون غالبا، وببساطة تحمّل تطبيقات خاصة بمواصلات المدينة ومنها تعرف الباصات واتجاهاتها واوقاتها اضافة لأماكن محطات الباصات.
#اضافة الى ان التنقل بالمواصلات العامة هواية احلى ويخليك تستكشف معالم المدينة

- تحديد ميزانية للاقامة بالبلد اللي حتسافرله :
ممكن تقلل من المصاريف اذا اجرت شقة مثلا بمكان الفندق، او مثلا لكيت عرض جدا مناسب بفنادق عن طريق الانترنت وحجزت بيها قبل سفرك الها بفترة.

15/06/2019

#نصائح
أشياء لا تنساها لما تسافر ويا عائلتك 😃
- تابع الطقس بالمكان اللي رح تسافرله، اذا حار او مائل للبرودة، واخذ الاحتياط من الملابس وياك/ جاكيت مطري مثلا بالمناطق الكثيرة المطر.
- شوية ادوية للطوارئ، خافض حرارة/ مغص/ للسعال/ محلول ملحي للأنف.
- اذا وياكم أطفال رضع فتحتاجون اللوازم/ الرضعات/ الحليب/ المناشف/ ألعاب للطفل/ كريم واقي إلتهابات/ شامبو/ غسول استحمام/ مستحضرات تنظيف.
- اذا جان وياكم اكثر من طفل صغير فضروري تتأكد من انك ماخذ لعبة مشابهة لكل واحد منهم حتى تخلص من الغيرة والخصام بين الأطفال.

11/06/2019

#شلون تستمتع بسفرتك بأقل ميزانية ممكنة ؟؟
مو بالضرورة أن يكون سفرك مكلف، ممكن تتونس كلش بتكلفة جدا بسيطة، واكيد تختلف مصاريف السفر بما يناسب احتياجاتك
وحتى تكدر تحقق حلمك بالسفر لازم تسوي خطة مالية ترهم ويا رغباتك وميزانيتك، وعليه نقدملك شوية نصائح تخلي سفرتك احلى وارخص من ضمنها:

. تحديد ميزانية اساسية للتنقلات : ✈️
وهي ميزانية حجز التذاكر ، ننصحك انه تتابع الحجوزات بالانترنت وتدور على العروض المناسبة لك ولعائلتك, واهم شي تحجز بشكل مبكر حتى السعر يكون ارخص.

11/06/2019

08/06/2019

بعد فرحة العيد ولمة الاهل وازدحمات الشوارع, نحتاج مكان هادئ يريح البال..
مثل الي بالصورة😉😄, وادي ساكليكنت في منطقة فتحية بتركيا ❤️

04/06/2019

كل عام وانتوا بالف خير😍 ينعاد عليكم بالصحة والسعادة ويحفظلكم الاهل❤️

30/05/2019

#فلوريا
من اكثر المناطق السياحية في إسطنبول جذبا للسياح لأن جمال طبيعتها رهيب اضافة لتنوع الأماكن السياحية والترفيهية بيها واللي تخلي زيارتكم لها مليانة سعادة وونسة وراحة😍.

شنو تلكي بفلوريا😃🏝
الساحل: من السواحل الأكثر شهرة في إسطنبول, اطلالة تجنن على بحر مرمرة، إضافة للساحل الصخري اللي الناس تتونس بالكعدة عليه، اكو ساحل رملي خاص للسباحة، مناسب للكبار والصغار.

اكواريوم فلوريا 🐬🐠🐡
حديقة مائية بيها مختلف الحيوانات المائية الكبيرة كالقرش مثلا وأنواع متعددة من الأسماك الصغيرة، بيها تقريبا 15 الف من الكائنات البحرية والبرمائية، ويعتبر من الاحواض الأكبر في العالم وهو من اجمل الأماكن اللي ممكن تزورها في فلوريا على الاطلاق، ويعتبر مكان ترفيهي متكامل ، لأن يحتوي على الألعاب التفاعلية وصالات السينما والرسومات البصرية اللي توفر تفاصيل عن المنطقة.

أكوا فلوريا مول🍔🛍🛒🎁
يعد من اكبر واجمل مولات إسطنبول واللي غَيَر مفهوم التسوق التقليدي بموقعه المحاذي للبحر، اضافة للتسوق, تكدر تستمتع بالجلوس بالمقاهي والمطاعم المطلة على البحر وتستمتع بوجبة رائعة على هوا البحر وأصوات أمواجه، ويضم المجمع العديد من الماركات العالمية والتركية واللي يزيد عددها عن 140 محلا تجاريا، بالإضافة الى 11 صالة سينما تتسع لـ 1280 شخص.
اضافة لهواية فعاليات تونس مثل:
تأجير الدراجات 🛴🚲للصغار والكبار، إضافة للدرجات المناسبة للامهات والاباء بعربات لحمل الأطفال معهم.

حدائق محاذية للبحر، إضافة لإخرى على مرتفع، مع أشجار وأنواع الورود، تضفي جو نقي مختلف.

مطعم البلدية، واللي يقدم المأكولات التركية المميزة 🇹🇷بأسعار مناسبة، نظام البوفيه.

مدينة ألعاب للأطفال بإطلالة على البحر من الامام، وتحيطها الحدائق من الأطراف.

26/05/2019

وحدة من الاشياء الي تميز تركيا على العموم واسطنبول على الخصوص هي الاكل😍
تتميز اسطنبول بتنوع الاكلات بيها بسبب تنوع الثقافات والمزيج ما بين الثقافة الشرقية والاوربية
اضافة الى ان تعتبر اسطنبول من الوجهات المفضلة لمحبي الحلويات بانواعها ما بين الكنافة والبقلاوة وغيرها من اللي تتميز بيها تركيا.
من الاخطاء الي يوكع بيها السائح هي بحثه عن فنادق تقدم وجبات طعام بالتالي راح يفقد متعة تجربة اكلات تركيا بالاخص اكل الشارع, بل ينصح لمن يذهب لتركيا ان يتناول 6 وجبات في اليوم حتى يكدر يجرب كلشي😉

22/05/2019

21/05/2019

فيالاند إسطنبول / تركيا 🇹🇷 : (Vialand Istanbul) 🏰

تعتبر فيالاند الخيار الترفيهي الأول
لهواية من العائلات التركية والسياح الجايين لـ إسطنبول
لانها مدينة الملاهي الأكبر بـ إسطنبول 🎡🎢🎠

ومكانها بمنطقة يشيل بينار (Yeşilpınar)
المجاورة لمنطقة أيوب سلطان (Eyüp Sultan)

فيالاند بيها اقسام هواية ، مناسبة للعوائل والشباب والأطفال أيضا ، واقسامها هي :

1 . مدينة ملاهي // تفتح بجميع أيام الأسبوع من الاثنين الى الجمعة من الساعة الـ 10 صباحا الى الـ6 مساءً
اما السبت والجمعة من الى الـ 8 مساءً .

* وبرمضان من الساعة الـ 12 الظهر الى نص الليل ...

الدفع يكون مسبق وينطون لكل فرد تذكره
يكدر من خلالها يدخل لكل الألعاب من دون استثناء 🎠🎢🎡🏟
اما عن اقسام مدينة الملاهي فهي :
قسم الاساطير ، قسم الألعاب ، قسم المغامرة .

2 . مركز التسوق
يحتوي على 250 محل تجاري على الهواء الطلق
اللي يوفر للاهالي متعة التسوق إضافة لمتعة اللعب والتسلية للأطفال بالوقت نفسه
ويفتح المركز ابوابه من الساعة الـ10 صباحا
حتى الـ10 مساءً .

3 . مركز العروض والتسلية // يقيمون حفلات وعروض مسرحية وترفيهية . 🤸‍♀️🤹‍♂️🎭🎯
4 . السينما // تعرض أفلام سينمائية عالمية 🎥🎞📽

وتحتوي فيالاند أيضا على :
موقف سيارات 🚗 – مصلى 🕌 – دورات مياه 🧻 – عيادة طبية 💉💊 – كراسي متحركة للمقعدين – وسائل نقل مجانية لرواد فيالاند لنقلهم بين اقسام فيالاند 🚕🚌 .

21/05/2019

انت من جماعة الي يحب يسافر وحده لو ويا عائلته؟ وليش؟ 🤔

18/05/2019

من الوجهات المفضلة للسياح هي #تركيا
تمتاز تركيا بجوها الرائع يعني مناسبة للي يحبون السياحة الصيفية والشتوية.
تمتاز بتنوع أنشطتها ومناطقها وأكلاتها, فهي خليط ما بين العادات والاجواء الشرقية والاوربية.😃
ومن الاشياء الي تميز تركيا الاسعار الرخيصة والمعتدلة.
كأول مرة تسافر الى تركيا تعتبر اسطنبول كافية لقضاء علطة واستكشاف الاشياء الجديدة وتجربة جميع الاكلات... بس اذا مو اول مرة فننصح بجولة في محافظات تركيا الي ما تقل روعة عن اسطنبول

#الزاد لك ولعائلتك

16/05/2019

؟ 😃
الناس نوعين وكت السفر ، منهم اللي يسافر بس حتى يغير روتينه اليومي ، فيطلع حتى يغير الروتين لروتين ثاني بمكان مختلف ، والنوع الثاني هو اللي يسافر حتى يستكشف مكان جديد ، يجرب أشياء عمره ما جربها ، يتعرف على ناس جدد ، ياكل شغلة غريبة ، يأخذ صور بملابس عجيبة ، ويتعلم كم كلمة يضل يرددها على طول سفرته 😆

وانت ليش تسافر؟ سولفلنا 😊