11/02/2023
اليوم التقرير عن جزيرة تعتبر من ضمن الجزر المخفية في فيتنام
اين تقع جزيرة فو كوك
جنوب فيتنام بين فيتنام وكمبوديا تقع جزيرة فو كوك في خليج تايلاند ، وهي أكبر جزيرة في فيتنام وأحد أهم مناطق الجذب السياحي الرئيسية في البلاد، بسبب الشواطئ الرملية البيضاء والمياه الواضحة وضوح الشمس، الأمر يلي جعل من جزيرة فو كوك وجهة مفضلة لجميع السائحين من كافة الأعمار.
مساحة هذه الجزيرة التي لطالما تجذب السائحين من كافة أنحاء العالم 50 كيلومترا وعرضها 22 كيلومترا ، وتعرف العاصمة باسم دونغ دونغ، وتقع على الجانب الشمالي الغربي من الجزيرة.
درجة الحرارة في فو كوك يعتبر طقس معتدل يوصل تقريبا الى 25س لكن بالصيف شوية ترتفع درجات الحرارة توصل لل35 س يعني ممكن ناخذ ويانه اشياء قطنية على مدار السنة لان ممكن باليل تصير شوية باردة .
اللغة في جزيرة فو كوك هي اللغة الفيتنامية الام .. لكن بجميع الفنادق والمطاعم تكدرون تحجون وياهم باللغة الانكليزية يعني ماراح تواجهون اي مشكلة تواصل في الجزيرة .
شنو نكدر نسوي بجزيرة فو كوك ؟؟
اول شي نحجي عن الشواطئ الشواطئ كلش حلوه وصافية تكدرون تمارسون بيها الغوص والالعاب المائية المتعددة مثل شاطئ تينمو في دونغ دونغ ..
واكو شواطئ هادئة للي يحبون الهدوء والاستجمام والي تكون بعيدة عن الحشود السياحية تبعد عن المدينة عدة اميال والوصول الها كلش سهل .
واكو غيرها من الشواطئ الكبيرة الي تتمتع بشعب مرجانية كلش حلوة واكيد رح احجي عنها بغير بوست شاطئ شاطئ .
زيارة المحميات الطبيعية وحدائق حيوان كلش جبيرة
والي يحبون المغامرات صعود سيارة تكون محمية كلش وياخذوكم جولة بنص الغابات ويقربوكم على الحيوانات المفترسة
ايضا بيها مدينة العاب جبيرة وتعتبر من اكبر مدينة الالعاب في ماليزيا
ومدينة مائية عملاقة للي يحبون الالعاب المائية
ايضا تحتوي الجزيرة على المتاحف ومن اهم هذا المتاحف
متحف كوي نغون هو واحد من تسعة متاحف خاصة في فيتنام ، ويمنحك هذا المكان الفرصة لاكتشاف الكثير من المقتنيات القديمة، بما في ذلك 300 كتاب عن فو كووك مكتوب باللغة الصينية والفيتنامية والإنجليزية والفرنسية، هذا فضلا عما يضمه المتحف من أعمال فنية مصنوعة من الخشب واللؤلؤ.
وايضا بيها مزارع ضخمه لزراعة اللؤلؤ الصناعي ويدخلوكم للمزارع هاي ويخلوكم تتعلمون زراعة اللؤلؤ
بيها قرية كلش حلوة الي هي كوا كان اذا دخلتو لهالقرية رح تشوفون مدينة قديمة وجسور خشبية وماكو بيها سيارات بيها دراجات هوائية وممكن تلكون نارية القرية هاي كلش هادئة وتمتد على طول القرية شواطئ كلش حلوة ونظيفة .. واكيد اكو زوارق تاخذكم جولة حتى تشوفون السفن العملاقة الي تجي من البحروالشواطئ والجزر القريبة منها ...
السكن في فو كوك
تنتشر معظم الفنادق والمنتجعات على الجانب الغربي من الجزيرة، بالقرب من بلدة دونغ دونغ الرئيسية على طول لونغ بيتش، وتتنوع الإقامة بين الأكواخ الأساسية والمنتجعات الفاخرة التي تم افتتاحها، ولكن إن كنت تنوي الزيارة خلال موسم الذروة من أكتوبر إلى أبريل فإننا ننصحك بالحجز في وقت مبكر.
شنو تكدرون تاكلون بهاي الجزيرة والي تعتبر من اهم النقاط الي يدورون عليها السائحين
طبعا اكو هواية مطاعم حلال
وايضا تتميز هاي الجزيرة بالاكلات البحرية المتعددة
يعني ماراح تشوفون مشكلة بالاكل ابدا ...
وهسه رح اخليكم ويه الصور حتى تمتعون نظركم بهذه الجزيرة
————————————————————————-
