دەستەی گەشتوگوزار::Kurdistan Tourism, Iraq-Kurdistan-Erbil, Irbil (2024)

15/05/2024

سەرۆکی دەستەی گەشتوگوزار لە رۆژی زمانی کوردی: سوورین لەسەر جێبەجێکردنی بڕیاری بەکارهێنانی زمانی کوردی لە بنکە گەشتیارییەکان

“لە رۆژی زمانی کوردی-دا جەخت دەکەینەوە لەسەر ئەوەی ئەركی هەموومانە پارێزگاری لە شوناسی كوردبوونمان بكەین و بەرپرسانە مامەڵە لەگەڵ زمانی دایک دا بكەین کە بە درێژایی مێژوو، لە پاڵ خەبات و قوربانیدان، هۆکارێکی سەرەکی مانەوەی نەتەوەکەمان بووە.

لە سۆنگەی هەستکردن بە بەرپرسیاریەتی مێژوویی، لە مانگی ئابی ساڵی ٢٠٢٢، وەک سەرۆکی دەستەی دەستەی گەشتوگوزار بە دەرکردنی فەرمانێک سەرجەم بنکە و شوێنە گەشتیارییەکانمان پابەند کرد بە بەکارهێنانی زمانی کوردی وەک زمانی سەرەکی و یەکەم لەسەر تابلۆی ناوی شوێنەکان و خشتەی خزمەتگوزارییەکان و هەر پسوولەیەکی تر. هەروەها بڕیاری سەرۆکایەتی ئەنجومەنی وەزیرانی حکومەتی هەرێمی کوردستان بۆ هەمان مەبەست تەواوی سێکتەرەکانی تری پابەند کردووە بە بەکارهێنانی زمانی کوردی لە پێناو بەرژەوندی گشتی و پاراستنی مافی دەستووریی زمانی کوردی و رێگە گرتن لە زیاتر کاڵبوونەوەی بەکارهێنانی زمانی کوردی لە ناوەندە بازرگانیەکان.

لای خۆمانەوە لە دەستەی گەشتوگوزار سوورین لەسەر جێبەجێکردنی بڕیاری بەکارهێنانی زمانی کوردی لە بنکە گەشتیارییەکان و هەموو هەوڵەکان خراونەتە گەڕ بۆ جێبەجێکردنی ئەم بڕیارە و هەنگاوی زۆر باش بڕدراوە و نزیک بووینەتەوە لەوەی کە ڕێژەی پابەندبوونی بنکە و دامەزراوە گەشتیارییەکان بگەیەنینە ٪١٠٠ . لیژنەی تایبەت بۆ بەدواداچوونی شێوازی جێبەجێکردنی پێکهێنراوە و لێپێچینەوەی یاسایی دانراوە بۆ ئەو لایەنانەی کە پابەندی ئەم بڕیارە نابن.

ئەركی هەموومانە پارێزگاری لە شوناسی كوردبوونمان بكەین و بەرپرسانە مامەڵە لەگەڵ زمانی كوردیدا بكەین و هەوڵ بدەین پانتایی بەكارهێنانی زمانی شیرینی کوردی فراوانتر بكەین.”

ئەمەل جەلال
سەرۆکی دەستەی گەشتوگوزار

14/05/2024

سیمینارێکی تایبەت بە گۆڕانی کەش و هەواو کاریگەرییەکانی لەسەر ژینگە و گەشتوگوزار بەڕێوەچوو

بەسەرپەرشتی فەرمانگەی ڕۆشنبیری سەر بە وەزارەتی رۆشنبیری و گەشتوگوزار و شوێنەواری حکومەتی فیدراڵ، سیمینارێکی تایبەت بە گۆڕانکارییەکانی کەش و هەواو کاریگەرییەکانی لەسەر ژینگە و گەشتوگوزار بەڕێوەچوو.

سیمینارەکە بە ئامادەبوونی بەڕێوەبەرانی پلان دانان و راگەیاندن و پەیوەندییەکانی دەستەی گەشتوگوزار و نوێنەرانی ژمارەیەک لە فەرمانگە و کۆلێژی ئەندازیارییە کشتوکاڵییەکان و رێکخراوە ژینگەییەکان لە هۆڵی دەستەی پاراستن و چاککردنی ژینگە بەڕێوەچوو، کە تیایدا رزاق خەیلانی، بەڕێوەبەری فەرمانگەی هۆشیاركردنەوەی ژینگەیی و راگەیاندنی دەستەی ژینگەی هەرێمی كوردستان تیشکی خستە سەر پیسبوونی ڕەگەزەکانی ژینگە و گۆڕانکارییەکانی کەشوهەوا و کاریگەرییەکانی لەسەر گەشتوگوزار و تەواوی سێکتەرەکانی تر.

14/05/2024

کوردی :: English

چالاکییەکانی بەشداربووانی پرۆگرامی IVLP لە ئەمریکا

لە درێژەی چالاکییەکانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، ئەمەل جەلال، سەرۆکی دەستەی گەشتوگوزار و شاندی یاوەری لە ویلایەتی نیومەکسیکۆ سەردانی مۆنۆمێنتی نیشتمانی باندێلێر (Bandelier national monumet) کرد کە مۆزەخانەیەک لە خۆدەگرێت بۆ پاراستنی کلتوور و بەشێکی زۆری کەل و پەلی دێرینی تایبەت بە تیرە جیاجیاکانی ئەو ناوچەیە.

دواتر سەردانی مۆزەخانەی هونەری و فۆلکلۆری نێودەوڵەتی سەنتافێ کرا کە لە ساڵی ١٩٥٠ درووستکراوە و تایبەتە بە پاراستنی ژمارەیەکی زۆر لە کەل و پەلی کلتورە جیاوازەکانی نیومەکسیکۆ، و لەلایەن بەڕێوەر و ستافی مۆزەخانە پێشوازیان لێکرا.

لای خۆیەوە ئەمەل جەلال لە ڕووی مێژوو، کلتوور و ڕۆشنبیرییەوە باسی لە دەوڵەمەندی کوردستان کرد، و بە بایەخێکی زۆرەوە ئاماژەی بە دۆزینەوەی مرۆڤی نیاندەرتاڵ کرد لەئەشکەوتی شانەدەر و بوونی ژمارەیەکی زۆر لە پارچەی شوێنەواری کە نیشاندەری رۆڵی کوردستانە لە بنیادنانی شارستانیەتی جیهان.

راگەیاندن و پەیوەندییەکان-دەستەی گەشتوگوزار

============

‏Activities of IVLP program participants in the United States:

‏In continuation of the activities of the US International Visitor Leadership Program (IVLP), Amal Jalal, Head of the Board of Tourism, and her accompanying delegation visited the Bandelier National Monument in New Mexico, where they observed ancient fossils belonging to different cultures of the region.

‏They then visited the Santa Fe International Museum of Art and Folklore, established in 1950, dedicated to preserving a large number of artifacts from various New Mexico cultures, and were warmly welcomed by the curator and museum staff.

‏For her part, Amal Jalal spoke about the richness of Kurdistan in terms of history, culture, and heritage, highlighting the discovery of Neanderthals in cave of Shanidar and the abundance of archaeological pieces demonstrating Kurdistan's role in shaping world civilization.

‏Media and Relations - Tourism Board

14/05/2024

کوردی :: English

چالاکییەکانی بەشداربووانی پرۆگرامی IVLP لە ئەمریکا

لە درێژەی چالاکییەکانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، شاندی دەستەی گەشتوگوزاری سەر بە وەزارەتی شارەوانی و گەشتوگوزاری حکومەتی هەرێمی کوردستان، لە ویلایەتی نیومەکسیکۆ سەردانی شاری سانتافێیان کرد کە سێیەم شاری جیهانە لەچالاکی کلتوری و هونەری و دووەم کۆنترین شاری ئەمریکایە.

لە کۆبوونەوەیەکدا لەگەڵ دامەزراوەی گەشتیاری سانتافێ، بەرپرسی گەشتوگوزاری ئەو شارە باسی لە کەرتی گەشتوگوزار کرد و تیشکی خستە سەر شێوازی ئەو چالاکییانەی کە بۆ بەبازاڕکردن و زیاتر ناساندنی شارەکە ئەنجامی دەدەن و ئاماژەی بەوەدا کە ساڵانە بودجەیەکی تایبەت بۆ ئەم مەبەستە دابین دەکرێت.

لای خۆیەوە سەرۆکی دەستەی گەشتوگوزار باسی لە مێژووی کوردستان بە گشتی و بارودۆخی هەنووکەیی کەرتی گەشتیاری کرد لە هەرێمی کورستان و بە ورری تیشکی خستە سەر پلان و ستراتیژیەت و دیدگای دەستەی گەشتوگوزار و ئاماژەی بەوەدا کە کوردستان خاوەن بنەمای بەهێزی گەشتیارییە و حکومەتی هەرێمی کوردستان گرنگی تایبەتی پێدەدات.

راگەیاندن و پەیوەندییەکان-دەستەی گەشتوگوزار

============

‏Activities of IVLP program participants in the United States:

In the continuation of the activities of the US International Visitor Leadership Program (IVLP), a delegation from the Tourism Board of the Ministry of Municipalities and Tourism of the Kurdistan Regional Government visited Santa Fe, New Mexico.

During a meeting with the Santa Fe Tourism Foundation, the city's tourism officer discussed the tourism sector, highlighting their marketing and promotional activities. They noted that a special budget is allocated annually for this purpose.

The Head of the Kurdistan Tourism Board spoke about the history of Kurdistan in general and the current situation of the tourism sector in the Kurdistan Region.

‏Media and Relations - Tourism Board

14/05/2024

🔵خ*لی راهێنان بۆ کارە دەستییەکان لە بواری بەرهەمە گەشتیارییەکان لە ئیدارەی سەربەخۆی سۆران دەکرێتەوە

دەستەی گەشتوگوزاری هەرێمی کوردستان/ بەڕێوەبەرایەتی گشتی گەشتوگوزاری سۆران بە هەماهەنگی لەگەڵ رێکخراوی UNDP و رێکخراوی هاوکاری دارایی USAID, هەڵدەستیت بە کردنەوەی خ*لی راهێنان بۆ کارە دەستییەکان لە بواری بەرهەمە گەشتیارییەکان. ئەم خ*لە بۆ پێگەیاندن و هاندانی خوازیارانی کارە دەستیەکان و رەخساندنی دەرفەتی کارە لەم بوارە. بەشداربووانی ئەم خ*لە پێویستە دەرچووی بەشەکانی ( گەشتوگوزار و هونەرەجوانەکان) بن و حەزی کارە دەستییەکانیان هەبێت.
خوازیاران دەتوانن بۆ ناو تۆمارکردن پەیوەندی بەم ژمارەیەوە بکەن؛
07507313132
🔴دوا کات بۆ ناو تۆمارکردن؛ ( ١٨ی ئایار) رۆژی هەینی.

‏ ℹ️ زانیاریی دەربارەی خ*لەکە:

- خ*لەکە ماوەی پێنج رۆژ دەخایەنێت.
- بڕوانامەی بەشداریکردن دەدرێت بە بەشداربووان.
- تێچووی خ*ل و هاتوچۆ لە ئەستۆی UNDP.
- بەڕێوەبەرایەتی گشتی گەشتوگوزاری سۆران دوای خ*لەکە ئاسانکاری بۆ بەشداربووان دەکات تا لە شوێنێکی گەشتیاری کار بکەن و بەرهەمەکانیان بەبازار بکەن.
- لە کۆتایی خ*لەکە پێشانگایەکی کارە دەستییەکان بۆ بەشداربووان دەکرێتەوە.

13/05/2024

سەرۆکی فەرمانگەی میدیا و زانیاری لەگەڵ بەرپرسانی ڕاگەیاندنی دامودەزگاکانی حکومەت کۆبووەوە

ڕۆژی دووشەممە، 13 ی ئایاری 2024، د. جوتیار عادل، سەرۆکی فەرمانگەی میدیا و زانیاریی حکومەتی هەرێمی کوردستان، لەگەڵ ڕاگەیاندنی سەرجەم وەزارەت و فەرمانگە و دەستەکان کۆبووەوە و تێیدا بەرنامە و ڕوانگەی ڕاگەیاندنی حکومەت خرایە بەر باس و گفتوگۆ.

لە کۆبوونەوەکەدا، کە ئیبراهیم عەبدولمەجید بەڕێوەبەری راگەیاندن و پەیوەندییەکانی دەستەی گەشتوگوزاری وەزارەتی شارەوانی گەشتوگوزار ئامادەی بوو، باس لە هەماهەنگی و هاوکاریی زیاتر لە نێوان دامودەزگاکانی ڕاگەیاندنی حکومەت لەگەڵ فەرمانگەی میدیا و زانیاری کرا، بۆ بەهێزترکردنی گەیاندنی زانیاری و کار و پرۆژەکانی حکومەت بە هاووڵاتییان، لەسەر بنەمای ڕاستی و دروستی.

بەرپرسانی ڕاگەیاندنی حکومەت، جگە لە پشتیوانیکردن و بەرز نرخاندنی ڕۆڵی فەرمانگەی میدیا و زانیاری لە وێناکردنی گوتاری میدیایی حکومەت، جەختیان لە هاوکاری و هەماهەنگیی دامەزراوەیی کردەوە، تاکوو گەیاندنی پەیامی حکومەتی هەرێم بۆ هاووڵاتییان بەردەوامی پێ بدرێت و زیاتریش بەرەو پێشەوە ببرێت؛ هاوکات سەرۆکی فەرمانگە پاڵپشتیی هەمەجۆری بۆ کارەکانیان دووپات کردەوە.

فەرمانگەی میدیا و زانیاری
راگەیاندن و پەیوەندییەکان-دەستەی گەشتوگوزار

11/05/2024

کوردی :: English

چالاکییەکانی بەشداربووانی پرۆگرامی IVLP لە ئەمریکا

لە درێژەی چالاکییەکانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، شاندی دەستەی گەشتوگوزاری سەر بە وەزارەتی شارەوانی و گەشتوگوزاری حکومەتی هەرێمی کوردستان، لەویلایەتی نیومەکسیکۆ سەردانی ژووری بازرگانی و گەشتیاری شاری
‏Albuquerque کرا کە تیایدا بەرپرسانی ژوورەکە باسیان لە چۆنییەتی سەرپەرشتی کردنی چالاکییە گەشتیارییەکان کرد.

دواتر چاویان کەوت بە کۆمەڵەی گەشتیاری هیندی-ئەمەریکی، و باس لە چالاکییەکانی ئەو کۆمەڵەیە کرا کە تایبەتە بە پاراستنی کەلتوری هندییە ڕەسەنەکان و زیندوو هێشتنەوەی کەلەپووریان و ناساندنیان بەگەشتیاران.

هەروەها لەگەڵ نوسینگەی سەرۆکی شارەوانی تایم کیلەر کۆبوونەوە و گفتۆگۆکرا سەبارەت بە بەرەوپێشچوونی کەرتی گەشتیاری و چۆنییەتی بەبازاڕکردن و هەروەها ئەنجامدانی ئەو چالاکییانەی کە ساڵانە لە شارەکە بەڕێوەدەچێت.

لای خۆیانەوە سەرۆکی دەستەی گەشتوگوزار و شاندی یاوەری باسیان لە مێژووی کوردستان بە گشتی و بارودۆخی هەنووکەیی کەرتی گەشتیاری کرد لە هەرێمی کورستان.

راگەیاندن و پەیوەندییەکان-دەستەی گەشتوگوزار

============

Activities of IVLP program participants in the United States:

Continuing with the activities of the US International Visitor Leadership Program (IVLP), a delegation from the Tourism Board of the Ministry of Municipalities and Tourism of the Kurdistan Regional Government visited the Chamber of Commerce and Tourism of Albuquerque in New Mexico. There, chamber officials discussed supervising tourism activities.

Next, they met with the Indian-American Tourism Association to discuss the association's activities dedicated to preserving Native Indian culture and introducing it to tourists.

They also met with the office of Mayor Tim Keller to discuss tourism sector development, marketing strategies, and annual city activities.

The Head of the Tourism Board and her accompanying delegation discussed Kurdistan's history and the current state of the tourism sector in the Kurdistan Region.

Media and Relations - Tourism Board

09/05/2024

🔷شاندی وەزارەتی شارەوانی و گەشتوگوزار لە دوبەی سەرکەوتووانە بەشداری لە پێشانگای ATM کرد
🔷 سەرۆکی دەستەی وەبەرهێنان سەردانی شاندی وەزارەتی شارەوانی و گەشتوگوزار دەکات

رۆژی پێنج شەممە، لە چوارەم و کۆتا رۆژی پێشانگای بازاڕی گەشتیاری عەرەبی (ATM) لە دوبەی، کە بە بەشداری ٢٣٠٠ کۆمپانیا و دامەزراوەی گەشتیاری ١٦٥ وڵات بەڕێوەچوو، د.محمد شوکری، سەرۆکی دەستەی وەبەرهێنانی حکومەتی هەرێمی کوردستان سەردانی ستاندی کوردستانی کرد و لە لایەن شاندی وەزارەتی شارەوانی و گەشتوگوزاری حکومەتی هەرێمی کوردستان پێشوازی لێکرا.

سەرۆکی دەستەی وەبەرهێنان دەستخۆشی لە شاندی حکومەتی هەرێمی کوردستان/ وەزارەتی شارەوانی و گەشتوگوزار کرد بۆ ئەو چالاکییانەی لە میانی رۆژانی پێشانگا ئەنجامیان داوە و رۆڵی بەرچاویان بینیوە لە زیاتر ناساندنی کەرتی گەشتیاری هەرێمی کوردستان، و هاوکات هەموو پاڵپشتیەکی خۆیشی بۆ دووپاتکردنەوە. هەروەها سوپاسی کەرتی تایبەت و کۆمپانیاکانی کرد بۆ بەشداربوونیان لەگەڵ شاندی حکومەتی هەرێمی کوردستان.

هەر ئەمڕۆ، شاندی ژمارەیەک وڵات و کۆمپانیای گەشتیاری سەردانی ستاندی کوردستانیان کرد، لەوانە بەڕێوەبەری گشتی گەشتوگوزاری دوبەی و ژوری بازرگانی دەوحە، قەتەر کە خواستی خۆیان نیشاندا بۆ بەهێزکردنی پەیوەندیە گەشتیارییەکان و ئەنجامدانی کاری هاوبەش.

لەماوەی چوار رۆژی پێشانگا لێکتێگەیشتنی زۆر باش لەنێوان کۆمپانیا گەشتیاریە کوردستانییەکان و هاوتاکانیان لە وڵاتان هاتۆتە کایەوە بە ئامانجی ئاڵوگۆڕی گروپی گەشتیاری.

ئامانج لە بەشداریکردن لە پێشانگای بازاڕی گەشتیاری عەرەبی (ATM)، کە بە یەکێک لە پێشانگا هەر گرنگەکانی جیهان لە بواری گەشتیاری ئەژمار دەکرێت، بریتی بوو لە ناساندن و بەبازاڕکردن بۆ شوێنە گەشتیاری و شوێنەوارییەکانی هەرێمی کوردستان و ئاشناکردنی بەشداربووانی پێشانگا بە سرووشت و تەنهایی و رۆڵی هەرێمی کوردستان لە بنیادنانی شارستانیەت و درووستکردنی پردی پەیوەندی لە نێوان کۆمپانیا گەشتیارییەکانی کوردستان و وڵاتانی بەشداربوو بە مەبەستی راکێشانی سەرنجی گەشتیاران.

شاندی حکومەتی هەرێمی کوردستان/وەزارەتی شارەوانی و گەشتوگوزار بەسەرۆکایەتی سەرکەوت تۆفیق، بەڕيوەبەری گشتی پرۆژەکان لە دیوانی وەزارەتی شارەوانی و گەشتوگوزار و هێرش فەیزوڵا، بەڕێوەبەری گشتی گەشتوگوزاری گەرمیان، پێک دێت لە ئەزمەڕ ئەنوەر، بەڕێوەبەری داهات لە وەزارەتی شارەوانی و گەشتوگوزا و بەشێک لە بەڕێوەبەرانی بەڕێوەبەرایەتیەکانی گەشتوگوزاری(هەولێر، سلێمانی، زاخۆ، گەرمیان، سۆران، هەڵەبجە، راپەڕین)، هەروەها لە کەرتی تایبەت لاوەند مەموندی، سەرۆکی کۆمەڵەی کۆمپانیاکانی فرۆکەوانی و گەشتیاری و خاوەنی زیاتر لە ٧٠ کۆمپانیای گەشتیاری.

راگەیاندن و پەیوەندییەکان- دەستەی گەشتوگوزار

بۆ بینینی چالاکییەکانی رۆژی یەکەم و دووەم و سێیەمی پێشانگا کلیک لەسەر ئەم لینکانە بکە؛

https://www.facebook.com/share/p/FvkUAi2XDoRF1JdH/?mibextid=WC7FNe

https://www.facebook.com/share/p/TwwBKFcaCv1gc7D9/?mibextid=WC7FNe

https://www.facebook.com/share/p/yWH4WiChSqjxhcwQ/?mibextid=WC7FNe

09/05/2024

کوردی :: English

بەشداربووانی پرۆگرامی IVLP سەردانی نوێنەرایەتی حکومەتی هەرێمی کوردستان لە ئەمریکا دەکەن

لە درێژەی چالاکییەکانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، شاندی دەستەی گەشتوگوزاری سەر بە وەزارەتی شارەوانی و گەشتوگوزاری حکومەتی هەرێمی کوردستان سەردانی نوێنەرایەتی حکومەتی هەرێمی کوردستان-یان کرد لە ویلایەتە یەکگرتووەکانی ئەمریکا و لەلایەن دلۆڤان بەرواری، بەڕێوەبەری کاروباری گشتی و ئەکادیمی، کاروان زێباری، بەڕێوەبەری سیاسی و داکۆکیکردن و دەسکۆ شێروانی، راوێژکار لەنوێنەرایەتی، پێشوازیان لێکرا.

لە کۆبوونەوەیەکدا سەرۆکی دەستەی گەشتوگوزار و شاندی یاوەری ئامانجی سەردانەکەیان بۆ ئەمریکا ڕوونکردەوە و هەروەها کۆمەڵێک پێشنیاریان بۆ ستافی نوێنەرایەتی خستەڕوو تالەڕێگای خۆیانەوە بتوانن پردی پەیوەندی لە نێوان دەستەی گەشتوگوزار و زانکۆ و ناوەندەکانی توێژینەوە لە ئەمریکا درووست بکەن بە ئامانجی زیاتر پەرەپێدانی کەرتی گەشتیاری و سوود وەرگرتن لەئەزموونی ئەو وڵاتە.

لای خۆیانەوە ستافی نوێنەرایەتی حکومەتی هەرێمی کوردستان لە ویلایەتە یەکگرتووەکانی ئەمریکا ئامادەیی تەواوی خۆیان نیشاندا بۆ هەموو ئاسانکاری و هەماهەنگیەک کە خزمەت بکات بە کوردستان و زیاتر پێشخستنی کەرتی گەشتیاری.

راگەیاندن و پەیوەندییەکان-دەستەی گەشتوگوزار

============

IVLP participants visit the KRG’s Representation in the United States

In continuation of the activities under the US International Visitor Leadership Program (IVLP), a delegation from the Tourism Board of the Ministry of Municipalities and Tourism of the Kurdistan Regional Government (KRG) undertook a visit to the KRG’s Representation in the United States. The delegation was graciously received by Dlovan Barwari, Director of Public and Academic Affairs; Karwan Zebari, Director of Political and Advocacy; and Dasko Sherwani, Advisor of the Representation.

During the meeting, the Head of the Tourism Board and her accompanying delegation articulated the purpose of their visit to the United States. Additionally, they proffered suggestions to the representation's staff aimed at fostering collaborations between the tourism board and esteemed universities and research centers in the United States. This initiative seeks to advance the tourism sector and leverage the wealth of experience offered by the host country.

In response, the staff of the Kurdistan Regional Government Representation in the United States conveyed their unequivocal readiness to provide comprehensive support and coordination conducive to the advancement of Kurdistan’s interests and the further development of its tourism sector.

Media and Relations - Tourism Board

08/05/2024

🔷گەشتی راستەوخۆی نێوان هەرێمی کوردستان و هیندستان دەستپێدەکات
🔷چەندین رێککەوتن لەنێوان کۆمپانیا گەشتیارییەکانی کوردستان و وڵاتانی بەشداربوو ئەنجام دەدرێت

لە سێیەم رۆژی پێشانگای بازاڕی گەشتیاری عەرەبی (ATM) لە دوبەی، کە بە بەشداری ٢٣٠٠ کۆمپانیا و دامەزراوەی گەشتیاری ١٦٥ وڵات بەڕێوەدەچێت، شاندی وەزارەتی شارەوانی و گەشتوگوزاری حکومەتی هەرێمی کوردستان بەردەوام بوو لە چالاکییەکانی و لە رێگەی داتاشۆ و بڵاوکراوە گەشتیارییەکان شوێنە گەشتیارییەکانی هەرێمی کوردستانیان خستە بەر دیدەی بەشداربووانی پێشانگا.

لە گرنگیترین چالاکیەکانی ئەمڕۆ، واژووکردنی یاداشتنامەیەکی لێکتێگەیشتن بوو لە نێوان هێڵی ئاسمانی فلای ئەربیل و کۆمپانیایەکی گەورەی گەشتیاری وڵاتی هیندستان بە ئامانجی دەستپێکردنی گەشتی راستەوخۆی نێوان هەولێر و نیودەلهی.

هەروەها کونسوڵی گشتی عێراق لە دوبەی سەردانی ستاندی هەرێمی کوردستانی کرد و لە کۆبوونەوەیەکدا تیشکخرایە سەر فراوانکردنی جموجۆلە گەشتییاریەکانی نێوان هه‌ردوولا و هه‌روه‌ها عێراق و هه‌رێمی كوردستان له‌گه‌ڵ وڵاتی ئیمارات.

هاوکات سەندیکای رۆژنامەنووسانی عەرەب سەردانی ستاندی کوردستانیان کرد و خواستی خۆیان نیشاندا بۆ بەشداریکردن لە پێشانگای گەشتیاری METEX کە بڕیارە مانگی ١٠ لە
شاری هەولێر ئەنجام بدرێت. هەروەها شاندی ژمارەیەک وڵات و کۆمپانیای گەشتیاری سەردانی ستاندی کوردستانیان کرد.

هاوشێوەی رۆژی دووەم لێکتێگەیشتنی زۆر باش لەنێوان کۆمپانیا گەشتیاریە کوردستانییەکان و هاوتاکانیان لە وڵاتان هاتۆتە کایەوە بە ئامانجی ئاڵوگۆڕی گروپی گەشتیاری.

ئامانج لە بەشداریکردن لە پێشانگای بازاڕی گەشتیاری عەرەبی (ATM)، کە بە یەکێک لە پێشانگا هەر گرنگەکانی جیهان لە بواری گەشتیاری ئەژمار دەکرێت، بریتیە لە ناساندن و بەبازاڕکردن بۆ شوێنە گەشتیاری و شوێنەوارییەکانی هەرێمی کوردستان و ئاشناکردنی بەشداربووانی پێشانگا بە سرووشت و تەنهایی و رۆڵی هەرێمی کوردستان لە بنیادنانی شارستانیەت و درووستکردنی پردی پەیوەندی لە نێوان کۆمپانیا گەشتیارییەکانی کوردستان و وڵاتانی بەشداربوو بە مەبەستی راکێشانی سەرنجی گەشتیاران.

شاندی حکومەتی هەرێمی کوردستان/وەزارەتی شارەوانی و گەشتوگوزار بەسەرۆکایەتی سەرکەوت تۆفیق، بەڕيوەبەری گشتی پرۆژەکان لە دیوانی وەزارەتی شارەوانی و گەشتوگوزار و هێرش فەیزوڵا، بەڕێوەبەری گشتی گەشتوگوزاری گەرمیان، پێک دێت لە ئەزمەڕ ئەنوەر، بەڕێوەبەری داهات لە وەزارەتی شارەوانی و گەشتوگوزا و بەشێک لە بەڕێوەبەرانی بەڕێوەبەرایەتیەکانی گەشتوگوزاری(هەولێر، سلێمانی، زاخۆ، گەرمیان، سۆران، هەڵەبجە، راپەڕین)، هەروەها لە کەرتی تایبەت لاوەند مەموندی، سەرۆکی کۆمەڵەی کۆمپانیاکانی فرۆکەوانی و گەشتیاری و خاوەنی زیاتر لە ٧٠ کۆمپانیای گەشتیاری.

راگەیاندن و پەیوەندییەکان- دەستەی گەشتوگوزار

بۆ بینینی چالاکییەکانی رۆژی یەکەم و دووەم کلیک لەسەر ئەم لینکانە بکە؛

https://www.facebook.com/share/p/FvkUAi2XDoRF1JdH/?mibextid=WC7FNe

https://www.facebook.com/share/p/TwwBKFcaCv1gc7D9/?mibextid=WC7FNe

08/05/2024

ستاندی گەشتوگوزاری کوردستان لە پێشانگای بازاڕی گەشتیاری عەرەبی (ATM) لە دوبەی

08/05/2024

شاندی دەستەی گەشتوگوزار لە ئەمریکا سەردانی وەزارەتی دەرەوە دەکەن

لە درێژەی چالاکییەکانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، شاندی وەزارەتی شارەوانی و گەشتوگوزار/ دەستەی گەشتوگوزار سەردانی وەزارەتی دەرەوەی ئەمریکایان کرد و لەگەڵ مایکڵ دەی ڕاوێژکاری باڵا بۆ کاروباروباری کورد لەنوسینگەی ڕژهەڵاتی ناوەڕاست و گریگۆری سولیڤان ڕاوێژکاری باڵای دبلۆماسی لەکاروباری عیراق و ئێران کۆبوونەوە.

لە کۆبوونەوەکەدا بەرپرسانی وەزارەتی دەرەوە بە گرنگیەوە باسیان لە پێگەی هەرێمی کوردستان لەعێراق کرد بەتایبەت لەبواری گەشتیاری هەروەها خۆشحاڵی خۆیان دەربڕی بەدەستە خوشک بوونی هەولێر و شاری ناشفێڵ، وە بەڵێنی ئەوەیاندا لەداهاتوو کاربکەن بۆ بە دەستە خووشکبوونی هەردوو شاری زاخۆ و هەڵەبجە لەگەڵ دوو شاری ئەمەریکا.

لای خۆیەوە ئەمەل جەلال، سەرۆکی دەستەی گەشتوگوزار سوپاسی پشتگیری و دۆستایەتی ئەمریکای کرد بۆ کوردستان و هیوای خۆست ڕۆژێک لەڕۆژان ئاڵای کوردستانیش لەتەنیشت ئاڵای وڵاتان لەنێو وەزارەتی دەرەوە دابنرێت. هاوکات بەگرنگیەوە باسی پشتگیری کابینەی نۆیەمی کرد بۆ سێکتەری گەشتوگوزار و ئاماژەی بەوەدا کوردستان ڕەگەزی زۆرباشی گەشتیاری تێدایە. ئەمەل جەلال داواشی کرد هاوکاری کوردستان بکەن بۆ درووستکردنی مۆزەخانەی هاوشێوەی هۆڵۆکۆست لەگەرمیان و هەڵەبجە. لای خۆیانەوە بەڕێوەبرانی گشتی بیرۆکەو بەرنامەی خۆیان بۆ تیمی وەزارەتی دەرەوە ڕوونکردەوە.

دواتر کۆبوونەوە لەگەڵ فەرمانگەی نیشتمانی گەشتوگوزار لەوەزارەتی بازرگانی ئەنجامدرا لەسەر بابەتی داتاو ئاماری گەشتیاران و چۆنییەتی بەرزکردنەوەی ژمارەی گەشتیاران و مۆڵەتی کارکردن لەبواری گەشتوگوزار. دوای ئەمەش شاندی گەشتوگوزار سەردانی مۆزەخانەی هۆڵۆکۆستیان کرد کە تایبەتە بەکۆمەڵکوژی جوەکان لە ئەڵمانیا کە هاوشێوەی ئەوزوڵم ستەمەیە لەگەلی کورد کراوە.

راگەیاندن و پەیوەندییەکان-دەستەی گەشتوگوزار

07/05/2024

کوردی :: English

چالاکییەکانی بەشداربووانی پرۆگرامی IVLP لە ئەمریکا

لە درێژەی چالاکییەکانی بەشداربووانی (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP)، لەواشنتن دی سی لە لایەن ئەفسەری بەرنامە لەنوسینگەی سەردانیکەرانی نێودەوڵەتی لەدیوانی کاروباری پەروەردەیی و ڕۆشنبیری وەزارەتی دەرەوەی ئەمەریکا باس لە گرنگی بەرنامی IVLP کرا کەساڵانە ٥٠٠٠ هەزار کەس بەشداردەبن.

دواتر سەردانی زانکۆی جۆرج تاون کرا و لەلایەن پڕۆفیسۆرێکی زانکۆکە سیمینارێک لەسەر فیدڕالیزمی ئەمەریکا پێشکەش کرا کە تیایدا بە وردی باس لە سیستەمی بەڕێوەبردنی ئەو وڵاتە کرا. هەروەها باس لە مێژووی کلتوری ڕەش پێستەکان لەئەمەریکاو بەتایبەت لەوانشنتن کرا.

شایەنی باسە شاندی وەزارەتی شارەوانی و گەشتوگوزار/ دەستەی گەشتوگوزار پێک دێت لە ئەمەل جەلال، سەرۆکی دەستەی گەشتوگوزار، دلێر محمد، بەڕێوەبەری گشتی گەشتوگوزاری هەولێر، چیا قاسم، بەڕێوەبەری گشتی گەشتوگوزاری هەڵەبجە، چیا عثمان، بەڕێوەبەری گشتی گەشتوگوزاری زاخۆ، نەریمان فازل، بەڕێوەبەری پلان دانان لە بەڕێوەبەرایەتی گشتی گەشتوگوزاری هەولێر و رێژین روف، بەڕێوەبەری گەشتوگوزاری دوکان.

==========

Activities of IVLP program participants in the United States

Continuing with the activities of the participants in the U.S. International Visitor Leadership Program (IVLP) in Washington, DC, the Program Officer of the Office of International Visitors in the U.S. Department of State's Bureau of Educational and Cultural Affairs spoke about the importance of IVLP.

Subsequently, they visited Georgetown University, where a university professor delivered a seminar on U.S. federalism, providing detailed insights into the country's governance system. They also delved into the history of black culture in the United States, particularly in Washington.

The delegation includes Amal Jalal, Head of the Tourism Board; Dilêr Mohammed, Director General of Tourism in Erbil; Chia Qasim, Director General of Tourism in Halabja; Chia Osman, Director General of Tourism in Zakho; Nariman Fazel, Director of Planning in Erbil Tourism; and Rezhin Roof, Director of Tourism in Dukan.

07/05/2024

🔷لەگەڵ گەشتوگوزاری ئوردن یاداشتنامەی لێکتێگەیشتن واژوو دەکرێت
🔷پەرە بە پەیوەندییە گەشتیارییەکانی نێوان هەرێمی کوردستان و وڵاتی قەتەر و سعودیە و ئیمارەتی فوجەیرە دەدرێت
🔷ئەلبانیا و کوەیت و ئیمارات و سعودیە سەردانی ستاندی کوردستان دەکەن
🔷چەندین رێککەوتن لەنێوان کۆمپانیا گەشتیارییەکانی کوردستان و وڵاتانی بەشداربوو ئەنجام دەدرێت

لە دووەم رۆژی پێشانگای بازاڕی گەشتیاری عەرەبی (ATM) لە دوبەی، کە بە بەشداری ٢٣٠٠ کۆمپانیا و دامەزراوەی گەشتیاری ١٦٥ وڵات بەڕێوەدەچێت، شاندی وەزارەتی شارەوانی و گەشتوگوزاری حکومەتی هەرێمی کوردستان بەردەوام بوو لە چالاکییەکانی و چەندین دیدار و کۆبوونەوەی گرنگی لەگەڵ وڵاتانی بەشداربوو ئەنجام دا.

لە کۆبوونەوەیەکدا لەگەڵ بەرپرسانی دەستەی گەشتوگوزاری وڵاتی ئوردن هەردوو لا هاوڕابوون لەسەر زیاتر پەرەپێدانی پەیوەندییەکان و کارکردن بۆ ئاڵوگۆڕی گروپی گەشتیاری. لە کۆبوونەوەکە بڕیاردرا لە مانگی تشرینی یەکەمی ئەمساڵ یاداشتنامەیەکی لێکتێگەیشتن، لە شاری هەولێر، لە نێوان دەستەی گەشتوگوزاری کوردستان و دەستەی گەشتوگوزاری وڵاتی ئوردن واژوو بکرێت سەبارەت بە کاری پێکەوەیی بە مەبەستی بەبازاڕکردن بۆ گەشتوگوزاری کوردستان و بەرزکردنەوەی توانای مرۆیی کارمەندانی کەرتی گەشتیاری کوردستان.

هەروەها لەگەڵ بەرپرسانی گەشتوگوزار لە هەر یەک لە وڵاتانی قەتەر و سعودیە و ئیمارەتی فوجەیرە کۆبوونەوە و گفتوگۆکرا سەبارەت بە پتەوکردنی پەیوەندییەکان و هەماهەنگی و کاری هاوبەش بە ئامانجی ئاڵوگۆڕی گروپی گەشتیاری. لای خۆیانەوە بەرپرسانی گەشتوگوزاری قەتەر و سعودیە و ئیمارەتی فوجەیرە ئامادەتی تەواوی خۆیان نیشاندا بۆ هاوکاریکردنی کەرتی گەشتیاری کوردستان لە رووی بەبازاڕکردن، و هاوکات ئاماژەیان بەوەدا هانی کۆمپانیا گەشتیارییەکانیان دەدەن بۆ هێنانی گەشتیار بۆ کوردستان.

هاوکات شاندی ژمارەیەک وڵات و کۆمپانیای گەشتیاری سەردانی ستاندی کوردستانیان کرد، لەوانە بەرپرسانی گەشتوگوزاری ئەلبانیا، سعودیە، کوەیت و ئیمارات. لە کۆبوونەوەکاندا وڵاتان بە پەرۆشەوە خواستی خۆیان نیشان دەدا بۆ درووستکردنی پەیوەنی لەگەڵ هەرێمی کوردستان.

لە لایەکی ترەوە لێکتێگەیشتنی زۆر باش لەنێوان کۆمپانیا گەشتیاریە کوردستانییەکان و هاوتاکانیان لە وڵاتان هاتۆتە کایەوە بە ئامانجی ئاڵوگۆڕی گەشتیاران، و بڕیار وایە لە داهاتوویەکی نزیک دوای تەواوبوونی رێکارە یاسایی و فەرمییەکان چەندین رێککەوتننمانە ئەنجام بدرێت.

جێگەی باسە هاوشێوەی رۆژی یەکەم، ستاندی کوردستان جێی سەرنجی وڵاتان بووە و یەکێک بوو لە هەرە قەرەباڵغترین ستاندەکانی پێشانگا و ژمارەیەکی بەرچاو لە دامەزراوە و کۆمپانیای گەشتیاری سەردانیان کرد.

شاندی حکومەتی هەرێمی کوردستان/وەزارەتی شارەوانی و گەشتوگوزار بەسەرۆکایەتی سەرکەوت تۆفیق، بەڕيوەبەری گشتی پرۆژەکان لە دیوانی وەزارەتی شارەوانی و گەشتوگوزار و هێرش فەیزوڵا، بەڕێوەبەری گشتی گەشتوگوزاری گەرمیان، پێک دێت لە ئەزمەڕ ئەنوەر، بەڕێوەبەری داهات لە وەزارەتی شارەوانی و گەشتوگوزا و بەشێک لە بەڕێوەبەرانی بەڕێوەبەرایەتیەکانی گەشتوگوزاری(هەولێر، سلێمانی، زاخۆ، گەرمیان، سۆران، هەڵەبجە، راپەڕین)، هەروەها لە کەرتی تایبەت لاوەند مەموندی، سەرۆکی کۆمەڵەی کۆمپانیاکانی فرۆکەوانی و گەشتیاری و خاوەنی زیاتر لە ٧٠ کۆمپانیای گەشتیاری.

راگەیاندن و پەیوەندییەکان- دەستەی گەشتوگوزار

بۆ بینینی چالاکییەکانی رۆژی یەکەم کلیک لەسەر ئەم لینکە بکە؛

https://www.facebook.com/share/p/FvkUAi2XDoRF1JdH/?mibextid=WC7FNe

06/05/2024

“گەشتیارانی نێودەوڵەتی لە کوردستان”

بەهۆی ئەو پاڵپشتی و ئاسانکاریانەی گەشتوگوزاری کوردستان دابینی دەکات بۆ گەشتیارانی نێودەوڵەتی، ژمارەی ئەو گەشتیارانەی کە لە دەرەوەی عێراقەوە سەردانی هەرێمی کوردستان دەکەن بەردەوام لە زیاد بووندایە.

لە چەند رۆژی رابردوودا گروپێکی گەشتیاری کە خەڵکی هەر یەک لە وڵاتانی پرتوگال و ئیسپانیا بوون، بۆ زیاتر لە هەفتەیەک لە هەرێمی کوردستان مانەوە و چەندین شوێنی گەشتیاری و شوێنەواری-یان لە سەرانسەری هەرێمی کوردستان بەسەر کردەوە.

شایەنی باسە دڵشاد خالید، هەماهەنگیکاری نێوان دەستەی گەشتوگوزار و عێراق بۆ کاروباری گەشتیاری، وەک نوێنەری دەستەی گەشتوگوزار، بەردەوام لەگەڵ گروپە گەشتیارییەکانە بۆ دڵنیابوونەوە لەوەی هەموو کارێکی پێویست بۆ گەشتیارانی نێودەوڵەتی ئەنجام دەدرێت.

ئەوەی مایەی خۆشحاڵیە فیدباکی گەشتیارانی نێودەوڵەتیە کە سەرەڕای سەرسوڕمانیان لە جوانی و دڵڕفێنی سرووشت و شوێنەوارە دێرینەکانی کوردستان، هاوکات گیانی میواندۆستی کوردستانیان بەرز دەنرخێنن.

راگەیاندن و پەیوەندییەکان-دەستەی گەشتوگوزار

06/05/2024

ستاندی کوردستان لە دوبەی پێشوازییەکی بێوێنەی لێدەکرێت

ئەمرۆ دووشەممە ٦ی ئایاری ٢٠٢٤، پێشانگای بازاڕی گەشتیاری عەرەبی (ATM) لە دوبەی، بە بەشداری ٢٣٠٠ کۆمپانیا و دامەزراوەی گەشتیاری لە ١٦٥ وڵات دەستی بەکارەکانی کرد و بڕیارە تا ٩ ئایار بەردەوام بێت و پێشبینی دەکرێت ژمارەی سەردانیکارانی زیاتر بێت لە ٤١ هەزار.

شاندی وەزارەتی شارەوانی و گەشتوگوزاری حکومەتی هەرێمی کوردستان، بە یاوەری زیاتر لە ٧٠ کۆمپانیای گەشتیاری و فرۆکەوانی، بە جل و بەرگی کوردی بەشدار بوون لە چالاکییەکانی یەکەم رۆژی پێشانگا و لە رێگەی داتاشۆ و بڵاوکراوە گەشتیارییەکان شوێنە گەشتیارییەکانی هەرێمی کوردستانیان خستە بەر دیدەی بەشداربووانی پێشانگا.

جێگەی باسە کە ستاندی کوردستان پێشوازییەکی بێوێنەی لێکرا لە لایەن بەشداربووان و یەکێک بوو لە هەرە قەرەباڵغترین ستاندەکانی پێشانگا و ژمارەیەکی بەرچاو لە دامەزراوە و کۆمپانیای گەشتیاری سەردانیان کرد.

شاندی حکومەتی هەرێمی کوردستان وێڕای بە گەرمی بەخێرهێنانی میوانان، هاوکات دەرفەتەکانی وەبەرهێنانیان لە هەرێمی کوردستان خستەڕوو و هانی وەبەرهێنەرانیان دا لە هەرێمی کوردستان لە بواری گەشتیاری وەبەرهێنان بکەن، هەروەها ئامادەیی تەواوی هەرێمی کوردستانیان نیشاندا بۆ ئەو کۆمپانیایانەی گەشتیار دەهێنن بۆ کوردستان. لە لایەکی ترەوە کۆمپانیاکانی کوردستان لەگەڵ هاوتاکانیان لە وڵاتان لە هەوڵی درووستکردنی پەیوەندی دابوون بە مەبەستی هێنانی گەشتیار بۆ کوردستان.

ئامانج لە بەشداریکردن لە پێشانگای بازاڕی گەشتیاری عەرەبی (ATM)، کە بە یەکێک لە پێشانگا هەر گرنگەکانی جیهان لە بواری گەشتیاری ئەژمار دەکرێت، بریتیە لە ناساندن و بەبازاڕکردن بۆ شوێنە گەشتیاری و شوێنەوارییەکانی هەرێمی کوردستان و ئاشناکردنی بەشداربووانی پێشانگا بە سرووشت و تەنهایی و رۆڵی هەرێمی کوردستان لە بنیادنانی شارستانیەت و درووستکردنی پردی پەیوەندی لە نێوان کۆمپانیا گەشتیارییەکانی کوردستان و وڵاتانی بەشداربوو بە مەبەستی راکێشانی سەرنجی گەشتیاران.

شاندی حکومەتی هەرێمی کوردستان/وەزارەتی شارەوانی و گەشتوگوزار بەسەرۆکایەتی سەرکەوت تۆفیق، بەڕيوەبەری گشتی پرۆژەکان لە دیوانی وەزارەتی شارەوانی و گەشتوگوزار و هێرش فەیزوڵا، بەڕێوەبەری گشتی گەشتوگوزاری گەرمیان، پێک دێت لە ئەزمەڕ ئەنوەر، بەڕێوەبەری داهات لە وەزارەتی شارەوانی و گەشتوگوزا و بەشێک لە بەڕێوەبەرانی بەڕێوەبەرایەتیەکانی گەشتوگوزاری(هەولێر، سلێمانی، زاخۆ، گەرمیان، سۆران، هەڵەبجە، راپەڕین)، هەروەها لە کەرتی تایبەت لاوەند مەموندی، سەرۆکی کۆمەڵەی کۆمپانیاکانی فرۆکەوانی و گەشتیاری و خاوەنی زیاتر لە ٧٠ کۆمپانیای گەشتیاری.

ناوی ستاندی کوردستان: Kurdistan Tourism
ناونیشان لەناو پێشانگا: بەشی Middle East
ژمارەی ستاند؛ ME1335

راگەیاندن و پەیوەندییەکان- دەستەی گەشتوگوزار

06/05/2024

شاندێکی گەشتوگوزاری کوردستان بەشداری لە پرۆگرامێک دەکەن لە ویلایەتە یەکگرتووەکانی ئەمریکا

لە چواچێوەی پلانی پەرەپێدانی بواری کارگێڕی و بەڕێوەبردنی کەرتی گەشتیاری و هەنگاونان بەرەو گەیشتن بە گەشتوگوزاری بەردەوام، شاندێکی گەشتوگوزاری هەرێمی کوردستان بە سەرۆکایەتی ئەمەل جەلال، سەرۆکی دەستەی گەشتوگوزار گەیشتنە ویلایەتە یەکگرتووەکانی ئەمریکا بە مەبەستی بەشداریکردن لە پرۆگرامی (بەهێزکردنی پیشەسازی گەشتوگوزاری بەردەوام لە هەرێمی کوردستان).

ئەم پرۆگرامە بەشێکە لە (پرۆگرامی ئەمریکی سەرکردەی سەردانیکارانی نێودەوڵەتی) ناسراو بە (IVLP) کە بۆماوەی سێ هەفتە لە ویلایەتە یەکگرتووەکانی ئەمریکا بەڕێوەدەچێت. مەبەست لە بەشداریکردن بریتییە لە ئاشنا بوون بە سیستەمی بەڕێوەبردنی کەرتی گەشتیاری لە ئەمریکا و سوود وەرگرتن لە ئەزموونی سەرکەووتوانەی ئەو وڵاتە بە ئامانجی بە ئەکادیمکردن و زیاتر پەرەپێدانی کەرتی گەشتیاری هەرێمی کوردستان.

لە میانی یەکەم رۆژی پرۆگرامەکە شاندی گەشتوگوزار بە یاوەری نوێنەری وەزارەتی دەرەوەی ئەمریکا سەردانی هەر یەک لە (کۆشکی سپی، وەزارەتی دارایی و کۆنگرێس)یان کرد و ئاشنا کران بە مێژووی ئەمریکا و پێشکەووتنی ئەو وڵاتە لە بواری بەڕێوەبردن و کەرتی گەشتوگوزار.

شایەنی باسە شاندی گەشتوگوزار پێک دێت لە ئەمەل جەلال، سەرۆکی دەستەی گەشتوگوزار، دلێر محمد، بەڕێوەبەری گشتی گەشتوگوزاری هەولێر، چیا قاسم، بەڕێوەبەری گشتی گەشتوگوزاری هەڵەبجە، چیا عثمان، بەڕێوەبەری گشتی گەشتوگوزاری زاخۆ، نەریمان فازل، بەڕێوەبەری پلان دانان لە بەڕێوەبەرایەتی گشتی گەشتوگوزاری هەولێر و رێژین روف، بەڕێوەبەری گەشتوگوزاری دوکان.

راگەیاندن و پەیوەدنییەکان-دەستەی گەشتوگوزار