14/04/2024
➤یەکێ لەچیرۆکەکانی ئەنفالی سنوری قەزای کۆیە ..
"ڕۆژی 3 / 5/ 1988بوو نزیکەی سعاتێکی مابوو بۆمەغریب برایەکەم هات ووتی جەیش هاتۆتە کەلکەسماق ئێمە لەکانی ڕەش بوین منیش دوربینێکی باشم هەبوو چوومەسەربان تەماشام کرد جەیشێک هاتۆتەسەرچیای کانی سوور ،سێ خێمەیان هەڵدابوو 23 سەیارەشیان پێبوو.ئێمەوامانزانی ئەوجەیشەدەڕوا بۆسماقوڵی بەڵام کەبینیم خێمەیان هەڵداوەووتم ئەوەدێن بۆ ئەوگوندانە تراکتۆرێکم هەبوو خزمێکم ووتی دەچم دایک وباوکم لەکانیبی دەهێنم چوو دوانزەی شەوهاتەوە، ئێمە ووتم ژن ومنداڵەکان بەتراکتۆرەک بنێرین بۆکۆیە چونکەکەلکەسماق گیرابوو ڕێی تەقتەقیش گیرابوو ،چونکەپێمان وابوو حکومەت دەست لەژن ومنداڵەکان نادات وخۆمانیش ئەوەندەی پێمان بکرێت لەگوند خۆمان دەشارینەوا،پاشێوییان کرد،ئەوکاتە ڕەمەزان بوو . ژن ومنداڵەکان بەڕێکەوتن بۆ کۆیە من زۆر بەبرایەکانم ووت ئێو مەچن نزیکیان بخەنەوەوبگەڕێنەوە، هەتا هەواوان هاتبوون تووشی هەندێک جاش ببون جاشەکان وتبویان بگەڕێنەوە دەتانگرن ، ئەوانیش چووبونەچەمی شیوەجان ئەوێش بۆخۆشاردنەوە باش نەبوو لەوێ گیرابوون .برایەکم خۆی وسێ منداڵ و برایەکەی تریشم دەسەرخێزان بوون لەگەڵ خێزانی من و حەوت منداڵم گیران کەکچەگچکەم تەمەنی سێ مانگ بوو وەکوڕەخاڵەکانیشم بەخێزانەوەگیران ،من دوای پێنج ڕۆژ زانیم،گوتم بۆجوابیان نیە ووتیان لەناوزیلی عەسکەری کراون وبراون بۆکەرکوک.لەوڕۆژە تائێستا هەموو دەقەیەک بیریان لێدەکەمەوە ئەوەی خۆشی بێ لەژیانم نەما. دەبێ چ ئازارێک بێت ژن وحەوت منداڵ وهەموو براو برازات ئەنفال بکرێت . منداڵێکی سێ مانگان بەزیندووی بخەیەبن خۆڵ .ئەوەی لەوکارەساتە ناخۆشترە ئەوانەی دەستیان هەیە لەئەنفالکردنی منداڵ وکەسوکارم ئێستا بەپلەی بەرز خانەنشینە وەزعی زۆر لەمن باشترە . هەرچەندە هیچ شتێک ئەوئازارەی من تیمارناکات " ..
*" عبدالرحمن عبداللە" یەکێک لەتاقانەکانی ئەنفالی سنوری قەزای کۆیە ، بەم شێوەیە چیرۆکی ئەنفالی بۆگێڕاینەوە ، تا چیرۆکەکانی ئەنفال ون نەبێ بڵاومانکردەوە.
ئامادەکردنی ئارام شوان
#کۆیە #ئەنفال
