Bjarmaland ferðaskrifstofa

27/08/2024

🇲🇲 Myanmar, frábært svæði og land ævintýra

Bjarmaland ferðaskrifstofa fer þangað í janúar 2025

www.bjarmaland.is

https://youtu.be/prmeQunQve0?si=zymr7o7ApWSMhvEY

How to Travel the World for (Almost) Free: https://travelforalmostfree.com/ref=beforeyougo2 // Here are the best places to visit in Myanmar.-----------------...

20/08/2024

LAOS og MYANMAR, 9. - 25. jan. 2025.
⠀
🛕Ævintýraferð til Indókína í janúar 2025, sól og blíða þegar vetur geisar á Íslandi.

Laos og Myanmar (áður Burma) hafa að bjóða ótrúlegt úrval landslags og lita - suðrænna skóga og hrísgrjónaakra, fjallstinda og saga þeirra er merkileg og oft harmþrungin en löndin voru nýlendur langt fram á 20. öld. Þetta er tveggja landa ferð: Laos og Myanmar, við förum m.a. í siglingu og ferðumst með járnbrautarlest, auk þess að kynnast sögu og lifnaðarháttum heimamanna sem eru þekktir fyrir mikla gestrisni. Búddatrú er viðtekin og eru þau trúarbrögð mjög friðsöm, æðruleysi og yfirvegun er eitt það mikilvægasta. Saga landanna endurspeglast í áhrifum nýlendutímans og aðdráttarafli hinar friðelskandi búddamenningar - eiginleika austrænnar speki og visku.
⠀
💰VERÐ
Tvíbýli: 728 000 kr.
Einbýli: 848 000 kr.
⠀
Nánar: www.bjarmaland.is/ferdtillaosmyanmar

Frábærar ferðir á menningar- og söguslóðir víða um heim.

10/08/2024

LAOS og MYANMAR, 9. - 25. jan. 2025.
🛕Ævintýraferð til Indókína í janúar 2025, sól og blíða þegar vetur geisar á Íslandi. Laos og Myanmar (áður Burma) hafa að bjóða ótrúlegt úrval landslags og lita - suðrænna skóga og hrísgrjónaakra, fjallstinda og saga þeirra er merkileg og oft harmþrungin en löndin voru nýlendur langt fram á 20. öld. Þetta er tveggja landa ferð: Laos og Myanmar, við förum m.a. í siglingu og ferðumst með járnbrautarlest, auk þess að kynnast sögu og lifnaðarháttum heimamanna sem eru þekktir fyrir mikla gestrisni. Búddatrú er viðtekin og eru þau trúarbrögð mjög friðsöm, æðruleysi og yfirvegun er eitt það mikilvægasta. Saga landanna endurspeglast í áhrifum nýlendutímans og aðdráttarafli hinar friðelskandi búddamenningar - eiginleika austrænnar speki og visku.

💰VERÐ
Tvíbýli: 728 000 kr.
Einbýli: 848 000 kr.

Nánar: www.bjarmaland.is/ferdtillaosmyanmar

19/07/2020

Ríga - „perla Eystrasaltsins“, hefur upp á ótrúlega margt að bjóða í innkaupum og skemmtun. Aðventuferð, s*x dagar í desember; mikið fjör og margt skoðað og gert. Jólagjafarinnkaup á jólamörkuðum, þar sem hin rétta stemmningin byrjar; ylmur jólaglöggs og baksturs svífur yfir vötnum. Áður var hér riddaraveldi krossfara og er borgin ein fyrrum Hansaborga, þar sem þýskir kaupmenn réðu ríkjum við Eystrasalt; talsverð rússnesk áhrif. Farið verður í sveitaferð, stórveisla, næturlíf. Verðlag er mjög hagstætt til innkaupa og skemmtana. Beint flug frá Keflavík.

Frábær aðventuferð til Eystrasaltsins í byrjun desember 2020 þar sem margt skemmtilegt verður gert og skoðað. Ylmur jólaglöggs svífur yfir vötnum, í verslunum og á jólamörkuðum er hægt að gera góð kaup og ganga frá jólagjafakaupum þetta árið. Ríga, höfuðborg Lettlans er...

15/07/2020

✈ Meiriháttar ferð til Kákasus í október!

Ótrúlega margt skoðað og allt innifalið.

🇬🇪 Við höfum þegar skrifað um Georgíu (Grúsíu).

🇦🇿 Azerbædsjan við Svartahaf á sér merka sögu, til er kenning um að nafnið þýði land ásanna (stan þýðir land). Þar hafa Persar, Arabar, Tyrkir og Rússar ráðið ríkjum en landið var bæði í rússneska keisaradæminu og Sovétríkjunum. Olíuvinnsla hefur lengi verið einn aðalatvinnuvegur landsmanna en hér var Alfred Nóbel í olíuviðskiptum á sínum tíma. Eldsneyti þaðan skipti gríðarlegu máli í Seinna stríði og lögðu Þjóðverjar megináherslu á að ná landinu undir sig; hingvegar var það Rauði herinn sem nýtti sér orkuna og endaði í Berlín. Höfuðborgin Bakú hefur verið byggð með miklum metnaði og engu til sparað af olíugróða landsins en borgin er mjög nútímaleg og glæsileg, kemur mjög skemmtilega á óvart.

Travel to Azerbaijan. You may contact me with any queries if you come :)

08/07/2020

Kákasus í haust, 2. - 12. október 2020. Verð 385 000 kr.

Frábær ferð til tveggja ólíkra landa á mörkum Evrópu og Asíu í ægifögrum Kákasusföllum. Við kynnumst höfuðborgum landanna - hinni sjarmerandi Tbilisi og olíuborginni Bakú, þar á milli er náttúru og matarmenningu landanna gerð góð skil en vín Kákasus eru rómuð. Farið upp í fjöll og ekið um sveitir; forn menning og sagan eru við hvert fótmál. Við kunnum okkar fag og reynsla okkar á svæðinu er mikil.

Veiran „Covid-19“ hefur ekki hrjáð ríkin sem miklu nemur og verður aflétt takmörkunum á ferðalögum erlendra ríkisborgara til landanna. Öryggis- og hreinlætisráðstafanir hafa verið góðar í báðum löndum.
Nánar www.bjarmaland.org/georgia-og-azerbaedsjan

18/02/2020

FERÐ TIL KÁKASUS. Frábær ferð til tveggja ólíkra landa á mörkum Evrópu og Asíu í ægifögrum Káðkasusföllum. Við kynnumst höfuðborgum landanna, sjarma Tblisi og olíuborginni Bakú, þar á milli er náttúru og matarmenningu landanna gerð góð skil en vín Kákasus eru rómuð. Farið upp í fjöll og ekið um sveitir; forn menning og sagan við hvert fótmál. Við erum fagmenn og reynsla okkar á svæðinu er mikil.

26/01/2020

Í hjarta Moskvu, rétt við Rauðatorgið og Kreml er nýr skemmtigarður „Zaryadye“ en áður stóð þar stærsta hótel Evrópu – hótel Rossíja, fyrir s*xþúsund gesti, sem var mjög vinsælt hér áður fyrr. Garðurinn er sannarlega nýtt aðdráttarafl en hann er hannaður af breskum sérfræðingum. Ætlunin var að reisa verslanir og skrifstofur en deilt var um þær áætlanir og núverandi stjórnvöld völdu almenningsgarð sem opnaði 2017 á 13 hektara svæði, líklega á dýrasta byggingarsvæði heims, með einstöku útsýni á sjálfa Kremlarmúra.

Lögð er áhersla á hátækni og nútíma vísindi bæði fyrir börn og fullorðna, myndsýning er í sérstökum sal þar sem hægt er að fara í flugferð yfir merkustu staði stærsta lands veraldar, það er ótrúleg upplifun, að vera spenntur í stól, eins og í flugvél og finna vindinn og kalda þoku þegar „flogið“ er yfir Rússlandi. Þar er fornleyfauppgröftur og safn plantna frá öllum gróðurbeltum Rússlanda og tónleikasalir með einstakri hönnun sem taka allt að 1 600 gesti. Hægt er að breyta sölunum eftir nýustu tækni, t.d. í móttökusal eða danshöll og mögulegt er að lát sætin lyftast um 2,5 m, hljómsveitargryfja er til staðar en það tekur aðeins 40 mínútur til að ljúka breytingarferlinu fyllilega.

Rétt er að benda sérstaklega „brúin, þar sem svifið er yfir vötnum“ sem er V laga brú sem nær út á Moskvuánna og til baka, þannig að menn standa yfir ánni, tilfinningin er að menn virðast svífa yfir Moskvuánni - nauðsynlegt að prófa! Þessvegna valdi áætlanagerð borgarinnar þetta lýsandi nafn á brúnna sem er sú eina í Rússlandi sinnar tegundar en hún er 70 m, byggð úr málmi og án stuðnings eða stöpla.

@ Moscow, Russia

19/12/2019

Jólin að hefjast í Moskvu. Hátíðin stendur til 14. janúar!

03/12/2019

🇮🇳✈️🏝 Hvernig væri að skella sér í sumarveðrið á Indlandi í febrúar? Í vetur bjóðum við til hins suðræna Indlands með dularfulla leyndardóma og litadýrð í sól og blíðu. Glæsileg ferð á merkar slóðir þessa forna menningarríkis; við skoðum höfuðborgina Delhi, sjálft Hof ástarinnar - Taj Mahal og förum á bak fíla í Jaipur, í lok ferðar er dvalið í sumarparadís Góa á S-Indlandi.

Einstakt verð fyrir allt sem innifalið er í ferðinni. Indland í febrúar, 8.-21.febrúar 2020
Nánar https://www.bjarmaland.org/indland-i-februar

13/11/2019

Í góða veðrið á Indlandi í febrúar Hvernig væri að skella sér í sumarveðrið á Indlandi í febrúar? Þegar íslenski veturinn er í algleymi er það hið suðræna Indland sem býður með sína dularfullu leyndardóma og litadýrð í sól og blíðu. Glæsileg ferð á merkar sló....

29/10/2019

Vertaferð til Rússlands

14/10/2019

Við bjóðum framhald hátíðanna en Aðfangadagskvöld og jólanótt hjá Rússum eru þann 6. janúar - á okkar Þrettánda; jóladagur er 7. janúar. Mikil vetrarhátíð er í Moskvuborg og ævintýraljómi svífur yfir vötnum, skemmtiatriði eru á strætum og torgum og ylmur jólaglöggs ....

26/05/2019

Í ferð okkar til Georgíu í október förum við til héraðsins Kakhetíu austantil í landinu. Hvað er merkast við þetta hérað?
🍇🏺🍷VÍNGERĎ. Í Kakhetíu liggur Alazanskí dalurinn með miklar vínekrur og þar eru nokkrir tugir víngerðarhúsa, þar sem bruggaðar eru um það bil 70 gerðir af vínum. Í Georgíu þykir víngerð ekki iðn og ekki heldur list, heldur telst hún til lifnaðarhátta og er ein best varðveitta hefð í landinu.Í Kakhetíu eru vínberin með stilkum og kjörnum látin gerjast í kerum í 3–4 mánuði, þá fyrst er hratið síað úr. Með þessu móti verður bragðið rammara og fyllra. Lögurinn er svo settur í keilulaga ámur, kvevri, sem hver um sig tekur 5000 lítra. Kvevrin eru svo grafin í jörðu, svo ekki stendur annað uppúr en stúturinn.
Við förum í heimsókn í víngerðarhús þar sem við verðum frædd um kúnstina við að búa til gott vín, og við fáum að bragða. Síðan snæðum við málsverð og smökkum forláta vín.
💞💘🌷SÍGNAKHI–bær ástarinnar. Tvær skýringar eru á nafngiftinni bær ástarinnar. Önnur er sú að þar er Hjónabandshöllin fagra, sem opin er allan sólarhringinn. Hér má láta pússa sig saman á nóttu sem degi.
Síðari skýringin er hjartnæmari og blandin munúð.Frægi og hæfileikaríki listamaðurinn Níko Pírosmani, sem Alla Púgatsjeva syngur um í söng sínum „Miljón skarlatsrósir“, fæddist og átti heima í Sígnakhi. Hann var örsnauður, en smám saman urðu verk hans víðfræg, hann efnaðist og keypti sér lítið hús þar sem hann stundaði list sína.
Listamaðurinn ungi kynntist frönsku leikkonunni Margréti de Serv, og stúlkan varð honum einkar hjartkær. Lista-maðurinn elskaði leikkonuna svo undurheitt að hann „seldi hús og málverk og allt sitt hafurtask, og fyrir alla peningana keypti hann haf af blómum“. Torgið fyrir framan glugga leikkonunnar þakti listamaðurinn miljón skarlatsrauðum rósum. Til allrar óhamingju deildi stúlkan ekki smekk með listamanninum, svo að hún hélt til baka til Frakklands og skildi hann eftir með brostið hjarta...Virkisveggirnir sem umkringja borgina eru þeir mestu í Georgíu, á þeim eru 28 varðturnar. Af virkisveggjunum er frábætrt útsýni yfir Alazanskí dalinn.
Nánar: www.bjarmaland.org/georgia-og-azerbaedsjan

11/05/2019

Góðan dag kæru vinir! 🤗
Við óskum öllum góðrar helgar og vonum að menn séu í frábæru skapi 😍💖

08/05/2019

🇬🇪 🇬🇪 🇬🇪 Við höldum áfra umfjöllun okkar um Georgíu, ferð okkar þangað er 5. október, enn er hægt að komast með í mikla ævintýraferð. Í dag segjum við ykkur frá borðhaldi Georgíumanna.

🍾💃 🎵Veislusiðir heimamanna eru hluti sjálfsmyndar þeirra sem hefur varðveist með þjóðinni um aldir og endurspeglar mjög „karakter“ Georgíumanna. Borðhald getur tekið 7 – 8 klst. (gestum er hlíft), ekkert kynslóðarbil er og allt milli himins og jarðar ber á góma, hluti veisluhalda eru þjóðdansar og söngvar, þar sem sem sjón er sögu ríkari.

🍽🍗🧀Matarmenningin ein er full ástæða til að fara í ferð til Georgíu 😊 eldamennska fyrir ósvikna matgæðinga. Heimamenn elska að borða vel og mikið, þar sem hinir ýmsu réttir eru framreiddir; mikið er um kjötrétti, grænmeti og brauðfæði. Borð verða að svigna undan veitingum, allt er sett á borðið en það táknar örlæti, virðingu og að ekkert sé til sparað þegar kærir gestir eru annars vegar .

🍷🍷🍷 Það mikilvægasta er VÍN en það er ekki drukkið vegna áhrifanna! Vín opnar hjörtu þátttakenda og eykur einlægni borðgesta, vín er borið fram í gler- eða leirkönnum. Aðallega drekka menn hvítvín í borðhaldinu þar sem rauðvín er erfitt að drekka í miklu magni en mikið er drukkið í grúsískum veislum.
👨‍🎓Vín hafa menn gert hér í áttaþúsund ár og er það met staðfest í heimsmetabók Guinness.

💂‍♂️ 😍 💖 Sérstakur veislustjóri, svonefndur „Tamada“ flytur skálaræður og stjórnar veislunni, yfirleitt er um húsbóndann að ræða. Hann ræður hver fær orðið og sér um að allir fái athygli og líði vel undir borðhaldinu. Skálað er fyrir öllum mögulegu en í tveimur tilfellum þarf að drekka í botn – ef skálað er fyrir almættinu eða föðurlandinu, annars er nóg að lyfta glasi og drekka nokkra dropa.

Komið með í þessa merku ferð til Georgíu og Azerbædsjans. Nánar:

https://www.bjarmaland.org/georgia-og-azerbaedsjan

29/04/2019

🇬🇪 🇬🇪 🇬🇪 Við höldum áfram frásögn okkar um löndin í Kákasusfjöllum og er Georgía til umræðu, nú menning og listir sem hafa verið Grúsíumönnum í blóð borin í aldanna rás. Við heimsækjum mikla þjóðdansasýningu eitt fyrsta kvöld okkar í höfuðborginni Tbilisi.

Söngvar þeirra og dansar eru óaðskiljanlegur hluti af menningunni.

🎼 🎶 Ì tónlist eru frægust hin margradda lög sem kórar syngja í þremur röddum en þar eru hljóðfæri ekki notuð, aðalleg er hér um að ræða karlakóra. Þessi hefð nær allt aftur til 5. aldar og er einnig tengd kristinni trú sem á sér hvað elstar rætur í Kákasusfjöllum. Árið 2001 var georgísk þjóðlagatónlist viðurkennd af UNESCO, Menningarmálastofnun SÞ, sem meistaraverk og menningararfleið á heimsminjaskrá.

💃 🕺 Það er einstök tilfinning að fylgjast með hinum glæsilegu og lostafullu þjóðdönsum sem eru mjög glæsilegir, jafnt hreyfingar sem litríkir búningar. Óaðskiljanlegur hluti karlbúningsins er silfursleginn rýtingur en hver góður dansari þarf líka að vera úrvals stríðsmaður. Allir eru velkomnir að dansa með og gefa tilfinningum lausan tauminn þar sem tilfinningar („passion“) eru miklar. Mjög samhæfðar hreyfingar þarf hjá báðum kynjum, konurnar líða um sviðið þokkafullar en karlar sýna djarfa framkomu sem minnir á hana á fengitíma, há stökk, mikið handapat og hraðar hreyfingar.

Hvert hérað í Georgíu hefur sína þjóðdansa og búninga, þar sem hin sérstaki stíll kemur vel fram, hvort dansinn er úr fjalllendinu eða af sléttum landsins.

Nánar um ferðina: https://www.bjarmaland.org/georgia-og-azerbaedsjan