Söguferðir

27/10/2024

Orka er helsti segull athafnaskálda okkar tíma. Þarf íslenska þjóðin ekki að drífa í að innleiða nýju stjórnarskána 0KKAR frá 2012; í það minnsta 33. og 34. gr. hennar um náttúru íslands og umhverfi, og náttúruauðlindir; um að orkan sé sameign þjóðarinnar. Að horfa þegjandi á að ,,fjárfestar" héðan og þaðan geti einkavætt orku þessa lands yrði okkur hvunndagsfólki sennilega afar dýrkeypt.

Af heimasíður Fjarðarorku sem vill virkja vindinn:
,,Fjarðarorka
Fjarðarorka er í fullri eigu fjárfestingsjóðsins CI ETF I, sem er tileinkaður fjárfestingum í verkefnum tengdum grænu rafeldsneyti. Sjóðnum stýrt af Copenhagen Infrastructure Partners sem hefur mikla reynslu af þáttöku í fjárfestingum og uppbyggingu grænna orkusverkefna um allan heim."

14/10/2024

Nokkuð til í þessu.

Eftir Hall Hallsson: “Bara milli mín og þín … bara milli þín og mín.“ Hjónin með síma sína upp í rúmi og rauðvín á náttborði eru grunlaus um að Stóri bróður stendur vaktina og fylgist með. Þau fletta facebook og googla; allt skráð, símtöl hleruð, samtöl sömul...

07/09/2024

Söguferðir ehf er lítið kompaní með engri yfirbyggingu. Helsti aflgjafi þess er eiginlega sjálfhverf forvitni í bland við lífsgleði og einhverja þörf fyrir að miðla þekkingu á þjóðum og samfélögum; sjá fordóma hverfa. Ferðir þurfa ekki að vera dýrar reisur um himinskaut, með flugi, rútum og/eða skipum á milli landa og heimsálfa. Þær geta líka verið fólki að kostnaðarlausu og jafnvel án þess að við þurfum að hreyfa okkur frá einum stól til annars. Þetta eru ferðir sem við förum í huganum. Fyrir 19 árum fór ég í slíkt ferðalag um heim drauma. Ég gerði þá 5 þátta röð fyrir gömlu góðu Gufuna (Rúv 1) sem ég nefndi ,,Af draumum". Í gær um fjögurleytið síðdegis var ég á leiðinni í sjóbað þegar og opnaði fyrir útvarpið á leiðinni. Kom þar inn sem þulur var að afkynna þátt og nefndi nöfn fólks sem ég þekkti stax frá þessum þætti mínum fyrir margt löngu. Í morgun hlustaði ég svo á 1. þáttinn sem mér fannst bara nokkuð góður, að minnsta kosti nógu góður svo að ég þori að láta slóðina hér fylgja.

P.s Gleymdi að geta þess að þessir þættir voru gerðir á þeim tíma sem Ríkisútvarpið var nógu burðugt til að upptaka 45 mínútna þáttar sem þessa mátti taka vel hálfan dag. Við gerð slíkra þátta eru höfundur, viðmælendur og lesarar sannarlega mikilægar forsendur skapnaðarins. Tæknimennirnir voru þó þeir sem skiptu sköpum. Þeir snillingar réðu oft úrslitum um það hvernig til tækist.

https://www.ruv.is/utvarp/dagskra/ras1/2024-09-06/5367582

16/08/2024

Fólk er þegar farið að skrá sig í Söguferð til Bútan sem við ætlum að verði haustið 2026. Framtíðar planið er að fækka ferðum en leggja þeim mun meira í þær.

02/07/2024

Góð og þörf grein sem gerir þessa stórfurðulegu frétt af erlendum sölumönnum sem bönkuðu uppá hjá fjórum ráðherrum með erindi sem virðist hafa verið leyst í kurteysisspjalli enn furðulegra.😒 Málið er ekki broslegt.

Grátbrosleg samskipti stjórnvalda við fyrirtækið Running Tide endurspegla skort á trúverðugri áætlun til að minnka losun gróðurhúsalofttegunda og ná kolefnishlutleysi.

20/06/2024

Söguferð til Kapadókíu, Ephesus og Istanbúl

Haustferð Söguferða ehf verður að þessu sinni til Tyrklands 15.-27. September 2024. Við hefjum ferð í Istanbúl en stoppum þar að þessu sinni rétt til að hvílast yfir nótt. Næsta dag er flogið til Kapadókíu hvar við dveljum í þrjár nætur og skoðum þennan undraheim náttúrulegs og manngerðs umhverfis. Höldum svo í vesturátt til Konya. Á þeirri ferð stoppum við í Çatalhöyük þar sem eru einhverjar elstu leyfar sem fundist hafa um þéttbýlissamfélag manna. Á þessari leið heimsækjum við einnig ,,sæluhús“ athafnaskálda 13. aldar, eins af mörgum gistihótelum horfinna silkikaupmanna. Síðar munum við einnig skoða eina af perlum menningar og sögu, sjálfa borgina Ephesus. Síðustu fjórar nætur ferðarinnar dveljum við svo í Istanbúl og gerum sögu borgarinnar og menningu vonandi góð skil. Í þessari ferð, líkt og í öðrum Söguferðum, er lögð áhersla á fróðleik, gleði og góð hótel.

Það eru ekki mörg laus pláss í þessa ferð og hafir þú áhuga er hyggilegt að hafa samband sem fyrst með því að senda á netfang Söguferða,- [email protected] eða í síma 611 4797.

18/06/2024

Ég hef ekki farið þessa leið áður í leit að heimild en vil nú gjarnan láta á það reyna. Á 7. og 8. áratug 20. aldar vann ég á sumrin í Pípugerð Reykjavíkur á Ártúnshöfða . Mig langar að hafa uppá einhverjum sem þar vann á þeim áratug. Helst verkamann sem vann við að steypa rör og gæti ryfjað upp vinnuferlið. Hugsanlega þekkir einhver Fésbókarvinur minn einhvern sem vann í Pípugerðinni eða þekkir einhvern sem þekkir einhvern sem þekkir einhvern..... Þætti vænt um að þessu erindi yrði deilt áfram og ef einhver þekkir mann sem... mætti sá hinn sami gjarnan slá á þráðinn til mín í síma 611 4797

Með fyrirfram þökk
Þorleifur Friðriksson

25/05/2024

Ítrekun!

23/05/2024

Haustferð Söguferða ehf verður að þessu sinni til Tyrklands 15.-27. september. Við hefjum ferð í Istanbúl en stoppum þar að þessu sinni rétt til að hvílast yfir nótt. Næsta dag er flogið til Kapadókíu hvar við dveljum í þrjár nætur og skoðum þennan undraheim náttúrulegs og manngerðs umhverfis. Höldum svo í vesturátt til Konya. Á þeirri ferð stoppum við í Çatalhöyük þar sem eru einhverjar elstu leyfar sem fundist hafa um þéttbýlissamfélag manna. Á þessari leið heimsækjum við einnig ,,sæluhús“ athafnaskálda 13. aldar, eins af mörgum gistihótelum horfinna silkikaupmanna.
Síðar munum við einnig skoða eina af perlum menningar og sögu, sjálfa borgina Ephesus. Síðustu fjórar nætur ferðarinnar dveljum við svo í Istanbúl og gerum sögu borgarinnar og menningu vonandi góð skil. Í þessari ferð, líkt og í öðrum Söguferðum, er lögð áhersla á fróðleik, gleði og góð hótel. Það eru ekki mörg laus pláss í þessa ferð og hafir þú áhuga er hyggilegt að hafa samband sem fyrst með því að senda á netfang Söguferða,- [email protected] eða í síma 611 4797.