Útivist

20/02/2025

15. febrúar gengu 24 útivistarfélagar 2. leggin af 10 í raðgöngunni okkar "Að heiman og heim". Gengið var frá Rauðhólum á litlu kaffistofuna. Næsti leggur verður 15. mars. Sjáumst þá 🥳

12/02/2025

🚙Verið velkomin á kynningu á jeppadeild Útivistar á Landrover og jeppahittingi í Ægi 220. Allir velkomnir, jafnvel þó þeir eigi ekki Landrover 😉 20. febrúar kl. 20:00 á Strandgötu 90 í Hafnarfirði

11/02/2025

20/01/2025

🔥Við minnum á að enþá er hægt að fá alla leggina á 50% afslætti. Það er því enþá mun ódýrara þótt búið séð að ganga fyrsta legginn. Leggur 2 verður farin 15. febrúar. https://www.utivist.is/ferdir-og-dagskra/dagsferdir/vidburdur/6651/ad-heiman-og-heim-allar-ferdirnar

18 janúar hófst raðgangan "að heiman og heim" með Útivist sem samanstendur af 10 leggjum. Gangan hófst við Katrínartún 4 og við endum í Básum í júní. Það voru 25 vaskir göngumenn sem lögðu af stað frá Katínartúni.

Gengið í austur eftir Hátúni farið yfir Kringlumýrarbraut á göngubrú þaðan að Laugarneskirkju. Þá eftir kirkjuteig yfir Reykjaveg, norður fyrir Laugardalslaug þar beygt til suðurs hjá tjald stæðinu í Laugardal, upp Laugardalinn og framhjá þvottalaugunum og kaffi Flóru. Síðan eftir Engjavegi í austur, inn Gnoðavog að Langholtsvegi því næst í suður yfir göngubrú á Miklubraut. Gengið í austur undir Reykjanesbraut og upp Elliðadal sunnan megin við Elliðá. Efst í Elliðadal var farið yfir nýju göngubrúna á Elliðá. Farið undir Breiðholtsbraut gengið í suður yfir brú á Bugðu. Næst gengið eftir Rauðhólum að bílaplaninu. Gengnir 14 km.

05/01/2025

Myndir úr áramótaferð Útivistar í Bása. Klikkið á linkinn

Við vorum 27 sem eyddum áramótunum í Básum. Lögðum af stað 29.des og vorum við 8 tíma á leiðinni inn eftir því árnar og færðin tafði okkur. Áttum svo yndislega daga í Básum þar sem kyngdi niður snjó og allt var eins og í ævintýralandi. Fólk fór ýmist í göngur eða á ...

04/01/2025

Ármótaferð Útivistar 2024

Að morgni sunnudagsins 29. desember sl. hélt 27 manna hópur af stað í Bása á Goðalandi þar sem nýju ári var fagnað undir stjörnubjörtum himni og fallegum norðurljósum.

Að vanda var það Birgir Pálsson sem ók hópnum á afangastað, færðin reyndist verulega erfið og tók ferðin því að sama skapi langan tíma. Samtakamáttur farþega var mikill, ósérhlífni og dugnaður þeirra skipti sköpum í að koma rútunni yfir hinar ýmsu hindranir. Járnkarlar voru notaðir til að losa um grjót sem farþegar báru síðan í hjólför bílsins. Snjó var mokað með bæði skóflum, drullusokk sem datt af rútunni og með vettlinga klæddum höndum án verkfæra.

Gaman er að segja frá því að 77 ár skildu á milli yngsta og elsta farþegans, en þrír ungir drengir voru með í för, allir hörkuduglegir og áhugsamir um músaveiðar og bústinn rebba sem heldur sig í nágrenni skálans.

Skíðafæri var gott enda nægur snjór sem gerði gangandi fólki frekar erfitt fyrir. Skíðað var fyrri daginn inn í Þverárgil og síðari daginn ögn lengra að Hestagötum. Göngufólk fór m. a. að Álfakirkju og upp í Básaskarð.

Farþegar sameinuðust í blysgöngu þann 30. desember og síðan var brenna á gamlárskvöld með söng og nokkrum flugveldum.

Matur er manns gaman og því góður matur á borðum þessa daga sem dvalið var í Básum. Í þetta skiptið sáu farstjórar um innkaup og skipulag á sameiginlegum máltíðum alla dagana. Á gamalárkvöld lauk hátíðar kvöldverði að vanda með möndlugjöf.

Óhætt er að fullyrða að veður Guðirnir voru okkur hliðhollir; fallegt og stillt vetrar veður, snjór og frost, stjörnubjart með norðurljósum sem erfitt er að lýsa.

Heim var haldið um kl. 11:00 á nýjársdag og tók heimferðin rúmar níu klukkustundir.

Guðrún Frímannsdóttir,
Guðrún Hreinsdóttir,
Fararstjórar

31/12/2024

Áramótakveðja úr Básum - Gleðilegt ár 🥳

24/12/2024

🎅Hátíðarkveðjur frá Útivist og gleðilegt nýtt ferða ár.

20/12/2024

Ferðablað Útivistar fyrir árið 2025 er komið út. Það má lesa á rafrænu formi á slóðinni:
https://issuu.com/ritform/docs/utivist_2025_umbrot_lr?fr=sNTY2MTY3Nzc3OTA

Í blaðinu er að finna ýmsar upplýsingar um ferðir og starfsemi félagsins. Á vef Útivistar er jafnframt hægt að sjá nánari lýsingar á ferðum og ganga frá bókun.
Blaðið mun berast félögum í pósti upp úr áramótum.

09/12/2024

Við erum komin á Tiktok!🔥 https://www.tiktok.com/ og ekki gleyma að fylgja okkur á Instagram líka https://www.instagram.com/ferdafelagutivist/

1 Followers, 1 Following, 6 Likes - Watch awesome short videos created by Ferðafélgið Útivist

04/11/2024

🎁Skráning í aðventuferðina í Bása er í fullum gangi. Hér má sjá myndir úr ferðinni síðan í fyrra. Áhugasamir geta skráð sig á Útivist.

Explore this photo album by Guðrún Hreins on Flickr!