ARKÍS arkitektar

24/01/2025

https://hafnarfjordur.is/ashamar-verdur-19-leikskoli-hafnarfjardar-fyrir-120-born/?fbclid=IwZXh0bgNhZW0CMTEAAR351lPsRXRZpfn2oxPpByeGD08Ooojyvv-nQ96kDH_EQCbHI92rJ1g8GA4_aem_7D0d_HGIgdls9cx5XU3fOQ

Hafnarfjarðarbær og Framtíðar fólk ehf. hafa undirritað þjónustusamning um rekstur leikskólans Áshamars í Hafnarfirði. Hann verður 19. leikskólinn í bæjarfélaginu.

22/11/2024

Silfursmári 2 er fjölnota bygging þar sem jarðhæðin hýsir verslunarhúsnæði, en ofan hennar rísa 13 íbúðahæðir með samtals 73 íbúðum.
Byggingin er hluti af heildstæðri randbyggð sem liggur meðfram Silfursmára og Sunnusmára og tengist beint við sameiginlegan bílakjallara, sem tryggir skilvirka bílastæðalausn og samnýtingu innviða.

Hönnun hússins er áhugaverð með óreglulegri ásýnd þar sem byggingarhlutar snúast um miðlægan lóðréttan ás, sem skapar fjölbreytni í sjónarhornum. Jarðhæðin liggur samhliða götu fyrir samhengi við borgarumhverfið, miðhlutinn tekur stefnu í átt að Keili, og efri hlutinn snýr í átt að Snæfellsjökli, sem gefur byggingunni kraftmikla tengingu við umlykjandi náttúrufegurð. Á efstu hæðinni er sérlega glæsileg íbúð með 270 gráðu útsýni sem fangar stórbrotið landslag í allar áttir.

Lóðin býður upp á sérafnotareiti fyrir íbúðir á annarri hæð, 81 bílastæði, og sameiginlegt útisvæði sem stuðlar að samfélagslegri upplifun.

30/10/2024

Við erum stolt af því að tilheyra flokki framúrskarandi fyrirtækja tíunda árið í röð hjá Creditinfo, en aðeins 2% íslenskra fyrirtækja komust á listann í ár.

ARKÍS er einnig á lista Viðskiptablaðsins og Keldunnar yfir Fyrirmyndarfyrirtæki í rekstri. ARKÍS hefur verið á þeim lista samfellt frá árinu 2017, en einungis 2,9% fyrirtækja á Íslandi ná að þessu sinni inn á þann lista.

Til þess að komast á þessa lista þurfa fyrirtæki að uppfylla ströng skilyrði sem snúa að rekstri og afkomu síðustu ára. Það er því einstaklega ánægjulegt að vera í úrvalshóp sterkra fyrirtækja enn eitt árið. Árangurinn þökkum við góðu starfsfólki og traustum viðskiptavinum. En viðurkenningin er okkur hvatning til að halda áfram með stöðugum umbótum sem tryggja enn frekari gæði og fagmennsku í okkar starfsemi.

27/06/2024

Vatnshellishús er þjónustuhús við Vatnshelli á Snæfellsnesi byggt árið 2018.

Húsið er um 33 fermetrar auk yfirbyggðs palls og þjónar sem móttöku -og upplýsingamiðstöð um náttúru Vatnshelli og Snæfellsþjóðgarðs.

Húsið er timburhús, klætt með lerki borðum með gróðurþaki úr lyngþökum. Við húsið er ný aðkoma og bílastæði hönnuð af

Við hvetjum alla til þess að kíkja við í sumar og kanna þetta fallega svæði.

18/04/2024

Innanhúshönnun fyrir félag vélstjóra og málmtæknimanna. Innra skipulag rýmisins var endurhannað þar sem áhersla var lögð á betra flæði og góð sameiginleg rými.

Litapalletta félagsins var innblástur á efnis -og litavali í rýminu. Notast var við dökkbæsaða eik til þess að draga fram hlýju á móti bláa litnum. Hannaðar voru gluggafilmur á glerveggi sem veita næði í skrifstofurými og fundarherbergi.

12/04/2024

Architizer setur upp árlegan lista og er gaman að sjá að Arkís situr þar á toppnum þetta árið.

Iceland is famous for its rugged landscapes, and the country's architects are pioneering new ways for buildings to relate to this environment.

04/04/2024

Fangelsið á Hólmsheiði hóf starfsemi sína árið 2016. Byggingin er klædd viðhaldsfrírri málmklæðingu sem fellur vel að náttúrulegum litum Hólmsheiðar. Hluti byggingarinnar er með sjónsteypuyfirborð, eins og innigarðar og afmarkaðir veggfletir á útisvæðum. Við útfærslu fangelsisins var horft sérstaklega til reynslu nágrannaþjóða okkar hvað varðar fyrirkomulag, stærðir fangaklefa og fangadeilda.

Fangelsið hýsir þrenns konar deildir: gæsluvarðhaldsdeild, kvennadeild, móttöku- og skammtímadeild. Alls er um 56 fangaklefar, allir með eigin snyrtingu og sturtu en klefarnir eru skiptir upp í 4-8 klefa íbúðaeiningar. Hver íbúðaeining er með sameiginlegu eldhúsi og þvottahúsi þar sem fangar elda og þvo sjálfir. Útivistagarðar eru einnig við hverja íbúðareiningu, auk þess að hægt er að nota innigarða til útivistar.

Fangelsið er BREEAM vottað og fellur vel að öllum 10 meginreglum Nordic Built sáttmála. En byggingin var valin eitt af 30 fyrirmyndaverkefna Nordic Built. Með þeirri hugmyndafræði að skapa umhverfi þar sem leitast er við að auka lífsgæði, nýta sjálfbærar lausnir með staðbundnum auðlindum og byggja á norrænni hönnunarhefð eins og hún gerist best.

Listaverkum eftir Önnu Hallin og Olgu S. Bergmann var fræst á nokkra sjónsteypta veggi en þetta eru teikningar af flugmynstri fugla sem sækja þessar lendur. Hönnun fangelsisins var tilnefnd til Mies van der Rohe verðlaunanna í byggingalist.

Myndir: Hreinn
Landslagsarkitekt: Landhönnun slf.
Samstarf: Verkís Verkfræðistofa
Samstarf: Mannvit

08/03/2024

Skaftárstofa opnaði nýlega í Vatnajökulsþjóðgarði á Kirkjubæjarklaustri. Byggingin er starfsstöð Vatnajökulsþjóðgarðs á vestursvæði garðsins með aðstöðu á aðalhæð fyrir upplýsingagjöf, sýningarhald, verslun, kaffihús, skrifstofu-og starfsmannaaðstöðu.

Byggingin er 1 hæðar bygging með kjallara undir hluta hennar. Hún er hönnuð þannig að hún falli vel að og inn í landið og verði hluti af hólóttu landslagi lóðarinnar við Sönghól. Þak byggingarinnar er lagt með úthagatorfi af lóðinni. Hægt er að ganga uppá þak byggingarinnar og horfa yfir Kirkjubæjarklaustur, Landbrotið, Systrastapa, Skaftá, Síðuna, Núpana og yfir á Öræfajökul og ná þannig sjónrænni tengingu við þjóðgarðinn.

Aðal aðkoma akandi er frá þjóðvegi 1, einnig er gert ráð fyrir góðri tengingu við þorpið um núverandi göngu- og hjólastíga og til framtíðar um göngubrú yfir Skaftá, ásamt aðlægu náttúru- og útivistarsvæðum.

Framkvæmdir á Skaftárstofu hófust í júní 2020, framkvæmdum við bygginguna lauk með lagningu hornsteins í október 2023.

Húsið er BREEAM umhverfisvottað.

22/02/2024

Villa Lola er íbúðarhús staðsett í Vaðlabrekku gegnt Akureyri. Það samanstendur af þremur íbúðum með fallegu útsýni yfir fjörðinn. Hönnun hússins er innblásin af fjallarskarði í Eyjarfirði og samanstendur af þremur einingum sem vísa upp til himins og mynda nokkurskonar dali á milli þakeininganna. Stórir gluggar tengja íbúa við stórbrotið landslag umhverfis bygginguna.

Náið samstarf arkitekts og viðskiptavinar endurspeglast í hönnun hússins þar sem efnisnotkun, sjálfbærar lausnir og góð nýting á rýmum var í fararbroddi. Hver íbúð er með stóran stofuglugga sem snýr að firðinum, eldhús, baðherbergi og svefnloft.

Við byggingu hússins var mikil áhersla lögð á að vernda svæðið og er húsið því umlukið ósnortinni náttúru sem er síbreytileg eftir árstíðum. Húsið er klætt lerkivið og því er lítil þörf á viðhaldi.

08/02/2024

Vegna aukinna verkefna leitum við að arkitektum og byggingafræðingum til þess að verða hluti af þverfaglegu teymi ARKÍS arkitekta.

Framundan eru mörg spennandi verkefni jafnt á Íslandi sem erlendis og því um skemmtileg og gefandi atvinnutækifæri að ræða.

Við leitum að starfsmönnum með nokkurra ára reynslu og gott vald á flestum þáttum arkitektahönnunar. Rík áhersla er lögð á frumkvæði og sjálfstæð vinnubrögð en jafnframt áhersla á að geta unnið vel í teymi. Þá er góð reynsla af Revit mikill kostur.

Umsóknum skal skilað til ARKÍS arkitekta ehf. með tölvupósti á [email protected]. Farið verður með umsóknir sem trúnaðarmál.

Umsóknir skulu berast fyrir 19.febrúar.
Umsækjendur þurfa að geta hafið störf sem fyrst.

25/10/2023

Enn eitt árið eru ARKÍS arkitektar meðal 2% íslenskra fyrirtækja sem teljast til Framúrskarandi fyrirtækja.
ARKÍS arkitektar hefur verið Framúrskarandi fyrirtæki frá árinu 2015 og við stefnum á að halda því áfram 🙂

26/09/2023

Teymi ARKÍS arkitekta, Landslags og Mannvits á eina þeirra 5 tillagna sem valdar voru til frekari útfærslu í samkeppni um þróun Keldnalands.
Alls bárust 36 tillögur í fyrra þrepi samkeppninnar og erum við afar stolt af okkar framlagi.
Við óskum okkar sænsku kollegum til hamingju með sigurinn og erum spennt að sjá Keldnaland þróast.

Nýtt hverfi sem áætlað er að rísi að Keldum við Grafarvog mun verða grænt, fjölbreytt og þétt. Hverfið er hannað út frá tilkomu Borgarlínu og byggir á vistvænum samgöngum. Verðlaunaafhending hönnunarsamkeppninnar fór fram í Ráðhúsi Reykjavíkur í dag.