31/08/2024
U immirutu n' menzu a via u so' immu un su talia.
E quannu iu mi mittia tutta n' tiru
a me' patri un ci piacia e mi dicia
"Pari na cincucentu truccata.
Quant'è bello ca pi comu ti viu u cori
ti viu a facci.
Mmeci cu tuttu stu stuccu
mi veni mali puru a salutariti."
Me matri allura ca u stuccu
l ' avia macari idda
lu nasu arricciava.
A li me soru ca arririanu
me patri li taliava e ci dicia
" U immirutu n' menzu a via
u so immu un su talia "
picchi idde eranu cuminati peggiu ri mia.
Allura na tutta na risata a storia finia.
Ora ca me patri un c'è chiù
mi vennu sempri in menti i so' paroli
ca mi servinu pi nsignamentu .
E iu mi taliu sempri u me' immu.
Ma quanti immiruti pi la via
ca u so' immu un su talianu ?
E chiossai caminanu
chiossai un si lu talianu
chiossai sbaglianu.
Scritto da Rosanna Badalamenti
