Sandalia.
Ichnusa.
Un'umbra ses de pedes
In su mare de mesu.
Comente una catzola
iscapiada.
Dae su pe' suo.
Est unu logu 'e incantu.
Cust'ungrone de mundu.
Immesu de su mare antigu.
Isula de turres ciclopicas
de predas.
E de losas
de omines gigantes.
Isula de camposantos
de brussas malas e bonas
Sas Janas.
Est un Isula firma.
Cussa.
Apposentada.
Tostoine.
Tosta comente
I' figios suos.
Figios de Sardo.
Arentzia antiga de Hospitone.
Sas muntagnas
sunt betzas.
Sunti inie, acuìladas
cun delicadesa.
Vunti savias
comente su tempus.
Longu.
Comente su figiu suo.
Fieru.
Sas codulas sunt irdes
e a colore de chelu.
Comente sos ogos
de sa gente.
Sas costas
artas e crapias.
Bruncos fortes.
Comente sos bratzos.
Gherradores.
Chi dda traballan.
A bortas sunt
montigos de arena durtzes.
Comente sa durtzura
de s'iscurigadorgiu.
De cussos errisos
de i' feminas.
Seddas e montes
tenes.
Aintro 'e su sinu.
Sunti pranos
de granitu, basaltu e calcare.
Savias , muntagnas,
fortes , balentes e protettoras.
E ghiadoras de bene.
E sa boghe sua?
Isula.
Cussa...
Est s'alidu
sighidore de Eolo.
De su entu
tuo de Mistral.
Massimiliano Rosa
Grazie a Ivan Masala e Roberta Marcis
Histoire de votre entreprise
Notre mission Promuovere il Sulcis e Iglesias in Sardegna
La spiaggia di Sa Punta.... Primi bagni in un acqua a 21gradi
Sa punta S'arena Janvier 2015
