Sightseeing World, Phnom Penh (2024)

22/03/2024

Fresh Air !!!
Cambodia 🇰🇭 Kirirom

04/01/2023

ទីកន្លែងដែលគ្រប់គ្នាចាប់ទុកជាឋានសួគ៍លើដី !!!

ANGKOR WAT TEMPLE - Cambodia
Photo : Sightseeing World

25/08/2022

សូមចែករំលែក ដំណើរគ្មានគោលដៅរបស់ពួកខ្ញុំ នៅក្នុងបាំងកកតិច វាអត់មានអីពិសេសទេ តែកន្លែងមួយចំនួនវាទើបបង្កើតឡើងថ្មី ហើយជាកន្លែងដែលកំពុងពេញនិយមរបស់អ្នកចូលចិត្តថតរូប មានដូចជា រូបសំណាក់ព្រះពុទ្ធធំ Starbucks Davis និង Davin cafe វាសុទ្ធសឹងជា photo spot របស់យុវវយ័ក្នុងបាំងកកនាពេលបច្ចុប្បន្ន ។
បាំងកកសម្រាប់ពួកយើងជាកន្លែងគេចខ្លួនពីការងារ មិនមែនជាកន្លែងគេចខ្លួនពីផ្សែងពុលនោះទេ 😂😂😂!!!
ភ្ជុំបិណ្ឌឆ្នាំនឹងទៅណាដែល ?

ឆែកលើរូបមួយៗ មាន description តិចតួចជាtips

Sightseeingworld_2022

Admins : Visal Karet / Theanea Amnath

10/07/2022

DAVIN CAFE- ហាងកាហ្វេបែបវប្បធម៌រ៉ូមាំង

អាចនិយាយបានថាជាវា Photospot ថ្មីរបស់អ្នកបាំងកកដែលចូលចិត្តថតរូប ។ ស្ថិតនៅក្នុងតំបន់ Raminthra express area ឆ្ងាយពីកណ្ដាលក្រុងបាំងកកគួរសម តែវាជាកន្លែងថ្មីដែលក្រុមអ្នកអួតឡាន និង ម៉ូតូទំនើបៗក្នុងបាំងកកទៅប្រជុំគ្នានៅទីនោះក្នុងអំឡុងពេលបច្ចុប្បន្ន ។
ការតុបតែងអគារទាំងក្នុងនិងក្រៅធ្វើឡើងបែបសិល្បះ ក្រិក និង រ៉ូមាំង ធំទូលាយ មិនស្មុគ្រស្មាញ ជាមួយសេវាកម្មកាហ្វេ និង cocktail រហូតដល់យប់ ។
នៅខាងក្នុងយើងអាចគយគន់រូបសំណាកបែប N**e ( ធំនិងតូច) អមដោយចម្រៀងព្រមទាំងរសជាតិកាហ្វេខុសប្លែកពីគេ ។

Note :
Taxi from silom to Davin : 600bath
Beverage start from : 250bath
Operation hour : 10:00am to 10:00pm

Location : https://goo.gl/maps/5pKzuyPBMpt5UEzy

Sightseeing World 2022
Content by Admin : Visal Karet

22/04/2022

ជាហាងកាហ្វេក៏ជាកន្លែងបង្អួតពីfashion !!!!

Brand Starbucks បានល្បីជុំវិញពិភពលោកមិនមែនដោយសាររសជាតិកាហ្វេឈ្ងុយឆ្ងាញ់ជាងគេនោះទេ គឺដោយសារវាជាទីកន្លែងដែលមនុស្សគ្រប់គ្នាងាយស្រួលធ្វើការទំនាក់ទំនងណាត់ជួបដើម្បីពិភាក្សារពីកិច្ចការៀងខ្លួន ព្រោះទីតាំងStarbucks និមួយៗ អាចនិយាយបានថាល្អឥតខ្ចោះតែម្ដង ។
5ឆ្នាំចុងក្រោយ ហាង Starbucks ចេញមកជំនាន់កាន់តែធ្វើអោយកាន់តែទាក់ទាញចិត្តអ្នកដែលចូលចិត្តធ្វើការនៅហាងកាហ្វេកាន់តែខ្លាំង ព្រោះវាបានធ្វើការបញ្ចូលវប្បធម៌តាមតំបន់អោយកាន់តែមានភាពទាក់ទាញ រួមជាមួយរសជាតិកាហ្វេប្លែកៗជាច្រើនទៀត ។

ត្រលប់ទៅStarbucks ថ្មីមួយនេះវិញ បានចេញរូបរាង្គក្នុងសមយ័កូវីដ នៅក្នុងក្រុងបាំងកក បានបង្អួតពីរូបភាពអគារយ៉ាងទាក់ទាញ និងកំពុងល្បីទូទាំងអាស៊ានតែម្ដង ។
យុវវយ័ ជាពិសេសអ្នកលេងfashion នៅទីក្រុងបាំងកក បានសម្រុកទៅផ្ដិតយករូបភាពអនុស្សវរីយ៍រៀងៗខ្លួន ។

បានទៅលេងបាំងកក កុំរំលងStarbucks មួយនេះអោយសោះណា៎ !!!

បញ្ជាក់ :

Starbucks មួយនេះមិនទទួលយកសាច់ប្រាក់នោះទេ គឺប្រើតែ QR code និង credit card ដើម្បីធ្វើការOrder តែប៉ុននោះ ។

15/04/2022

4 រូបភាពត្រឹមរយះពេល30នាទី ដែលប្រាសាទអង្គរវត្តបានទាញបេះដូងគ្រប់គ្នានាពេលព្រឹកព្រលឹម !!!

26/02/2022

សេវាកម្ម LUXURY ប៉ុន្តែតម្លៃធម្មតា !!!

Heritage Suites Hotel វាស្ថិតនៅក្នុងតារាងចំណាត់ថ្នាក់Luxury Resort ប្រចាំខេត្រសៀមរាបមួយរបស់វេបសាយវាយតម្លៃសេវាកម្មសណ្ឋាគារប្រណិតជុំវិញពិភពលោក ។ ទីតាំងស្ថិតនៅទីប្រជុំជន ត្រឹម 2គីឡូពីPubstreet ងាយស្រួលរក និង ធ្វើដំណើរទៅមកកន្លែងកំសាន្តផ្សេងៗនៅក្នុងខេត្រ ។

សណ្ឋាគារ រឺ Resort មួយនេះមានរចនាបថបញ្ចូលគ្នាច្រើនរវាងសិល្បះសមយ័និងបុរាណ ដែលផ្ដល់អារម្មណ៍អោយអ្នកស្នាក់នៅកាន់តែយល់ច្បាស់ពីសិល្បះឆ្នៃប្រឌិតមួយបែបផ្សេងទៀត ។
ថ្វីត្បិតស្ថិតនៅកណ្ដាលក្រុង ប៉ុន្តែភាពស្ងប់ស្ងាត់និងការរៀបចំរបស់វាធ្វើអោយអ្នកដែលមិនចង់មានការរំខានអាចគេចខ្លួនពីផ្សែងពុលទីក្រុងបានយ៉ាងងាយ ជាមួយនឹងធម្មជាតិពណ៍បៃតងដែលរៀបចំក្នុង Resort ។

ពួកយើងពិតជាពេញចិត្តនូវអ្វីដែល Heritage Suites Hotel រៀបចំអោយភ្ញៀវ មិនថាអ្នកជាអ្នកណា មានកេរ្ត៍ឈ្មោះក្នុងសង្គម រឺ ក៏ជាជនធម្មតា អ្នកទិញសេវាកម្មក្នុងតម្លៃពេញ រឺ ក៏តម្លៃពិសេស ក៏ការយកចិត្តទុកដាក់ក្នុងការផ្ដល់សេវាកម្មមិនធ្លាក់ទឹកដៃនោះដែល ។

***ចំណុចពិសេស
គ្រប់ Suites ទាំងអស់មានអាងទឹកឯកជន ការបែងចែកបន្ទប់គេង និង Living Room ពិសេសនោះ នៅក្នុងបន្ទប់មានបន្ទប់សូណាថែមទៀតផង ។
ខុសប្លែកតែប្រភេទបន្ទប់ Red Puppy ដែលយើងយកមកបង្ហាញ ដែលជា Suite តែមួយគត់ក្នុង Resort បន្ថែមជូននូវ whirlpool bath និង Mini Garden ធ្វើអោយអ្នកកាន់តែមានអារម្មណ៍ Comfortable ពេលដែលស្នាក់នៅ និង មិនចង់ចាកចេញពី បន្ទប់ ។

Breakfast ( សួរ Service »»» ខ្ញុំភ្លេចឈ្មោះគាត់ហើយ ប៉ុន្តែបើគាត់ Recommend អ្វី ញាំតាមគាត់ទៅ ព្រោះគាត់យល់ច្បាស់ថាគ្រឿងផ្សំដែលយកមកធ្វើជូនអ្នកនៅថ្ងៃនេះ អាចចេញរសជាតិមកឆ្ងាញ់រឺក៏អត់ សម្រាប់ថ្ងៃនេះ ) ។

*** RATE

EWW service ប្រាប់យើងថា Rate ជាទូទៅ 4XX$++ ក្នុងមួយយប់ សម្រាប់ Hight season ( Red Puppy ) និង suite ធម្មតា 2XX$ ។ ប៉ុន្តែទំនាក់ទំនងទៅHotel ផ្ទាល់ សាកសួរតម្លៃពិសេសដែល Resort ផ្ដល់ជូន ជឿថាលោកអ្នកពិតជាភ្ញាក់ផ្អើល ។
ធានាតម្លៃពិសសេ 🤩🤩🤩 096 629 2229

29/11/2021

រចនាបទថ្មីបង្កប់អត្ថនយ័ដឹងគុណចំពោះក្ដីស្រលាញ់ សាកសមចំពោះអ្នកគ្រប់គ្នា!!!

យើងបានចំណាយពេល2យប់ជាមួយ Anantara Angkor Resort ដែលជា Franchise luxury hotel មួយក្នុងចំណោមផ្សេងទៀតលើពិភពលោក នៃMinor Group ។
Resort មួយនេះមិនផ្ដល់នៅ View ស្រលះភ្នែកដូច Zannier hotel phum baitong នោះទេ រីឯសំណង់អគារ ក៏គ្មានប្រវត្តិទាក់ទងនឹងសមយ័កាលផ្សេងៗនៃកម្ពុជាដូច AMANSARA ដែល ។ ប៉ុន្តែវាបានផ្ដល់អោយយើងនូវអារម្មណ៍មួយដែលយើងហ៊ានអះអាងថា វាពិបាកនឹងរកចំពោះ Resort នៅក្នុងខេត្រសៀមរាបផ្សេងទៀតនោះគឺ “ ក្ដីស្រលាញ់ និង អនុស្សាវរីយ៍ “ ។ គោលបំណង់ធំបំផុតក្នុងការបង្កើតអគារនេះឡើងមក គឺជាកាដូរជូនទៅភរិយារបស់អ្នកមានមុខមាត់ម្នាក់ ក្នុងឱកាសខួបអាពាហ៍ពិពាហ៍ ដែលភរិយារបស់បានចំណាយទឹកចិត្តមិនគិតពីសុខភាពខ្លួនអែងដើម្បីថែរក្សាគ្រួសារ ។ ហើយគាត់ក៏ចង់អោយភរិយាគាត់មានពេលគ្រប់គ្រាន់ក្នុងការសម្រាកកំសាន្តលើទឹកដីអច្ឆរិយមួយនេះផងដែរ ។រឿងរ៉ាវមិនវែងឆ្ងាយ តែអត្ថនយ័ធ្ងន់ដូចនេះហើយ ទើបមានគូរស្នេហ៍តារាល្បីជាច្រើនដូចជា ឱកសុគន្ធកញ្ញា គង់ចាន់ស្រីមុំ និង ផ្សេងទៀត តែងតែទៅធ្វើខួបអាពាហ៍ពិពាហ៍រឺបង្កើតពេលវេលាផ្អែមល្ហែមជាមួយគ្រួសារនៅទីនោះ ។

ខ្លីៗពី Anantara Angkor Resort !!!

1/ ជាប្រភេទ Resort 5 stars ដែលទទួលភ្ញៀវភាគច្រើនជា
អ្នកស្វែងរកកន្លែងស្នាក់នៅផ្ដល់នូវសេវាកម្មផ្កាយប្រាំយកចិត្តទុកដាក់យ៉ាងពិតប្រាកដ ជាពិសេសគឺសម្រាប់អ្នកដែលស្វែងរកកន្លែង HONEY MOON ។
2/ តម្លៃចាប់ពី 120$ ឡើងទៅដល់ 800$ តាមប្រភេទបន្ទប់និង តាមរដូវកាល ។
3/ បន្ទប់ពិសេសជាងគេ គឺ Henri mouhot និង Anantara Explore ដែលមានតម្លៃចាប់ពី 500$ឡើងទៅ មានអាងទឹកឯកជន ព្រមទាំង ប្រើប្រាស់សូត្រ ម៉ាក Jim Thompson មករៀបចំដេគ័រ ។
4/ Environment របស់ Anantara រីស៊តនេះប្រើប្រាស់រចនាបថខ្មែរតាមប្រាសាទ យកមកឆ្នៃចេញជាបែបទំនើបកម្ម បានផ្ដល់អារម្មណ៍មួយបែបផ្សេង ធ្វើអោយស្នាក់នៅហាក់ដូចជាស្រពិចស្រពិលថាខ្លួនកំពុងនៅទីណាអោយប្រាកដូចជាបាលី ឆៀងម៉ៃ រឺ សៀមរាប... វាហាក់ដូចជារបស់មួយដែលយើងធ្លាប់ឃើញប៉ុន្តែមិនដែលធ្លាប់ស្គាល់ ។ 😂😂😂

-----
បន្ថែម :
*** ដំណឹងមិនផ្លូវការណ៍បាននិយាយថា ខេត្រសៀមរាបបានត្រៀមខ្លួនរួចជាស្រេចសម្រាប់ចុងឆ្នាំ ប្រសិនបើអ្នកមានគម្រោងឆ្លងឆ្នាំនៅទីនោះ អ្នកគួរតែកុំរំលង Anantara ជាមួយតម្លៃពិសេសដែលរីស៊តបានត្រៀមទុក ។
Call ទៅ booking ឥលូវនេះ 015 678 963!!!
*** បើអ្នកជាគូរស្នេហ៍សូមកុំភ្លេច DINNER BY DESIGN ដែលជាសេវាកម្មរីស៊តមាន... ព្រោះអនុស្សវរីយ៍ពេលវេលាដែលអ្នកបានឆ្លងកាត់ជាមួយគ្នា វាពិតជាល្អក្នុងការរំលឹកឡើងវិញនៅទីកន្លែងដែល Romantic ដូច Anantara Angkor Resort ។

23/10/2021

តំបន់អេកូទេសចរណ៍និងតំបន់អភិរក្សធម្មជាតិមួយចំនួន ក្នុងខេត្រមណ្ឌលគិរី វាបានផ្ដល់បទពិសោធន៍ថ្មីមួយដល់ពួកយើង ។
បន្ទាប់ពីបានរុកព្រៃកម្រិតដំបូងបែបស្រាលៗរួចមក ខ្ញុំយល់ថា ខ្ញុំមិនចាំបាច់ស្រមៃទៅបោះតង់លើភ្នំ កណ្ដាលព្រៃអីទេ ហើយក៏សូមសរសើរដល់អ្នកដែលស្រលាញ់ដំណើរកំសាន្តដែលអាចជំនះឡើងកំពូលភ្នំបោះតង់ និង កន្លែងធម្មជាតិផ្សេងទៀតបានដោយជោគជយ័ ។
ខ្ញុំលើកទឹកចិត្តអោយអ្នកជំនះទៅគ្រប់ទីកន្លែងដែលអ្នកចង់ទៅ !!!
***មណ្ឌលគិរី 2យប់ 3ថ្ងៃ
— MUNDOLKIRI PROJECT ELEPHANT
SANCTUARY
— សួនសត្វមយូរ៉ា
— ភូមិពូតាំង

14/09/2021

ចំណុចពិសេសជាងគេដែលគេស្គាល់ថាយើងជាខ្មែរ គឺប្រាសាទបុរាណទាំងនេះហើយ ។ អញ្ចឹងបើបានទៅសៀមរាប ព្រះវិហារ ខេត្ររឺតំបន់ណាដែលមានប្រាសាទបុរាណ សូមជួយចូលរួមចែករំលែកទាំងអស់គ្នា ។

2020-2021 សៀមរាប ព្រះវិហារ កំពង់ធំ !!!!

©SIGHTSEEING WORLD 🌍❤️🐝

08/05/2021

ចូលរួមថែរក្សារធម្មជាតិ ធម្មជាតិនឹងថែរក្សារយើងវិញដូចគ្នា!!!

ស៊ិនតាម៉ានីវ៉ាល ( Bensley Collection -Shintamani Wild ) កំណប់ទ្រព្យនៃសេចក្ដីសុខ ស្ថិតក្នុងតំបន់ព្រៃសហគមន៍របស់កម្ពុជា បានផ្ដល់ក្ដីសុខក្នុងថ្ងៃឈប់សម្រាកដែលធ្វើអោយយើងបំភ្លេចមិនបាន ។

ទីតាំង : តំបន់ថ្មរូង ខេត្រព្រះសីហនុ ប្រទេសកម្ពុជា

ពត៌មានលំអិតមានក្នុងPost លើកមុន : https://www.facebook.com/110431713931893/posts/173156724326058/?d=n

26/04/2021

Sightseeing World សូមចែករំលែកការចងចាំខ្លះៗដែលយើងមាននៅលើ កោះសង្សារ នៃព្រះរាជាណាចក្រកម្ពុជា ជូនដល់អ្នកទាំងអស់គ្នាទុកជាការកំសាន្តអារម្មណ៍ ។
នៅទីនោះគ្មានសម្លេងរំខាន គ្មានភាពអាប់អួរ មានតែសម្លេងទឹករលកនិងចាបយំ ដែលប្រគុំជាបទភ្លេងធ្វើអោយយើងគ្រប់គ្នាមានអារម្មណ៍បាត់អស់ទុក្ខកង្វល់នៅលើដែនកោះដ៏ស្រស់ស្អាតមួយនេះ ។
ស្ងប់ស្ងាត់ ស្រស់ស្រាយ និង កក់ក្ដៅ

13/04/2021

2021នេះ សុំចូលឆ្នាំជាមួយធម្មជាតិម្ដងហើយ 😊😊
សុំទេព្ដាឆ្នាំថ្មីប្រទានពរជយ័ដល់ប្រជាជនខ្មែរគ្រប់រូប អោយជួបតែសំណាងល្អ និង ជៀសផុតពីមេរោគកូវីដ19 ។
នៅផ្ទះឆ្នាំនេះ ដើម្បី Explore The World ឆ្នាំក្រោយ ។

02/03/2021

ប្រាសាទចតុមុខ!!!

ចន្លោះសតវត្សទី11 ដល់ទី 14 សំណង់ប្រាសាទព្រះពុទ្ធរូបឈរទល់ខ្នងគ្នា បានលេចរូបរាងមកក្រោមគោលបំណងឧទ្ទិសថ្វាយដល់ ព្រះពុទ្ធសាសនា ប្រាសាទនេះត្រូវបានគេស្គាល់ឈ្មោះថា “ ប្រាសាទចតុមុខ “ ។ មុននឹងបានឈរបង្ហាញខ្លួនដល់កូនខ្មែរឃើញសារជាថ្មីម្ដងទៀតនេះ ប្រាសាទនេះបានដួលរំលំអស់រយះកាលជាយូរណាស់មកហើយ រហូតដល់ឆ្នាំ2018 លោកជំទាវ ម៉ែន សំអន បានទទួលការអនុញ្ញាតិ ពីសម្ដេចអគ្គមហាសេនាបតីតេជោ ហ៊ុន សែន ក្នុងការរៀបចំឡើងវិញ ក្រោមហេតុផលដើម្បីលើកស្ទួយវិសយ័ព្រះពុទ្ធសាសនា និង ទុកជាមរតកសម្បត្តិជាតិសម្រាប់កូនខ្មែរគ្រប់រូប ។
ចំណាយពេលជាង3ម៉ោង សម្រាប់ធ្វើដំណើរទៅទីនោះ ដោយគិតពីគោលដៅចេញពីខេត្រសៀមរាប ទៅ ភូមិ តាសែង ឃុំ រណសិរ្ស ស្រុកសង្គមថ្មី ខេត្ត ព្រះវិហារ អ្វីដែលខ្ញុំទទួលបានត្រលប់មកវិញពីអ្នកនាំផ្លូវ និង ឆ្មាំប្រាសាទនេះគឺពិតជាគួរអោយចាប់អារម្មណ៍ជាខ្លាំង ទាក់ទងនឹងភាពអឆ្ឆរិយះផ្នែកជំនឿសាសនា និង មួយទៀតគឺចំណេះដឹងបន្ថែមទាក់ទងនឹងប្រវត្តិសាស្ត្រកម្ពុជា ។ប្រាសាទចតុមុខ ដែលមានរាង្គជាព្រះពុទ្ធរូបឈរទល់ខ្នងដាក់គ្នានេះ មានកម្ពស់ជាង១០ម៉ែត្រ ស្ថិតនៅក្រុមប្រាសាទបាកាន ( ព្រះខ័នកំពង់ស្វាយ) តំណាងអោយព្រហ្មវិហារធម៌ទាំង៤ គឺ មេត្ដា ករុណា មុទិតា និង ឧបេក្ខា នៅក្នុងទ្រឹស្ដីទស្សនវិជ្ជា ព្រះពុទ្ធសាសនា ។ បន្ថែមលើពត៌មានដែលបានមកពីឆ្មាំប្រាសាទបានអោយដឹងថា ប្រាសាទនេះក៏សាងក្នុងរជ្ជកាល ព្រះបាទជ័យវរ្ម័នទី7។
ហើយស្រុកបាកាននេះ ក៏ជាអតីត រាជធានីបុរាណរបស់ខ្មែរដែលធំជាងគេផងដែរ ។ រាជធានីបាកានជា ទីតាំងបង្កើតកងទ័ពរបស់ ព្រះបាទជ័យវរ្ម័ន ទី ៧ ដែលពេលនោះព្រះអង្គបានដឹកនាំកងទ័ពទៅ ទីនោះដើម្បីត្រៀមកម្លាំងផ្ដួលរលំកងទ័ពចម្ប៉ា ការលើកឡើនេះសំអាងលើអ្នកស្រាវជ្រាវប្រវត្តិសាស្ត្រកម្ពុជាបានរកឃើញភ័ស្ដុតាងច្រើនពីការផលិតដែកសម្រាប់បង្កើតជាអាវុធ ស្ថិតនៅជុំវិញប្រាង្គ ប្រាសាទបាកាន កំពង់ស្វាយ ព្រមទាំងកំណត់ត្រាផ្សេងៗ ។

ថ្វីត្បិតតែការធ្វើដំណើរទៅប្រាសាទចតុមុខ មិនងាយស្រួលក៏ពិតមែន ប៉ុន្តែពេលបានឃើញរូបរាង្គខាងក្រៅរបស់វាផ្ទាល់ភ្នែក អ្នកនឹងភ្លេចអស់នូវដំណើរដ៏វែងឆ្ងាយមួយនេះ ។ SIGHTSEEING WORLD សូមលើកទឹកចិត្តដល់ខ្មែរគ្រប់រូប ទៅទស្សនានៅទីនោះទាំងអស់គ្នា និង ចូលរួមផ្សព្វផ្សាយមរតកជាតិរបស់យើង ។
លេខទំនាក់ទំនងអ្នកនាំផ្លូវ : 093300193 ។

17/02/2021

អគារនៃស្នាព្រហស្តរបស់សម្ដេចតា ប្រែជារីស៊តតម្លៃរាប់ពាន់ដុល្លាក្នុងមួយយប់ !!!

នៅចន្លោះឆ្នាំ1953 ដល់ដើមទស្សវត្សរ៍60 កម្ពុជាកំពុងតែមមាញឹកក្នុងការរៀបចំលើគ្រប់វិស័យ ជាពិសេសគឺហេដ្ឋារចនាសម្ពន្ធ័នេះតែម្ដង ។ ឆ្នាំ 1962 សំណង់មួយបានកើតឡើងលើទឹកដីក្រុងអង្គរ ក្រោមការដឹកនាំរបស់ ព្រះបរមរតនកោដ្ឋ ( សម្ដេចតា )
ក្នុងគោលបំណង ប្រើប្រាស់សម្រាប់ទទួលភ្ញៀវកាទូតពិសេសៗដែលមកទស្សនកិច្ចទីក្រុងអង្គរ ។ បច្ចុប្បន្ននេះ អគារដែលជាស្នាដៃរបស់ព្រះមហាក្សត្រដែលទាមទារឯករាជពីប្រទេសបារាំងអង្គនេះ បានប្រែក្លាយជារីស៊តតម្លៃរាប់ពាន់ដុល្លាក្នុងមួយយប់ ហើយភាគច្រើនមានតែភ្ញៀវលំដាប់អភិជនតែប៉ុណ្ណោះដែលទៅស្នាក់នៅទីនោះ ។ រីស៊តមួយនេះត្រូវបានគេស្គាល់ឈ្មោះថា “ អាម៉ាន់សារា “ ( AMANSARA ) ។
ចង់ដឹងថា អាម៉ាន់សារា ពិសេស និង មានដំណើរដើមទងយ៉ាងណានោះ ជួយLike និង Share រួចអានបន្តទៀតនូវអត្ថបទខាងក្រោម :

1/ 40ឆ្នាំមុនពេលចាប់ផ្ដើម អាម៉ាន់សារា ( 1962-2002)

ហេតុផលដំបូងដែលធ្វើអោយសំណង់នេះលេចជារូបរាងមក គឺ
ទុកសម្រាប់តែភ្ញៀវប្រមុខរដ្ឋដែលពិសេសៗរបស់ សម្ដេចតា
តែប៉ុណ្ណោះដែលមកទស្សនកិច្ច ។ បាននយ័ថាអគារនេះជាកម្មសិទ្ធឯកជនរបស់ទ្រង់ ។ហើយគេក៏បានអោយឈ្មោះអគារនេះថា Villa Princière ។ យ៉ាងណាមិញឆ្នាំ 1964 សម្ដេចតាបានប្រគល់ Villa Princière នេះទៅរាជរដ្ឋាភិបានកម្ពុជាវិញ។
នៅឆ្នាំ 1965 ក្រោយសម្ដេចតាបានប្រគល់វាអោយទៅរាជរដ្ឋភិបាលកម្ពុជាវិញនោះ រាជរដ្ឋាភិបាលកម្ពុជាក៏បានធ្វើការសហការជាមួយក្រុមហ៊ុនហ៊ុនឯកជនមួយ ប្រែក្លាយ Villa Princière ទុកសម្រាប់តែទទួលភ្ញៀវប្រមុខរដ្ឋនោះ ទៅជា luxury Resort សម្រាប់ភ្ញៀវទេសចរណ៍វិញ ស្របពេលដែលកំណើនភ្ញៀវទេសចរណ៍បានកើនឡើននាពេលនោះ ។ មកដល់ឆ្នាំ1970 ប្រវត្តិសាស្ត្របានកើតឡើងសារជាថ្មីដោយភាពចម្រូងចម្រាស់ផ្ទៃក្នុងរបស់ជាតិ វាក៏បានជះឥទ្ធិពលទៅដល់វិសយ័ផ្សេងៗផងដែរ ហើយការផ្លាសប្ដូរក៏កើតមានឡើងជាបន្តបន្ទាប់ រហូតដល់សណ្ឋាគារប្រណិតខ្ពស់ Villa Princière ប្តូរឈ្មោះទៅជា Villa Sokha សម្រាប់ធ្វើជាឃ្លាំងដាក់សម្ភារៈ របស់សណ្ឋាគារ Grand Hotel នៅឆ្នាំ 1970។
បានរយះពេលប៉ុន្មានឆ្នាំ សម័យកាលនៃភាពខ្មៅងងឹត(ខ្មែរក្រហម)បានមកដល់ គ្រប់ហេដ្ឋារចនាសម្ពន្ធ័ទាំងអស់ត្រូវបានបំផ្លាញ ។ ប៉ុន្តែវាជាសំណាងមួយនៃសំណង់មួយនេះដែលពួកខ្មែរក្រហមបានទុកវាប្រើជាឃ្លាំងដាក់សម្ភារៈ និង ជាផ្ទះបាយសម្រាប់ទាហានខ្មែរក្រហម ជំនួសដោយការបំផ្លាញចោល។
3ឆ្នាំនៃការបញ្ចប់ទៅរបបខ្មែរក្រហម អគារនេះបានសាងទំព័រប្រវត្តិសាស្ត្រថ្មីម្ដងទៀតក្រោមរូបភាពជាសណ្ឋាគាររបស់រដ្ឋមួយក្នុងចំណោមពីរ ដែលរាជរដ្ឋាភិបាលរៀបចំឡើងវិញទុកសម្រាប់ទទួលភ្ញៀវទេសចរណ៍ ហើយក៏បានផ្លាស់ប្ដូរឈ្មោះពី Villa Sokha ទៅជា Villa Apsara នៅឆ្នាំ 1982។ យ៉ាងណាមិញការចាប់ផ្ដើមពីចំណុចសូន្យនាពេលនោះលើគ្រប់វិសយ័របស់កម្ពុជាមិនងាយស្រួលទេ ។
ការរំពឹងពី Villa Apsara ដែលរៀបចំដោយរដ្ឋាភិបាលនាពេលនោះទុកសម្រាប់ទទួលភ្ញៀវទេសចរណ៍នោះក៏មិនសមបំណងទៀត ហេតុនេះទើប Villa Apsara ត្រូវបានបិទទ្វាសារជាថ្មីម្ដងទៀតនៅឆ្នាំ1997 ។
1997 ដល់ឆ្នាំ 2002 សំណង់ដែលស៊ូនឹងព្យុះភ្លៀងរាប់ឆ្នាំនេះត្រូវបានគេបោះបង់បង់ចោល ។
ដោយមើលឃើញពីប្រវត្តិដ៏គួរអោយចាប់អារម្មណ៍ទាក់ទងនឹងព្រឹត្តិការណ៍ប្រវត្តិសាស្ត្រកម្ពុជា បានធ្វើអោយក្រុមហ៊ុន AMAN ជ្រើសយកអគារនេះមករៀបចំឡើងវិញក្រោមរូបភាពជារីស៊តប្រណិតមួយក្នុងយុគសមយ័ថ្មី ហើយដាក់ឈ្មោះថា អាម៉ាន់សារា (AMANSARA ) ។

2/ អាម៉ាន់សារា រីស៊ត (Amansara Resort)

AMAN មានន័យថា ស្ងប់ស្ងាត់ និង សុខសាន្ត
SARA បានមកពីឈ្មោះចុងក្រោយនៃអគារ VILLA APSARA ។
បញ្ចូលគ្នានៃពាក្យទាំងនេះបានចេញជាឈ្មោះរីស៊តប្រណិតលំដាប់ខ្ពស់មួយហៅថា AMANSARA ។ អាម៉ាន់សារា ជារីស៊តប្រណិតខ្ពស់ដំបូងគេនៅក្នុងប្រទេសកម្ពុជាដែលផ្ដល់ជូននូវសេវាកម្មគាវរកិច្ចភ្ញៀវ បែប Royal Retreated service ( សេវកម្មទទួលភ្ញៀវបែបជាន់ខ្ពស់បំផុត ) ។ ដែលវាធ្វើអោយគ្រប់ភ្ញៀវមានអារម្មណ៍កក់ក្ដៅនិងពិសេសបំផុតនៅពេលដែលស្នាក់នៅទីនោះ ។
បែរមកការDesign របស់រីស៊តវិញ ទម្រង់ទាំងមូលរបស់អគារត្រូវរក្សារតាមរូបរាងដំបូងរបស់វា ហើយផ្នែក interior design វិញ ធ្វើបែប Minimalism ដែលវាសាកសមឥតខ្ចោះចំពោះអ្នកដែលមិនចូលចិត្តភាពរញេរញៃច្រើន និង ត្រូវការកន្លែងលាក់ខ្លួនមួយដើម្បីអោយខ្លួនអែងបានបន្ធូរភាពស្មុគស្មាញក្នុងកំឡុងពេលស្នាក់នៅក្នុងរីស៊ត ។ នៅក្នុងរីស៊តមានឡាន MERCERDES តាំងពីឆ្នាំ 1962 មួយ ដែលគេបានដឹងយ៉ាងប្រាកដថា ជាអតីតព្រះទីនាំងរបស់សម្ដេចតាផងដែល ។ ឡានមួយនេះទុកសម្រាប់ទទួលភ្ញៀវដែលស្នាក់នៅទីនោះ ។ ចំណែកតម្លៃបន្ទប់ត្រូវបានគេដឹងថាមានតម្លៃខ្ពស់ជាងគេក្នុងខេត្រសៀមរាបតែម្ដង ដែលបន្ទប់ក្នុងមួយយប់ចាប់ផ្ដើមពី 1300$ ទៅ 1500$ ដោយមិនទាន់បូកបញ្ចូលពន្ធ ។

3/ ភាពខុសប្លែករបស់ អាម៉ាន់សារា

បើក្រលេកមើលពីការDesign របស់រីស៊ត អ្នកមួយចំនួនប្រាកដជាលាន់មាត់ថា តើអ្វីដែលជាមូលហេតុដែលបន្ទប់នៅរីស៊តនេះមានតំលៃខ្ពស់ដល់ថ្នាក់នឹង ? ពីព្រោះការតុបតែងមានភាពសាមញ្ញទូទៅធម្មតា ។ ប៉ុន្តែបើយោងទៅនឹងការបកស្រាយដោយ គិតគូរយ៉ាងម៉ត់ចត់របស់រីស៊ត ព្រមទាំងឆ្លងកាត់បទពិសោធន៍ស្នាក់ទីនោះដោយខ្លួនខ្ញុំផ្ទាល់ ខ្ញុំយល់ថាវាសមនឹងហេតុផលដែលវាត្រូវមានតម្លៃខ្ពស់ដូចនេះ ។
ការគិតគូររបស់អាម៉ាន់សារា គឺរក្សារភាពឯកជនរបស់ភ្ញៀវ ការយកចិត្តទុកទទួលប្រៀបដូចជាគ្រួសារតែមួយ និងធានាបានថាកំឡុងពេលដែលភ្ញៀវស្នាក់នៅជាមួយរីស៊តគ្មានការរំខានពីមជ្ឈដ្ឋានដទៃ ព្រមទាំងផ្ដល់សេវាកម្មមួយដែលអ្នកស្ទើរតែមិនធ្លាប់ស្គាល់នៅរីស៊តធម្មតា ។ជំហ៊ានដំបូងនាពេលដែលចូលទៅដល់រីស៊តនេះ ស្ថានភាពរីស៊តទាំងមូលមានភាពស្ងប់ស្ងាត់ខុសពីសណ្ឋាគារដទៃ ខណះដែលមានបុគ្គលិកមិនតិចនាក់នោះរង់ចាំស្វាគមន៍អ្នក ។ បរិយាកាសទាំងមូលគឺមានរបៀបរៀបរយល្អ ដែលវាស៊ីនឹងគោលការណ៍ ស្ងប់ស្ងាត់ និង មានសណ្ដាប់ធ្នាប់ល្អ ។ ហើយនេះគឺជាមូលហេតុមួយធ្វើអោយគ្រប់គ្នាដែលស្នាក់ទីនោះមានអារម្មណ៍មួយថា សំពាធនៃការងារភាពបានរសាយ ព្រោះអ្នកកំពុងឈនៅទីកន្លែងដែលធ្វើអោយអ្នកគ្មានភាពស្មុគ្រស្មាញ ។
ការDesign រីស៊តអោយទាក់ទាញនិងលេចធ្លោអ្នកអាចឃើញច្រើន ប៉ុន្តែការរៀបចំធ្វើអោយភ្ញៀវមានអារម្មណ៍កក់ក្ដៅនិងបាត់អស់ភាពស្មុគ្រស្មាញ ខ្ញុំហ៊ាននិយាយថា អាម៉ាន់សារាជារីស៊តទីមួយដែលអាចធ្វើបាន ។

4/ ភ្ញៀវអាម៉ាន់សារា គួតែជាភ្ញៀវប្រភេទណា?

9នាក់ក្នុងចំនោម10នាក់ ប្រាកដជាឆ្លើយថាអ្នកស្នាក់នៅ អាម៉ាន់សារា គួតែជាប្រភេទអតិថិជនបែបអភិជន ព្រោះតម្លៃ សេវាកម្មដែលផ្ដល់ជូនគឺពិតជាស្ថិតក្នុងRate មួយដែលអ្នកទូទៅពិបាកនឹងស្មគ្រ័ចិត្តនឹងចំណាយដើម្បីទទួលបទពិសោធន៍ជាមួយវាណាស់។ ការគិតនេះពិតជាមិនខុសមែន ភ្ញៀវ អាម៉ាន់សារា ភាគច្រើនគឺជាប្រភេទHi end ដែលគាត់អាចរ៉ាប់រងបានទៅលើតម្លៃដែលខ្ពស់បែបនេះ ហើយគេសង្កេតឃើញពួកគាត់ទាំងនោះភាគច្រើន ជាភ្ញៀវទេសចរណ៍អន្តរជាតិ តារាហូលីវូដ អ្នកជំនួញធំៗ និង មន្ត្រីអ្នកមុខអ្នកការក្នុងស្រុកយើងផងដែល ។ ប៉ុន្តែការពិត អ្នកមិនចាំបាច់ឈាងដល់លំដាប់នេះទេ ទើបអាចទៅស្នាក់នៅទីនោះ ព្រោះការភ្ជាប់មកជាមួយតម្លៃខ្ពស់បែបនេះ ក៏វាបានមកជាមួយការផ្ដល់អត្ថប្រយោជន៍ច្រើនផ្សេងទៀតមកជាមួយគ្នាផងដែល ដូចជា អាហា និង ការកំសាន្តផ្សេងៗ ដែលវាបានជួយបន្ធូរការចំណាយផ្សេងទៀតផងដែល ។ យ៉ាងណាមិញខ្ញុំគិតថា អាម៉ាន់សារា សាកសមចំពោះអ្នកដែលគាត់ស្វែងរកការផ្ដល់ជូនសេវាកម្មយកចិត្តទុកដាក់បំផុតកំឡុងពេលដំណើរកំសាន្ត រឺ អ្នកដែលធុញថប់និងភាពរញេរញៃប្រចាំថ្ងៃហើយចង់ស្វែងរកកន្លែងបទពិសោធន៍ថ្មីដែលជួយអោយអ្នកធូរអារម្មណ៍ ។

5/ ការផ្ដល់ជូនពិសេស

1300$ ទៅ 1500$ ក្នុងមួយយប់ដែលមិនទាន់បូកបញ្ចូលពន្ធ រ៉ាយរ៉ាប់យ៉ាងណាក៏វានៅតែខ្ពស់គួរសមដែលសម្រាប់ភ្ញៀវទេសចរណ៍ទូទៅនៅក្នុងស្រុកយើង ។ ស្របពេលនឹងវិបត្តិកូវិត19 ផងដែរនោះ អាម៉ាន់សារាបានធ្វើការកែប្រែតម្លៃរបស់វា មកត្រឹមតែ 500$ ប៉ុននោះក្នុងមួុយយប់បូកបញ្ចូលទាំងពន្ធ ជាការផ្ដល់ជូនជាពិសេសដល់ភ្ញៀវទេសចរណ៍ក្នុងស្រុក ។
នេះវាជាឱកាសល្អសម្រាប់អ្នកដែលចង់សាកល្បងរសជាតិថ្មីក្នុងការស្នាក់នៅជាមួុយរីស៊តលំដាប់ខ្ពស់មួយនេះ ។ ប៉ុន្តែយ៉ាងណាក្ដីតម្លៃនេះនឹងប្រែមកជាធម្មតាវិញក្នុងពេលឆាប់ៗខាងមុខនេះ ។
ដូចនេះកុំទុកអោយវារំលងផុតទៅអោយសោះណា៎!!!

Sightseeing world សូមអរគុណដល់ អាម៉ាន់សារា សម្រាប់ការរៀបចំជាពិសេសកំឡុងពេលដែលពួកយើងស្វែងយល់បទពិសោធន៍ពីទីនោះ ។
បើគ្រប់គ្នាបើចង់សាកល្បងបទពិសោធន៍ថ្មីជាមួយសេវាកម្មដល់ប្រណិតរបស់វា សូមទំនាក់ទំនងទៅលេខ 063 760 333 ។
រឺ page https://www.facebook.com/AmansaraHotel/

31/01/2021

2យប់ 3ថ្ងៃ ក្នុងការផ្សាជាប់ខ្លួនទៅនឹងធម្មជាតិជាមួយBensley Collection-Shintamani wild !!!!

វានៅតែដក់ជាប់ក្នុងការចងចាំនូវឡើយទេសម្រាប់ពួកខ្ញុំ ។
ខាងក្រោមនេះជាសកម្មភាពមួយចំនួនដែល Resort រៀបចំអោយគ្រប់ភ្ញៀវដែលទៅកំសាន្តនៅទីនោះ ។

សូមបញ្ជាក់ :

Sightseeing World មិនមែនជា VIDEO CREATOR នោះទេ ។ ពួកខ្ញុំថតvideoនេះ ជាមួុយsmart phone ដែលពួកខ្ញុំប្រើរាល់ថ្ងៃ ដោយគ្មានបច្ចេកទេសត្រឹមត្រូវ ។ ដូចនេះសូមអភយ័ទោសជាមុន បើvideo ទើសភ្នែកយ៉ាងណា 😁។
អរណុដល់ អ្នកថត Nak Thort ក្នុងការរៀបចំឡើងវិញសម្រាប់video ដ៏សែនមានអនុស្សាវរីយ៍សម្រាប់ពួកខ្ញុំ ក្នុងគោលបំណងចែករំលែកពីតំបន់ទេសចរណ៍ក្នុងប្រទេសកម្ពុជា ។

ពត៌មានបន្ថែម : https://www.facebook.com/110431713931893/posts/173156724326058/?d=n

26/01/2021

2020ជាសុបិនដ៏អាក្រក់បំផុតសម្រាប់អ្នកចូលចិត្តការធ្វើដំណើរកំសាន្ត ប៉ុន្តែទោះយ៉ាងណាក៏វាមិនអាក្រក់រហូតដល់ថ្នាក់ថាហៅលែងលឺដែលសម្រាប់ខ្ញុំ គ្រាន់តែវាខុសពីផែនការដែលខ្ញុំរំពឹងទុកតែប៉ុននោះ ។ ហើយនេះជាបទពិសោធន៍ដំណើរកំសាន្តក្នុងឆ្នាំ 2020 រឺ សមយ័កាលកូវិតរបស់ខ្ញុំ :
មករា : បាំងកកចូលឆ្នាំចិន
កុម្ភះ : ឌូបៃ
មិនា : សៀមរាប The beige Tour
មេសា : ព្រះសីហនុក្រោយចូលឆ្នាំខ្មែរ ឆ្នេរព្រែកត្រែង
មិថុនា : សៀមរាប KULEN ELEPHANT FOREST
សីហា : ព្រះសីហនុ Bensley Collection Shintamani Wild
តុលា : សៀមរាប វត្តលោមព្រលឹង
វិច្ឆិកា: សៀមរាប ភូមិបៃតងរីស៊ត
ធ្នូ : កោះសង្សារ

ចុចស្វែងរកពត៍មានបន្ថែមលើរូបភាពនិមួយៗ ។

12/01/2021

Bensley Collection លើសពីកន្លែងគេងក្នុងខេត្រសៀមរាប !!!

Bensley Collection ជាផ្នែកមួយនៃសណ្ឋាគារ SHINTAMANI ANGKOR ដែលធ្វើឡើងជាលក្ខណះVIP សម្រាប់អតិថិជនទាមទាការសម្រាកកំសាន្តបែបឥតខ្ចោះនៅក្នុងខេត្រសៀមរាប ។
ចង់ស្នាក់នៅProperty មួយនេះ អតិថិជនត្រូវចំណាយខ្ពស់គួរសម ប៉ុន្តែខ្ញុំជឿជាក់ថាតំលៃនេះសាកសម បើយើងប្រៀបធៀបទៅនឹងទីតាំង ការរៀបចំ ព្រមទាំងសេវាកម្មដែលផ្ដល់ជូន ។
អ្នកអាចឆែកតម្លៃ Bensley Collection នៅក្នុងវេបសាយបាន ដែលជាទូទៅ តម្លៃបន្ទប់ VIP មួយនេះប្រហែល 700$ ទៅ 800$ ឡើងទៅក្នុងមួយយប់ ។ ប៉ុន្តែសម្រាប់ក្នុងរដូវកាលនេះក៏ដូចជាអ្នកស្នាក់នៅក្នុងកម្ពុជាអាចទទួលបានតម្លៃពិសេសត្រឹមតែ500$ ប៉ុននោះក្នុងមួយយប់ ។
Bensley Collection ផ្ដល់ជូនការរៀបចំយ៉ាងពិសេសក្នុងបន្ទប់ដូចជា :
1/ មានអាងហែលទឹកឯកជន ។
2/ មានSky lounge ដែលអ្នកអាចEnjoy ជាមួយធម្មជាតិនិង ទទួលទានអាហារបានយ៉ាងរីករាយ ។
3/ ការរៀបចំទីតាំងគ្រែគេងយ៉ាងប្រណិតជាមួយធម្មជាតិក្នុងបន្ទប់ ជាពិសេសការរៀប bathtub ដែលយកផ្កាឈូកមករៀបមួយស្រទាប់ម្ដងសម្រាប់អតិថិជនគ្រប់គ្នាជាពិសេស ។
4/ ផ្ដល់ជូនការម៉ាស្សាសម្រាប់អតិថិជន ។
5/ Champaign bottle និង seasonal fruit ដែលមាននៅក្នុង Complimentary ។ ហើយចុងក្រោយគឺ Experience Butler service នេះតែម្ដង ។

សេវាកម្មទាំងនេះវាមានតែនៅក្នុុងប្រភេទបន្ទប់បែប Exclusive រឺ 5star hotel តែប៉ុននោះ ដូចនេះតម្លៃវាក៏ត្រូវដាក់អោយពិសេសទៅតាមនឹងដូចគ្នា ។ ការរៀបចំរបស់Luxury Resort មិនមែនធ្វើឡើងសម្រាប់តែអោយអ្នកគេងតែម្យ៉ាងនោះទេ វាបានភ្ជាប់ជាមួយការយកចិត្តទុកដាក់ ការបង្កើតអនុស្សវរីយ៍ល្អកំឡុងពេលដែលអ្នកស្នាក់នៅ ។

សម្រាប់ខ្ញុំ Bensley Collection វាលើសពីកន្លែងគេង វាគឺជាទីស្ថានដែលអាចអោយយើងកាត់បន្ថយភាពស្មុគ្រស្មាញ និង សាងអនុស្សាវរីយ៍ល្អៗជាមួយដៃគូរ ជាពិសេសនោះវាគឺជាកន្លែងពិសេសសម្រាប់អ្នកដែលចូលចិត្តថតរូប ។
Valentine's Day ខាងមុខនេះមានគម្រោងទៅសៀមរាបអត់ ?
លេខទំនាក់ទំនងកក់បន្ទប់ : 063 964 123 ។

29/12/2020

3 និង 2 ដែលអ្នកត្រូវដឹងមុននឹងចាយលុយខ្ទង់ពាន់ទៅកោះសង្សារ !!!!

កេរ្ត៍ឈ្មោះល្បីល្បាញរបស់កោះសង្សារ បានធ្វើអោយមនុស្សជាច្រើនពិតជាចង់ទៅឃើញទិដ្ឋភាពខាងក្រៅផ្ទាល់របស់កោះនេះមិនតិចនាក់នោះទេ ។
បន្ទាប់ពីដើរវៀងអស់មួយជុំធំ ខ្ញុំក៏សម្រេចទៅស្វែងរកបទពិសោធន៍ផ្ទាល់តែម្ដងជាមួយនឹងកោះមួយនេះ ។
ហើយខាងក្រោមនេះគឺជាអ្វីដែលខ្ញុំចង់ចែករំលែកអោយអ្នកបានដឹងពីបទពិសោធន៍របស់ខ្ញុំបន្ទាប់ពីចំណាយពេលបីរយប់បួនថ្ងៃនៅលើ កោះសង្សារ ។

***បីរយ៉ាងពីកោះសង្សារ :

1/ កោះសង្សារជាអ្វី ?

កោះសង្សារស្ថិតនៅបណ្ដុំកោះរ៉ុង ជាកោះឯកជនមួយមិនអនុញាតិអោយអ្នកទូទៅដែលមិនមែនជាអ្នកស្នាក់នៅកំសាន្តលើកោះ ចូលទៅកំសាន្តនៅទីនោះឡើយ ។ នៅលើកោះនេះមាន27វិឡា ដែលបែងចែកជាបីរទីតាំង គឺនៅលើភ្នំ នៅមាត់ឆ្នេរ និង នៅលើទឹកតែម្ដង ។ វាជាកន្លែងកំសាន្តបែប Luxury អេកូទេសចរណ៍ ដែលសាកសមឥតខ្ចោះចំពោះអ្នកដែលមិនចូលចិត្តភាពអ៊ូអរ និងស្រលាញ់ធម្មជាតិ ។ វាកាន់តែពិសេសសម្រាប់អ្នកដែលត្រូវការកន្លែងRomantic តែម្ដង ។

2/ បន្ទប់លើកោះសង្សារមួយយប់ប៉ុន្មាន ?

ចាប់អារម្មណ៍ទេសភាព និង មានបំណងទៅ check in នៅលើកោះនេះហើយ រឿងដំបូងដែលអ្នកត្រូវដឹងនោះគឺ តម្លៃបន្ទប់នៅលើកោះមួយនេះ ។
(សូមបញ្ជាក់នេះជាតម្លៃដែលផ្ដល់ជូននេះ គឺជាតម្លៃនៅក្នុងសមយ័កាលកូវិតតែប៉ុននោះ )

++ តម្លៃសម្រាប់បន្ទប់និងការFree អាហារពេលព្រឹក
-Jungle Villa: 1100$ per room
-Ocean view Villa: 1700$ per room
-Overwater villa: 2300$ per room

++តម្លៃសម្រាប់បន្ទប់ និង free អាហារបីរពេល
-Jungle Villa: 1960$ per room
-Oceanview Villa: 2280$ per room
-Overwater villa: 2560$ per room

សម្រាប់ការស្នាក់នៅពីរនាក់ សម្រាប់ពីរយប់ ( ជាអ្នកដែលកំពុងរស់នៅកម្ពុជាក្នុងកំឡុងពេលកូវិតនេះ) ។

3/ គេងបន្ទប់លើទឹក ទើបឡូយជាងគេតើមែនទេ ?

ច្បាស់ក្រលែតតែម្ដង នេះជាការយល់ឃើញផ្ទាល់ខ្លួនរបស់អ្នកស្នាក់នៅរៀងៗខ្លួនប៉ុននោះ ។
សម្រាប់ខ្ញុំផ្ទាល់ គ្រប់បន្ទប់ទាំងអស់មានភាពពិសេសរៀងៗខ្លួនដែលធ្វើឡើងតម្រូវអោយអ្នកស្នាក់នៅទទួលបាននូវអ្វីដែលខ្លួនបានរំពឹង ។
++ Jungle Villa : ជាបន្ទប់នៅលើភ្នំ ចំណុចពិសេសរបស់វា គឺមានទេសភាពព្រៃឈើនិងសមុទ្ររួមគ្នា សាកសមអ្នកដែលចូលចិត្តទេសភាពពណ៍បៃតង ។
ស្រមៃមើលទៅ គេងមើលទឹកសមុទ្រជាមួយសម្លេងចាបយំ និង រលកបោកច្រាំង ជាមួយខ្យល់ធម្មជាតិទៀតនោះ តើទុកកង្វល់របស់អ្នកអាចរសាយបានប៉ុនណា ?

++ Ocean view Villa : ជាបន្ទប់ធ្វើនៅលើឆ្នេរថ្ម របស់កោះផ្ទាល់តែម្ដង អមជាមួយទេសភាពសមុទ្រធំល្វឹងល្វើយដាច់កន្ទុយភ្នែក សាកសមអ្នកដែលចូលចិត្តហាលថ្ងៃលើឆ្នេនឹងចង់បានអារម្មណ៍ស្រលះមុខស្រលះមាត់ ។

++Overwater Villa : Yes .... ជាប្រភេទបន្ទប់ដែលផ្ដល់បទពិសោធន៍ថ្មីអោយអ្នកស្នាក់នៅតែម្ដង ។
ធ្វើឡើងនៅលើទឹកសមុទ្រដែលអាចអោយអ្នកស្នាក់នៅទទួលអារម្មណ៍ប្លែក ជាពិសេសអាចមើលឃើញវ៉ូងត្រីសមុទ្រហែលទៅ ហែលមក បានយ៉ាងច្បាស់ថែមទៀតផង ។

ដូចនេះចូលសួរខ្លួនអែងឡើងវិញថា តើអ្នកចង់ទទួលអារម្មណ៍របៀបម៉េចពីការស្នាក់នៅលើកោះមួយនេះ ជៀសជាងធ្វើតាមគ្នាអោយវង្វេងពីគោលដៅរបស់ខ្លួនអែង ។

***ពីរយ៉ាងដែលអ្នកគួរដឹងមុននឹងសម្រេចចិត្តកក់បន្ទប់នៅលើកោះនេះ !

1/ ការសន្សំសំចៃ

ប្រសិនបើអ្នកទៅកំសាន្តនៅកោះសង្សារគ្នាតិច ( 2នាក់) ហើយអ្នកជាមនុស្សញាំតិច រឺ ញាំធម្មតា អ្នកគួរទិញ Package ( បន្ទប់និងfreeអាហារពេលព្រឹក ) ដែលមានតម្លៃចាប់ពី 1100$ ឡើងទៅ ។
ពីព្រោះការចំណាយលើម្ហូបអាហារលើកោះសង្សារវាមិនថ្លៃណាស់ណាដូចពាក្យចចាមរ៉ាមគេនិយាយនោះទេ ។ (សម្រាប់ថ្ងៃត្រង់ រឺ ពេលល្ងាច បើអ្នកគ្មានការស្នើរសុំជាពិសេសទេ ការចំណាយវាត្រូវធ្វើឡើងក្នុងចន្លោះពី 50$ ទៅ 100$ អាស្រយ័លើម្ហូបដែលអ្នកកុម្មង់ )
Menu កោះសង្សារ Start up ពី 15$ ឡើងទៅ សម្រាប់ Food និង 3$ ឡើងទៅសម្រាប់ Beverage ។

2/ពិភាក្សារជាមួយអ្នកជំនាញ
សូម្បីការទៅreview លើកនេះក៏ខ្ញុំបានប្រើប្រាស់សេវាកម្មAgency ដែល ។
ពីព្រោះនៅពេលដែលយើងធ្វើអ្វីដែលមានការពិភាក្សារត្រឹមត្រូវជាមុនគឺវាមិនសូវខកបំណងទេ ។
ខ្ញុំសូម Recommend Double L Travel & Tours
ពីព្រោះ Agency មួយនេះបានប្រឹក្សារយោបល់យ៉ាងក្បោះក្បាយ ព្រមទាំងសម្រួលបានរឿងជាច្រើនក្នុងកំឡុងពេល និង មុនពេលដែលខ្ញុំចាប់ផ្ដើមដំណើរកំសាន្ត ។
ស្វែងរកអ្នកជំនាញដល់ត្រឹមត្រូវ ខ្ញុំជឿជាក់ថាការកំសាន្តកាន់តែមាននយ័ ។

កក់បន្ទប់កោះសង្សារ : 010 711 000 ( Mr. Chhay, General Manager of Double L Travel Tour )

26/12/2020

គ្មានសម្លេងរំខានពីពិភពទាន់សមយ័ មានតែសម្លេងធម្មជាតិ និង ខ្យល់សមុទ្រដែលកំដរអ្នកបាន ។
ធ្លាប់សាកល្បងរសជាតិបែបនេះហើយរឺនៅ?

SONGSAA COLLECTIVE coming soon!!!
By SIGHTSEEING WORLD
In cooperation with Double L Travel & Tours

25/12/2020

CHRISTMAS ON ISLAND ❤️🎄❤️
បទពិសោធន៍ថ្មីជប់លាង Christmas បណ្ដើរ ស្ដាប់សម្លេងទឹករលកពេលយប់បណ្ដើរ នៅលើ កោះសង្សារ ។
ទោះបីជាស្ងប់ស្ងាត់បន្តិចមែន ប៉ុន្តែមានសុវត្ថិភាពខ្ពស់ 😁😁
ជូនពរអោយអ្នកគ្រប់គ្នាជួបតែរឿងល្អនៅឆ្នាំខាងមុខ និងឆ្លងផុតរឿងមិនល្អទាំងអស់នៅក្នុងឆ្នាំនេះ ។

24/12/2020

កោះសង្សារ Coming Soon!!!!!
រឿងអី្វខ្លះចាំបាច់ត្រូវដឹងមុនសម្រេចចិត្តមកកោះសង្សារ?

19/12/2020

ដើរលេងបាំងកកបែបសាមញ្ញៗ មុនកូវិត19!!!!!

បាំងកកជាទីក្រុងមួយរបស់ប្រទេសជិតខាងយើង ដែលបងប្អូនជាតិសាសន៍កម្ពុជានិយមទៅកំសាន្តនៅទីនោះ រួមទាំង Admin page មួយនេះផងដែល ។ វាជាកន្លែងទីមួយនៃបទពិសោធន៍ដំណើរកំសាន្តក្រៅប្រទេសរបស់ពួកខ្ញុំជាលើកដំបូង ហើយក៏ជាទីកន្លែងដែលពួកខ្ញុំទៅកំសាន្តញឹកញាប់ មិនដែនជិនណាយ ។
កុំអោយខាតពេលវេលាយូ យើងនិយាយដល់ចំណុចស្នូលនៃអត្ថបទនេះវិញម្ដង អ្នកប្រាកដជាចាប់អារម្មណ៍នូវប្រធានបទ ” ដើរលេងបាំងកកបែបសាមញ្ញៗ ” ហើយមែនទេ?
ប្រាកដណាស់ Post នេះគឺខ្ញុំចង់បង្ហាញពីបទពិសោធន៍ផ្ទាល់ខ្លួន
និងការត្រៀមថវិកាដើរលេងបែបសាមញ្ញនៅទីនោះ បន្ទាប់ពីខ្ញុំឃើញអត្ថបទមួយគេបានបង្ហាញពីវិធីសាស្ត្រដើរលេងបាំងកកជាមួយថវិកា 150ដុល្លា ។
សម្រាប់ខ្ញុំបើអ្នកទៅបាំងកក អ្នកគួរត្រៀមថវិកាចាប់ពី 300$ ដុល្លាឡើងទៅ សម្រាប់2យប់3ថ្ងៃ ដោយធ្វើដំណើរតាមរថយន្ត និង គួរត្រៀម 600$ ឡើងទៅសម្រាប់ការធ្វើដំណើរតាមយន្តហោះ ។ តួរលេខគំរោងថវិកានេះខ្ញុំផ្អែកលើភាពជាក់ស្ដែងលើតម្លៃហូបចុកនៅទីនោះផ្ទាល់សម្រាប់អ្នកដែលចំណាយបានសម្យរម្យល្មមមិនខ្ជះខ្ជាយ ដោយមិនមានហានិភយ័ខ្ពស់ និង អាចshopping souvenirs និង របស់ប្រើប្រាស់ខ្លះសម្រាប់ខ្លួនអែង។
សូមបញ្ជាក់ម្ដងទៀតលើចំណុចនេះ ” គម្រោងថវិកាខាងលើនេះគឺវាគ្រប់សម្រាប់អ្នកដើរកំសាន្តបែបសាមញ្ញ និងមិន shopping brands ថ្លៃៗ ” ។ បើអ្នកshopping ម៉ាទំហឹងដៃនោះ អ្នកគួរត្រៀមថវិកាតិចបំផុតចាប់ពី 2000$ ឡើងទៅ ។ អញ្ចឹង Traveller ថ្មីៗដែលចង់ធ្វើដំណើរទៅកាន់ទីនោះសូមជ្រាបជាពត៌មាន ។
គម្រោងថវិកាដែលខ្ញុំលើកឡើងមកនេះ គឺយោងតាមតម្លៃខាងក្រោម :
++ ការធ្វើដំណើរ គួរត្រៀមចន្លោះពី50$ ទៅ 70$ តាមរថយន្ត និង 100$ ទៅ 240$ តាមយន្តហោះ
++ ការស្នាក់នៅ គួរត្រៀមចន្លោះពី 50$ ទៅ 70$ ( សម្រាប់ការចែកគ្នា 2 រឺ 3 នាក់ )
++ ការហូបចុក គួរត្រៀម 50$ ទៅ 70$( សម្រាប់ការចែកគ្នា 2 រឺ 3 នាក់ )
++ ការកំសាន្តផ្សេងៗ គួរត្រៀម 50$ ទៅ 70$
++ ការធ្វើដំណើរផ្សេងៗក្នុងទីក្រុងបាំងកក គួរត្រៀម 30$
++ កាដូ រឺ វត្ថុអនុស្សវរីយ៍ផ្សេងៗ ត្រៀមអោយច្រើនតាមលទ្ធភាព បើសិនជាអ្នក ជាអ្នកចូលចិត្តshopping ។

បាំងកកនិងបើកទទួលភ្ញៀវទេសចរណ៍ទូទៅប្រហែលនៅQ2 ឆ្នាំក្រោយនេះហើយ អញ្ចឹងអ្នកដែលមានបំណងចង់ទៅកំសាន្ត ត្រៀមគម្រោងនិងថវិកាអោយហើយ រួចយើងដាក់ថ្ងៃទៅជាមួយគ្នា Okay!!!!

12/12/2020

ម៉េចហើយបងប្អូនអើយ???? មើលៗផង ក្រែងល៎កណ្ដុរស៊ីអស់ 🙄🙄🙄

15/11/2020

Stay in Peace!!!
ស្ងប់ស្ងាត់ តម្លៃសម្យរម្យ ទីតាំងល្អ ។
Hotel : Fcc Angkor By Avani
Location : ទល់មុខស្ទឹងសៀមរាប ក្រុងសៀមរាប ។
Rate : Start from 79USD

02/11/2020

វាលស្រែមាស !!!!
ហេតុអ្វីបានជាខ្ញុំដាក់ចំណងជើងអត្ថបទថា “ វាលស្រែមាស “ ដែលទាំងគោលបំណងរបស់ខ្ញុំចង់រៀបរាប់ពីភាពខុសប្លែករបស់Resort មួយដែលស្ថិតនៅក្នុងខេត្រសៀមរាបមានឈ្មោះថា “ ភូមិបៃតង “ រឺ “ ZANNIER HOTEL PHUMI BAITONG “ ។ ជាការពិតណាស់ពីព្រោះចំណុចទាក់ទាញនៃResort នេះ គឺវាលស្រែនេះតែម្ដង ។ ចង់ដឹងថា “ ភូមិបៃតង “ ពិសេសយ៉ាងណា ហើយហេតុអ្វីបានជាខ្ញុំហៅវាលស្រែនេះថាវាលស្រែមាសនោះ សូមអានពត៍មានទូទៅនិងចំណាប់ផ្ទាល់ខ្លួនខ្ញុំខាងក្រោមទាំងអស់គ្នា ។

***ពត៍មានទូទៅ
“ ភូមិបៃតង “ ជាFranchise 5stars Resort មកពីប្រទេសបារាំងលាតសន្ធឹងលើផ្ទៃដី 8ហិកតា ដែលក្នុងនោះមាន 40villa បែងចែកជាពីរប្រភេទគឺ “ Terrace Villa “ និង “ Pool Villa “ ។ វាបានចំណាយពេលរៀបចំគម្រោងនិងសាងសង់រយះពេល10ឆ្នាំ ដើម្បីកែរប្រែដីស្រែធម្មតាមួយអោយក្លាយទៅជា Resort លំដាប់ផ្កាយ ។
បុគ្គលិកនៅក្នុង Resort មានរហូតទៅដល់ 150 នាក់ ដែលបើកបម្រើសេវាកម្ម 24ម៉ោងដល់ភ្ញៀវដែលស្នាក់នៅក្នុង Resort ។ Villa និមួយៗមានគម្លាតឆ្ងាយពីគ្នាសមល្មមដើម្បីធានាថាគ្មានការរំខានរវាងគ្នានិងគ្នា ។ ក្រៅពី Villa អោយភ្ញៀវស្នាក់នៅ Resort នេះក៏មាន អាងហែលទឹក Restaurants Spa សួនបន្លែ ជាពិសេសនោះ គឺវាលស្រែ ដែលជាទីចាប់អារម្មណ៍របស់អ្នកគ្រប់គ្នាដែលទៅស្នាក់នៅទីនោះ ។
Resort នេះមានEntrance ជាលក្ខណះ Private ខុសពី Resort ដទៃ ពីព្រោះទ្វាធំរបស់Resort បើកអោយភ្ញៀវចេញចូលនៅពេលដែលភ្ញៀវធ្វើការស្នើរឡើងតែប៉ុននោះ ។
Resort លំដាប់ 5stars នេះបាននាំជូនមកតម្លៃចែកជាពីរដូវកាល
សម្រាប់ Low Season
Terrace Villa : ប្រហែល 400$
Pool Villa : ប្រហែល 500$ ( Private Pool infront Room )
សម្រាប់ High Season
Terrace villa : ប្រហែល500$
Pool Villa : ប្រហែល 600$ ( Private Pool infront Room ) ។

***ចំណុចទាក់ទាញក្នុង Resort
1/នៅក្នុងResort មានផ្ទះបុរាណមួយដែលគេបានកែឆ្នៃអោយក្លាយទៅជា Cocktail Bar សម្រាប់ភ្ញៀវក្នុងResort ភ្លក់រសជាតិCocktail ប្រចាំResortផង និង គយគន់ថ្ងៃលិចផង។ ពួកយើងមិនបានដឹងច្បាស់ពីរឿងក្រោយខ្នងនៃម្ចាស់ផ្ទះនោះទេ ប៉ុន្តែតាមសម្ដីបុគ្គលិកក្នុង Resort បានបញ្ចាក់ថា ផ្ទះនេះបានទិញមកពីខេត្រកំពង់ចាម ហើយមានអាយុជាងមួយរយឆ្នាំ។

2/ វាលស្រែ : នេះជាមូលហេតុដែលភ្ញៀវគ្រប់គ្នាទៅស្នាក់នៅទីនោះ ។ វាលស្រែនេះ ជាវាលស្រែរបស់ប្រជាជនក្នុងខេត្រសៀមរាបផ្ទាល់តែម្ដង ហើយវាត្រូវបានកែឆ្នៃបន្ថែម អោយវាកាន់តែមានសម្រស់ទាក់ទាញ វាក៏ដើរតួនាទីយ៉ាងសំខាន់សម្រាប់Resort នេះ ក្នុងការជួយលើកសម្រស់អោយResort កាន់តែទាក់ទាញ ម្យ៉ាងទៀតភោគផលដែលបានពីវាលស្រែនេះក៏ត្រូវបានខាងResort រៀបចំជាអំណោយជូនទៅដល់គ្រប់ភ្ញៀវដែលទៅស្នាក់នៅទីនោះផងដែរ ។ Resort ត្រូវចំណាយបុគ្គលិក មួយក្រុមដើម្បីថែទាំវាស្រែដើម្បីធានាទៅដល់សោភណ្ឌ័ភាពរបស់វា ។ គ្រប់ទេសភាពវាលស្រែនាពេលព្រឹកនិងថ្ងៃលិច ពិតជាយកអ្វីមកពត៍នាពុំបានឡើយ ប៉ុន្តែទេសភាពវាលស្រែក្នុង “ភូមិបៃតង” គឺល្អដាច់លើសគេ វាស្អាត24ម៉ោងតែម្ដង ។ ពីព្រោះនាពេលយប់ Resort បានបំពាក់នៅភ្លើងអោយភ្លឺ ដែលមើលទៅប្រៀបដូចជាឋានសួគ៌លើដីអញ្ចឹង ។ ហើយវាក៏ជាលើកទីមួយក្នុងជិវិតខ្ញុំ ដែលជិះកង់គយគន់ទេសភាពវាលស្រែកណ្ដាលយប់នោះ ។

ក្រៅពីនេះក៏មានចំណុចពិសេសជាច្រើនទៀត ដូចជាការជិះកង់លេងក្នុងResort និងអាងហែលទឹករួមរបស់Resort ដែលមានទេសភាពវាលស្រែ ល្អដាច់គេផងដែរ ។

*** ហេតុអ្វីបានជាខ្ញុំហៅវាលស្រែនេះថា “ វាលស្រែមាស “
ជាការពិតទេសភាពវាលស្រែពិតជាស្រស់ស្អាត ប៉ុន្តែភាគច្រើនយើងបានរំលងវា ដោយក្នុងនោះខ្ញុំជឿថាមានមនុស្សមួយចំនួនសូម្បីតែដើរកាត់វាលស្រែក៏មិនធ្លាប់ផង ។ប៉ុន្តែ “ ភូមិបៃតង “បានកែប្រែដីស្រែធម្មតាមួយ អោយក្លាយទៅជាកន្លែងមួយដែលគ្រប់គ្នាអោយតម្លៃ រហូតដល់ហ៊ានចំណាយរាប់រយដុល្លាក្នុងមួយយប់ ដើម្បីស្នាក់នៅទីនោះសម្រាប់ការផ្ដិតយកទេសភាពមួយនេះ ។ វាបានកើនរំលឹកខ្ញុំអោយយល់ថា មិនថាយើងកើតមកសាមញ្ញយ៉ាងណា ប្រសិនបើយើងកែឆ្នៃនិងរៀបចំខ្លួនអែងអោយបានល្អ នោះយើងក៏ទទួលបានតម្លៃដូចគ្នា ។
អោយតម្លៃខ្លួនអែងជាមុនសិនជាមួយសកម្មភាពដ៏ត្រឹមត្រូវ នោះយើងទទួលបានលទ្ធផលល្អលើសពីការរំពឹងទុក ។ នេះក៏ជាមូលហេតុដែលខ្ញុំហៅ វាលស្រែនេះ ថា “ វាលស្រែមាស “ ។

*** ការផ្ដល់ជូនពិសេស
ដោយសារតែទើបតែចាប់ផ្ដើមបើកឡើងវិញក្រោយវិបត្តិកូវិដ ព្រមទាំងការចូលរួមលើកកំពស់វិសយ័ទេសចរណ៍ក្នុងស្រុកផងនោះ ភូមិបៃតង បានផ្ដល់ជូននូវតម្លៃពិសេសដល់ប្រជាជនខ្មែរគ្រប់រូប ជាមួយតម្លៃពិសេស ចន្លោះពី150$ ទៅ 250$ ។

សម្រាប់ព័ត៍មានបន្ថែមសូមធ្វើការទំនាក់ទំនងទៅកាន់ :
010 252 527 (Mr.Kim Yan , Zannier Hotels Phum Baitang )