ນີ້ເເຫຼະບ້ານຂອ້ຍ

23/06/2024

ພະທາດຫລວງວຽງຈັນ

#ນີ້ເເຫຼະບ້ານຂ້ອຍ

13/06/2024

ປະຫວັດ ຂອງ ສິມວັດ ອູບມູງ ເມືອງ ສີໂຄດຕະບອງ ນະຄອນຫຼວງວຽງຈັນ
ບ້ານ ອູບມູງ ບ້ານ ນາຄໍາ ປະຊາຊົນສອງບ້ານນີ້ ແມ່ນອົບພະຍົກກັບຄືນມາຈາກຈັງຫວັດ ປະຈີນບູລີ ປະເທດໄທ (ເປັນຄົນລາວທີ່ຖືກຕ້ອນໄປໃນປາງສົງຄາມ) ໃນລະຫວ່າງປີ ຄສ 1896 ໄດ້ພາກັນມາຕັ້ງ ບ້ານ ອູບມູງ ບ້ານ ນາຄໍາ ແລະ ບ້ານໜອງປາໄນ ແຕ່ປະຊາຊົນສາມບ້ານນີ້ຍາມໃດກໍ່ບໍ່ໄດ້ລົດລະການນັບຖືສາດສະໜາ ດວ້ຍການເຊື່ອຖື ແລະ ຄວາມນັບຖືດັ່ງກ່າວເຖິ່ງແມ່ນວ່າຈະພົບກັບຄວາມຫຍຸ້ງຍາກກໍ່ຕາມພວກເພີ່ນກໍ່ໄດ້ເຕົ້າໂຮມກັນສ້າງວັດຂື້ນເພື່ອເປັນບ່ອນເຄົາຣົບສັກກະລະບູຊາເຖິງພຣະຣັດຕະນະໄຕຣ ແລະ ເຮັດໃຫ້ພຸດທະສາດສະໜາຈະເລີນຮຸ່ງເຮືອງຂື້ນຕາມຍຸກຕາມສະໃໝຕະຫຼອດມາ ການສ້າງພຸດທະສີມມາຂື້ນ ໃນວັດອູບມູງແຫ່ງນີ້ໄດ້ກໍ່ສ້າງຂື້ນເຖິງ 3 ຄັ້ງ
ສິມຫຼັງທີ 1
ສ້າງຂື້ນເມື່ອປີ ຄສ 1899 ເປັນສິມທີ່ປຸກດວ້ຍເສົາໄມ້ແກ່ນ ແອ້ມໄມ້ແປ້ນ ມຸງຫຼັງຄາດວ້ຍໄມ້ແປ້ນ ພື້ນຖົມດີນທໍາມະດາ ຫຼັງຈາກສ້າງສໍາເລັດເເລ້ວກໍ່ໄດ້ພ້ອມພຽງກັນໄປຂໍອາລາດທະນານິມົນເອົາອົງພຣະພຸດທະຮູບທອງ ພຣະປະທານ ນໍາຍາທ່ານ ພຣະຫຼັກຄໍາແກ້ວ ທີ່ ວັດສີສະເກດ “ສະຕະສະຫັສສາຣາມ” ມາປະດິດສະຖານ ໄວ້ເພື່ອເປັນທີ່ສັກກາລະບູຊາມາເຖິງປະຈຸບັນ.
ສິມຫຼັງທີ 2
ໃນເມື່ອບ້ານເມືອງມີຄວາມຈະເລີນຮຸ່ງເຮືອງຂື້ນປະຊາຊົນພາຍໃນບ້ານກໍ່ມີຄວາມອຸດົມສົມບູນ ຂື້ນພໍສົມຄວນບວກໃສ່ສິມຫຼັງທີ 1 ມີການຊຸດໂຊມລົງໃນປີ ພສ 2484 ຄສ 1941 ປະຊາຊົນບ້ານອູບມູງ ບ້ານ ນາຄໍາ ໄດ້ພ້ອມກັນມ້າງສິມຫຼັງເກົ່າອອກສ້າງສິມຫຼັງໃໝ່ຂື້ນແທນຊິ່ງມີຄວາມສວຍງາມແໜ້ນໜາ ສິມຫຼັງທີສອງສ້າງຂື້ນດວ້ຍເສົາກໍ່ດວ້ຍດີນຈີ່ຜາກໍ່ດວ້ຍດີນຈີ່ ໂຄງຫຼັງຄາໄມ້ແກ່ນ ມຸງຫຼັງຄາດວ້ຍດີນຂໍ ພື້ນຖົມດີນ ປູພື້ນ ດວ້ຍກະເບື້ອງດີນເຜົາ.
ສິມຫຼັງທີ 3
(ສິມທີ່ສ້າງຂື້ນໃນປະຈຸບັນ ) ໃນເມື່ອສິມຫຼັງເກົ່າໄດ້ມີການສ້ອມແປງຄັ້ງທີໜຶ່ງແລ້ວ ແລະ ກໍ່ມີການຊຸດໂຊມອີກ ເມື່ອສະພາບສິມຊຸດໂຊມລົງຫຼາຍ ພຣະອາຈານທອງຄໍາ ວິຈິດຕະທໍາໂມ ເຈົ້າອະທິການວັດອູບມູງ ຈຶ່ງເຊື້ອເຊີນເອົານາຍບ້ານເຖົ້າແກ່ຜູ້ຊົງຄຸນນະວຸດທິ ແນວໂຮມທັງສອງບ້ານມາປະຊຸມປຶກສາຫາລື ໃນທີ່ສຸດກໍ່ຕົກລົງເປັນເອກະພາບກັນວ່າຈະມ້າງສ່ວນທີ່ເປ້ເພນັ້ນອອກ ແລ້ວສ້ອມແປງປະຕິສັງຂອນຄືນໃໝ່ ເພື່ອຮັກສາຮູບຮ່າງ ແລະ ຂະໜາດເດີມນັ້ນໄວ້
ໃນເດືອນ ກຸມພາ ຄສ 2000 ໄດ້ທໍາການມ້າງສວ່ນເພພັງ ທີ່ຄາດຄະເນໄວ້ແຕ່ກໍ່ບໍ່ເປັນດັ່ງທີ່ຄາດໝາຍໄວ້ໃນເວລາຂື້ນມ້າງນັ້ນບ່ອນໃດກໍ່ຂຸໂຫຍ້ຍ ພຸພັງທັງໝົດ ເສົາກໍ່ ຝາກໍ່ທຸກຢ່າງພັງລົງ ໄມ້ໂຄງຫຼັງຄາກໍ່ໂດກ ທັງປວກກີນ ເມື່ອເປັນດັ່ງນັ້ນ ເຫັນວ່າຈະທໍາການສ້ອມແປງຄືນດັ່ງເດີມບໍ່ໄດ້ອີກແລ້ວ ຈໍາເປັນຕ້ອງໄດ້ມ້າງອອກໝົດ ປັບພືນໄໝ່ປຸກສ້າງໄໝ່.
ເມື່ອເຫັນດີເປັນເອກກະພາບກັນແລ້ວກໍ່ໄດ້ເຕົ້າໂຮມບັນດາກໍາມະການ ແລະ ທຸກພາກສວ່ນທີ່ກ່ຽວຂ້ອງ ໄດ້ນໍາລົດມາອານາໄມປັບພື້ນຄາດວ່າຈະປັບພື້ນອອ້ມຮັກສາສິມເກົ່າໄວ້ປຸກສິມໄໝ່ຂື້ນແທນ ແຕ່ໃນການປັບພື້ນນັ້ນຊອກຫາບີສິມເກົ່າບໍ່ເຫັນເປັນໜ້າດີນທໍາມະດາບໍ່ມີຈຸດໃດສາມາດສັນນິຖານໄວ້ວ່າເປັນບີສິມ ດັ່ງນັ້ນຈິ່ງຕົກລົງກັນນໍາລົດຈົກຊອກຫາບີສິມຈົນລົງເລີກເຖິງ 2 ແມັດກວ່າ ກວ້າງອອກຈົນກາຍຂອບເຂັດສິມເກົ່າຈຶ່ງພົບໝາກຂີ້ຫີນຢູ່ຈຸດ 4 ແຈ ຈໍານວນ 5 ກ້ອນ ໃຫ່ຍຂະໜາດໜວ່ຍໝາກພ້າວປອກແລ້ວ ເມື່ອສິມເກົ່າຮັກສາສະພາບຫຍັງໄວ້ບໍ່ໄດ້ ຈຶ່ງຈໍາເປັນຈິ່ງໄດ້ສາ້ງສິມໄໝ່ຂື້ນ ໃຫ້ແໜ້ນໜາຖາວອນກວ່າສິມເກົ່າເມື່ອຕົກລົງເອກະພາບກັນແລ້ວ ກໍ່ໄດ້ແຕ່ງຕັ້ງເຖົ້າແກ່ແນວໂຮມໄປກາບ ປືກສາຂໍຄວາມເຫັນນໍາ ຍາທ່ານ ພຣະອາຈານ ດຣ ວິຈິດ ສິງຫາຣາດ ປະທານອົງການພຸດທະສາດສະໜາ ສໍາພັນ ແຫ່ງປະເທດລາວ ວ່າສິມເກົ່າໄດ້ມ້າງແລ້ວຈະສ້ອມແປງຄືນບໍ່ໄດ້ຈໍາເປັນຕ້ອງໄດ້ປຸກສິມໄໝ່ຂື້ນແທນແຕ່ບ່ອນເກົ່າມັນຄັບແຄບຈະເຫັນສົມຄວນປຸກໃສ່ບ່ອນໃດ ! ຍາທ່ານ ພຣະອາຈານ ດຣ ວິຈິດ ສິງຫາຣາດ ໄດ້ຕົກລົງໃຫ້ປຸກຂື້ນກວມບ່ອນເກົ່າ ເມື່ອໄດ້ຄໍາຕອບຈາກເພີ່ນແລ້ວທາງຄະນະກໍາມະການກໍ່ໄດ້ປະຕິບັດຕາມ
ຕົກມາໃນເດືອນຍີ່(2) ປີມະໂລງ ພສ 2543 ກົງກັບວັນທີ 26 ທັນວາ ຄສ 2000 ສິມຫຼັງທີ 3 ກໍ່ຖືກວາງສີລາລຶກ ກໍ່ສ້າງຂື້ນເຊິ່ງມີຄວາມກວ້າງ 7 ແມັດ ຍາວ 20 ແມັດ ຂະໜາດຫ້ອງ 5 ຫ້ອງ ລວງສູງແຕ່ລະຖ້ານແອວຂັນຂື້ນຫາພື້ນສິມສູງ 2 ແມັດ ແຕ່ພື້ນສິມຂື້ນຫາເພດານສູງ 7 ແມັດ ແຕ່ເພດານຫາຫຼັງຄາສູງ 7 ແມັດ ຍອດຊໍ່ຟ້າສູງ 3 ແມັດ
ວາງຖ້ານກໍ່ສ້າງໂຕອາຄານ ດວ້ຍຊີມັງເສີມເຫຼັກ ກໍ່ຝາດວ້ຍດີນຈີ່ ກໍ່ຂະໜານກັນ 2 ກ້ອນ ໜາ 20 ຊັງຕີແມັດ ໂຄງຫຼັງຄາເປັນເຫັຼັກທັງໝົດມຸງຫຼັງຄາດວ້ຍດີນຂໍເຄືອບນໍ້າຍາ
ການກໍ່ສ້າງພຸດທະສີມມາວັດອູບມູງຊຶ່ງດໍາເນີນການກໍ່ສ້າງເປັນເວລາ 5 ປີ 11 ເດືອນ ກັບ 6 ມື້ ໄດ້ສໍາເລັດລົງໃນມື້ ອອກໄໝ່ 10 ຄໍ່າ ເດືອນຈຽງ(1) ປີຈໍ ພສ 2549 ກົງກັບວັນພະຫັດ ວັນທີ 30 ພະຈິກ (11 ) ຄສ 2006

ເກັບກໍາຂໍ້ມູນ ແລະ ນໍາສະເໜີໂດຍ : ນີ້ເເຫຼະບ້ານຂ້ອຍ

04/06/2024

ເລືອດນັກສູ້ ບໍ່ເຄີຍຍອມໃຜ ມ່ວນ ມັນ ສຸດໆ
ບຸນບັ້ງໄຟ ເມືອງເຟືອງ ແຂວງວຽງຈັນ
#ນີ້ແຫຼະບ້ານຂ້ອຍ
#ຮູບພາບຂອງຂ້ອຍmyshutter


ງານສິລະປະ ຈະເຮັດໃຫ້ເຮົາ ມີສະຕິ ຫຼາຍຂື້ນ

22/05/2024

21/05/2024

ນະຄອນຫຼວງວຽງຈັນ ປີ ໑໙໙໙
Flickr user: Makiwo Chew
Cr : Gonzalo Cancino

29/04/2024

ພຣະພຸທທະຮູບ ປາງປະຣິນິບພານ ເນື້ອທອງສຳຣິດ ທີ່ມີຄວາມຍາວ 168 ຊມ×29 ຊມ ໃນລະດັບຄວາມເລີກ ທີ່ 4 ແມັດ ຂຸດພົບ ທີ່ດອນເຜິ້ງຄຳ ເມືອງຕົ້ນເຜິ້ງ ແຂວງ ບໍ່ແກ້ວ ເວລາປະມານ 14:17 ໂມງ ຂອງວັນທີ 25/03/2024

15/04/2024

04/04/2024

ພົບເຫັນພຣະພຸທທະຮູບ ຈຳນວນ 51 ອົງ ທີ່ບ້ານເຄິ່ງ ເມືອງພູກູດ ແຂວງຊຽງຂວາງ ໃນວັນທີ 02 ເມສາ 2024 ໂດຍພະນັກງານຂອງໂຄງການເກີດກູ້ລະເບີດ ໄດ້ກວດພົບເຫັນທີ່ເປີ້ນພູ
ຂໍຂອບໃຈຮູບຂ່າວຈາກ ​:​ Tadam Ctls

20/03/2024

20/03/2024

ວັນທີ 20/03/2024 ໄດ້ຂຸດພົບສິ້ນສ່ວນຂອງຖານພຣະ ເຊິ່ງດ້ານໃນຂອງຖານ ໄດ້ມີອັກສອນຈາຣຶກໄວ້ ໃນນັ້ນ ເຊິ່ງຂຸດພົບຢູ່ດອນເຜິ້ງຄຳ ເມືອງຕົ້ນເຜິ້ງ ແຂວງບໍ່ແກ້ວ

ຂໍຂອບໃຈຮູບພາບຈາກ : ພຣະອາຈາຣຍ໌ຂັດຕິຍະບາຣະມີ

20/03/2024

20/03/2024

ຂໍ້ມູນໃຫມ່ຈາກເພຈ : ສະຖານີວິທະຍຸໂທລະພາບ ແຂວງບໍ່ແກ້ວ ລາຍງານການຂຸດຄົ້ນພຣະພຸທທະຮູບທີ່ດອນເຜິ້ງຄຳ ເມືອງຕົ້ນເຜິ້ງ ແຂວງບໍ່ແກ້ວ ປະຈໍາວັນທີ 20 ມີນາ 2024 ນີ້ໄດ້ມີການຂຸດພົບພຣະພຸທທະຮູບແບບຕ່າງໆດັ່ງນີ້ :

1. ພຣະພຸທທະຮູບປາງຊະນະມານ ທອງສໍາຣິດ 10 ອົງ.
2. ພຣະປາງລີລາ 21 ອົງ.
3. ພຣະໃບໂພ 14 ອົງ.
4. ພຣະຫໍສະຫວັນ 14 ອົງ.
5. ສຽນພຣະ 2.
6. ຈອມເກດນ້ອຍ 2.
7. ຄວ້ານບູຮານ 1. ( ຄວ້ານ...? ...ບໍ່ເຂົ້າໃຈ)
8. ຍອດແກ່ນເສດຖະສັດ 1
ເຊິ່ງການຂຸດຄົ້ນຍັງດໍາເນີນຕໍ່ໄປ .

18/03/2024

ວັນຈັນ ວັນທີ 18/03/2024 ພົບພຣະພຸດທະຮູບ 3 ອົງ ແລ້ວ ຄາດວ່າອົງທີ 4-5 ກຳລັງຈະຕາມຂຶ້ນມາ ເພາະກຳລັງຂຸດຢູ່.

ວັນຈັນ ວັນທີ 18/03/2024 ພົບພຣະພຸດທະຮູບ 3 ອົງ ແລ້ວ ຄາດວ່າອົງທີ 4-5 ກຳລັງຈະຕາມຂຶ້ນມາ ເພາະກຳລັງຂຸດຢູ່.

ຂໍຂອບໃຈຮູບພາບຈາກ ອຸໄທ ພົມມາ

27/02/2024

18/02/2024

16/02/2024