ອີ່ຮູ້ E-Hou

24/09/2022

ນະຄອນຫຼວງພະບາງເປັນເມືອງໜຶ່ງທີ່ຂື້ນຊື່ທາງດ້ານການທ່ອງທ່ຽວວັດທະນະທຳ, ຮິດຄອງປະເພນີ ແລະ ແຫຼ່ງທ່ອງທ່ຽວທາງທຳມະຊາດລວມໄປເຖິງອາຫານກໍ່ເປັນສີ່ງທີ່ບົ່ງບອກຄວາມເປັນເອກະລັກຂອງຫຼວງພະບາງ.
___________________________________________________________________
ອາຫານຫຼວງພະບາງເປັນອາຫານທີ່ມີຄວາມແຕກຕ່າງ ແລະໂດດເດັ່ນສະເພາະຢ່າງຊັດເຈນ ຈາກອາຫານທຸກພື້ນທີ່ຂອງລາວ, ອາຫານຫຼວງພະບາງເປັນອາຫານທີ່ນຳໃຊ້ວັດຖຸດິບ, ເຄື່ອງຄຽງ ທີ່ເປັນສະໝຸນໄພເຂົ້າໃນການ ປຸງແຕ່ງເພື່ອໃຫ້ມີິລົດຊາດເປັນເອກະລັກແລະ ດີຕໍ່ສຸຂະພາບ.
____________________________________________________________________
ສວນອາຫານຫຼັງບ້ານຕັ້ງຢູ່ແຄມຂອງບ້ານໜອງຊາຍ, ກົງກັນຂ້າມກັບວັດໜອງຊາຍ, ເພີ່ນມີອາຫານຫຼາກຫຼາຍປະເພດທີ່ໂດດເດັ່ນທີ່ສຸດກໍ່ຄືອາຫານຫຼວງພະບາງເຊັ່ນ: ເອາະຫຼາມ, ສະລັດຫຼວງພະບາງ, ມົກປາ ນອກຈາກໃຫ້ການບໍລີການທາງດ້ານອາຫານແລ້ວ ເພີ່ນຍັງມີການສາທິດ ແລະ ນຳພາຮຽນຮູ້ວີທີການເຮັດອາຫານຫຼວງພະບາງນຳອີກ.
_____________________________________________________________________
ນອກຈາກຄວາມໂດດເດັ່ນທາງດ້ານອາຫານແລ້ວ, ສວນຫຼັງບ້ານຍັງເປັນບ່ອນໃຫ້ພັກຜ່ອນຊີວໆຊົມບັນຍາກາດແຄມຂອງໄດ້ອີກ.
#ອີ່ຮູ້
ສວນຫລັງບ້ານ LangBan Garden
#ສວນຫລັງບ້ານ


#ອີ່ຮູ້ພາທ່ຽວ
#ສວນຫລັງບ້ານ

07/09/2022

"ນໍ້າຕົກຕາດກວາງຊີ ຄວາມງົດງາມທີ່ບໍ່ເຄີຍປ່ຽນແປງ"
________________________________________________
ພວກເຮົາເຊື່ອວ່າທຸກໆຄົນທີ່ມາທ່ຽວຫຼວງພະບາງຄົງໄດ້ສຳພັດກັບບັນຍາກາດອັນສົດຊື່ນ ແລະ ຮົ່ມເຢັນຂອງຕາດແຫ່ງນີ້, ບໍ່ວ່າການເວລາຈະໝູນວຽນປ່ຽນໄປຫລາຍປານໃດກໍຕາມແຕ່ບໍ່ເຄີຍປ່ຽນແປງຄວາມງົດງາມຂອງທຳມະຊາດຂອງຕາດກວາງຊີໄດ້.
________________________________________________
ເປັນອີກມື້ໜຶ່ງທີ່ພວກເຮົາອີ່ຮູ້ໄດ້ມາສຳພັດກັບບັນຍາກາດທີ່ສາມາດມາລະບາຍຄວາມຄຽດ, ຄວາມຮ້ອນ, ຄວາມວຸ້ນວາຍໃນເມືອງເຊີ່ງມັນເຮັດໃຫ້ເຮົາຮູ້ສຶກສົດຊື່ນ, ຜ່ອນຄາຍໄດ້ເປັນຢ່າງດີ.
________________________________________________
ຕາດກວາງຊີເປັນອີກໜື່ງສະຖານທີ່ທີ່ພວກເຈົ້າຄວນມາສຳພັດ, ມາພັກຜ່ອນ, ສູບດົມເອົາອາກາດທີ່ສົດຊື່ນກ່ອນກັບໄປເຮັດວຽກ.
_______________________________________________
#ອີ່ຮູ້

06/09/2022

ອາທິດທີ່ຜ່ານມາພວກເຮົາທີມງານອີ່ຮູ້ໄດ້ລົງຖ່າຍງານຕາມເສັ້ນທາງໄປຕາດກວາງຊີ ແລະ ນີ້ເປັນຈຸດທີ່ສອງທີ່ພວກເຮົາໄດ້ແວ່ຮ່ວມເຮັດກິດຈະກຳ ແລະ ຮຽນຮູ້ເລື່ອງຄວາຍ ຫລັງຈາກທີ່ພວກເຮົາແວ່ຫຼີ້ນ ແລະ ຮຽນຮູ້ວິຖີຊີວີດກັບນ້ອງໆຊາວເຜົ່າມົ້ງທີ່ບ້ານນາອວນ.
_______________________________________________________
ຟາມລ້ຽງຄວາຍນົມ, ບ້ານເມືອງຂາຍ, Laos Buffalo Dairy ເປັນຟາມແບບຍືນຍົງ ແລະ ມີສ່ວນຮ່ວມກັບການພັດທະນາສັງຄົມໃນເຂດຊົນນະບົດໃຫ້ມີຄວາມປອບໄພດ້ານອາຫານ, ຊີວີດການເປັນຢູ່, ສຸຂະພາບ ແລະ ສີ່ງແວດລ້ອມອ້ອມຂ້າງໂດຍການຈັດຕັ້ງຟາມຄວາຍທີ່ໃຫ້ປະຊາຊົນມີສ່ວນຮ່ວມ.
________________________________________________________
ປະຊາຊົນສາມາດນຳແມ່ພັນຄວາຍຂອງໂຕເອງມາໃຫ້ທາງສູນດູແລ, ເພາະພັນ ແລະ ຂະຫຍາຍພັນ ໃຫ້ມີຄຸນນະພາບທີ່ສາມາດຜະລິດ ຜະລິດຕະພັນຕ່າງໆຈາກນົມຄວາຍທີ່ນຳມາລ້ຽງ ເຊັ່ນ: ຊີສ, ກະແລ່ມ ແລະ ຂອງຫວານຕ່າງໆ ເຊີງປະຊາຊົນສາມາດມີລາຍຮັບຈາກການໃຫ້ເຊົ່າແມ່ພັນຄວາຍ.
______________________________________________________
ນອກຈາກການໄດ້ຊີມຜະລິດຕະພັນຈາກນົມຄວາຍແລ້ວ,​ ທາງທີມງານຂອງພວກເຮົາຍັງໄດ້ຮ່ວມກິດຈະກຳການໃຫ້ອາຫານຄວາຍ,​ ອາບນ້ຳຄວາຍ, ຮຽນຮູ້ຄວາມເປັນມາຂອງສູນຄວາຍນົມແຫ່ງນີ້ ແລະ ສີ່ງສຳຄັນທີ່ເປັນໄຮໄລ້ຂອງທີ່ນີ້ຄື: ການຮີດນົມຄວາຍເພື່ອມາແປຮູບໃຫ້ເປັນຜະລິດຕະພັນຕ່າງໆ.​
_____________________________________________________
ພວກເຮົາຖືໂອກາດນີ້ຂອບໃຈທີມງານຟາມຄວາຍນົມທີ່ໃຫ້ການດູແລ ແລະ ຕ້ອນຮັບເປັນຢ່າງດີ.
#ອີ່ຮູ້




#ອີ່ຮູ້ພາທ່ຽວ

04/09/2022

ມື້ນີ້ອີຮູ້ຈະພາທຸກຄົນມາຮູ້ຈັກກັບອີກໜຶ່ງສະຖານທີ່ທ່ອງທ່ຽວແບບປະຊາຊົນມີສ່ວນຮ່ວມ ນັ້ນກໍ່ຄື: "ບ້ານນາອວນ"
______________
ບ້ານນາອວນ ນະຄອນຫຼວງພະບາງ.ເປັນບ້ານທີ່ມີສີນຄ້າຫັດຖະກຳ, ມີການສະແດງໄວ້ໃຫ້ບັນດານັກທ່ອງທ່ຽວໄດ້ສຳຜັດ ແລະ ຊື່ນຊົມ ເອກະລັກຂອງພີ່ນ້ອງເຜົ່າມົ້ງ ເຊິ່ງບ້ານແຫ່ງນີ້ກ່ອນທີ່ຈະມີການລະບາດຂອງພະຍາດໂຄວິດ-19 ແມ່ນໄດ້ຮັບຄວາມນິຍົມຈາກແຂກທັງພາຍໃນແລະຕ່າງປະເທດເປັນຢ່າງດີ ແຕ່ມາເຖິງປັດຈຸບັນນີ້ນັກທ່ອງທ່ຽວແມ່ນລຸດລົງ ສະນັ້ນຈຶ່ງເຮັດໃຫ້ປະຊາຊົນຫຼາຍຄອບຄົວໄດ້ຢຸດຕິການຂາຍເຄື່ອງຫັດຖະກຳ ແລ້ວຫັນໄປເຮັດກະສິກຳປ່ຽນແທນ ແຕ່ເຊື່ອແນ່ວ່າໃນຕໍ່ໜ້ານີ້ຈະມີນັກທ່ອງທ່ຽວເຂົ້າມາທ່ຽວແຂວງພະບາງຫຼາຍຂື້ນ ບ້ານນາອວນແຫ່ງນີ້ກໍ່ຈະກັບມາມີຄວາມຄຶກຄື້ນຄືເກົ່າຢ່າງແນ່ນອນ.
______________

#ອີ່ຮູ້
#ອີ່ຮູ້ພາທ່ຽວ
#ໄປໃສ

02/09/2022

ພວກເຮົາອີ່ຮູ້ຢາກເປັນສວນຫນື່ງຂອງຊາວຫລວງພະບາງບາງໃນການນຳສະເຫນີອາຫານການກີນທີ່ເປັນເອກກະລັກຂອງພະບາງໃຫ້ກັບນັກທ່ອງທ່ຽວທັງພາຍໃນ ແລະ ນອກ ໄດ້ຮີມລົດ, ບໍວ່າຈະເປັນ, ຕຳສົ້ມຫລວງພະບາງ, ໄສ້ອົ້ວ, ໄຄແຜນ, ເອາະລາມ ແລະ ແຈ່ວບ່ອງ ທີ່ມັນຂື້ນຊື່ ແລະ ເປັນທີ່ຮູ້ຈັກຂອງນັກທ່ອງທ່ຽວ.
______________________________________________
ນອກຈາກອາຫານການກີນແລ້ວ, ສີ່ງຫນື່ງທີ່ພວກເຮົາຄີດວ່າຄວນແນະນຳ ແລະ ສະເຫນີໃຫ້ກັບຜູ້ທີ່ມາຍ້ຽມເຍືອນຄື ຫລວງພະບາງເບຍທີ່ບົງບ່ອກຄວາມເປັນຫລວງພະບາງ ແລະ ເປັນສີ່ງດຽວທີ່ມີສະເພາະພາຍໃນຫລວງພະບາງ.
______________________________________________
#ອີ່ຮູ້
#ໂລະລາດຫລວງພະບາງ
#ບຸນຫໍເຂົ້າປະດັບດີນ
.

02/09/2022

ເປັນເວລາເກືອບ2ປີທີ່ບໍ່ໄດ້ມີການຈັດງານບຸນປະເພນີຊວງເຮືອເດືອນ 9 ຫໍເຂົ້າປະດັບດີນເນື່ອງຈາກມີການລະບາດຂອງພະຍາດໂຄວິດ19, ແຕ່ມາໃນປີນີ້ແມ່ນເພີ່ນໄດ້ມີການຈັດເຕັມຮູບແບບ ມີຫຼາຍກິດຈະກຳ ບໍ່ວ່າຈະເປັນການຊ່ວງເຮືອທີ່ບ້ານຫາດຮຽ່ນ, ຊ່ວງເຮືອທີ່ຍື່ງດົງ ບ້ານສັງຄະໂລກ, ແລະໃນມື້ນີ້ກໍ່ມີການໂລະລາດຕາມເສັ້ນທາງສີສະຫວ່າງວົງ, ສ່ວນໃນມື້ອ່ື່ນກໍ່ຈະມີການແຂ່ງຂັນຊ່ວງເຮືອປະເພນີທີ່ຍຶ່ງຄານ ນະຄອນຫຼວງພະບາງ.
______________________________________________
ການໂລະລາດ ຫຼື ຕະຫຼາດນັດແບບມວນຊົນ ແມ່ນຈັດຂື້ນເປັນປະຈຳໃນບຸນປີໃຫ່ມລາວ ແລະ ບຸນຫໍ່ເຂົ້າປະດັບດີນ ເຊິ່ງໄດ້ມີຊາວກະສິກອນ ພໍ່ຄ້າຊາວຂາຍໄດ້ນຳເອົາຜົນຜະລິດກະສິກຳ, ຜະລິດຕະພັນສີໄມ້ລາຍມືຂອງຕົນມາວາງຂາຍ ເປັນຕົ້ນ: ເຄື່ອງຫັດຖະກຳ, ອຸດສາຫະກຳ, ເຄື່ອງນຸ່ງຫົ່ມ, ເຄື່ອງອຸປະໂພກ-ບໍລິໂພກ, ອາຫານການກີນ, ເຄື່ອງດື່ມ ແລະ ໝາກໄມ້ຕ່າງໆ ທີ່ນຳມາປະກອບເປັນເຂົ້າຫໍ່ໂປ້ ຫຼື ເຂົ້າປະດັບດີນ.
______________________________________________
ຊ່ວງເຮືອເດືອນເກົ້າ ຢູ່ທີ່ຍື່ງຄານ ເດືອນເກົ້າ 9 ແມ່ນຢູ່ໃນໄລຍະລະດູຝົນ ນໍ້າຂອງຂື້ນ,ນໍ້າຄານກໍ່ຍື່ງຂື້ນ ແລະເປັນແມ່ນໍ້າທີ່ມີຄວາມສວຍງາມ ເອື້ອອຳນວຍ ຄວາມສະດວກທາງດ້ານທຳມະຊາດ ທັງສອງຝາກຝັ່ງ.ສະນັ້ນ,ນັບຕັ້ງແຕ່ສະໄໝກ່ອນເປັນຕົ້ນມາ ເຈົ້າຊີວິດ ຈຶ່ງໄດ້ເລືອກເອົາສະຖານທີ່ຍື່ງນໍ້າຄານ,ນັບແຕ່ບໍລິເວນ ຕີນພູສີເບື້ອງ ຫຼັງລົງມາຮອດໃກ້ບໍລິເວນ ປາກນໍ້າຄານເປັນສະຖານທີ່ຈັດງານແຂ່ງຂັນເຮືອຊ່ວງທີ່ຍື່ງຄານເພື່ອເຮັດໃຫ້ແຂກຈາກຕ່າງແຂວງອື່ນ,ເມືອງອື່ນເຂົ້າມາທ່ຽວຊົມ,ເມື່ອເຖິງເດືອນ 11 ອອກພັນສາ ເຈົ້າຊີວິດເພິ່ນຈຶ່ງມີເວລາໄປທ່ຽວຊົມການແຂ່ງຂັນຊ່ວງເຮືອຢູ່ຕ່າງເມືອງ ເຊັ່ນ: ດອນໂມ,ໄຊຍະບູລີ ແລະວຽງຈັນ.
______________________________________________
ການຊ່ວງເຮືອ ປະເພນີເດືອນເກົ້າດັບທີ່ ຫຼວງພະບາງ ໄດ້ກາຍເປັນ ມໍລະດົກ ທາງດ້ານວັດທະນະທຳ ສືບທອດກັນມາຫຼາຍເຊັ່ນຄົນຈົນເຖິງປັດຈຸບັນ ຍັງຮັບການປົກປັກຮັກສາ ແລະເສີມຂະຫຍາຍ ໃຫ້ກາຍເປັນວັດທະນະທຳຮີດຄອງ ປະເພນີ ອັນດີງາມຄ່ຽງຄູ່ ກັບຫຼວງພະບາງ ເມືອງມໍລະດົກໂລກ ຈາກນັກທ່ອງທ່ຽວ ແລະແຂກ ພາຍໃນ ແລະຕ່າງປະເທດເປັນຈໍານວນຫຼວງຫຼາຍ.
#ອີ່ຮູ້
#ບຸນຫໍ່ເຂົ້າປະດັບດິນ
#ອີ່ຮູ້ພາທ່ຽວ

25/08/2022

ສະບາຍດີບຸນຫໍ່ເຂົ້າປະດັບດິນຫຼວງພະບາງ (ບຸນຊ່ວງເຮືອເດືອນ 9 ແມ່ນໍ້າຄານ ຫຼວງພະບາງ)
______________________________________________

ປີນີ້ເປັນປີທຳອິດທີ່ພວກເຮົາຊາວຫຼວງພະບາງ ແລະ ທົ່ວປະເທດໄດ້ຫວນຄືນສືບຕໍ່ຈັດງານບຸນປະເພນີຕາມຮີດ 12 ຄອງ 14 ຫຼັງຈາກທີ່ພວກເຮົາຫ່າງຫາຍກັນໄປເປັນເວລາຫລາຍກວ່າ 2 ປີ.​
______________________________________________
ໃນຊ່ວງ 2-3 ປີ ທີ່ຜ່ານມາ, ມີຫລາກຫລາຍຢ່າງທີ່ປ່ຽນແປງ, ຫລາກຫລາຍຢ່າງທີ່ຜັນປ່ຽນ ແລະ ກໍ່ກຳເນີດຂື້ນມາໃຫມ່; ບໍ່ວ່າຈະເປັນວິວັດທະນາການກິດຈະກຳການທ່ອງທ່ຽວ, ການພັດທະນາຜະລິດຕະພັນຊາວບ້ານສູ່ສາກົນ, ແລະ ລວມໄປເຖິງການພັດທະນາເລື່ອງອາຫານການກີນພື້ນບ້ານສູ່ຕະຫລາດການທ່ອງທ່ຽວ.
______________________________________________
ພວກເຮົາອີ່ຮູ້ຢາກເປັນສ່ວນຫນື່ງຂອງຊາວຫຼວງພະບາງໃນການນຳສະເໜີອາຫານການກີນທີ່ເປັນເອກະລັກຂອງຫຼວງພະບາງໃຫ້ກັບນັກທ່ອງທ່ຽວທັງພາຍໃນ ແລະ ຕ່າງປະເທດ ໄດ້ຊີມລົດຊາດ, ບໍ່ວ່າຈະເປັນ, ຕຳສົ້ມຫຼວງພະບາງ, ໄສ້ອົ່ວ, ໄຄແຜ່ນ, ເອາະຫຼາມ ແລະ ແຈ່ວບອງ ທີ່ມັນຂື້ນຊື່ ແລະ ເປັນທີ່ຮູ້ຈັກຂອງນັກທ່ອງທ່ຽວ.
______________________________________________
ນອກຈາກອາຫານການກີນແລ້ວ, ສິ່ງຫນື່ງທີ່ພວກເຮົາຄິດວ່າຄວນແນະນຳ ແລະ ສະເຫນີໃຫ້ກັບຜູ້ທີ່ມາຍ້ຽມເຍືອນຄື ຫຼວງພະບາງເບຍທີ່ບົ່ງບອກຄວາມເປັນຫຼວງພະບາງ ແລະ ເປັນສີ່ງດຽວທີ່ມີສະເພາະພາຍໃນຫຼວງພະບາງ.
______________________________________________
#ອີ່ຮູ້
#ໂລະລາດຫຼວງພະບາງ
#ບຸນຫໍ່ເຂົ້າປະດັບດິນ

11/08/2022

ມື້ນີ້ອີຮູ້ຈະພາທຸກຄົນມາຮູ້ຈັກກັບວິທີການເຮັດ "ເຂົ້າໜົມບ້າບິ່ນ" ເຊິ່ງເປັນເຂົ້າໜົມພື້ນເມືອງຂອງຫຼວງພະບາງ ທີ່ໄດ້ຮັບຄວາມສົນໃຈຢ່າງລົ່ນຫລາຍຈາກນັກທ່ອງທ່ຽວ
_______________________________________

ເຂົ້າໜົມບ້າບິ່ນແມ່ເຖົ້າຜູ ເພັງສະຫວັດ ຕັ້ງຢູ່ໜ້າວັດສົບ ເປັນຮ້ານທີ່ເຮັດເຂົ້າໜົມບ້າບິ່ນມາໄດ້ຫຼາຍກວ່າ50ປີ, ເຊິ່ງຂັ້ນຕອນການເຮັດແມ່ນຕາມວິຖີພື້ນເມືອງຊາວຫລວງພະບາງຄື ນຳໃຊ້ເປືອກໝາກພ້າວແຫ້ງ ເປັນເຊື້ອໄຟ ເນື່ອງຈາກຈະເຮັດໃຫ້ລະດັບຄວາມຮ້ອນຢູ່ໃນຂັ້ນພໍດີ ບໍ່ຮ້ອນ ຫຼື ເຢັນເກີນໄປ ດັ່ງນັ້ນຈຶ່ງເຮັດໃຫ້ແປ້ງມີຄວາມນຸ້ມ ແລະ ຟູ ພ້ອມມີກິ່ນຫອມ, ສ່ວນປະສົມຫຼັກຂອງເຂົ້າໜົມບ້າບີ່ນກໍ່ມີ, ແປ້ງເຂົ້າ, ນ້ຳຕານ, ນ້ຳກະທິ ແລະ ຫມາກພ້າວຂູດ.
________________________________________
ເຂົ້າໜົມບ້າບິ່ນຖືໄດ້ວ່າເປັນອາຫານພື້ນເມືອງຂອງຫຼວງພະບາງ ທີ່ມີເອກະລັກທີ່ໂດດເດັ່ນ ມີຂັ້ນຕອນການເຮັດທີ່ຕ້ອງໃຊ້ຄວາມອົດທົນສູງ ເພາະຕ້ອງໄດ້ຢູ່ຕໍ່ໜ້າເຕົາທີ່ຮ້ອນແລະໃຊ້ເວລາຫຼາຍຊົ່ວໂມງ ສະນັ້ນຢາກໃຫ້ຄົນຮຸ່ນໃຫ່ມໄດ້ມີການສຶກສາ ແລະ ພ້ອມກັນອານຸລັກຮັກສາໄວ້ຕະຫຼອດໄປ.
________________________________________
ຖ້າທ່ານຕ້ອງການສຳພັດກັບລົດຊາດແບບດັ້ງເດີມກໍ່ສາມາດມາຊີມ ແລະ ທ່ຽວຊົມໄດ້ ທີ່ນະຄອນຫຼວງພະບາງ.
#ອີ່ຮູ້
#ອີ່ຮູ້ພາທ່ຽວ
#ໄປໃສ

05/08/2022

Sao Sinh - Traditional Lao Clothing Rental (ຮ້ານ ເຊົ່າສີ້ນ) ຕັ້ງຢູ່ບ້ານວັດແສນ ກົງກັນຂ້າມກັບໂຮງຮຽນອານຸບານ ຫລວງພະບາງ, ເປັນຮ້ານຫນື່ງທີ່ແຕກຕ່າງ ແລະ ໂດດເດັ່ນໃນຂົງເຂດນັ້ນ, ໂດຍການຕົບແຕ່ງຮ້ານທີ່ມີຄວາມເປັນເອກະລັກ,​ ເຊີ່ງຮ້ານຂອງເພີ່ນໃຫ້ບໍລີການເຊົ່າຊຸດຊົນເຜົ່າຕ່າງໆໃນປະເທດລາວເຊັ່ນວ່າ: ຊຸດຊົນເຜົ່າ, ສີ້ນ, ເສື້ອ, ແພບ່ຽງ ເຄື່ອງປະດັບແລະ ອື່ນໆ, ເຊີ່ງມີທັງຍີງ-ຊາຍ ລວມເຖິງເດັກນ້ອຍໃຫ້ນັກທ່ອງທ່ຽວສາມາດເລືອກເຊົ່າໄດ້ຕາມຄວາມຕ້ອງການ ແລະ ສີ່ງທີ່ສຳຄັນທີ່ສຸດຄືທຸກຊຸດກ່ອນທີ່ຈະໃຫ້ເຊົ່າໃຊ້ແມ່ນໄດ້ມີການທຳຄວາມສະອາດດີມາເປັນທີ່ຮຽບຮ້ອຍ.​
______________________________________________
ມາສ້າງຄວາມຊົງຈຳທີ່ດີກັບການເຊົ່າຊຸດຊົນເຜົ່າຂອງລາວທີ່ດີ ແລະ ມີຄຸນນະພາບກັບຮ້ານ Sao Sinh
______________________________________________
ພວກເຮົາຂໍຂອບໃຈທີ່ໃຫ້ທີມງານຂອງພວກເຮົາໄດ້ໃສ່ໃນການຖ່າຍທຳອີ່ຮູ້ເທບພີເສດ ກັບທີມ ReeRiew ຫລີລຽວ ທ່ຽວລາວ .
#ອີ່ຮູ້
#ອີ່ຮູ້ພາທ່ຽວ

#ໄປໃສ

26/07/2022

ກ່ອນອື່ນຫມົດພວກເຮົາທີມງານອີ່ຮູ້ທຸກຄົນຂໍຖືໂອກາດນີ້ຂອບໃຈ ReeRiew ຫລີລຽວ ທ່ຽວລາວ ແລະ ທີມງານທີ່ຕອບຮັບຄຳເຊີນຈາກອີ່ຮູ້ ເພື່ອມາຖ່າຍລາຍການ, ແລະ ເທບນີ້ເປັນເທບພິເສດທີ່ສຸດທີ່ອີ່ຮູ້ໄດ້ຈັດໃຫ້ Reeriew, ເຊີ່ງທີມງານພວກເຮົາພະຍາຍາມເຕັມທີ່ກັບການຈັດກິດຈະກຳການທ່ອງທ່ຽວ ແລະ ຖ່າຍເທບນີ້ໃຫ້ອອກມາດີທີ່ສຸດ ແລະ ບໍ່ຄືໃຜ.​
______________________________________________
ເຊີ່ງໃນນັ້ນພວກເຮົາຍັງໄດ້ຮັບການສະຫນັບສະຫນູນຈາກຮ້ານ Sao Sinh - Traditional Lao Clothing Rental ທີ່ຈັດຊຸດລາວເດີມທີ່ສວຍງາມໃຫ້ກັບ Reeriew ແລະ ພີທີກອນຂອງພວກເຮົາໄດ້ໃສ່ເພືອເປີດລາຍການ,​ ເດີນແບບໃນເສັ້ນທາງກາງເມືອງ, ແລະ ໃສ່ໄຫ້ວພຣະໃນວັດຊຽງທອງ.
______________________________________________
Highlight ຂອງເທບນີ້ນອກຈາກການເດີນແບບໃນເສັ້ນທາງກາງເມືອງແລ້ວກໍຄືການພາ Reeriew ໄປດຳນາຊ່ວຍ ຮ່າຮ່າຮ່າ (ບໍ່ແມ່ນ) ຄືທີມງານພວກເຮົາພາ Reeriew ມາຮຽນຮູ້ການເຮັດໄຮ່ໄຖນາແບບດັງເດີມ, ເຊີງພວກເຮົາເຊື່ອວ່າ Reeriew ຍັງບໍ່ເຄີຍມີປະສົບການແບບນີ້ມາກ່ອນ ແລະ ຍັງເຊື່ອວ່າຄົນຮຸ່ນໃຫ່ມຫລາຍໆຄົນຄົງຍັງບໍ່ໄດ້ສຳພັດກັບບັນຍາກາດແບບນີ້ເທື່ອ.
​______________________________________________
ກິດຈະກຳເຮັດນາປູກເຂົ້າທີ່ Living Land Farm, ເປັນກິດຈະກຳຫນື່ງທີ່ຖືກຖ່າຍທອດສູ່ຊາວຕາເວັນຕົກເປັນສ່ວນໃຫຍ່ເພື່ອໃຫ້ເຂົາໄດ້ຮຽນຮູ້ ແລະ ເຂົ້າໃຈເຖີງວີຖີການດຳລົງຊີວີດຂອງຄົນລາວໃນເມື່ອກ່ອນ. ພາຍຫລັງພະຍາດໂຄວີດໄດ້ແຜລະບາດ Farm ແຫ່ງນີ້ກໍໄດ້ຮັບຜົນກະທົບເຊັ່ນດຽວກັບແຫຼ່ງທ່ອງທ່ຽວອື່ນໆ, ນະຕອນນີ້ Farm ແຫ່ງນີ້ໄດ້ກັບມາຟື້ນຟູ ແລະ ກຽມທີ່ຈະເປີດອີກຄັ້ງເພື່ອຮອງຮັບກິດຈະກຳການທ່ອງທ່ຽວພາຍໃນແຂວງຫຼວງພະບາງ. Farm ຂອງເພີ່ນຕັ້ງຢູ່ບ້ານປົ່ງຫວ້ານຫ່າງຈາກຕົວເມືອງພຽງ 7 ກີໂລໄປທາງຕາດກວາງຊີ.
______________________________________________
ພວກເຮົາອີ່ຮູ້ ຢາກໃຫ້ໄວຫນຸ່ມລາວໄດ້ມາລອງຮຽນຮູ້ຄວາມເປັນໄປເປັນມາຂອງການເຮັດນາເບີ່ງວ່າກ່ອນທີ່ພວກເຮົາຈະໄດ້ເຂົ້າມາບໍລີໂພກມັນບໍ່ງາຍ ແລະ ບໍ່ໄດ້ລຳບາກເກີນຄວາມພະຍາຍາມຂອງຄົນເຮົາ.
#ອີ່ຮູ້

#ອີ່ຮູ້ພາທ່ຽວ

23/07/2022

ອີ່ຮູ້ X ນ້ອງນີດ Nith Fleur X ຜາປະຕູ
___________________________________________________________
#ອີ່ຮູ້
#ອີ່ຮູ້ພາທ່ຽວ

#ໄປໃສ

21/07/2022

ພວກເຮົາທີມງານ ອີ່ຮູ້ທຸກຄົນຂໍຖືໂອກາດມານະທີນີ້ເພື່ອຂໍຂອບໃຈຮ້ານຄິວຄິວບາຣ QQ Restaurant and Bar ຫຼວງພະບາງ ຫລວງພະບາງທີ່ຮ່ວມເປັນຜູ້ສະໜັບສະໜູນຖ່າຍທຳ ອີ່ຮູ້ ເທບ ພາ ReeRiew ຫລີລຽວ ທ່ຽວລາວ ທ່ຽວຫລວງພະບາງແບບ unseen ອີກເທບຫນື່ງ.
______________________________________________
ຮ້ານຄິວຄິວບາຣ QQ Restaurant and Bar ຫຼວງພະບາງ , ເປັນຮ້ານອາຫານ ແລະ ບຣາ ແຫ່ງຫນື່ງໃນຕົວເມືອງຫລວງພະບາງທີ່ມີຄວາມເປັນເອກະລັກທາງດ້ານອາຫານ, ອາຫານລາວ, ອາຫານໄທ, ແລະ ອາຫານຈີນມີໄວ້ໃນທີ່ດຽວ, ພ້ອມກັນນັ້ນທາງຮ້ານຍັງມີວົງດົນຕີມ່ວນໆ ແລະ ເປັນທີ່ຮູ້ຈັກຂອງທຸກຄົນນັ້ນກໍຄືວົງ Felicia ທີ່ຈະມາໃຫ້ຄວາມມ່ວນຊື່ນທຸກມື້.
______________________________________________
ຮ້ານຄິວຄິວບາຣ QQ Restaurant and Bar ຫຼວງພະບາງ ຕັ້ງຢູ່ບ້ານນາຊາງ, ເສັ້ນທາງຕະຫຼາດໂພສີ, ເມືອງຫລວງພະບາງ, ເຊີ່ງມີສະຖານທີ່ກວ້າງຂວາງສາມາດຮອງຮັບການຈັດງານລ້ຽງ, ງານສ້າງສັນຕ່າງໆມີທັງ Outdoor ແລະ Indoor.
______________________________________________
ພີເສດຂໍຂອບໃຈອ້າຍຊ້າງXang Vithayar ທີ່ຊ່ວຍປະສານງານໃຫ້ກັບພວກເຮົາອີ່ຮູ້.
______________________________________________
ໃຜທີ່ເປັນແຟນຄຮັບ Felicia ບອກໄດ້ຄຳດຽວວ່າຫ້າມພາດ.
#ອີ່ຮູ້
#ຫລີ່ລຽວ
#ອີ່ຮູ້ພາທ່ຽວ
#ໄປໃສ

20/07/2022

DAY5 of Shooting e-Hou Project " 1 Day Trip Overside of the City, Ban Xiengman, Wat Longkhoun and ride along way to Green Jungle Park-Hoi Khua Waterfall ສວນດອກໄມ້ໃນປ່າໃຫ່ຍທີ່ນຳ້ຕົກຕາດຮ້ອຍຄົວ "
​______________________________________________
ມື້ທີ່ 5 ຂອງການຖ່າຍທຳອີ່ຮູ້ 1 ມື້ກັບການທ່ອງທ່ຽວອີກຝາກຫນື່ງຂອງຫລວງພະບາງ, ບ້ານຊຽງແມນ, ວັດລ້ອງຄູນ ແລະ ຂີ່ລົດຊົມທຳມະຊາດຕາມເສັ້ນທາງໄປອຸທິຍານສວນດອກໄມ້ຕາດຮ້ອຍຄົວ.
​​______________________________________________
ແນ່ນອນວ່າຫຼວງພະບາງມີກິດຈະກຳການທ່ອງທ່ຽວ ແລະ ສະຖານທີ່ທ່ອງທ່ຽວທີ່ຫຼາກຫຼາຍແຕ່ກໍຍັງມີຫລາຍໆຄົນອາດບໍ່ໄດ້ສຳພັດກັບບັນຍາກາດອີກຝາກຫນື່ງກົງກັນຂ້າມກັບນະຄອນຫລວງພະບາງ. ເຊິ່ງໃຊ້ເວລາການເດີນທາງບໍ່ຫລາຍ ແລະ ບໍ່ໄດ້ລຳບາກ, ພຽງແຕ່ເຮົາຂີ່ເຮືອຂ້າມຂອງອີກຝາກກໍສາມາດສຳພັດໄດ້ເຖີງບັນຍາກາດທີ່ແຕກຕ່າງແລ້ວ.
​______________________________________________
ບ້ານຊຽງແມນ, ເມືອງຈອມເພັດເປັນບ້ານຫນື່ງຕິດກັບແມ່ນ້ຳຂອງ ແລະ ກົງກັນຂ້າມກັບນະຄອນຫລວງພະບາງ, ເປັນບ້ານຫນື່ງທີ່ມີການດຳລົງຊີວີດຕີດພັນກັບແມ່ນ້ຳຂອງ, ແລະ ຍັງມີວັດວາອາຮາມທີ່ສະແດງຄວາມໂດ່ດເດັ່ນເປັນເອກະລັກສະເພາະຂອງຕົວເອງຢ່າງຊັດເຈນເຊັ່ນ: ວັດຈອມເພັດ, ວັດຊຽງແມນ, ວັດຖ້ຳ, ແລະ ວັດລ້ອງຄູນ.​
______________________________________________
ວັດລ້ອງຄູນເປັນວັດຫນື່ງທີ່ມີຄວາມແຕກຕ່າງ ແລະ ມີປະຫວັດຄວາມເປັນມາທີ່ຫນ້າສົນໃຈທີ່ສຸດອີກແຫ່ງຫນື່ງ, ເປັນວັດທີ່ປົກຄຸມໄປດ້ວຍປ່າໄມ້ໃຫຍ່, ເຫມາະແກ່ການໄປສຳພັັດ, ໄປພັກຜ່ອນ, ໄປຮັກສາຈິດໃຈຂອງຕົວເອງ, ອີກສີ່ງໜຶ່ງວັດນີ້ຍັງມີໂຮງທຳທີ່ສາມາດໃຫ້ໄປຝືກຈິດ, ຝືກສະມາທີ, ເດີນຈົງກົມທີ່ໄດ້ສ້າງມາແຕ່ສະໄຫມເຈົ້າຊີວິດອານຸວົງ.
______________________________________________
ຫຼັງຈາກທີ່ພັກຜ່ອນ, ຮັກສາຈິດໃຈຂອງຕົວເອງແລ້ວກໍສາມາດຂີ່ລົົດຊົມທຳມະຊາດລະຫວ່າງເສັ້ນທາງໃຫມ່; ຫຼວງພະບາງ-ຫົງສາ-ນ່ານ(ປະເທດໄທ) ເພື່ອໄປອຸທິຍານສວນດອກໄມ້ຕາດຮ້ອຍຄົວເຊິ່ງບໍ່ໄດ້ໄກຈາກຕົວເມືອງຈອມເພັດ, ໃຊ້ເວລາພຽງ 30 ນາທີໃນການຂີ່ລົດຈັກ. ອຸທິຍານສວນດອກໄມ້ຕາດຮ້ອຍຄົວເປັນເຂດປ່າສະຫງວນ, ປ່າອານຸລັກຂອງເມືອງຈອມເພັດ, ແຂວງຫລວງພະບາງ, ໃນອຸທິຍານແຫ່ງນີ້ມີກີດຈະກຳທີ່ຫຼາກຫຼາຍໄວ້ຄອຍເຮົາໄດ້ຕື່ນເຕັ້ນເຊັ່ນ: ຍ່າງປ່າ, ຂີ່ສະລິງ(ຊີບລາຍ), ຂີ່ຊ້າງຊົມສວນດອກໄມ້ທີ່ໃຫຍ່ທີ່ສຸດໃນຫລວງພະບາງພ້ອມມີຮ້ານອາຫານ ແລະ ທີພັກໄວ້ຄອຍໃຫ້ບໍລິການ.
______________________________________________
ພວກເຮົາທີມງານອີ່ຮູ້ ຂໍຄອບໃຈມານະທີ່ນີ້ກັບ Mitpasa Boudsavong ( #ເລີ່ງນະພາ) ທີ່ມາຮ່ວມການເດີນທາງໃນຄັ້
ງນີ້, ຫວັງວ່າມິດປະຊາຄົງໄດ້ຮັບປະສົບການໃຫມ່ໆບໍຫລາຍກໍຫນ້ອຍ.
#ອີ່ຮູ້
#ໄປໃສ
#ອີ່ຮູ້ພາທ່ຽວ

16/07/2022

DAY5 of Shooting e-Hou Project “Sa Paper Village”🌼🌿
____________________

ມື້ທີ່ 5 ຂອງການຖ່າຍທຳ ອີ່ຮູ້ ກັບການທ່ຽວຊົມ "ຫັດຖະກຳເຈ້ຍສາ" ທີ່ບ້ານຊ່າງຄ້ອງ.🌼🌿
____________________
ຫັດຖະກໍາເຈ້ຍປໍສາແມ່ນພູມປັນຍາຂອງຊາວບ້ານ ເຊິ່ງເປັນມໍລະດົກວັດທະນະທຳທີ່ນອນຢູ່ໃນຂົງເຂດສິລະປະຫັດຖະກໍາພື້ນເມືອງ ທີ່ເກີດຈາກຫົວຄິດປະດິດສ້າງຂອງຄົນໃນຊຸມຊົນໂດຍສະເພາະແມ່ນປະຊາຊົນບ້ານຊ່າງຄ້ອງເປັນຜູ້ຜະລິດເຈ້ຍປໍສາເພື່ອມາບັນທຶກຂໍ້ມູນສໍາຄັນຕ່າງໆ ແລະ ເພື່ອເປັນສິ່ງຫຸ້ມຫໍ່ສິ່ງຂອງ. ປັດຈຸບັນຢູ່ພາຍໃນບ້ານຊ່າງຄ້ອງໄດ້ມີຮ້ານຫັດຖະກຳເຈ້ຍປໍສາຫຼາຍໆຮ້ານ ເຊິ່ງມີທັງການປະດັບປະດາເພື່ອເຮັດໃຫ້ແຜ່ນເຈ້ຍສາປ່ຽນຮູບຮ່າງເປັນວັດຖຸທີ່ນຳໃຊ້ໄດ້ ເຊັ່ນ: ປື້ມຂຽນ, ຮູບນູນຊາຍ, ນູນນົກ, ນູນນາກ ແລະ ອື່ນໆທີ່ມີສີສັນງົດງາມ ແລະ ໄດ້ສືບທອດຕໍ່ກັນມາຈາກລຸ້ນສູ່ລຸ້ນຈົນມາເຖິງປັດຈຸບັນ ຖືເປັນການອານຸລັກຮັກສາມໍລະດົກທາງວັດທະນະທຳຂອງລາວໄວ້ໃຫ້ຄົນຮຸ່ນລູກຮຸ່ນຫຼານໄດ້ເຫັນຄຸນຄ່າ.
_________________
ທ່ານສາມາດມາຊື້ຫັດຖະກຳເຈ້ຍປໍສາເພື່ອເປັນຂອງຝາກຂອງຕ້ອນ ຫຼື ມາຮຽນຮູ້ວິທີການເຮັດເຈ້ຍປໍສານຳທາງຮ້ານເພີ່ນໄດ້ທີ່ບ້ານຊ່າງຄ້ອງ.
#ອີ່ຮູ້
#ໄປໃສ
#ອີ່ຮູ້ພາທ່ຽວ

14/07/2022

DAY4 of Shooting e-Hou Project " Wishy Village and Ting Cave 🏞🚣‍♂️🐘🍷
______________________________
ມື້ທີ່ 4 ຂອງການຖ່າຍທຳ ອີ່ຮູ້ ກັບການທ່ຽວຊົມ "ບ້ານ ຊ່າງໄຫ ແລະ ຖ້ຳຕິ່ງ". 🏞🚣‍♂️🐘🍷
______________________________
ບ້ານຊ່າງໄຫ ເປັນບ້ານຕົ້ມເຫຼົ້າຂາວອັນດັບຕົ້ນໆຂອງເມືອງຫຼວງພະບາງ ແລະ ອາດເວົ້າໄດ້ເຕັມປາກວ່າເປັນບ້ານທີ່ຖືກລືມໃນຊ່ວງໂຄວີດ-19 ແມ່ນຢູ່ວ່າພວກເຮົາມີນັກທ່ອງທ່ຽວພາຍໃນເຮົາເອງແຕ່ບ້ານແຫ່ງນີ້ບໍໄດ້ຖືກນຳສະເຫນີໃຫ້ຄົນພາຍໃນເຮົາເອງຮັບຮູ້, ຫລາຍໆຄົນຕ່າງສົນໃຈເປົ້າໝາຍກັບການໄປຖ້ຳເປັນຫລັກ. ບ້ານນີ້ເລີຍຖືກລືມ ແລະ ເຮັດໃຫ້ຊາວບ້ານໄດ້ຫຼຸດການຜະລີດເພື່ອຫັນໄປເຮັດກິດຈະກຳອື່ນທົດແທນ. ເມື່ອກ່ອນບ້ານແຫ່ງນີ້ເປັນບ້ານຫນື່ງທີ່ຄົນຕ່າງຊາດໃຫ້ຄວາມສົນໃຈຫຼາຍທີ່ສຸດກ່ອນທີ່ພວກເຂົາຈະເດີນທາງໄປຖ້ຳຕິ່ງ, ໄປແຄັມຊ້າງ, ໄປລ່ອງເຮືອ. ບ້ານຊ່າງໄຫເປັນບ້ານທຳອິດທີ່ເຂົາຕ້ອງແວະບ້ານນີ້ກ່ອນເພື່ອຮຽນຮູ້ວີທີ ແລະ ຂະບວນການຜະລີດເຫຼົ້າຂາວຂອງຊາວບ້ານ, ພ້ອມກັບການດື່ມ, ຊິມ ແລະ ຊື້ເປັນຂອງຝາກໃຫ້ກັບຫມູ່ເພື່ອນ ຫຼື ຄອບຄົວເວລາເດີນທາງກັບ.
​​​​______________________________
ພວກເຮົາຂໍແນະນຳອິກໜຶ່ງສະຖານທີ່ເວລາທີ່ພວກທ່ານຫາກໄດ້ວາງແຜນມາທ່ຽວຖ້ຳຕິ່ງ, ຜາແອນ, ມາລ່ອງເຮືອ, ມາແຄັມຊ້າງ ລອງຊີມເຫຼົ້າຂາວກັບຊາວບ້ານກ່ອນຮັບຮອງວ່າເຈົ້າຈະບໍມີວັນລືມມັນອີກ.
#ອີ່ຮູ້
#ໄປໃສ
#ອີ່ຮູ້ພາທ່ຽວ

10/07/2022

ໂຄງການອີ່ຮູ້ E-Hou ເປັນໂຄງການຫນື່ງທີ່ໄດ້ທືນສະຫນັບສະຫນູນຫລັກຈາກມູນລະນິທິເອເຊຍ/ The Asian Foundation ເປັນໂຄງການທີ່ນຳສະເຫນີ, ຄົ້ນຫາສະຖານທີ່, ກິດຈະກຳທີ່ລືມໄປໃນຊ່ວງການແຜ່ລະບາດຂອງໂຄວິດ 19 ແລະ ຍັງເປັນການເຜີຍແຜ່ສະຖານທີ່ທ່ອງທ່ຽວໃຫ້ກັບກຸ່ມຄົນລາວລຸ້ນໃຫມ່ໄດ້ເຂົ້າເຖີງຜ່ານສື່ສັງຄົມອອນລາຍ ທາງ YouTube, page, TikTok ຜ່ານສອງພາສາ, ລາວ ແລະ ໄທ.
—————————————————————————————
ທັງເປັນການເຜີຍແຜ່, ຮັກສາ, ແລະ ແບ່ງປັນຄວາມຮູ້ກ່ຽວກັບວັດທະນະທຳ, ສີ່ງແວດລ້ອມໄປພ້ອມໆກັນ ຫລື ຈະເອີ້ນວ່າ “ການນຳສະເຫນີການທ່ອງທ່ຽວແບບອານຸລັກ”
#ອີ່ຮູ້
#ໄປໃສ
#ອີ່ຮູ້ພາທ່ຽວ

07/07/2022

Day3 of Shooting E-Hou "Treking to Pha Patu Mountian" Ban Muangkham, Luang Prabang
______________________________

ມື້ທີ່3 ຂອງການຖ່າຍທຳ ອີ່ຮູ້ ກັບການຍ່າງປ່າຂື້ນຜາປະຕູ ບ້ານມ່ວງຄຳ, ຫຼວງພະບາງ.
______________________________

ມື້ນີ້ ອີ່ຮູ້ ພາພວກເຮົາອອກໄປພະຈົນໄພກັບການຍ່າງປ່າ, ປີນເຂົາ, ຮຽນຮູ້ກ່ຽວກັບສິ່ງແວດລ້ອມ, ທຳມະຊາດ ແລະ ການໃຊ້ຊີວີດແບບລຽບງ່າຍກັບການນອນບ້ານພັກຕາກອາກາດ " Homestay" ທີ່ຜາປະຕູ. ຜາປະຕູຕັ້ງຢູ່ເຂດບ້ານມ່ວງຄຳ, ເມືອງຈອມເພັດ, ນະຄອນ ຫຼວງພະບາງ.
​​______________________________
ໃນການເດີນທາງຄັ້ງນີ້ພວກເຮົາຂື້ນລົດອອກຈາກ ນະຄອນຫຼວງພະບາງ ປະມານ 45ນາທີ ກໍຮອດສະຖານທີ່ພັກລົດທີ່ແຄັມຊ້າງບ້ານປາກອູ, ຫລັງຈາກນັ້ນກໍ່ນັ່ງເຮືອຂື້ນໄປອິກ 15ນາທີ ກໍຮອດບ້ານມ່ວງຄຳ, ເປັນຈຸດເລີ່ມຕົ້ນໃນການຍ່າງ.....ເຊິ່ງການຍ່າງໃນເສັ້ນທາງທີ່ຖຶກບຸກເບິກໃໝ່ປະມານຊົ່ວໂມງກວ່າໆກ່ອນທີ່ຈະຮອດຈຸດປີນເຂົາ, ຂື້ນໄປຕາມເສັ້ນທາງເປັນປ່າ ອິກກວ່າຊົ່ວໂມງຈຶ່ງຈະຮອດຈຸດພັກຜ່ອນນອນຄ້າງຄືນ, ກ່ອນໄປປີນຜາປະຕູໃນຍາມເຊົ້າເພື່ອເບິ່ງໝອກ, ເບິ່ງວີວ, ເບິ່ງອາລຸນໃນຍາມເຊົ້າ, ເບີງຕາເວັນຂື້ນ.
_____________________________
ແຕ່..........ໃນຄັ້ງນີ້ ອີ່ຮູ້ ແລະ ພວກເຮົາບໍ່ເຫັນໝອກ...ແຕ່ສຳລັບອີ່ຮູ້ສຸດຄຸ້ມກັບການແພັກກະເປົາແລ້ວອອກໄປຮຽນຮູ້ກັບທຳມະຊາດ, ຮຽນຮູ້ການໃຊ້ຊີວີດແບບອາໄສທຳມະຊາດ ແລະ ອອກຈາກຄວາມວຸ້ນວາຍໃນຕົວເມືອງ, ເຖິງແມ່ນວ່າເຮົາຈະບໍ່ໄດ້ເຫັນໝອກ ແຕ່ມັນຍັງມີຫຼາຍໆຢ່າງໄດ້ໃຫ້ເຮົາຮຽນຮູ້, ໄດ້ຊື່ນຊົມໃນລະຫວ່າງຂອງການເດີນທາງ. "ວີດີໂອເຕັມເລື່ອງຂອງການເດີນທາງກຳລັງຈະມາ"
_____________________________
ພວກເຮົາທີມງານຂໍຝາກອີ່ຮູ້ແດ່, ແລະ ມາຊ່ວຍກັນເປັນໜຶ່ງໃນໂຄງການຂອງອີ່ຮູ້ໂດຍການ, ກົດ Like, ກົດ Share, ກົດ ຊັບສະຄຣາຍ ທຸກແພັດຟອມຂອງອີ່ຮູ້. Facebook, Youtube ແລະ Tiktok
#ອີ່ຮູ້
#ອີ່ຮູ້ພາທ່ຽວ
#ໄປໃສ


#ຜາປະຕູ

04/07/2022

Day2 of Shooting E-Hou at Lao Pottery House Ceramics
——————————————————————————————
ມື້ທີ່2 ຂອງການຖ່າຍທຳ ອີ່ຮູ້ ຂອງພວກເຮົາກັບກິດຈະກຳຮຽນປັ້ນດີນເຜົາທີ່ Lao Pottery House ບ້ານຈ່ານເໜືອ. ເຊີ່ງເປັນກິດຈະກຳທີ່ດີ ແລະ ໃຫ້ຄວາມຕື່ນເຕັ້ນທີ່ສຸດສຳລັບຄອບຄົວ.
——————————————————————————————
ພ໋ອສເທີລີ່ເຮົ້າສ໌ ຕັ້ງຢູ່ບ້ານຈ່ານເໜືອ, ເມືອງຈອມເພັດຫ່າງຈາກຕົວເມືອງພຽງ4 ກິໂລແມັດ ເຊີ່ງສາມາດເຂົ້າເຖີງໄດ້ດ້ວຍ 2 ທາງ ຄື:ທາງລົດ ແລະ ທາງເຮືອ. ພວກເຮົາອີ່ຮູ້ໄດ້ລ່ອງເຮືອຈາກທ່າຊຽງທອງລົງໄປຮອດທ່າບ້ານຈ່ານເໜືອໃຊ້ເວລາ 15 ນາທີ ແລະ ການລ່ອງເຮືອລົງໄປເຮົາກໍຈະໄດ້ສຳພັດກັບທຳມະຊາດພ້ອມກັບການໄດ້ເຫັນການໃຊ້ຊີວີດຂອງຊາວບ້ານຕາມແມ່ນ້ຳຂອງ.
——————————————————————————————
ມາຊ່ວຍກັນເປັນຫນື່ງໃນໂຄງການຂອງອີ່ຮູ້ໂດຍການ, ກົດ Like, ກົດ Share, ກົດ ຊັບສະຄຣາຍ ທຸກແພັດຟອມຂອງອີ່ຮູ້. Facebook, Youtube ແລະ Tiktok

#ອີ່ຮູ້



#ອີ່ຮູ້ພາທ່ຽວ
#ໄປໃສ

01/07/2022

"ອີ່ຮູ້"...ເປັນຄຳເວົ້າຂອງຊາວຫຼວງພະບາງທີ່ແປວ່າ: "ບໍ່ຮູ້" ໃນພາສາກາງ...ແລະ ອີ່ຮູ້ໃນທີ່ນີ້ຄືໂຄງການຫນື່ງທີ່ຈະພາພວກເຮົາໄປຄົ້ນຫາສະຖານທີ່ທ່ອງທ່ຽວຕ່າງໆທີ່ເຈົ້າຍັງບໍ່ໄດ້ໄປ ແລະ ບໍ່ທັນຮູ້ກ່ຽວກັບສະຖານທີ່ທ່ອງທ່ຽວນັ້ນ.
ທຸກໆທ່ານຍັງສາມາດຊື້ເສື້ອຍືດງາມໆ, ໃສ່ສະບາຍໆ, ໃສ່ຖ່າຍຮູບກໍເຖ້, ຈາກອີ່ຮູ້ຂອງພວກເຮົາໄດ້ເພື່ອເປັນການສະໜັບໜູນທີມງານຂອງພວກເຮົາໃຫ້ກຳລັງກາຍກຳລັງໃຈໃນການພັດທະນາອີ່ຮູ້ຂອງພວກເຮົາ.
ມາຊ່ວຍກັນເປັນໜຶ່ງໃນໂຄງການຂອງອີ່ຮູ້ໂດຍການ, ກົດ Like, ກົດ Share, ກົດຫົວສີໄຄ...ເອີຍບໍ່ແມ່ນ ກົດ ຊັບສະຄຣາຍ ທຸກແພັດຟອມຂອງອີ່ຮູ້. Facebook, Youtube ແລະ Tiktok
#ອີ່ຮູ້
#ອີ່ຮູ້ພາທ່ຽວ
#ໄປໃສ

30/06/2022

30/06/2022

Day1 of Shooting E-Hou Project
—————————————————————————————
ມື້ທີ່1 ຂອງການຖ່າຍໂຄງການອີ່ຮູ້!
—————————————————————————————
ໂຄງການອີ່ຮູ້ E-Hou ເປັນໂຄງການຫນື່ງທີ່ໄດ້ທືນສະຫນັບສະຫນູນຫລັກຈາກມູນລະນິທິເອເຊຍ/ The Asian Foundation ເປັນໂຄງການທີ່ນຳສະເຫນີ, ຄົ້ນຫາສະຖານທີ່, ກິດຈະກຳທີ່ລືມໄປໃນຊ່ວງການແຜ່ລະບາດຂອງໂຄວິດ 19 ແລະ ຍັງເປັນການເຜີຍແຜ່ສະຖານທີ່ທ່ອງທ່ຽວໃຫ້ກັບກຸ່ມຄົນລາວລຸ້ນໃຫມ່ໄດ້ເຂົ້າເຖີງຜ່ານສື່ສັງຄົມອອນລາຍ ທາງ YouTube, page, TikTok ຜ່ານສອງພາສາ, ລາວ ແລະ ໄທ.
—————————————————————————————
ທັງເປັນການເຜີຍແຜ່, ຮັກສາ, ແລະ ແບ່ງປັນຄວາມຮູ້ກ່ຽວກັບວັດທະນະທຳ, ສີ່ງແວດລ້ອມໄປພ້ອມໆກັນ ຫລື ຈະເອີ້ນວ່າ “ການນຳສະເຫນີການທ່ອງທ່ຽວແບບອານຸລັກ”
#ອີ່ຮູ້
#ອີ່ຮູ້ພາທ່ຽວ
#ໄປໃສ