Cedar tours

16/06/2024

اضحى مبارك
كل عام وانتم بخير

22/05/2024

رحلات Cedar tours خلال صيف ٢٠٢٤
مشوار رايحين مشوار هيدا شعار وزارة السياحة لعام ٢٠٢٤
ونحنا معكم رح نعمل اجمل مشاوير
ما تترددوا بزيارة لبنان واحجزوا معنا
التواصل من خلال الواتساب:
81 438 476
+96181609842

18/04/2024

Enjoy every destination with these activities, immerse yourself fully and create unforgettable memories at every stop!
استمتع بكل وجهة مع هذه الأنشطة، واخلق ذكريات لا تُنسى

For more info contact us:
📞81 438 476

16/04/2024

Making your tour of Lebanon a comfortable and unforgettable adventure! Explore the iconic sites with ease with our services 🇱🇧

سنجعل جولتك في لبنان مغامرة مريحة ولا تُنسى! اكتشف المعالم الخلابة بسهولة مع خدماتنا 🇱🇧.

For more info contact us:
📞81 438 476

09/04/2024

ينعاد على كل الاصدقاء بالخير والصحة واهم شي البحبوحة 😂
عيدكم مبارك

05/04/2024

‼️🔔 السبت ٦ ابريل رحلتنا على:
1️⃣ وادي قاديشا
2️⃣ بلدة بشري ومتحف جبران
3️⃣ ارز الرب
‎
Ready to embark on this adventure? 🌟 Secure your spot via📲 WhatsApp:
+96181609842
+96181438476
#لبنان

04/04/2024

Ready to explore? Book your trip, plan your local getaway today and make memories🚗🌳

🚗🌳جاهز للمغامرة؟ احجز رحلتك اليوم واصنع ذكريات لا تُنسى

For more info contact us:
📞81 438 476

30/03/2024

Wishing you a very happy easter that is filled with plenty of love happiness and Tours 🥰🥰

28/03/2024

احجز الآن لتستمتع بتجربة لا تُنسى في العيد! استعد لقضاء أوقات رائعة. دعنا نعتني بتفاصيل رحلتك ونجعل كل لحظة تُحفر في ذاكرتك بأجمل الذكريات🏞️

Plan your Eid getaway with Cedar Tours. Book now for an unforgettable experience!

For more info contact us:
📞81 438 476

18/03/2024

سؤال دايما بيسألونا اياه:
انتو ما بتشعروا بالملل لما ترجعوا تزوروا نفس الاماكن اكثر من مرة؟
صحيح نحنا منكرر زيارة الاماكن عدة مرات
بس مع كل مجموعة سواح في اجواء بتختلف عن غيرها.
لما نشوف السائح مبسوط عم يصور اصغر الاشياء حتى الامور اللي نحنا منعتبرها عادية ومنشوفها كل يوم بحياتنا منحس كأننا عم نزور المكان لأول مرة، لما نشوف بعيونكم نظرات الاعجاب لما نسمع كلمة الللللههههههه ، تحفة، روعة …
لما نشوف قداي بتزعلوا انتو ومسافرين منعرف انو لبنان ما بينزهق منه، هالتنوع البيئي والمناخي بخلينا دايما بحالة تجدد، ونضل متحمسين نطلع نشوف نفس المكان بالربيع والصيف والخريف والشتاء.
مين زار لبنان اكثر من مرة وحابب بعد يزوره عن جديد يكتبلنا بالكومنت

17/03/2024

لبنان غني بالبحيرات - الانهر والشلالات خاصة خلال فصل الربيع بيكون منسوب المياه بالبحيرات مرتفع وتدفق الشلالات والانهر قوي وهالشي بيعطي جمال بيميز الطبيعة بهالفصل من باقي الفصول.
اذا بتحبوا الرحلات بالطبيعة ما تترددوا تحجزوا معنا خلال عطلة عيد الفطر.
للمزيد من المعلومات والحجز التواصل من خلال الواتساب على احد الارقام التالية:
81 438 476
+96181609842

13/03/2024

رحلة بشري - وادي قنوبين - ارز الرب
من الرحلات المميزة بالجمال الطبيعي اللي رح بتشوفوه
قضاء بشري من الاقضية اللي بتتميز بجمالها الطبيعي على كتف وادي قنوبين بيضم عدد من القرى اللي بنصحكم تزوروها كلها واذا فيكم تناموا اقله ليلة لان هالمنطقة بحاجة لاكثر من يوم زيارة من بيت ومتحف جبران خليل جبران - لسوق حصرون - لمحبسة مار سمعان العامودي - لقرية بقاعكفرا ضيعة مار شربل - مطل اسمه la jetee … المنطقة فيها كتير من القرى اللي بتستحق الزيارة.
غابة ارز الرب بترتفع حوالي ١٩٠٠ متر عن سطح البحر بتتميز بارتفاع شجر الارز فيها وبكبر سن الاشجار كذلك الامر بعض الاشجار فيها منحوتات شغل الفنان رودي رحمة.
وادي قنوبين والمدرج من قبل الاونيسكو على لائحة التراث العالمي شو بدي خبركم عن هالوادي الطريق بحد ذاته داخل الوادي متعة فيكم تزوروا كنائس واديرة اثرية منحوتة داخل الصخور - محابس استوطنوها الرهبان داخل الجبال - نهر قاديشا - وشلالات مخفية …
خبايا هالوادي كتيرة، حطوا هالرحلة ضمن لائحة زيارتكم للبنان.

11/03/2024

09/03/2024

كم يوم وبيخلص فصل الشتاء وبيدفى الطقس
بالاضافة للرحلات اليومية اللي عم ننظمها
رح يكون عنا كل ويك اند رحلة هايك بمناطق جديدة من لبنان

07/03/2024

رحلة شلال افقا - بالوع بلعا - اللقلوق
بهالرحلة منزور :
١- مغارة وشلال افقا بقضاء جببل
من مغارة داخل الجبل بمنطقة افقا بتنبع مياه بتكون قوية خلال فصلي الشتاء والربيع وبتشكل اكتر من شلال اجملهم اللي بيصب تحت الطريق مباشرة ببحيرة صغيرة مكان اللي بتتحول لمقصد لمحبي السباحة بالمياه الباردة خلال فصل الصيف.
٢- اللقلوق : هالمنطقة الجبلية بتشتهر بالعديد من البحيرات الاصطناعية على سفوح الجبال اللي منها بيسقوا المزورعات خلال فصل الصيف ، عادة فينا نعمل رحلة سفاري بالدراجات النارية الرباعية الدفع او فينا نعمل هايك متوسطة الصعوبة تنوصل الى دير سيدة القرن تحديدا قرب الصليب على اعلى تلة ومن هونيك فيكم تشوفوا اجمل المناظر خاصة عند المغيب (بالمنشور حطينا صور من فصلي الخريف والربيع)
٣- بالوع بلعا او بالوع بعتارة: هالشلال اللي عمره ملايين السنين بقضاء البترون بيتميز باختراق المياه للصخور وتكوين ٣ جسور صخرية رائعة الجمال، خلال فصلي الربيع والصيف بيصير في نشاطات بالمكان مثل ال zipline وال rapelle
هاي وحدة من الرحلات المناسبة للشباب ولمحبي النشاطات

28/02/2024

رحلة ال snowshoeing على سيدة القرن بمنطقة اللقلوق
هالنشاط بحاجة لمجهود جسدي
بس المنظر لما توصلوا وتحضروا المغيب من ارتفاع ٢١٠٠ متر عن سطح البحر شي بيمجد الخالق.
قريبا رح يكون عنا رحلة snowshoeing عن جديد قبل ما يخلص الموسم.

23/02/2024

Ready for an new experience???????

*Join us on our Sunset hike to one of the best snowshoeing destination in lebanon⛄️🌅*

_📍Saydet El Qarn Aakoura🇱🇧_

🧭 located at 70 km away from beirut
At an altitde of 2100 km above sea level

🌅🗻 *Features*: Panoramic sunset view of Tanourine to Aakour and the magical view of Laklouk's frozen lakes

📅 *Date*: Saturday, February 24, 2024

*Walking distance: 3 km🏃🏃‍♀️

*Difficulty*: Moderate

🚍 *Departure* from Jack and Jhons, Hamra, Beirut
At 11:30 am

💵 *Contribution:25$
Including transportation guidance photography and snowshoes rental

*Recommended outfit* :
🧤🧣🥾
Waterproof thermal boots
warm headwear
gloves, Lightweight windproof /
waterproof jackets
Healthy snacks & water

*For reservation* please contact Cedars tour at
81438476

18/02/2024

رحلة رقم ٣،١:
بهالرحلة رح منزور بحيرة بحشوش ونعمل قعدة مهضومة وسط الطبيعة بتقدروا تجيبوا معكم سناك ونقعد على ضفة نهر ابراهيم او ما يعرف بنهر ادونيس .
منتابع رحلتنا شمالا باتجاه بلدة حامات مكان اللي رح نوصل لدير مطل على بحيرة المسيلحة وناخد صور بانوراميك للجبال الوديان البحيرة والبحر
آخر محطة بلدة البترون نعمل جولة بسيارات الغولف ونتعرف على اهم معالم هالبلدة السياحية من اسواق قديمة - كنائس اثرية - سور فينيقي …
اذا الطقس منعمل جولة بحرية ورح يكون عنا وقت حر نتغدا بمكان انتو بتختاروه واكيد نجرب الليموناضة البترونية المشهورة.

10/02/2024

بتسألونا اذا منزهق اننا منعيد الاماكن ومنعيش التجربة عدة مرات
الجواب: بكل مرة بيتغير الغروب بيكون في روح جديدة وصحيح منشوف نفس الاماكن بس منشوفها بعيونكم كأنو عم نشوفها لأول مرة
يعني لما يكون الزائر معنا مبسوط وراضي هيدا كفيل انو ما نشعر بالملل ابدا بالعكس هيدا اللي دايما بيعطينا حافز انو نقدم الافضل.

04/02/2024

رحلة رقم ٢
برحلة الشوف وين منروح شو منزور شو منعمل؟
ملاحظة : مش دايما منزور كل الاماكن المذكورة بالمنشور حسب برنامج الرحلة المحدد مسبقا.
١- بلدة دير القمر الاثرية واللي كانت قديما عاصمة المتصرفية رح نعمل جولة بالاحياء القديمة نزور ساحة البلدة اللي فيها مسجد الامير فخر الدين - القيصرية - الخرج - قصر الامير فخر الدين - قصر الامير يونس معن - قصر الامير شهاب (كل هالمزارات رح نشوفها من الداخل دون الدخول اليها)
كنيسة سيدة التلة - نتجول بالشوارع القديمة.
٢- قصر موسى المعماري اللي بناه شخص اسمه موسى بمساعدة زوجته ماري بهدف تحقيق حلم الطفولة وهالقصر بيحمل داخل جدرانه قصص كتيرة من لبنان القديم .
٣- قصر بيت الدين اللي كان مقر اقامة الامراء اللي حكموا المتصرفية وبناه الامير فخر الذين وبيتألف من ٣ اجزاء ولكل جزء حكاياته واخباره .
٤- محمية ارز الباروك من بين اجمل محميات الارز بلبنان واللي اذا زرت البلد ضروري جدا تتعرف على شجرة الارز اللي بتتوسط العلم اللبناني وتتعرف على اهميتها عنا كلبنانيين .
٥- درب النهر اللي بيوصل لشلال صغير بس كتير حلو وسط الطبيعة
هايك خفيف بين الاشجار بطريق سهل على جنب ساقية مياه بتستمتع بريحة الطبيعة والمناظر اللي بتجمع بين الاخضر والمياه الجارية ، هالمكان مميز بالصور اللي بتقدروا تاخدوها فيه .
٦- الشلالات الزرقاء وهي فعليا مطعم اسمه الشلالات الزرقاء فيه بحيرة صغيرة وشلالات بين الاشجار ، مكان اللي بتستمتعوا بلقمة طيبة على منظر حلو.
مهم تعرف انو قضاء الشوف فيه كتير مزارات غير اللي ذكرتهم مثل مغارة كفرحيم - عين وزين - ملتقى النهرين وكتير غيرهم من الاماكن اللي فيكم تزوروها بس اللي انا ذكرتهم هني الاماكن اللي نحنا منروح عليهم وبرجع بكرر انو برنامج الزيارة بيكون محدد مسبقا .

27/01/2024

بلشت رحلات الثلج ورجعنا نركب السكيدو نطلع على اعلى قمم الجبال ونشوف اجمل مناظر
يا جماعة عنا بلد روعة ومناظر خلابة
حافظوا عليها وما تفرطوا فيها كرمال حدا

06/01/2024

رحلة قضاء بشري من الرحلات المميزة بجمال الطبيعة فيها
كل منطقة بلبنان عندها خصوصية جمالية معينة
هالمنطقة بتتميز بجبالها الشاهقة وغابة الارز اللي فيها شجر عليه منحوتات نفذها الفنان رودي رحمة كمان طول الشجر بهالغابة بمييزها عن غيرها من الغابات .
المناظر اللي منشوفها لما نوصل لقمم الجبال بتسحركم ، بلدات لابسة القرميد طربوشها ومتربعة على محيط وادي قنوبين .
لما تزوروا هالوادي رح بتكونوا عم تعملوا سياحة طبيعية وثقافية بنفس الوقت لان فيه من الجمال الطبيعي (شلالات - سواقي - مغاور طبيعية - اشجار ونباتات وحتى حشرات مختلفة…) وكمان فيه اديرة ومحابس لرهبان استوطنوه لما كانوا يتعرضوا للاضطهاد والمدايقات.
لاي اسمه وادي قنوبين وشو معنى هالتسمية؟
اللي بيعرف يكتبلنا بالتعليقات.
اللي حابب يتعرف على روعة هالقضاء يتفرج عالصور او يشرفنا برحلة.
ملاحظة كل اسبوع عنا رحلة على هالقضاء خاصة من بعد ما تكللت الجبال بالثلج.

22/12/2023

شوية صور من الرحلات خلال فترة الاعياد

13/12/2023

حابين تشوفوا كيف بتكون اجواء الميلاد بلبنان؟؟؟
فلفشوا 😅 معي بهالصور

21/11/2023

اول ثلجة وصلت على لبنان
والطبيعة لبست الابيض
الشلالات بلشت تتحرك
انشالله بداية موسم شتاء يكون خير عالجميع

15/11/2023

اماكن جديدة دخلت على برنامج Cedar tours
حتى اللي زار لبنان من قبل صار قادر يرجع ويشوف مناظر طبيعية
ما رح احكي شي عنها انتو شوفوا الصور واحكموا بنفسكم

10/11/2023

بعض الصور من بعد ٧ اكتوبر
نحنا حابين نقلكم انو هالبلد لو شو ما صار رح يبقى جنة بنظرنا وبنظر كتار من الاصدقاء اللي زارونا
والوضع الحالي بلبنان خاصة بالاماكن السياحية طبيعي
الزيارات كالمعتاد
اكيد اعداد الزوار تدنت بسبب الاخبار
على امل يرجع كل شي مثل ما كان قريبا

11/10/2023

كيف بتكون الرحلات خلال فصل الخريف بلبنان؟
بهالفترة من السنة رح تشعروا بتبدل ملحوظ بشكل الطبيعة الالوان بتميل على اصفر ، الورق بيفترش الارض والهواء اللطيف بينسم على وجوهكم انتو وماشيين.
كباية شاي او فنجان قهوة بالطبيعة كفيلين انو يبدلوا المود وتنسوا كل المشاكل.

🇱🇧