02/05/2024
ඒක තමා
ඔයා ආවෙ නැත්තේ
ක්ලිනික් පෝලිමට
මන් මග බලන් උන්නා
මගෙ කුඩේ තියලා
ඉඩකුත් අල්ලගෙන
මගෙ වියපත් මිතුරියේ....
හැම මාසෙම
හමු උනා අපි දෙන්නා
සීනී ක්ලිනික් එකේදි
ඔයා කිවුවා මට
පුතා ගැන දුව ගැන
මටත් එක්කම ගෙනාව
ක්‍රීම් ක්‍රැකර් බිස්කට් දෙකක්
ඒකත් කාලා බෙහෙතුත් අරන්
ගිය මාසේ
සමු ගත්තේ අපි දෙන්න
මේ මාසෙ ආයෙමත්
හමු වෙමු කියලා නේද
ගේනවා කීවා නේද
නුබ මට
බන පොතක්
ඉතින් කෝ නුබ
ඇයි ද ගියෙ මෙලෙස නොකියාම
ආරංචි උනේ නෑ මට
මලගමට එන්න වත්
සියල්ල අතැර හිටියත්
වේදනාවක් දැනෙනවා හරියට
ඉන්න මිතුරියේ මදකට
වැඩි ඈතක් නෑ
එන දිනය ඔබ වෙතට මා.....
(සේයාරුව මූණු පොතෙන් )
