https://www.facebook.com/2241244619469533/

Trip - සංචාරේ, 40/20, Perera Mawatha, Battaramulla (2024)

14/04/2024

සුහ අලුත් අවුරුද්දක්..ඇල්ල

20/12/2023

පැයකින් වගේ යන්න පුලුවන් ලස්සන Hike එකක් සුන්දරත්වයෙන් පිරි "මානිගල" ✨🛖🍃💫🌸

දුම්බර ට වෙලාව කියන සුන්දර මානිගල
මාතලේ කියන්නේ පරිසර සෞන්දර්යය අතින් ඉහළ තැනක් කියලා අමුතුවෙන් කියන්න දෙයක් නෑ. මාතලේ නිවාඩුවට යන හැමෝම රිවර්ස්ටන් යනවා.රිවර්ස්ටන් ගිහින් පරිසරය විඳලා ආවට ගොඩාක් දෙනෙකුට මඟහැරෙන තැනක් ගැන තමයි මේ කියන්නේ.
නිවාඩුවට රිවර්ස්ටන් යන් කවරුත් දැකලා තියෙනවා මේ විශාල පර්වතය මේකට කියන්නේ මානිගල කියලා. මේ මානිගලට යනවා නම් මහලකොටුව, රත්තින්ද සහ ඇටන්වල කියන ගම් කිහිපයක් පසුකරන් පයින් යන්න වෙනවා.මහලොටුව ගම පහුකරගෙන යනකොට හම්බවෙනවා තෙල්ගමු ඔය. මේ ඔය පටන් ගන්න කන්දට කියන්නේ සුදුගල කන්ද කියලලු. එහෙම කියන්නෙ ඇයිද කියලනම් දන්නෙ නෑ.
ඇටන්වල කියන ගම තමයි මානිගල කන්දට පෙර අපිට දකින්නට ලැබෙන මිනිස් වාසස්ථානවල අවසානය. ඊට පස්සේ තියෙන්නෙ තනිකර කැළෑව. මේ කැළෑව ඇතුලෙත් තව එක ගමක් තිබිල තියෙනවා. ඒ ගමට කියන්නේ වල්පොළමුල්ල කියලලු. වියළි කාලයේදී ආහාර සොයාගෙන වස්ගමුව වනාන්තරයෙන් එන වන අලින්ගේ ගැටුම් නිසා, වල්පොලමුල්ල කියන ගම වර්ථමානයේ නමකට පමණක් සීමාවෙලා.
ඇත්තටම මේක කන්දක් කියල කිව්වට කන්දක්මත් නෙමෙයි; කඳු යායක් .එක කන්දක් මුදුනට නැග්ගම තව එකක් තියෙනව. ඒවගේ එකක් තමයි ඇත් ඔළු කන්ද කියන්නෙ.

මේ පර්වතයට ‘මානිගල’ යන නම ලැබුණ හැටිත් හරි අපුරු කථාවක් .ඉස්සර රිවෙස්ටන් වතු යායේ අතීතයේ රස්සාව කළ දමිළ කම්කරුවන් වෙලාව දැනගෙන තියෙන්නේ මේ අද මානිගල කියන ගලෙන්. මේ පර්වතයේ පිහිටි හතරැස් කොටුවක් වැනි ස්වාභාවිත විවරයට හරියට සවස 4.30 ට ඍජුව හිරු එළිය වැටෙනවා. ඒකේ ඡායාව බලලා අර කම්කරුවෝ වෙලාව බලගන්නවා. දෙමළෙන් වෙලාව හඳුන්වන්නේ “මනි“ කියලා. වෙලාව හෙවත් “මනිය” කියූ ගල මනිගල වෙලා පස්සේ කාලෙක ඒක සිංහල කටට හුරු වූයේ “මානිගල” කියලා.

මානිගල කඳු මතට ආවම දකින්න පුළුවන් විශාල තණතලාවක්. ඒක අක්කර 10ක් පමණ විශාල යි. පර්වතය මත අඟල් කිහිපයක් ගනකම ඇති පස් තට්ටුව විශාල ගස් වැඩීමට හිතකර නෑ. කරඹ, හීන්බෝවිටියා වැනි ශාක තැන තැන පැතිරිලා තියෙනවා.
]
මානිගලට ඉහළින් දිස්‌වන කඳුවලල්ල පතනේගල, බටඅඬුව කපොල්ල (රිවස්‌ටන්) කිරිමැටියා කන්ද යකුන්නේගල ඔස්‌සේ ගොම්බානීය හරහා නකල්ස්‌ සිට උඩදුම්බර දක්‌වා දිවෙන ප්‍රධාන කඳුවැටියෙන් සමන්විතයි. උතුරින් තැනිතලාවක්‌ බවට පත්වන දඹුලු, සීගිරි ප්‍රදේශයද වයඹ දෙසින් කරගහතැන්න ප්‍රදේශය පේනවා. දකුණූ පැත්තෙන් පෙන්නේ ගොම්බානීය, නකල්ස්‌, කිරිගල්පොත්ත වගේ කඳු. නැගෙනහිර පැත්තෙන් වන්නිමාන, ලකේගල, ලබුලැස්‌සපතන ආදී කඳු අතර අලංකාර තුන්හිස්‌ගල පේනවා. කෙළින්ම පහළ බලද්දී නෙත ගැටෙන්නේ ඇටන්වල හා රත්නින්ද ප්‍රදේශවල වෙල්යායයි.
ඇත්තටම මානිගල කියන්නේ අති සුන්දර තැනක්.වටපිට ලස්සන බලන්න විතරක් නෙවෙයි පරිසරයේ සුන්දරත්වය විඳින්නත් මෙතන මරු. ඒ නිසා ආයේ නිවාඩුවට රිවර්ස්ටන් පැත්තේ යනවා නම් මානිගල බලන්න යන්න අමතක කරන්න එපා.

Photo credit goes to original photographer

09/12/2023

- නිවාඩුවකට බෝගම්බර යමු..
සිර ගෙදර තරු පහේ හෝටලයක් බවට පත් කරයි😍🌿

05/12/2023

හෝර්ටන් තැන්නේ දිවියන්.

05/12/2023

- නකල්ස් රක්ෂිතයේ පහස ලබමින් ලංකාවේ සැගවුණු සුන්දර ගම්මානයක් 😮 "තංගප්පුව ගම්මානය"🌿❤️
🦋🪲🦎☘️🌿🎋
Thangappuwa, Sri Lanka |🇱🇰

නකල්ස් කදු පාමුල පිහිටි තවත් සුන්දර ගමකි.තේ වතුවලින් පිරි මේ ගම්මානය පිහිටා ඇත්තේ මහනුවර සිට කිලෝමීටර 50ක පමණ දුරකිනි. නක්ල්ස් කදුකරයට පිවිසිය හැකි අතලොස්සක් ස්ථාන අතරින් තංගප්පුව ප්‍රධාන වේ.

බහුතරයක් දමිල ජනයා නියෝජනය කරන මෙහි ප්‍රධාන ජීවිකාව තේ වගාවයි. නක්ල්ස් කදුකරයෙන් වටවූ මනස්කාන්ත පරිසරය නිතැතින්ම සංචාරකයින් ආකර්ශනය කරනු ලබයි. මුහුදු මට්ටමේ සිට උස මීටර 1400 පමණය.

තංගප්පුව අවට සංචාරක ස්ථාන රැසක් ඇත.

✅අලුගල්ලෙන/ අලුගල් කන්ද
✅නක්ල්ස් කදු 5
✅Cobert Gap (අට්ටලවෙට්ටුව)
✅මීමුරේ (මෙහි සිටදුර කි.මි 20)
✅කොටගග දිය ඇලි
✅රංගල ස්වභාවික තටාකය

පරිසරය විදින්න තවත් කෙනෙක්ට බලන්න ඒ පරිසරය සුරකින්න.

Photo credit goes to original photographer.

04/12/2023

කොහොමද එතැන...අවාල හෙල

04/12/2023

හන්තානේ කදු වලත් අතරමං වේ.පරිස්සමට..

27/11/2023

- නාරංගල 🌻❤️🐐
Photo credit goes to original photographer

24/11/2023

- කනේ ගෑවී නොගෑවී කෝච්චි යන වියට්නාමයේ අපූරු අවන්හල් අත්දැකීම 🛤️🚞🇻🇳

24/11/2023

ඕලන්දයේ මල් මිලියන ගණනක් පිපුණු ටියුලිප් යායක් අහසට පෙනෙන අයුරු හා ළඟට පෙනෙන හැටි....🌷🌱🌿🌸😮🤗😍❤️😘

22/11/2023

- යකාගේ පඩිපෙළ මාර්ගයේදී හමුවන “උඩවේරිය වත්ත” 🌸🦌🌿❤️

අතිශය දුශ්කර ජීවිකාවක් ගෙන යන අහිංසක මිනිසුන් ජීවත් වන ගම්මානයක් ♥️🦌🦅🌸

ඔහිය මොන පාටද කියල ඇහුවොත්..එක පාරින්ම කියන්න පුලුවන් කලු පාට කියල. ඒක ගුප්ත කලු පාටක්. හැම තැනම..ගස් පවා කොල පාටට වඩා තද කලු පාටයි...ඒක තද මීදුමත් එක්ක එකතු උනාම...පාරාදීසයක්. .
ඔහියෙන් හැරිල කලුපහනට යන පාර...ඒ කියන්නෙ යකාගෙ පඩිපෙල හරහා යන පාරෙ හමුවෙනව.උඩවේරිය වත්ත..
ඒකනං අමුතුම පාටක්..වෙනම ලෝකෙකට ඇතුල්වෙනව වගේ..වචන නෑ...

යකාගෙ පඩිපෙල කියන නම හැදිල තියන්නෙ උඩවේරිය ගම්මු කියන විදියට ඉස්සර යක්කු පන්දම් අරගෙන රෑට ඔය මර්ගය හරහා එහා මෙහා ගිය නිසාලු. කොච්චර යකාගෙ පඩිපෙල කියන නම අහල තිබුනත් ඒක හරියටම දැනගත්තෙ ඒ ගම්මුන්ගෙන්.

ලෝකාන්තෙ පහල තියන ගම්මානෙ තමා උඩවේරිය වත්ත.එතන හරියට ට්‍රැවලින් හබ් එකක් වගේ..වටේටම යන්න පාරවල් තියනව.
ඉදල්ගස්හින්නට එතනින් කෙටිපාරක් තියනව..4 Km.
මෙතන කෑම්පිං කරන කෙනෙකුට යකාගෙ පඩිපෙල හරහා යන්නත් පුලුවන්.
ඒ හැම කඳු පන්තියක් හරහාම අස්ස කරත්ත මාර්ගවල් තිබිල තියනව. තාමත් ඒක දැකගන්න පුලුවන්.

🏭උඩවේරිය වත්තට කලින් තියනව ඔහිය වත්ත...ඊට පහලින් තියන්නෙ උඩවේරිය වත්ත.වචනවලින් විස්තර කරන්න බැරි මීදුමෙන් වැහෙන සීතල සුන්දර උඩවේරිය වත්ත..

🏕️මෙතන තියනව කෑම්පිං කරන්න සුන්දර තැන්
කීපයක්. වතුර වගේම වැසිකිලි පහසුකම් එතන
තියන පුන්චි දේවාලයක් සහ ගෙදරක් තියන
තැනකින් ගන්නත් පුලුවන්.ලොකු පහසුම්
බලාගෙනනම් එන්න එපා.

⛰️එතනින් උඩ තියනව විව් පොයින් එකක්. එතන
උඩ සහ පහල විව් පොයින් එකෙත් කෑම්පිං
කරන්න පුලුවන්.

විනාශ කරලනන් එන්න එපා. එතෙන්ට ගියාට පස්සෙ හිතුනෙ මේ විස්තර දාල මේ තැන් විනාශකරන්න මට දායක වෙන්න බෑ කියන සිතුවිල්ලයි. විනාශ කරන්න නම් එපා. එච්චරම සුන්දර පරිසරයක් ඒක.

🏭පහල උඩවේරිය වත්තෙ පරන තේ ෆැක්‍ටරිය
තියනව.එතන රෝමානු කතෝලික කුඩා
දේවස්තානයක් තියනව.පුන්චි සුන්දර මීදුමෙන්
වැහුනු ගම්මානයක්.

මේ ගම්මානෙ කොච්චර සුන්දර උනත්..ඒකෙ ඉන්න මිනිස්සුන්ටනම් ඒ ජීවිතේ සුන්දර නෑ..මේ ආර්තික අර්බුදයත් එක්ක ඒ අයට තේ වතුවල රස්සාවල් තියන්නෙ සතියට දින දෙකක් වගේ.ඒත් දවසකට ලැබෙන්නෙ 1500/= විතරයි.

උඩවේරිය ගමට ලඟම තියන්නෙ ඔහිය. ඒත් කිලෝමීටර් 7ක් දුරින්.ගමේ ගොඩක් අය එතන්ට පයින් තමා එන්නෙ.ඔහියටම තියන්නෙ කඩ තුනක් විතරයි.ඒවයෙ සාමාන්‍යෙ බඩුත් නැති තරම්. ඒ අය යන්න ඕනෙ බොරලන්දට. ඒකට කිලෝමීටර් 17ක් තියෙනවා.

ඔබ මේ ප්‍රදේශයේ සන්චාරය කරනවානම්...ඔබට හැකිපමන දේවල් ඒ ගමේ අයට අරගෙන යන්න.

🏕️මේ සුන්දර ප්‍රදේශයේ ඔබ සන්චාරය
කරනවානම්..ඔබේ පියසටහන් පමනක් තබා
එන්න.

🚘උඩවේරියට යන මාර්ගය අබලන්. ජීප් හෝ වෑන්
වලට ඔහිය දෙසින් යා හැක.

🚊දුම්රියෙන් එනවානම් ,එතැන්සිට ත්‍රීරෝද රතයකින්
එහි යාහැක. ඒ සඳහා ගම් වැසියන් සම්බන්දකර
දිය හැක.

එහි යාමට බලාපොරොත්තු වනවානම්..උඩවේරිය ගමේ කීපදෙනෙකු ඔබට සම්බන්දකර දිය හැක. එය ඒ ගමේ ජීවත්වන අහින්සක ගම්වැසියන්ගේ කුසගින්න නිවාලිය හැකි නිසාවෙන්මය..

📷 Credit to Respective Owner
Sri Lanka

20/11/2023

දැදුරු ඔය ජලාශයේ සුන්දරත්වය 🌿🍁🌸
Photo credit goes to original photographer

19/11/2023

අවාරෙට දෙවියෝ වඩිනවා කියන්නේ නිකන් නෙමෙයි ❤️🤍
Photo credit goes to original photographer

14/11/2023

විනාඩි 20කින් වලාකුළු වලටත් වඩා උඩට 🔥😍🌅⛰️🌸🙈🌳🌤️
Peacock Hill, Sri Lanka |🇱🇰

ගම්පොලින් නාවලපිටිය පාර > උලපනේ හන්දියෙන් වමට > කඩදොර හන්දියෙන් දකුනට (කොත්මලේ ජලාශය නැරබුම් ස්තානය අසල) > දොරගල පාර(මහවැලි සෑය පාර) > දොරගල හන්දියෙන් තේ කර්මාන්ත ශාලාව දෙසට ඇති පාර ඔස්සේ ගොස් පීකොක් කන්ද තරනය කරන ස්ථානයට ලගාවිය හැක.

ඊට අමතරව ගම්පොල නුවරඑලිය මාර්ගයේ පාරදෙක හන්දියෙන් පැමින දොරගල හන්දියටද. තවලන්තැන්න හෝ පුස්සැල්ලව හරහා කඩදොර හන්දියටද ලගාවිය හැක.
පොදු ප්‍රවාහන සේවා ඔස්සේ එන්නේනම් ගම්පොල සිට උලපනේ හරහා දොරගල බස්‍ රතය ගම්පලින් උදෑසන 8ට පිටත්වේ. නැවත දොරගල සිට ගම්පලට එම බස්රතයම සවස 2ට පමන පිටත්වේ. උදෑසන 8 බස් රටය ගම්පලින් මහගැරුනොත් ගම්පලින් මාවෙල / කොත්මලේ බස්රතවල පැමින කඩදොර හන්දියේ සිට ත්‍රීරෝද රතයක් හෝ පා ගමනින් ගමන් කලයුතු වේ.....

ඊට අමතරව පාරදෙක හන්දියේ සිට පොදු ප්‍රවාහන වෑන් රත කීපයක්ද දොරගල දක්වා ක්‍රියාත්මක වේ.

👉කොහොම උනත් මෙහෙ යනවා නම් කොත්මලේ සෑය ළඟින් උඩට තියෙන පාරේ තමයි යන්න ඕනේ. Map එකේ පෙන්නන්න්නේ වෙන පාරක්. ඒ පාරෙ ගියොත් පැය 2ක් විතර යනවා කන්ද උඩට යන්න.

කදු තරනය ආරම්භක ස්තානයේ සිට 500m පමන දුරක් ෆයිනස් කැලය ඔස්සේ තරනය කල යුතුය. වැසි සමය මගහැර සංචාරය කිරීම මගින් කූඩැල්ලන් සහ මීදුම නිසා දර්ශනපතය වැසීයාම යන දුශ්කරතා මගහරවාගත හැක.
කදුමුදුනට පැමිනි විට. වම්පසින් පුස්සැලාව නගරය, තවලන්තැන්න ඊට ඉහලින් පෙරට්ටාසි, චැරුයත් පාත් කදු, රාගල කදු, රම්බොඩ ඇල්ල, ගැරඩි ඇල්ල, පූනා ඇල්ල, නුවරඑලිය කදු, කොත්මලේ ජලාශය හා ඊට ඉහලින් ඇති කදු පන්තිය දැකගත හැක.🍃💦🌿🔥

මේ ගමන පෞද්ගලික වාහනේක යනවා නම්
📌 මොණරගල
📌 කඩදොර විහාරය
📌 කොත්මලේ සෑය
📌 කොත්මලේ වේල්ල
📌 රණමුණේ පිහිල්ල
📌 කඩියන්ලෙන ඇල්ල

මේ සේරම ටික බලන් එන්න පුළුවන්..♥️

පහුගිය කාලයේ වැඩි ආකර්ශනයක් දිනාගත් නිසා අවට පරිසරය යම් තරමක් කුනු කසල වලින් අපවිත්‍රවී ඇත. යනවා නම් අරන් ගිය ඒවා ආපහු අරන් එන්න. 🙏 නැත්නම් එතනත් තහනම් කරයි ළඟදීම 😿

📷 unknown

08/11/2023

New York කියලද හිතුවෙ 🙂
නෑ මේ කොළඹ 😍

Credit to onwers.

01/11/2023

ලස්සන පාරක් තියෙන බුලත්කොහුපිටිය - දේදුගල ගම්මානය.☘️🌼🌸

Photo credit goes to original photographer

27/10/2023

Travel කරන්න කැමති අයට මෙන්න T-Shirt එක.

13/10/2023

මොණරාගල ලස්සන ❤️.

Photo credit goes to original photographer

11/10/2023

අර වංගුවෙන් හැරිලා කළුපහන පාරාදීසයකට යන පාර 🌸😌🍓

Photo credit goes to original photographer

10/10/2023

"ශ්‍රී ලංකාවේ දුම්රිය මාර්ග පද්ධතිය"😱😍🌿

ශ්‍රී ලංකාවේ දුම්රිය මාර්ග පද්ධතිය කිලෝමීටර් 1508ක්.
දුම්රිය මාර්ග ඉදි වෙලා තියෙන්නේ සම්මත අඩි 5 අඟල් 6 පළලෙන්.

1864දී බ්‍රිතාන්‍ය යටත්විජිත රජය විසින් දුම්රිය මාර්ග ශ්‍රී ලංකාවට හඳුන්වා දුන්නා. ඒ මුලිකවම තේ සහ කෝපි කඳුකරයේ සිට කොළඹට රැගෙන ඒමට.

ප්‍රධාන දුම්රිය මාර්ගයේ පළමු කොටස කිලෝ මීටර 54 කින් සමන්විත වුණා. ඒ කොළඹ සිට අඹේපුස්සට.
එහි පළමු දුම්රිය ගමන යෙදුණේ 1864 දෙසැම්බර් 27 වන දින. සාමාන්‍ය ගමන් බිමන් සඳහා එය විවෘත වුනේ 1865 ඔක්තෝබර් 2වැනි දිනයි.

Guilford Lindsey Molesworth තමයි එහි ප්‍රධාන ඉංජිනේරුවරයා. මොහු පසුකාලයක ලංකාවේ දුම්රිය සේවයේ අධ්‍යක්ෂක ජනරාල් ධූරයටද පත් වුණා.

ප්‍රධාන දුම්රිය මාර්ගය, 1867දී නුවර දක්වාද, 1874දී නාවලපිටිය දක්වාද, 1885දී නානුඔය දක්වා ද, 1894දී බණ්ඩාරවෙල දක්වා ද, 1924දී බදුල්ල දක්වා ද දීර්ඝ කෙරුණා.

1880දී මාතලේ දුම්රිය මාර්ගය ද,
1895දී මුහුදුබඩ දුම්රිය මාර්ගය ද,
1905දී උතුරු දුම්රිය මාර්ගය ද,
1914දී මන්නාරම දුම්රිය මාර්ගයද,
1919දී කැළණිවැලි දුම්රිය මාර්ගය ද,
1926දී පුත්තලම දුම්රිය මාර්ගය ද,
1928දී ත්‍රිකුණාමලය හා මඩකලපුව දුම්රිය මාර්ග ද,
1993දී මිහින්තලය දුම්රිය මාර්ගයද,
ශ්‍රී ලංකා දුම්රිය මාර්ග පද්ධතියට එකතු වුණා.

ශ්‍රී ලංකාව දුම්රිය මාර්ග පද්ධතියේ දුම්රිය මාර්ග වන්නේ,
ප්‍රධාන දුම්රිය මාර්ගය (කොළඹ කොටුව සිට බදුල්ල)
මුහුදුබඩ දුම්රිය මාර්ගය (කොළඹ කොටුව සිට බෙලිඅත්ත)
පුත්තලම දුම්රිය මාර්ගය (රාගම සිට පුත්තලම)
කැලණිවැලි දුම්රිය මාර්ගය (මරදාන සිට අවිස්සාවේල්ල)
උතුරු දුම්රිය මාර්ගය (පොල්ගහවෙල සිට කන්කසන්තුරේ)
මාතලේ දුම්රිය මාර්ගය (පේරාදෙණිය සිට මාතලේ)
මන්නාරම දුම්රිය මාර්ගය (මැදවච්චිය සිට මන්නාරම)
ත්‍රිකුණාමලය දුම්රිය මාර්ගය (ගල්ඔය සිට ත්‍රිකුණාමලය) මඩකලපුව දුම්රිය මාර්ගය (මහව සිට මඩකලපුව)
මිහින්තලය දුම්රිය මාර්ගය (අනුරාධපුරය සිට මිහින්තලය)

ශ්‍රී ලංකාවේ දුම්රිය හරස් මාර්ග 1684ක් ඇති අතර, එයින් ආරක්ෂිත දුම්රිය මාර්ග ඇත්තේ 527ක් පමණි.

උපුටාගැනීමක්

09/10/2023

ලංකාවේ තියෙන ලස්සනම ප්‍රදේශයක් තමා මාතලේ😍🌿🌼

07/10/2023

ආදම්ගේ පාලම 🌊🔥⛰️🌿🙏

වාල්මිකී විසින් රචිත රාමායණය ප‍්‍රබන්ධයක්ද? නැතිනම් සත්‍යයක්ද? රාම, සීතා, රාවණා, හනුමාන් සැබවින්ම ජීවත් වුණාද? රාම් සේතු පාලම ඉදිකරන ලද්දේ රාමගේ වානර හමුදාව ද? මේ පිළිබඳව යළි සොයා බැලීමට කාලය පැමිණ තිබේ. ඒ ආදම්ගේ පාලම නොහොත් රාම් සේතු පාලම ස්වාභාවිකව නිර්මාණය වූවක් නොව මිනිසා විසින් නිර්මාණය කරන ලද්දක් බවට ඇමෙරිකාවේ ‘සයන්ස් චැනල්’ නාලිකාව ‘වට් ඔන් අර්ත්’ නමැති විශේෂ වැඩසටහනක් මගින් කරන ලද හෙළිදරව්වක් හේතුවෙනි.

කලකට ඉහත නාසා ආයතනයට අයත් චන්ද්‍රිකාවක් මගින් අපූරු ඡායාරූප පෙළක් හසුකරගෙන තිබිණි. ඉන්දියානු සාගරයේ ශ්‍රී ලංකාව හා ඉන්දියාව අතර නොගැඹුරු ජලයේ දම්වැලක් මෙන් දිස්වන පාෂාණ පන්තියක් එම ඡායාරූපවලින් ඉතා පැහැදිලිව දර්ශනය වේ.

මෙම ඡායාරූප ඇසුරින් රාම් සේතු පාලම සම්බන්ධයෙන් පර්යේෂණයක නිරත වූ ඇමෙරිකානු භූවිද්‍යාඥයන් හා විද්‍යාඥයන් පිරිසක් මෙම පාලම ස්වාභාවික පිහිටීමක් නොව මිනිසා විසින් ඉදිකරන ලද්දක්ය යන නිගමනයට එළැඹ තිබේ.

සමුද්‍ර විද්‍යාඥයන් මෙය වැලිපරයක් ලෙස හඳුන්වන අතර එය සාමාන්‍ය වැලිපරයක් නොවන බව ඔවුන්ගේ මතයයි. එම වැලිපරය මතුපිට වෙනත් ප‍්‍රදේශයක සිට ගෙන එන ලද විශාල පාෂාණ අතුරා පාලමක් ඉදි කර ඇතැයි යන්න ඔවුන්ගේ මතය වී තිබේ. මෙවැනි විශාල පර්වත එම ස්ථානයට රැගෙන එනු ලැබුවේ කෙලෙසකද යන්න අබිරහසක් බව ද ඔවුන් වැඩිදුරටත් සඳහන් කර තිබේ.

රාම් සේතු පාලම පිහිටා ඇත්තේ ශ්‍රී ලංකාවේ මන්නාරම් දූපතත් ඉන්දියාවේ රාමේෂ්වරමේ පම්බන් දූපතත් අතර මුහුදේය. එය සැතපුම් 30ක පමණ දිගින් යුතුය. හින්දු පුරා කතාවක් වන රාමායණය අනුව ශ්‍රී ලංකාවේ රාවණා රජු රාම කුමරුගේ බිසව වූ සීතා දේවිය පැහැරගෙන ලංකාවට පැමිණියේය. ඇය ගලවා ගැනීම සඳහා ශ්‍රී ලංකාවට යෑමට රාම කුමරු ඔහුගේ වානර සේනාව ලවා ඉන්දියාව හා ශ්‍රී ලංකාව අතර මෙම පාලම ඉදි කළ බව එහි සඳහන්ය.

ඇමෙරිකානු පුරාවිද්‍යාඥවරියක වන චෙල්සියා රෝස්ට අනුව මෙම වැලිපරය මතුපිට ඇති පාෂාණ වැලිපරයට වඩා පැරැණිය. මෙම පාෂාණ සම්බන්ධයෙන් සිදු කළ කාලනීර්ණ පර්යේෂණවල දී ඒවා වසර 7000ක් පමණ පැරණි වන බවට හා වැලිපරය වසර 4000ක් පමණ පැරණි වන බවට අනාවරණ වී තිබේ. වැලිපරය පසුකාලයේ ස්වාභාවික ලෙස නිර්මාණය වන්නට ඇතැයි ද, පාලම වෙනත් ප‍්‍රදේශයක සිට රැගෙන ආ පාෂාණ යොදා ගනිමින් මිනිසා විසින් ඉදිකරන ලද්දක් බවද ඔවුන්ගේ මතය වී තිබේ.

විද්‍යාඥයන්ගේ නව මතය ප‍්‍රකාශයට පත්වීමත් සමඟ ඉන්දියාවේ දේශපාලනික සංවාදයක් නිර්මාණය වී තිබේ. භාරතීය ජනතා පක්ෂ නායකයන් සඳහන් කරනුයේ රාම කුමරු පිළිබඳ පුරාවෘත්තය සත්‍යයක් බවට මෙම හෙළිදරව්වෙන් අනාවරණ වන බවයි. 2008 වසරේ ඉන්දියානු රජය මගින් මෙම ප‍්‍රදේශය ඔස්සේ නාවික මාර්ගයක් ඇති කිරීම සඳහා යෝජනා කළ සේතු සමුද්‍රම් ව්‍යාපෘතිය මගින් රාම් සේතු පාලමේ කොටසකට හානි වන බවට චෝදනා කරමින් භාරතීය ජනතා පක්ෂය සහ හින්දු අන්තවාදී සංවිධාන කිහිපයක් පසුගිය සමයේ විරෝධතා ව්‍යාපාරවල නිරත වූහ. එහිදී ශ්‍රේෂ්ඨාධිකරණයේ නිගමනය වූයේ රාම කුමරු සත්‍ය වශයෙන්ම ජීවත් වූ බවට වන ඓතිහාසික සාධක හමුවී නොමැති බවයි. ඇමෙරිකානු විද්‍යාඥයන්ගේ මතය අනුව අධිකරණ නියෝගය නිෂේධනය වන බවත්, රාම කුමරු ජීවත්ව සිටි බවට මෙම හෙළිදරව්වෙන් සනාථ කෙරෙන බවත් ඔවුහු ප‍්‍රකාශ කරති.

රාම් සේතු පාලම සම්බන්ධයෙන් විවිධ මත පවතී. එක් මතයකට අනුව අයිස් යුගයේදී ඉන්දියාව හා ශ්‍රී ලංකාව සම්බන්ධ වී තිබූ අතර ඉන්දියාවේ කොටසක්ව පැවති ශ්‍රී ලංකාව වසර 125,000කට පමණ පෙර වෙන් වී තිබේ. එසේ වෙන්වීමේදී ශේෂ වූ කොටස් මෙලෙස දිස්වන බව ඔවුන්ගේ මතය වී තිබේ. සේතු සමුද්‍රම් ප‍්‍රශ්නය සම්බන්ධයෙන් ඩී.එම්.කේ. පක්ෂය විසින් ගොනු කෙරුණු පෙස්සම සම්බන්ධයෙන් රජයේ ප‍්‍රතිචාරය වූයේ, “එහි පාලමක් නොමැත. මිනිසා විසින් නිර්මාණය කෙරුණු කිසිවක් එහි නොමැත. එවැන්නක් කළ හැක්කේ සුපර්මෑන් කෙනකුට පමණකි. පාලමක් ඉදි කෙරුණා නම් එය සුපිරි මිනිසකු විසින් ඉදිකරනු ලැබ යළි ඔහු විසින්ම විනාශ කෙරෙන්නට ඇත. සියවස් ගණනක් පුරා මේ සම්බන්ධයෙන් කිසිවකු කිසිවක් සඳහන් කර නොමැත්තේ එහෙයිනි. මෙය රාම කුමරු විසින් ඉදිකරන ලද පාලමකැයි කියමින් එයට වන්දනාමාන කිරීම ඇරඹුණේ මෑතක සිටය.” යන්නයි.

රාම් සේතු පාලම යැයි හඳුන්වන ප‍්‍රදේශයේ මුහුද ඇතැම් ස්ථානවල අඩි 30ක් පමණ ගැඹුරු වන අතර ඇතැම් ස්ථානවල ගැඹුර අඩි 3ක් පමණ වේ යැයි නිව්ස් 18 නමැති නාලිකාව සඳහන් කරයි. ඇතැම් ස්ථානයක ඇති වැලිපර වියළිය. 15 වැනි සියවස තෙක් මෙම වැලිපරය මුහුදු මට්ටමට වඩා ඉහළින් පැවැති අතර ඒ මතින් පා ගමනින් යා හැකිව තිබූ බවට සාධක ඇතැයි විද්‍යාඥයෝ පවසති. ක්‍රි. ව. 1480 ඇති වූ කුණාටුවකින් වැලිපරය විනාශ වී තිබේ.

මෙම පාලම පිළිබඳව ඓතිහාසික තොරතුරක් ප‍්‍රථමයෙන්ම හමුවන්නේ වාල්මිකීගේ රාමායණයෙනි. එහි එය හැඳින්වෙන්නේ ‘රාමා සේතු’ නොහොත් ‘රාමාගේ පාලම’ යන නමිනි. රාමායණයේ 2-22-76 වැනි පද්‍යය අනුව රාම එය ‘සේතුබන්ධනම්’ ලෙස නම් කර තිබේ. මෙම ප‍්‍රදේශය වර්තමානයේ හැඳින්වෙන්නේ ‘සේතු සමුද්‍රම්’ නමිනි. එහි අරුත ‘පාලමක් සහිත මුහුදු ප‍්‍රදේශය’ යන්නයි. දැනට ඉන්දියාවේ තන්ජවූර් සරස්වතී මහල් පුස්තකාලයේ ඇති ක්‍රි. ව. 1747 සකස් කරන ලද ඕලන්ද සිතියමකට අනුව මෙම ප‍්‍රදේශය ‘රාමන්කොයිල්’ යනුවෙන් හඳුන්වා තිබේ. තවත් සිතියමක දැක්වෙන්නේ ‘රාමාගේ දෙවොල පිහිටි ප‍්‍රදේශය’ යනුවෙනි. රාම වෙනුවෙන් දෙවොලක් ඇත්තේ රාමේස්වරම්හිය. මාර්කෝ පෝලෝගේ සිතියම්වල මෙම ප‍්‍රදේශය නම් කර ඇත්තේ ‘සේතුබන්ධ’ සහ ‘සේතුබන්ධ රාමේස්වරම්’ යනුවෙනි.

ඉබන් කොර්දාබේ විසින් 9 වැනි සියවසේ රචිත ‘බුක් ඔෆ් රෝඩ්ස් ඇන්ඩ් කින්ඩම්ස්’ හි එය ‘මුහුදේ ඇති පාලම’ ලෙස හඳුන්වා තිබේ. 1804 බ්‍රිතාන්‍යයන් විසින් නිර්මාණය කරන ලද සිතියමක මෙය නම් කර ඇත්තේ ආදම්ගේ පාලම ලෙසිනි. පුරාණ ඉස්ලාමික ග‍්‍රන්ථවල ශ්‍රී ලංකාව හැඳින්වෙන්නේ ‘ආදම්ගේ කන්ද’ ලෙසිනි. ආදම් පොළොවට පතිත වී ශ්‍රී ලංකාවේ සිට ඉන්දියාව බලා මෙම ස්ථානය ඔස්සේ ගමන් කළ බවට සඳහන් වන හෙයින් රාමාගේ පාලම ‘ආදම්ගේ පාලම’ ලෙසින් ද හැඳින්වේ.

විද්‍යාඥයන්ගේ නව මතය සත්‍යයක් නම් මහා සයුර මතින් පාලමක් ඉදිකිරීමට තරම් ඉතා දියුණු තාක්ෂණයක් වසර දහස් ගණනට ඉහත ලොව පැවති බවට එය කදිම සාක්ෂියක් වන අතර රාම පුරාවෘත්තය ද සත්‍යයක් බවට පත් වනු ඇත.

ලිපිය-ප්‍රියන්ජන් සුරේෂ් ද සිල්වා
📷 credit goes to original photographer