29/12/2019
ුරිදුටත්_අමතකවූ_අසරණයින්.....
“වෙල පල්ලෙහා ඉන්න මොනරුන්ට මොකක් හරි ලෙඩක්, පහු ගිය දවස් ටිකේම මැරෙන්න වැටිලා වගේ ගැහී ගැහී මොනරු කීප දෙතුන් දෙනෙක්ම හිටියා, ඔන්න අදත් අර පල්ලෙහා කෑල්ලේ මැරෙන්න වැටිලා“ පාන්දරම වෙලට ගිහින් ගෙදර ආව තාත්තා කීව කථාව කන වැකුනේ අහම්බෙන් වුවද, මොකක්ද වෙලා තියෙන්නේ කියලා නැවතත් තාත්තාගෙන් ඇහුවේ, ඇහුන කථාවේ විශේෂයක් දැනුන නිසාවෙනි... ඒ අනුව ඔහු පැවසූ කථාවට සංවේදීවූ අප සුලු වේලාවක් තුල ගියේ ඒ කීව ඉසව්ව සොයාගෙනය...
ඒ අනුව අප, මොරගොල්ලාගමට නුදුරු, තිබ්බටුවැව වෙල්යායේ කෙරවලට ගිය අප තාත්තා කීව තොරතුරු අනුව යම් කිසි රෝගයකින් පෙලෙන මොනරුන් සොයන්නට වූ අතර, විනාඩි කිහිපයක් තුල අපට හමුවූයේ මෙම තත්ත්වය හේතුවෙන් පසුගිය දින කිහිපය තුල මිය ගිය දැනට කුණුවී දුර්ගන්ධය හමන අසරණ සතුන්ගේ මළකුණුය. ගණන් අනුව එය 05 කි. ඇතැම් විට ප්‍රෙද්ශය පුරාවටම සෙව්වේනම් මෙම ගණන මීට වඩා ඉහළ අගයක් ගැනීමට තිබින.
තවදුරටත් සෙවිල්ලෙන් කටයුතු කල අපට හමුවූයේ දැනට ඉතා අසරණව, රෝගී තත්ත්වයෙන් පීඩා විදින තවත් අසරණ සතෙකි. කඩිනමින් මෙන්ම ප්‍රෙව්ශමින් එම ස්ථානයෙන් එම සතා ඉවත් කර ගැනීමට කටයුතු කල අතර, පරීක්ෂා කිරීමේදී පෙනී ගියේ මෙම රෝගී තත්ත්වය හේතවෙන් සතාගේ ඇස් දෙකම සුද වැසීම නැමති තත්ත්වට පත්ව ඇස් දෙකම ආවරණව වී ඇති බවයි.
එම අවස්ථාවේදී, කුඹුරේ සිටි ගොවීන්ගේ විමසීමේදී ඔවුන් සදහන් කලේ මොනරුන්ගෙන් වන වගා හානී අවම කිරීම පිණිස ඇතැම් ගොවීන් කුඹුරට වී වැපිරීමේදී ඒවාට කුරේට හෝ එවැනි අධි අන්තරාදායක කෘමිනාශක කලවම් කරමින් යොදන බවයි. තවත් සමහරෙකුගේ අදහස වූයේ කුඹුරු සදහා කෘමිනාශක යෙදු පසු කුඹුරු වල සිටින කෘමි සතුන් හා කුඩා සතුන් මොනරුන් විසින් ආහාරයට ගැනීමෙන් මෙම උපද්‍රවයට ලක්වන බවයි.
කෙසේ නමුදු බොහෝ දෙනාගේ අදහස මත, මෙම අසරණයින් හට මෙම අවසනාවන්ත ඉරණම අත්ව තිබෙනුයේ සෘජු හෝ වක්‍ර ආකාරයෙන් යෙදූ කෘමිනාශක හේතුවෙන් බවයි. ඒ අනුව බලන කල මේ තුලින් මෙපරිද්දෙන් පෙනෙන හා නොපෙනෙන සතුන්ට මෙන්ම වක්‍ර ආකාරයෙන් මිනිසාට කෙතරම් හානියක් සිදුකරන බවද? ඒ අනුව දැඩි ලෙස සොයා බලා ගොවීන් කටයුතු කල යුතුව ඇත. තවත් පැත්තකින් රටේ මේ වන සියලුම වගාවන් සදහා මොනරැන්, ඌරන්, වදුරන්, වන අලීන් මෙන්ම තවත් බොහෝ සතුන්ගෙන් දැඩි ලෙස වගා හානී සිදුවන අතරම, ඉන් මිදීම වස් ගොවීන් විසින් නානාවිධ ක්‍රෙමා්පායන් යොදාගනු ලබයි.
තත්ත්ව කෙබදු වුවද, මිනිසුනේ.......... බඩගින්න, තිබහ මෙන්ම අනෙකුත් අවශ්‍යතාවයන් හඩගා කියා සිටිමේ හැකියාවක් නොමැති, ඉල්ලා සිටීමට නොහැකි ඔවුන් වෙනුවෙන් හඩක් නැගීමට කෙනෙක් නොමැති වූ කල ඔවුන්ගේ සිරිත සීමා මායිම් නොතකා කෑම, බීම සොයා ආක්‍රමනයන් සිදුකිරීමයි. එහෙත් මනුසත්බවින් පරිපූර්ණ, මනුසත් බව අගය කර, සැම මත නිරෝගීත්වය අගය කරන උතුම් මිනිසුනේ, තම වගාවට හානී කරන සතුන් පලවා හැරීමට මීට වඩා නම්‍යශීලී, අමානුෂික නොවූ ක්‍රමවේදයන් භාවිත කරන ලෙස කරුණාවෙන් සිහිපත් කරන්නෙමි. කිසිත් කරකියා ගත නොහැකිව තම බඩගින්න නිසා උරුම වූ මරනයේ බියෙන් වේදනාවෙන් පීඩා විදින අසරණයන් හට මෙවැනි දඩුවම් කිරීමෙන් අප වැලකී සිටිමු.
කෙසේ වුවද අප විසින් මුදවා ගත් අසාධ්‍ය තත්වයේ පසුවූ මොනරා කඩිනමින් හේරත්ගම වනජීවී කාර්යාලය වෙත භාරදීමට කටයුතු කල අතර, ඔවුන් විසින් ඔහු භාරගෙන ප්‍රතිකාර ලබාදීමට පොරොන්දු විය.
උපුටා ගැනීමකි ..
