Dolukanda Hike With Sirimewan

21/08/2024

18/08/2024

සිංහරාජයට සමාන පරිසර පද්ධතිය මැඳින් දොඵකන්ද මුදුනට...

31/07/2024

# # ආයුබෝවන් සුභ දවසක් වේවා # #
දොඵකන්ද ඉපැරණි රජ දවස දොල පබ්බත නමින්
හඳුන්වා ඇත.
මහසෙන් මහ රජුගෙ දෙවැනි පුත්
ජෙට්ඨතිස්ස රජුගේ පුත්,බුද්ධදාස රජතුමා ( සුප්‍රසිද්ධ වෙද රජුගගේ)
ඖෂධීය උයන ලෙස මෙය හඳුන්වයි
මේ පිලිබඳ ගෙතුණු ජන කතා ජන කවි රාශියක් ඇත.
ඉදිරියේදී ඒවා එකින් එක ඉදිරිපත් කිරීමට අදහස් කරමි.
ජන කවියක්.
**************
දොඵකන්දේ ගල දෝ
අර පෙනෙන්නේ
ගල මුදුනේ රන් තොරණකි
දිලෙන්නේ
රන් තොරණේ රණ ගිරවෙකි
ලගින්නේ
දොඵකන්දේ දෙවියොයි අපි
රකින්නේ...

සිරිමෙවන් චන්ද්‍රසිරි
2024.07.31- 09:42 am

28/07/2024

සුභ දවසක් වේවා
දොඵකන්ද පිළිබඳව ජන කවියක්
*******************
පටුන ගම් හොඳයි දොඵකන්ද
දෑලේ
ඵල වැල හොඳයි ඒ කන්දේ
හිමාලේ
ගල් වැඩ හොඳයි දුටුගැමුණුගෙ
රජ කාලේ
මුහුඳ පෙනෙයි දොඵකන්දට
වයිතාලේ......
** ගල් වැඩ
අනුරාධපුර යුගයේ දුටුගැමුණු රජ සමයේ හෙළයේ මහා කලාකරුවන් කලු ගලින් කල නිර්මාණ රාශියක් දකින්නට ඇත.මෙම විශිෂ්ට නිර්මාණ කීපයක් දොඵකන්ද යාබද පිහිටි අරන්කැලේ පුරාවිද්‍යා භූමියේ දී
දැකගැනීමට පුලුවන.
** ඵල වැල
දොඵකන්ද හනුමන්තා විසින් හිමාලයෙන් ගෙනා කොටසක් බව ජනප්‍රවාදයේ ඇත.අති දුර්ලභ බෙහෙත් පැලෑටි මෙන්ම පළ තුරු වර්ග බොහොමයක් අදටත්
දොඵකන්දේ දකින්නට පුලුවන.
** පටුනු ගම්
අති සුන්දර පරිසරයක පිහිටි
රමණීය දොඵකන්ද අවට පිහිටා ඇති සිසිල් දිය පිරුණු ඇල දොල
සාරවත් කෙත්වතු වලින්
අලංකාර වූ ගම් කීපයකි.
(හුණුපොල,නැලව,හකිරිල්ල,
වෑවලගම,දොඵව,සිංහපව්ව,
අරන්කැලේ )
**මුහුද පෙනෙයි වයිතාලේ **
( වයි තාලය යනු හිමිදිරි යාමයයි.)
දොඵකන්ද මුදුනේ රැයක් පහන් කරන අයෙකුට බටහිර හලාවත
දෙසින් මුහුද දැකගැනීම රමණීය දසුනකි.
පුර සඳ ඇති රැය ගල මුදුන
මනරම් යැ...
සිරිමෙවන් චන්ද්‍රසිරි
2024.07.28.
කවියේ පැදි