හිස ලූ ලූ අතේ

උදේ වරුවේ Exam අවසන් විය.Room එකට වෙලා වල්පල් දොඩව දොඩව ඉන්න ගමන් ආපු ක්ෂණික අදහසකින්, පේරාදෙණිය විශ්වවිද්‍යාලයේ, විද්‍යා පීඨයේ 11 කණ්ඩායමේ අපි දොළහක් සෙට් වෙලා, යන්නේ කොහෙද, නවතින්නේ කොහෙදවත් නොදැන, හිස ලූ ලූ අතේ ගොස් ජීවිතේට එකතු කරගත් ඉමිහිරි අත්දැකීමක්........! සැබවින්ම, ගමන ආරම්භයේ සිට අවසානය දක්වා, එය හිස ලූ ලූ අතේ ගිය ගමනක්ම විය. ගමනට 'පෙර සූදානමක්' නොතිබුණි. 'පසු සූදානම්'ද නොතිබුණි.මෙය "හි

ස ලූ ලූ අතේ" ආරම්භයයි. පසු කාලීනව 'හිස ලූ ලූ අතේ' මගින් විද්‍යා පීඨයේ ශිෂ්‍යයින්ගේ පොදු වැඩ සඳහාද දායකත්වය දෙන්නට කටයුතු කෙරිණි. නැණසර ශිෂ්‍යත්ව අරමුදල තර කිරීම සඳහා ගීතාංජලී 2015 මුල් පියවර වශයෙන් සම්ප්‍රදායෙන් ඔබ්බට ගිය 'කැටයක්' මහනුවර නගරය කේන්ද්‍ර කරගනිමින් පැවැත්වුනේ එහි ආරම්භයක් ලෙසිනි. හුඟ දෙනෙක් අහන, "මොකද්ද බං මේ ලූ ලූ කියන්නේ" යන පැනයට පිළිතුරක් ලෙසින් "හිස ලූ ලූ අතේ" ආරම්භය මෙලෙස සටහන් කරමු.

සැ.යු:- අපිට පක්ෂ භේද නැත, ආගම් භේද නැත, පන්ති භේද නැත, කොටින්ම කිව්වොත් ගෝත්‍රවාදී නැත. හුදෙක් මේ වෑයම, හිස ලූ ලූ අතේ දුවන තාරුණ්‍යයේ ජවයට අරුතක් එක කරන්නටය. එක්වන්න අප සමග.