https://www.facebook.com/362466320612375/

Myanmar Teacher.Travelling&Car rents.

Name: Myanmar Teacher.Travelling&Car rents.
Address: ၆၈လမ်း, Mandalay, 05041, MM
Telephone: +959444037936

Home
Myanmar
Mandalay
Myanmar Teacher.Travelling&Car rents.

ကားနှင့်ပါတ်သက်သမျှ

31/05/2024

Xtrail grade တွေကတော့ s,st,x,xt,rider,axis,gt ဆိုပြီးအစဥ်လိုက်ရှိပါတယ်။ s,stကတော့ကွာခြားချက်ကတော့xenon head lightဖြစ်တာဘဲကွာပြီးတော့ နှစ်ခုလုံးကတော့ manual aircon ဖြစ်မယ် ရိုးရိုးဘီးဖြစ်မယ်.မှန်အမဲမဖြစ်ဘူး. X, xt ကျတော့alloy rim ဖြစ်မယ် auto aircon ဖြစ်မယ်. မှန်မဲမယ်. X နဲ့xt ကွာခြားချက်က xenon head light ပါတာမပါတာဘဲကွာတယ်. Standard အားလုံးကိုပြောတာပါ. Fog light ပါတာမပါတာကျတော့option ဖြစ်သွားပါတယ်.a
xis နဲ့ rider nissan autech division ကထပ်ခွဲထုတ်ထားတဲ့ customize version တွေဖြစ်ပါတယ်. Axis versionကတော့ luxury versionအနေနဲ့ထုတ်တာဖြစ်ပါတယ်။ gear k**b ကတော့ gt grade လိုပဲsport style ဖြစ်မယ် ထိုင်ခုံအသားရောင်ဖြစ်မယ် အတွင်းခန်း plastic တွေလဲအသားရောင်ဖြစ်မယ် alloy rim 17 ဖြစ်ပြီး autech ကထုတ်တဲ့ rim ဖြစ်မယ် shock absorber coil က sport coil တွေဖြစ်သွားမယ်။ rider version ကျတော့ sport style ဘက်ကိုပိုအသားပေးထားပါတယ်.ထိုင်ခုံကတော့ gt grade လိုပဲ sport seat ဖြစ်မယ်. Exhaust လဲ gt grade လိုပဲ sport exhaust ပြောင်းကြီးဖြစ်သွားတယ်. Gear k**b လဲgt လိုပဲ sport style အလုံးလေးဖြစ်သွားတယ်. Coil spring ကတော့ sport coil spring ပါဘဲ axis လို . alloy rim 17 autech ဆိုပင်မယ့် Axis နဲ့ rider alloy က design တွေကွာပါတယ်. S,st,x,xt,rider &axis တွေအကုန်လုံးကတော့ qr20de အင်ဂျင်တွေဖြစ်ပါတယ်. 4wd version တွေကတော့ 2w 4w swutch နဲ့ပြောင်းလို့ရတယ်. Jdm version တွေ ကိုလေ့လာမိသလောက်ပြောတာပါ. Option တွေကတော့ owner ယူရင်ယူသလိုအနည်းငယ်လေးပြောင်းသွားပါတယ်. Jdm version မှာတော့အထူးခြားဆုံး GT GRADE ဆိုပြီး JAPAN တခုထဲမှာပဲထုတ်ပါတယ်. ENGINE အနေနဲ့ QR20 ကိုမသုံးပဲ 280HP ထွက်တဲ့ SR20VET တပ်ထားပေးပါတယ်. SR20VET ဟာဆိုရင် NISSAN SR20 SERIES ထဲမှာ နောက်ဆုံး GENERATION ဖြစ်သလို HP အထွက်ဆုံးအင်ဂျင်ဖြစ်ပါတယ်. ဘာလို့ HP အထွက်ဆုံးဖြစ်ရသလဲဆိုရင် HONDA ရဲ့နာမည်ကြီး VTEC CAM SYSTEMကိုအတုခိုးထားပြီး TURBO ထပ်ထဲ့ပေးထားလို့ပါ. အဲ့ခေတ်တုံးက HONDA VTEC ENGINEတွေမှာ TURBO တွေမတပ်ပေးထားပါဘူး. naturally aspirated honda type r sport engineတွေ အလွန်ကျော်ကြားလှပါတယ်. Gearbox ကတော့ qr20de gear box မနိုင်တဲ့အတွက် qr25de europe xtrail gear boxကို ယူသုံးပေးထားပါတယ်. 4wd system ကိုတော့ nissan skyline gtr hicas system ကိုသုံးပေးထားပါတယ်. Hp မြင့်တော့ auto control လုပ်ပြီး wheel sensor တစ်ခုချင်းဆီက sense လုပ်ပြီး ဘီးတွေslip မဖြစ်အောင် လိုအပ်သလိုထိန်းထားပေးတယ်. သူမှာတခြား xtrail တွေလို 2w ပြောင်းလို့မရပါဘူး. Auto mode နဲ့ 4w lock mode ပဲပါတယ်. Exhaust pipe တွေကတော့ အင်ဂျင်ကြီးတော့ ၂လက်မခွဲပိုက်လိုင်းတွေဖြစ်သွားတယ်. Exhaust muffler လဲ riderလိုပဲ sport muffler ပါဘဲ. ပုံမှန် xtrail exhaust ပိုက်ကတော့ ၂လက်မလို့ထင်တာပါဘဲ. သူ့ suspension systemတခုလုံးက sport shock absorber 1 set လုံးဖြစ်သွားပါတယ်. Turbo ကတော့ america turbo company ဖြစ်တဲ့ garrett turbo ကိုသုံးပေးထားတယ်. အတွင်းခန်းအပြင်အဆင်တွေကတော့ sport seat, sport gear k**b , sport type pedal stainless steel ခြေနင်းတွေ ဖြစ်သွားပါတယ်. ကျွန်တော်လေ့လာမိတဲ့ jdm xtrail first generation grade အခွဲလေးတွေဖြစ်ပါတယ်. လိုအပ်တာလဲရှိအုံးမှာပါ
Crd-Original uploader

30/05/2024

Toyota Ipsum အကြောင်း

သက်တမ်းတစ်လျှောက်မှာ မျိုးဆက်နှစ်မျိုးသာ ခွဲခြားထုတ်လုပ်ခဲ့တဲ့ တိုယိုတာရဲ့ Ipsum ဆိုတဲ့ အမျိုးအစားလေးအကြောင်းဖေါက်သည်ချ ချင်ပါတယ်။ လက်ရှိ ပြည်တွင်းမှာ ယာဉ်အိုယာဉ်ဟောင်း အစားထိုး တင်သွင်းခွင့်ရရှိထားတဲ့ မော်ဒယ် အတွင်းမှာ အကျုံးဝင်လျှက်ရှိနေသေးတဲ့ ဒီ မိသားစုသုံး ကားလေးဟာ Asia မှာတော့ Picnic ဆိုတဲ့နာမည်နဲ့ ရောင်းချပေးပါတယ်။

First Generation ( 1995-2001)
Compact MPV အမျိုးအစား ထိုင်ခုံ ၃ တန်း နဲ့ ခပ်လုံးလုံး စတိုင် ချိုးထားပြီး ခါးကြောရှည်ရှည်လေး ထုတ်ထားတဲ့ ဒီမျိူးဆက်ကို လူကြိုက်များခြင်းမရှိခဲ့ပါဘူး။ အင်ဂျင်ပါဝါ ကတော့ 2.0L 3S-FE I4 အင်ဂျင်တပ် ပြီး ထုတ်လုပ်ထားပေမယ့် , 2.2L 3C-TE ဒီဇယ်အင်ဂျင်တပ် လို့လည်း ထုတ်ပါသေးတယ်။
ခေတ်ပြိုင် တိုယိုတာ မော်ဒယ် GAIA ရဲ့ ရှေ့ပြေး ရုပ်ထွက်လည်း ဖြစ်ခဲ့ပါတယ်။ တိုယိုတာ ရဲ့ လက်ရှိအချိန်ထိ ထုတ်လုပ်ဆဲဖြစ်တဲ့ Avensis တွေရဲ့ အဓိက platform အဖြစ်စတင် ရပ်တည်လာတာပါ။ 1997 model မှာ ရုပ်အနည်းငယ် အပြောင်းအလဲ ရှိပါတယ်။
Chassis အနေနဲ့ကတော့ ဓါတ်ဆီဆို GF-SXM10 နဲ့ ထွက်ပြီး ဒီဇယ်တွေကတော့ KH-CXM10 တဲ့ ထွက်ပါတယ်( 4WD ဆိုရင် 15 )။

Second Generation ( 2001-2009)
ဒီဒုတိယနဲ့ နောက်ဆုံးမျိုးဆက်မှာတော့ ရုပ်ထွက်က တော်တော်ကြွထွက်လာပြီး မြန်မာပြည်မှာ လူကြိုက်များကြပါတယ်။ ဂျပန် မှာတော့
2.4L 2AZ-FE I4 အင်ဂျင်တပ် တစ်မျိုးတည်းကိုသာ ထုတ်လုပ်ပြီးတော့ , အခြားသော နိုင်ငံတွေမှာတော့
2.0L 1AZ-FE I4 အင်ဂျင်အပြင် , ဒီဇယ် ဆီသုံး 2.0L 1CD-FTV I4 တွေမှာတပ်ဆင် ထုတ်လုပ်ပါတယ် ( အင်ဒို/ မလေး / ဗီယက်နမ်)။ ပြည်တွင်းမှာ အသွင်းများတဲ့ ဂရိတ်တွေကတော့ E , I , I Limited , U, UG Selection ဂရိတ်တွေ ဖြစ်ကြပါတယ်။ တံခါးငါးပေါက်၊ ထိုင်ခုံသုံးတန်းဖြစ်ပြီး ဂရိတ်အားလုံးကို အဲကွန်းပတ်လည်ဖြင့် ထုတ်လုပ်ထားပြီး UG selection ဟာ အမြင့်ဆုံးဂရိတ်လို့ ပြောနိုင်ပါတယ်။
Japan မှာ ဓါတ်ဆီ 2.4L တစ်မျိုးသာ ထုတ်တဲ့အတွက် ပြည်တွင်း ရောက်ရှိလာတဲ့ Ipsum တွေမှာလည်း 2.4 L အင်ဂျင်နဲ့သာ တွေ့ရလေ့ ရှိပါတယ်။
ဂရိတ်တွေမှာ ပါဝင်ပစ္စည်း ကွဲပြားမှုတွေကိုအောက်မှာ စုစည်းဖေါ်ပြပေးထားပါတယ်။

“E ဂရိတ်”
အတွင်းခန်းဒက်ရ်ှဘုတ် ကျွန်းကွက်၊စတီယာရင်ကျွန်းကွက်၊ ရှေ့ထိုင်ခုံတံခါးလက်တင်၊ တီဗွီ၊ ပါ၀င်ပါတယ်။ ရှေ့နောက်စကတ်အသေး၊ Fog Light ၊ နောက်မှန်ဝိုက်ဘာ(နောက်ဒုတ်)၊စပွိုင်လာအသေး၊ Sunroof နှစ်ခု တို့ဖြစ်ပါတယ်။

“I ဂရိတ်”
အတွင်းခန်းကျွန်းကွက်၊ စတီယာရင်ကျွန်းကွက်၊ စတီယာရင်ကွန်ထရိုးလ်၊ အဲကွန်းဒီဂျစ်တယ်ကွန်ထရိုးလ်၊ အလယ်တန်းထိုင်ခုံသုံးခု၊ နောက်ထိုင်ခုံ လက်တင်အပြည့် ဖြစ်ပါတယ်။ ရှေ့နောက်စကတ်အကြီး၊ Fog Light မပါ၊ နောက်မှန်ဝိုက်ဘာ(နောက်ဒုတ်)၊ စပွိုင်လာအကြီး၊ နောက်မှန် အရောင်၀င်တာ တွေ့ရပါတယ်။

“I Limited”
I ဂရိတ်ထက်အနည်းသာပိုတဲ့ ဂရိတ်တစ်ခု ဖြစ်ပါတယ်။ ပတ်လည်မှန်မည်းတာ၊ ရှေ့ခန်းအလယ်ခန်း လေအိပ်ပါ၀င်တာ၊ တီဗွီ၊ ဒီဗွီဒီပါ၀င်တာတွေပဲ ကွာခြားတာတွေ့ရပါတယ်။

“U ဂရိတ်”
ဒီဂရိတ်ကတော့ အတွင်းခန်းကျွန်းကွက်အပြည့်၊ အတွင်းခန်းပတ်လည်အဝါ၊ တီဗွိ၊ ဒီဗွီဒီ၊ ထိုင်ခုံသုံးတန်းခုံပြည့် ဖြစ်ပါတယ်။ ရှေ့နောက်စကတ်အကြီး၊ Fog Light ရှေ့နောက်၊ နောက်မှန်ဝိုက်ဘာ၊ ပတ်လည်မှန်မည်းပြီး၊ Sunroof နှစ်ခုဖြစ်ပါတယ်။

“UG Selection”
အတွင်းခန်းကျွန်းကွက်ဖြစ်တဲ့အထဲမှာ ဂီယာလက်ကိုင်ကျွန်းကွက်ဖြစ်တဲ့ ဂရိတ်ဖြစ်ပါတယ်။ စတီယာရင်ကွန်ထရိုးလ်၊ အဲကွန်းဒီဂျစ်တယ်ကွန်ထရိုးလ်၊ လေအိပ် ပတ်လည်(၈)လုံး၊ ထိုင်ခုံပါဝါမော်တာ ဖြစ်ပါတယ်။ ရှေ့နောက်စကတ်အကြီးပုံပြောင်း (၂၀၀၅မော်ဒယ်အထက်)၊ ပတ်လည်မှန်အရောင်၀င်ပြီး၊ နောက်မှန်ဝိုက်ဘာ၊ စပွိုင်လာအကြီး၊ Fog Light ပတ်လည်ဖြစ်တာတွေ့ရပါတယ်။

Chassis အနေနဲ့ကတော့ 2001 မော်ဒယ်တွေမှာ TA နဲ့ လာပြီး 2002 ကစပြီး UA ဖြစ်သွားပါတယ်။ TA-ACM21 နဲ့သာ ဂရိတ်စုံထွက်လာလေ့ရှိပြီး 4WD ဆိုရင်တော့ TA-ACM26 နဲ့ ထွက်ပါတယ်။ ကားအားလုံးဟာ 4 speed Auto gear ( U241E) နဲ့သာလာလေ့ရှိပြီး 4WD မှာသာ အနည်းငယ်ကွဲလွဲမှုရှိပါတယ်။ ဒီဇယ်ဗားရှင်းမှာတော့ မန်နူရယ်ဂီယာ ၅ ချက်နဲ့ ထုတ်ပေမယ့် ပြည်တွင်းမှာတော့ အသုံးပြုမှုမရှိပါဘူး။
လက်ရှိ ပြည်တွင်းမှာ လူကြိုက်များပြီး ရောင်းပန်းလှတဲ့ Wish နဲ့ နှိုင်းယှဉ်မယ်ဆိုရင်တောင် Ipsum ဟာ အများကြီးအားသာချက်ရှိနေပါသေးတယ်။

Toyota Ipsum အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

Crd- Waiyan

29/05/2024

Toyota Land Cruiser ကားအကြောင်းသိကောင်းစရာ

ဂျပန် အခြေစိုက် Toyotaရဲ့ ထုတ် လုပ်မှု ဖြစ်ပြီးတော့ ၁၉၅၁ခုနှစ်ကတည်းကနေ ထုတ်လုပ်နေခဲ့တာ ဖြစ်ပေမယ့် ဇိမ်ခံ အဖြစ်နဲ့ တန်ကြေးကြီး မော်ဒယ်ဖြစ်နေလေတော့ Corollaလို မော်ဒယ်လောက်တော့ အစီးရေ အများအပြား ရောင်းချနိုင်ခြင်းတော့ မရှိခဲ့ပါဘူး။

လမ်းကြမ်းမောင်း မော်ဒယ် အဖြစ် ထုတ်လုပ်ထားတာ ဖြစ်ပြီး လေးဘီးယက်စနစ်နဲ့ လာပါတယ်။ ဒီမော်ဒယ်နဲ့ ပတ်သက်ပြီး မှတ်တမ်းဝင်နေတာက တစ်ချက်ကို ပြောရမယ် ဆိုရင်တော့ Toyotaထုတ်လုပ်သမျှ မော်ဒယ် တွေထဲမှာ သက်တမ်းအရင့်ဆုံး မော်ဒယ် အနေနဲ့ ရပ်တည်နေနိုင်တာ ဖြစ်ပြီး လက်ရှိ အချိန်ထိအောင်လည်း ထုတ်လုပ်နေဆဲပါ။ ၁၉၅၁ခုနှစ်မှာ Land Cruiserကို စတင်ထုတ်လုပ်ချိန်က အစီးရေ ၉၀ပဲ ထုတ်လုပ် ရောင်းချခဲ့တာ ဖြစ်ပြီး အဆိုပါ အချိန်က လူကြိုက်များနေတဲ့ Jeepရဲ့ မော်ဒယ်ကို တုပနိုင်အောင် ရည်ရွယ်ပြီး ထုတ်လုပ်လာခဲ့တာလည်း ဖြစ်ပါတယ်။

ဒါ့အပြင် နောက်ထပ် ပြည်တွင်းမှာ လူသိနည်းသေးတဲ့ အကြောင်းတစ်ခုကို ပြောရမယ် ဆိုရင် ပြည်တွင်းမှာ Land Cruiser ကို SUV မော်ဒယ် အနေနဲ့ပဲ လူသိများတာ ဖြစ်ပေမယ့် တကယ်တမ်းကတော့ ထုတ်လုပ်မှု သက်တမ်း တလျှောက် အမိုးဖွင့် မော်ဒယ်၊ Hardtopလို့ ခေါ်တဲ့ စွမ်းဆောင်ရည်မြင့် မော်ဒယ်၊ Wagon ကိုယ် ထည်နဲ့ Pick-up Truck မော်ဒယ်တွေ အဖြစ်ပါ ထုတ်လုပ်ခဲ့သေးတာ ဖြစ်ပါတယ်။ ဒီမော်ဒယ်နဲ့ ပတ်သက် ပြီးလူကြိုက်များစေတဲ့ အချက်ကတော့ မော်ဒယ်ရဲ့ အရည်အသွေး အပေါ်မှာ ယုံကြည်စိတ်ချရမှုနဲ့ ရေရှည် အသုံးပြုနိုင်ခြင်းတွေကြောင့် ဖြစ်ပါတယ်။ သြစတြေးလျမှာ ဆိုရင် အခုချိန်ထိ Land Cruiserနဲ့ တန်းတူ အမျိုး အစား မော်ဒယ်တွေထဲမှာ သူ့လောက် လူကြိုက်များတဲ့၊ ရောင်းချရတဲ့ မော်ဒယ် မရှိသေးပါဘူး။ ဒါဟာ လမ်း ကြောင်း၊ ရာသီဥတုစတဲ့ အခြေခံ အချက်တွေက အစ အားလုံး အဆင်ပြေတာကြောင့်လည်း ဖြစ်ပါတယ်။

Land Cruiserရဲ့ ရှေ့ထွက်မော်ဒယ်တွေကတော့ ဇိမ်ခံထက် လမ်းကြမ်းမောင်း မော်ဒယ်အဖြစ် ပွဲထွက်လာခဲ့ပြီး ၁၉၅၁ခုနှစ်ကနေ ၁၉၅၅ခုနှစ်ထိအောင် BJနဲ့ FJ အဆင့်ခွဲပြီး ထုတ်လုပ်ခဲ့ပါတယ်။ တံခါးနှစ်ပေါက်စနစ်နဲ့ မော်ဒယ်တွေ ဖြစ်ပြီးတော့ အင်ဂျင်စနစ်က ၃ ဒသမ ၄လီတာသုံးနဲ့ ၃ ဒသမ ၉လီတာသုံး အင်ဂျင်တပ်တွေ ဖြစ်ပါတယ်။

အဲဒီနောက်မှာတော့ အောင်မြင်မှု ရလာတဲ့ Land Cruiserက စစ်ဖက်သုံး မော်ဒယ်တွေပါ ထုတ်လုပ်လာပြီး ၁၉၅၅ခုနှစ်ကနေ ၁၉၆၀ထိအောင် J20နဲ့ J30အဆင့်ခွဲတွေ ထွက်လာပါတယ်။ အဲဒီလို စစ်ဖက်သုံး မော်ဒယ် တွေ အပြင် ၁၉၆၀ကနေ ၁၉၈၄ခုနှစ်ထိအောင်တော့ လမ်းကြမ်းမောင်း စစ်စစ်၊ စစ်ဖက်သုံး မဟုတ်တဲ့ J40လို အဆင့် တွေ ထွက်လာပါတယ်။ ဒီမော်ဒယ်တွေကတော့ Land Roverရဲ့ Discovery မော်ဒယ်မျိုးနဲ့ ဆင်တူတာ လည်း တွေ့နိုင်ပါတယ်။

၁၉၈၄ခုနှစ်ကနေ ဒီနေ့ခေတ်ထိအောင် ထုတ်လုပ်နေတဲ့ မော်ဒယ်တွေကိုတော့ J70အဆင့်ခွဲ အနေနဲ့ သတ် မှတ်ပါတယ်။ ဗင်နီဇွဲလားဈေးကွက်မှာ Machitoနဲ့ ဟေတီမှာ Zo Rekenလို့ ခေါ်တာကလွဲလို့နိုင်ငံတကာ ဈေးကွက်မှာတော့ Land Cruiserပါပဲ။ ၂.၄လီတာသုံး အသေးဆုံး အင်ဂျင်စနစ်ကနေ ၄ ဒသမ ၅လီတာသုံး အထိအောင် အင်ဂျင်အရွယ်အစားပေါင်း ၁၄မျိုးထုတ်လုပ်ပါတယ်။ ဒါက လမ်းကြမ်းမောင်း မော်ဒယ်တွေရဲ့ ဆင့်ကဲအပိုင်းပါ။

နောက်ထပ် ဇိမ်ခံ မော်ဒယ်တွေရဲ့ အကြောင်း နည်းနည်းလောက် ပြောချင်ပါတယ်။ ၁၉၆၇ခုနှစ်မှာမှ ဇိမ်ခံပုံစံ အဆင့်မြင့် မော်ဒယ်ကို စတင် ထုတ်လုပ်လာခဲ့တာပါ။ ၁၉၈၀ခုနှစ်ထိအောင် J50အဆင့်ခွဲကို ထုတ်လုပ်ပါတယ်။ ၃ ဒသမ ၉လီတာသုံးနဲ့ ၄ ဒသမ ၂လီတာသုံး အင်ဂျင်စနစ် နှစ်မျိုး ရနိုင်ပါတယ်။

၁၉၈၀ကနေ ၁၉၈၉ခုနှစ်ထိအောင်တော့ J60အဆင့်ခွဲ ထွက်လာပါပြီ။ ဗင်နီဇွဲလား ဈေးကွက်မှာ Samuraiလို့ ခေါ်ကြပြီး သူ့မှာတော့ အင်ဂျင်စနစ် ၆မျိုး ထုတ်လုပ်လာခဲ့ပါပြီ။ ၁၉၉၀ခုနှစ်မှာတော့ J80အဆင့်ခွဲ ထွက်လာပါပြီ။ ၁၉၉၇ခုနှစ်ထိအောင် ထုတ်လုပ်ခဲ့သလို အဆိုပါ မော်ဒယ်တွေ ပြည်တွင်းမှာ လွယ်လွယ်တွေ့နိုင်နေပါတယ်။ SUVကိုယ်ထည်နဲ့ ထုတ်လုပ်လာခဲ့ပြီ ဖြစ်သလို အင်ဂျင်စနစ် ၄မျိုး ရလာပါတယ်။

၁၉၉၈ခုနှစ်ကနေ ၂၀၀၇ခုနှစ်ထိအောင်တော့ J100အဆင့်ခွဲ ထွက်လာပါတယ်။ ဒီမော်ဒယ်တွေက ပြည်တွင်း Land Cruiserအသိုင်းအဝိုင်းမှာ အစီးရေ အများဆုံး ရှိနေတဲ့ မျိုးဆက်လည်း ဖြစ်ပါတယ်။ Lexus LX 470 လို့ လည်း ခေါ်ပြီး အင်ဂျင်စနစ် ၅မျိုး ထွက်ပါတယ်။ အခု နောက်ဆုံး Land Cruiserရဲ့ မျိုးဆက်ကိုတော့ J200လို့ အဆင့်ခွဲ သတ်မှတ်ပြီး ၂၀၀၇ခုနှစ်ကနေ စတင် ထုတ်လုပ်နေခဲ့တာ ဖြစ်ပြီး Roraimaလို့လည်း ဗင်နီဇွဲလားမှာ ခေါ်သလို ဥရောပမှာတော့ Land Cruiser V8လို့ ခေါ်ကြပါတယ်။ Lexus LX 570အဖြစ်လည်း အာရှ ဈေးကွက်မှာ လူသိများပြီး ယနေ့အထိ ထုတ်လုပ်ခဲ့ပါတယ်။ ဒီကားတွေဟာ ၂၁ရာစုမှာ ကမ္ဘာ့စစ်အင်အားကြီး NATO ရဲ့အရွေး ချယ်ခံရတဲ့ branded ကားဖြစ်ခဲ့ရပြီး လမ်းကြမ်းသုံး အဆင့်မြင့်ဇိမ်ခံကားစာရင်းဝင်ခဲ့ပါ တယ်။ တံခါးငါးပေါက် SUV ကားဖြစ်ပြီး ရှေ့အင်ဂျင်၊ လေးဘီးယက်စနစ်ဖြစ်ပါတယ်။ အင်ဂျင်များကတော့4.0L 1GK FEV6, 4.6L lVR-FEV8, 4.7L-2VZ-FE V8, 5.7L 3VR-FE V8- 4.5L 1VD-FTV V8 Turbo diesel အင်ဂျင်များဖြစ်ပြီး 5 Speed, 6 Speed Automatic ဂီယာစနစ်အပြင် 5 Speed manual ဂီယာစနစ်များပါ ရရှိနိုင်ပါတယ်။

Wheelbase 2850 mm(776.in) နဲ့ High 1880mm(74.0in) အသီးသီးရှိကာ ကားအလေးချိန် 2405-2725kg(5302-6000Lb) ရှိပါတယ်။ ကားမှာ တော့ အဆင့်မြင့် Smart Entry Smart start, 4Zone Climate Control System 10 airbass, Cruise control, 4wheel drive Control, Dounbill assist Control, Multi terrain ABS ဘရိတ်စနစ် ၊ Kinefic Dynamrc Suspersion KDSS, စတဲ့အဆင့်မြင့်စနစ် များစွာပါဝင်ပါတယ်။ ခေတ်မီအကြမ်းခံတဲ့ ကားဒီဇိုင်း သစ်၊ ဆဋ္ဌဂံပုံသံပန်းကွန်ရက် Kinefic Dynamrc Suspersion KDSS, ရှေ့မီးကြီး ပုံစံပြောင်းထားတဲ့ ကားနောက်ပိုင်း tail light မီးကြီး ၄ဒသမ ၂လက်မ JFT Info display TV နဲ့အတူ Elertro Multiversion Audio နှင့် စတီယာရင် ဒီဇိုင်း
သစ်၊ ငွေရောင်ချောမွတ်နေတဲ့ Centre Cersole စတာ တွေနဲ့ ပြိုင်ဘက်ဆင်း အဋ္ဌမမျိုးဆက်Landcruiser 4WD တို့ရဲ့ ဘုရင် 200 ကိုတော့ Super white 2, White pearl Crystal Shine Silver Metallic, Erey metallic, Black, Attitude Black Mica, Dark Red mica နဲ့ Beise Mica များအပြင်Copper Brown Mica နဲ့ Dark Blue Mica အရောင်များကိုပါထုတ်လုပ်ထားပါတယ်။

ဒီလောက်ဆိုရင်တော့ Toyota Land Cruiser အကြောင်း တစေ့တစောင်း တော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

Credit: original uploader

29/05/2024

ကျွန်တော်တို့နိုင်ငံမှာညာစတီယာရင် မောင်းကားများသွင်းခွင့်မရတာအတော်ကြာပြီဖြစ်ပေမယ့် ပြည်တွင်းစျေးကွက်မှာတော့ အရောင်းအဝယ်အတော်ဖြစ်နေဆဲပါ။
အခုနောက်ပိုင်းဂျပန်သွင်းကားတွေမှန် မမှန်စစ်ဆေးဖို့ရာအနည်းငယ်တော့ခက်ခဲပါတယ်။ အဲ့တော့ ဘော်ဒီစစ်ဖို့ ဘော်ဒီဆရာတွေခေါ်ရတဲ့အပြင် ဂျပန်လေလံတုန်းက ရှိခဲ့တဲ့ကားအခြေအနေတွေပါပြန်ကြည့်ဖို့လိုလာပါတယ်။ ဒါကြောင့် လေလံစာရွက်ပေါ်ကအကြောင်းအရာတွေပါနားလည်ဖို့လိုလာပါတယ်။

Your Carology မှာဂျပန် JPcenter လေလံစာရွက် ကို တစောင် ၂၅၀၀၀ ကျပ်ဖြစ်စစ်ဆေးနိုင်ပါပြီ။

ကျွန်တော်တို့ Your Carology Team ကနေ ကားလေလံစာရွက်မှာပါတဲ့ အဓိပ္ပါယ် ဖွင့်ဆိုချက်တွေကို ပြောပြပေးသွားမှာပါ။ အောက်ပုံမှာပြထားတာကတော့ USS Auction ကလေလံစာရွက်နမူနာလေးပါခင်ဗျာ။

S / 6 - ကားသည် ပထမဆုံးမှတ်ပုံတင်သည့်နေ့မှ ၁၂ လအောက် သက်တမ်းရှိသည်။ အသစ်အတိုင်းကောင်းတယ်။ အပြင်ပိုင်းနှင့် အတွင်းခန်းတွေက သပ်ရပ်သော အခြေအနေရှိပါသည်။

5 - ဒီအဆင့်ရှိတဲ့ကားက ကားအလွန်သန့်ပြီး အားနည်းချက်မရှိသလောက်အခြေအနေပါ။

4.5 - ဒီဂရိတ်ကလဲ ဂရိတ် 5 အောက် အနည်းငယ်သာလျော့ပြီး ကောင်းမွန်တဲ့ကားလို့ပြောနိုင်ပါတယ်။

4 - အပြင်ဘက်တွင် သေးငယ်သော ခြစ်ရာများနှင့် အစွန်းအထင်းများ၊ အချိုင့်လေးများရှိနိုင်သည်။ ကားသည် သာမန်အခြေအနေထက် သာလွန်နေပြီး မကြာခဏ ပြုပြင်ထိန်းသိမ်းမှု မှတ်တမ်းများရှိသည်။ အနည်းငယ်မျှသာ ပြုပြင်ထိန်းသိမ်းခြင်း/ ပြုပြင်ခြင်းများသာ လိုအပ်ပါမည်။

3.5 - ဒီဂရိတ်က လေလံမှာအတွေ့များဆုံး ဂရိတ်ဖြစ်ပါတယိ။ ဒီဂရိတ်က ကားအတွင်းအပြင် လျော့တဲ့ ဂရိတ်ပါ။

RA - မတော်တဆ ထိခိုက်မှုပျက်စီးမှု အနည်းငယ်ရှိခဲ့ပြီး ကောင်းမွန်စွာ ပြုပြင်ထားသော ကားတစ်စီးပါ။ အသေးစားပျက်စီးမှုနှင့်ပြုပြင်ခြင်းမှလွဲ၍ grade 4.5 ကဲ့သို့ကောင်းမွန်နိုင်သည်။

3 - အပြင်ပိုင်းတွင် သိသာထင်ရှားသော ကြီးမားသောခြစ်ရာများ/ခြစ်ရာများ၊ ဆေးသုတ်ထားသော အပြစ်အနာအဆာများနှင့်/သို့မဟုတ် ကြီးမားသောအပေါက်များရှိသည်။ ဆေးဘော်ဒီ ပြန်ပြင်ရမည့်ကားဆိုလဲဟူတ်သည်။ အတွင်းခန်းတွင် ပေါက်ပြဲခြင်းများ၊ ဆေးလိပ်မီး လောင်မှု အမှတ်အသားများနှင့်/သို့မဟုတ် အစွန်းအထင်းများ ရှိသည်။ ဤယာဉ်များသည် အတွင်းအပြင် ပြုပြင်ရန် လိုအပ်မည်ဖြစ်ပါသည်။

R - ယာဉ်မတော်တဆမှု မှတ်တမ်းရှိပြီး ယင်းအစိတ်အပိုင်းများကို ပြုပြင်ထားခြင်းရှိသကဲ့သို့ မပြုပြင်ထားတာလဲ ရှိနိုင်သည် ။ အဆင့် 3.5 ကဲ့သို့၊ အခြေအနေဖြစ်ပါသည်။ ဂရိတ် အနိမ့်ကားတစီးဆိုလဲ မမှားပါ။

2 - ယာဉ်တွင် သံချေးတက်သော နေရာများရှိသည်။

*** / 0 /無効/ Blank Grade

အဆိုပါ အမှတ်အသားများသည် အောက်ပါအချက်များထဲမှ တစ်ခု သို့မဟုတ် တစ်ခုထက်ပိုသည်ကို ညွှန်ပြသည်-
1. လေလံမှ ယာဉ်ကို စစ်ဆေးခြင်းမပြုရသေးခြင်း
2. ယာဉ်သည် ကြီးကြီးမားမား မတော်တဆမှုဖြစ်ခြင်း 3. ယာဉ်ကို မောင်းနှင်ခြင်းစက်နှိုးခြင်းများမပြုလုပ်နိုင်ပါ။
4.မျက်မြင်အခြေအနေအတိုင်းဝယ်ထားခြင်းများ

無効 ဒီလိုပြထားရင်တော့

စျေးအရမ်းသက်သာနေသောကား
တိုက်ထားသောကား
မောင်းမရသောကား
လေလံစစ်ဆေးသူ အချိန်မရ၍မစစ်ရသေးသောကား ဟုဆိုနိုင်သည်။

# / $ / *
မောင်းနှင်ထားသောကီလိုမီတာ သို့မဟုတ် မိုင်အား အတည်မပြုထားပါ။ အဲ့ဒီ # / $ / * သင်္ကေတများပါသောကားကို လေလံဌာနမှ မောင်းနှင်ထားသောမိုင် အတည်မပြုထားပါ။ ဘာကြောင့်လဲဆိုတော့ ၄င်းကားသည် ကီလိုလိမ်ထားခြင်း၊ မောင်းနှင်ကီလို 5 digit ဖြစ်နေခြင်း ၊ ကားဟောင်းနေခြင်းတို့ကြောင့်ဖြစ်သည်။

လေလံစာရွက်ပေါ်ရှိ စကားလုံး အဓိပ္ပါယ်များ

* AC – Air conditioner (အဲကွန်း)
* FA/AT – Automatic transmission (အော်တိုဂီယာကား)
* F5 – Manual (5-speed) transmission ( ဂီယာ ၅ ချက်ပါသော မန်နူရယ်ကား)
* PS – Power steering (ပါဝါစတီရာယင်)
* SR – Sunroof (ခေါင်မိုးမှန်ပါ)
* AW – Alloy wheels (အလွိုင်းဂွေ)
* AAC – Climate control air conditioner (အဲကွန်းကို အပူချိန် ချိန်ညှိလို့ရ)
* CA – Column automatic transmission
* F6 – Manual (6-speed) transmission (ဂီယာ ၆ ချက်ပါသော မန်နူရယ်ကား)
* PW – Power windows ( အော်တို မှန်အတင်အချ)
* TV – Television (တီဗီပါ)
* カワ・革 – Leather seats (လည်သာခုံ)
* エアB – Airbag (လေအိတ်)
* E3 – Some dents which are barely visible.( အချိုင့် ဒဏ်တချို့ပါ)
* U1 – A dent which is the size of a thumb.(လက်မအရွယ်အစား အချိုင့်ရာ)
* U2 – A dent which is the size of a palm. (လက်ဖဝါးအရွယ်အစား အချိုင့်)
* U3 – A dent which is more than size U2.(လက်ဖဝါးထက် ပိုကြီးတဲ့ အချိုင့်)
* Y1 – A tear which is the size of a thumb.(လက်မအရွယ် ပြဲနေခြင်း)
* Y2 – A tear which is the size of a palm.(လက်ဖဝါးအရွယ် ပြဲနေခြင်း)
* Y3 – A tear which is more than size Y2.
* (အကြီးကြီးပြဲနေခြင်း)
* W1 – A panel which has been repaired slightly, and is in good condition. (ကားမျက်နှာကျက်/ မျက်မှာပြင် အနည်းငယ်ပြင်ဆင်ထားပြီး ကောင်းမွန်သော အခြေအနေတွင်ရှိ)
* W2 – A panel which has been repaired slightly, and has a slightly wave. (ကားမျက်နှာကျက်/ မျက်မှာပြင် အနည်းငယ်ပြင်ဆင်ထားပြီး အနည်းငယ် လှိုင်းရှိ)
* W3 – A panel which has been repaired slightly, and has a conspicuous wave.(ကားမျက်နှာကျက်/ မျက်မှာပြင် အနည်းငယ်ပြင်ဆင်ထားပြီး သိသိသာသာ လှိုင်းရှိ)
* S1 – Rust which is the size of a fist. (လက်သီးဆုတ်အရွယ် သံချေးတက်)
* S2 – Rust which is more than size S1.
* (သံချေးတက်တာ S1 ထက်ပိုကြီး)
* C1 – Major rust corrosion which is the size of a fist.
* C2 – Major rust corrosion which is more than size C1.
* X – A panel which needs to be replaced.(အထဲက ပစ္စည်းတွေလဲရန်လို)
* XX – A panel which has been replaced.( ပစ္စည်းလဲလှယ်ပြီး)
Crd to Original uploader

28/05/2024

Honda Insight ကားအကြောင်း

Honda ရဲ့ ပထမဆုံး သော Hybrid လို့ခေါ်တဲ့ မျိုးစပ်စွမ်းအင် သုံးကား စီးရီးထဲမှာ Insight က ပထမဆုံးပါပဲ။

Hybrid
လူတွေအမှတ်မှားလေ့ ရှိတဲ့ Hybrid ရဲ့ အဓိပ္ပါယ်လေး ကို အရင်ပြောပါရစေ။ Hybrid ရဲ့ မူရင်း အဓိပ္ပါယ်ကတော့ လိုအပ်တဲ့ လောင်စာကို နေရာ ၂ ခု မှ ရယူနိုင်ခြင်းလို့ ဖွင့်ဆိုနိုင်ပါတယ်။ ယခင် ဓါတ်ဆီနဲ့ CNG နှစ်မျိုးထည့်မောင်းကြတဲ့ ကားတွေကိုလည်း Hybrid ကားလို့ခေါ်နိုင်ပါတယ်။ ယခု ခေတ်ကာလမှာတော့ ဓါတ်ဆီအင်ဂျင်နဲ့ လျှပ်စစ် မော်တာ ပူပေါင်းပြီး စွမ်းအင်ထုတ်ပေးတဲ့ Hybrid စနစ်ကို လူကြိုက်များကြပါတယ်။
Insight ကားဟာဆိုရင် 1997 ခုနှစ် Tokyo Motor Show မှာ concept ကား အနေနဲ့ ပွဲထုတ်ပြသခဲ့ပြီး 2000 ပြည့်နှစ်ဆန်း ပိုင်းမှာတော့ စတင်ရောင်းချခဲ့ပါတယ်။
Subcompact ကား တန်းဝင် တံခါး ၃ ပေါက် မော်ဒယ် hatchback ကား အမျိုးအစား ပါ။
First Generation ZE1, ( 2000-2006)
သူကတော့ 1.0 L ECA1 I3 အင်ဂျင်တပ်ဆင်ပေးပြီးတော့ IMA နည်းပညာ ပေါင်းစပ်ထားတဲ့ 10 kW,144V drive train စနစ်နဲ့ ပွဲထွက်လာတာပါ။
စတင် ထုတ်လုပ်စဉ်က Manual ဂီယာ ၅ ချက်နဲ့ ထုတ်လုပ်ပေမဲ့ နောက်ပိုင်းမှာ CVT ဂီယာ တပ်ဆင်ပေးခဲ့ပါတယ်(၂၀၀၁ ခုနှစ် နှောင်းပိုင်း)။
ပထမ မျိုးဆက် Insight ရဲ့ ဆီစားနှုန်းက
မြို့ပြင် 73 mpg / မြို့တွင်း 64 mpg ဖြစ်ပါတယ်။

IMA
Honda အဓိက အသုံးပြုတဲ့ Hybrid စနစ်တစ်မျိုးကို ခေါ်ပါတယ်။ Integrated Motor Assist ဆိုတာကို parallel hybrid လို့လည်းပြောလေ့ရှိကြပါတယ်။ သူု့ရဲ့ တည်ဆောက်ပုံက ဓါတ်ဆီ အင်ဂျင်နဲ့ ဂီယာအုံ ရဲ့ ကြားထဲမှာ မော်တာတစ်ခုကို ထည့်သွင်းပေးထားတာပါ။ကားမောင်းသူ့ရဲ့ လိုအပ်တဲ့ ကားအမြန်နှုန်းပေါ်မူတည်ပြီး မော်တာက လိုအပ်သလို ပါဝါထုတ်ပေးပါတယ်။
IMA မှာ တခြားသော တိုယိုတာ Hybrid လို မျိုးနဲ့မတူတာကတော့ အင်ဂျင်စက်နှိုးထားမှသာကားမောင်းနှင်လို့ရတာပါ ( Toyota Prius တွင် ဓါတ်ဆီ အင်ဂျင်ရပ်နေသော်လည်း ဘက်ထရီ ပါဝါ ရှိပါက ကားမောင်းနှင်လို့ရပါတယ်)။ နောက်ထပ် IMA ရဲ့ စွမ်းဆောင်ရည်တစ်ခုက braking လုပ်ပေးနိုင်တာပါ, ဘရိတ်ဆောင့် နင်းချိန်မှာ IMA ကားဟာ ပုံမှန်ကားထက် ဘရိတ် မိချိန် ပိုမြန်ပြီး ပိုသက်တောင့်သက်သာ ဖြစ်စေပါတယ်( ဘရိတ်နင်းချိန်တွင် IMA motor သည် Reverse rotation လုပ်ပေးပါတယ်)။ လက်ရှိအချိန်ထိ IMA စနစ်သုံး Honda brand ပေါင်း ၈ မျိုးလောက် ရှိပါတယ်။

Second Generation ZE2, (2009-2014)
First generation insight ကို 2006 မှာနောက်ဆုံးထုတ်လုပ် ပြီး 2009 ခုနှစ် အရောက်မှသာ second generation insight ကို ထပ်ထုတ်ခဲ့တာကလည်း ထူးခြားပါတယ်။ ဒါပေမဲ့ 2007 ခုနှစ် တစ်ကမ္ဘာလုံး စီးပွားရေး အကျပ်အတည်း ဖြစ်ချိန်မှာ လက်ရှောင်ခဲ့တာလို့ပဲ မှတ်ယူမိပါတယ်။
ဒုတိယမျိုးဆက်မှာတော့ ဟိုမရောက် ဒီမရောက် Subcompact ကား မဟုတ်တော့ပါဘူး လောက်လောက်လားလား ၅ ယောက်စီး တံခါး ၅ ပေါက် Compact ကားဖြစ်သွားပါပြီ။
သိသိသာသာ ကြီးမားသွားတဲ့ ကား ဆိုဒ်အတွက် ပါဝါ ပိုမိုများတဲ့
1.3 L LDA I4 i-VTEC အင်ဂျင်ကို သုံးပြီးတော့ 10 kW ရှိတဲ့ DC brushless motor ကို IMA အတွက် ထပ်မံတပ်ဆင်ထားပါတယ်။
1.3 အင်ဂျင်ရဲ့output power က 73 kW ရှိပြီး စွမ်းအင်ထုတ်နိုင်ခြေဟာ 83 kW အများဆုံး ရှိလာပါတယ်။ ဂီယာကတော့ CVT ကိုပဲတပ်ဆင်ထုတ်လုပ်ပါတော့တယ်။ လက်ရှိ အနီးစပ်ဆုံး ဒီအမျိုးအစား ဟာလမ်းပေါ်မှာတွေ့နေရတာမို့ ဂရိတ်လေးတွေအကြောင်းပါ တင်ပြပါရစေ။
ZE2 လို့ခေါ်တဲ့ Insight second generation မှာ ဂျပန်နိုင်ငံအတွက် ဂရိတ်ခွဲ ၃ မျိူး ထုတ်ပေးပါတယ်။
G / L / LS ဆိုတဲ့ ၃ မျိုးမှာ LS ဟာ အမြင့်ဆုံး ဂရိတ်ပါ။
G grade : G grade ကားကို အလွယ်တကူသိနိုင်တာကတော့ အချက်ပြမီး Signal Light က ကားရဲ့ ဘေးဘက်တချက်စီမှာ တွေ့နိုင်ပါတယ်။
ဘီးကတော့ ၁၅လက်မ သံဂွေအနက်နဲ့ ဟွန်ဒါဘီးဖုံးတပ်ဆင်ထားပါတယ်။ နှင်းခွဲမီး Fog Light မပါပါဘူး။ လေပြတင်း မိုးရေကာ မပါပါဘူး။ Parking Break နားမှာ Armrest လက်တင်နဲ့ အချိုရည်ပုံး Beverage holder မပါပါဘူး။
နောက်ပစ္စည်းခန်း Cargo room မှာ မီးမပါပါဘူး။

L grade : L grade မှာကျ Signal Light က နောက်ကြည့်မှန်နားရွက်ပေါ်မှာပါ။ ၁၅လက်မ သံဂွေဘီးဖုံးပါပဲ။ Armrest ပါလာပါပြီ။ Rear Cargo room light ပါလာပါပြီ။ Original Back Camera ပါပါတယ်။
ဂီယာတံ Shift lever မှာ P,R,N,D,S,L ဆိုပြီးပါပါတယ်။

LS grade : LS ကတော့ အမြင့်ဆုံးဂရိတ်ပါ။ ၁၆လက်မ ဟွန်ဒါ အလူမီနီယံအလွိုင်းဘီးပါ။ Fog Light ပါပါတယ်။ ရှေ့လေကာမှန်မှာ sunshade ကာလာလေးပါပါတယ်။ Gear Box မှာ P,R,N,D,S နဲ့ Manual Gear (Paddle Shifters) တွေပါပါတယ်။
VSA Vehicle Stability Assit ပါလာပါပြီ။

မြန်မာပြည်မှာတော့ တွေ့ရတာကတော့ G grade တွေ များပါတယ် ။
Smart key တွေကတော့ ဘယ်ဂရိတ်မှာမဆို ပါဝင်နိုင်ပါတယ် optional ဖြစ်တဲ့အတွက်ပါ။
၂၀၁၂ မှာတော့ ရှေ့ဘန်ဘာ လေးအနည်းငယ် အပြောင်းအလဲ ရှိသွားပါတယ် အတွင်းခန်း အနေနဲ့ကတော့ ဘာမှ အပြောင်းအလဲ မရှိပါဘူး။

IMA အတွက် တပ်ဆင်ပေးထားတဲ့ Hybrid battery ကတော့ NiMH made by Panasonic ဖြစ်ပြီးတော့ 22 Kg အလေးချိန် ရှိပါတယ်။ Output voltage အနေနဲ့ 144 volt ရှိပြီး cell တစ်ခုခြင်းစီမှာ 1.2 volt ရှိပါမယ် ( စုစုပေါင်း cell ၁၂၀ ရှိ) ။
Rated capacity အနေနဲ့ကတော့ 6.5 Ah ရှိပါတယ်။ ဟွန်ဒါက သတ်မှတ်ပေးတာကတော့ ၁၀ နှစ် သို့ ကီလို ၁ သိန်း ၈ သောင်း ပြည့်ရင် လဲလှယ်ပေးရမယ်ဆိုပါတယ်။

Insight ရဲ့ ဆီစားနှုန်းတွေကတော့ ( ZE 2 - second generation) အနိမ့်ဆုံး 48 mpg ကနေ အများဆုံး 52 mpg ထိ ရနိုင်ပါတယ်။
ပြီးတော့ speedometer လို့ခေါ်တဲ့ ဒိုက်ခွက် မှာလည်း မီးတန်းလေးတွေနဲ့ ပြပေးပါတယ်။
အစိမ်းရောင် ဆို ဆီစားနှုန်း အနိမ့်ဆုံး / အစိမ်းနဲ့ အပြာဆိုရင် ဆီစားနှုန်း ပိုလာပြီ / အပြာရောင် ပြနေရင်တော့ ဆီအကုန် များပြီပေါ့ ။
Auto stop mode ကတော့ factory settings ထဲမှာ ON ထားပါတယ်။ ဘရိတ် နင်းတဲ့ အချိန် ကြာလာရင် စက်ရပ်သွားပါတယ်, လီဗာ ပြန်နင်းရင် သူ့အလိုလို စက်နှိုးပြီး သွားပါတယ်။

🚙 Honda Insight အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

Credit:Original uploader

23/05/2024

Toyota Harrier ကားအကြောင်း

ဒီကနေ့ တိုယိုတာရဲ့ Mid-Luxury crossover SUV ကို စတင်မိတ်ဆက်ခဲ့တာကတော့ December 1997 ခုနှစ်မှာပါ။ Toyota ကနေ ဒီဇိုင်းတူ / မော်ဒယ်တူ ပြီး နာမည် နှစ်မျိုးနဲ့ ထုတ်ခဲ့ပါတယ်။
Harrier နဲ့ Lexus RX ဆိုပြိးထုတ်ဖို့ ဒီဇိုင်းဆွဲခဲ့တာကတော့ ဂျပန် ဒီဇိုင်းနာ Makoto Oshima ပဲဖြစ်ပါတယ်။
Harrier ကို တော့ ဂျပန်ပြည်တွင်း သုံးအဖြစ်ထုတ်လုပ်ရောင်းချခဲ့ပြီး Lexus RX ကိုတော့ ကမ္ဘာနဲ့ အဝှမ်း တင်ပို့ရောင်းချခဲ့ပါတယ်။
ထူးခြားချက်အနေနဲ့ harrier ဟာ unibody ရဲ့ ရှေးအကျဆုံး ကားတည်ဆောက်ခြင်းခံရတာပါ။ Unibody ဆိုတာကတော့ ကားရဲ့ frame မှာ မျိုးစုံလာရောက်တွဲဆက်တဲ့ ဒီဇိုင်းပါ။ 1990 ဝန်းကျင်မှာ ကား အားလုံးဟာ body သတ်သတ် frame သတ်သတ် တည်ဆောက်လေ့ ရှိပြီး၊ နောပ်ဆုံးမှာ တွဲဆက်လိုက်တာ မျိုးပါ။ Harrier ကတော့ အစိတ်အပိုင်းအားလုံး တတွဲစပ်တည်း ပွဲထွက်လာတဲ့ Unibody စနစ်ပါ။ လက်ရှိ အချိန်ထိ မျိုးဆက် လေးဆက်တိုင်ခဲ့ပြီ ဖြစ်တဲ့ Harrier အကြောင်း အောက်မှာ ရှင်းပြထားပါတယ်။

First Generation ( 1997-2003)

First generation မှာတင် အဆင့်နှစ်ဆင့် ခွဲခြားလို့ ရနိုင်ပါသေးတယ်။ 2000 နောက်ပိုင်း မော်ဒယ်တွေ မှာ facelift လုပ်ခဲ့ပြီး မီးခွက်ဒီဇိုင်းတွေ ပြောင်းတဲ့ အပြင် chassis ပါ ပြောင်းခဲ့ပေမယ့် Generation အနေနဲ့ တော့ မပြောင်းပါဘူးလို့ တိုယိုတာ ကိုယ်တိုင် ထုတ်ပြန်ထားတာပါ။
မြန်မာပြည်အနှံ့ တွေ့မြင်နေရလေ့ ရှိတဲ့ ဒီပထမ မျိုးဆက်ရဲ့ engine တွေကတော့ ၃ မျိုး အထိ ရှိပါတယ်။
2.2L 5S-FE I4 ( 130 hp, 4400 rpm)
2.4L 2AZ-FE I4 ( 160 hp, 5600 rpm)
3.0L 1MZ-FE V6 ( 194 hp, 5200 rpm)
ဆိုပြီး တပ်ဆင်ပေးလေ့ရှိပါတယ်။ 2.4L အင်ဂျင်ကတော့ 2000 နောက်ပိုင်း မော်ဒယ်မှာသာ တွေ့ရမှာပါ။ 2.2 L အင်ဂျင် line-up ကို အစားထိုးလိုက်တာ ဆိုရင်လည်း မမှားပါဘူး။ 5S-FE အင်ဂျင် တွေကို 1999 နောက်ပိုင်း ထပ်မံထုတ်လုပ်ခြင်း မရှိတော့ပါဘူး။
ကားရဲ့ အရွယ်အစားတွေ ကတော့
Wheel base = 2619 mm
Length = 4575 mm
Width = 1816 mm
Height = 1669 mm
အသီးသီး ရှိနိုင်ပြီးတော့ Lexus မော်ဒယ်မှာ ကားအမြင့်ဟာ ပိုနိုင်ပါတယ်။
ဂရိတ် အနေနဲ့တော့ S နဲ့ G လို့ အကြမ်းဖျင်း သတ်မှတ်နိုင်ပြီး ဂရိတ်ပျောက်လည်း ရှိပါတယ်။ S ဂရိတ်မှာတော့ S PACKAGE , G ဂရိတ်မှာတော့ G PACKAGE လို့ ကားနောက်ဖုံးမှာ ရေးလေ့ရှိပြီး , 4WD ဆိုရင်တော့ FOUR ဆ်ုတာလေး ပါဝင်လာပါလိမ့်မယ်။
Chassis အနေနဲ့ ကတော့ အင်ဂျက်ပါဝါပေါ်မူတည်ပြီး နှစ်မျိုးသာ ကွဲပြားပါမယ်။
2.2L မှာ GF-SXU10W
3.0L မှာ GF-MCU10W
ဖြစ်ပြီးတော့ 4WD ဆိုရင်တော့ 10W နေရာမှာ 15W နဲ့ ဆုံးပါတယ်။
2000 နောက်ပိုင်း မှာတော့ 2.2L ပျောက်သွားပြီး 2.4 နဲ့ 3.0 သာ ထုတ်ပါတော့တယ်။ Chassis အနေနဲ့ကတော့ ပြောင်းသွားပြီး 2.4L မှာ TA-ACU10W နဲ့ 3.0L မှာ TA-MCU10W ဖြစ်ပြီး၊ 4WD ဆိုရင်တော့ 15W နဲ့ ဆုံးတဲ့ chassis ပါပဲ။
ဂရိတ်အနေနဲ့ ခွဲရရင်တော့
PRIME SELECTION
IR VERSION
G
ဆိုပြီး သုံးမျိုး ခွဲနိုင်ပါတယ်။

Second Generation ( 2003-2008 )

မြန်မာတွေ ခေါ်လေ့ရှိတဲ့ ဇွန်ကြီး ဆိုတဲ့ second generation ကတော့ ထူးထူးခြားခြား ကားနောက်ပိုင်းက လုံးထွက်နေတာလေး မှတ်မိကြမှာပါ။ ပိုပြီးကျဟ်လစ်တဲ့ ဒီဇိုင်း, LED taillight , Golden bird's eye maple တွေအပြင် အတွင်းခန်း အဆင့်မြင့်တင်ထားတဲ့ storage area တွေ ကဆွဲဆောင်မှု အားကောင်းလွန်းလှပါတယ်။ တိုယိုတာရဲ့ K platform ထဲကို ဆွဲသွင်းခြင်းခံရတဲ့ ထိ အောင်မြင်တဲ့ ဒီမော်ဒယ်ဟာ ရှုတ်ထွေးတဲ့ chassis တွေ နဲ့ ပွဲထွက်လာပြီး အင်ဂျင်အနေနဲ့ နှစ်မျိုးသာ ရှိပါတယ်။
2.4L 2AZ-FE I4 ( 160hp, 5600 rpm)
3.0L 1MZ-FE V6 ( 194hp, 5200 rpm)
ဆိုပေမယ့် Lexus RX အတွက်မှာတော့
3.5L 2GR-FE V6 ( 268hp, 6200 rpm)
ကို သီးသန့် မှာယူနိုင်ပါသေးတယ်။
အင်ဂျင်အားလုံးဟာ Dual VVT-i version နဲ့သာလာပါတယ်။
စာကြွင်း ။ ။ Toyota K platform ဆိုတာ တိုယိုတာရဲ့ အကောင်းဆုံး ကားတည်ဆောက်မှု နည်းပညာတွေ ပေါင်းစပ်ထားခြင်း ဖြစ်ပါတယ်။ Avalon, Camry, Highlander, Sienna, Venza, Lexus RX, Lexus ES တွေအပြင် အခြား နာမည်ကြီး တိုယိုတာ ကား အများစု အတွက် အသုံးပြုပါတယ်။

ဒီဒုတိယ မျိုးဆက်မှာ ဂရိတ်/ Chassis အနေနဲ့ကတော့
240G
(UA-ACU30W-AWPGK)
240G L PACKAGE
(UA-ACU30W-AWPGKA)
240G Premium L PACKAGE
(UA-ACU30W-AWPGKB)
AIRS
(UA-MCU31W-AWAGK)
300G
(UA-MCU30W-AWAGK)
300G L PACKAGE
(UA-MCU30W-AWAGKA)
300G Premium L PACKAGE
(UA-MCU30W-AWAGKB)
ဆိုပြီးတော့ ရှိပြီး 4WD ဆိုရင်တော့ FOUR ပါဝင်လာပြီး chassis မှာတော့ 30W အစား 35W ဖြစ်လာပါလိမ့်မယ်။
3.5 L အင်ဂျင်တပ် Lexus RX မှာတော့ RX350G လို့ ရေးလေ့ရှိပါတယ်။
အင်ဂျင်ပါဝါ မြင့်လာလေလေ ဂရိတ်စုံလာလေလေ ပါဝင်ပစ္စည်းများလာလေလေ ဆိုတာကတော့ ဂျပန်တွေရဲ့ စံချိန်လို့တောင် ပြောရမလိုပါပဲ။
ဂရိတ်အနေနဲ့ အတူတူပေမယ့် Chassis အနေနဲ့ အပြောင်းအလဲ ဖြစ်လာခဲ့ပါသေးတယ်။ 2004 မှာ UA ကနေ CBA ပြောင်းတယ် ( နောက်ကကျန်တာတူ) ။ 3.5L အင်ဂျင်တပ်ရင်တော့ DBA နဲ့ စပါလိမ့်မယ်။

Third Generation ( 2008-2012 )

တတိယမျိုးဆက်ကတော့ ဒုတိယမျိုးဆက်လောက် အောင်မြင်မှု သိပ်မရပေမယ့် အရှိန်အဝါကိုတော့ထိန်းသိမ်းထားနိုင်ဆဲ ဖြစ်ပါတယ်။ အင်ဂျင်ပါဝါအနေနဲ့ကတော့ ဒုတိယမျိုးဆက်နဲ့ အတူတူပေမယ့် ဂရိတ်ခွဲများစွာ မထုတ်တော့ပဲ နှစ်မျိုးသာ ထုတ်ပေးပါတယ်။
2.4L နဲ့ 3.5L နှစ်မျိုးပါပဲ။ ဂျပန်ကားဟောင်းသာ အတွေ့ရများတဲ့ မြန်မာပြည်မှာတော့ ဒီမျိုးဆက်ရဲ့ 3.5L ဟာ ရှားပါး နေအုံးမှာပါ။ ဂျပန်မှာ 2.4L သာ အသုံးများတာကြောင့်ပါ။
ဒီမော်ဒယ်မှာ စတင် အသုံးပြုလာတာက တိုယိုတာရဲ့ hybird စနစ်ပါ။ နောက်ထပ်ထူးခြားချက်အနေနဲ့ကတော့ harrier ကို mid-crossover SUV အနေနဲ့ထားခဲ့ပြီး Lexus ကိုတော့ Full size SUV အဖြစ်ခွဲထုတ်လိုက်တာ တွေ့ရပါတယ်။
Harrier မှာ
2.4L 2AZ-FE ကိုပဲ အနည်းငယ် ပြုပြင်ပေးထား တဲ့ ဗားရှင်းအသစ် ကို ထည့်သွင်းပြီး ဂျပန်မှာ ရောင်းချပါတယ်။ 3.5L အင်ဂျင်မှာတော့ build in hybird system ထည့်သွင်းပေးထားပေမယ့် ဂျပန်မှာ အစီးရေ အနည်းငယ်သာ ရောင်းချခဲ့ရပါတယ်။
Lexus RX မှာတော့
2.7L 1AR-FE I4 ( 182 hp, 4200rpm)
3.5L 2GR-FE V6 ( 268 hp, 6200rpm)
3.5L 2GR-FXE (292 hp ) D-4S system
ဖြစ်သွားပြီး Lexus RX450h လို့ခေါ်ကြပါတယ်။

Fourth Generation ( 2012-Present)

လက်ရှိ နောက်ဆုံး ထုတ်လုပ်ရောင်းချနေတဲ့ မော်းယ်ကတော့ ထူးထူးခြားခြား ဒီဇိုင်းအပြင် ရုပ်ထွက်က ဆွဲဆောင်မှု အပြည့် နဲ့ မြင်သူငေးကြတဲ့ အမျိုးအစားပါပဲ။
နောက်ထပ်ထူးခြားမှု တစ်ခုကတော့ လူတွေ အဓိက စဉ်းစားတဲ့ ဆီစားသက်သာမှုကို ထပ်ပေါင်း လိုက်တော့ အလွန့်အလွန်ရွေးချယ်သင့်တဲ့ အမျိုးအစား အဖြစ်ပွဲထွက်လာတာပါပဲ။
ဒီမျိုးဆက်မှာတော့ အင်ဂျင်တစ်မျိုးသာ သုံးပါတယ်။ ဒီအင်ဂျင်ကတော့ တိုယိုတာရဲ့ နောက်ဆုံပေါ် အင်ဂျင် စီရီး ဖြစ်တဲ့ ZR စီးရီးထဲက 3ZR-FAE I4 , 2.0L အင်ဂျင်ပါပဲ။
193 Nm / 3800 rpm ရှိတဲ့ ဒီ အင်ဂျင်ဟာ တိုယိုတာရဲ့ နောက်ဆုံးပေါ် ကား အများစုမှာ တပ်ဆင်ပေးထားပါတယ်။

ဂရိတ်/ Chassis အနေနဲ့ကတော့
PREMIUM
( DBA-ZSU60W-ANXGP )
PREMIUM ADVANCED PACKAGE
( DBA-ZSU60W-ANXGP(A) )
GRAND
( DBA-ZSU60W-ANXXP )
ELEGANCE
( DBA-ZSU60W-ANXMP )
ဆိုပြီး လာပါတယ်။ 4WD မော်ဒယ်မှာတော့ FOUR ဆိုတဲ့ စာလေး နဲ့ 60W ကနေ 65W လို့ ပါဝင်မှာကတော့ သက်တမ်းတစ်လျောက် မပြောင်းလဲတဲ့ DNA အသေးစားလေးပေါ့။ ဒီမျိုးဆက်မှာ ကွဲပြားထွက်လာတာကတော့ ဂီယာဘောက်ကြောင့်လည်း ထူးခြားလာပါတယ်။ CVT ဂီယာဘောက်ကြောင့် engine ရဲ့ efficiency ပိုကောင်းလာတာကြောင့် အင်ဂျင်ပါဝါသေးသွားပေမယ့်လည်း အဆွဲအရုန်းဟာ ပိုတောင်သွက်လက်လာပါသေးတယ်။ Third Generation အထိ တောက်လျောက် harrier မှာ 4AT/ 5AT စတဲ့ အော်တိုဂီယာဘောက်တွေသာ သုံးစွဲခဲ့တာပါ။

ဒီလောက်ဆိုရင်တော့ တိုယိုတာရဲ့ Harrier အကြောင်း အနည်းငယ်သိရှိလောက်ပါပြီထင်ပါတယ်။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

Credit: waiyan

23/05/2024

Toyota Caldina အကြောင်း တစေ့တစောင်း
============================
ဂျပန် တစ်နိုင်ငံအတွက်သာ ထုတ်လုပ်ရောင်းချတဲ့ brand ကို ပြပါဆိုရင်တော့ Caldina ကိုပဲ ညွှန်ပြရပါလိမ့်မယ်။
ဂျပန်ရဲ့ ပြင်ပ နိုင်ငံတွေမှာ Caldina brand ကို ရောင်းချခြင်း မရှိပါဘူး။
တကယ်လို့ ဂျပန် ပြင်ပမှာတွေ့ခဲ့ရတယ်ဆိုရင်တော့ ဂျပန် used market ကနေ တင်သွင်းလာတယ်လို့သာမှတ်ယူရပါ့မယ်။
Station wagon အနေနဲ့သာထုတ်လုပ်တဲ့ အမျိုးအစား လည်းဖြစ်ပါတယ်။
သူ့အရင် Carina နဲ့ Corona van တွေထုတ်လုပ်မှု ရပ်ဆိုင်းပြီးချိန်မှာ အစားထိုးထုတ်ခဲ့တဲ့ model တစ်မျိုး ဖြစ်ပြီးတော့ လက်ရှိအချိန်မှာတော့ ထပ်မံထုတ်လုပ်ခြင်းမရှိတော့ပါဘူး ။
မျိုးဆက်အနေနဲ့ ၃ ဆက်ထိ ရှိပြီး
First generation T190, ( 1992-1997)
မြန်မာအခေါ် ပဲခြမ်း
Second generation T210, (1997-2002)
မြန်မာအခေါ် ကြက်တူရွေး
Third generation T240, ( 2002-2007)
မြန်မာအခေါ် စက်ရုပ်
( မြန်မာတွေကလည်း နာမည်ပေးတဲ့နေရာ မှာတော့ ပြိုင်စံရှားတွေပဲ )
ပထမ မျိုးဆက်မှာ တော့ ရွေးချယ်စရာ အင်ဂျင်ပေါင်း သောင်းခြောက်ထောင် လောက် ပေးထားပါတယ်။
Petrol သုံးထဲမှာ ရနိုင်တဲ့ အင်ဂျင်တွေကတော့
1.5 L 5E-FE I4
1.8 L 4S-FE I4
1.8 L 7A-FE I4
2.0 L 3S-FE I4
2.0 L 3S-GE I4
Diesel ထဲမှာကတော့
2.0 L 2C I4
2.0 L 2C-T I4
2.2 L 3C-E I4 တွေနဲ့ ဖြစ်ပါတယ်။
ထူးခြားချက်အနေတဲ့ semi-independent leaf springs ဆိုတဲ့ suspension system ကို စတင် သုံးစွဲပေးခဲ့ပါတယ်။

Second generation T210 မှာတော့ ရုပ်ထွက်လေးက ပိုမို လုံးဝန်းတဲ့ ရုပ်ထွက်လေးနဲ့ ထုတ်လုပ်ပါတယ်။ ကြက်တူရွေးမှာ ဂရိတ်အနေနဲ့ GT, E စသဖြင့် ခွဲထုတ်ပေးပါတယ်။
သူ့မှာတော့ တာဘိုပါဝင်တဲ့ ဓါတ်ဆီ အင်ဂျင်တွေ စထုတ်ပေးခဲ့ပါတယ် GT-T ဆိုတဲ့ အမျိုးအစားမှာ 3S-GTE အင်ဂျင်နဲ့ တာဘို ပါဝင်ပါတယ်။
သူ့မျိုးဆက်ရဲ့ ရနိုင်တဲ့ အင်ဂျင်တွေကတော့
ဓါတ်ဆီ လိုင်းမှာ
1.8 L 7A-FE I4
2.0 L 3S-FE I4
2.0 L 3S-GE I4
2.0 L 3S-GTE I4 ( Turbo)
ဒီဇယ် လိုင်းမှာတော့
2.0 L 2C-T I4 ( Turbo diesel )
2.2 L 3C-TE I4 ( Turbo diesel )
တွေ တပ်ဆင်ပေးပါတယ်။

အဓိက ဒီ မော်ဒယ်တွေမှာ ဂရိတ်တွေကို ရေးမပြတာကတော့ အားလုံးနီးပါးဟာ တူညီတဲ့ ပါဝင်ပစ္စည်းတွေ ရှိကြပါတယ်။ အဓိက ကွဲလွဲသွားတာကတော့ chassis နဲ့ အင်ဂျင်ပါ ဒါကြောင့် ဂရိတ်တွေပြောလည်း သိပ်မထူးလှပါဘူး။
ကားတိုင်းမှာ PW/ PS / Auto Transmission စတာတွေက တူပါတယ် ကွဲလွဲချက်အနေနဲ့က နောက်wiper / CD player / alloy / 2WD or 4WD စတာတွေပဲ ဖြစ်ပါတယ်။

Third generation, စက်ရုပ် ကိုတော့ ဂရိတ်ကွဲတွေနဲ့ ထုတ်ပေးပြီး sport type ဖြစ်အောင် အဓိက ဆွဲထုတ်သွားပါတယ်။ Diesel engines နဲ့ ထုတ်လုပ်ခြင်း မရှိတော့ပါဘူး။ စက်ရုပ်ကတော့ လူကြိုက်များပြီး လက်ရှိလမ်းပေါ်မှာ အတွေ့များတော့ ပိုပိုသာသာလေး ဖေါက်သည်ချချင်ပါတယ်။

X grade
ရှေ့ယက် 2WD, 1.8 L 1ZZ-FE I4 အင်ဂျင် နဲ့
EFI fuel system
Airbag 2 လုံး
Chassis အနေနဲ့ UA-ZZT241နဲ့ ထွက်ပါတယ်
Z grade ကတော့ X grade နဲ့ အားလုံးတူပါတယ်
Aircon auto ဖြစ်တာ နဲ့ မဖြစ်တာ ပဲကွာပါတယ်။AC Auto ဆို Z ( 1.😎 / AC manual ဆို X ( 1.😎 ။

Z grade မှာ 2.0 ဆိုရင်
Engine က 1AZ-FSE , D-4 Fuel system နဲ့ Chassis ကတော့ TA-AZT241 ( 2WD) & TA-AZT246 (4WD) ဖြစ်သွားမယ် ။
Original fog lamp ပါလာပါ့မယ်။

ZT grade မှာတော့ Z ( 2.0) နဲ့ အားလုံးတူတယ်
ပိုပါလာမှာကတော့ 17 inch alloy wheel ဖြစ်သွားမယ်။ xenon head lamp ဖြစ်မယ်, front spoiler ပါလာမယ်, လည်သာ စီယာရင် ကြိုးချုပ်ဖြစ်သွားပါ့မယ်။

GT-FOUR Grade မှာတော့ 2WD မရှိတော့ပါဘူး အကုန်လုံး Full time 4WD တွေပဲလာပါတယ်။
2.0 L 3S-GTE I4 engine တပ်ပြီး တာဘိုပါဝင်ပါတယ်။ EFI စနစ်ကိုပြန်သုံး ပြီး Or 6 CD player ပါဝင်ပါတယ်။ ကျန်တာကတော့ ZT မှာပါတဲ့ အတိုင်း အတူတူပါပဲ။ Chassis ကတော့ LA-ST246 နဲ့ထွက်ပါတယ်။
GT-Four C edition ဆိုပြီးလည်းထွက်ပါတယ်, Xenon headlamp နဲ့ front spoiler မပါဝင်ပါဘူး။
GT-Four N edition ဆိုပြီးလည်း ထွက်ပါတယ်, သူကတော့ အစုံဆုံး ဂရိတ်ပါ ။
L*D - Limited Slip Differential ဆိုတဲ့ စနစ်အပိုပါလာပါတယ်။
Rear wiper, Rear spoiler, ABS, TCS, Privacy glass , UV glass , central door lock နဲ့ power window တွေက third generation ကားတိုင်းမှာပါပါတယ်။
2007 ခုနှစ်မှာ ကမ္ဘာလုံးဆိုင်ရာ စီးပွားရေး crisis ဖြစ်တော့ တချို့ အမြတ်အစွန်းနဲတဲ့ brand တွေ ကို လုပ်ငန်းရပ်ဆိုင်းပြီး လျော့ပစ်ခဲ့တဲ့ထဲမှာ မြန်မာ့ အကြိုက် Caldina လေးလည်း တစ်ခန်းရပ်ခဲ့ရရှာပါတော့တယ်။

ဒီလောက်ဆို တော်တော်လေး လေ့လာ မိပြီလို့ မှတ်ယူပါရစေ…
ပုံမှာ မြန်မာခေါ် စက်ရုပ်တွေပဲပြပေးထားပါတယ်
(ပဲခြမ်း ကြက်တူရွေးတော့ မပြပေးတော့ဘူး)

ဗဟုသုတ တွေတိုးစေဖို့ ရည်ရွယ်ပါတယ်

မူရင်းရေးသူ ကိုဝေယံကို Credit ပေးပါသည်။

Address

၆၈လမ်း
Mandalay
05041

Telephone

+959444037936

Website

facebook.com

Alerts

Be the first to know and let us send you an email when Myanmar Teacher.Travelling&Car rents. posts news and promotions. Your email address will not be used for any other purpose, and you can unsubscribe at any time.