25/09/2020
ကမ္ဘာ့ခရီးသွားလုပ်ငန်းနေ့ -၂၀၂၀ အထိမ်းအမှတ်အဖြစ် Tourism and Rural Development ခေါင်းစဉ်ဖြင့် ကျင်းပသည့် ဆွေးနွေးပွဲသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပေးပို့သည့် အမှာစကား Video Message
************************************************************************************************
၂၀၂၀ပြည့်နှစ်၊ စက်တင်ဘာလ (၂၅) ရက်
တက်ရောက်လာကြတဲ့ ဧည့်သည်တော်များအားလုံး ကိုယ်စိတ်နှစ်ဖြာ ရွှင်လန်း ချမ်းမြေ့ပါစေလို့ နှုတ်ခွန်းဆက်သပါတယ်။
၁။ ဒီကနေ့ကျင်းပပြုလုပ်တဲ့ ကမ္ဘာ့ခရီးသွားလုပ်ငန်းနေ့ အထိမ်းအမှတ် အခမ်းအနားကို ကမ္ဘာ့ခရီးသွားလုပ်ငန်းအဖွဲ့ချုပ်ရဲ့ အဖွဲ့ဝင်နိုင်ငံများက နှစ်စဉ် စက်တင်ဘာလ (၂၇)ရက်နေ့မှာ ကျင်းပလာခဲ့တာ နှစ်ပေါင်း (၄၀) ရှိပြီ ဖြစ်ပြီး မနှစ်က MICC 2 မှာ ကျင်းပတဲ့ အခမ်းအနားကို ကျမကိုယ်တိုင် တက်ရောက်နိုင်ခဲ့ပေမဲ့ ဒီနှစ်မှာတော့ COVID-19 ကပ်ရောဂါပျံ့နှံ့မှု အခြေအနေ ကြောင့် တစ်ကမ္ဘာလုံးမှာ online ဘဲ ကျင်းပကြမယ်လို့ သိရှိရပါတယ်။
၂။ ကမ္ဘာလှည့်ခရီးသွားလုပ်ငန်းကို အဆက်မပြတ် ရှင်သန် ဖွံ့ဖြိုးနေတဲ့ စီးပွားရေးလုပ်ငန်း တစ်ခုအဖြစ် အသိအမှတ်ပြုထားပြီးဖြစ်ပါတယ်။ ကမ္ဘာ့ ခရီးသွားလုပ်ငန်းအဖွဲ့ချုပ်ရဲ့ ၂၀၁၉ ခုနှစ် အချက်အလက်တွေအရ ခရီးသွားလုပ်ငန်းဟာ ကမ္ဘာလုံးဆိုင်ရာ ကုန်သွယ်မှုရဲ့ ၇ ရာခိုင်နှုန်း ဖြစ်ပြီး တစ်ကမ္ဘာလုံးမှာရှိတဲ့ လူ(၁၀)ဦးမှာ (၁)ဦးကို အလုပ်အကိုင် အခွင့်အလမ်း ဖန်တီးပေးနေသလို ဖွံ့ဖြိုးဆဲနိုင်ငံတွေမှာရှိတဲ့ သန်းပေါင်းများစွာသောလူတွေ အထူးသဖြင့် အမျိုးသမီးတွေနဲ့ လူငယ်တွေ၊ ကျေးလက်ဒေသတွေအတွက် အသက်မွေးဝမ်းကျောင်းတွေ ဖန်တီးပေးနိုင်တဲ့အဓိက လုပ်ငန်းတစ်ခုလည်းဖြစ်တယ်လို့ သိရှိရပါတယ်။
၃။ ၂၀၂၀ပြည့်နှစ် ကမ္ဘာ့ခရီးသွားလုပ်ငန်းနေ့ ဆောင်ပုဒ်ဖြစ်တဲ့ Tourism and Rural Development ဟာ ကျွန်မတို့အစိုးရက စဉ်ဆက်မပြတ် ဆောင်ရွက်နေတဲ့ စီးပွားရေးဖွံ့ဖြိုး တိုးတက်ရေး၊ တန်းတူညီမျှမှုရှိရေးနဲ့ ခေတ်မီဖွံ့ဖြိုးတိုးတက်တဲ့ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးစတဲ့ ရည်မှန်းချက်တွေနဲ့ ကိုက်ညီမှုရှိနေသလို မြန်မာနိုင်ငံ၏ ရေရှည် တည်တံ့ခိုင်မြဲပြီး ဟန်ချက်ညီသော ဖွံဖြိုးတိုးတက်မှု စီမံကိန်း (၂၀၁၈-၂၀၃၀) မှာပါတဲ့ ပြည်သူများ၏ လူမှုယဉ်ကျေးမှုဘဝနှင့် စီးပွားရေးဖွံဖြိုးမှုများကို အထောက်အကူပြုနိုင်မည့် ခရီးသွားကဏ္ဍအား ရေရှည်တည်တံ့အောင် တိုးချဲ့ဆောင်ရွက်ခြင်းကို အလေးပေးထားသည့် ဘက်စုံပါ၀င်သော ပြုပြင်ပြောင်းလဲမှုများအား အကောင်အထည်ဖော်ရန်နဲ့၊ ယဉ်ကျေးမှုနဲ့ သဘာ၀ပတ်၀န်းကျင်ဆိုင်ရာ ခရီးသွားလုပ်ငန်းနှင့် ၄င်းတို့နှင့်သက်ဆိုင်သော တန်ဖိုးမြှင့် ၀န်ဆောင်မှုလုပ်ငန်းများကဲ့သို့သော တီထွင်ဖန်တီးမှုနှင့် ယဉ်ကျေးမှု အမွေအနှစ်ဆိုင်ရာ လုပ်ငန်းများကို ဖော်ဆောင်၍ ကာကွယ်ပေးရန်၊ ဆိုတဲ့ လုပ်ငန်းစဉ်များနဲ့လဲ ကိုက်ညီနေပါတယ်။
၄။ လက်ရှိအချိန်မှာတော့ Covid-19 ကပ်ရောဂါ ထိန်းသိမ်းကာကွယ်ဖို့ အပန်းဖြေ ခရီးစဉ် တွေအတွက် ပြည်၀င်ခွင့် ရပ်ဆိုင်းထားတာ၊ ပုံမှန် ခရီးသည် ပို့ဆောင်ရေး လေယာဉ်ပျံသန်းမှုတွေ ရပ်ဆိုင်းထားတာ၊ ခရီးသွားတွေ လာရောက်လည်ပတ်လေ့ရှိတဲ့ဒေသတွေ ပိတ်သိမ်းထားတာ တွေကြောင့် တစ်ကမ္ဘာလုံးမှာ ခရီးသွားလုပ်ငန်းဟာ လုံးဝရပ်ဆိုင်းသွားခဲ့တဲ့ အခြေအနေ ဖြစ်ပါတယ်။ ကမ္ဘာ့ခရီးသွားလုပ်ငန်းအဖွဲ့ချုပ်ရဲ့ ခန့်မှန်းမှုတွေအရ ဒီဇင်ဘာလဆန်းပိုင်းမှာ ခရီးသွားကန့်သတ်မှု တွေလျှော့ချပြီး ပြည်၀င်ခွင့် ပြန်ပေးတာတွေကို ဆောင်ရွက်နိုင်ရင်တောင်မှ နိုင်ငံတကာ ခရီးသွားဟာ ၂၀၁၉ ခုနှစ်ကထက် ၇၈% လျော့ကျသွားဖို့ ရှိတယ်လို့ သိရပါတယ်။
၅။ ကျမတို့နိုင်ငံအနေနဲ့ ၂၀၂၀ ဧပြီလမှာ ခရီးသွားလာတာတွေနဲ့ လူစုလူဝေးတွေကို ကန့်သတ်ခဲ့ တဲ့အတွက် COVID-19 ပထမလှိုင်း ရိုက်ခတ်တာကို အောင်အောင်မြင်မြင် ထိန်းချုပ်ထားနိုင်ခဲ့ပြီးတဲ့ နောက်ပိုင်းမှာ စက်ရုံအလုပ်ရုံတွေ၊ အများပြည်သူ သယ်ယူပို့ဆောင်ရေးလုပ်ငန်းတွေ၊ စျေးတွေ၊ စားသောက်ဆိုင်တွေ၊ ကျောင်းတွေကို ကျန်းမာရေးနဲ့အားကစား၀န်ကြီးဌာနရဲ့ လမ်းညွန်ချက် တွေနဲ့အညီ physical distancing နဲ့ တဆင့်ပြီး တဆင့် ပြန်လည်ဖွင့်လှစ်နိင်ခဲ့ပေမဲ့ အခု အခါမှာတော့ COVID-19 ဒုတိယလှိုင်း ရိုက်ခတ်တာကို ထိန်းချုပ်နိုင်ဖို့ မလိုအပ်ဘဲ ခရီးမသွားဖို့ တိုက်တွန်းနေရတဲ့အတွက် ပြည်တွင်းခရီးသွားများနဲ့ လုပ်ငန်းပြန်စဖို့ ပြင်ဆင်နေတဲ့ ခရီးသွား လုပ်ငန်းအပေါ် နောက်တကြိမ် ပြင်းထန်တဲ့ သက်ရောက်မှု ကြုံတွေ့နေရပါတယ်။
၆။ COVID-19 ရဲ့ စီးပွားရေး သက်ရောက်မှုတွေကို ကုစားဖို့ COVID-19 Economic Relief Plan CERP ကို နိုင်ငံတော်က ဖော်ဆောင်နေရာမှာ နောက်ဆက်တွဲအဖြစ် Tourism Relief Plan လဲ ပါ၀င်ပါတယ်။ CERP အရ လက်ခစား အထည်ချုပ်လုပ်ငန်းများ၊ ဟိုတယ်နဲ့ ခရီးသွားလုပ်ငန်းများနဲ့ အသေးစား စီးပွားရေးလုပ်ငန်းများအတွက် ၁% အတိုးနဲ့ တစ်နှစ်ချေးငွေ ကျပ် ဘီလီယံ ၁၀၀ ထုတ်ချေးခြင်း၊ ဟိုတယ်နဲ့ခရီးသွားလုပ်ငန်းများရဲ့ လိုင်စင်ခွန် တစ်နှစ် ကင်းလွတ်ခွင့်ပြုခြင်း၊ ပေးဆောင်ရမယ့် ၀င်ငွေခွန်တွေ ကုန်သွယ်လုပ်ငန်းခွန်တွေ ရွှေ့ဆိုင်းပေးသွင်းခွင့်ပြုခြင်း၊ လုပ်ငန်းရှင်များမှ နိုင်ငံပိုင်ဟိုတယ်များ ငှားရမ်းခကို အချိန်ကာလကန့်သတ်ပြီး ၅၀% လျှော့ချ ပေးခြင်းတို့ကို ဆောင်ရွက်ပေးခဲ့ပြီးဖြစ်ပါတယ်။ Tourism Relief Plan အရ ဟိုတယ်နှင့် ခရီးသွားလုပ်ငန်းက အလုပ်နားနေရတဲ့၀န်ထမ်းတွေ၊ ဆက်စပ်လုပ်ငန်းတွေက ၀င်ငွေမရှိတော့တဲ့ အနှေးယာဉ်လုပ်သားတွေ၊ ပျံကျစျေးသည်တွေ၊ အမှတ်တရလက်ဆောင် အရောင်းဆိုင်လုပ်သား တွေ၊ လက်မှုပညာသည်တွေ ၀င်ငွေရနိုင်ဖို့ Cash for Training အစီအစဉ်နဲ့ ခရီးသွားလုပ်ငန်းဆိုင်ရာ အခြေခံသင်တန်း၊ အဆင့်မြင့်သင်တန်းတွေကို online နဲ့ရော လူ ၅ ဦးထက်မပိုတဲ့ mentoring နဲ့ ရော ပို့ချပေးနေပါတယ်။
၇။ COVID-19 ကပ်ရောဂါ ဘယ်တော့ ပြီးဆုံးမယ် ဆိုတာကို ဘယ်သူမှ အပ်ချမတ်ချ မပြောနိုင်တဲ့ အနေအထားမှာ ပြည်သူတွေရဲ့ လူမှုစီးပွားရေးဘဝ ဆက်လက် ရှင်သန်နိုင်ရေးအတွက် COVID-19 ကပ်ရောဂါ ကူးစက်မှုကို ထိန်းသိမ်းကာကွယ်နိုင်တဲ့ ပုံစံမျိုးနဲ့ လုပ်ငန်းတွေ ပြန်လည် စတင်ရမှာ ဖြစ်ပါတယ်။ ကျွမ်းကျင်သူတွေက နိုင်ငံတကာ ခရီးသွားတွေဟာ ၂၀၂၁ ကျမှသာ ပြန်လည်၀င်ရောက်လာနိုင်မယ်လို့ ခန့်မှန်းထားတဲ့အတွက် လက်ရှိအချိန်မှာ ပြည်တွင်းခရီးသွားတွေ နဲ့ လုပ်ငန်းစတင်ဖို့ ပြင်ဆင်ရမှာ ဖြစ်ပါတယ်။ ဒီလို ပြန်လည် စတင်ရာမှာ COVID-19 ကပ်ရောဂါ ကူးစက်မှု နောက်တကြိမ်ခေါင်းထောင်မလာဖို့ ကျန်းမာရေးနဲ့အားကစား၀န်ကြီးဌာနရဲ့ လမ်းညွန်မှု တွေကို တိတိကျကျ လိုက်နာဖို့ အင်မတန် အရေးကြီးပါတယ်။ ဒီလမ်းညွန်မှုတွေနဲ့အညီ ဟိုတယ်နဲ့ ခရီးသွားလုပ်ငန်းက ၀န်ထမ်းတွေက ၀န်ဆောင်မှု ပေးနိုင်ဖို့၊ ခရီးသွားတွေက ဒီလမ်းညွန်မှုတွေကို လိုက်နာဖို့ ကြိုတင်ပြင်ဆင်မှုတွေ၊ သင်ကြားလေ့ကျင့်မှုတွေ မဖြစ်မနေ လုပ်ဆောင်ရမှာ ဖြစ်ပါ တယ်။
၈။ COVID အလွန်ကာလမှာ ခရီးသွားတွေရဲ့ အကြိုက်၊ ရွေးချယ်မှုနဲ့ အမူအကျင့်တွေ ပြောင်းလဲ သွားမယ်၊ သမားရိုးကျ လူများစု သွားလာလေ့ရှိတဲ့ လူထူထပ်တဲ့ ခရီးစဉ်ဒေသတွေထက် သဘာ၀ ပတ်၀န်းကျင်နဲ့ နီးစပ်တဲ့ ပိုပြီး လွတ်လပ်ပွင့်လင်းတဲ့ ခရီးစဉ်ဒေသသစ်တွေကို ပိုဘေးကင်း လုံခြုံတဲ့ ရွေးချယ်စရာတွေအဖြစ် ယူဆလာကြလိမ့်မယ်လို့ ခရီးသွားလုပ်ငန်းကျွမ်းကျင်သူတွေက မှန်းဆ ပါတယ်။ ကျမတို့နိုင်ငံအနှံအပြားမှာရှိတဲ့ အဲဒီလိုနေရာတွေ ဘေးကင်းလုံခြုံတဲ့ ခရီးစဉ်ဒေသသစ်တွေ အဖြစ် ပေါ်ထွက်လာဖို့ နိုင်ငံတော်က ညွန်ကြားချက်တွေ ထုတ်နေရုံနဲ့ မလုံလောက်ဘဲ ဒေသန္တရ အာဏာပိုင်တွေ လုပ်ငန်းရှင်တွေ ဒေသခံပြည်သူတွေ ပူးပေါင်းပါဝင်တဲ့ လုပ်ငန်းအဖွဲ့တွေ ဖွဲ့စည်းပြီး ထိန်းသိမ်းဆောင်ရွက်သွားရမှာ ဖြစ်ပါတယ်။ COVID-19 ထိန်းသိမ်း ကာကွယ်ရေး လမ်းညွန်ချက် တွေကို လိုက်နာပြီး လုပ်ငန်းလုပ်ဆောင်နေတဲ့ ဟိုတယ်နဲ့ခရီးသွားလုပ်ငန်းတွေကိုလဲ ခရီးသွားတွေ အလွယ်တကူ သိရှိ ရွေးချယ်နိုင်အောင် COVID-19 Safe Service တွေ အဖြစ် အသိအမှတ်ပြုပေး ရပါမယ်။ ဒီလို ကြိုတင်ပြင်ဆင်မှုတွေနဲ့ ပြည်တွင်းခရီးသွားတွေကို ဘေးကင်းလုံခြုံအောင် ၀န်ဆောင်မှု ပေးနိုင်မှသာ COVID-19 အလွန် နိုင်ငံတကာ ခရီးသွားလုပ်ငန်း တွေ ပြန်ဖွင့်တဲ့အချိန်မှာ သူ့ထက်ငါ ကိုယ့်ဆီဧည့်သည်လာအောင် အပြိုင်အဆိုင် ဆွဲဆောင်ကြမဲ့ နိုင်ငံတွေနဲ့ ယှဉ်ပြိုင်ဖို့ အသင့်ဖြစ်မှာ ဖြစ်ပါတယ်။
၉။ ဒီနှစ် ကမ္ဘာ့ခရီးသွားလုပ်ငန်းနေ့ အထိမ်းအမှတ် အခမ်းအနားကို online ကဘဲ ကျင်းပရပေမဲ့ နောက်နှစ်မှာ နိုင်ငံတကာ ခရီးသွားလုပ်ငန်းတွေ ပြန်လည် စတင်နိုင်ပြီး ဒီနေ့တက်ရောက်လာသူ အားလုံးနဲ့ ကမ္ဘာ့ခရီးသွားလုပ်ငန်းနေ့ အထိမ်းအမှတ် အခမ်းအနားမှာ ကျန်းကျန်းမာမာ ပြန်လည် ဆုံတွေ့ပါရစေလို့ ဆုမွန်ကောင်းတောင်းရင်း နိဂုံးချုပ်ပါတယ်။
အားလုံးကိုကျေးဇူးတင်ပါတယ်။
State Counsellor honours World Tourism Day 2020 — Stresses “Tourism and Rural Development”
********************************************************************
Let me extend my good wishes and Metta to all the distinguished participants for their good health and well-being.
1. Today’s event is to mark the World Tourism Day, which has been organized by members of the World Tourism Organization every year on 27 September since 40 years ago. I attended the event at the Myanmar International Convention Centre-II last year. However, this year the event is being held online all over the world due to the COVID-19 pandemic.
2. The global tourism industry has been recognized as a sustainable business. According to the 2019 data of the WTO, the tourism industry has contributed 7 per cent of international trade and is creating job opportunities for 1 out of 10 people in the world. It is also a major source of employment for millions of people in developing countries, especially for women, youths, and rural communities.
3. The theme for World Tourism Day 2020 is ‘Tourism and Rural Development’. It is in conformity with the consistent efforts of our Union Government for economic development, equality and establishment of a modern and prosperous Democratic Federal Republic. The theme also corresponds to the action plans ‘to implement a comprehensive package of reforms focused on achieving a sustainable expansion of the tourism sector in ways that contribute to economic development and the socio-cultural life of our people’, and ‘to develop and protect innovative and cultural heritage promotion businesses such as cultural and eco-tourism and related value-added services industries’.
4. Suspensions of vacation packages, inbound trips, commercial passenger flights and trips to usual tourist destinations amid control measures of COVID-19 have wreaked havoc on the global tourism industry. The WTO estimates that even if the restrictions on tourism sector are relaxed for the tourists in early December, the reports said that the number of international tourists might decrease by 78 per cent this year.
5. Our country could contain the first wave of the pandemic due to control measures on travels and gatherings in April 2020. Later we allowed factories, industries, public transports, markets, restaurants and schools to reopen in line with the guidelines of the Ministry of Health and Sports and the practice of physical distancing. However, measures to control the second wave of COVID-19 by preventing non-essential travels have once again caused severe impacts on the tour agencies which were preparing for the resumption of local trips.
6. The COVID-19 Economic Relief Plan to recover from the negative impact of the pandemic includes the tourism relief plan. Under the CERP, 100 billion kyats will be given out as one-year loans with 1 per cent interest rate to the CMP garment factories and SME businesses; the hotels and tourism businesses will get one-year exemption for licence fee and suspension of income tax and commercial tax; the rental fee for stateowned hotels has been reduced by 50 per cent for a specific period. Under the Cash for Training programme, online basic and advanced courses on tourism business are being conducted as well as mentoring classes of not more than 5 persons to generate income for the jobless employees from this industry and related businesses of slow-moving vehicles, roadside vendors, souvenir sellers and handicraft producers.
7. As no one can estimate the end of COVID-19, it is necessary to resume the businesses under preventive measures against the pandemic for the socio-economic survival of the people. Experts have estimated tourists would enter only in 2021, so it would be necessary for us to begin with domestic tours. In this situation, it is required to strictly follow the guidelines of the Ministry of Health and Sports to prevent one more surge of the pandemic. Both employees from this industry and visitors need to make arrangements and learn the guidelines.
8. Tourism experts estimate that visitors would change their choice and opt for new destinations which are closer to the natural environment with free travel styles, rather than more popular destinations, in the post-COVID-19 period. In addition to the directives of the Union Government to develop new safe destinations across the country, local authorities, businesspersons and people need to form working groups to conserve these areas. The information must be given to the public to help their choice for appropriate hotels and tourism businesses which comply with the guidelines of COVID-19 measures. Their COVID-19 Safe Service must be recognized. Only if safe services could be given by these preparations, Myanmar will be ready for competing with other countries to attract foreign visitors when international tourism resumes.
9. Although the World Tourism Day event for this year had to be conducted online, I conclude this speech by making a wish that we would be able to resume international tourism next year and hope to meet all the attendees here again at the forthcoming World Tourism Day next year.
Thank you all. May you all be blessed with good health and well-being.
Myanmar Hotelier Association
