Myeik Region Traveller Service Agency

28/08/2022

တော်လှန်ရေး

23/01/2022

❝ပြည်တော်ဝင်ဖို့ ရုန်းကြစို့❞
____________________

လာမယ့် ဖေဖော်ဝါရီ (၁) ရက်နေ့ဆိုရင် စစ်အာဏာသိမ်းမှု တစ်နှစ်ပြည့်ပြီ။ ဖက်ဆစ်အုပ်စုဟာ လက်နက်ရှိရုံ၊ အားကြီးရုံနဲ့ ဒီတိုင်းပြည်ကို ဗိုလ်ကျ အုပ်ချုပ်လို့ရမယ်လို့ ထင်ခဲ့ပုံပေါ်တယ်။ သူတို့ မှန်းချက်နဲ့ နှမ်းထွက် အလွဲကြီး လွဲခဲ့လေပြီ။ တစ်နှစ်သာ ကြာသွားတယ်၊ ဖက်ဆစ်တွေ ကျနော်တို့ပြည်သူကို လုံးဝ အုပ်ချုပ်ခွင့် မရခဲ့ဘူး။

အခု (၂၀၂၂) ခုနှစ်ကတော့ ကျနော်တို့ တော်လှန်ရေး အလှည့်အပြောင်းကြီး ဖြစ်ရမယ့်နှစ်၊ မှတ်တိုင်သစ် စိုက်ထူမယ့်နှစ်လို့ အားလုံးက ယုံကြည်၊ အားခဲထားကြပါတယ်။ ဒဲ့ပြောရရင် ဒီနှစ်ဟာ ပြည်သူ့အာဏာ ပြည်သူ့လက်ဝယ် ပြန်ရောက်ရမယ့်နှစ်၊ ပြည်သူက အုပ်ချုပ်တော့မယ့်နှစ်ဆိုတဲ့ ယုံကြည်စိတ်၊ တိုက်ပွဲဝင်စိတ်၊ အောင်စိတ် ကျနော်တို့မှာ အပြည့်ရှိနေပါတယ်။

ဒီအာဏာသိမ်းမှု နှစ်ပတ်လည်၊ နွေဦးတော်လှန်ရေး နှစ်ပတ်လည်အချိန်အခါမှာ ကျနော်တို့ ပြည်သူတွေ သွေးအေးမနေဘူး၊ သွေးကြောင်မသွားဘူး၊ စစ်အုပ်ချုပ်ရေးယန္တရားအောက်မှာ အသားကျမသွားဘူးဆိုတာကို ကမ္ဘာသိ၊ မြန်မာသိ ဆက်လက်ဖော်ထုတ်ပြသနေကြဖို့ လိုပါတယ်။ အထူးသဖြင့် အာဏာသိမ်းမှု နှစ်ပတ်လည်နေ့ ဖြစ်တာမို့ ကမ္ဘာ့အသိုင်းအဝိုင်းက အဲ့နေ့မှာ ကျနော်တို့ ပြည်သူတွေ ဘာလုပ်ကြမလဲ၊ သွေးအေးနေကြပြီလား၊ စစ်အုပ်စုလက်အောက်မှာ အသားကျနေကြပြီလား စတာတွေကို ပိုလို့ စိတ်ဝင်စား၊ သိချင်ကြပါလိမ့်မယ်။

ဒါ့ကြောင့် အာဏာသိမ်းမှု နှစ်ပတ်လည်နေ့ (၁ ဖေဖော်ဝါရီ ၂၀၂၂) မှာ တနိုင်ငံလုံး၊ လှည်းနေ လှေအောင်း မြင်းဇောင်းမကျန် ပြည်သူအားလုံး ပါဝင်ဆင်နွှဲနိုင်တဲ့ အောက်ပါ အာဏာရှင်ဆန့်ကျင်ရေး လူထုလှုပ်ရှားမှုတွေမှာ ပါဝင်ဆင်နွှဲကြဖို့ အထူးတိုက်တွန်း နှိုးဆော်အပ်ပါတယ်ခင်ဗျား-

❐ တိတ်ဆိတ်ငြိမ်သက်ခြင်းသပိတ် (Silent Strike)

ကမ္ဘာပေါ်မှာ အကျယ်လောင်ဆုံးအသံဟာ တိတ်ဆိတ်ငြိမ်သက်ခြင်းအသံလို့ ဆိုရိုးရှိပါတယ်။ အဲ့စကားနဲ့အညီပဲ ကျနော်တို့ပြည်သူတွေက ဖက်ဆစ်အာဏာရူးတွေကို မောင်းထုတ်လိုက်တဲ့ တိတ်ဆိတ်ငြိမ်သက်ခြင်းသပိတ်ကို တကမ္ဘာလုံးကြားအောင် ဟစ်အော်၊ ဖော်ထုတ်ခဲ့ကြဖူးပါတယ်။ ကမ္ဘာမှာ ရှာမှ ရှားပြီး ကျနော်တို့ ပြည်သူတွေ သွေးစည်းညီညွတ်မှုကြောင့်သာ တနိုင်ငံလုံးအဆင့် ဆင်နွှဲနိုင်တဲ့ အသံတိတ်သပိတ်ကြီး ဖြစ်ပါတယ်။

ကျနော်တို့ တိတ်ဆိတ်ငြိမ်သက်တယ်၊ အသံတိတ်တယ်ဆိုတာက ကြောက်တာ၊ သွေးအေးတာ လုံးဝ မဟုတ်ဘူး။ ငါတို့ မြို့၊ ငါတို့ရွာကို ငါတို့သာ ပိုင်တယ်၊ တော်လှန်ရေးအတွက် ငါတို့ ငြိမ်ရင် ငြိမ်မယ်၊ ငါတို့ လှုပ်ရင် လှုပ်မယ်ဆိုတာကို အကြမ်းဖက် စစ်မိစ္ဆာတွေ သိစေဖို့ဖြစ်တယ်။ တနိုင်ငံလုံး တညီတညွတ်တည်း ပါဝင်ဆင်နွှဲတဲ့ "အာဏာရှင်စနစ် ဆန့်ကျင်ရေး လူထုလှုပ်ရှားမှုကြီး" အဖြစ် ပုံဖော်ဆောင်ရွက်ကြတာ ဖြစ်ပါတယ်။

အဲ့ဒီနေ့ မနက် (၁၀) နာရီကနေ ညနေ (၄) နာရီတွင်းမှာ ကျနော်တို့တွေအားလုံး အပြင်ကို မထွက်ကြဘဲ မိမိတို့အိမ်အတွင်းမှာသာ နေထိုင်ကြမယ်။ အကြမ်းဖက် စစ်အုပ်စု လက်ချက်ကြောင့် ကျဆုံးခဲ့ရ၊ ပေးဆပ်ခဲ့ရ၊ အကျဉ်းထောင်တွေထဲ ရောက်နေကြရတဲ့ ရဲဘော်တွေအတွက် ကောင်းမှုကုသိုလ်ပြုကြမယ်၊ အမျှဝေ မေတ္တာပို့သကြမယ်ဗျာ။ နောက်ပြီး အိမ်ထဲမှာနေရင်း တော်လှန်ရေးအတွက်၊ PDF တွေအတွက် ခါတိုင်းထက်ပိုပြီး Click ကြမယ်ဗျာ။

❐ လက်ခုပ်တီးသပိတ် (အသံထွက်သပိတ်)

တိတ်ဆိတ်ငြိမ်သတ်ခြင်းသပိတ် အောင်မြင်စွာ ပြီးဆုံးသွားတဲ့အချိန် (ညနေ ၄ နာရီ တိတိ) မှာ တနိုင်ငံလုံးက ကျနော်တို့ ပြည်သူအားလုံးရဲ့ တခဲနက် လက်ခုပ်သံကြီးဟာ ဟိန်းထွက်လာမှာ ဖြစ်ပါတယ်။ ဖက်ဆစ်ဝါဒီတွေ ထိတ်လန့်တုန်လှုပ်သွားမယ့် ပြည်သူ့လက်ခုပ်သံကြီး ဘဝဂ်ညံအောင် ထွက်လာပြီးနောက် တဆက်တည်းမှာလည်း ဟွန်းတီးသပိတ်၊ သံပုံးတီးသပိတ်စတာတွေကို ဆက်လက်ဆောင်ရွက်ကြဖို့ ဖြစ်ပါတယ်။

ဒီအသံထွက်သပိတ်ကတော့ အကြမ်းဖက် ဖက်ဆစ်တွေအတွက် မရဏမောင်းသံဖြစ်ပြီး ကျနော်တို့ ပြည်သူတွေအတွက် အောင်ပွဲအကြို သုတိသြဘာ မင်္ဂလာနမိတ်သံပဲ ဖြစ်ပါတယ်။

▬▬▬

အာဏာသိမ်းမှု နှစ်ပတ်လည်၊ နွေဦးတော်လှန်ရေး နှစ်ပတ်လည်အချိန်မှာ ကျနော်တို့ ပြည်သူလူထုကို အထူးအလေးအနက် တိုက်တွန်းလိုတာ ရှိပါတယ်။ ကျနော်တို့ဟာ (၂၀၂၂) ခုမှာ ကျနော်တို့ မျှော်ရည်တဲ့ အောင်ပွဲကို ရရှိဖို့အတွက် ထိုက်တန်တဲ့ ကြိုးပမ်းအားထုတ်မှုတွေ မဖြစ်မနေ ရှိရပါလိမ့်မယ်။ "Freedom is not Free" လွတ်မြောက်မှုဆိုတာ အလကား မရနိုင်ပါဘူး။ ကျနော်တို့ "ပြည်တော်ဝင်ဖို့ ရုန်းကြရပါလိမ့်မယ်၊ ကြုံးကြရပါလိမ့်မယ်"။ ဘာမှ မရင်းဘဲ ဘာမှ မရနိုင်ပါ။ ပြိုင်တူတွန်းရင် အမြန်ဆုံး ရွေ့ပါလိမ့်မယ်။ တော်လှန်ရေးရဲ့ အဆုံးသတ်တိုက်ပွဲကို ကျနော်တို့အားလုံး ဆင်နွှဲကြပါစို့။







#အသံတိတ်သပိတ်

#အသံထွက်သပိတ်

#ပြည်တော်ဝင်ဖို့_ရုန်းကြစို့

#အဆုံးသတ်တိုက်ပွဲ_ဒို့ဆင်နွှဲ

#လုံးဝအုပ်ချုပ်ခွင့်မရစေရ

#သွေးအေးသွားရင်_ခွင့်မလွှတ်ကြေး

#အာဏာရှင်စနစ်ဟူသမျှ_မုချကျရှုံးရမည်

#ဖက်ဒရယ်ဒီမိုကရေစီပြည်ထောင်စု_မုချတည်ဆောက်နိုင်ရမည်

#အရေးတော်ပုံ_အောင်ရမည်

၂၃ ဇန်နဝါရီ ၂၀၂၂

23/12/2021

အိမ် ထဲ မှာ နေ နေ သူ တ ချို့ က
" ဒါ ကြီး က ဘယ် တော့ ပြီး မှာ လဲ " တယ့် ...

တ ချို့ က Cheers
လုပ် ရင်း
" အ ရင် လို ပြန် နေ ချင် နေ ပါ ပြီ " တယ့် ...

"တော ထဲ က လူ ငယ် လေး တွေ သ နား စ ရာ ကောင်း လိုက် တာ "
ဆို ပြီး
စုတ် တ သတ် သတ် နဲ့ ပြော နေ ကြ တာ
ကမ်း ခြေ မှာ နေ ဝင် ချိန် ကြည့် ရင်း ...

က လော မေ မြို့ ဖက် ရောက် နေ သူ တ ချို့
Hoodie လေး ကိုယ် စီ နဲ့ ဓာတ် ဖမ်း ရင်း
"ဒီ ချိန် ဆို စစ် ဘေး ရှောင် တွေ
ချမ်း နေ မှာ ပဲ နော် "
တယ့် ...

ကောင်း ကင် က
ဒီ ကောင်း ကင် ပဲ
မြေ ပြင် လည်း
ဒီ မြေ ပြင် ပါ ပဲ
ဒါ ပေ မယ့် .....
ဘာလို့ များ
ရှူ ရှိုက် မိ တဲ့ လေ
တွေ က
အ ရောင် တွေ ကွဲ နေ ရ တာ လဲ ...

23/12/2021

mission တခုလုပ်တိုင်း အသက်တချောင်းပြန်ပေးဆပ်နေတဲ့ ရန်ကုန်မြေပါလား😓
'လုပ်စရာရှိတာလုပ်ပီး မတတ်သာတဲ့အဆုံး
ကိုယ်သွားရရင်တောင် ခွေးတွေရသလောက်တော့ တူတူခေါ်သွားရမှာပဲ' ဆိုတဲ့ အတွေးက မြို့ပြ Urban တိုင်းမှာ ရှိကြတယ်
တခါတလေလဲ မတန်သလိုတောင်ခံစားရတယ်😓
မြို့ပြမှာနေတာမို့ စားဝတ်နေရေးအတွက် ရုန်းကန်ရမှာမို့
ဘာမှမလုပ်နိုင်ကြရင်တောင်မှပဲ နေ့တိုင်းကို
ရယ်
ရယ်
ရယ်
အဲ၃ခုတော့ အသက်ပေးသွားတဲ့ အာဇာနည်တွေ
ထောင်ထဲက သူရဲကောင်းတွေ
တောထဲက သူရဲကောင်း​တွေ
​စစ်​ဘေးရှောင်နေရတဲ့ တောင်ပေါ်က တိုင်းရင်းသားမောင်နှမတွေအတွက် တတ်နိုင်သလောက် ကြိုးစားပေးစေချင်မိတယ်😓😓
တဦးတည်းပဲဆိုင်တဲ့ တလရမဟုတ်ပဲ အများနဲ့ဆိုင်တဲ့အရာမို့ အနူးအညွတ်အကူအညီတောင်းခံနေရတာပါ🙏

09/12/2021

01/11/2021

Hello November 🍁🙋‍♂️
ပျော်ရွှင်ခြင်း၊ကံကောင်းခြင်းတွေ ယူဆောင်လာပေးပါ။🎉🎊

30/10/2021

ထန်တလန် ပြည်သူများ အသက်ဘေးရန် ကင်းပါစေ 🙏…

30/10/2021

Please save

We are one blood

24/10/2021

ကျဆုံးသူတို့အတွက်
ဖမ်းဆီးခံရသူတို့အတွက်…

ကျတော်တို့တယောက်စီတိုင်း
တော်လှန်စိတ်နဲ့နိူးထကြမယ်။

ဒီမြေဒီရေမှာလည်း
အာဏာရှင်ကျဆုံးရေးအတွက်
ဒို့လက်တွေမြဲမြဲဆုပ်လို့
ခရီးဆက်ကြမယ်။

ကမ္ဘာကြီးကမျက်ကွယ်ပြုတော့
သွေးပျက်တစ္ဆေလာမခြောက်နဲ့
မတုန်မလှုပ်သွေးကြွေးဆပ်မှာ
အသေချာမို့….

သွေးကြွေးမှာဆွေးနွေးစရာမရှိဘူး…..!

စစ်အာဏာရှင်ကျဆုံးရမည်။

အရေးတော်ပုံအောင်ရမည်။

21/10/2021

နောက်ဆုံး သတိပေးချက်ထုတ်ပြန်ပါ NUG

NUG ရဲ့ ဝန်ကြီးချုပ် မန်းဝင်းခိုင်သန်းက နွေဦးတော်လှန်ရေးကို သုံးလအပြတ် ခြောက်လနဲ့အပြီးအဆုံးသတ်ဖို့ ကြွေးကြော်ထားပြီးပြီ

ယာယီသမ္မတကြီး ဒူဝါလရှိလကလည်း တပ်မတော်သားတွေ တိုင်းပြည်နှင့်လူမျိုးအပေါ်အမှန်တကယ်သစ္စာစောင့်သိတယ်ဆိုရင် ပြည်သူ့ဘက်ကို ကူးပြောင်းခိုလုံဖို့ အသေအချာတိုက်တွန်းပြီးပြီ

သေချာတာတစ်ခုကတော့ နှစ်ပေါင်းများစွာ စနစ်တကျ အခြေခိုင်လာတဲ့ စကစလိုစစ်တပ်ကို သုံးလအတွင်း အဆုံးသတ်ပြမယ်လို့ ကြွေးကြော် ကြေငြာနိုင်တယ်ဆိုတာ သာမှန်အာမခံပေးလို့ရတာမျိုးမဟုတ်ဘူး

NUG တိုင်းရင်းသားပြည်ထောင်စု ပြည်သူ့ကိုယ်စားပြု ပြည်သူ့အစိုးရမှာ အလွန်ခိုင်မှာတဲ့ အစီအစဥ်ရှိထားပြီးသလို့ ပြည့်စုံလုံလောက်တဲ့ အထောက်ကူပစ္စည်းတွေလည်း ကြိမ်းသေရရှိပြီးလို့ ခုလို Date တပ်ပြီး ကြွေးကြော်ကြေငြာရဲတာ ဘာမှသံသယဝင်စရာမရှိဘူး

ပြီးတော့ NUG ပြည်သူ့ကိုယ်စားပြု ပြည်သူ့အစိုးရဟာ အရံအင်အားအဖြစ် သို့မဟုတ် အရေးပေါ် ရံပုံငွေလို့ သတ်မှတ်လို့ရတဲ့ နွေဦးထီ လုပ်ငန်းနဲ့ ငွေတိုက်စာချုပ် ရောင်းဝယ်တဲ့ လုပ်ငန်းပါ တော်လှန်ရေးပြီး ပြုပြင်ပြောင်းလဲရေးလုပ်ငန်းတွေအတွက်ပါ ရည်ရွယ်ပြီး စနစ်တကျလုပ်လာတာတွေ့ရတယ်

ဒီနေရာမှာ အထူးအလေးထားပြောချင်တာက NUG ပြည်သူ့ကိုယ်စားပြု ပြည်သူ့အစိုးရဟာ ပြည်သူသာအဓိကဦးထိပ်ပန်ဆင်ပြီး မူဝါဒကျင့်သုံးသူပီပီ အရာရာ ပြည်သူ့သဘောအတိုင်း တသွေမတိမ်းလုပ်ဆောင်နေတာတွေ့ရတယ်

ပိုပြီးလေးစားချီးကျူးရမှာကလည်း ပြည်သူတိုင်းရင်းသားတွေပါပဲ ပြည်တွင်းပြည်ပမှာ ရှိနေတဲ့ပြည်သူတွေဟာ စကစအကြမ်းဖက် ပြည်သူ့သတ်ဖြတ် စစ်မိစ္ဆာအဖွဲ့ကို တော်လှန်သုတ်သင်ရာမှာ ကိုယ်တိုင်အသိစိတ်မြှင့်မားစွာ ခံယူချက်ပြင်းပြင်းနဲ့ NUG ပြည်သူ့ကိုယ်စားပြု ပြည်သူ့အစိုးရနဲ့ Market သဘောတရားရော ပရဟိတအသွင်နဲ့ပါ အားတက်သရော လက်တွဲပူးပေါင်းနေတာ တွေ့ရတာပါပဲ

နောက်ပြီးတော့ လက်ရှိနွေဦးတော်လှန်ရေး စကစ အကြမ်းဖက် ပြည်သူတိုင်းရင်းသား သတ်ဖြတ် စစ်မိစ္ဆာအဖွဲ့ကို သုတ်သင်နေကြတဲ့ NUG`s PDF တွေရော EAOs တွေရော Local PDF တွေရောမှာ လူအင်အားက နှစ်သန်းကျော်အထိဖြစ်လာသလို လက်နက် ခဲယမ်းကလည်း အလတ်စားအဆင့် ၆၀% လောက်အထိ ပြည့်စုံလာတာတွေ့ရတယ်

အနီးကပ် အချိုးကျ စစ်ပွဲအတွက် ပြည်သူ့ကာကွယ်ရေး တပ်ဖွဲ့တွေဟာ စကစ အကြမ်းဖက် ပြည်သူ့သတ်ဖြတ် စစ်မိစ္ဆာတပ်သားတွေကို အချိန်ခနလေးအတွင်း တိုက်နိုင်နေပြီဆိုတဲ့သဘောကိုပြနေတာဖြစ်ပါတယ်

စစ်ရေးဗျူဟာမှာလည်း ပြည်သူ့အကူအညီ 90% လောက်အထိရနေတဲ့ ပြည်သူ့ကာကွယ်ရေးတပ်တွေဟာ အထိအခိုက်အလွန်နည်းစွာ အသာရနေတာ တိုက်ပွဲတိုင်းက သက်သေခံနေပြန်ပါတယ်

ရှု့ထောင့်မျိုးစုံက တွက်ရရင် ပြည်သူ့ကာကွယ်ရေးတပ် EAOs တွေအားလုံးအပါအဝင် စကစ အကြမ်းဖက် ပြည်သူ့သတ်ဖြတ် စစ်မိစ္ဆာတပ်ဖွဲ့ကို 100% နိုင်နေပြီလို့ပြောလို့ရနေပါပြီ

ဒါဆိုရင် ဘာလို့မတိုက်သေးတာလည်းလို့ စောတကတက်စရာ ရှိလာမယ်

မတိုက်သေးတာမဟုတ်ပါဘူး ကိုယ်တိုက်ရမည့်ရန်သူက ကိုယ့်နိုင်ငံသားတွေ ကိုယ့်နိုင်ငံသားရဲတပ်သားတွေရဲ့နောက်မှာ မိသားစုတွေ ရှိနေလို့ဘဲ

ဒီကိစ္စဟာ လက်တစ်ဆုပ်စာ အာဏာရူးတွေကို ရှင်းထုတ်လိုက်ရင် ဘာစစ်ပွဲမှအကြီးအကျယ်မဖြစ်ရပါဘဲ ကိစ္စပြတ်မည့် အရေးတော်ပုံပါ

သိတော်မူကြတဲ့အတိုင်းဘဲလေ စစ်အာဏာရှင်ဆိုတာ သူတို့အာဏာတည်မြဲရေးကို ရာထူး ငွေကြေးလာဒ်လာဘ ဝါဒမှိုင်း ဒီသုံးမျိုးနဲ့ အမြဲတည်ဆောက်ထားလို့ အသိဉာဏ်တိမ်တဲ့သူတွေ ဝါဒမှိုင်းတွေအောက် သွက်သွင်းလွှမ်းမိုးခံထားရသူတွေ ဆုပေးဒဏ်ပေးဟန်ဆောင် ရာထူးရောင်ဝယ်တဲ့ ကိစ္စတွေကြောင့် လမ်းကြောင်းလွဲ အာဏာရှင်တွေရဲ့ မာယာလှည့်ကွက် နွံတွေထဲ နှာခေါင်းပေါ်ယုံလောက်အထိ နစ်နေတဲ့သူတွေအများကြီး

အဲလူတွေကို နွံထဲက ဆွဲနုတ်နေရလို့ (တချို့ ခြေသလုံးတစ်ဝက်လောက်နှစ်နေတဲ့သူတွေလောက်ကတော့ ပြည်သူ့ဘက်ရောက်ကုန်ပါပြီ ) အာဏာရူးတွေလှည့်ကွက်ဝါဒမှိုင်းတွေအောက် အကြောင်းအရင်း ဘာမှကောင်းကောင်းမသိ အသေခံကာကွယ်နေပေးနေကြတဲ့သူတွေကို လမ်းမှန်ရောက်အောင် အချိန်ယူနေရလို့ ပြင်းထန်တဲ့ ထိုးစစ်မဆင်နွဲသေးတာပေါ့ဗျာ

ခုတော့ NUG ပြည်သူ့ကိုယ်စားပြု ပြည်သူ့အစိုးရကိုယ်တိုင် တရားဝင် Date တပ်ပြီး Limited လုပ်ပြီး Declaration လုပ်လိုက်ပြီဆိုတော့

NUG အနေနဲ့ နောက်ဆုံး လုပ်စရာ တစ်ခုဘဲကျန်တော့တယ် စကစ အကြမ်းဖက် ပြည်သူ့သတ်ဖြတ် စစ်မိစ္ဆာတွေရဲ့ ဝါဒမှိုင်းအောက် (အစွန်းရောက်တွေကလွဲလို့) ရောက်နေတဲ့ တပ်သားတွေကို အတိအကျ Date ပေးပြီး သတိပေးဝါနိမ်ပေးပြီး နောက်ဆုံးအနေနဲ့ ပူးပေါင်းဖို့ ယတိပြတ်ကြေငြာဖို့ လိုပါပြီ (တိုက်ပွဲအတွင်း လက်နက်ချတာက တစ်မျိုးစီစဥ်ရပါလိမ့်မယ်)

ဒီကြေငြာချက်ဟာ နိုင်ငံတကာ စံနှုန်းနဲ့လည်း အညီဖြစ်သလို စစ်ဥပဒေ စံနှုန်းတွေနဲ့လည်း အညီပါပဲ ပြီးတော့ ပြည်သူ့သဘောထားနှင်းလည်း ထပ်တူကြစေတဲ့ ကြေငြာသတိပေးမှုမျိုးပါ

ကဲဗျာ သုံးလအတွင်း အပြတ်တိုက်ဖို့ ကြေငြာထားတဲ့ NUG လုပ်စရာရှိတာ အပြတ်သာလုပ်တော့လို့ ထောက်ခံတိုက်တွန်းပါရစေ

အရေးတော်ပုံ အပြီးသတ်အောင်တော့မည်

21/10/2021

ပွဲစဖို့ အရမ်းကိုနီးကပ်လာပြီဖြစ်တဲ့ အခြေအနေကြောင့် အားလုံးကြိုတင်ပြင်ဆင်ထားပြီးကြပြီလို့ ထင်ပါတယ်…

ဒါပေမယ့် မြင်တွေ့နေရတာတွေက တချို့လူတွေ တိုင်းပြည်အခြေအနေက နေ့လား ညလားမသိနိုင်တဲ့အခြေအနေမှာ ဘုရားဖူးထွက်ကြတဲ့သူနဲ့ ကျောင်းပြေးအပ်ကြတဲ့သူနဲ့ …အသိဥာဏ်က မွေးကတည်းကပါမလာတာလား…တွေးခေါ်စဉ်းစားနိုင်မှုဥာဏ်တိမ်နေတာလားတော့မသိဘူးခင်ဗျ…ဒါမှမဟုတ် တကယ်မဖြစ်လာပါဘူးကွာလို့ထင်နေတာလား…

ကျွန်တော်တို့အားလုံး ဒီပွဲကို မဖြစ်မနေရင်ဆိုင်ကျော်ဖြတ်ရတော့မှာပါ…
ဒီတိုင်းပြည်ထဲမှာ နေထိုင်နေသူမည်သူမဆို မည်သည့်နေရာမျိုးမဆို ရှောင်လွှဲလို့မရပါဘူး…
ဒါလေးတော့ သတိပြုစေချင်ပါတယ်…

ကျွန်တော်တို့ရဲ့ NUG ဟာ

(၁) လိုအပ်တဲ့ဘဏ္ဍာငွေတွေလဲရှိနေပြီ…

(၂)အဲဒီဘဏ္ဍာငွေတွေစီးဆင်းဖို့အတွက်လဲ ချက်သမ္မတနိုင်ငံက ဘဏ်အကောင့်ဖွင့်ပေးခဲ့ပြီးပြီ…

(၃)ပြည်တွင်းပြည်ပက စစ်သင်တန်းတွေလဲ အတော်များများဆင်းပြီးကုန်ကြပြီ…

(၄)ကုလသမဂ္ဂကလဲ NUG သာ တရားဝင်အစိုးရဖြစ်ကြောင်း ဦးကျော်မိုးထွန်းကိုရွေးချယ်ပြသခဲ့ပြီးပြီ…

(၅)အာဆီယံကလဲ မအလကို ပယ်လိုက်ပြီ…

(၆)မအလရဲ့တပ်ကလဲ ကစဉ့်ကလျားနဲ့ ဆောက်တည်ရာမရဖြစ်နေပြီ…

ဒါဆို NUG က ပွဲကိုဘာလို့မစေသးတာပါလဲ…
အကြောင်းအရင်းက မိုးမကုန် ဝါမကျွတ်သေးလို့ပါ…
ပြည်မတွေမှာ မိုးနည်းပေမယ့် တောင်ပေါ်ဒေသတွေမှာ မိုးကမကုန်သေးပါဘူး…မိုးထဲရေထဲမှာ စစ်ဘေးရှောင်ပြည်သူတွေအတွက် နေစရာ စားစရာအဆင်မပြေနိုင်ပါဘူး ဒါကတစ်ချက်…

နောက်တစ်ချက်က ရဟန်းသံဃာတွေဟာ ဝါတွင်းကာလမှာ မိမိရောက်ရာအရပ်ဒေသမှာသာ ဝါဆိုနေကြရတာဖြစ်ပါတယ်…စစ်ဖြစ်ရင် ရဟန်းသံဃာတွေအတွက် စစ်ရှောင်ဖို့ဝါတွင်းကာလမှာ အဆင်မပြေအခက်အခဲရှိနေတာကတစ်ချက်ပါ…

အခုတော့ ဝါကျွတ်ရန် (၂) ရက်သာလိုပါတော့တယ်ခင်ဗျာ…
NUG ရဲ့ ဒေါက်တာဇော်ဝေစိုးကပြောထားဖူးပါတယ်…
မိုးမကုန် ဆောင်းမကူးအချိန်ပါတဲ့…
အခုဆို NUG က အဓိကပစ်မှတ်နေရာတွေတောင်သတ်မှတ်ပြီးသွားပြီဖြစ်ပါတယ်…အားလုံးကလဲ NUG ရဲ့ D Day ခေါ်သံကိုစောင့်နေတာဖြစ်ပါတယ်…
ဒါကြောင့် မကြာမီ မဖြစ်မနေရင်ဆိုင်ရမယ့် အခြေအနေတွေအတွက် ကြိုတင်ပြင်ဆင်ထားကြဖို့လိုပါတယ်…

ဒီလိုအခြေအနေမျိုးရောက်နေတာတောင် ဘုရားဖူးလေးထွက် ကျောင်းလေးပြေးအပ်နေကြတဲ့ ပုဂ္ဂိုလ်များကတော့ သူတို့ထိုက်နဲ့သူတို့ကံပါပဲ…

မြို့ပြစစ်ပွဲတွေဖြစ်လာရင် ကိုယ့်ဖက်ကလူတွေက ပြည်သူနာအောင်လုပ်မှာမဟုတ်တာသေချာပေမယ့် မအလဘက်ကတော့ ပြည်သူလူထုအပေါ် မနိုင်နိုင်ရာမဲမှာသေချာနေတာကြောင့်
ကျွန်တော်တို့ ကြိုတင်ပြင်ဆင်ကြရမှာက အဆင့် ဆင့် ရှိပါတယ်…

(၁) လျှပ်စစ်မီးမရနိုင်သည့်အခြေအနေ

မအလဘက်က စစ်ဖြစ်လာရင် ဖြတ် ၄ ဖြတ်ကိုသေချာပေါက်လုပ်မှာဖြစ်ပါတယ်
ဖြတ် ၄ ဖြတ် ဆိုသည်မှာ
(က) ရေ
(ခ)လျှပ်စစ်မီး
(ဂ) လမ်းပန်းဆက်သွယ်ရေး
(ဃ) ဖုန်း/အင်တာနက် စတာတွေကို ဖြတ်တောက်လ်ုက်မှာပါ

ဒါကြောင့် လျှပ်စစ်မီးမရနိုင်ခဲ့ရင် ထင်း မီးသွေး မြို့ပြများမှာ ရေအတွက် ဘုံဘိုင်လိုအဝီဇိရေတွင်းတွေ စတာတွေလိုလာပါလိမ့်မယ်

ဒါမှမဟုတ် ထန်တလန်လို မြို့ကိုစွန့်ခွာထွက်ပြေးခဲ့ရမယ်ဆိုရင်တော့ မီးမလိုပဲ အသင့်စားသောက်နိုင်မယ့် ဘီစကစ် မုန့်ကြွပ် ငါးသေတ္တာ စတာတွေနဲ့ သောက်သုံးရေလိုအပ်ပါမယ်…သောက်သုံးရေအတွက် ရေသန့်ဗူးတွေလိုအပ်လာပါလိမ့်မယ်…

အခုအချိန်ကစပြီး မိမိတစ်ကိုယ်စာ အဝတ်အစား ၃ ၄ စုံ မိမိသောက်နေကျဆေးဝါးအနည်းငယ် မိမိပိုင်ငွေကြေးအနည်းငယ်နဲ့ အရေးကြီးစာရွက်စာတမ်းများ လက်ဝတ်လက်စားရှိရင်လည်း သေချာထုပ်ပိုးပြီး ဘီစကစ် မုန့်ကြွပ် ငါးသေတ္တာ သောက်ရေဗူး စသဖြင့် အနည်းငယ်စီကို ကျောပိုးအိတ်တစ်လုံးဖြင့် အသင့်ပြင်ထားပါ…မိမိတို့ရဲ့ ကား ဆိုင်ကယ်များကို ဆီအပြည့်ဖြည့်ထားပါ…အရေးပေါ်အခြေအနေကြုံလာရင် ကျောပိုးအိတ်တစ်လုံးစီသာ ကောက်ယူထွက်သွားနိုင်ဖို့ ပြင်ဆင်ထားပါ…

မည်သည့်နေရာကို သွားရမည်လဲဟု စဉ်းစားနေကြသူများ အခြေအနေနှင့်အချိန်အခါအပေါ်ကြည့်၍ သွားကြပါ…

တစ်နေ့က စျေးထဲမှာ အစ်မလိုခင်မင်သည့် စျေးသည်အစ်မကြီးတစ်ယောက်က
တိုက်ပွဲတွေကပြီးတော့မှာပါလို့ ပြောပါသည်…
သူက PDF တွေရဲ့ လက်ရှိအချိန် ပြောက်ကျားစနစ်တိုက်ပွဲတွေကို စစ်ဖြစ်နေတာဟု ယူဆဟန်တူပါသည်…မဟုတ်ပါ…တကယ့်တိုက်ပွဲတွေသည် စတောင်မစရသေးပါ…
ပြီးတော့သူမကထပ်မေးသေးသည်…ငါတို့နိုင်ပါ့မလားတဲ့…
ကျွန်တော်တို့ကမတိုက်ခင်ကတည်းက စိတ်ဓာတ်ရေးရာတပန်းသာပြီးသားဖြစ်ပါသည်…
အခုတောင် တပ်တွင်းမှာ ဖရိုဖရဲဖြစ်နေကြပြီ…
တကယ်တိုက်ရင် ထိုးကျွေးခံရမှာသိနေကြပြီ…
ဒါကြောင့် ပွဲတကယ်စရင် ထွက်ပြေးကြမှာက တစ်ဝက်လောက်ရှိနေသည်…တပ်ထဲမှာလဲ ဖရဲသီးတွေရှိနေသည်…ဘယ်လိုပဲဖြစ်ဖြစ် ပြည်သူတွေအခုအချိန် အရမ်းညီညွတ်နေကြသည်…
တိုင်းရင်းသားတွေရော ဘာသာခြားတွေရော အားလုံးက မကြုံစဖူး အလွန်ညီညွတ်နေကြသည်…NUG ရဲ့ လိုအပ်နေတဲ့ ဘဏ္ဍာငွေ ဒေါ်လာသန်း ၈၀၀ ကျော်က ပြည်သူတွေ ညီညွတ်မှုရဲ့အဖြေဖြစ်ပါသည်…
ထို့ကြောင့် ဒီပွဲကို ပြည်သူတွေနိုင်ကိုနိုင်မှာ သေချာသည်…

သို့ပါ၍ ပွဲကလည်း မကြာခင် စတင်တော့မည်ဖြစ်တာကြောင့် မိတ်ဆွေများအနေဖြင့် မလွှဲမရှောင်သာ ရောက်ရှိလာတော့မည့် အဆုံးသတ်တိုက်ပွဲအတွက် အောင်ပွဲခံရန် ကြိုတင်ပြင်ဆင်ထားကြဖို့ တိုက်တွန်းနှိုးဆော်အပ်ပါသည်ခင်ဗျား…

အားလုံးကိုယ်စိတ်နှစ်ဖြာ ကျန်းမာချမ်းသာ၍ ဘေးအန္တရာယ်အပေါင်းမှကင်းဝေးကြပါစေ

21/10/2021

တော်လှန်​ရေးထဲကစိတ်ပိုင်းဆိုင်ရာတိုက်ပွဲ

တော်လှန်​ရေး​ရေချိန်မြင့်လာ​တော့ သိသင့်တာ​တွေလဲပိုလာပါတယ်။
ယခုပို့စ်ကတော့ အောက်ပါ အ​ကြောင်းအရာများကိုပြောပြသွားမှာဖြစ်ပါတယ်။

စစ်​ကြော​ရေးမှာဘာ​တွေကြုံရမလဲ?
ဘယ်လိုအရာ​တွေကိုချိုးဖျက်ခံရလဲ?
ဘာ​တွေပြင်ဆင်ထားသင့်လဲ?
ဘာ​တွေကအ​ထောက်အကူပြုမလဲ?
လေ့ကျင့်သင်ကြား​ပေးတဲ့​နေရာ​တွေမှာဘာ​တွေသုံးလဲ?

#စစ်​ကြော​ရေးမှာဘာ​တွေကြုံရမလဲ?
#ဘယ်လိုအရာ​တွေကိုချိုးဖျက်ခံရလဲ?
စစ်ကြောရေးမှာ သုံးလေ့ရှိတာတွေကို 3D model လို့​ခေါ်တယ်
DEBILITY - ချည့်နဲ့စေတာ
Dependency​ - မျော်လင့်ချက်​ပျောက်ကယ်တင်ရှင်ရှာလာ​စေတာ
DRead- ကြောက်လန့်စိုးရိမ်​စေတာ။
အဲ့သုံးခုကိုပုံ​ဖော်တာမျိုးစုံကို​တော့​တော်လှန်​ရေးမှာပါဝင်​နေတဲ့သူ​တွေရင်နှီးဖူးကြုံဖူးကြားဖူးမှာပါ။ ဒီ​နေ့​ထောင်ကလွှတ်ပြီးပြန်ဖမ်းတာမျိုအပါအဝင်​ပေါ့။

စစ်တပ်ဟာ သူလိုချင်တာမရမချင်းအဲ့3Dကိုအခါခါ​ကျော့လေ့ရှိပါတယ်။ သူတို့​တွေရပြီလို့သတ်မှက်တဲ့အခါ၊ လိုချင်တာရသွားတဲ့အခါမှရပ်တယ်။​ ပေတံမရှိပဲစိတ်နဲ့သတ်မှတ်တာပဲဖြစ်လို့ MIND GAME ဆန်ပါတယ်။ ကိုယ့်ဖက်အခွင့်အ​ရေးရနိုင်တယ်။ မိရင်လဲ အဲဒီ 3D ကိုထပ်​ကျော့တာ ခံရမှာဆို​တော့။

#ဘာ​တွေပြင်ဆင်ထားသင့်လဲ
တရား​သေမရှိ​လို့ အကြမ်းဖျင်းသာ ပြုစုထားတာမို့
အ​သေးစိတ်​တော့မရှိဘူး။ အနီးစပ်ဆုံး​တွေစုထားတာ။
တရားထိုင်တာ​တောင်ပါနိုင်တယ်။

ကိုးကားစရာက​တော့
အထူးတပ်တွေကို​လေ့ကျင့်ရာမှာသုံးတဲ့ SEREကိုထည့်ထားတယ်။ အ​သေးစိတ်ကို google ဆက်​ခေါက်ကြည့်လို့ရ​မယ်။ အထူးသဖြင့်​ပြောက်ကျား​တွေရယ်။ စခန်းသွင်း​နေတဲ့ကိုယ်ထူကိုယ်ထအဖွဲ့​တွေ​လေ့လာတဲ့အခါ​ခေါင်းစဥ်တစ်ခုအ​နေနဲ့စဥ်းစားမိ​အောင်ပါ။

မှကူးယူတင်ပြသည်။

ဘီအက်စ်

20/10/2021

🏮🏮 သီတင်းကျွတ်မှာ အိမ်ဝေးနေတဲ့ သူရဲကောင်းတွေတိုင်းကို ဒီပုံလေးနဲ့ ဂုဏ်ပြုပါရစေ.. 🏮🏮

#‌တော်လှန်သီတင်းကျွတ်

#ဆီမီးသပိတ်
#ဓမ္မကို_ဂုဏ်ပြုပူဇော်
#အဓမ္မကို_လောင်ကျွမ်း



credit

19/10/2021

ပြန်လွတ်မြောက်လာကြတဲ့
သတင်းကြားတော့ဝမ်းသာစရာပဲ

ဒါနဲ့ ကေဇဝင်း၊ခက်သီ၊မြသွဲ့သွဲ့ခိုင်ကစလို့
ဝေယံထွန်းအလယ်ကြယ်စင်လေးကအဆုံး

နောက်ထပ်…နောက်ထပ်.. နောက်ထပ်…
မရေတွက်နိုင်အောင်
ကောင်းကင်ကြီးမှာလင်းလက်လို့ကြယ်များဟာ
ဒီသီတင်းကျွတ်လရဲ့ညအမှောင်ကို
အံ့တုပြီးလင်းသွားတယ်
တစ်နိုင်ငံလုံးဟာထောင်ကျနေစဲပါ
ထောင်အကျယ်ကြီးထဲမှာငါတို့ဟာအကျယ်ချုပ်ကျလို့

တစ်ခုကျန်ခဲ့လို့
လွတ်မြောက်လာတဲ့အထဲ
ကျနော်တို့နိုင်ငံလေးကိုရော တွေ့မိသေးလား
မတွေ့မိဘူး
သူခုထိမလွတ်မြောက်သေး…။

-သည်ခက်နွေ

19/10/2021

HAPPY THADINGUT FESTIVAL

18/10/2021

ပြည်သူလူထုတစ်ရပ်လုံး၏ အစဥ်ဆက်မပြတ် ဆန့်ကျင်တော်လှန်မှုတွေကြောင့် အသက်ရှူလို့မရနိုင်အောင်အထိ သေလုမြောပါး ဖြစ်လာနေပြီ ဖြစ်သည့်အတွက် မတရားဖမ်း​ဆီးထားသူအချို့ကို ပြန်လွှတ်​ပေးလာရပြီ..။

ပြန်လည်လွတ်မြောက်လာတဲ့ သူရဲ​​ကောင်း​တွေကို ကြိုဆိုရင်း စစ်အာဏာရှင်စနစ်အပါအဝင်
အာဏာရှင်စနစ်ဟူသမျှချုပ်ငြိမ်းရေးနှင့် ဖက်ဒရယ်ဒီမိုကရေစီနိုင်ငံပေါ်ထွန်းရေး၊ မလွတ်​မြောက်​သေးသည့် တိုင်းပြည်ကြီးအတွက် နှင့် ကျဆုံးသွားသည့် အာဇာနည်​တွေအတွက် ယခင်အတိုင်း ည၈နာရီတိုင်း သံပုံး​တွေပြန်တီးကြပါစို့...။

သံပုံးတီးသံတွေနဲ့အတူ အာဏာရူးတွေကို မောင်းထုတ်လိုက်ကြရအောင်...။

သံပုံးတီးရင်း တော်လှန်သီတင်းကျွတ်ကို ဆင်နွှဲလိုက်ကြရအောင်...။



#‌တော်လှန်သီတင်းကျွတ်

#အဓမ္မကို_လောင်ကျွမ်း

#‌အရေးတော်ပုံ_အောင်ရမည်

18/10/2021

အကျယ်ချုပ်က ကြိုဆိုပါတယ် ရဲဘော်တို့ရေ...

အိမ်ပြန်နိုင်သွားသူတွေထဲမှာ
မြသွဲ့သွဲ့ခိုင် ပါလား။
ဝေယံထွန်း ပါလား။
ကြယ်စင် ပါလား။
ချစ်မင်းပိုင် ပါလား။
ခန့်ညားဟိန်း ပါလား။
ကျဆုံးခဲ့ရတဲ့ ပြည်သူထောင်ချီ ပါလား။

အိမ်ပြန်နိုင်သူတွေအတွက် ပျော်ရွှင်ရသလို
အိမ်ပြန်မရောက်နိုင်တော့သူတွေအတွက်
ငါတို့သွေးတွေ အေးသွားလို့ မဖြစ်ဘူး။

18/10/2021

၂၅နှစ်ကနေ ၃၀ကြားကလူငယ်တွေ

တစ်နိုင်ငံလုံးအပေါ်ကျတဲ့မီး
ငါတို့ လူငယ်တွေကျောပေါ်မှ ပိုပူရတယ်..

အိမ်ကိုရောက်အောင်ပြန်ခဲ့မယ် အမေ
ဖက်ဆစ်တွေရဲ့လက်ထဲကနေ
အိမ်ကို အရောက်ပြန်ခဲ့မယ်
ဆယ်လ်မွန်ငါးတွေလိုမျိူး..

၂၅နှစ်ကနေ ၃၀ကြားကလူငယ်တွေ
နေနိုင်သူတစ်ချို့ကလွဲလို့
မတရားတာကို ငုံ့မခံနိုင်သူတွေကလွဲလို့
အဓမ္မကို အဓမ္မမှန်းသိသူတွေကလွဲလို့
ကျတော်အပါအဝင်ပေါ့ အမေ..

ဒီလူငယ်တွေက လူငယ်ဆန်တယ်
လူကြီးတွေကပဲ လူကြီးမဆန်ခဲ့တာ..

ဘယ်သူ့ကိုဦးတည်ပြီးဖျက်ဖျက်
လူငယ်တွေရဲ့ ယိုင်နဲ့နဲ့တဲက အရင်ပျက်တယ်
ဘယ်သူ့ကို မီးလောင်တိုက်သွင်းသွင်း
လူငယ်တွေကပဲအရင် ပြာကျရတယ်..

ထူးအိမ်သင် သီချင်းတွေဆိုမယ်
အဖေဝယ်ပေးတဲ့ စကောလ်ဖိနပ်စီးမယ်
ဝက်ဝံတံဆိပ်ပုဆိုးကို ချပ်ပြုတ်ဝတ်မယ်
တက်တူးထိုးမယ်၊ နားကွင်းဖောက်မယ်
ကြက်ဆူပင်စိုက်ပြီး နိုင်ငံတော်ဖွံ့ဖြိုးတိုးတက်အောင်
မင်္ဂလာပါ ဘဘဗိုလ်ချုပ်ကြီးလို့ နှုတ်ဆက်မယ်..

ဂျယ်ထောင်ထားတဲ့ ဆံပင်ထိုးထိုးထောင်ထောင်နဲ့
ချေဂွေဗားရားကနေ ဖီဒယ်ကတ်စ်ထရိုအထိ
ကားလ်မတ်ကနေ လီနင်အထိ
အမေ့ရဲ့ဒုက္ခအိုးလေးတွေလေ
ငုယင်ဗန်ထရွိုင်းသီချင်းတွေဆိုနေတုန်း
လူငယ်ဆန်ခဲ့တဲ့ လူငယ်တွေ..

ယုန်ပဲထောင်ထောင် ကြောင်ပဲထောင်ထောင်
ကျတော်တို့ပဲ မိခဲ့ရတယ် အမေ
စစ်ဗိုလ်ကြီးမဖြစ်ချင်တော့ဘူး
ရွှေလင်ဗန်းနဲ့ ထမင်းဆီဆမ်းပဲ ပြန်လိုချင်တယ်..

ကျတော် အိမ်ကိုပြန်မလာနိုင်သေးဘူး အမေ
အမေ့ ဘုရားပန်းအိုးလေး ကူလဲမပေးနိုင်တော့ဘူး
အမေ့ ဘုရားရှိခိုးသံ မကြားနိုင်တော့ဘူး
တစ်နိုင်ငံလုံး သရဏဂုံမတင်ရပဲ
ဘဝတစ်ပါးကူးပြောင်းပြီးတဲ့နောက်
ဖက်ဆစ်တွေရဲ့ လက်နဲ့ချတဲ့ ရေစက်
ကျတော်တို့ လူငယ်တွေကျောပေါ်မှာ ပိုပူရတယ်အမေ..

18/10/2021

ဒီမောဆို ကုန်းသာ တိုက်ပွဲအပြီး စခတွေရွာထဲ ထောင်ခဲ့တဲ့ မိုင်းနှင်းမိပြီး ညာဘက်ခြေထောက် ဆုံးရှံးခဲ့ရတဲ့ KNDF BO-6 က ရဲဘော်လေး ပါ

ကိုယ်တွေက သူ့ကိုကြည့်ပြီး တကယ်ကို စိတ်မကောင်းဖြစ်နေမိတာ ဒါပေမဲ့ ရောက်လာကတည်းက သူမျက်နှာကပြုံးနေတာပါပဲ သူကပဲ စကားစပြော ဆေးထည့်ရင်း သူမိုင်းနင်းမိတဲ့ချိန် ဘယ်လိုခံစားရတယ်ဆိုတာကို ဟာသနှောပြီးတောင် အားရပါးရပြောပြနေတာ

ဆေးထည့်ပေးရင်း ဆန် ရိက္ခာ ဆေးဝါးကအစ မပူဖို့မှာရင်း တခြားကော ဘာလိုအပ်လဲမေးတော့ သူဖြေလိုက်တဲ့ စကားတွေက တကယ် ရင်ထဲထိပါတယ်

“ကျွန်တော် AK တစ်လက် လိုချင်တယ် ပြီးတော့ ကျွန်တော့် ခြေထောက် အနာတွေသက်သာသွားရင် ခြေထောက်တု ဝယ်ပေးမယ်မလား အဲ့တာဝတ်ပြီးရှေ့တန်း ပြန်ထွက်မှာနော် ကျွန်တော့်ကို ရဲဘော်စာရင်းထဲက မထုတ်လိုက်သေးဘူးမလား ကျွန်တော် လုံးဝသက်သာသွားရင် ရှေ့တန်းပြန်ထွက်မှာ ကျွန်တော် တိုက်နိုင်သေးတယ်”တဲ့

ဘေးက သူ့ စုမူးက “ဒါပေါ့ မင်းသက်သာလာရင် ငါတို့နဲ့ တူတူ ရှေ့တန်းပြန်ထွက်မယ် အဲ့တာကြောင့် ဘာမှစိတိဓာတ် ကျစရာအကြောင်းမရှိဘူး” ဆိုအားပေးနေတယ်

“အေ့လေ ကျွန်တော် စိတ်ဓာတ်မကျပါဘူး” တဲ့ ပြုံးပြုံးကြီး ပြန်ပြောတယ်

ရဲဘော်လေး ပြောတဲ့စကားတွေကြားပြီး အရမ်းပင်ပန်းလာတဲ့အခါ စိတ်ဓာတ်ကျမိတဲ့ ကိုယ့်ကိုကိုယ် ရှက်မိလာတယ် သူပြောတာတွေနားထောင်ပြီး ကိုယ် ဒီထက် အများကြီးသန်မာရမယ် ဒီထက်ပိုပြီး သူတို့အတွက် လုပ်ပေးနိုင်တာတွေထက်ပိုပြီး ကြိုးစားရမယ်ဆိုတာ ပိုသေချာလာတယ်

တော်လှန်ရေးအတွက် အသက်ကော အရာအားလုံးကော စွန့်လွှတ်ထားတဲ့ ရဲဘော်လေးတွေပါ သူတို့လိုမပေးဆပ်နိုင်တဲ့အတွက် သူတို့လေးတွေအတွက် တစ်ထောင့်တစ်နေရာကနေ နိုင်တဲ့ဘက်ကနေ ကူပေး Support ပေးရမှာ ကိုယ်တွေပြည်သူရဲ့တာဝန်မလား ဒါကြောင့် ဆက်ပြီး ကိုယ်ယုံကြည်ရာ နေရာမှာ pdf ရဲဘော်လေးတွေကို ဆက်ပြီး အားဖြည့်ပေးစေချင်ပါတယ်

ရဲဘော်လေးတွေကိုယ်စား ကိုယ်က တောင်းဆိုပါရစေ

18/10/2021

18/10/2021

နေ့သစ်ဆီသို့ နောက်မဆုတ်​ကြေး

17/10/2021

တိုက်ပွဲတွေဖြစ်တဲ့အခါ
ရန်သူဘက်ကို မျက်နှာမူ မှတ်တမ်းယူပါ။ ✅

မိမိဘက် အခြေအနေကို
ရိုက်ကူးမှတ်တမ်းတင်ပြီး သမိုင်းမှတ်တမ်း (ဝါ)စစ်မှတ်တမ်းအဖြစ်သာထားပါ။✅

တော်လှန်ရေးမပြီးမချင်း
မိမိပုံများ လိုင်းပေါ်မတင်သင့်ပါ။
တရားသောစစ်ကို ဆင်နွဲကြသည့် စစ်သည်တော်များ သိကြားမင်းဆင်းတားလျှင်ပင် တိုက်ပွဲမှမခွာသင့်။✅

တရားသောစစ်သည်တော်များ
အောင်ပန်းဆင်ပြီး ဘေးရန်ကင်းကြပါစေသား🙏

နိုင်မြင်းကို လောင်းပြီးပီ အောင်ပွဲဆီချီတက်စို့ 💪💪💪

Crd ..Zero Army
လေးစားလျက်...... 🙏🙏🙏

17/10/2021

🐲မကြာမီ လာမည်။🐲

နဂါးညီနောင်

🐉ကျွန်တော့ ရဲ့ PDF များသို့🐉

🪄လက်နက် မရှိလို့
🪄လက်နက် မရှိလို့
🪄လက်နက် မရှိလို့

👉NUG က မထောက်ပံ့ သေးလို့
ဆိုပြီး ....
စိတ်အားမငယ်နဲ့...
လွှတ်မြှောက်နယ်မြေထဲမှာရှိတဲ့
PDF.အကုန်လုံးကိုတောင်
လက်နက် အပြည့်
မပေးနိုင်သေးဘူး...

မြို့တွင်းမှာ လှုပ်ရှားနေကြတဲ့
PDF ညီကို မောင်နှမများ...
ပျောက်ကြားစနစ်မှာ
ရန်သူ့လက်နက်ဟာ..
ငါ့လက်နက်..ကို့အတွက်ပဲ
ဆိုတာ နှလုံးသွင်းထားပါ ။

ရှင်းလို့ပြီးရင်...
လက်နက်ကိုရအောင်ယူ..

သတိတော့ထားပါ..
မကြောက်ပဲလဲမနေနဲ့..
အရမ်းကြီးလဲမကြောက်နဲ့..

အခုအချိန်မှာ..
စစ်အာဏာရှင် ကြဆုံးဖို့က..
အလှမ်းမဝေးတော့ဘူး...

စစ်မှန်သောဒီမိုကရေစီလိုလားသူမြို့ပြပျောက်ကြား ။

Myeik Dragon G, Z

16/10/2021

#မြိတ်မြို့နယ်ရပ်/ကျေး အုပ်ချုပ်ရေးမှူး ရာအိမ်မှူးများအားသတိပေး ခြင်း # #

​ဖေဖော်ဝါရီလ၁ရက်နေ့မှစ၍ မြိတ်မြို့နယ်အတွင်း ယခင်ပြည်သူ့အစိုးရခန့်အုပ်မှူးများ ပြည်သူ့ဘက်ရပ်၍cdmပြုလုပ်နုတ်ထွက်နေသည်ကိုမြိတ်ပြည်သူတစ်ရပ်လုံးအပါအဝင်ယခုစကစ ခန့်အုပ်မှူးများအသိပဲ့ဖြစ်ပါတယ်။ စကစများဟာမိမိတို့အနေနဲ့ဆိုလျှင်ရပ်ကွက်၊လမ်း၊အိမ်၊ကိုမဆိုထားနှင့်မဆို့မပို့ဒလံလောက်နဲ့ တက်ကြွလုပ်ရှားပြည်သူများ pdfများ နဲ့နိုင်ငံရေးပါဝင်လုပ်ဆောင်နေသောသူရဲကောင်းများအားစိုးစဥ်မျှဖမ်းမိဖို့ရာအရေအတွက်နည်းပါးလက်ချိုးရေအဆင့်လောက်သာရှိပါမည်။သို့သော်လည်းနေ့အထိဖမ်းမိသူပေါင်းမှာရာဂဏန်းအထိဖြစ်နေပါသည်။အရင်ကမသိ၍မှားသည်ဖြစ်စေ၊သိ၍မှားသည်ဖြစ်စေ၊မြိတ်မြို့နယ် ရပ်/ကျေးအုပ်ချုပ်ရေးမှူးများနှင်ရာအိမ်မှူးများမှ ၁၅.၁၀.၂၀၂၁ရက်နေ့မှစ၍တစ်ပတ်အတွင်းမိမိတို့အသိဖြင့်သတိကပ်၍နုတ်ထွက်ပေးကြပါရန်သတိပေးတိုက်တွန်းလိုက်ပါသည်။မိမိတို့အနေဖြင့်ပြည်သူအကျိုးဆောင်ရွက်ချင်လျှင်လည်းပြည်သူ့အစိုးရပြန်တက်အချိန်တွင်ပြည်သူများ၏ဆန္ဒခံယူအရွေးခံကြပါရန်နှင့်နိုင်ငံတော်၏အာဏာကိုအတင်းလုယူထားသောအကြမ်းဖက်စစ်တပ်ရဲ့လက်အောက်မှအုပ်မှူး/ရာမှူးများအနေဖြင့်အလျင်မြန်နုတ်ထွက်ပေးပါရန်မနုတ်ထွက်ပဲ့ဆက်၍ရှိနေလျှင်နိုင်ငံတော်ပုန်ကန်မူ့ဖြင့်မိမိတို့နဲ့မိမိတို့မိသားစုကိုပါတရားစွဲဆိုသွားမည်ဖြစ်ကြောင်းတိုက်တွန်းသတိပေးလိုက်ပါသည်။
၂။***မြိတ်မြို့နယ်ပြည်သူများအားအထူးပန်ကြားချက်*******
ယခုအချိန်တွင် ပြည်သူများအနေဖြင့်ကျန်းမာရေး လူမူ့ရေးစီးပွားရေးများလုံးပမ်းနေကြလို့အဆင်မပြေမူများတနက်တစ်ပိုးဖြစ်နေသည်ကိုမြိတ်မြို့အတွက်တိုက်ပွဲဝင်ရဲဘော်များသိရှိနားလည်သဘောပေါက်ပြီးသားဖြစ်ပါသည်။သို့ပေမယ့် ​ကချင် ၊ကယား၊ကရင်၊ချင်းနဲ့ စစ်ကိုင်း၊မကွေးတို့လိုစစ်မြေတလင်းဖြစ်သောနေရာဒေသများနဲ့စာလျှင်မိမိတို့ဒေသသည်အလွန်တော်ပေသည်ဟုမှတ်ယူရမည်။သို့သော်ဒီမိုကရေစီရရှိမူ့နှေးကွေးပြီးအကြမ်းဖက်အုပ်စု၏အနိုင်ကျင့်ငြင်းပမ်းမူကာတစ်စစကြီးထွားလာ၍မြို့အတွက်တိုက်ပွဲဝင်တော်လှန်သူထက်ဝက်ကျော်မှာထောင်ထဲထည့်ထားပြီးနေ့စဥ်အကြောက်အလှန့်မျိုးစုံရင်ဆိုင်ကြနေရပါသည်။
၃။ထို့ကြောင့်မြိတ်မြို့နယ်တော်လှန်ရေးအင်အားစုများမှစတင်တော်လှန်ကြတော့မည်ဖြစ်ပါ၍အောက်ပါအချက်များကိုပူးပေါင်းဆောင်ရွက်ပေးစေလိုပါသည်။

က။မိမိအိမ်ဝန်းကျင်နှင့်မိမိရပ်ကွက်အတွင်းမလိုအပ်ပဲ့လမ်းမထွက်ကြရန်နှင့်ပေါက်ကွဲသံကြားလျှင်သတိချပ်၍ တော်လှန်လူငယ်များ၏ဝင်/ထွက်ပေါက်များအားအချိန်မရွေးဖွင့်လှစ်ပေးထားပါရန်။

ခ။လိုအပ်လျှင်ဆေးဝါးစ္စည်းနဲ့မိမိတို့အိမ်၌တပ်ဆင်ထားသောCCTVများကိုလိုအပ်သလိုပူးပေါင်းဆောင်ရွက်ပေးပါရန်။

ဂ။မတော်တဆ မိမိတို့နေအိမ် ခြံ ဆိုင်ကယ်နှင့်တစ်ခြားအသုံးဆောင်ပစ္စည်းများအားထိခိုက်မိလျှင်သီးခံခွင့်လွတ်ပေးကြပါရန်အထွေထွေကိစ္စများကိုလည်းကူညီဆောင်ရွက်ပူးပေါင်းပေးပါရန်မေတ္တာရပ်ခံပန်ကြားတောင်းဆိုလိုက်ပါသည်။
တော်လှန်ပြည်သူအင်အားစု
မြိတ်မြို့။

16/10/2021

❝တော်လှန်သီတင်းကျွတ် မီးတောက်တွေနဲ့ အာဏာရှင်ကို လောင်ကျွမ်းစေမယ်❞
▄▄▄▄▄▄▄▄▄▄▄▄▄▄▄

အခုဆိုရင် ကျနော်တို့ နွေဦးတော်လှန်ရေးဟာ အချိန်ကာလအားဖြင့် (၈) လကျော်လို့ (၉) လတွင်းကို ချည်းနင်းဝင်ရောက်ခဲ့ပါပြီ။ ကျနော်တို့ ပြည်သူလူထုကို အကြမ်းဖက် စစ်ကောင်စီအနေနဲ့ တစ်နေ့တစ်ရက်မျှ အုပ်ချုပ်လို့မရဘူးဆိုတာ ဖြတ်သန်းခဲ့တဲ့ ဒီအချိန်ကာလက အကောင်းဆုံး သက်သေတည်ပြီးလည်း ဖြစ်ပါတယ်။

မျှော်ရည်ရာ ပန်းတိုင်ကို မရောက်မချင်း ကျနော်တို့တွေ အသံမတိတ်၊ အလံမလိပ်ဘဲ အကြမ်းဖက်အာဏာရူးတွေကို အစွမ်းကုန် ခုခံတွန်းလှန်နေကြမှာပဲ ဖြစ်ပါတယ်။

#တော်လှန်သီတင်းကျွတ်

မကြာခင်ကျရောက်တော့မယ့် ဝါလကင်းလွတ် သီတင်းကျွတ်အခါသမယမှာလည်း (ကျနော်တို့တွေ မဟာသင်္ကြန်အခါတော်မှာ ဆင်နွှဲခဲ့ကြသလိုပဲ) တော်လှန်စိတ် တော်လှန်သွေးအပြည့်နဲ့ တော်လှန်သီတင်းကျွတ်ပွဲတော်အဖြစ် ခံယူသွားကြဖို့၊ ဆင်နွှဲသွားကြဖို့ပဲ ဖြစ်ပါတယ်။

နွေဦးတော်လှန်ရေးအတွင်း ကျဆုံးသူရဲကောင်းများကို အောက်မေ့ခြင်း၊​အကျဉ်းထောင်တွင်းမှ ရဲဘော်များကို ဂုဏ်ပြုခြင်း၊ တိုက်ပွဲဝင်ရဲဘော်ရဲဘက် အားလုံးအတွက် ဆုတောင်းမေတ္တာပို့သခြင်းနဲ့ တော်လှန်ရေးမီးတောက်မီးလျှံတွေ အရှိန်အဟုန်မပြတ် တောက်လောင်နေဆဲဆိုတာကို ပုံ‌ဖော်ပြသခြင်း စတဲ့ ရည်ရွယ်ချက်တွေနဲ့ ကျနော်တို့ ပြည်သူလူထုတစ်ရပ်လုံး ပါဝင်လှုပ်ရှားကြမယ့် တော်လှန်သီတင်းကျွတ် လူထုလှုပ်ရှားမှုကြီးပဲ ဖြစ်ပါတယ်။

ကျနော်တို့ရဲ့ တော်လှန်သီတင်းကျွတ် လူထုလှုပ်ရှားမှု လုပ်ငန်းစဉ်ကတော့ ဒီလိုဖြစ်ပါတယ်-

#အောက်တိုဘာ_၁၉

သီတင်းကျွတ်လဆန်း (၁၄) ရက်နေ့ (အောက်တိုဘာ ၁၉ ရက်) ရက်နေ့မှာ အွန်လိုင်းသပိတ်လှုပ်ရှားမှု လုပ်ကြဖို့ပါ။

မီးထွန်းညှိထားတဲ့ ဖယောင်းတိုင်ကို လက်တစ်ဖက်က ကိုင်၊ ကျန်လက်တစ်ဖက်က လက်သုံးချောင်းထောင်ထားတဲ့ “ဆီမီးသပိတ်” ဓာတ်ပုံရိုက် အွန်လိုင်းပေါ်တင်တဲ့ လှုပ်ရှားမှု (Online Campaign) ဖြစ်ပါတယ်။

#အောက်တိုဘာ_၂၀_၂၁

သီတင်းကျွတ်လပြည့်နေ့နဲ့ လပြည့်ကျော်တစ်ရက်နေ့ (အောက်တိုဘာ ၂၀၊ ၂၁ ရက်) တို့မှာတော့ တစ်တိုင်းတစ်ပြည်လုံးက မြို့တိုင်းနယ်တိုင်း၊ ရွာတိုင်းရပ်တိုင်း၊ အိမ်တိုင်းမှာ တော်လှန် သီတင်းကျွတ်ဆီမီးများ ထွန်းညှိပြီး (မိမိတို့ ယုံကြည်ရာ ဘာသာတရားအလိုက်) ဆုတောင်းမေတ္တာပို့သကြတဲ့ လူထုလှုပ်ရှားမှုကို ဆောင်ရွက်ကြပါမယ်။

ကျဆုံးအာဇာနည်များ၊ အကျဉ်းထောင်တွင်းမှ သူရဲကောင်းများ၊ တိုက်ပွဲဝင် ရဲဘော်များစတဲ့ တော်လှန်ရေးမှာ ပေးဆပ်ထည့်ဝင်ကြတဲ့ ရဲဘော်ရဲဘက်များ အားလုံးအတွက် အောက်မေ့၊ ဂုဏ်ပြု ရည်ရွယ်တဲ့ လှုပ်ရှားမှု ဖြစ်ပါတယ်။ တစ်နည်းပြောရရရင်တော့ ဒီဆီမီးသပိတ်သည် ဓမ္မဝါဒီတွေကို ဂုဏ်ပြုပူဇော်ခြင်းမည်သလို အဓမ္မဝါဒီတွေကို လောင်ကျွမ်းမီးတိုက်လိုက်ခြင်းပါပဲ။

နွေဦးတော်လှန်ရေးအတွင်း ကျရောက်လာတဲ့ သီတင်းကျွတ်အခါသယမမှာ “တော်လှန်‌သီတင်းကျွတ်ပွဲ” အဖြစ် သတ်မှတ်ခံယူကာ အာဏာရှင်စနစ်ကို ဆန့်ကျင်ကြောင်း အမြင့်မားဆုံး ဖော်ထုတ်၊ နွှဲဆင်ကြပါစို့။

#‌တော်လှန်သီတင်းကျွတ်



#ဆီမီးသပိတ်

#ဓမ္မကို_ဂုဏ်ပြုပူဇော်

#အဓမ္မကို_လောင်ကျွမ်း

#စစ်အာဏာရှင်စနစ်_မုချကျရှုံးရမည်

#‌အရေးတော်ပုံ_အောင်ရမည်

15/10/2021

အာဆီယံကတော့ ဆုံးဖြတ်ချက် ချလိုက်ပါပြီ။ သဘောကတော့ ဒီဘက်ကလဲ အထူးကိုယ်စားလှယ်နဲ့ အမေစုတို့ကို ဘာဖြစ်ဖြစ် လုံးဝပေးမတွေ့ဘူးဆိုတာပါပဲ။ အာဆီယံကလဲ ဒီအတွက် ပေးမတက်ဘူး ဖြစ်သွားပါတယ်။ အာဆီယံထိပ်သီးအစည်းအဝေးတွေအပြင် အာဆီယံ-အမေရိကန်၊ အာဆီယံ-တရုတ် အစရှိတဲ့ သီးသန့်အစည်းအဝေးတွေလဲ ရှိပါတယ်။ အာဆီယံက ဒီ ၁၀ နှစ်အတွင်းမှာ အလျင်အမြန် ကြီးထွားလာတာပါ။ သမ္မတအိုဘားမားလက်ထက်မှာ သူကိုယ်တိုင် အမြဲလာတက်သလို တရုတ်သမ္မတ ရှိီလဲ လာတက်တဲ့အထိ အရေးပါလာပါတယ်။ အခု အာဆီယံဆုံးဖြတ်ချက်အရ မြန်မာပြည်မှာ ဘက်ပေါင်းစုံပါဝင်တဲ့ တွေ့ဆုံဆွေးနွေးရေး တံခါးက ပိတ်သွားပါပြီ။ ၂ ဖက်လုံးက နောက်မဆုတ်တမ်း သွားကြတော့မယ့်သဘောပါပဲ။

အဲဒီတော့ အာဆီယံက သူတို့ရဲ့ သဘောတူညီချက် ၅ ရပ်ကို ဘယ်လိုရှေ့ဆက်မလဲ။ သူတို့ မဖြေရှင်းနိုင်ပါဘူးဆိုပြီး ကုလကိုပဲ ပြန်လွှဲပေးလိုက်တော့မလား။ စောင့်ကြည့်ရတော့မှာပါ။ အဓိက Key player ၂ နိုင်ငံဖြစ်တဲ့ တရုတ်နဲ့ အမေရိကန်မှာ တရုတ်က တခွန်းမှကို ဝင်မပြောတော့ပါဘူး။ သူတို့ရဲ့ ကိုယ်စားလှယ် ဆွန်ကော့ရှန် ပြန်သွားထဲကပါ။ အစက သူတို့က အတော်ကြိုးစားခဲ့ပေမယ့် အခုတော့ နယ်စပ်ဂိတ်တွေပါ ပိတ်ထားလိုက်ပါတယ်။ ဒီတော့ လက်ရှိမှာ အမေရိကန်ကပဲ ဝင်ကစားနေပါတယ်။ ဘလင်ကန်ရဲ့မနေ့က ဆွေးနွေးမှုတွေက ဒါကို မြင်တွေ့ရစေပါတယ်။ ဗြိတိန်ကလဲ စာတွေထုတ်လာသလို အမေရိကန်နဲ့ ဗြိတိန်တို့ ပါတဲ့ AUKUS အဖွဲ့က ပိုလှူပ်ရှားဖွယ်ရှိကြောင်း သံရုံးထုတ်ပြန်ချက်မှာ တွေ့ရပါတယ်။

မြန်မာပြည်အရေးကတော့ ပိုမိုရှုပ်ထွေးသွားပြီး စကားဝိုင်းထိုင်ပြီး ငြိမ်းငြိမ်းချမ်းချမ်း ဖြေရှင်းကြရမယ့် နည်းလမ်းကတော့ မဖြစ်နိုင်သလို ဖြစ်သွားပါပြီ။ ပိုပြီး ခက်ခဲကြမ်းတမ်းမယ့် လောကဓံတွေ၊ စီးပွားရေးကျဆင်းမှုတွေ၊ ဆင်းရဲငတ်မွတ်မှုတွေ၊ စစ်ပွဲတွေအတွက်ပဲ ကျနော်တို့ ပြည်သူတွေက ချွေတာစုဆောင်းပြီး အသင့်ပြင်ထားရပါတော့မယ်။

မြန်မာပြည်ကြီး ကံကောင်းပါစေ။

10/10/2021

မအလသာ $ရူးမထခဲ့ရင်
ဒီအချိန်ဆို ညောင်နှစ်ပင်စက်မှူဇုံစပြီ
လျှပ်စစ်မီးတစ်နိုင်ငံလုံး60%လွှမ်းခြုံပြီ
YBS ကဒ်စနစ်စပြီ
တက္ကသိုလ်များကိုယ်ပိုင်အုပ်ချုပ်ခွင့်pilot projectစပြီ
တီးတိမ်မှာလေယာဉ်ဆင်းပြီ
ဘုရားကြီးသထုံအဆင့်မြင့်အဝေးပြေးလမ်းမကြီးစပြီ
နေပြည်တော်မှာ Japan,Malaysia,Thai နိုင်ငံတွေကဖွင့်မည့်တက္ကသိုလ်စီမံကိန်းတွေစပြီ
Covit19 အင်ဒိယဆေးထိုးပြီးပြီ
ဒဂုံမြို့သစ်မှာ ယိုးဒယားprojectစပြီ
ဒဂုံမြို့သစ်မှာကုတင်၁၀၀၀ဆေးရုံစပြီ
ရန်ကုန်မြို့သစ်စီမံကိန်းစပြီ
လှည်းကူးမှာJapan စီမံကိန်းစပြီ
နေပြည်တော်မှာပညာမြို့တော်တည်ပြီ
ရန်ကုန်မှာMRT လိုင်းတွေစပြီ
ဝန်ထမ်းတွေကားဝယ်ခွင့်ရပြီ
ပြည်တွင်းထုတ် တိုယိုတာကားစီးရပြီ
ရန်ကုန်-မန္တလေး ရထားလမ်းလဲအတော်ပြီးလောက်ပြီ
ပဲခူး international လေဆိပ်စပြီ
ငွေဆောင် ဂွကမ်းရိုးတန်း ပတ်လမ်းစပြီ
ရန်ကုန်နေပြည်တော်ဝန်ထမ်းအိမ်ယာစီမံကိန်း
အငှါးအိမ်ယာစီမံကိန်းများ
သီလဝါ second phase စပြီ
တနိုင်ငံလုံးအစိုးရတင်ဒါလုပ်ငန်းများ ပဲခူးတိုင်းတခုထဲ ၂၀၀ကျော်
လက်ညောင်းပြီဗျ တော်ပြီ
ဒါတွေကိုမနာလိုတာလဲပါတယ်
သူများစီစဉ်ထားပြီးသားတွေကို သူလုပ်သလိုလုပ်
နာမည်ကောင်းယူ
ပြီးတော့ ကြားထဲကဝိုက် အိပ်ကပ်ထဲထည့်
ဒင်းတို့စိတ်ကူးက

မအလအဖွဲ့တွေက အမြဲကြိမ်းတာက
ဒေါ်စုလောက်တော့ ငါတို့လည်းလုပ်တတ်ပါတယ်တဲ့
ရင်ထဲက စေတနာ မေတ္တာ က တစ်ခြားစီ
ချီးပုတ် နဲ့ နတ်သုံးတဲ့ နံ့သာဆီ
ဒါ့ကြောင့် ခုလည်းဓားပြတိုက်စားနေရတာ

အေး စစ်တပ်ကဝင်ရှုပ်တဲ့
ခြေဥကြီးနဲ့ ချုပ်ထားခံရတောင်
ဒီလောက်လုပ်နိုင်ရင် မင်းတို့မပါတဲ့ နိုင်ငံရေးဆို
တို့နိုင်ငံ တစ်ပြေးမှာ သိလား မအလေရ
အရေးတော်ပုံအောင်ပြီးရင်တော့ စီမံကိန်းအားလုံး
ပြန်စမယ်
ဒိထက်ပိုကောင်းမယ်

09/10/2021

🏆ဂိုးသမားက ပြည်သူသန်း၅၀ Ok.
♥♥♥♥♥♥♥♥♥♥♥
ဒီပွဲမှာ ရှေ့တန်းတိုက်စစ်မူးက
Dr.Sasa.ဖြစ်ပြီး

လူကျွံဘောစောင့်သူကတော့
ဦးကျော်မိုးထွန်းပါ။

ဒေါ်ဇင်မာအောင်ရဲ့လက်ပစ်ဘောကို
ခေါင်းတိုက်သွင်းဖို့
ဒေါ်အိသဉ်ဇာမောင်က
အသင့်စောင့်ဆိုင်းနေပါတယ်။

နည်းပြဆရာကတော့ Dr.Z.W.S နဲ့ကိုယ်တို့ရဲ့သူရဲကောင်းကိုမင်းကိုနိုင်ပဲဖြစ်ပါတယ်။

မကြာခင်မှာ ဟိုဘက်အရူးအသင်းက
ကိုယ့်ဂိုးကိုယ်ပြန်သွင်းကြပါတော့မယ်။ 🤣🤣
အချိန်ပို လုံးဝမပါ။

09/10/2021

သတိထားမိလားမသိဘူး
အောက်တိုဘာမှာ စကစကပွဲတိုင်းနီးပါးရှုံးတယ်
တိုင်းမှူးအဖယ်ခံရတယ်
ဒုတိယဗိုလ်မှူးကြီး ဗိုလ်မှူး
ဗိုလ်ကြီး အပါအဝင် သံချပ်ကာကား
လူသူလက်နက်တော်တော်လေးဆုံးရှုံးသွားတယ်
ချင်းကိုနှစ်ပတ်အတွင်းအငြိမ်ထိန်းမယ်ဆိုပြီးတက်သွားတဲ့တပ်ဟာ ကျောက်ထုနဲ့မင်းတပ်ကြားကိုမချိတ်မိသေးဘူး။
ပေးလိုက်ရတဲ့စခန်းတွေကိုပြန်မသိမ်းနိုင်ဘူး။
မြို့နယ်ကိုးမြို့နယ်မှာ ခြောက် မြို့နယ်ကို ထိန်းလို့ရနိုင်လောက်ပြီလို့ CDF ကပြောတော့သိပ်မယုံဘူး
ခုဆိုင်ထားကြတဲ့ပုံအရ မြို့ကြီးတွေကျဖို့ကနေ့လားညလား
နောက်ဆုံးပြည်သူတွေစိတ်ပူမှာစိုးလို့ CDF ကဝင်မသိမ်းသေးပါဘူးပြောရတဲ့အထိ

ကယားကိုထိန်းဖို့ဆိုပြီး ဒီမော့ဆိုအနောက်ဘက်က ပတ်တက်သွားတဲ့စစ်ကြောင်းလည်းဘာသတင်းမှမကြားရတော့ဘူး။ဖယ်ခုံ ဘက်ကဝင်လာတဲ့တပ်လည်းငွေတောင်ဆည်မကျော်ဘူး။ကရင်နီဘက်ကိုဘယ်ကမှ ဖောက်လို့မရပဲ လွိုင်ကော်နားကိုပဲ ပြန်ဆုတ်နေရတယ်။
စစချင်းဖြစ်တဲ့မိုးဗြဲနားကတပ်ကလည်းထွက်လို့မရဘူး။

အရင်လို အကြီးတွေလှိမ့်ပစ်နေတာတောင်
ဘယ်နေရာကိုစစ်ကြောင်းတွေမွှေရမှန်းမသိပဲကြောင်ပျောက်နေတယ်။ဟိုက ခံစစ်ပုံသေမှမရှိတာ။
သတိထားမိလားမသိဘူး
စကစဘက်က လေကြောင်းမသုံးနိုင်တာရက်အတော်ကြာသွားပြီ။

ကချင်မှာငြိမ်နေတယ်ထင်ကြလို့ရေးပြဦးမယ်။
လီဒိုလမ်းမစိုးမိုးရေးဆိုပြီး အပေါ်ကိုတွန်းတင်နေတဲ့တပ်က အပေါ်ကိုမရောက်ဘူး။လမ်းမှာတင်ကျတာတော်တော်များပြီ။ရောက်ရင်တောင်ကြားက ထောက်ပို့ကိုဖြတ်ထားရင်ငတ်သေဦးမယ်။
အလောဘွမ်ကိုပြန်ထိုးမှာဘာညာအသံသာပြုနေတာ
အပေါ်မှာလည်းဘာမှလုပ်မရ။
နော်ကလည်းပို့သမျှပြုန်း ရွာတွေလည်နေတာအပြွတ်လိုက်ကြီး။KIA ပြောတာရှင်းတယ်။သူ့နယ်မှာတင့်ကားတွေပတ်ရုံမက ဆင်ရုပ်ကြီးထဲဝင်က ကဘာမှဂရုစိုက်စရာမလိုဘူး။အေးကိုယ့်နယ်ထဲလာကရင်တော့ ပြုစုပြီပဲတဲ့။တင့်ကားတွေအနားလာပတ်နေလို့မေးတော့ပြောတာ။

ကရင်နယ်မြေ ၅ ရော ၆ ရော။ဝင်လာရင်တီးလွှတ်နေတာ။
ဆက်တိုးတာကိုမတွေ့တော့သလောက်ပဲ။
တိုင်းမှူးလမ်းကြောင်းကို ဗိုလ်ကျော်သက်အဖွဲ့ဝင်ပစ်တာ G1 ကြီးပါလစ်သွားတယ်။နင့်ကနဲပဲ။အဲ့တာနဲ့ ဒီဘက်က ကောင်တာပြန်တာကြားလားဆိုတော့ဟင့်အင်းအေးဆေးပဲ ။မြန်မြန်သွားမြန်မြန်ပြန်ပေါ့။မောင်းတာများမြန်ချက် Video File ထဲတွေ့လိုက်တယ်။RPG နဲ့တစ်ကမ်းကထုတာ။စစ်ကြောင်းကားအဲ့လောက်နီးနီးကထုလို့ရတယ်ဆိုတာ သူတို့ပြောတဲ့ လခရ ဘယ်လောက်ဆိုးဝါးနေပြီဆိုတာသိပေတေ့ာပဲ။တစ်လတစ်လ ကရင်ဘက်ကစာရင်းချုပ်ရင် မနည်းဘူး။သူကလဖြတ်နဲ့ထုတ်တာ။

ဒီနယ်တွေပဲလားဆိုတော့ဘယ်ဟုတ်မလဲမပြီးသေးဘူး။
စစ်ကိုင်းနဲ့မကွေးမှာ တစ်ပတ်ကိုပေါင်းရင်ရာချီကျတယ်။
​ပဒေသာတွေသုံးလာတာမနည်းဘူး။ဒီကြားထဲ ဆွဲမိုင်းမဟုတ်ပဲအဝေးထိန်းစနစ်ကိုဘယ်ကရလာလဲမသိဘူး။လိုက်ပစ်လို့လည်းမရဘူး။ရွာတွေဝင်မွှေတာလည်းကုန်ပြီ။သေတာကလျော့မသွားဘူး။ဝင်မွှေတယ်နော်။အေးအပြန်မိုင်းမိပြီပဲဆိုတာမျိုး။မချောင်ဘူး။

အချို့က နယ်မြို့တွေအုပ်ချုပ်ရေးမှူးတွေထွက်ကုန်ပြီး
အုပ်ချုပ်ရေးပြိုတော့ မြို့ပေါ်ကတက်တစ်ခေါက်ခေါက်နဲ့
နည်းနည်းပါးပါးကိုယ့်ရပ်ကွက်ထဲလည်းပတ်ကြည့်ကြဦး
ရပ်ကွက်လူကြီးတွေအတွေ့မခံတော့တာသိလိမ့်မယ်။

ဆိုတော့ကာဒီထက်အခြေနေကောင်းအောင်ပိုကူကြဖို့လိုတယ် ။
တစ်နေ့ မClick ရင်တစ်နေ့ကိုယ့်လူအလိုတော်ရိပဲ
အနည်းဆုံး C2D ကနေယူကျူကြည့်ဂိမ်းဆော့သတင်းဖတ်တစ်ခုခုလုပ်။

ထမနဲထိုးနေသလိုပဲဘေးကနေနိုင်သလောက်တော့ပါ။ခါးတောင်းကိုမြှောင်အောင်ကျိုက်ပြီး ဘာမှမလုပ်ပဲ လူမြင်ကောင်းအောင်ဒယ်ကြီးပတ်ပြေးမနေနဲ့။
ယောင်းမကိုင်ထားတဲ့လက်တွေကိုအားနာ ။