What are the opening hours?

Monday 07:00 - 22:00 Tuesday 07:00 - 22:00 Wednesday 07:00 - 22:00 Thursday 07:00 - 22:00 Friday 07:00 - 22:00 Saturday 07:00 - 22:00 Sunday 07:00 - 22:00

https://www.facebook.com/756947934360795/

Bagan Zone Car Rental & City Tour Service, Nyaung U, Nyaungoo (2025)

10/05/2024

ပုဂံမြို့မှ (၁၂) မိုင်အကွာခန့်တွင်ရှိသော ဇီးအိုရွာမှာ
နှစ် သက်တမ်း ၉၀၀ ကျော်ပြီဖြစ်တဲ့ မန်ကျည်းပင်
ကိုင်းကိုးခွရှိ၍ မန်ကျည်းကိုးခွဟုလဲခေါ်ကြသည်။

ပုဂံရောက်တဲ့အခါ သိပ်မဝေးတာမို့
အင်ကြင်းတောနဲ့ မန်ကျည်းပင်ရှိရာ ဇီးအိုရွာကို
သွားရောက်လည်ပတ်ကြည့်နိုင်ပါတယ်ခင်ဗျာ ။

Photo credit 📸

29/04/2024

ပုဂံ

ပုဂံ (ခေါ်) တမ္ပဒီပ သည် မြန်မာနိုင်ငံ၏ ပထမဆုံးဧကရာဇ်နိုင်ငံ တည်ထောင်ရာ မြို့တော်ဟူ၍ မြန်မာတို့အတွက် အမျိုးသားရေး လက္ခဏာတစ်ရပ်အနေဖြင့်လည်းကောင်း၊ များပြားလှသည့် ရှေးဟောင်းလက်ရာ စေတီပုထိုးများကြောင့်လည်း‌ေကာင်း၊ ကမ္ဘာလှည့်ခရီးသည်တို့ကို ဆွဲဆောင်ရာနေရာအဖြစ်လည်းကောင်း ကမ္ဘာကျော်သည့် နေရာတစ်နေရာ ဖြစ်သည်။ ၂၀၁၉ ခုနှစ်၊ ဇူလိုင်လ ၆ ရက်နေ့တွင် ပုဂံရှေးဟောင်းယဉ်ကျေးမှုဒေသတစ်ခုလုံးကို ယူနက်စကို ကမ္ဘာ့အမွေအနှစ်နေရာအဖြစ် သတ်မှတ်ခဲ့သည်။

🟡 ဝေါဟာရရင်းမြစ်

များသောအားဖြင့် ပျူဂါမမှ ပုဂါမ၊ ပုဂါမ်မှ ပုဂံဖြစ်လာခဲ့သည်ဟု ဖော်ပြလေ့ရှိကြသည်။ ဤကဲ့သို့ ဖော်ပြခြင်းမှာ မှန်နန်းရာဇဝင်ကြီး စသည်များတွင် သရေခေတ္တရာပြည် ပျက်ပြီးနောက် သရေခေတ္တရာမှ ပျူအစုတို့သည် တောင်ညိုအရပ်၊ ၎င်းနောက် ပန်းတောင်းသက်သာအရပ်၊ ထိုမှ မင်းတုန်းအရပ်၊ တဖန် ယုန်လွှတ်ကျွန်းအရပ်သို့ အဆင့်ဆင့် အဆင့်ဆင့် ပြောင်းရွှေ့လာခဲ့ကြပြီးနောက် ထိုယုန်လွှတ်ကျွန်းအရပ် ရွာပေါင်း တစ်ဆယ့်ကိုး ရွာသားတို့နှင့် သမုဒ္ဒရာဇ်မင်းသည် အရိမဒ္ဒနာမည်သော ပုဂံပြည်ကို တည်လေသည်ဟု ပါရှိခြင်းများကို အထောက်အထားပြု၍ ဖော်ပြကြခြင်းပင် ဖြစ်ဟန်ရှိလေသည်။ တုရင်တောင်အရှေ့ ယုန်လွှတ်ကျွန်း ဒေသတွင် လာရောက်တည်ထောင်သော ပျူအမျိုးစုတို့နှင့် ရွာတစ်ဆယ့်ကိုးရွာဟူသော စကားပေါင်းစပ်၍ ပျူဂါမဟူသောအမည် ပေါ်ထွက်လာခြင်း ဖြစ်ပေသည်။

ရှေးပုဂံခေတ် ကျောက်စာများတွင် "'ပုကံ"'ဟူ၍ ရေးသားပြီး ပုဂံဟူသော အရေးအသားမှာ အလွန်နည်းပါးသည်။ ပုဂံခေတ်ကျောက်စာများတွင်သာမက ပင်းယ၊ အင်းဝ ကျောက်စာများတွင်လည်း ပုကံဟူသော အရေးအသားမှာ များပြားပါသည်။
ထီးလှိုင်ရှင် ကျန်စစ်သားမင်းကြီး (၄၄၆-၄၇၅) ရေးထိုးခဲ့သော မွန်ဘာသာ ကျောက်စာများတွင် ပုဂံအမည်ကို ပါဠိဘာသာတွင် "'ပေါကာမ"'ဟု လည်းကောင်း ၊ မွန်ဘာသာတွင် "'ပေါကာမ်"'ဟု လည်းကောင်း ပါရှိသည်။

🟡တည်နေရာ

မန္တလေးတိုင်းအတွင်းရှိ ညောင်ဦးမြို့နယ်အတွင်း ဧရာဝတီမြစ်၏ အရှေ့ဘက်ကမ်းတွင်တည်ရှိသည်။ မန္တလေးမြို့မှ အနောက်တောင်ဘက် မိုင် ၉ဝ အကွာတွင်တည်ရှိသည်။

🟡သမိုင်းကြောင်း

ပျူမြို့ပြနိုင်ငံများခေတ် ကုန်ဆုံးပြီးနောက် တကောင်းနယ်မှတစ်ဆင့် မြန်မာနိုင်ငံအလယ်ပိုင်းဒေသ အတွင်းသို့ အုပ်စုများဖွဲ့ကာ ဝင်ရောက်လာသည့် ဗမာလူမျိုးတို့သည် မူရင်းဌာနေလူမျိုးများဖြစ်သည့် ပျူ တို့ထံမှ စာပေ၊ လယ်ယာစိုက်ပျိုးခြင်း နှင့် ယဉ်ကျေးမှုများကို ဆက်ခံရယူကာ တဖြည်းဖြည်း အင်အားကောင်းသည့် အဆင့်သို့ရောက်လာသည်။ မူလအစက စစ်တိုက်ခိုက်ခြင်းဖြင့် ကျော်ကြားသော လူမျိုးသည် စည်းလုံးခြင်းဖြင့်သာ မိမိတို့၏အသက်အိုးအိမ်စည်းစိမ်များကို ကာကွယ်နိုင်မည်ဟုသော စစ်ရေးအမြင်ဖြင့် မြို့ရွာများကို စုစည်းတည်ထောင်လာကြသည်။ သို့ဖြင့် လမ်းခရီးနှင့်ဆက်သွယ်ရေး လွယ်ကူပြီး မိမိတို့ အခြေချရာ ရပ်ဝန်း၏ ဗဟိုတွင်ရှိသည့် ဒေသမှ ကျေးရွာများကို စုစည်းကာ ပုဂံမြို့အဖြစ် တည်ထောင်လိုက်ကြသည်။

ပုဂံသည် စတုတ္ထပုဂံ မင်းဆက်များ နန်းတည်သွားသော နေရာဖြစ်သည်။ ပျဉ်ပြားမင်း(၈၄၆-၈၇၆)လက်ထက်မှ စောမွန်နစ်မင်း(၁၃၂၅-၁၃၆၈)အထိ စိုးစံခဲ့ကြသည်။

🟡ပုဂံနိုင်ငံတော်

အစောပိုင်း ပုဂံမင်းဆက်များနှင့် ပတ်သက်၍ တိကျသည့် သမိုင်းအထောက်အထားများကို မတွေ့ရပဲ ပါးစပ်ရာဇဝင်များအနေဖြင့်သာ မှတ်သားလာခဲ့ကြပြီး အနော်ရထာမင်းလက်ထက်ရောက်မှသာ တိကျသည့် သမိုင်းအထောက်အထားများကို စတင်တွေ့ရှိလာကြရသည်။ အနော်ရထာ၏ သိမ်းသွင်းမှုကြောင့် ပုဂံနိုင်ငံတော်သည် ပဒေသရာဇ် အဆင့်မှ ဧကရာဇ် (အင်ပါယာ) အဆင့်တို့ တက်လှမ်းလာနိုင်ခဲ့သည်။ သူ့နောက် ဆက်ခံသည့် စောလူးမင်းလက်ထက်တွင် တိုင်းပြည်အခြေအနေဆိုးရွားသွားခဲ့သော်လည်း ကျန်စစ်သား၊ အလောင်းစည်သူ အစရှိသည့် မင်းများလက်ထက်တွင်မူ တိုင်းပြည်အင်အား ပြန်လည်ပြည့်ဝလာပြန်သည်။

🟡ပုဂံနိဂုံး

အလောင်းစည်သူနောက် နန်းတက်သည့် မင်းများလက်ထက်တွင် ပုဂံ၏ဩဇာအာဏာကျဆင်းလာသလို၊ နယ်ခြားမှ ရန်သူများ၏ လုပ်ကြံမှုကြောင့် ထီးဆောင်းမင်းတစ်ပါးကျဆုံးရသည့် အဖြစ်၊ နရသီဟပတေ့ကဲ့သို့ အစားကျူးပြီး အမျက်ဒေါသကြီးသည့်မင်း အစရှိသဖြင့် ပေါ်ပေါက်လာသည်။ ခရစ်နှစ် ၁၂၈၇ တွင် မွန်ဂိုတို့၏ ကျူးကျော်မှုကြောင့် နရသီဟပတေ့ ပုဂံကိုစွန့်ခွာထွက်ပြေးရခြင်းဖြင့် ပုဂံ၏ဩဇာမှာ လုံးဝကျဆင်းတော့သည်။ ရှင်ဒိသာပါမောက်၏ သံတမန်ရေးကျွမ်းကျင်စွာ အရေးဆိုမှုကြောင့် မွန်ဂိုဘုရင် ကူဗလိုင်ခန်က တပ်များကို ပြန်ဆုတ်စေသည်။ ထိုမှစကာ ပုဂံမင်းဆိုသည်မှာ အဆောင်အယောင်မျှသာ ဖြစ်၍ အမှန်ဩဇာကြီးသူများမှာ ရှမ်းညီနောင်သုံးဦး ဖြစ်သည်။

🟡ယနေ့ပုဂံ

ယနေ့ပုဂံမှာ ရှေးဟောင်းလက်ရာများနှင့် ပြည့်နက်နေသည့် မြို့ဟောင်းကြီးအသွင်မျှသာ ကျန်ရှိတော့သည်။ သို့သော် အဆိုပါရှေးဟောင်းလက်ရာများမှာ ပြည်တွင်း၊ ပြည်ပတို့မှ ခရီးသွားများကို ဆွဲဆောင်နိုင်သည်ဖြစ်၍ အတော်ပင်ကျော်ကြားလှပေသည်။ ကမ္ဘာလှည့်ခရီးသည်များ၏ အဓိကလှည်ပတ်ရာ နေရာတစ်ခုအဖြစ် ရပ်တည်လျက်ရှိသည်။ သို့သော် သီးခြားမြို့အဖြစ် ရပ်တည်နိုင်ခြင်းမရှိပဲ ညောင်ဦးမြို့နယ်အတွင်းတွင် ပုဂံရှေးဟောင်းယဉ်ကျေးမှုနယ်မြေ အဖြစ်ထည့်သွင်းထားသဖြင့် အများအခေါ်တွင် ပုဂံ-ညောင်ဦး ဟူ၍ထင်ရှားသည်။ ညောင်ဦးမြို့သည် ယခင်က ရွာကြီး ၁၉ရွာစုစည်း၍ ယုန်လွှတ်ကျွန်းအရပ်၌ နန်းတည်စဉ်က ညောင်ဦးရွာဟူ၍ ယနေ့တိုင်တည်ရှိဆဲဖြစ်သည်။
၂၀၁၆ ခုနှစ်၊ ဩဂုတ်လ (၂၄)ရက်နေ့ မြန်မာစံတော်ချိန် နေ့လယ် (၅)နာရီ (၀၄)မိနစ် (၅၅)စက္ကန့်အချိန်တွင် မန္တလေး မြေငလျင် စခန်းမှ အနောက်တောင်ဘက် (၁၂၃)မိုင်ခန့် ကွာဝေးသော မြန်မာနိုင်ငံပြည်တွင်း (ချောက်မြို့အနောက်ဘက် (၁၂)မိုင်ခန့်အကွာ)ကို ဗဟိုပြု၍ အင်အားရစ်(ခ်)တာ စကေး (၆.၈)အဆင့်ရှိ အင်အားပြင်းထန်သော မြေငလျင် တစ်ခုလှုပ်ရှားသွားသဖြင့် ပုဂံရှိ စေတီပုထိုး ၆၅ဆူခန့် ထိခိုက်ပျက်စီးခဲ့သည်။

🟡မြေမျက်နှာသွင်ပြင်

ပုဂံရှေးဟောင်းယဉ်ကျေးမှုနယ်မြေသည် မြောက်ဘက်တွင် ညောင်ဦး နှင့် တောင်ဘက်တွင် ပုဂံမြို့သစ်တို့ တည်ရှိပြီး ဧရာဝတီမြစ်ဘေး မြန်မာနိုင်ငံအထက်ပိုင်း ကျယ်ပြောလှသော လွင်ပြင်တွင် တည်ရှိသည်။ မန္တလေးမြို့ မှ အနောက်တောင်ဘက် ကီလိုမီတာ ၂၉၀ (မိုင် ၁၈၀) ကွာဝေးပြီး ရန်ကုန်မြို့မှ မြောက်ဘက် ကီလိုမီတာ ၇၀၀ (မိုင် ၄၃၀) အကွာတွင် တည်ရှိသည်။

🟡ရာသီဥတု

ပူပြင်းခြောက်သွေ့သည့် ရာသီဥတုမျိုးဖြစ်သည်။

🟡ယဉ်ကျေးမှု

ပုဂံခေတ်ယဉ်ကျေးမှုသည် မြန်မာနိုင်ငံအတွက် ပျူ နှင့် မွန်တို့ပြီးလျှင် တိုးတက်ဖြစ်တည်လာသည့် ယဉ်ကျေးမှုဟု ဆိုရမည်ဖြစ်သည်။ ပျူတို့ထံမှ ဘာသာ၊ ကိုးကွယ်ယုံကြည်မှု နှင့် မွန်တို့ထံမှ အနုပညာ၊ လယ်ယာစိုက်ပျိုးရေး၊ စာပေအက္ခရာ အစရှိသည်တို့ကို သင်ယူခဲ့ကြသည်။ ထို့ကြောင့် နရပတိစည်သူမတိုင်မီ အထိတည်ဆောက်ခဲ့သည့် ပုဂံရှိ စေတီပုထိုးများမှာ မွန်တို့၏ ဓလေ့၊ လက်ရာနှင့် အယူအဆများလွှမ်းမိုးနေသည်ကိုတွေ့ရသည်။ သို့သော် နရပတိစည်သူမင်းလက်ထက်မှစ၍ လက်တွေ့ကျသည့် မြန်မာတို့သည် စိတ်ကူးယဉ်ဆန်သည့် မွန်တို့ထက် ပို၍တက်ကြွသည့်၊ အရပ်ဒေသနှင့် ပိုမိုကိုက်ညီမည့် လက်ရာများကို တီထွင်သုံးစွဲလာကြသည်။

🟡ပြတိုက်

ပုဂံရှေးဟောင်းသုတေသနပြတိုက်သည် ပုဂံရှေးဟောင်းယဉ်ကျေးမှုနယ်မြေအတွင်း တစ်ခုတည်းသော ရှေးဟောင်းသုတေသနပြတိုက်ဖြစ်သည်။ (၃) ထပ်အဆောက်အဦးဖြစ်ပြီး မြစေတီကျောက်စာမူရင်း အပါအဝင် ရှေးဟောင်းအမွေအနှစ်များကို ပြသထားသည်။ မြန်မာနိုင်ငံ၏ပထမဆုံးသော ပုဂံရှေးဟောင်းသုတေသန ပြတိုက်ကို ၁၉၀၄ ခုနှစ်တွင် ပုဂံမြို့ဟောင်း အာနန္ဒာဘုရား၏မြောက်ဘက်စောင်းတန်းအနီးတွင် စတင်ဖွင့်လှစ်ခဲ့သည်။ ၁၉၇၉ ခုနှစ်အောက်တိုဘာလတွင် ကန်တော့ပလ္လင်ဘုရား တောင်ဘက်၌ ရှစ်မြှောင့်ပုံသဏ္ဌာန်ရှိသော ရှေးဟောင်းသုတေသနပြတိုက်ကို ထပ်မံတည်ဆောက်ဖွင့်လှစ်ခဲ့သည်။ ယခုလက်ရှိကမ္ဘာ့အဆင့်မီ ရှေးဟောင်း သုတေသနပြတိုက်ကြီးကို ၁၉၉၈ ခုနှစ် ဧပြီလ (၁၇) ရက်နေ့တွင်ဖွင့်လှစ်ပြသနိုင်ခဲ့သည်။ ပြတိုက်ကြီးတွင် အထူးပင်မပြခန်း၊ ပုဂံခေတ်ဗိသုကာပြခန်း၊ ပုဂံခေတ်လက်မှုအနုပညာပြခန်း၊ ပုဂံခေတ်နန်းမြို့ပြခန်း၊ ပုဂံခေတ်စာပေပြခန်း၊ ပုဂံခေတ်လူနေမှုဘဝပြခန်း၊ ပုဂံခေတ်ဗုဒ္ဓအနုပညာပြခန်း၊ ပုဂံခေတ်ဗုဒ္ဓဆင်းတုတော်များပြခန်း၊ ပုဂံခေတ်ဘုရားပုထိုးပန်းချီပြခန်းနှင့် ပုဂံခေတ်နံရံဆေးရေးပန်းချီပြခန်းစသည့် ပြခန်း(၁၀)ခန်းဖြင့် ခင်းကျင်းပြသထားသည်။၂၀၁၇ခုနှစ်တွင် ကလေးများပြတိုက်ကို ပြတိုက်ကြီး၏ မြောက်ဘက်ရှိရှစ်မြှောင့်ပုံသဏ္ဌာန်အဆောက်အဦ၌ ခင်းကျင်းပြသထားသည်။

🟡နန်းတော်

အနော်ရထာမင်း နန်းတော် - ၂၀၀၃ ခုနှစ်တွင် ယခင်တည်ရှိခဲ့သော နန်းတော်ပေါ်မူတည်၍ ပြန်လည်တည်ဆောက်ခဲ့သည်။ သို့သော် မြေပြင်အထက်မှာ စိတ်ကူးသက်သက် ပြန်လည်ပုံဖော်တည်ဆောက်ထားခြင်း ဖြစ်သည်။

🟡သယ်ယူပို့ဆောင်ရေး

ပုဂံသို့ လေယာဉ်၊ ရထား၊ ကား တို့အပြင် သင်္ဘောဖြင့်ပါ လာရောက်နိုင်သည်။ လည်ပတ်စရာအနေဖြင့် e-bike ငှားရမ်းအသုံးပြုနိုင်သည်။

🟡လေကြောင်းလိုင်း

နိုင်ငံခြားသားခရီးသွား အများစုသည် လေကြောင်းလိုင်းကို အသုံးပြု၍ ပုဂံသို့ လာရောက်လည်ပတ်ကြသည်။ ညောင်ဦးလေဆိပ်မှာ ပုဂံဒေသ၏ လေကြောင်းဝင်ထွက်သွားလာရာ ဖြစ်သည်။ ပြည်တွင်းလေကြောင်းလိုင်း အများစုမှာ ပုဂံသို့ ဆင်းသက်ကြသည်။ ရန်ကုန်မြို့မှ လာပါက မိနစ် ၈၀ ခန့် ကြာမြင့်ပြီး မန္တလေးမြို့မှ လာပါက မိနစ် ၃၀ ခန့်ကြာမြင့်မည် ဖြစ်သည်။ ညောင်ဦးလေဆိပ်သည် ညောင်ဦးမြို့အပြင်ဘက်တွင် တည်ရှိပြီး ပုဂံသို့ ရောက်ရှိရန် ကားဖြင့် (၁၅) မိနစ် ခန့် ကြာမြင့်မည် ဖြစ်သည်။

🟡ရထား

ပုဂံရထားလမ်းသည် ရန်ကုန် - မန္တလေး ရထားလမ်းမှ ပျဉ်းမနား ဘူတာတွင်လမ်းခွဲပါသည်။ ယခင် ပျဉ်းမနား - ကျောက်ပန်းတောင်းရထားလမ်းမှ ဆက်ဖောက်ထားသောလမ်းဖြစ်ပြီး ယ္ခုအခါ ပခုက္ကူ နှင့် မြင်းခြံတို့ထိဆက်ထားသည်။ မြန်မာ့မီးရထားမှ နေ့စဉ် ရန်ကုန် - ပုဂံ ခရီးစဉ်ကို ပြေးဆွဲပေးလျက် ရှိသည်။ ရန်ကုန် မှ ပုဂံသို့ (၁၈) နာရီခန့် ကြာမြင့်မည် ဖြစ်သည်။ ရထားတွင် အိပ်စဉ်၊ အထက်တန်း နှင့် ရိုးရိုးတန်းတို့ ပါဝင်သည်။]မန္တလေး - ပုဂံ ရထားမှာ ၁ ရက်လျှင် ၂ ကြိမ် ပြေးဆွဲလျက် ရှိပြီး (၈) နာရီခန့် ကြာမြင့်သည်။ သို့သော် အိပ်စဉ်တွဲ မပါဝင်ဘဲ အထက်တန်း နှင့် ရိုးရိုးတန်းသာ ပါဝင်သည်။

🟡ကားလမ်း

ရန်ကုန်မှ ပုဂံသို့ ကားလမ်းမှ လာလျှင် ၉ နာရီ နှင့် ၁၀ နာရီ အသီးသီးကြာမြင့်သည်။ မန္တလေးမှ ပုဂံသို့ ကားလမ်းမှသွားလျှင် ၃ နာရီ နှင့် ၄ နာရီ ကြာမြင့်သည်။
ရေကြောင်း

မန္တလေး - ပုဂံ အသွားအပြန် သင်္ဘောများ ရှိပြီး ဧရာဝတီ မြစ်ကြောင်းတစ်လျှောက် ကီလိုမီတာ ၁၇၀ သွားလာရန် ၉ နာရီခန့် ကြာမြင့်မည် ဖြစ်သည်။ ခရီးသွားရာသီတွင် နေ့စဉ်ခရီးစဉ် ရှိပြီး တစ်ခါတစ်ရံ ညအိပ်ခရီးစဉ်များပါ ရှိသည်။

🟡ထင်ရှားသည့် ပုဂံဘုရားပုထိုးများ

• ရွှေစည်းခုံစေတီ
• အလိုတော်ပြည့်ဂူဘုရား
• ထီးလိုမင်းလိုဘုရား
• အာနန္ဒာဘုရား
• ကန်တော့ပလ္လင်ဘုရား
• သဗဗြညုဘုရား
• ဗူးဘုရား
• ရွှေဆံတော်စေတီ
• ဓမ္မရံကြီးဘုရား
• လောကထိပ်ပန်ဘုရား
• မြစေတီ
• မနူဟာဘုရား
• နန်းဘုရားကျောင်း
• လောကနန္ဒာဘုရား
• ပြဿဒါးကြီး (ပြဿဒ်ကြီး)
• သကျမုနိ
• ရှင်ပင်သာလျောင်း
• ဂူပြောက်ကြီး
• ငှက်ပစ်တောင်ဘုရား(ညောင်ဦး)
• စူဠာမဏိဘုရား
• ဘုရားသုံးဆူ(ပုဂံ)
• သမ္ဘူလဘုရား
• တရုတ်ပြေးဘုရားကြီး
• အပယ်ရတနာဘုရား
• ရွှေဂူကြီး( နန်းဦး) ဘုရား

🟡စွယ်တော်လေးဆူ

• ရွှေစည်းခုံစေတီ
• တန့်ကြည့်တောင်စေတီ
• လောကနန္ဒာစေတီ
• တုရင်တောင်စေတီ

🟡ဘုရားပုထိုးများ

• ဂူပြောက်ကြီး (ဝက်ကြီးအင်း)
• ဂူပြောက်ငယ် (ဝက်ကြီးအင်း)
• ဆပဒစေတီ
• ကျောက်ဂူဥမင်ဘုရား
• ကုန်းတော်ကြီးဂူဘုရား
• သကျမုနိဂူဘုရား
• ထီးလိုမင်းလိုဘုရား
• အာနန္ဒာဘုရား
• ရွှေဂူကြီးဘုရား
• သံတော်ကြားဘုရား
• သဗဗြညုဘုရား
• ဓမ္မရံကြီးဘုရား
• ရွှေဆံတော်စေတီ
• ရှင်ပင်သာလျောင်း
• မင်္ဂလာစေတီ
• ပုထိုးသားများဂူဘုရား
• ကန်တော့ပလ္လင်ဘုရား
• မဟာဗောဓိစေတီ
• ဗူးဘုရား
• ဂူပြောက်ကြီး (မြင်းကပါ)
• ဂူပြောက်ငယ် (မြင်းကပါ)
• မြင်းကပါစေတီ
• ပေါ်တော်မူဘုရား
• မနူဟာဘုရား
• နန်းဘုရားကျောင်း
• အပယ်ရတနာဘုရား
• နဂါးရုံဂူဘုရား
• စိမ်းညက်အစ်မဘုရား
• စိမ်းညက်ညီမဘုရား
• နန္ဒာမညာဂူဘုရား
• သမ္ဘူလဘုရား
• ဘုရားသုံးဆူ
• လေးမျက်နှာဂူဘုရား
• ဓမ်မရာဇိကဘုရား
• စူဠာမဏိဘုရား
• မြစေတီ
• ပြဿဒါးကြီး (ပြဿဒ်ကြီး)
• အလိုတော်ပြည့်ဂူဘုရား
• ရှင်မထီးဘုရား
• ငကျွဲနားတောင်းစေတီ
• လောကထိပ်ပန်ဘုရား
• စိုးမင်းကြီးစေတီ
• ဖက်လိပ်ဘုရားများ
• စေတနာကြီးဘုရား (စည်စနာ)
• ဂူပြောက် (ဗိုလ်ချိုမိဂူပြောက်)
• တရုတ်ပြေးဘုရားကြီး
• ရပ်စောက်ဂူဘုရား
• တောင်ပုံလောကနာထ ဂူဘုရား
• တိုင်းချွတ်ဂူဘုရား
• ပုတ္တလင်ပုထိုး
• မြင်းပြဂူဘုရား
• ကျဆင်းဂူဘုရား
• အဇ္ဇဂေါဏဂူဘုရား
• ငလူးဂူဘုရား
• စောလှဝန်းဂူဘုရား
• မလာဖြစ်ဂူဘုရား
• မလုံးဖြစ်ဂူဘုရား
• လက်ပွတ်ကန်ဂူဘုရား
• သင်္ကန်းရုံဂူဘုရား
• သမန်းဂူဘုရား
• ဇံသီးဂူဘုရား
• ထောက်လှော်ကားဂူဘုရား
• တပ်ခလေးဂူဘုရား
• ပိန်နဲဂူဘုရား
• ဇေယျသွတ်ဂူဘုရား
• ကဇွန်းအိုဘုရား
• သုံးနယ်ခြားဂူဘုရား
• ဆင်များရှင်ဘုရား
• ရှင်ပင်သက်ရှည်ဘုရား
• သက်တော်ရစေတီတော်
• ထီးတန်ဆောင်ဘုရား
• ငှက်ပစ်တောင်ဘုရား
• နရသီဟပတေ့မင်းကောင်းမှုဘုရား
• အိမ်ရာကျောင်းငါးမျက်နှာ
• တန်ဆောင်းဂူဘုရား
• မြေပုံသာဘုရားလှ(လောကမုနိ)
• တာမနိဘုရား
• ချောက်ဘုရားလှ
• ချောက်ဘုရားလှငယ်
• ဂူနီဘုရား

🟡အထင်ကရ နေရာများ

• ပုဂံမြို့ဟောင်း
• ပုဂံမြို့သစ်
• ပုဂံရှေးဟောင်းသုတေသနပြတိုက်
• ပုဂံနန်းတော်ရာ
• သရပါတံခါး
• ငှက်ပစ်တောင်
• မြင်းကပါ
• ဥပါလိသိမ်
• နတ်လှောင်ကျောင်း
• ရှင်အာနန္ဒာအုတ်ကျောင်း
• ကျန်စစ်သားဥမင်
• မြကန် -ပိဋကတ်တိုက်
• မီးမလောင်ကျောင်း
• စိုးမင်းကြီးကျောင်း
• အာမနာကျောင်း -ဖွားစောရွာ -မင်းနန်သူရွာ
• သူဌေးမုခ်ဂူ
• ကျောက်စာဂူ
• စာသင်ဂူ
• တုရင်တောင်
• မြကန်စက္ကူတိုက်
• တန့်ကြည့်တောင်
• သမီးဝှက်ဥမင်နှင့် မြားသဂူ
• သီရိပစ္စယာ

#သွားမယ်&တည်းမယ်

Credit
ပြန်လည်မျှဝေခြင်းဖြစ်ပါသည်။

18/03/2024

ပုဂံကိုချစ်တယ်
ဘုရားတွေကြား ဓာတ်ပုံရိုက်ပြီး
အမှိုက်ချတယ်....

ပုဂံကိုချစ်တယ်
ဘုရားတွေသွား မကန်တော့ဘဲ
ဖိနပ်တွေစီးတယ်....

ပုဂံကိုချစ်တယ်
ဘုရားတွေပေါ်တက်
နံရံမှာ စာတွေရေးတယ်....

ပုဂံကိုချစ်တယ်
နံရံဆေးရေးပန်းချီတွေ
လက်တွေနဲ့ ပွတ်တယ်
Correction Pen နဲ့ စာရေးတယ်...

ပုဂံကိုချစ်တယ်
ဘုရားသမိုင်း လေ့လာပြီး
ဘယ်ဘုရားက သရဲခြောက်လဲတဲ့....

ပုဂံကိုချစ်တယ်
သောင်ပြင်ဆည်းဆာ အရမ်းလှတယ်
အရက် ဘီယာသောက်တယ်.....

ပုဂံကိုချစ်တယ်...

18/03/2024

ပုဂံနွေဦးအလှ သပြေဘူတ 💛

သူတို့လေးတွေပေါ့...
တစ်နှစ်မှတစ်ခါ ပွင့်လန်းခွင့်ရကြပေမယ့်

အလှဆုံး ပုံရိပ်လေးတွေနဲ့ ပီပီသသပွင့်လန်းကြတယ်🌼

ပုဂံနွေဦးနဲ့ အလိုက်ဖက်ဆုံးလေးတွေပေါ့💛

လွမ်းစရာ ပုဂံနွေ 💛

: Photos

28/01/2024

ပုဂံ တန်ခိုးကြီး ထင်ရှားတဲ့

စူဠာမနိဘုရားကြီး

Crd Photo : Sein Lin Maung - Bagan

28/01/2024

Bagan Nyaung U Airport
1975

26/01/2024

ချင်းပြည် တိမ်ပင်လယ်ပေါမှာတည်ထားတဲ့ ဖလမ်းမြို့အလှ😱🏞️ ☁️

24/01/2024

" ရှေးဗူးဘုရားက ပုဂံရေသည်လေး "

ကျွှန်တော်ဧည့်လမ်းညွှန်လုပ်ရန် အဂ်လိပ်စကား စသင်ခါစတွင် ကျနော့်အမေဟာ သူမငယ်စဉ်က ပုဂံဗူးဘုရားမှာ နိုင်ငံခြားသားနှင့် ဈေးရောင်းစကားပြောတဲ့ပုံစံကို သရုပ်ဆောင် ပြောပြခဲ့တယ်ဗျ...

"ဟယ်လိုး .... လစ်ပက်စတစ် ... ပဖြူး... ဆွိ ဆွိ..." လို့ပြောကာ လက်ဟန်ခြေဟန်နှင့် လုပ်ပြခဲ့တာမမေ့ပါ...
လစ်ပက်စတစ် ဆိုတာ Lipstick နှုတ်ခမ်းနီ၊
ပဖြူး ဆိုတာ Perfume ရေမွှေး၊
ဆွိ ဆိုတာ sweet ချိုချဉ် ကိုပြောတာပါ၊
အမေ သရုပ်ဆောင်ပြတိုင်း ရယ်ရတာ အူတောင်နာတယ်ဗျ....

ဒီလို နိုင်ငံခြားသားလေးတွေ စရောက်လာပြီး ပုဂံခရီးသွားလုပ်ငန်းလေး စစိုပြေချင်လာတာဟာ ၁၉၇၅ ပုဂံ ငလျှင်ကြီးလှုပ်ပြီးမှပါ၊ တစ်နည်းအားဖြင့် ငလျှင်ကြီးဟာ ဘုရားများစွာ ပျက်စီးစေသော်လဲ ပုဂံကို နာမည်ကြီးအောင် တစ်မျိုးတစ်ဖုံပြောင်းလဲစေတယ် ပြောရမှာပဲဗျ။

၁၉၇၅ ငလျှင်မတိုင်ခင်က ပုဂံမှာ ခြောက်တီးခြောက်ချက် မြန်မာဘုရားဖူးလေးတွေပဲရှိခဲ့ပြီး ပုဂံဟာ ရွာကြီးသာသာ မြို့သေးလေးဖြစ်တာက တစ်ကြောင်း စီပွားရေး အချက်အခြာမကြတော့ မချမ်းသာခဲ့ရှာပါ၊ ယွန်းထည်လုပ်ငန်းဟေ့ ဆိုရင်လဲ များများစားစား မရှိပဲ ရွာသစ်ရပ်ကွက် တစ်ခုလောက်သာ အားလုံးနီးပါး ယွန်းထည်ထုတ်လုပ်ကြပြီး ပုဂံတန်ခိုးကြီးနာမည်ကြီး အာနန္ဒာဘုရား ကန်တော့ပုလင် စသည့်ဖြင့်တို့လိုနေရာတွေပဲ ဆိုင်လေးတွေမှာ ရောင်းချ၊ အချို့ ရန်ကုန်ပို့ခဲ့သတဲ့ဗျ၊ ခုခေတ်လို လူအများစု ယွန်းထည်မလုပ်ခဲ့ကြပါဘူး၊ ခုခေတ်ဆိုတာ ကိုဗစ်မတိုင် ခေတ်ကောင်းခဲ့စဉ်ပေါ့လေ....

ယခုခေတ်တော့ ဘုရားအတော်များများမှာ ယွန်းထည်ဆိုင်၊ လက်ဆောင်ပစ္စည်းဆိုင်၊ စားသောက်စရာဆိုင်တွေပေါသလောက် ၁၉၇၅ ငလျှင်မတိုင်ခင် ကျနော့ အမေတို့ ငယ်စဉ်က, ဥပမာ ဗူးဘုရားမှာဆိုရင် လက်ဖက်ရည်ဆိုင်သေးလေးတစ်ဆိုင်ရယ် ဘုရားမုတ်ပေါက်ဝမယ် စားပွဲလေးနဲ့ အမှတ်တရအဖြူအမဲ ဘုရားပုံလေးတွေ ချရောင်းနေတဲ့ ဦးလေးတစ်ယောက်လောက်ပဲရှိခဲ့တာပါတဲ့...မုန့်ဆိုင်လေး ချောက်တီးချောက်ချက်တော့ရှိခဲ့သပေါ့၊

ကျနော့ကို မွေးမဲ့ အမေဟာ ပုဂံမြို့ဟောင်း ဗူးဘုရားဘေးက ကျောက်မှော်ဆိုတဲ့ ရပ်ကွက်သေးလေးမှာနေထိုင်ပြီး သူမ၏ သူငယ်ချင်းနှစ်ယောက်နှင့်အတူ ဘုရားဖူးတွေကို သောက်ရေရောင်းခဲ့ပါသတဲ့၊ လွန်ခဲ့တဲ့ ၄၈ နှစ်ခန့်ကပေါ့။

ရန္တပိုရေအိုးအလတ်စားလေးတွေ ခေါင်းပေါ်ရွက်ပြီး " ရေကုသိုလ်.... ရေကုသိုလ်... " ဟုဆိုကာ စခဲ့ကြသတဲ့...

ရေကုသိုလ်ဆိုတာလဲ Business strategy တစ်မျိုးပဲလေ၊ ရေသောက်ပြီး ပြန်လှူခဲ့တာ မနဲမနောကိုး... ရောင်းတာထက် တွက်ခြေကိုက်တာဆိုတော့။

ရှေးထဲက ကလေးတွေများ လည်လိုက်ကြတာနော်၊ နောက်တော့ ရေကုသိုလ် ဗျူဟာက မကိုက်တော့တာလားမသိဘူး အခကြေးငွေနဲ့ ရောင်းလာကြပါရော။

ရန္တပိုမြေအိုးလေးထဲ ရေအပြည့်ဖြည့် ဒန်ပန်းကန်လေးဖုံး ဒန်ခွက်သေးလေး အပေါ်မှောက်တင် ခေါင်းပေါ်ရွက်ကာ သံဃာစင် လို့ခေါ်တဲ့ ဗူးဘုရားဘေးက ကြီးမားတဲ့ သစ်သားတန်းလျှားအရှည်ကြီးပေါ် ဘုရားဖူး တွေ အဖွဲ့လိုက် ထမင်းစားဝိုင်းကြပြီဟေ့ဆိုရင် သူတို့ဂွင်ပေါ့၊

ရေအိုးလေးဘေးချ "အမကြီး သောက်ရေယူဦးမလား... တစ်ခွက် ၁၀ပြားပါ၊ တစ်အိုးလုံးယူ လျှော့ပေးပါမယ်တော့..." ဆိုတော့ နေပူပူမယ် ရေငတ်လွယ်တော့ ဘုရားဖူးအဖွဲ့လိုက်တွေ အိုးပြတ်တွယ်ကြတာပေါ့၊ အံမယ်... တစ်ခါတစ်လေ တစ်အိုးလုံးယူတာတွေကို အဖိုးငွေအား ပေးချင်သလောက်သာ ပေးခဲ့ပါ လုပ်သေးတာတဲ့ ပိုက်ဆံပိုရတာကိုး၊ လည်ချက်ဗျာ.... 😁

နောက်ပိုင်း ဝက်ဝက်ကွဲရောင်းလာရတဲ့အခါ အမေတို့မိသားစုတွေကပါ သူတို့ သူငယ်ချင်း ၃ယောက်ကို ဗူးဘုရားနား ရေစဉ့်အိုး အကြီးကြီးတွေနဲ့ ရေကိုလှောင်ပေးထားရသေးသတဲ့၊ ရောင်းလိုက်ကြ ပြေးခတ်လိုက်ကြနဲ့ အလုပ်ကိုဖြစ်လို့ဆိုပဲ...

တစ်ခါတစ်လေ ဘုရားဖူးတွေကမေးသတဲ့ " ညည်းတို့ရေက မြစ်ထဲကလားအေ... " ဆိုတော့
"ဟုတ်ပါ့တော် ... ရေကြည်အောင် လှေနဲ့ မြစ်လယ်သွားခပ်တာ ဒေါ်ကြီးရဲ့..." ဆိုကာ ပြန်ဖြေသတဲ့။

ကျနော်က "အမေ့ဟာက... ဟုတ်ကောဟုတ်ရဲ့လား" မေးကြည့်တော့၊
" ဘယ်မြစ်လယ်ဟုတ်မတုန်း... မြစ်ဘေးကပဲပေါ့ဟဲ့... ငါတို့လဲ ဒီရေသောက်နေတာ တူတူ ဘာမဖြစ်ဘူး၊ ရှည်ပြီးမေးလို့ ကြည့်ဖြေရတာပဲ...." ဟုဆိုလို့ ရယ်လိုက်ရသေးတယ်... 😂

ရှေးကစ ကျနော်တို့ ငယ်ငယ်ထိ အမေတို့ဟာ သောက်ရေဆိုရင် ဧရာဝတီမြစ်ရေမှ ချိုတယ်ထင်တာ၊ အိမ်က စက်ရေတွင်းကရေများ ရွှံတောင်ရွှံသေးတဲ့ပုံစံ၊ ပုဂံမြို့သစ်ကို ရွှေ့တော့လဲ မြို့ဟောင်းမြစ်ကရေပဲ သောက်ချင်ကြသတဲ့.... မြို့ဟောင်းရေကို ရာဝင်စဉ့်အိုးကြီးတွေထဲလှောင် ကျောက်ချဉ်ခတ်ချတော့ အနည်ထိုင် ကြည်လင်လာပါသကောဗျ၊ ဒီနည်းနဲ့ ရန္တပိုအိုးလေးထဲက အမေတို့ရောင်းခဲ့တဲ့ သောက်ရေဟာ ကြည်လင်နေပြီး ပုဂံဘုရားဖူးတို့အကြိုက်ဖြစ်ခဲ့ရတာပါပဲ....

ငလျှင်ကြီးနောက်ပိုင်း ပုဂံဟာ နိုင်ငံခြားသားလေးတွေ စတင်စည်ကားလာတော့ အမေတို့ဟာ ရေရောင်းရာကနေ မုန့်စလင်းတောင့်ရောင်း၊ နောက်ပိုင်း ဗူးဘုရားမှာ ကိုယ်ပိုင်ယွန်းဆိုင်လေး ပိုင်လာကြပြီး နိုင်ငံခြားသားဧည့်သည်တွေလာလည်ရင် ဆိုင်ကို လာကြည့်ဖို့ခေါ် ၊ သူတို့စီကနေ ယွန်းထည်နဲ့ လက်ဆောင်ပစ္စည်းတွေလဲကြ၊ လက်ဆောင်လိုက်တောင်းကြ လုကြ ယက်ကြနဲ့ ထိုဗူးဘုရားဘေး အမေတို့အုပ်စုသောင်းကြမ်းလွန်းလို့ ရှေးအဘကျောင်းဆရာကြီးတစ်ယောက်က "နေ့ခင်းကြောင်တောင်ခြောက် သရဲသုံးယောက်" လို့ သူတို့ သူငယ်ချင်း၃ဦးကို ပုံနှိုင်းနာမည်ပေးခဲ့သတဲ့...

မြင်းလှည်းနဲ့ လာတဲ့ ဧည့်လမ်းညွှန်မပါတဲ့ နိုင်ငံခြားသားတွေဆိုရင် ဈေးရောင်းချင်လို့ မိတ်ဆက်ပြီး အဂ်လိပ်လို တစ်ပိုင်းတစ်စနဲ့ ဗူးဘုရားသမိုင်းကို ဘိုလို လိုက်ရှင်းပြသေးသတဲ့....

ဘိုလို လက်ဟန်ခြေဟန်နဲ့ရှင်းပြပုံက - " ဟဲလို ... သစ်အစ်သယ် ဗူးပဂိုးဒါး ရွတ်ဘားသယ်ဝုန်း.... "
ပြောချင်တာက "This is the BU Pagoda river the ဝုန်း "
အဓိပ္ပါယ်က ဗူးဘုရားသည် ငလျှင်လှုပ်တော့ မြစ်ထဲပြုတ်ကြသွားသည်တဲ့။ သူ့ဇာတ်နဲ့ သူ့အရပ်တော့ ကိုက်ခဲ့ပုံပဲ။ ရယ်ရတာ အူတောင်နာတယ် 😂

အပျိုအရွယ်လေးတွေရောက်လာကော ဘုရားဘေး ဆိုင်ကနားတွေမှာ စတယ်လေးတွေနဲ့ ယွန်းထည်လေးတွေ စရောင်းကြပါလေရောဗျ...

ရေအတူရောင်း အမေ့သူငယ်ချင်း တစ်ယောက်ကတော့ ယနေ့တိုင် စိန်နားကပ်ပန် အပျိုကြီးဖြစ်နေပြီး၊ နောက်တစ်ယောက်ကတော့ ပုဂံမယ် ဗူးဘုရား နာမည်ကြီး ရှင်မတောင်သနပ်ခါးဆိုင်ပိုင်ရှင်ဖြစ်လာကာ အခုတော့ ဆုံးပါးရှာပါပြီ၊ အမေကတော့ ယွန်းဆိုင်လေးဖွင့် ရောင်းရသမျှပိုက်ဆံအရင်းတွေကို မုန့်တွေ အလှကုန်တွေဝယ်သုံး ဆိုင်အရင်း ခဏခဏပြုတ်လို့ အမေကြီးက အရောင်းမန်နေဂျာရာထူးဖြုတ်ချတာ အဖေနဲ့ အကြောင်းပါ ယနေ့တိုင် ပုဂံမြို့မယ် ခွီနေဆဲပါ...

အမေတို့ဟာ သူတို့ ပုဂံငယ်ဘဝအကြောင်းလေးတွေအား စိတ်ကောင်းများဝင်ရင် ပြောပြောပြတာဟာ ရှေးပုဂံရဲ့ လူမှုဘဝတစ်စိတ်တစ်ပိုင်းကို လှစ်ဟပြနေသလိုဖြစ်ပြီး၊ သူတို့ တွေစိတ်ထဲမယ်တော့ လွမ်းဆွေးမှုတွေအပြည့်ပေါ့....

အမေကပြောတယ်, အရင်ခေတ် မပြည့်စုံခဲ့ပေမယ့် ခုခေတ်ထက်စာရင် ပိုပျော်သတဲ့လေ....

ကျနော့စိတ်ထဲမှာတော့ , “အမေရယ် နားလည်ပါတယ်၊ ခုခေတ် ခုကာလလဲ ဘယ်သူတွေများ ပျော်နေလို့တုန်း... " ဟု တွေးတောရင်း...

စာရေးသူ - ကိုစိုးကျော်သူ (ဧည့်လမ်းညွှန်-ပုဂံ)

ဓါတ်ပုံ- ၁၉၇၅ ငလျှင်မတိုင်ခင် ဗူးဘုရား (ပစ်တိုင်းထောင်အိမ်)

Credit_via_ ©သုတပူရ

✨လေ့လာသူ မမြင်ဖူးသူတို့ သိမ်းထားနိုင်ရန်၊
မူရင်းရေးသူကိုခရက်ဒစ်ပေးပြီး၊ မေတ္တာဖြင့် တဆင့်ပြန်လည်မျှဝေသည်...😇
All rights and credits go to rightful owner.

~ မြန်မာ့သမိုင်းမှတ်တမ်းများ

23/01/2024

ပုဂံကိုရထားနဲ့လာလို့ရပါပြီတဲ့နော် 🙆‍♀️🙆‍♀️🙆‍♀️

ရန်ကုန် - ပုဂံ တိုက်ရိုက် အမြန်ရထား ပြန်လည် ပြေးဆွဲပြီ

ရန်ကုန် ထွက် ညနေ ၄း၁၅
ပုဂံ ရောက် နေ့လည် ၁၂း၀၀

ပုဂံ ထွက် ညနေ ၄း၁၅
ရန်ကုန် ရောက် နေ့လည် ၁၂း၀၀

👉ရိုးရိုးတန်း - 7200 ကျပ်
👉အထက်တန်း - 14400 ကျပ်
👉အိပ်စင် - 19800 ကျပ်

ခုတ်မောင်းချိန် - ၁၉နာရီ ၄၅ မိနစ် ကြာပါသည်။

✳️နေ့စဥ် ပိတ်ရက်မရှိ ပြေးဆွဲပါမည်✳️

ရပ်တန့်ဘူတာများမှာ

သာယာဝတီ
လက်ပံတန်း
မင်းလှ
အုတ်ဖို
ကြို့ပင်ကောက်
ဇီးကုန်း
နတ္တလင်း
ပေါင်းတည်
ပုတီးကုန်း
သဲကုန်း
ဆင်မြီးဆွဲ
ပြည် ( ရွှေတံခါး)
အောင်လံ
ဆတ်သွား
တောင်းတွင်းကြီး
မြို့သစ်
နတ်မောက်
လေးအိမ်
သာမြား
ပင်းချောင်း
ကျောက်ပန်းတောင်း
ငါ့မင်းမေး
စုတည်

ရန်ကုန်-ပုဂံ အမြန်ရထား ပြေးဆွဲမူအခြေအနေ နေ့စဥ်ပြေးဆွဲသွားရန် စီစဥ်ထားသော်လည်း ရထားစီးခရီးသည်အနည်း/အများပေါ်မူတည်၍ နေ့စဥ်ပြေးဆွဲမှုရှိ/မရှိအား ရန်ကုန်ဘူတာကြီး၏ ဖုန်း ၀၁-၂၅၁၁၈၁ သို့ဆက်သွယ်စုံစမ်းနိုင်ပါတယ်

Credit

21/01/2024

Happy Birthday အမတော် 😁

18/01/2024

✨မန္တလေး-မိတ္ထီလာ-‌ေကျာက်ပန်း‌ေတာင်း-ပုဂံ/ညောင်ဦး အမြန်ယာဉ် ✨

၁၉၈၂ ။
(𝙲𝚛𝚎𝚍𝚒𝚝:𝚙𝚓𝚠𝚊𝚛)
𝙲𝚛𝚍:𝚄𝙻𝚒𝚗𝚂𝚊𝚗𝚃𝚢𝚗𝚊

✨လေ့လာသူ မမြင်ဖူးသူတို့ သိမ်းထားနိုင်ရန်၊
မူရင်းရေးသူကိုခရက်ဒစ်ပေးပြီး၊ မေတ္တာဖြင့် တဆင့်ပြန်လည်မျှဝေသည်...😇
All rights and credits go to rightful owner.

✨မျှဝေသူ - နန့်ဟယ်လင် 🍀 🙏

~ မြန်မာ့သမိုင်းမှတ်တမ်းများ

16/01/2024

ပုဂံသွားဖို့အစီစဥ်ရှိရင် ရှယ်ထားလိုက်ပါ 😘

ပုဂံမှာသွားလာလည်ပတ်မယ်ဆိုရင်
°°°°°°°°°°°°°°°°°°°°°°°°°°°°°°°°°°°
ပုဂံကိုသွားမယ့်သူတွေအမေးအများဆုံးက ပုဂံမှာဘယ်လိုလည်ရမလဲဆိုတာပါပဲ။ ပုဂံကို ဘယ်လိုလည်မလဲဆိုတာကို ကျနော်ခွဲခြားထားတာလေးပြောပြချင်ပါတယ်။ဘယ်လိုသွားရင်အဆင်ပြေတာလေးလဲ ခွဲပြထားပါတယ်။

ပုဂံမှာ ၁ညအိပ် ၂ရက်နေမယ်ဆို
ပထမရက်
မနက်ပိုင်းမှာ ညောင်ဦး - ဝက်ကြီးအင်း
ညနေပိုင်းမှာ ဓမ္မရံကြီး စူဠာမဏိ ပြသာဒ်ကြီး
မင်းနန်သူဘက်

ဒုတိယရက်
မနက်ပိုင်း - စွယ်တော်လေးဆူ (သို့မဟုတ်)
ပုဂံမြို့သစ် ဓမ္မရာဇိက
ညနေပိုင်း - ပုဂံမြို့ဟောင်း
------------------------------------------------------------------------
၂ညအိပ်၃ရက်နေမယ်ဆိုရင်
ပထမရက်
မနက်ပိုင်း- ညောင်ဦး - ဝက်ကြီးအင်း
ညနေပိုင်း -မင်းနန်သူရွာ

ဒုတိယရက်
မနက်ပိုင်း- စွယ်တော်လေးဆူ
ညနေပိုင်း - ဓမ္မရံကြီး စူဠာမဏိ ပြသာဒ်ကြီး
ဓမ္မာရာဇိက

တတိယရက်
မနက်ပိုင်း - ပုဂံမြို့သစ်
ညနေပိုင်း - ပုဂံမြို့ဟောင်း
-------------------------------------------------------------------------
ကိုယ်သွားချင်တဲ့ဘုရားတွေ ရောက်အောင်သွားချင်တာတွေ မဖြစ်မနေသွားချင်တဲ့ဘုရားတွေကိုစာရင်းတစ်ခုလုပ်ပြီး ဆက်စပ်သွားဖို့ လမ်းကြောင်းစဉ်းစားစေချင်ပါတယ်။

ကျနော်က ပုဂံကို အောက်ပါအတိုင်းခွဲပါတယ်။
----------------------------------------------------------------------------
Zone 1
ညောင်ဦး ဝက်ကြီးအင်းဘက်

Zone 2
မြို့ဟောင်း တောင်ဘီ

Zone 3
ပုဂံမြို့သစ် မြင်းကပါ

Zone 4
အနော်ရထာလမ်းနဲ့ လေဆိပ်လမ်းကြား

Zone 5
မင်းနန်သူရွာအနီးတစ်ဝိုက်
--------------------------------------------------------------------
ဒီတော့ Zone 1မှာဘာဘုရားတွေပါမလဲဆိုရင်

ညောင်ဦးမြို့အနီးဝန်းကျင်မှ ပုဂံဘုရားများ
•••••••••••••••••••••••••••••••••••••••••••••••••••
ကျောက်ဂူဥမင်- ညောင်ဦးအထွက် ပခုက္ကူမြင်းခြံလမ်း
ကုန်းတော်ကြီး - ညောင်ဦးမြို့အရှေ့မြောက်ဘက်
သကျမုနိ- ညောင်ဦးမြို့အရှေ့မြောက်ဘက်
ရွှေသပိတ်- ညောင်ဦးမြို့အရှေ့မြောက်ဘက်
ချောက်ဘုရားလှ- ညောင်ဦးမြို့အရှေ့မြောက်ဘက်
ဆပဒစေတီ- ညောင်ဦးမြို့အဝင်
ငှက်ပစ်တောင်- ညောင်ဦးမြို့ဆပဒရပ်ကွက်
ရှင်အရဟံအုတ်ကျောင်း
သမီးဝှက်ဥမင်
မြားသဥမင်
ရွှေစည်းခုံ- ညောင်ဦးလမ်းမတော်
ကျန်စစ်သားဥမင်- ညောင်ဦးလမ်းမတော်

အနော်ရထာလမ်းနဲ့ ဝက်ကြီးအင်း အနီးဝန်းကျင်မှ ဘုရားများ
•••••••••••••••••••••••••••••••••••••••••••••••••••••••••••
ဂူပြောက်ကြီး -အနော်ရထာလမ်း
ဂူပြောက်ငယ် -အနော်ရထာလမ်း
အလိုဝ်တော်ပြည့် -အနော်ရထာလမ်း
စဉ့်ပုထိုး -အနော်ရထာလမ်း
အရှေ့လိုဏ်ရှည်ဘုရား- အနော်ရထာလမ်း
ရွာဟောင်းကြီးဘုရား - အနော်ရထာလမ်း
ရွှေနန်းရင်တော် - အနော်ရထာလမ်း
ဗူးလည်သီး - အနော်ရထာလမ်းမှဝင်နိုင်
ဆူးလေကုန်းဘုရား
နပဲတော (ဝတ္တနတောဘုရားစု)
တမာလမ်း - ပုဂံဂေါက်ကွင်းဝင်ပေါက်
ထီးလိုမင်းလို- ညောင်ဦးလမ်း
ရွှေလိပ်တူး- ညောင်ဦးလမ်း
ယင်မနားဘုရား- ညောင်ဦးလမ်း
သိကြားပုန်း - ညောင်ဦးလမ်း
သိကြားဟစ် - ညောင်ဦးလမ်း
မြစည်းခုံ - ညောင်ဦးလမ်း
===================================
Zone 2 မှာပါမယ့်ဘုရားတွေက

တောင်ဘီအနီးမှဘုရားများ
••••••••••••••••••••••••••••••••••••••••••••
ဥပါဠိသိမ်- ညောင်ဦးလမ်း
တိုင်တစ်ရာကျောင်း- ညောင်ဦးလမ်း
နတ်ထောင့်ကျောင်း- တောင်ဘီရွာအတွင်း
ရွှေကွန်ချာ- တောင်ဘီရွာအတွင်း

ပုဂံမြို့ဟောင်းအနီးမှဘုရားများ
•••••••••••••••••••••••••••••••••••••
မင်းအိုချမ်းသာ- ညောင်ဦးလမ်းအနီး
အာနန္ဒာ- ညောင်ဦးလမ်းအနီး
သရပါတံခါး- ညောင်ဦးလမ်း
နန်းတော်ရာ- ညောင်ဦးလမ်းပေါ်
ပုဂံနန်းတော် ညောင်ဦးလမ်းပေါ်
မဟာဗောဓိ - သီရိပစ္စယာဟိုတယ်အဝင်လမ်း
ဂူပိစပ်ဘုရား - သီရိပစ္စယာဟိုတယ်အဝင်လမ်း
ရွှေထီးဆောင်းဘုရား - သီရိပစ္စယာဟိုတယ်အဝင်လမ်း
မျက်တော်ပြေ- ညောင်ဦးလမ်းနဲ့ဗူးဘုရားအဝင်လမ်းထောင့်
အတွင်းစည်းခုံ- ညောင်ဦးလမ်းနဲ့ဗူးဘုရားအဝင်လမ်းထောင့်
ဗူးဘုရား - ဧရာဝတီမြစ်ကမ်းအနီး
ကန်တော့ပလ္လင်- ညောင်ဦး ချောက်လမ်း
မီးမလောင်ကျောင်း- ညောင်ဦးချောက်လမ်း
ဖားဘုရား ဖွတ်ဘုရား ပေါက်ပင်ဘုရား- မီးမလောင်ကျောင်းအနား
ပုဂံပြတိုက်- ညောင်ဦးချောက်လမ်း
မင်္ဂလာစေတီ- ညောင်ဦးချောက်လမ်း
ပုထိုးသားများ -မီးမလောင်ကျောင်းနောက်ကျောလမ်း
ငကျွဲနားတောင်း -မီးမလောင်ကျောင်းနောက်ကျောလမ်း
မဟာစေတီ- မီးမလောင်ကျောင်းနောက်ကျောလမ်း
မင်္ဂလာစေတီ- မီးမလောင်ကျောင်းနောက်ကျောလမ်း
ပသာဒဘုရား - အနော်ရထာလမ်းပေါ်
ဆင်များရှင်ဘုရား - အနော်ရထာလမ်းပေါ်
သဗ္ဗညု -အနော်ရထာလမ်းအနီး
ဂရို့ဘုရား - သဗ္ဗညု ဘုရားအနီး
ရွှေဂူကြီး -သဗ္ဗညု ဘုရားအနီး
တဘက်ကျဘုရား -သဗ္ဗညု ဘုရားအနီး
သံတော်ကြား -သဗ္ဗညု ဘုရားအနီး
ပိဋကတ်တိုက်-သဗ္ဗညု ဘုရားအနီး
ပုတ္တလင်ဘုရား -သဗ္ဗညု ဘုရားအနီး
=====================================
Zone 3 မှာတော့

မြင်းကပါအနီးမှဘုရားများ
•••••••••••••••••••••••••••••••••••••
မီးငြိမ်းကုန်း - အနော်ရထာလမ်းနဲ့ညောင်ဦးလမ်းဆုံအနီး
တဝဂူဘုရား - အနော်ရထာလမ်းနဲ့ညောင်ဦးလမ်းဆုံအနီး
မြင်းပြဂူဘုရား - အနော်ရထာလမ်းနဲ့ညောင်ဦးလမ်းဆုံအနီး
နွားပြဂူဘုရား-အနော်ရထာလမ်းနဲ့ညောင်ဦးလမ်းဆုံအနီး
ဂူပြောက်ငယ်မြင်းကပါ - မြင်းကပါ
ဂူပြောက်ကြီး မြင်းကပါ - မြင်းကပါရွာ
မြစေတီ - မြင်းကပါရွာ
မြင်းကပါ - မြင်းကပါရွာ
မနူဟာ - မြင်းကပါရွာ
နန်းဘုရား - မနူဟာအနီး
ပြတ်စရွှေဂူ - မြင်းကပါရွာ အနောက်
အပယ်ရတနာဘုရား - ညောင်ဦး ချောက်လမ်းပေါ်
နဂါးရုံဘုရား - ညောင်ဦး ချောက်လမ်းပေါ်
လေးမျက်နှာဘုရား- ညောင်ဦး ချောက်လမ်းပေါ်
စိုးမင်းကြီးဘုရား- ညောင်ဦး ချောက်လမ်းပေါ်
စိုးမင်းကြီးအုတ်ကျောင်း- ညောင်ဦး ချောက်လမ်းပေါ်
ကျောက်မြတ်မော်- ညောင်ဦး ချောက်လမ်းကဝင်ရောက်နိုင်
စိမ်းညက်အမ - ညောင်ဦး ချောက်လမ်းပေါ်
စိမ်းညက်ညီမ - ညောင်ဦး ချောက်လမ်းပေါ်

ပုဂံမြို့သစ်အနီးမှဘုရားများ
••••••••••••••••••••••••••••••
ပျူစေတီ လေးဆူတန်း - ညောင်ဦး ချောက်လမ်းပေါ်(မြို့သစ်)
ကျောက်စကားကြီးဘုရား - လောကနန္ဒာအဝင်လမ်း
အရှေ့ဖက်လိပ်- လောကနန္ဒာအဝင်လမ်း
အနောက်ဖက်လိပ်- လောကနန္ဒာအဝင်လမ်း
လောကနန္ဒာ- လောကနန္ဒာအဝင်လမ်း
လောကနန္ဒာဥယျာဉ်-ညောင်ဦးချောက်လမ်း
ဗိုလ်ချိုမိဂူပြောက်- လောကနန္ဒာဥယျာဉ်တွင်း
စေတနာကြီးဘုရား -ညောင်ဦးချောက်လမ်း
တာမဏိသိမ်ဘုရား - မြို့သစ်လေဆိပ်လမ်း
=================================
Zone 4 မှာတော့

မြို့သစ်လေဆိပ်လမ်းမှဘုရားများ
•••••••••••••••••••••••••••••••
ဓမ္မရာဇိကဘုရား - မြို့သစ်လေဆိပ်လမ်းပေါ်
သစ္စာဝတီဘုရား - မြို့သစ်လေဆိပ်လမ်းပေါ်
ဖွားစောအုတ်ကျောင်း - ဖွားစောရွာအနီး
သံပြင်စွာဘုရား-ဖွားစောရွာအနီး

အနော်ရထာလမ်းမကြီးမှဝင်ရောက်နိုင်သောဘုရားများ
••••••••••••••••••••••••••••••••••••••••••••••••••••••
လောကထိပ်ပန်
ရွှေဆံတော်
ရှင်ပင်သာလျောင်း
လောကဥသျှောင်
တောင်ဂူနီ
မြောက်ဂူနီ

စကိုဗယ်ပေါ်တော်မူ
အင်းဘုရား
ဓမ္မရံကြီး

တစ်ဝက်ဘုရား
စူဠာမဏိဘုရား
စူဠာမဏိရှုခင်းကြည့်ကုန်း
ညောင်လက်ဖက်ကန်ရှုခင်းကြည့်ကုန်း
သပိတ်မှောက်ဘုရား

ပြသာဒ်ကြီးဘုရား
ဂူဘုရား
=====================================
Zone 5 မှာ ပါဝင်သောဘုရားများ

မင်းနန်သူရွာအနီး မှ ဘုရားများ

ဆင်ဖြူရှင်ဘုရား
ဆင်ဖြူရှင်ကျောင်းတိုက်
မင်းနန်သူရှုခင်းကြည့်ကုန်း
လေးမျက်နှာဘုရား
ညီနောင်ဘုရား
ဘုရားသုံးဆူ
နရသီဟပတေ့
သမ္ဘူလဘုရား
သမ္ဘူလတံတိုင်း
နန္ဒပညာ
ဝိနည်းဓိုရ်
အဇ္ဇဂေါဏဘုရား
နန်းမြင့်မျှော်စင်
===================================
ပြည့်၅ပြည့်ပြည့်ဘုရားများ
•••••••••••••••••••••••••••
ရွှေဆံတော်ဘုရား(အရှေ့)
လောကနန္ဒာဘုရား (အရှေ့ဘက်)
တာမဏီသိမ်ကျောင်း
ဓမ္မရာဇိက (အရှေ့ဘက်)
ဓမ္မရာဇိက (တောင်ဘက်)

စွယ်တော်လေးဆူဘုရားများ
•••••••••••••••••••••••••••••
ရွှေစည်းခုံ
လောကနန္ဒာ
တန့်ကြည်တောင်
တုရင်တောင်

ဘုရားစုများ
•••••••••••••••••••
ဝတ္တနတောဘုရားစု(နပဲတော)
ခေမင်္ဂဘုရားစု
ဆူးလေကုန်းဘုရားစု

ရေကန်ကြီးများ
••••••••••••••••••••••••••
မင်းနန်သူရွာ လေးထောင့်ကန်
ဆင်ဖြူရှင်ကျောင်းတိုက်ကန်
ဦးကျည်ပွေ့ရေကန်
မြကန်
အလံပုဂံရေကန်

ရှုခင်းကြည့်ကုန်းများ
•••••••••••••••••••••••••••
ညွန်လက်တစ်ဖက်ကန်ရှုခင်းကြည့်ကုန်း
စူဠာမဏိ ရှုခင်းကြည့်ကုန်း
အိုးထိန်းကုန်း
မင်းနန်သူရှုခင်းကြည့်ကုန်း
ကိုးမောက်ကန်ရှုခင်းကြည့်ကုန်း

ကျောင်းတိုက်များ
•••••••••••••••••••••••
ရွှေနန်းရင်တော်
ဆင်ဖြူရှင်ကျောင်းတိုက်
မင်းနန်သူကျောင်းတိုက်
စိုးမင်းကြီးအုတ်ကျောင်း
ဘွားစောအုတ်ကျောင်း
တာမဏီအုတ်ကျောင်း

ပုဂံမြို့အနီးကလည်ပတ်စရာများ
••••••••••••••••••••••••••••••••••
စလေရုပ်စုံကျောင်း
ဆားလယ်ပုဂံ
Bagan Theme Park
ပခုက္ကူမြို့ဘုရားများ
ပလင်းကမ်းသာယာဆင်စခန်း
ကျောက်ပန်းတောင်း
ပိုင်ထန်းတော

cd #ပုဂံအကြောင်းသိကောင်းစရာများ

14/01/2024

AI and Bagan Zone Car Rental & City Tour Service

26/12/2023

ခရီးထွက်ပါ🌿

ငယ်ရွယ်နုပျိုမှုဆိုတာက ထွက်သွားပြီးရင်
ပြန်လာတတ်တဲ့ အရာမဟုတ်ဘူး☘️

ခြေတွေ,လက်တွေကောင်းတုန်းမှာ ခရီးထွက်ပါ🍀

ပါးရည်,နားရည်တွေပါးတုန်းမှာ ဓာတ်ပုံရိုက်ပါ☘️

အမှတ်တရကောင်းတွေကို ဖန်တီးပါ။

တရိုတသေ သိမ်းဆည်းပါ။

နောင်ဆယ်စုနှစ် သုံး,လေး,ငါးခုကိုကျော်လွန်ပြီးတဲ့အခါ
သည်နေရာဟာ ဒီအတိုင်းရှိနေတော့မှာမဟုတ်ဘူး။

ဒီအရွယ်ဟာ ဒီအတိုင်းရှိနေတော့မှာမဟုတ်ဘူး။

ရှေးဟောင်းနှောင်းဖြစ်ဆိုတာ မှတ်ဥာဏ်ထဲကနေပဲတစ်စချင်းဆွဲထုတ်ပြလို့ရတဲ့အရာ၊ ဓာတ်ပုံထဲမှာပဲ တစ်ခုချင်းပြန်ရှာလို့ရတဲ့အရာ ...။

နှစ်စဉ်နှစ်ဆက် ခရီးထွက်ပါ။ အထင်ကရရှိတဲ့ အလှအပတွေနဲ့အတူ ဓာတ်ပုံရိုက်ပါ။

ကိုယ်အိုမင်းလို့ ဘယ်ကိုမှမသွားနိုင်တော့တဲ့အခါဘယ်သူကမှ ခေါ်မသွားချင်တော့တဲ့အခါ စိတ်ရဲ့ဖြေရာဆိုတာ ကိုယ်ရဖူးတဲ့အမှတ်တရတွေကိုပဲ ရေနူးပြီး သောက်ရတာမျိုးပါ☘️

13/12/2023

အိမ်တွေ ဆိုင်တွေမှာ တွေ့ရတဲ့ (လှိမ့်ဝင်တည်သုံး)အဆောင် အကြောင်း

မိတ်ဆွေတစ်ယောက်နဲ့ ၂ နှစ်ခွဲနေမှ ပြန်တွေ့တော့ သူ့မိသားစုကတော်တော်လေး အဆင်ပြေနေပြီး အရင် ထရံအိမ်လေးနေရာမှာအခု အာစီတစ်ထပ်တိုက်ကြီးနဲ့ပေါ့ အရမ်းကိုအဆင်ပြေပြီးနောက်ထပ်တိုက်တစ်လုံးတောင် ဆောက်နေတယ်လို့ ပြောပါတယ်။

သူ့လုပ်ငန်းက တအားလှိမ့်ဝင်သွားတာကို အဲ့..... သူ့အိမ်ရှေ့အဝင်ဝမှာ လှိမ့်ဝင် စဉ့်အရုပ်လေးကို အိမ်ဘက် လှိမ့်ဝင်နေတဲ့ ပုံချိတ်ထားတာတွေ့ရပါတယ်။ အိမ်ဧည့်ခန်းမှာတော့ စဉ့်အိုးလေးတည်နေတဲ့ပုံကို တင်ထားတာတွ့ရပါတယ်။ မေးကြည့်တော့ လှိမ့်ဝင် တည် သုံးလေတဲ့စီးပွားဖြစ်တယ်။ လုပ်ငန်းကောင်းတယ်တဲ့ဗျာ။

ကျွန်တော်တို့မြို့မှာထမင်းဆိုင်တစ်ဆိုင်ရှိတယ် အရမ်းကိုရောင်းရတယ်။ အလှူပေးနေသလိုကိုရောင်းရတာ သူတို့အိမ်မှာလည်းအိမ်ရှေ့သံတံခါးအုတ်ခုံမှာအဲဒီလှိမ့်ဝင်အရုပ်လေးအိမ်ဘက်ကို လှိမ့်ဝင်နေတဲ့ပုံလေးတင်ထားတာတွေ့ရပါတယ်။သူ့ထမင်းဆိုင်ကတော့လူတွေလှိမ့်ဝင်နေတော့တာပါပဲဗျာ။

အဲဒါနဲ့လူမဝင် လုပ်ငန်းမကောင်းတဲ့သူနဲ့ အကြွေးတင်နေတဲ့မိတ်ဆွေတစ်ယောက် နှစ်ယောက်ကိုအဲဒီအရုပ်လေး နှစ်ခုကိုထားဖို့ ပြောလိုက်တာသူတို့လည်း ကျောက်ဆည် တပေါင်းပွဲနဲ့ကြုံတော့စဉ့်ကူးက စဉ့်အိုးသည်တွေလာတာနဲ့ အဲဒီအရုပ်လေးကို တစ်ရုပ်ကို အိမ်ရှေမှာထားပြီး တစ်ရုပ်ကို အိမ်ထဲမှာထားဖို့ ပြောလိုက်တာ အဲဒီ ၃ယောက်ဟာ ၆လအတွင်းလုံးဝမဆပ်နိုင်တော့ဘူးလို့ထင်ထားတဲ့အကြွေးတွေ ကြေပြီးအဆင်ပြေသူတွေဖြစ်နေပါပြီဗျာ။

အဲဒါနဲ့ ပြင်ဦးလွင်က ဗေဒင်ဆရာ ဆရာဝင်းမော်အောင် အိမ်လာတော့ အဲဒီယတြာအကြောင်းပြောပြလိုက်တာ သူလည်းသဘောကျပြီး အဲဒါကိုအားလုံးသိအောင် facebook ပေါ်တင်ပေးပါလို့ ပြောလို့တင်ပေးရာကနေ လှိမ့်ဝင်တည်သုံးအိုးသည်တွေ ရောင်းမလောက် ဖြစ်ကုန်တော့တာပါပဲဗျာ။

လှိမ့်ဝင်တည်သုံးစဉ့်အိုးလေးတွေဘယ်လိုဓာတ်ဆင်ရတာပါလဲ

အဲဒီလှိမ့်ဝင်တည်သုံး အရုပ်လေးတွေကဟိုအရင် လောကီပညာရှင်(ဆန်းပညာရှင်) တွေ လုပ်သွားခဲ့တာပါ။

ပညှပ်သွားရာဓါတ်သက်ပါဆိုသလိုလူအများသုံးစကား လှိမ့်ဝင် ဆိုတာကိုယူပြီး လှိမ့်ဝင် နေတဲ့အရုပ်ကလေးတွေကို စီရင်ပေးသွားတာပါ။

အဲဒီမှာ စဉ့်အိုးလေးကိုလှိမ့်ဝင်နေတဲ့ ကောင်လေး(၂၄)ပုံ လေးပါ။ စဉ့်အိုးကို ဘာလို့သုံးလဲ တစ်ခြားဟာတစ်ခုခုကိုလည်းလှိမ့်ဝင် လို့ရတာပဲလို့ တွေးမိတော့ စဉ့်အိုး ၃၁ ဆိုတာ အောင်စေ အေးစေ= ၁၃ ကိုကက်ကင်းရိုက်သွားတယ်ထင်ပါတယ်။

လှိမ့်ဝင် ဆိုတာကတော့ဗျာ လှိမ့်ဝင် = ၄၄ = ရွှေလာ = လူလာ = လိုရာ = ရလာ ဓါတ်ပေါ့ ...... လှိမ့်ဝင် ပြီးတော့ဘာလုပ်မလဲ ဆိုတော့ တည်သုံးလေတစ်ရုပ်လုပ်သွားပါတယ်။ လှိမ့်ဝင်လာတဲ့ဟာတွေကို ဘုရားတည်။ ကျောင်းတည်။ ဇရပ်တည်။ သာသနာတည်နိုင်တဲ့ အထိ သုံးနိုင်ဖို့ လောကီဝိဇ္ဇာအဘများကစီရင်သွားခဲ့တဲ့ ဓါတ်အရုပ်လေးတွေပါ။

ဘယ်လို သုံးမလဲ ဘယ်လိုဆောင်မလဲဗျာ ........

၁။ သန ချေ ရပါတယ်။ အညံ့ခြေရပါတယ် ကိုယ့်စီးပွားအတွက်အထွဋ်အမြတ်ဆောင်မည့်ပစ္စည်းဟာ ကားနဲ့သယ်လားရင် အမျိုးသား၊ အမျိုးသမီး ၊ ကလေး ၊လူကြီး ကျော်ခွသွားတာမျိုး၊ ကားထိုင်ခံအောက်ထဲထည့်သယ်လာတာမျိုး တွေရှိတတ်ပါတယ်။ အဲဒီလို အညံ့ဓါတ်တွေကင်းဖို့ ဆားရည် (ရေ ၁ဂါလံကို ဆား၂ ဇွန်းထည့်ပြီး)ကို ဇလုံထဲထည့်ပြီး လက်ဆယ်ချောင်က ဆေး ဖြစ်စေဆိုပြီး ၃ခါ ပြောပြီးလက်နှစ်ဖက်ကိုဇလုံထဲထည့်ပြီး သနပ်ခါး သွေးသလိုလက်ယာရစ် မွှေပြီးပါးစပ်မှာလည်း " ဉုမ်သန သန သန အပေါင်း ထောင်သောင်း ကြေစရာ ကြေ " ဆိုပြီး ၃၇ ခေါက် ရွတ်ပြီးမှ အဲဒီ အရုပ်များကို ၎င်းရေနဲ့ ဆေးပါ ပြီးမှ ၎င်းအရုပ်များကို ရေမွှေး(နဝင်းရေ)ရည်နဲ့ပက်ဖြန်းပြီးမှာအိမ်ဘက်သို့အိုး လှိမ့်ဝင် နေတဲ့ပုံအိုးကို အိမ်ဘက်အတွင်းသို့ ထားပြီး အိမ်ရှေ့မှာထားလိုက်ပါ။ တည်သုံးအိုး လေးကိုတော့ အလုပ်စားပွဲ အိပ်ခန်းစားပွဲ အိမ်ထဲမှာထားထားလိုက်ပါ ထူးထူးခြားခြားအဆင်ပြေလာတာကို တွေ့ရပါလိမ့်မယ်ခင်ဗျာ။

ဘယ်နေ့ဘယ်အချိန်မှာဆောင်ထားရမလဲ

မိမိမွေးနေ့မနက် 9 : 45 မှာတင် ဆောင်ထားပါလေ ။ လူမဝင်သောဆိုင်များ၊ တည်းခိုခန်းများ၊ ဟိုတယ်များ လူများလှိမ့်ဝင်လာပါလိမ့်မယ် အရောင်းအဝယ်လုပ်ငန်းများသိသိသာသာတိုးတက်လာတာကိုတွေ့ရပါလိမ့်မည်။

တစ်ပတ် လောက်လှိမ့်ဝင်နေပြီး နောက်ပိုင်းနည်းနည်းပါးသွားတာမျိုးဖြစ်ခဲ့ရင်တော့ လှိမ့်ဝင် အရုပ်ကလေးကို မျက်နှာသစ်ပေးလိုက်ပါပြီးတော့ ရေမွှေးလေး ဆွတ်ပေးလိုက်ပါပြီးတော့ လာထား ... လာထားဆိုပြီးတော့ လက်ခုတ်တီးပြီးပြောလိုက်ပါ ဝင်လာပါလိမ့်မယ်ဗျာ။

ပထမဆုံးဝင်သောငွေမှအနည်းအကျင်းကိုဘုရားလှူလိုက်ပါ၊ ပြီးမှကျန်တဲ့ပိုက်ဆံကိုသုံးပါလေ ပထမဆုံးဝင်တဲ့ပိုက်ဆံကို အနိဌပစ္စည်းတွေဝယ်မသုံးလိုက်ပါနဲ့။

နောက်ပြီးလာဘ်တိတ်စေတဲ့ အကြောင်းတရားတွေကို ရှောင်ပေးရပါတယ်အရင်က ရေးခဲ့ဖူးပါတယ်။ အခုပြန်ရေး ပြလိုက်ရပါတယ်။

၁။ မနက်အိပ်ယာထလျှင် အိမ်သာထဲသို့ တန်းမသွားရ မီးဖိုချောင်ထဲသို့တန်းသွားပြီး မီးမွေးခြင်း ထမင်းအိုးတည်းခြင်း တန်း မလုပ်ရပါ လာဘ်တိတ်တတ်ပါသည်။

၂။ ထမင်းစားလျှင် ဘေးမှာကျနေသာအမှိုက်များကိုထမင်းစားပြီးလျှင် မိမိပန်းကန်ထဲသို့ ထည့်ပြီး ဆေးဖို့ မယူသွားရပါ။

၃။ စားပြီး အိုးခွက်ပန်းကန်များကို မနက်မှ ဆေးတော့ပါမယ်ဆိုပြီး မီးဖိုချောင်ထဲမှာမဆေးပဲ တစ်ညလုံးပုံမထားသင့်ပါ။

၄။ အိမ်ထောင်ဦးအမျိုးသား၏ အင်္ကျီ၊ စွတ်ကျယ်၊ တဘက်၊ ပုဆိုးအဟောင်းများကို ကြမ်းသုတ် လက်သုတ် ဖုန်သုတ် မလုပ်ရပါ။

၅။ လင်မယားအချင်းချင်း ၉ နာရီမကျော်မီစောစောစီးစီးစကားများရန်မဖြစ်ရမငြူစူရ ဒေါသမဖြစ်ရပါ။ စောစောစီးစီးနိမိတ်မကောင်းသော အမင်္ဂလာ သီချင်းများမဖွင့်ရပါ အဲဒီ ၅ချက်မှ ၂ချက်လောက်လုပ်မိလျှင် လာဘ်တိတ်စေတတ်ပါတယ် ငွေဝင်ပါလျှင်လည်း အသာလွတ်ပြန်ပြန်ထွက်သွားတတ်ပါသည်။

ထို့ကြောင့်အဲဒီအချက်များကို ရှောင်သင့်ပါသည်။ အားလုံး ငွေကြေးရတနာများ လုပ်ငန်းကောင်းများ လှိမ့်ဝင်ကြပြီးအလှူအတန်း၊ ဘာသာရေး၊သာသာနာရေး၊ ပရဟိတအရေးအတွက်သုံးနိုင်ကြပါစေလို့ဆုတောင်းမေတ္တာပို့သရင်း.............

Credit: