Phyoe Set Paing_Travel Vlogger

01/08/2022

ငယ်တုန်းက
ပိုက်ဆံမရှိတော့ဘူးလို့
မိဘကိုအမြဲညာတတ်တယ်

ကြီးလာတော့
ပိုက်ဆံရှိသေးတယ်ဆိုပြီး
မိဘကိုအမြဲညာပြန်တယ်

ငယ်တုန်းက
မိဘပိုက်ဆံနဲ့ မိဘက
ပစ္စည်းဝယ်ခိုင်းရင်
ဈေးအမြဲ ပိုပြောတတ်တယ်

ကြီးလာတော့
ကိုယ့်ပိုက်ဆံနဲ့ မိဘကို
ပစ္စည်းဝယ်ပေးတတ်လာတော့
ဈေးအမြဲ လျော့ပြောပြန်တယ်

ငယ်တုန်းက
အခက်အခဲနည်းနည်းမရှိလိုက်နဲ့
ရှိတာနဲ့အိမ်ပြန်ရောက်တာနဲ့ ငိုယိုပြီး
မိဘကိုတိုင်တန်းတတ်တယ်

ကြီးလာတော့
အပြင်မှာအဆင်မပြေလေ
အိမ်ရောက်ရင်ပြုံးလေပဲ

ကိုယ်ကတဖြည်းဖြည်းနဲ့
ရင့်ကျက်လာသော်လည်း
မိဘတွေကျတော့အိုးမင်းသွားပြီ

ကိုယ်သိတတ်လာတဲ့အချိန်မှာ
သက်ရှိဘုရား မိဘတွေကို စိတ်ချမ်းသာအောင်ထားပါ

#လေးစာစွာဖြင့်
-Forex Advisor

#

27/07/2022

ပုသိမ်မြို့ မောင်းထောင်ကျောင်းပရိယတ္တိစာသင်တိုက် တိုက်အုပ်ဆရာတော် သက်တော် ၇၁နှစ် ဝါတော် ၅၁ ဘဒ္ဒန္တ မာနိတာလင်္ကာရ အဂ္ဂမဟာဂန္ထဝါစကပဏ္ဍိတ ဒီဃဘာဏက ပိဋက.တစ်ပုံဆောင် ဆရာတော်သည် ၁၃ဂ၄ ခု ဝါဆိုလကွယ်နေ့ နံနက် ၅နာရီ ၄၅ မိနစ် အချိန်တွင် ဘဝနတ်ထံ စံလွန်တော်မူသည်။
တပည့် ဒါယကာ ဒါယိကာမတို့အား အကြောင်းကြားသိစေအပ်ပါသည်။

18/07/2022

မိုင်းဖုန်းဆရာတော် ကိုပင့်ဆောင်မယ့် ဝေါယာဥ်

သျှမ်းသံတော်ဆင့်၊ဇူလိုင် (၁၈)

သျှမ်းပြည်အရှေ့ပိုင်း မိုင်းဆတ်မြို့နယ် မိုင်းကျက်ဂူမှာ (၃) နှစ် (၃) လ (၃) ရက် တရားကျင့်ကြံအားထုတ်ရာမှာ အဓိဌာန်ပြည့်ပြီး ဇူလိုင် (၃၁) ရက်မှာ ဂူမှ ထွက်လာပါမယ်။

ဂူမှထွက်လာပြီး မိုင်းကျတ်ဂူအောက်မှာ (၅) ရက် ဗုဒ္ဓတရားတော်များ ဟောကြားမည်ဖြစ်ပါတယ်။

ဆရာတော်ဘုရားကြီးအား ပင့်ဆောင်မယ့် ဝေါယာဥ်ကို ယနေ့ ဇူလိုင် (၁၈) ရက် မနက် (၆ နာရီ ၄၅) မိနစ်မှာ တာချီလိတ်မြို့ မကာဟိုခမ်းရပ်ကွက် မဟာမြတ်မုနိဘုရားကြီး ကျောင်းတိုက်မှ မော်တော်ယာဥ် နဲ့ တရားကျင့်ကြံ အားထုတ်လျှက်ရှိတဲ့ မိုင်းကျက်ဂူ သို့ ပင့်ဆောင်သွားမှာဖြစ်ပါတယ်။

ဆရာတော်ဘုရားကြီး ဂူမှ ထွက်တော်မူပြီး ဆံတော်ပယ်မည့် နမ့်ဟူးရေထွက် နှင့် အောက်ဂူထိ လှည်းဝေါယာဥ် နဲ့ ကြိုးဆွဲပြီး တပည့် ဒကာအပေါင်းမှ ကုသိုလ်ယူ ပင့်ဆောင်မည်ဖြစ်ပါတယ်။



#သျှမ်းသံတော်ဆင့်
#မိုင်းဖုန်းဆရာတော်
#မိုင်းကျက်ဂူ
Photo&Source: San Thein (Facebook)
လေးစားစွာဖြင့်ပြန်လည်မျှဝေပါသည်။

11/07/2022

ပထဝီမြေရဲ့ သဘာဝ သဘောတရားအရ သောင်ထွန်းပြီး ပေါ်လာတဲ့ မြေကို နတ်လမ်း လို့ ခေါ်ကြ...🤔

ရွှံမီးတောင်ကိုနဂါးပွက်တောင်လို့ ပြောကြ...🙄

တိရိစ္ဆာန် မျိုးနွယ် မြွေကြီးကြီးတွေ့ရင် ဖမ်းခေါ်လာ
သိုက်က ဘာညာ ဆိုကြ ....😒

မဆိုးပါဘူး.....🤭

🙏🙏🙏🙏🙏

၁။
ကပိလဝတ်ကနေ ပြန်လာခဲ့တယ်
၁၀နှစ်လုံး ကြိုးစားရှာဖွေမှုဟာ
အတ္တာဟိ အတ္တနော နာထော မှာ ဆုံးတယ် ။


၂။
မီးတောင်သေ……ချော်ရည်ဆူပွက်မှုဟာ
နဂါးပွက်တောင် အမည်ရတယ် ။
နွားနို့တွေ မြေထဲ သွန်းလောင်းနေတာ
ရွံ့ဗွက်ကြီးကို ရှိခိုးနေတာ
မြင်ရတာ ရှက်လိုက်တာ ။

၃။
သံအိမ်ထဲက မြွေတွေ
ရေကန်ထဲက ငါးတွေ
ပြီးတော့ ………
ခြံခတ်ထားတဲ့ ယုန် သမင် တွေ
ကြိုးချည်ထားတဲ့ မျောက်တွေ
ဒီနေ့ခေတ် ဘုရား ကျောင်းကန်ဟာ
မွေးမြူရေး ခြံနဲ့တူနေတယ်။


၄။

သုံးရာသီ စက်ဝန်းထဲမှာ
အလှူခံတွေ ခြေချင်းလိမ်နေတယ်။
ဗုဒ္ဓကို ကန်ထရိုက်စွဲတာ
ဒီနေ့ ခေတ်မှာရှိတယ် ။
ဗုဒ္ဓဟာ …… ထုတ်ကုန်မဟုတ်ဘူး ။

တိတ်ဆိတ်ငြိမ်သက်ခြင်းကို
ဗုဒ္ဓဟာ နှစ်သက်တယ် ။
သံစုံတီးဝိုင်းတွေ ……
အဆိုတော်တွေနဲ့ …
လပြည့် လကွယ်မှာ
ဂေါပကဟာ
ဗုဒ္ဓကို ငွေရှာခိုင်းတယ် ။
ရှက်တတ်ရင် သေလို့ရတယ် ။

၅။

ဘုရားရင်ပြင်ဟာ
ကားပါကင်ဖြစ်လာတယ်။
ကျောင်းသင်္ခန်းဟာ
တည်းခိုးခန်းဖြစ်လာတယ်။
မင်္ဂလာမဏ္ဍပ်ဟာ
ကျောင်းဝန်းထဲမှာရှိတယ်။
သာဝကတွေဟာ
မဂ္ဂင်ရှစ်ပါးထက်
ဒေါ်လာဘက်ကို မျက်နှာမူလာတယ်။


၆။

ဗုဒ္ဓရဲ့ သစ္စာလေးပါးကို
လယ်တီ မဟာစည် မိုးကုတ် ခွဲရင်း
ရန်သတ်ပွဲနဲ့ ရှာကြတယ်။

ဓမ္မဟာ ဓါးမ ဖြစ်လာတယ်။

၇။
ဝမ်းစာ ကနေစပြီး
အာဏာ အဆုံးအထိ
သာသနာကို ခုတုံး လုပ်ကြတယ်။

ကိုယ့်ကိုကိုယ် တွေ့ရှိခြင်းဟာ
ဗုဒ္ဓကို ကျေးဇူးဆပ်ခြင်းပဲ။

အဆုံးအမ ……လိုက်နာမှု။
ဒါ ………သာသနာပြုတာပဲ။

၈။

မထူးပါဘူး ……

ပျက်နေတဲ့အထဲကပဲ
ရသလောက်ပြင်ရင်း
ဗုဒ္ဓဆီကို
တစ်လှမ်းခြင်း ရွေ့ကြတာပေါ့ ။

9-7-2022

10/06/2022

ငါသေဆုံးသွားတဲ့အခါ
နေ့မကူးဘဲ သဂြိုဟ်ပေးပါ။
သုံးရက် ငါးရက်အယူမသည်းပါနဲ့။

သေပြီးငါ့အား ဓာတ်ပုံထောင်၍
နံနက် ညနေစားစရာတွေမကျွေးပါနဲ့။
ငါ့အားကျွေးမည့် စားကောင်းသောက်ဖွယ်
များအား ဆာလောင်မွတ်သိပ်နေသူများကို
ကျွေးပေးပါ။

အသက်မရှိတော့တဲ့ ငါ့ခန္ဓာအား
ရေချိုးအလှပြင်ဖို့မလုပ်ပါနဲ့ ။
ကမ္ဘာမှာ ရေချိုတွေရှားနေတာသတိရပါ။

မသာကောင်ကိုအလှဆင်ဖို့
ငွေကုန်ခံပြီး ပန်းတွေမဝယ်ပါနဲ့။
ဘုရားကိုလှုလိုက်ခြင်းက
သင်တို့အတွက် ပိုမြတ်ပါတယ်။

ငါ့ခန္ဓာအား အရှက်လုံလောက်သော
အဝတ်အဟောင်းသာ ဝတ်ပေးလိုက်ပါ။
ပြာကျမည့်အစား ချို့တဲ့သူအတွက်
လုံခြုံအောင် လှုလိုက်ပါ။

ငါ့ခြေထောက်မှာ မွေးကတည်းက
ဖိနပ်မပါလာ၍ ဖိနပ်ထည့်ပေးရန်မလိုပါ။
ပြာကျမည့်ဖိနပ်တစ်ရံအား
ဖိနပ်မရှိသူကို လှုလိုက်ပါ။

ရေအိုးခွဲမည့် လွဲမှားသောအယူများနဲ့
ငါ့အားလမ်းမခွဲလိုက်ပါနဲ့ ။
အိုးမခွဲလဲ ငါဖက်တွယ်မထားပါဘူး
ကိုယ့်လမ်းကိုယ် ဆက်လျှောက်မှာပါ။

ကူးတို့ခလည်း ထည့်ပေးစရာမလိုပါ။
လိုအပ်တဲ့နေရာ လှုလိုက်ပါ။
ငါ့မှာကူးတို့ခအဖြစ်
ကုသိုလ် အကုသိုလ်အထုတ်ယူသွားမှာပါ။

ဝမ်းနည်းခြင်း ပန်းခြင်းများအစား
ငါ့အားကြည့်၍ သံဝေဂယူပါ

ခန်းမအလယ်၌ ငါ့အားပြင်ပြီး
လူမြင်ကောင်းအောင် မငိုကြပါနဲ့။
ခန်းမငှားခအား ဘိုးဘွားရိပ်သာကို
လှူလိုက်ပါ။

သေပြီးခန္ဓာ ငါ့မသာအား
အခေါင်းလှလှ ထဲ့ဖို့အကြံဉာဏ်မပေးပါနဲ့။
ခေါင်းပျဉ်ပြာကျ ဆုံးရှုံးရမဲ့အစား
အခင်းအကာမဲ့သူတွေ အများကြီးကို
မြင်တတ်စာနာတတ်ပါစေ။

ငါ့ဝိညာဉ်အား ပုတ်ကာခေါ်၍
သင်တို့အိမ်ကို ခေါ်ဆောင်ခြင်းအမှု
အယူလွဲစွာမပြုပါနှင့်။
ငါသင်တို့နှင့် အပြီးတိုင်လမ်းခွဲသွားသူပါ။

ငါ့ခန္ဓာကိုယ်ကို မြေ၌ရှိသော
ဆာလောင်မွတ်သိပ် သတ္တဝါတို့အား
ငါ့အသွေးသား စားသောက်စေရန်
မီးသဂြိုဟ်ခြင်း ပြုမည့်အစား
မြေ၌မြုပ်နှံပေးကျပါ။

ငါ့အားမြုပ်နှံသည့်အခါ
အုတ်ဂူမလုပ်ဘဲ မြေတူးကာမြုပ်၍
သစ်ပင်ငယ်တစ်ပင်သာ စိုက်ပေးခဲ့ပါ။
ငါ၏ယိုယွင်းပျက်စီးသော ခန္ဓာအား
ငါ့မြေငါ့ရေအတွက် မြေဆီမြေနှစ်အဖြစ်
အသုံးပြုခွင့်ပြန်ရပါစေ။

:--:

06/06/2022

02/04/2022

” ဈေးအစ ဇာတ်အလယ် ဖာအဆုံး ”

ယခု ခေတ်ကာလတွင် ရိုင်းပြသော နေရာတွင် သုံးနှုန်းနေ ကြသည်မှာ သိပ်ကို ဝမ်းနည်းဖို့ ကောင်းပါသည် ။ ။

" ဈေးအစ ဇာတ်အလယ် ဖာအဆုံး ”ဆိုတဲ့ ရှေးလူကြီး သူမတို့၏ အချိန်ကာလ နှင့် နေရာ ဒေသ ရွေးတတ်ရန်မှာ ကြားခဲ့သော စကားစုဖြစ်သည်။

#ဈေးအစ ဆိုသည်မှာ ဈေးဝယ်မည့် သူသည် မနက်စောစော ထ၍ ဈေးအစဆုံး ဖွင့်ချိန်တွင် သွားရောက် ဝယ်ယူရမည်ဟု ဆိုလိုပါသည်။ ထိုသို့ ဈေးအစဆုံး ဖွင့်ချိန် သွားရောက်ဝယ်ယူမှ သူများထက်ဦးစွာ လတ်ဆတ် ကောင်းမွန်သော #ကုန်စည် များကို ဝယ်ယူနိုင်မှာပါ။ ဈေးအစတွင် မဝယ်ယူပဲ နောက်ကျ မှ သွားရောက် ဝယ်ယူလျှင် သူများမလိုချင်၍ ကျန်နေသော ကုန်စည်ခပ်ညံ့ညံ့သာ ရရှိမှာ ဖြစ်ပါတယ် ။ ။ ဒါ့ကြောင့် ဈေးအစဟု ဆိုရေးရှိတာပါ ။ ။

#ဇာတ်အလယ် တဲ့ ဇာတ်ကသည့် သူများဟာ ညလယ်ပိုင်းမှာ #ဗုဒ္ဓဝင် တို့ #ပြဇာတ် တို့ ကဲ့သို့သော မှတ်သားထိုက်သည်များကို ကပြ တတ်သောကြောင့် ဇာတ်ကြည့်မယ် ဆိုလျှင် ညလယ်ပိုင်းသည် အဓိက ကြည့်သင့်သည်ဟု ညွှန်ပြခဲ့ခြင်း ဖြစ်ပါသည် ။

တခြားမူကွဲ
ဇာတ်အလယ် ။ ။ ဇာတ်ပွဲကြိုက်သူတို့ ကောင်းကောင်းသိသော စကား ပါ။ ဇာတ်ပွဲကြည့်သူသည် ဇာတ်ပွဲ ကြည့်ပါက ပွဲခင်း၏ မည်သည့်နေရာမှ ကြည့်မှ အဆင်အပြေဆုံး ဖြစ်သနည်း။ ဇာတ်ပွဲကို ထိုင်၍ အနီးကပ်ကြည့်ပါက ဇာတ်ဆောင်တို့ကို မော့ကြည့်ရ၍ ကြာကြာကြည့်နိုင်ဖို့ မလွယ်ပါ။
ရပ်၍ကြည့်က ပင်ပန်းလွယ်၍ ကြာကြာ ကြည့်နိုင်မည်မဟုတ်။ ပွဲခင်း၏ အစွန်မှ ကြည့်ပါက ဝေးလွန်း၍ ရုပ်မထင်ရှားပါ။ ထို့ကြောင့် ပွဲခင်း၏ အလယ်မှ ကြည့်မှသာ အဆင်အပြေဆုံး ကြည့်နိုင်ပေလိမ့်မည်။ ထို့ကြောင့် ဇာတ်အလယ်ဟု ဆိုရိုးပြုခဲ့ကြပြန်၏။

#ဖာအဆုံး တဲ့ ယခု စကားပုံတွင် ပါသော ဖာဆိုသည်မှာ #ထန်းခေါက်ဖာ ကို ပြောတာဖြစ်ပါသည်။ အဝတ်အစား ပစ္စည်းကိရိယာများ ထည့်သွင်း သိမ်းဆည်းထားနိုင်သော သေတ္တာ ကဲ့သို့သော ဖာ သေတ္တာကိုဆိုလိုခြင်း ဖြစ်သည်။
ထိုဖာများကို ရောင်းချမည့် သူများသည် ဖာ သေတ္တာများကို အဆင့်ဆင့် ထပ်ကာ ထမ်းပိုးရောင်းချကြပါသည်။ ထိုသို့ အဆင့်ဆင့် ထပ်ထားသော ဖာ သေတ္တာများတွင် အောက်ဆုံး၌ တောင့်တင်း ခိုင်မာသော ဖာ ကိုထားလေ့ ရှိပါသည် ။ ။ သို့မှသာ အောက်ဆုံးဖာ သည် သူ့အပေါ်မှ ဖာများ၏ အလေးချိန်ကိုခံနိုင်မှာ ဖြစ်ပါတယ်။ထို့ကြောင့် ဖာသေတ္တာ ဝယ်ယူမည်ဆိုလျှင် အောက်ဆုံးဖာကို ဝယ်ယူဖို့ ညွှန်ကြားထားတာ ဖြစ်သည့်အတွက် ဖာအဆုံးဟု ဆိုရေးရှိခဲ့တာ ဖြစ်ပါတယ် ။

ထို့ကြောင့် "စျေးအစ ဇာတ်အလယ် ဖာအဆုံး" ဟူသော စကားပုံ အဓိပ္ပါယ်ကို မှန်ကန်စွာ သိ၍ အခြေအနေအချိန် ကာလကို သိတတ် သူများ ဖြစ်ကြပါစေဟု ဆုတောင်းလျက်။

credit to original uploader

30/03/2022

27/03/2022

အင်းဆို

23/03/2022

အရက်ရောင်းသူက
ဘယ်ကိုမှမသွားရဘဲရောင်းနေရပြီး
နွားနို့ရောင်းသူက အိမ်တိုင်းစေ့ ရောက်နေရတယ်။

ကြေးမုံပြင်က မှန်တယ်
ကိုယ်ငိုရင် ဘယ်တော့မှသူမရီဘူး။

ဖယောင်းတိုင်တွေထွန်းပြီး
သေသူကို သတိတရ ဝမ်းနည်းကြပေမယ့်
ဖယောင်းတိုင်မှုတ်ပြီး
မွေးနေ့ပွဲတွေ ကျင်းပကြတယ်။

ခြေကျင်းစွပ်ကို သိန်းချီပေးဝယ်ရတယ်။
ပြီးတော့ ခြေထောက်မှာ စွပ်ကြတယ်။
ဒါပေမယ့်
ဆံပင်ချည် သရေပင်က ရာဂဏန်းပဲ
တန်ဖိုးရှိပြီး ခေါင်းမှာနေရာရတယ်။

ဒါကြောင့် တန်ဖိုးထက်
လုပ်ဆောင်ရမယ့် နေရာက
အဓိက ဖြစ်လာတယ်။

မှန်ကန်တဲ့ အကြံပေးသူဟာ
ဆားခါးနဲ့တူတဲ့
မိတ်ဆွေစစ်ဖြစ်တယ်လို့ ယူဆပြီး
အလိုလိုက် အကြိုက်ဆောင်
အချိုသတ်ပေါင်းသူတွေဟာ သကြားလိုပါပဲ။

ဆားခါးက ပိုးပုရွက်မကျဘဲ ၊
သကြားကတော့ ပိုးပုရွက်ကြောင့်
ပျက်စီးခြင်းကိုရောက်ရတယ်။

ကောင်းတဲ့လမ်းကို
ဘယ်သူမှ မသွားချင်ကြဘူး။
မကောင်းတဲ့ လမ်းကိုတော့
အားလုံးသွားကြတယ်။

ဒါကြောင့်
အရက်ရောင်းသူက ဘယ်မှမသွားရဘဲ
နွားနို့ရောင်းသူက အိမ်တိုင်းထိသွားရတယ်။

နံရံပေါ်ကဓာတ်ပုံရဲ့ဝန်ကို
တကယ်ထမ်းထားတာက သံချောင်းလေး။
ဒါပေမယ့်
လူတွေချီးမွမ်းကြတာက
သူ့ပေါ်ချိတ်ထားတဲ့ ဓာတ်ပုံ။

လူတွေက
သူတို့ကို တိရိစ္ဆာန်လို့ ပြောရင်
ထသတ်ချင်ကြပြီး
ကျားလို ခြင်္သေ့လို ရဲရင့်လိုက်တာဆိုရင်တော့
ကျေနပ်နေကြပြန်ပါလေရော ။

မင်္ဂလာပွဲတွေမှာ
လူတွေက အရှေ့ကနေ လိုက်ကြပြီး
မသာပို့ချိန်ကြ နောက်ရောက်သွားကြတယ်။

ဒါကိုမြင်ရတော့ လောကကြီးက
ပျော်နေချိန်မှာ သင့်ရှေ့ကနေကြပြီး
ဝမ်းနည်းချိန်မှာ
နောက်ကို ဆုတ်သွားတတ်ကြတဲ့
သင်ခန်းစာကို ယူမိတယ်။

မွေးမယ် သေမယ် ဖြစ်နေကြအုံးမယ့်
တလောကလုံးမှာ အမြဲတမ်းကျန်ခဲ့မယ့်
ကိုယ့်သမိုင်းလေးကိုတော့
လက်ရေးလှအောင် အမှန်ကန်ဆုံး
ရေးနိုင်ကြစေချင် ပါတယ်။

20/03/2022

ယနေ့ နံနက် ၁း၂၀ ၀န်းကျင်ခန့်တွင်
ခန္ဓာ့၀န်ချသွားခဲ့ပြီဖြစ်သော
ရွှေကျင်သာသနာပိုင်ဆရာတော်ကြီးအား
ခန္ဓာ့ဝန်မချမီလေးရက်ခန့်အလို တပေါင်းလပြည့်နေ့ ၌ "တိပိဋကယောဆရာတော်ဘုရားကြီး"မှ
သင်္ကန်းနှင့် ဆေးအလှူအဖြစ် ကပ္ပိယမှတစ်ဆင့် ကျပ်သိန်းနှစ်ဆယ်လှူဒါန်းခြင်း အမှုပြုခဲ့ပါသည်။

ဆရာတော်ဘုရားကြီးနှစ်ပါးအား ရိုသေစွာ
ဦးခိုက်ရှိခိုးပါ၏ဘုရား🙏🙏🙏

Photos Win Thein

​မေတ္တာဖြင့်
ပြန်လည်မျှ​ဝေပါသည်။

20/03/2022

ဒုဌဝတီ မြစ်ထဲကို စီးဝင်နေတယ့်
ရေပျံကြီး ရေတံခွန်

ရှမ်းမြောက် ဒုဌဝတီတံတားအနီး

crd

19/03/2022

ဟိုးရှေးရှေးတုန်းက.....
ရွာတစ်ရွာ မှာ အိမ်ရှင် ယောင်္ကျား တစ်ယောက်ဟာ ညဥ့်တစ်ချက်တီးလောက်မှာ ဝမ်းသွားချင်လွန်းလို့ အိပ်ရာက နိုးလာပါတယ်။

လမိုက်ညကလည်း ဖြစိနေတော့ အပြင်လည်း မထွက်ချင်၊ ဝမ်းကလည်းအလွန်သွားချင်နေတော့ ဘုရားစင်ပေါ်က ညောင်ရေအိုးကြီး ကို လှမ်းကြည့်ပြီး "ညောင်ရေအိုးကြီး ကလည်း ဟောင်းလှပါပြီ မနက်မှ အသစ်ဝယ်ကပ်လိုက်ပါမယ်"လို့ တွေးမိပြီး ဘုရားညောင်ရေအိုးထဲ မစင်စွန့်လိုက်ပါတယ်။

မနက်မိုးလင်းလို့ ညောင်ရေအိုးစွန့်ဘို့ အလုပ်မှာညောင်ရေအိုးထဲမှာ မစင်တွေအစား ရွှေမန်ကျီးတောင့်တွေ ဖြစ်နေသတဲ့။

အဲဒီသတင်းဟာ တစ်ရွာလုံးပြန့်နှံ့ သွားပြီး။ ညဥ့်တစ်ချက်တီးမှာ အိမ်ရှင်ယောင်္ကျားတွေဟာ ဘုရားညောင်ရေအိုးထဲ မစင့်စွန့်ကြ။ မနက် ရွှေမကျီးတောင့်တွေရကြနဲ့ တစ်ရွားလုံး သူဌေး တွေ ဖြစ်ကုန်ကြသတဲ့။

ဒါပေမဲ့ အဲဒီရွာထဲက အိမ်တစ်အိမ်ကတော့ အိမ်ရှင်ယောင်္ကျားက ခရီးသွားနေလို့ ရွှေမန်ကျီးတောင့်မရသေးဘူးဖြစ်နေတယ်တဲ့။

နောက်သုံးလေးရက်အကြာ အိမ်ရှင်ယောင်္ကျား ပြန်လာတော့ မိန်းမဖြစ်သူက"ရှင့်မလဲ ခရီးသွားတာကြာ လိုက်တာတော်"လို့ဆီးပြောပြီး ရွာထဲကအဖြစ်တွေကို ပြောပြတယ်တဲ့။ မိန်းမစကားလည်းဆုံးရော အိမ်ရှင်ယောင်္ကျားက "ကဲရှင်မ ယူစရာရှိတာ ယူ၊ ကလေးတွေခေါ် ကျုပ်တို့ ဒီရွာက အမြန်ဆုံးထွက်ကြမှ ဖြစ်မယ်"လို့ ပြောသတဲ့။

မိန်းမ က "ဘယ့်နှယ်ကျုပ်တို့ ရွှေမကျီးတောင့်မရသေးဘူးလေ"လို့ ပြောပေမယ့် ယောင်္ကျားကြောက်ရသူမို့ ယောင်္ကျားပြောတဲ့အတိုင်း အထုပ်တွေထုပ်ပြီး ကလေးတွေ လက်ဆွဲပြီးရွာအပြင် ဘက်ကို အပြေးထွက်ခဲ့ကြပါသတဲ့။

သူတို့မိသားစု လည်း ရွာအပြင်ဘက်ရောက်ရော ရွာထဲ က ဝုန်းဆိုတဲ့ ကြီးမားတဲ့အသံကြီး ကြားလို့ လှည့်ကြည့်တော့ တရွာလုံးမြေမျို ပြီး သေဆုံးကုန်ကြသတဲ့ ။

တကယ်တော့ မလုပ်သင့်မလုပ်အပ်တာ လုပ်တဲ့ အတွက် တရွာလုံးမြေမျိုဘို့ ဖြစ်နေတာပါ။ ခရီးသွားတဲ့ အိမ်ရှင်ယောင်္ကျား တစ်ယောက်လိုနေသေးတဲ့အတွက် ကံကြမ္မာက တရားသဖြင့်ရှိဘို့ စောင့်နေခဲ့တာပါ။

မလုပ်သင့်တာ မလုပ်ဘူးဆိုတဲ့ ခရီးသွား အိမ်ရှင်ယောင်္ကျား ရဲ့ အဆုံးအဖြတ်က သူတို့မိသားစု အသက်ကို ကယ်တင်လိုက်တာပါ။

သည်ပုံပြင်လေးက အများမိုးခါးရေသောက်တိုင်း မလုပ်သင့်တဲ့ အကုသိုလ် အလုပ်တွေ မလုပ် မိကြ ပါစေနဲ့ လို့သတိပေးအပ်ပါတယ်။

Credit Original Uploader
ထပ်ဆင့်မျှဝေပါသည်။

18/03/2022

နဲနဲတော့ ခါးမယ်

18/03/2022

တချို့အရာတွေက
ပြောင်းပြန်ဖြစ်နေမှ
လှပတာ ။

ခင်ဗျားက သွားပြီး
တည့်လိုက်ရင်တော့
ကြောက်စရာကောင်းတာပေါ့ ။

#သတိ
ပုံကိုအတည့်မကြည့်ပါနဲ့

18/03/2022

ယနေ့ည ဖူးတွေ့ရသည့် ဆံတော်ရှင်ကျိုက်ထီးရိုး -

Photo-ဦးနန်ဒသာမိ

18/03/2022

💒 အိမ်မှာနေရင်း တန်ခိုးကြီး ဘုရားအစုံ ဖူးမြော်ကြမယ် ❣️
❤️❤️💚💚🧡🧡💜💜🤍🤍💛💛🖤🖤💙💙🤎🤎

🔴(၁) ရွှေတိဂုံ
🟠(၂) ကျိုက်ထီးရိုး
🟢(၃) မန္တလေး မဟာမြတ်မုနိ
🔵(၄) ပြည် ရွှေဆံတော်
🟣(၅) သထုံ ရွှေစာရံ
🟤(၆) မော်လမြိုင် ဦးဇိန
⚫(၇) မိုးညှင်း သဗ္မုဒ္ဓေ
🟡(၈) မကွေး မြသလွန်
⚪(၉) ပဲခူး ရွှေမော်တော
🔵(၁၀) မုဒုံ ကန်ကြီးဘုရား
🟢(၁၁) ဗန်းမောက် ဇလုံတောင်
🟡(၁၂) ပုဂံ ရွှေစည်းခုံ
🟠(၁၃) စစ်ကိုင်း ကောင်းမှုတော်
🔴(၁၄) မင်းဘူး ရွှေစက်တော်
🟣(၁၅) တောင်ကြီး စူဠာမုနိ
🟤(၁၆) အင်းလေး ဖောင်တော်ဦး
⚫(၁၇) ပုသိမ် ရွှေမုဌော
⚪(၁၈) ပခုက္ကူ သီဟိုရ်ရှင်
🔴(၁၉) ပြင်ဦးလွင် မဟာအံ့ထူးကံသာ
🔵(၂၀) တောင်ငူ မြတ်စောညီနောင်
🟣(၂၁) ကျောက်ဆည် ရွှေသိမ်တော်
🟤(၂၂) ရေး လေးမျက်နှာဘုရား
🟡(၂၃) ရွှေတောင် ရွှေမျက်မှန်ဘုရား
🟢(၂၄) ဘီးလင်း ဇုတ်သုတ် ကျိုက်ထီးဆောင်း
🟠(၂၅) မြိတ် ရှင်ကဇိန်ဘုရား
⚫(၂၆) ဇင်းကျိုက်ဘုရား
🔴(၂၇) ပေါင် နွားလပို့ဘုရား
⚫(၂၈) ကလိန်အောင် ရှင်ဆံတော်ဘုရား
🟢(၂၉) သံတွဲ နံတော်ဘုရား
🟤(၃၀) မင်းကွန်း မြသိန်းတန်ဘုရား
🟠(၃၁) ကျိုက္ခမီ ရေလယ်ဘုရား
🟤(၃၂) သံလျှင် ကျိုက်မှော်၀န်ရေလယ်ဘုရား
🟣(၃၃) အင်းတော်ကြီး ရွေဇမဉ္ဇူရေလယ်ဘုရား
🔵(၃၄) စုကလိမြို့ မုလအိတောင်ဘုရား
🟢(၃၅) ဇလွန် ပြည်တော်ပြန်ဘုရား
🟡(၃၆) ငပလီ မဒေးတောင်ဘုရား
🔴(၃၇) ပုလိပ် မြွေဘုရား
⚫(၃၈) လှည်းကူး ကံ့ကော်တစ်ထောင်ဘုရား
⚪(၃၉) ဟင်္သာတ ဦးပါရဲဘုရား

ြူရောင်နှလုံးသား✍👸
📸
#ကိုယ်ရောစိတ်ပါချမ်းမြေ့ကြပါစေ
#မေတ္တာဖြင့်ပြန်လည်မျှဝေပါတယ်။

♦️ မိတ်ဆွေတို့ အနေနဲ့ စာပေ ဗဟုသုတ နှင့် အခြား စိတ်ဝင်စားဖွယ်ရာ ‌အကြောင်းအရာ မျိုးစုံကို နေ့စဉ် တင်ဆက်ပေးနေတဲ့ အောက်က Page လေးကိုလည်း Like & Follow လုပ်ထားကြဖို့ မမေ့နဲ့ဦးနော်။ 🥰

❣️ အားလုံးပဲ ရောဂါဘယ အပေါင်းမှ ကင်းဝေးပြီး လိုအင်ဆန္ဒများ ပြည့်ဝကြပါစေနော်။ 😍

https://www.facebook.com/OnlineLibraryOfficial/

🌸

16/03/2022

ပင်းချောင်းထဲက အပန်းဖြေ စခန်းလေး

မကွေးတိုင်း ရေနံချောင်းမြို့

crd

16/03/2022

သိပ္ပံကိုကျော်လွန်သော
---------------

အသက် မရှုတော့တာက သောကြာနေ့လောက်တည်းက။ ၃,၄ရက်ရှိပြီ။ နှလုံးကခုန်နေသေးတယ်။
ခန္ဓာကိုယ်ကလည်း နွေးနေသေးတယ်။
သူငယ်အိမ်လည်း ကျယ်မသွားသေးဘူး။
တစ်နေ့တာ သွေးပေါင်ချိန်လည်း ပုံမှန်ပဲ။

~ဆေးပညာအရ အခုထက်ထိ ဆုံးဖြတ်ချက်
မချနိုင်သေးဘူး လို့ဆိုတဲ့
🙏"တော်ကူးဆရာတော်ဘုရားကြီး"🙏

(13.3.2022)Sun

ိရောဓ_သမာပတ်များဝင်စားနေခြင်းလားဆရာတော်အရှင်သူမြတ်ကြီးဘုရား

~နိရောဓသမာပတ်ဆို ~အနာဂါမ်နဲ့ ရဟန္တာမှ
၀င်စားနိုင်ပါသည်~(၇ရက်ခန့်ကြာမြင့်တတ်ပါသည်) #ထိုအချိန်တွင်_စိတ်_စေတသိက်_စိတ္တဇရုပ်များ_ချုပ်ငြိမ်းနေပါတော့သည်
ကျမ်းကိုး-{သင်္ဂြိုဟ်ကျမ်း_ဝီထိပိုင်း_နှာ-၆၇}

https://www.facebook.com/Nandi.Dhamma.Charity.Page/ ~ရှင်နန္ဒိသေန မှ မေတ္တာဖြင့်
ပြန်လည် ရေးသား မျှဝေပါသည်။(15,3,22)Tue

Edit~ယမန်နေ့ကမှအသက်ပြန်စရှုလာခဲ့ပြီးနောက်ယနေ့ သက်တော်(၉၄)နှစ် ၀ါတော်(၄၀)အရတွင်
ခန္ဓာ့ဝန်ချ,ငြိမ်းတော်မူခဲ့ပါပြီ။🙏🙏🙏😥
#နောက်ဆုံးကြိမ်ရှိခိုးဦးခိုက်လိုက်ပါ၏ဘုရား🙏

crd

ဦးမြင့်ခိုင် &SAI MYO WIN

12/03/2022

ဘုရားထဲမှာ တန်ဖိုးရှိတဲ့ အရာတွေ
ဘာလို့ ထည့်သွင်းထားတာတုန်း။

တစ်ချို့လည်းပဲ စဉ်းစားချင်မှ စဉ်းစားမှာ။
ဘုရားထဲမှာ ဌာပနာတယ်။

ဌာပနာဆိုတာ…ထည့်သွင်းတာ၊
ထည့်သွင်းခြင်း တည်ထားခြင်းလို့ အဓိပ္ပါယ်ရပါတယ်။

အဲဒီတော့ ရတနာတွေ ဘာကိစ္စ
ဘုရားထဲမှာ ထည့်ကြတာတုန်း။

နိုင်ငံခြားသားတွေ အမြင်နဲ့ကြည့်ရင်တော့ ဒါဟာ အကျိုးမရှိဘူးလို့ ပြောမှာပေါ့နော်။
ဒါတွေထည့်လိုက်လို့ဘာအကျိုးရှိမှာတုန်း။

ဘုရားရုပ်ပွား ဆင်းတုတော် ထည့်တာတော့
ထားပါတော့။ ရတနာတွေ ထည့်တယ်။
အခုခေတ်လည်း ထည့်တာပဲ။

ကြည်ညိုတဲ့ပုဂ္ဂိုလ်တွေက
ကိုယ့်သဒ္ဓါတရားနဲ့ ကိုယ် ထည့်ကြတယ်။
ဘာအတွက် ထည့်တာလဲဆိုတော့
ကြည်ညိုလို့ လှူတာပဲ သိတယ်။

သို့သော်…တကယ့်အစစ်အမှန်က ရည်ရွယ်ချက် ရှိတယ်။

မြတ်စွာဘုရား ပရိနိဗ္ဗာန်စံတဲ့အခါ
ဘုရားရဲ့ ဓာတ်တော်တွေကို
ရှစ်ပြည်ထောင်မင်းတွေကို ခွဲဝေပြီး ပေးလိုက်တယ်။

ဓာတ်တော်တွေက ရှစ်ပြည်ထောင်တောင်
ရောက်သွားတယ်။

ဒီဓာတ်တော်တွေကို အန္တရာယ်ဖြစ်မှာစိုးလို့
အရှင်မဟာကဿပတို့က
အဇာတသတ်မင်းနဲ့ တိုင်ပင်ပြီးတော့
ဓာတ်တော်တိုက်ကြီး တစ်ခုလုပ်ပြီး ဓာတ်တော်တွေ စုထည့်ထားတယ်တဲ့။

အဲဒီလို စုထည့်ထားပြီး အင်မတန်
တန်ဖိုးရှိတဲ့ ပတ္တမြား တစ်လုံးကို
အဲဒီထဲမှာ ထည့်ထားပြီး စာရေးထားတယ်။

နောင်တစ်ချိန်ကျရင်…
ဒီဓာတ်တော်တိုက်ကြီး ပျက်စီးသွားရင်
ပြင်ဆင်ဖို့အတွက် ငွေကြေး မတတ်နိုင်ဘူးဆိုရင် ဒီပတ္တမြားတုံးကြီးကို ရောင်းချပြီး ပြုပြင်ပါတဲ့။

အဲဒီတော့ ရတနာတွေ ထည့်သွင်းထားခဲ့တယ်ဆိုတဲ့ အဓိပ္ပါယ်ဟာ…
သင်္ခါရသဘောတရားအရ တစ်နေ့ကျ
ပျက်မှာပဲ။

maintenance လိုတယ်လေ။
maintenance အတွက် ထည့်ခဲ့တာ။
ဒီလိုဆိုလို့ရှိရင်တော့ ရည်ရွယ်ချက်
ကောင်းတယ်ပေါ့။

maintenance အတွက် deposit
လုပ်ထားခဲ့တာ။ ဒါတွေကိုယူပြီး
ဘုရားပြင်ရမယ်ပေါ့။
အဲဒီ ရည်ရွယ်ချက်ပဲ။

နောက်ပိုင်းကျတော့…
ဒီရည်ရွယ်ချက်က တဖြည်းဖြည်း
ပျောက်လာတဲ့ သဘောပဲ။

မြန်မာပြည်မှာ…ကုသိုလ်ရှင်တွေ ဆိုင်းဘုတ် ထိုးလေ့ ရှိကြတယ်လေ။
ဘုရားတံတိုင္းတို့ ဘာတို့ ညာတို့
အကုန်လုံးပေါ့။

ကုသိုလ်ရှင်တွေ ဘာလို့ ထိုးတာတုန်း-?
နာမည် ကြော်ငြာတာလား။
ရည်ရွယ်ချက်က ဘာလဲ။
ကိုယ့်ကို လူသိစေချင်လို့ ထိုးတာလား။

မသိလည်း ဘာဖြစ်လဲ-?
လှူတာက လှူတာပဲပေါ့။

အဲဒီတော့ ဆိုင်းဘုတ်ထိုးခြင်းရဲ့ ရည်ရွယ်ချက်က ဘာလဲဆိုရင်
အမျှဝေတဲ့သဘော၊ မြင်တဲ့ပုဂ္ဂိုလ်က သာဓုခေါ်ရအောင်လို့။

ဒါ့ကြောင့်မို့…ရှေးတုန်းက
မိသားစုကောင်းမှုဆိုတာရဲ့ နောက်မှာ…
နတ်လူ သာဓုခေါ်စေသော် ဆိုတာလေး
ပါတယ်။

အခုခေတ်ကတော့…အဲဒီ
နတ်လူသာဓု ခေါ်စေသော်ဆိုတာလေး
ပျောက်သွားပြီး နာမည်ကြော်ငြာတာ
ဖြစ်သွားတယ်။
ဒါက ပြောင်းလဲလာတဲ့ သဘောပေါ့နော်။

မူရင်းအဓိပ္ပါယ် ပျောက်သွားပြီးတော့ ပြောင်းလဲလာတဲ့ သဘောဟာ
ဒီလိုပဲ ရှိတယ်ပေ့ါ။

စပြီးလုပ်တဲ့ အချိန်ကတော့ အဓိပ္ပါယ်
ရှိတယ်။

အဲဒီအဓိပ္ပါယ်ရှိတာတွေဟာ
နောက်ပိုင်း အဓိပ္ပါယ် မသိတော့ဘူး။
တစ်မျိုးတစ်မည် ပြောင်းလဲသွားတတ်တယ်။

#ပါမောက္ခချုပ်ဆရာတော်ကြီး
ဒေါက်တာအရှင်နန္ဒမာလာဘိဝံသ။

တရားချစ်ခင်သူ.မျှဝေပူဇော်လှူဒါန်းပါသည်
ဓမ္မအသိနဲ့ အကျိုးရှိကြပါစေ

ⵗⵗ̥̥̊̊ⵗ̥̥̥̥̊̊̊ⵗ̥̥̥̥̥̊̊̊̊ⵗ̥̥̥̥̥̥̊̊̊̊̊ⵗ̥̥̥̥̥̥̥̊̊̊̊̊ⵗ̥̥̥̥̥̥̥̥̊̊̊̊ⵗ̥̥̥̥̥̥̥̥̥̊̊̊ⵗ̥̥̥̥̥̥̥̥̥̥̊̊ⵗ̥̥̥̥̥̥̥̥̥̥̥ⵗ̥̥̥̥̥̥̥̥̥̥̊̊ⵗ̥̥̥̥̥̥̥̥̥̊̊̊ⵗ̥̥̥̥̥̥̥̥̊̊̊̊ⵗ̥̥̥̥̥̥̥̊̊̊̊̊ⵗ̥̥̥̥̥̥̊̊̊̊̊ⵗ̥̥̥̥̥̊̊̊̊ⵗ̥̥̥̥̊̊̊ⵗ̥̥̊̊

🙏🙏🙏🙏🙏
ဓမ္မဒါနပြန်လည်မျှ​​ဝေပါသည်။
သဗ္ဗဒါနံ ဓမ္မဒါနံ ဇိနာတိ_အလှူအားလုံးတို့တွင် တရားအလှူသည် အမြတ်ဆုံးဖြစ်၏။
■□■□■□■□■□■□
💠 ဓမ္မကို ဖြန့်ဝေသောသူသည် ...
"သာသနာပြုသူ" မည်ပါ၏။
ဓမ္မကို ဖြန့်ဝေခြင်းမှာ ...
"ပတ္တိဒါနကုသိုလ်" ဖြစ်ပါ၏။

ထို​ကြောင့် ... 📖🖍💻မိမိတို့၏
အပေါင်းအသင်းမိတ်ဆွေများ သိရှိ/ မှတ်​သား/ အသုံးချ နိုင်စေရန် ခွင့်မတောင်းဘဲ (share/copy)
လွတ်လပ်စွာ မျှ​ဝေ/ကူးယူခွင့်ပြုပါသည်။
#ကုသိုလ်​ကောင်းမှုများကိုမ​မေ့မ​လျော့ပြုနိုင်ကြပါ​စေ။



မျှဝေသူ ဦးကျော်မြင့်

11/03/2022

အိန္ဒိယနိုင်ငံမှာ မျောက်တစ်ကောင်ကို ဖမ်းမိထားပုံဖြစ်ပါတယ်။ အဆိုပါမျောက်ဟာ တစ်ခုခုကိုဆက်တိုက်နှိပ်နေတာကြောင့် … See more…

11/03/2022

ကောင်းရာသုဂတိမှာ စံစားနိုင်ပါစေ ဦးဖြူ

11/03/2022

💝 မြို့မှာပုသိမ် 💝

💝 ဗာဒံသီးကို "လိပ်ကလေးသီး"လို့ခေါ်တဲ့မြို့..။

💝 ခရမ်းချဉ်သီးကို"မြေပုံသီး"လို့ခေါ်တဲ့မြို့...။

💝မျက်နှာသုတ်ပုဝါကို"ဖူးစောင်"လို့ခေါ်တဲ့မြို့..။

💝"ဟာလဝါ"ဆိုတဲ့မုန့်ကို လက်ဆောင်ပေးဖို့သာ
ဝယ်တတ်ပြီး ဈေးကြီးလွန်းလို့ဝယ်ပြီး စားလေ့စားထ
မရှိတဲ့သူတွေ နေတဲ့မြို့..။

💝 ကမ္ဘာကျော်တဲ့"ပုသိမ်ထီး"ထွက်ပြီး တနှစ်တခါ
သာ "ရှမ်းကုန်သည်"လှည့်ရင်းဆောင်းတဲ့ သူတွေနေ
တဲ့မြို့..။

💝 "ရွာသစ်မုန့်ဟင်းခါး"လို့ခေါ်တဲ့၊မုန့်ဟင်းခါးကို..
မုန်ဖတ်သေးသေးလေးတွေနဲ့စားရတဲ့"မုန့်ဟင်းခါး"
ရှိတဲ့မြို့..။

💝 ဘယ်မြို့က "ကော်ရည်"နဲ့မှမတူတဲ့ ရိုးရှင်းပြီး..
"အရသာ"ရှိတဲ့"ကော်ရည်ခေါက်ဆွဲ"ရှိတဲ့မြို့..။

💝 မြို့တကာကထွက်တဲ့ "ပုဇွန်ချဉ်"တွေထက် ပို
ကောင်းပြီး အရသာရှိတဲ့ "တာကိုင်းပုဇွန်ချဉ်"ထွက်
တဲ့မြို့..။

💝 ပိုကောင်းပြီး "မွှေးကြိုင်"ကာ အရသာရှိတဲ့"..
"ပိတောက်ချောင်း"ထန်းသီးမုန့် ထွက်တဲ့ မြို့..။

💝 အရသာရှိတဲ့ "သစ်ပုတ်ကုန်း " ထန်းလျက်နဲ့..
"ရွှေမြင်တင်"ကတက်ချဉ် ထွက်တဲ့မြို့..။😍😍😍

💝မြန်မာပြည်မှာ အကောင်းဆုံးဆိုတဲ့"ကဝက်ကင်း"
ငါးသလောက်နဲ့ယှဉ်နိုင်တဲ့ ဆူဖြိုးလှတဲ့ "ဝါးယားချောင်း"
ငါးသလောက် ထွက်တဲ့မြို့..။

💝မြန်မာပြည်မှာ အကောင်းဆုံး"ကြိမ်နီကုန်း"
ဒညင်းသီး ထွက်တဲ့မြို့..။

💝 "ကျွန်းလျားရှည်" နာနတ်သီးနဲ့ အရသာအရှိ
ဆုံး"သလပ်ဖက်" သရက်သီးကိုမှ စားရတဲ့မြို့..။

💝 မြန်မာပြည်မှာအကောင်းဆုံး"ဥတိုပေါ်ဆန်း"
ဆန်ကိုမှ စားရတဲ့မြို့..။

💝ရွှေထီး၊ငွေထီး၊ကြေးထီး ထီးတော်သုံးဆင့်နဲ့
တည်ထားတဲ့ဆုတောင်းပြည့်စေတီတော်ကြီး"..
တည် ရှိတဲ့မြို့..။

💝 အရသာရှိတဲ့"ပြစ်ဆိမ့်"လက်ဘက်ရည် ရတဲ့
မြို့..။

💝 အပျိုချောနဲ့မိန်းမလှတွေပေါတဲ့မြို့..။

💝 နိုင်ငံတော် သမ္မတ (၄)ဦး ပေါ်ထွက်ခဲ့တဲ့မြို့..။

အဲဒါ ကျွန်တော်တို့ "ပုသိမ်မြို"...:☺ ☺ ☺

( အဝေးရောက်အမျိုးများသို့ )

အောင်မင်း ( မြန်မာစာ )

( ယခင်ရေးခဲ့သောစာကိုပုသိမ်အလွမ်းရာပြည့်အဖြစ်
အနည်းငယ်ဖြည့်စွက်ဖော်ပြအပ်ပါသည် )

: copy

06/03/2022

လူတစ်ယောက်ဆီမှာ မြို့တစ်မြို့တော့ရှိလိမ့်မယ်။

အမြဲ ပြန်ချင်နေတဲ့ မြို့ပေါ့ ... ... ...

အဲ့မြို့မှာတစ်စုံတစ်ယောက်ရှိလို့လည်းဖြစ်နိုင်သလို၊
ဘာမှမရှိဘဲ ဒီအတိုင်း ပြန်ချင်တဲ့
မြို့တစ်ခုလည်းဖြစ်နိုင်တယ်။

နေဝင်ချိန်ချင်းအတူတူ အဲ့မြို့ရဲ့ နေဝင်ချိန်ကတော့
ပိုပြီး စိတ်အေးစရာကောင်းနေသလို ...

နေထွက်တာချင်းအတူတူ အဲ့မြို့ရဲ့ နေထွက်ချိန်က
ပိုပြီးခွန်အားဖြစ်စရာပါပဲ။

တိုက်ခတ်လာတဲ့လေပြေညှင်းတွေကြား
စိတ်သက်သာ ရပြီး အဲ့မြို့ရဲ့လမ်းတွေပေါ်မှာ
ညဘက်လမ်းလျှောက်ရတဲ့ ချမ်းအေးလူလူအရသာက လောကရဲ့ဘယ်အရာနဲ့မှထပ်မလဲချင်ဘူး။

ချစ်ခြင်းမေတ္တာကိုလည်း အဲ့မြို့မှာပဲ တွေ့ချင်တယ်။

အခြေချရတဲ့အခါလည်း အဲ့မြို့မှာပဲ ဖြစ်ချင်တယ်။

လူတစ်ယောက်ကိုလည်းလွမ်းရသလို
မြို့တစ်မြို့ကိုလည်း လွမ်းတတ်ပါတယ်။

စိတ်ရော၊ လူပါ ဖျားနာရတဲ့နေတွေဆို
အရာအားလုံးကနေပြေးထွက်ပြီး

အဲ့ မြို့ရဲ့ လေပြေတွေကိုရှူရှိက်ရင်း
အဲ့မြို့က ပန်းတွေကို ကြည့်ရတာက
လောကရဲ့အမောတွေပြေမှာအမှန်ပါပဲ။

Credit

#ပုသိမ်

03/03/2022

#မိုးကုတ်ဆရာတော်ဘုရားကြီး
ရုပ်ကလာပ်တော် မှ
ထူးခြားချက် ( ၁၅ ) ချက်

၁။ရုပ်ကလာပ်တော် ဆေးသွင်းရာတွင်
သွေးစိမ်းများ အထက်သို့ လေးလက်မခန့်
ထောင်၍ ပန်းထွက်ခြင်း နေ့စဉ် (၇)ရက်တိုင်တိုင်
ဆေးထိုးတိုင်း သွေးစိမ်းများ ထွက်ခြင်း

၂။ဆေးသွင်းစ ညိုမည်းသွားသော်လည်း
အသားတော်မှာ တဖြည်းဖြည်းဖြင့်
သက်တော်ရှိစဉ် ကဲ့သို့ ဝင်းထိန်တောက်ပလာခြင်း

၃။အသားတော်များမှာ သက်တော်ရှိစဉ်
ကကဲ့သို့ ပျော့ပျောင်းနေခြင်း

၄။သက်တော်ရှိစဉ်က ရိတ်ခဲ့သော
ဆံတော်များမှာ ဓါတ်တော်ကဲ့သို့
လုံးသွားခြင်း

၅။ခြေသည်း လက်သည်းများ
ရှည်ထွက်လာခြင်း

၆။ဆံတော်များရှည်ထွက်ခြင်း

၇။ရုပ်ကလာပ်တော်ကို ဗဟိုစံကျောင်းမှ
ဦးကျော်သိန်း ဒေါ်တင်လှ မဏ္ဍပ်သို့
ပင့်ဆောင်လာစဉ် လူအုပ်အများကြီး
ပေါ်မှ ပျားကောင်ရေ များစွာသည်
ဆရာတော်ဘုရားကြီးကို ပူဇော်ဖူးမျှော်လျက်
ပင့်ဆောင်လာသော လမ်းစဉ်အတိုင်း ပျံသန်း
လိုက်ပါလာပြီး ရုပ်ကလပ်ထားရှိသည့် မုခ်ဦး
ထိပ်တွင် ဝင်ရောက်စွဲအုံ့ကြခြင်း

၈။ရုပ်ကလာပ်တော်ကို မီးသင်္ဂြ ိုလ်ရာတွင်
အချိန်ကြာမြင့်စွာ မီးမစွဲဘဲ ကျိန်းစက်နေဘိ
သကဲ့သို့ စင်းစင်းပင် တည်ရှိခြင်း

၉။မီးစွဲလောင်သော်လည်း ရုပ်ကလပ်မှာ
ရုန်းခြင်း ကွေးခြင်း မရှိဘဲ ပကတိ ကျိန်းစက်
သကဲ့သို့ တည်ရှိခြင်း

၁၀။ရုပ်ကလာပ်တော်မှ မကောင်းသော
အနံ့များ မထွက်ခြင်း

၁၁။မီးသင်္ဂြ ိုလ်စဉ် ကောက်ယူထားသော
အရိုးတော်များမှာ တဖြည်းဖြည်း ဓါတ်တော်များ
ဖြစ်လာခြင်း

၁၂။ မီးသင်္ဂြ ိုလ်ပြီးနောက် အုတ်ပလ္လင်မှ
အရိုးတော်တစ်ပိုင်း ဓါတ်တော်တစ်ပိုင်း
ရရှိခြင်း

၁၃။ မီးသင်္ဂြ ိုလ်ပြီးနောက် အုတ်ပလ္လင်
ဖျက်ပြီးမှ အရောင်စုံ အသွယ်စုံ
ဓါတ်တော်များ ရရှိခြင်း

၁၄။ မီးသင်္ဂြ ိုလ်ပြီးနောက် သက်တော်ရှိစဉ်
ကကဲ့သို့ အကြည်ဓါတ်မပျက် မီးမခဘဲ
မျက်လုံးတော် ကျန်ရှိခြင်း

၁၅။ မီးသင်္ဂြ ိုလ်ပြီးနောက် ချိတ်ဆက်ဖြစ်သော
လက်သစ်ရိုးတော် ရရှိခြင်း

မိုးကုတ်ဆရာတော်ဘုရားကြီး
၏ ထေရုပ်ပ္ပတ္တိနှင့်ကျင့်စဉ်
စာအုပ်မှ

#မေတ္တာဖြင့်ပြန်လည်မျှဝေကုသိုလ်ပြုသည်

#ရှင်ပညာသီရိ