Myanmar Hoteliers Association

16/12/2024

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းချုပ်၏ (၂၀၂၅-၂၀၂၇)ခုနှစ်၊ နဝမအကြိမ်မြောက်သက်တမ်း အတွက် အလုပ်အမှုဆောင်သစ်‌ ရွေးချယ်တင်မြှောက်ပွဲအခမ်းအနားကျင်းပ
===================================

၂၀၂၄ ခုနှစ်၊ ဒီဇင်ဘာလ (၁၄)ရက်နေ့၊ မွန်းလွဲပိုင်းတွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းချုပ်၏ (၂၀၂၅-၂၀၂၇)ခုနှစ်၊ နဝမအကြိမ်မြောက်သက်တမ်းအတွက် အလုပ်အမှုဆောင်သစ် ရွေးချယ်တင်မြှောက်ပွဲ အခမ်းအနားကို ရန်ကုန်မြို့၊ Novotel Yangon Max Hotel ၌ ကျင်းပပြုလုပ်ရာ ရွေးချယ်တင်မြှောက်ပွဲ ကျင်းပရေးကော်မရှင် ဥက္ကဌအဖြစ် ဟိုတယ်နှင့်ခရီးသွားလာရေးဝန်ကြီးဌာနမှ ညွှန်ကြားရေးမှူးချုပ် ဦးမောင်မောင်ကျော်၊ အဖွဲ့ဝင်များအဖြစ် မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဌ ဦးရန်ဝင်း၊ မြန်မာနိုင်ငံခရီးသွားလုပ်ငန်းရှင်များအသင်း ဥက္ကဌ ဦးကျော်ဘုန်းနိုင်၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းမှ တွဲဖက်ဘဏ္ဍာရေးမှူး(၁) ဦးစံထွေးနှင့် တွဲဖက်စာရင်းစစ်(၃) ဦးဌေးရွှေတို့သည် ကော်မရှင်အဖြစ်ပါဝင်ခဲ့ပြီး မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း ဥက္ကဌ ဦးအောင်မျိုးမင်းဒင်နှင့် အလုပ်အမှုဆောင်များ၊ ဇုန်နယ်မြေများမှ ဥက္ကဌများနှင့် အလုပ်အမှုဆောင်များ၊ ဟိုတယ်လုပ်ငန်းရှင်များ၊ E-Voting အတွက် နည်းပညာတာဝန်ယူဆောင်ရွက်ပေးသည့် UMFCCI မှ ဦးဆောင်ဖွဲ့စည်းထားသော MDEA အသင်းမှ တာဝန်ရှိသူများ တက်ရောက်ခဲ့ကြပါသည်။

အခမ်းအနားတွင် ဟိုတယ်နှင့်ခရီးသွားလာရေး၀န်ကြီးဌာန ညွှန်ကြားရေးမှူးချုပ် ဦးမောင်မောင်ကျော်မှ အဖွင့်အမှာစကားပြောကြားခြင်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း ဥက္ကဌ ဦးအောင်မျိုးမင်းဒင်မှ အမှာစကားပြောကြားခြင်း၊ နှစ်ပတ်လည် အစီရင်ခံစာအား အထွေထွေအတွင်းရေးမှူး ဦးနေအောင်ကိုမှ ဖတ်ကြားတင်ပြခြင်း၊ ငွေစာရင်းရှင်းတမ်းအား ဘဏ္ဍာရေးမှူး ဦးသီဟအောင်မှ ဖတ်ကြားတင်ပြခြင်း၊ စာရင်းစစ် အစီရင်ခံစာအား စာရင်းစစ် ဦးသန်းဦးမှ တင်ပြခြင်းနှင့် နှစ်ပတ်လည် အစီရင်ခံစာနှင့် ငွေစာရင်းရှင်တမ်းအား အခမ်းအနားမှူးမှ ကြေညာခဲ့ပြီး တက်‌ရောက်လာသူများမှ ကန့်ကွက်မည့်သူမရှိသောကြောင့် အစည်းအဝေးမှ အတည်ပြုမှတ်တမ်းတင်ကြောင်း ကြေညာခဲ့ပါသည်။

ထို့နောက် အခမ်းအနားမှူးမှ (၂၀၂၂-၂၀၂၄)ခုနှစ်၊ အဌမအကြိမ်မြောက်သက်တမ်းတွင်အလုပ်အမှုဆောင်များအဖြစ် ပါဝင်ဆောင်ရွက်ခဲ့သော အလုပ်အမှုဆောင်များအားလုံး နှုတ်ထွက်ကြောင်း ကြေညာခဲ့ပြီး ကော်မရှင်အဖွဲ့မှ ရွေးချယ်ရေးဆိုင်ရာကိစ္စရပ်များကို ရှင်းလင်းတင်ပြခဲ့ပါသည်။

ဆက်လက်ပြီး အလုပ်အမှုဆောင်များအဖြစ် ရွေးချယ်ခံရန်ဆန္ဒပြုထားသူ (၂၁)ဦးတို့အား အခမ်းအနားမှူးမှ မိတ်ဆက်ပေးခဲ့ပြီး အလုပ်အမှုဆောင်များ ရွေးချယ်တင်မြှောက်ခြင်းကို ဇုန်(၂၁)ဇုန် အလုပ်အမှုဆောင်များမှ E-Voting စနစ်ဖြင့် မဲပေးရွေးချယ်ခဲ့ကြပါသည်။

အဆိုပါအခမ်းအနားမှ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း အသင်းချုပ်အလုပ်အမှုဆောင်များ အဖြစ်-
(၁) ဦးသိန်းဝင်း - ဥက္ကဌ (Beauty Land Hotel ၊ ရန်ကုန်ဇုန်)
(၂) ဦးထွန်းလင်းသောင်း - ဒုတိယဥက္ကဌ(၁) (Alinkar Hotel & Resort ၊ သရေခေတ္တရာ(ပြည်)ဇုန်)
(၃) ဒေါက်တာကျော်မင်းထွန်း - ဒုတိယဥက္ကဌ(၂) (Oattara Thiri Hotel ၊ နေပြည်တော်ဇုန်)
(၄) ဦးမျိုးမင်းဇော် - ဒုတိယဥက္ကဌ(၃) (Saffron Lodge & Viewpoint Lodge ၊ ရှမ်းတောင်ဇုန်)
(၅) ဦးဇော်ထိုက်အေး - ဒုတိယဥက္ကဌ(၄) (Jasmine Hotel ၊ ရန်ကုန်ဇုန်)
(၆) ဦးသန်းထွဋ် - ဒုတိယဥက္ကဌ(၅) (Hilton Ngapali Resort ၊ ရခိုင်ဇုန်)
(၇) ဦးနေအောင်ကို - အထွေထွေအတွင်းရေးမှူး (Thamada Family Hotel ၊ ရန်ကုန်ဇုန်)
(၈) ဦးသိန်းအုပ်အောင်ပိုင် - တွဲဖက်အထွေထွေအတွင်းရေးမှူး(၁) (Hotel Yankin ၊ ရန်ကုန်ဇုန်)
(၉) ဦးကျော်ညီညီလတ် - တွဲဖက်အထွေထွေအတွင်းရေးမှူး(၂) (Lucky Hotel ၊ မန္တလေးဇုန်)
(၁၀) ဦးမျိုးမင်းအောင်ကျော် - တွဲဖက်အထွေထွေအတွင်းရေးမှူး(၃) (Vantage Hotel ၊ ကရင်ဇုန်)
(၁၁) ဦးကျော်နန္ဒမောင် - တွဲဖက်အထွေထွေအတွင်းရေးမှူး(၄) (White Hill Hotel ၊ ရန်ကုန်ဇုန်)
(၁၂) ဦးသီဟအောင် - ဘဏ္ဍာရေးမှူး (Dream Light Guest House ၊ ရန်ကုန်ဇုန်)
(၁၃) ဦးအောင်သန်း - တွဲဖက်ဘဏ္ဍာရေးမှူး(၁) (Palae Shwe Yee Hotel ၊ မကွေးဇုန်)
(၁၄) ဒေါ်ယုလဲ့အောင် - တွဲဖက်ဘဏ္ဍာရေးမှူး(၂) (Seaman Inn ၊ မန္တလေးဇုန်)
(၁၅) ဦးချမ်းမင်းဦး - တွဲဖက်ဘဏ္ဍာရေးမှူး(၃) (Hotel Balmi ၊ ရန်ကုန်ဇုန်)
(၁၆) ဦးသန်းဦး - စာရင်းစစ် (Bay View Hotel ၊ ရခိုင်ဇုန်)
(၁၇) ဦးသန်းရွှေ - တွဲဖက်စာရင်းစစ်(၁) (Crown Prince Hotel ၊ ပုဂံဇုန်)
(၁၈) ‌ဒေါ်ကေသီနိုင် - တွဲဖက်စာရင်းစစ်(၂) (Yuzana Hotel ၊ ရန်ကုန်ဇုန်)
(၁၉) ဦးသန့်နိုင်ထွန်း - တွဲဖက်စာရင်းစစ်(၃) (Hotel Bo Bo Min ၊ ရန်ကုန်ဇုန်)
စသည့် အသင်းချုပ်အလုပ်အမှုဆောင် (၁၉)ဦးကို ရွေးချယ်တင်မြှောက်ခဲ့ပါသည်။

ထို့နောက် ရွေးချယ်ခံရသည့် အသင်းချုပ် အလုပ်အမှုဆောင်အဖွဲ့သစ်ကိုယ်စား ဥက္ကဌ ဦးသိန်းဝင်းမှ အမှာစကားပြောကြားခဲ့ပြီး မှတ်တမ်းတင် ဓါတ်ပုံရိုက်ကူးကာ အခမ်းအနားကို ရုတ်သိမ်းခဲ့ပါသည်။

23/01/2024

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မော်လမြိုင်ဇုန်)တွင် “Positive Attitude in Hospitality Professionalism” ခေါင်းစဉ်ဖြင့် Panel Discussion ကျင်းပပြုလုပ်ခြင်း
=======================================

၂၀၂၄ ခုနှစ်၊ ဇန်နဝါရီလ (၂၂)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ)နှင့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မော်လမြိုင်ဇုန်)တို့ ပူးပေါင်းစီစဉ်ပြီး YGE Training Center မှ ပို့ချသည့် “Positive Attitude in Hospitality Professionalism” ခေါင်းစဉ်ဖြင့် Panel Discussion အခမ်းအနားကို မော်လမြိုင်မြို့၊ Royal Mawlamyine Hotel ၌ ကျင်းပပြုလုပ်ခဲ့ပါသည်။ ၎င်း Panel Discussion အခမ်းအနားတွင် ဆရာအောင်ဇော်ဇော်ဝင်း၊ ဆရာအောင်အောင်လွင်၊ ဆရာအောင်ဆန်းကြိုင်နှင့် ဆရာမကေသီနိုင်တို့မှ Speaker များအဖြစ် ပါဝင်ဟောပြောပို့ချခဲ့ပြီး (၆၂)ဦးခန့် တက်ရောက်ခဲ့ကြောင်းသိရသည်။

23/01/2024

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကရင်ဇုန်)တွင် “Ethic of Professional Employee in Hospitality Industry” ခေါင်းစဉ်ဖြင့် Panel Discussion ကျင်းပပြုလုပ်ခြင်း
=======================================

၂၀၂၄ ခုနှစ်၊ ဇန်နဝါရီလ (၂၁)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ)နှင့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကရင်ဇုန်)တို့ ပူးပေါင်းစီစဉ်ပြီး YGE Training Center မှ ပို့ချသည့် “Ethic of Professional Employee in Hospitality Industry” ခေါင်းစဉ်ဖြင့် Panel Discussion အခမ်းအနားကို ကရင်ပြည်နယ်၊ ဘားအံမြို့ရှိ The Grace Hotel ၌ ကျင်းပပြုလုပ်ခဲ့ပါသည်။ ၎င်း Panel Discussion အခမ်းအနားတွင် ဆရာအောင်ဇော်ဇော်ဝင်း၊ ဆရာအောင်အောင်လွင်၊ ဆရာအောင်ဆန်းကြိုင်နှင့် ဆရာမကေသီနိုင်တို့မှ Speaker များအဖြစ် ပါဝင်ဟောပြောပို့ချခဲ့ပြီး (၆၀)ဦးခန့် တက်ရောက်ခဲ့ကြောင်းသိရသည်။

19/12/2023

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း အဋ္ဌမအကြိမ်မြောက်သက်တမ်း၏ ဒုတိယအကြိမ် နှစ်ပတ်လည် အသင်းသားစုံညီအစည်းအဝေး ကျင်းပပြုလုပ်ခြင်း
===================================

၂၀၂၃ ခုနှစ်၊ ဒီဇင်ဘာလ (၁၆)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း အဋ္ဌမအကြိမ်မြောက်သက်တမ်း၏ ဒုတိယအကြိမ် နှစ်ပတ်လည် အသင်းသားစုံညီအစည်းအဝေးကို Video Conferencing ဖြင့်ကျင်းပပြုလုပ်ရာ ဥက္ကဋ္ဌ ဦးအောင်မျိုးမင်းဒင်နှင့် ဗဟိုအလုပ်အမှုဆောင်များ၊ အလုပ်အမှုဆောင်များ တက်ရောက်ခဲ့ကြပါသည်။

အစည်းအဝေးတွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း ဥက္ကဋ္ဌမှ အဖွင့်အမှာစကားပြောကြားရာတွင် အခက်အခဲတွေကြားထဲမှ အစည်းအဝေးကို အသင်းသားတွေကိုယ်စား တက်ရောက်ပေးတဲ့အတွက် ကျေးဇူးတင်ပါကြောင်း၊ ဒီကြားထဲမှာ အမျိုးသားခရီးသွားလုပ်ငန်းဖွံ့ဖြိုးတိုးတက်ရေး ဗဟိုကော်မတီအစည်းအဝေး (၂)ကြိမ်တက်ရောက်ခဲ့ကြောင်း၊ တရုတ်နှင့်အိန္ဒိယကို Visa on Arrival ပေးဖို့ကိစ္စတင်ပြပြီးတဲ့အခါ တိုးတက်ဖြစ်ပေါ်လာကြောင်း၊ အဲ့ဒီနောက်ပိုင်းမှာလည်း Discussion လုပ်ပြီးတဲ့အခါ နိုင်ငံတော်ကို
ဆက်လက်တင်ပြတောင်းဆိုထားတဲ့ အချက်တွေလည်းရှိထားပါကြောင်း၊ World Tourism Day နေ့မှာ နိုင်ငံတော်ဝန်ကြီးချုပ်ကိုတွေ့တဲ့အခါ တည်ငြိမ်အေးချမ်းနေတဲ့ Border တွေကနေ နိုင်ငံခြားသားတွေကို ဝင်ခွင့်ပေးဖို့နှင့် လက်ရှိပုဂံမှာ လေကြောင်းလိုင်း တစ်ပတ်ကို(၂)ကြိမ်ပြေးဆွဲတာကို အခေါက်ရေတိုးပြီးပြေးဆွဲဖို့ တင်ပြခဲ့ရာမှာ လေကြောင်းလိုင်းနှင့်ပတ်သက်ပြီး ချက်ချင်းဆွေးနွေးပွဲတွေလုပ်ခဲ့ပါကြောင်း၊ ပြီးခဲ့တဲ့ နိုဝင်ဘာလ (၁၄)ရက်နေ့က တာချီလိတ်ကနေ တတိယနိုင်ငံသား မြန်မာနိုင်ငံကိုဝင်ရောက်ခွင့်ရပြီဖြစ်ကြောင်း၊ Visa, Passport ရှိရမယ်၊ မြန်မာနိုင်ငံက Travel Agency နှင့်ချိတ်ဆက်ပြီး ခရီးသွားမယ့်သူဖြစ်ရမယ်ဆိုတဲ့အချက်နှင့် ဝင်ရောက်ခွင့်ပေးလိုက်ပြီဖြစ်ကြောင်း၊ အဲ့ဒီစာရွက်က ကျွန်တော်တို့ဆီရောက်တာ ကြန့်ကြာနေတဲ့အတွက် ပြီးခဲ့တဲ့(၃)ရက်ကမှ လက်ထဲရောက်ပါကြောင်း၊ အသင်းသားတွေကို ဆက်လက်ဖြန့်ဝေခိုင်းထားပါကြောင်း၊ (၁)နှစ်အတွင်းမှာ တိုးတက်ပြောင်းလဲလာတဲ့ လက်ရှိအနေအထားလေးပါ၊ ကျန်တဲ့အပိုင်းတွေကို ကော်မတီတစ်ခုချင်းက (၁)နှစ်အတွင်းမှာ လုပ်ဆောင်ချက်တွေကို ဆက်လက်ဖော်ပြပေးပါလိမ့်မယ်၊ ပြီးခဲ့တဲ့သက်တမ်း(၂)နှစ်အတွင်းမှာ CEC အဖွဲ့တွေအနေနဲ့လုပ်ဆောင်ချက်တွေ၊ နိုင်ငံရဲ့လက်ရှိအခြေအနေအရ တက်နိုင်သ၍ အကောင်းဆုံးဖြစ်မယ့်နည်းလမ်းကို ကြိုးစားဆောင်ရွက်နေပါကြောင်း၊ EC တွေအနေနဲ့ ကျွန်တော်တို့ရဲ့ လုပ်ဆောင်ချက်၊ လိုအပ်ချက်တွေရှိရင် Viber Group ထဲမှာဖြစ်စေ၊ Personal Viber ကိုဖြစ်စေ၊ အကြံပြုပေး၊ တောင်းဆိုပေးဖို့ မေတ္တာရပ်ခံချင်ပါကြောင်း၊ အကုန်လုံးအခက်အခဲတွေကြားထဲမှာ တွေးနိုင်သလောက်၊ လုပ်နိုင်သလောက်လုပ်ပေမယ့်လည်း အားနည်းချက်တွေအများကြီးရှိနိုင်ပါသေးကြောင်း၊ အဲ့ဒီတော့ အကြံဉာဏ်ပေးပါ၊ လိုအပ်ချက်တွေကိုတွန်းပါ၊ ကျန်တဲ့(၁)နှစ်အတွင်း CEC အဖွဲ့တွေအနေနဲ့ အကောင်းဆုံး၊ ပိုမိုပြီး ပေးတဲ့အခြေအနေအပေါ်မူတည်ပြီး အကောင်းဆုံးဖြစ်အောင် ကြိုးစားသွားမည်ဖြစ်ကြောင်း ပြောကြားခဲ့ပါသည်။

ဆက်လက်ပြီး မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မကွေးဇုန်)မှ အလုပ်အမှုဆောင်အမည်စာရင်း ပြောင်းလဲပေးပို့လာခြင်းအား အတည်ပြုမှတ်တမ်းတင်ခဲ့ပါသည်။ ၎င်းနောက်အစည်းအဝေးသို့ တက်ရောက်လာသော ဇုန်နယ်မြေများမှ သင်တန်းဖွင့်လှစ်သင်ကြားပြီးစီးမှုများ၊ တစ်နှစ်တာလုပ်ဆောင်ခဲ့မှုများကို ရှင်းလင်းတင်ပြခဲ့ကြပြီး လတ်တလောကြုံတွေ့နေရသည့် လျှပ်စစ်မီးအခက်အခဲ၊ စက်သုံးဆီဝယ်ယူရာတွင် ကြုံတွေ့နေရသည့် အခက်အခဲများကို တင်ပြခဲ့ကြပါသည်။

ထို့နောက် ကော်မတီများမှဆွေးနွေးတင်ပြရာတွင် သတင်းနှင့်ပြန်ကြားရေးကော်မတီမှ အသင်း၏လှုပ်ရှားဆောင်ရွက်မှုများကို အပတ်စဉ်သတင်းလွှာရေးသား၍ Social Viber Group တွင် ဖြန့်ဝေလျက်ရှိကြောင်း၊ MHA Website အား ခေတ်စနစ်နှင့်အညီ ပြုပြင်ပြောင်းလဲပြီး Mobile နဲ့ပါကြည့်ရှုလို့ရအောင် ပြုလုပ်ထားကြောင်း၊ www.myanmarhotelier.org တွင် ဝင်ရောက်ကြည့်ရှုလို့ရပြီဖြစ်ကြောင်း တင်ပြခဲ့ပါသည်။ နိုင်ငံတကာဆက်ဆံရေးကော်မတီမှ ကော်မတီအနေဖြင့် ASEANTA နှင့် AHRA တို့တွင် ပူးပေါင်းဆောင်ရွက်နေမှုများကို ဆွေးနွေးပြောကြားခဲ့ပါသည်။

ဆက်လက်ပြီး နှစ်ပတ်လည်အစီရင်ခံစာအား အထွေထွေအတွင်းရေးမှူးမှ ဖတ်ကြားတင်ပြခဲ့ပြီး နှစ်ပတ်လည်ငွေစာရင်းရှင်းတမ်းအား တွဲဖက်ဘဏ္ဍာရေးမှူး(၁)မှ ဖတ်ကြားတင်ပြခဲ့ပါသည်။ ထို့နောက် နှစ်ပတ်လည်အစီရင်ခံစာနှင့် ငွေစာရင်းတမ်းအား အစည်းအဝေးသို့တက်ရောက်လာသူများမှ ကန့်ကွက်မည့်သူမရှိပါသဖြင့် အတည်ပြုခဲ့ကြပါသည်။

၎င်းနောက် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း ဥက္ကဋ္ဌမှ နိဂုံးချုပ်စကားပြောကြားရာတွင် အချိန်ပေးပြီး တက်ရောက်ပေးကြသည့်အတွက် ကျေးဇူးတင်ပါကြောင်း၊ အားလုံးရဲ့ သဘောဆန္ဒအနေနဲ့ စဉ်းစားပေးဖို့တင်ပြချင်တာရှိကြောင်း၊ တည်ငြိမ်အေးချမ်းမှုမရှိတဲ့ ဒေသတွေမှာရှိတဲ့ ဟိုတယ်တွေရဲ့ နှစ်စဉ်ကြေးတွေကို အချိန်အတိုင်းအတာတစ်ခုအထိ ပလပ်ခွင့်ပြုပေးဖို့ အများသဘောဆန္ဒကိုရယူလိုပါကြောင်း ပြောကြားခဲ့ပါသည်။

အစည်းအဝေးသို့ တက်ရောက်လာသူများမှ ဥက္ကဋ္ဌဆွေးနွေးချက်ကို ထောက်ခံပါကြောင်း၊ ဒုတိယဥက္ကဋ္ဌ(၂)မှ AGM အစည်းအဝေးဖြစ်သည့်အတွက် အားလုံးကိုသိရအောင် ကြေညာပေးလိုက်တဲ့သဘောဖြစ်ကြောင်း၊ အကုန်ုလုံးကိုစိစစ်ပြီး တည်ငြိမ်အေးချမ်းမှုမရှိတဲ့ ဒေသတွေမှာရှိတဲ့ ဟိုတယ်တွေကို နှစ်စဉ်ကြေး ကင်းလွှတ်ခွင့်ပြုဖို့ CEC အစည်းအဝေးထိုင်ပြီး ပြန်လည်တင်ပြပေးမည်ဖြစ်ကြောင်း ပြောကြားခဲ့ပါသည်။ ထို့နောက် အမှတ်တရဓါတ်ပုံရိုက်ကူးကာ အစည်းအဝေးကို နေ့လယ်(၁၂း၃၀)နာရီတွင် ရုတ်သိမ်းခဲ့ပါသည်။

05/12/2023

မန္တလေးဇုန်တွင် ဧည့်ဝန်ဆောင်မှုဆိုင်ရာ ဆရာဖြစ် (TOT) သင်တန်းဖွင့်ပွဲအခမ်းအနားကျင်းပ
=============================

ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်မှု၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း၏ ကြီးကြပ်မှု၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်)၏ စီစဉ်ဆောင်ရွက်မှုတို့ဖြင့် ဖွင့်လှစ်သည့် “ဧည့်ဝန်ဆောင်မှုဆိုင်ရာဆရာဖြစ်(TOT) သင်တန်း” ဖွင့်ပွဲအခမ်းအနားကို ၂၀၂၃ ခုနှစ်၊ ဒီဇင်ဘာလ (၄)ရက်နေ့၊ တနင်္လာနေ့ နံနက်(၉း၀၀)တွင် မန္တလေးမြို့၊ Aung Myint Mo Hotel ၌ ကျင်းပပြုလုပ်ခဲ့ပါသည်။

အခမ်းအနားသို့ မန္တလေးတိုင်းဒေသကြီးအစိုးရအဖွဲ့၊ စီးပွါးရေးရာဝန်ကြီး ဦးသိန်းဌေး၊ ဟိုတယ်နှင့်ခရီးသွားညွှန်ကြားမှုဦးစီးဌာနမှ ဒု-ညွှန်ကြားရေးမှူးချုပ် ဦးအောင်အေးဟန်၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်)မှ ဥက္ကဋ္ဌ၊ အတွင်းရေးမှူးနှင့် အမှုဆောင်များ၊ သင်တန်းသား/သူများ တက်ရောက်ခဲ့ကြသည်။

အဆိုပါ TOT သင်တန်းအား (၄.၁၂.၂၀၂၃ မှ ၈.၁၂.၂၀၂၃)ရက်နေ့အထိ သင်တန်းပို့ချမည်ဖြစ်ပြီး စုစုပေါင်းသင်တန်းသား/သူ (၂၅)ဦး တက်ရောက်ခဲ့ကြောင်းသိရသည်။

05/12/2023

နေပြည်တော်ဇုန်တွင် ဧည့်ဝန်ဆောင်မှုဆိုင်ရာ ဆရာဖြစ် (TOT) သင်တန်းဖွင့်ပွဲအခမ်းအနားကျင်းပ

05/12/2023

ရန်ကုန်ဇုန်တွင် ဧည့်ဝန်ဆောင်မှုဆိုင်ရာ ဆရာဖြစ် (TOT) သင်တန်းဖွင့်ပွဲအခမ်းအနားကျင်းပ
=============================

ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်မှု၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း၏ ကြီးကြပ်မှု၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရန်ကုန်ဇုန်)၏ စီစဉ်ဆောင်ရွက်မှုတို့ဖြင့် ဖွင့်လှစ်သည့် “ဧည့်ဝန်ဆောင်မှုဆိုင်ရာဆရာဖြစ်(TOT) သင်တန်း” ဖွင့်ပွဲအခမ်းအနားကို ၂၀၂၃ ခုနှစ်၊ ဒီဇင်ဘာလ (၄)ရက်နေ့၊ တနင်္လာနေ့ နံနက်(၉း၀၀)တွင် ရန်ကုန်မြို့၊ Center For Tourism Development (CTD) သင်တန်းကျောင်း၌ ကျင်းပပြုလုပ်ခဲ့ပါသည်။

အခမ်းအနားသို့ ရန်ကုန်တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာနမှ ညွှန်ကြားရေးမှူး ဦးနန္ဒအောင်၊ ဒု-ညွှန်ကြားရေးမှူး ဦးအောင်သက်ထွန်း၊မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းမှ အထွေထွေအတွင်းရေးမှူးနှင့် တွဲဖက်ဘဏ္ဍာရေးမှူး(၃)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရန်ကုန််ဇုန်)မှ ဥက္ကဋ္ဌ၊ အတွင်းရေးမှူးနှင့် အမှုဆောင်များ၊ သင်တန်းသား/သူများ တက်ရောက်ခဲ့ကြသည်။

အဆိုပါ TOT သင်တန်းအား (၄.၁၂.၂၀၂၃ မှ ၈.၁၂.၂၀၂၃)ရက်နေ့အထိ သင်တန်းပို့ချမည်ဖြစ်ပြီး စုစုပေါင်းသင်တန်းသား/သူ (၂၁)ဦး တက်ရောက်ခဲ့ကြောင်းသိရသည်။

30/11/2023

Training of Trainer (TOT)သင်တန်းဖွင့်လှစ်ရန်ကြေညာခြင်း
===================================

ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်ချက်ဖြင့် MOHT နှင့် MHA တို့ပူးပေါင်းပြီး အာဆီယံအသိအမှတ်ပြုလက်မှတ်ရ ဆရာဖြစ်သင်တန်း(TOT)သင်တန်းအား ရန်ကုန်၊ မန္တလေး၊ နေပြည်တော် တို့တွင် ဖွင့်လှစ်ရန်ရှိပါသဖြင့် စိတ်ပါဝင်စားသူများ နီးစပ်ရာ နေရာတွင်တက်ရောက်နိုင်ကြောင်း အသိပေးအကြောင်းကြားအပ်ပါသည်။

20/10/2023

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းမှ ပဲခူးတိုင်းဒေသကြီး ရေဘေးသင့်ပြည်သူများအတွက် သွားရောက်လှူဒါန်းခြင်း
=======================================

ပဲခူးတိုင်းဒေသကြီး ရေဘေးသင့်ပြည်သူများကို သွားရောက်လှူဒါန်းနိုင်ရန်အတွက် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းမှ ကျပ်သိန်း(၁၀၀)မတည်၍ ဥက္ကဋ္ဌ ဦးအောင်မျိုးမင်းဒင်မှ ကျပ်သိန်း(၁၀၀)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(တနင်္သာရီဇုန်)မှ ကျပ်သိန်း(၅၀)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရခိုင်ဇုန်)မှ ကျပ်သိန်း(၅၀)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရွှေတြိဂံဇုန်)မှ ကျပ်သိန်း(၅၀)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(နေပြည်တော်ဇုန်)မှ ကျပ်သိန်း(၂၀)၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရှမ်းတောင်ဇုန်)မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ပုဂံဇုန်)မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရန်ကုန်ဇုန်)မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကရင်ဇုန်)မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ပြင်ဦးလွင်ဇုန်)မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(သရေခေတ္တရာ(ပြည်)ဇုန်) ကျပ်(၁၀)သိန်း၊ တွဲဖက်အထွေထွေအတွင်းရေးမှူး(၃) ဦးရဲမြင့်အောင်မှ ကျပ်(၁၀)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မော်လမြိုင်ဇုန်)မှ ကျပ်(၅)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကချင်ဇုန်)မှ ကျပ်(၅)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ရှမ်းမြောက်ဇုန်)ဥက္ကဋ္ဌ ဦးဇော်ဇော်မှ ကျပ်(၁)သိန်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ငွေဆောင်ဇုန်)မှ AMBO Hotel ၊ Hotel @ the Sea ၊ K Resort ၊ RIA Resort ၊ Emerald Sea Resort ၊ Eskala Hotel & Resort ၊ Palm Beach Resort ၊ Hotel Lux တို့မှ ကျပ်(၁)သိန်းစီ၊ စုစုပေါင်းအလှူငွေ (၄၅၉)သိန်းကျပ်တိတိရရှိခဲ့ပါသည်။

၂၀၂၃ ခုနှစ်၊ အောက်တိုဘာလ (၁၅)ရက်နေ့နှင့် (၁၆)ရက်နေ့တို့တွင် ပဲခူးတိုင်းဒေသကြီး ရေဘေးသင့်ပြည်သူများအတွက် မြန်မာနိုင်ငံဟိုတယ်ဆိုင်ရလုပ်ငန်းရှင်များအသင်းမှ ငွေကျပ်သိန်း(၅၀)နှင့် ငွေကျပ်(၄၀၉)သိန်းတန်ဖိုးရှိ ပစ္စည်းတို့အား ဥဿာမြို့သစ်တွင် အိမ်ထောင်စု(၃၈၀)၊ ဖောင်တော်ဦးဘုန်းတော်ကြီးကျောင်းတွင် အိမ်ထောင်စု(၄၀၀)၊ ထန်းတော်ကြီးလမ်းတွင် အိမ်ထောင်စု(၄၅၀)၊ ရပ်ကွက်ကြီး(၇/၄-၅) ဥဿာမြို့သစ်တွ်အိမ်ထောင်စု(၂၅၀)၊ ရွာသစ်ကျောက်ကြီးစုတွင် အိမ်ထောင်စု(၅၆၀)၊ ဘဲတဲစု ဥဿမြို့သစ်တွင် အိမ်ထောင်စု(၂၀၀)၊ ရပ်ကွက်ကြီး(၇/၄)အနောက်တွင် အိမ်ထောင်စု(၁၅၀)၊ ဇိုင်/မြောက် ရွှေနှင်းဆီလမ်းတွင် အိမ်ထောင်စု(၂၀၀)၊ မီးရထားရပ်ကွက်တွင် အိမ်ထောင်စု(၂၅၀)၊ အုပ်ကျင်းရပ်ကွက်တွင် အိမ်ထောင်စု(၁၃၀)၊ ဟိုတယ်/ခရီးရုံးဝန်ထမ်းနှင့် ရွှေမော်ဓေါဘုရားဝန်ထမ်း အိမ်ထောင်စု(၁၅၀)၊ ဇိုင်း/တောင်၊ မဂ်လာလမ်း၊ မြလမ်း၊ ပုလဲလမ်းတို့တွင် အိမ်ထောင်စု(၄၅၀) စုစုပေါင်းအိမ်ထောင်စု(၃,၅၇၀)နှင့် အောင်စေတီသာမဏေကျော်စာသင်တိုက်၊ စာသင်သံဃာ(၆၀၀)ရှိ စာသင်တိုက်တို့အားကြက်ဥ(၈၅)ကဒ် ပေးအပ်လှူဒါန်းခဲ့ပါသည်။

20/10/2023

ငွေဆောင်ဇုန်တွင် Customer Service Training နှင့် Service Quality Management သင်တန်း ဖွင့်လှစ်ခြင်း
=====================================

၂၀၂၃ ခုနှစ်၊ စက်တင်ဘာလ (၂၄)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်
မတီ)နှင့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ငွေဆောင်ဇုန်)တို့ ပူးပေါင်းဆောင်ရွက်မှုဖြင့် Customer Service Training နှင့် Service Quality Management သင်တန်းများဖွင့်ပွဲကို ငွေဆောင်ကမ်းခြေရှိ Hotel @ The Sea တွင် ကျင်းပပြုလုပ်ခဲ့ပါသည်။

အဆိုပါသင်တန်းကို (၂၄.၉.၂၀၂၃ မှ ၂၇.၉.၂၀၂၃)ရက်နေ့အထိ (၄)ရက်ကြာ ဖွင့်လှစ်သင်ကြားခဲ့ပြီး Customer Service Training အား သင်တန်းသား/သူ (၂၇)ဦးတက်ရောက်၍ Service Quality Management သင်တန်းအား သင်တန်းသား/သူ(၂၅)ဦး စုစုပေါင်း(၅၃)ဦး တက်ရောက်သင်ကြားခဲ့ကြောင်းသိရသည်။

20/10/2023

ကချင်ဇုန်တွင် Training of Trainer (TOT) သင်တန်းဖွင့်လှစ်ခြင်း
==================================

၂၀၂၃ ခုနှစ်၊ စက်တင်ဘာလ(၁၀)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ)နှင့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကချင်ဇုန်)တို့ပူးပေါင်းဆောင်ရွက်မှုဖြင့် မြစ်ကြီးနားမြို့၊ အေးမြသာယာဈေးအပေါ်ထပ်၊ TRC သင်တန်းကျောင်းတွင် Training of Trainer (TOT) သင်တန်းကို (၁၀.၉.၂၀၂၃ မှ ၁၆.၁၀.၂၀၂၃)ရက်နေ့အထိ (၇)ရက်ကြာ ကျင်းပပြုလုပ်ခဲ့ပြီး သင်တန်းသား/သူ (၂၀)ဦး တက်ရောက်သင်ကြားခဲ့ကြောင်းသိရသည်။

20/10/2023

ချောင်းသာဇုန်တွင် ဟိုတယ်ဆိုင်ရာ အခြေခံဝန်ဆောင်မှုသင်တန်းများ ဖွင့်လှစ်ခြင်း
===============================

၂၀၂၃ ခုနှစ်၊ သြဂုတ်လ (၂၁)ရက်နေ့တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီနှင့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ချောင်းသာဇုန်)တို့၏ ပူးပေါင်းဆောင်ရွက်မှုဖြင့် ဟိုတယ်ဆိုင်ရာ အခြေခံဝန်ဆောင်မှုသင်တန်း(၄)မျိုးကို ချောင်းသာကမ်းခြေရှိ Azura Hotel ၌ ကျင်းပပြုလုပ်ခဲ့ပါသည်။

အဆိုပါအခြေခံသင်တန်း(၄)မျိုးကို (၂၁.၈.၂၀၂၃ မှ ၁.၉.၂၀၂၃)ရက်နေ့အထိ (၁၂)ရက်ကြာ ဖွင့်လှစ်သင်ကြားပို့ချခဲ့ပြီး FO (၃၀)ဦး၊ F & B (၃၆)ဦး၊ HK (၃၄)ဦး၊ Customer Services (၆၃)ဦး စုစုပေါင်းသင်တန်းသား/သူ (၁၆၃)ဦး တက်ရောက်သင်ကြားခဲ့ကြောင်းသိရသည်။

23/09/2023

Online Information Seminar သို့ စိတ်ပါဝင်စားသူများ တက်ရောက်နိုင်ကြောင်း ဖိတ်ကြားခြင်း
=============================

၂၀၂၃ ခုနှစ်၊ စက်တင်ဘာလ (၂၇)ရက်နေ့တွင် ကျရောက်မည့် "World Tourism Day” အား ကြိုဆိုသည့်အနေဖြင့် ၂၀၂၃ ခုနှစ်၊ စက်တင်ဘာလ (၂၅)ရက်နေ့၊ နံနက်(၁၀)နာရီတွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်းမှ နယ်ပယ်အသီးသီးမှ လုပ်ငန်းရှင်များစုစည်း၍ ဟိုတယ်လုပ်ငန်းဆိုင်ရာ အသိပညာများမျှဝေသည့် Platform တစ်ခုကို စီစဉ်ထားရှိပါသည်။

ထို Platform ၏ ရည်ရွယ်ချက်မှာ ဟိုတယ်လုပ်ငန်းနှင့်ပတ်သက်သော ကဏ္ဍအသီးသီးတို့အတွက် အရေးပါသော သိမှတ်ဖွယ်ရာ အချက်အလက် များကို ဗဟုသုတဖြစ်စေရန်အတွက် မျှဝေပေးသွားမည်ဖြစ်သောကြောင့် စိတ်ပါဝင်စားသူများ တက်ရောက်နိုင်ကြောင်း ဖိတ်ကြားအပ်ပါသည်။

The Myanmar Hotelier Association cordially invites you to an Online Information Seminar.

Topic: "Key Factors to Take into Consideration for A Hotel Design"
Date: "September 25, 2023"
Time: "10:00 AM"
Location: Virtual Seminar via Zoom

Seminar တက်ရောက်ရန်
https://us02web.zoom.us/j/2424102002?pwd=ai9PclMrRVdnckFCbTRQL29zMDcwQT09

Myanmar Hoteliers Association is one of the leading professional organization in Myanmar.

19/06/2023

မြန်မာနိုင်ငံဟိုတယ်ဆိုင်ရာလုပ်ငန်းရှင်မျာအသင်း(ချောင်းသာဇုန်)ဥက္ကဋ္ဌ ဦးမင်းကျော်ဦး၏ မိခင် ဒေါ်ခင်ကြည်(အင်းစိန်) အသက် (၈၆) နှစ်သည် (၁၇-၆-၂၀၂၃) ရက်နေ့ ညနေပိုင်းတွင် ကွယ်လွန်ကြောင်းကြားသိရပါသဖြင့် ကျန်ရစ်သူမိသားစုနှင့် ထပ်တူထပ်မျှ ဝမ်းနည်းကြေကွဲရပါသည်။

ဗဟိုအလုပ်အမှုဆောင်/ အလုပ်အမှုဆောင်များ
မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း

18/03/2023

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ပုဂံဇုန်) ဥက္ကဋ္ဌ ဦးဇော်ဝိတ်၏ဇနီး ဒေါ်ဌေးဝင်း(၆၇)နှစ်
သည် (၁၇.၃.၂၀၂၃)ရက်နေ့
တွင် ကွယ်လွန်သွားပါ
သဖြင့် ကျန်ရစ်သူမိသားစုနှင့် ထပ်တူထပ်မျှ ဝမ်းနည်းကြေကွဲရပါသည်။

ဗဟိုအလုပ်အမှုဆောင်/ အလုပ်အမှုဆောင်များ
မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း

13/12/2021

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ကရင်ဇုန်)၏ တတိယအကြိမ်သက်တမ်း အလုပ် အမှုဆောင်ရွေးချယ်တင်မြှောက်ပွဲ အခမ်းအနားကျင်းပ
================================

၂၀၂၁ ခုနှစ်၊ ဒီဇင်ဘာလ (၁၂)ရက်နေ့၊ ဘားအံမြို့ရှိ Thanlwin Paradise Hotel တွင် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ကရင်ဇုန်)၏ (၂၀၂၁-၂၀၂၃)ခုနှစ်သက်တမ်း အလုပ်အမှုဆောင် ရွေးချယ်တင်မြှောက်ပွဲ အခမ်းအနားကို ကျင်းပပြုလုပ်ခဲ့ပြီး အခမ်းအနားသို့ ကရင်ပြည်နယ်အစိုးရ အဖွဲ့ စီးပွားရေးရာဝန်ကြီး ဦးစောခင်မောင်မြင့်၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ကရင်ဇုန်) အလုပ်အမှုဆောင်ရွေးချယ်ပွဲကျင်းပရေးကော်မရှင် ဥက္ကဋ္ဌ ဦးအောင်မိုးကြည်နှင့် အဖွဲ့ဝင်များဖြစ်ကြသော ဦးမျိုးဝင်းသန်း၊ ဦးသိန်းဝင်း၊ ဦးစောဟန်အေးနှင့် ဟိုတယ်နှင့်ခရီးသွားညွှန်ကြားမှုဦးစီးဌာန၊ ဒုတိယညွှန်ကြားရေးမှူး
ဦးအေးမောင်လှိုင်၊ MHA တွဲဖက်ဘဏ္ဏာရေးမှူး(၁) ဦးသီဟအောင်၊ MHA (ကရင်ဇုန်)မှ အမှုဆောင်များ၊ ရွေးချယ်ခံကိုယ်စားလှယ်များ၊ ဟိုတယ်လုပ်ငန်းရှင်များ တက်ရောက်ခဲ့ကြပါသည်။

အခမ်းအနားတွင် ကရင်ပြည်နယ်အစိုးရအဖွဲ့ စီးပွားရေးရာဝန်ကြီး ဦးစောခင်မောင်မြင့်မှ ရွေးချယ်ပွဲဂုဏ်ပြုအဖွင့်အမှာစကားပြောကြားခဲ့ပြီး ကော်မရှင် ဥက္ကဋ္ဌ ဦးအောင်မိုးကြည်မှ အမှာစကား ပြောကြားခဲ့ပါသည်။

ဆက်လက်ပြီး ရွေးချယ်ပွဲကျင်းပရေးကော်မရှင် အဖွဲ့ဝင်ဖြစ်သည့် ဦးမျိုးဝင်းသန်းမှ ရွေးချယ်ပွဲဆိုင်ရာစည်းမျဉ်းစည်းကမ်းများကို တက်ရောက်လာသူများအား ရှင်းလင်းတင်ပြခဲ့ပြီး ဦးစောဟန်အေးမှ အဆိုပြုလွှာတင်ထားသူများအား တစ်ဦးချင်းမိတ်ဆက်ပေးခဲ့ပါသည်။

ထို့နောက် ဒုတိယအကြိမ်သက်တမ်းတွင် တာဝန်ထမ်းဆောင်ခဲ့သည့် အလုပ်အမှုဆောင်ဟောင်းများမှ နှုတ်ထွက်ကာ (၂၀၂၁-၂၀၂၃)ခုနှစ်သက်တမ်း မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ကရင်ဇုန်)၏ အလုပ်အမှုဆောင်အဖွဲ့သစ်ကိုရွေးချယ်ခဲ့ပါသည်-
ဦးညီညီနိုင် (ဥက္ကဋ္ဌ) Thanlwin Paradise Hotel၊
ဦးဇော်ဌေး (ဒုတိယဥက္ကဋ္ဌ-၁) Perfect Hotel၊
ဦးစိုင်းခမ်းလှိုင် (ဒုတိယဥက္ကဋ္ဌ-၂) Zwekapin Valley Resort & Spa၊
ဦးဘီစိန် (အတွင်းရေးမှူး) Grace Hotel၊
ဦးစိုးလင်း (တွဲဖက်အတွင်းရေးမှူး) Golden Sky Hotel၊
ဒေါ် ဒေါ်နန်းယဉ်ယဉ်ထွေး (ဘဏ္ဍာရေးမှူး)
ဇွဲကပင်သဘာဝဟိုတယ်၊
ဒေါ်ဇာနည်သိန်း (တွဲဖက်ဘဏ္ဍာရေးမှူး) Hpa-An River View Hotel ၊
ဦးကျော်စွာ (စာရင်းစစ်) ခွဲကဘောင်ဟိုတယ်၊
ဦးရဲရင့်ဦး (တွဲဖက်စာရင်းစစ်) Hotel Idea၊
အလုပ်အမှုဆောင်များအဖြစ်
ဦးကျော်မြင့် Galaxy Motel၊
ဦးကျော်မင်းဝင်း Thiri Hpa-An Hotel၊
ဒေါ်ကြည်ကြည်ဝင်း Win-2 Guest House၊
ဦးဇာနည်စိုး Soe Brothers၊
ဦးအောင်နိုင်ထွန်း Hotel Glory၊
ဦးကျော်ရဲဝင်း Vantage Hpa-An Hotel၊
ဒေါ်အေးစန္ဒာထွန်း Hpa-An Breeze Hotel၊
ဦးမိုးမြင့် ကန်သာယာဟိုတယ်
တို့ပါဝင်သော အလုပ်အမှုဆောင်(၁၇)ဦးကို ရွေးချယ်တင်မြှောက်ခဲ့ပြီး အလုပ်အမှုဆောင်အဖွဲ့သစ်များမှ အမှတ်တရဓါတ်ပုံရိုက်ကူးကာ အခမ်းအနားကို အောင်မြင်စွာကျင်းပခဲ့ကြပါသည်။

31/10/2021

မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ပုဂံဇုန်)၏ ဇီဝိတဒါန
========================

(၄.၉.၂၀၂၁)ရက်နေ့မှ (၃၁.၁၀.၂၀၂၁)ရက်နေ့အထိ (၅၈)ရက်တာကာလအတွင်း ကိုဗစ်-၁၉ လူနာများ စောင့်ရှောက်နိုင်ခဲ့မှုမှတ်တမ်း။

ဂန့်ဂါ၊ ရွာသာ၊ ကန်နီဘောက်၊ တောရွာ၊ မြကန်၊ဘော်လုံးကျွန်း၊ ကျအိုကျွန်း၊ မင်းနန်သူ၊ ညောင်ဦး၊ ပုဂံ၊ တောင်ရွာနောင်၊ ဂျိုးကန်၊ မိုးနတ်ကုန်း၊ ထောင်းကြီး၊ ညောင်လှ၊ ကုက္ကိုချောင်း၊တွင်းရွာ၊ တောရွာ၊ ပျော်ဘွယ်၊ ကျောက်ကန်၊ ဇေယျာလင်း၊ အရှေ့ရွာနောင်၊ ပိုက်သေလည်ရပ်၊ဒေသများက ( P )လူနာပေါင်း (၈၀)ယောက်ကျော်မှ အောက်စီဂျင်လယ်ဘယ် (၉၀)အောက်ကျနေသော လူနာ(၄၅)ယောက်အား အောက်စီဂျင်ပေးခြင်း၊ ဆေးဝါးပေးခြင်း၊ ဆေးထိုးခြင်းများဖြင့် နေ့စဉ် ရက်ဆက် အခမဲ့စောင့်ကြည့်ကုသပေးနိုင်ခဲ့ရာ (၇)ယောက်ဆုံးရှုံးခဲ့ပြီး (၃၈)ယောက်ပြန်လည်ကောင်းမွန်အောင် ကယ်တင်နိုင်ခဲ့ပါကြောင်း၊

ဆေးကုသမှုအဝဝအား တာဝန်ယူဆောင်ရွက်ပေးသော Medical Action Myanmar မှ အုပ်ချုပ်မှုအဖွဲ့နှင့် ဆရာဝန် ဆရာမအားလုံးအားလည်း၊ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ပုဂံဇုန်) မိသားစုများမှ အထူးပင်ကျေဇူးတင်ရှိပါကြောင်း ဂုဏ်ပြုမှတ်တမ်းတင်အပ်ပါသည်။

(ကိုဗစ် မငြိမ်သေးပါ၊ မိသားစုလိုက်ဖြစ်နေကြဆဲ
ဖြစ်ပါသည်၊ မိဘပြည်သူအားလုံး ကိုဗစ်ဆိုင်ရာ ကန့်သတ်စည်းကမ်းချက်များကို မမေ့မလျော့ လိုက်နာဆောင်ရွက်ကြပါရန်လည်း နှိုးဆော်သတိပေးအပ်ပါသည်။)

06/10/2021

ကမ္ဘာ့ခရီးသွားလုပ်ငန်းအဖွဲ့ချုပ်(UNWTO)မှ Regional Office တွင် တာဝန်ထမ်းဆောင်ရန် Program Officer နှင့် Coordinator လစ်လပ်ရာထူးများကို စိတ်ပါဝင်စားသူများအနေဖြင့် (၁၂.၁၀.၂၀၂၁)ရက်နေ့ နောက်ဆုံးထား၍ သက်ဆိုင်ရာ Website တွင် ဝင်ရောက်လျှောက်ထားနိုင်ပါကြောင်း