What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

http://www.intrepidstepsmyanmar.com/

ISM Travel & Tours, No. 146, Anawyahta Road, Botahtaung Township, Yangon (2024)

31/12/2023

တကယ်လို့သင်ဟာ ခရီးသွားခရေဇီတစ်ယောက်ဆိုရင်
အတတ်နိုင်ဆုံးငွေကုန်ပေါက်နည်းစေမယ့်
ချွေတာရေးနည်းစဉ်တွေကို
သိထားဖို့တော့လိုတာပေါ့။
အရင်ကမသိခဲ့လို့ မချွေတာဖြစ်ခဲ့ရင်တောင်
နောက်ချွေတာနိုင်ဖို့ ရှောင်သင့်တဲ့အကြံပြုချက်အချို့ကို
စုစည်းဖော်ပြပေးလိုက်ပါတယ်။ ။...🥰😘

31/12/2023

အချစ်

31/12/2023

ပျော်ရွှင်ချမ်းမြေ့ဖွယ်ရာ
မင်္ဂလာနှစ်သစ်ကလေးကို ပိုင်ဆိုင်နိုင်ကြပါစေ

29/12/2023

တော်တော်လေးကို ရှုပ်ထွေးတဲ့ သိပ္ပံစီမံကိန်းတစ်ခု ဖြစ်လို့ သူတို့ အယောက် ၇၀ စလုံးက အလုပ်ထွက်ဖို့ စိတ်ကူးမိခဲ့ကြတယ်။

အလုပ်က နေ့မအား၊ ညမအား
နေ့လည်း မနားရ၊ ညလည်း မနားရ၊
ထမင်စားချိန်တောင် သတ်သတ်မှတ်မှတ်မရကြတဲ့ ဘ၀ဆိုတော့ လူတွေက ကြာတော့ ညစ်လာတယ်။ အလုပ်ထွက်ဖို့တော့ သူတို့အားလုံး ခေါင်းထဲမှာ ရှိပေမယ့် အဲဒီကိစ္စကိုတောင် တေ့တေ့ဆိုင်ဆိုင် မစဉ်းစားဖြစ်ကြသေးပါ။

တစ်နေ့တော့ သိပ္ပံပညာရှင်တစ်ယောက်က အရဲစွန့်ပြီး သူ့သူဌေးဆီကိုလာပြီးပြောတယ်။
" ဆရာ၊ ကျွန်တော့်ကလေးတွေကို မြို့ထဲမှာ ပြမယ့် ပြပွဲတစ်ခုကို ခေါ်သွားမယ်လို့ကတိပေးခဲ့တယ်။ အဲဒါကြောင့် ညနေ ၅ နာရီ ၃၀ လောက် ရုံးက ပြန်ချင်ပါတယ် ဗျာ " ဆိုပြီး ခွင့်တောင်းတယ်။
သူဌေး က ...
“ အိုကေ၊ သွားလေ၊ မင်း ဒီနေ့တော့ စောစောနားလိုက်ပေါ့ .." လို့ ပြန်ဖြေတယ်။
သူဌေးဖြစ်သူက ခွင့်ပြုလိုက်တော့ သိပ္ပံပညာရှင်ပျော်သွားတယ်။ အဲဒါနဲ့ပဲ သူ့အလုပ်ကို လက်စသတ်နိုင်အောင် စပြီး လုပ်တော့တာပါ။ အလုပ်ပြီးအောင်ဆိုပြီး နေ့လယ်စာတောင် ပြီးစလွယ်စားပြီး အလုပ်လုပ်တယ်။ အလုပ်ဟာ မြန်မြန်ပြီးအောင် တွန်းလုပ်လေ၊ သူ့ အလုပ်တွေက မပြီးလေ၊ မပြီးလေ တွန်းလုပ်လေ၊ အဲဒီလိုကြီးကို လုံးလည်ချာလည် ဖြစ်နေတယ်။ ဒီစိမံကိန်းမှာလည်း သူ့တာဝန်ဟာ ကြီးလေးတဲ့ အစိတ်အပိုင်းတစ်ခု၊ အရေးပါတဲ့ အခရာ တစ်ခုအနေနဲ့ ပါဝင်နေတဲ့အတွက် အမှားလည်း မဖြစ်ချင်ဘူး ။ ဒါကြောင့် ကြိုးစားပြီးလုပ်တယ်။ တစ်ချိန်ကျတော့ ပုံသေနည်းတစ်ခုကို စဉ်းစားရင်း အချိန်ကို ကြည့်လိုက်တော့ အချိန်က ည ၈း၃၀ ၊
" ဗုဒ္ဓေါ ..."
" ငါ ကလေးတွေကို ကတိပေးထားခဲ့တာပဲ၊ ဆရာကလည်း ခွင့်ပြုထားတာပဲ ။ ဒုက္ခပါပဲ "
သူ ဘယ်လိုမှ နေထိုင်လို့ မရတော့၊
အလုပ်လည်း ဆက်လုပ်လို့ မရတော့ဘူး။

သူဌေးကို ပြောပြဖို့ ရှာတော့ သူဌေးကို မတွေ့တော့ဘူး။
အဲဒါနဲ့ပဲ အလုပ်နားပြီး အိမ်ကို ပြန်သွားလိုက်တော့တယ်။
တစ်လမ်းလုံးလည်း ကလေးတွေကို ပေးခဲ့တဲ့ ကတိတွေကို ပြန်တွေးပြီး ကတိဖျက်ခဲ့ရသလို ဖြစ်တဲ့အတွက် စိတ်မကောင်းခြင်းကြီးစွာနဲ့ အပြစ်ရှိသလို ဝမ်းနည်းမိတယ်။

သူ အိမ်ပြန်ရောက်တော့
ကလေးတွေက အိမ်မှာ ရှိမနေပါ။

သူ့ အမျိုးသမီးကတော့ ဧည့်ခန်းမှာထိုင်ပြီး စာဖတ်နေတယ်။
နွမ်းတိနွမ်းလျဲ့ သူ့ပုံစံကို အကဲခတ်ကြည့်ပြီး ဇနီးက မေးတယ်။

" ကော်ဖီသောက်မလား ၊ တစ်ခုခု အရင်စားမလား "
" လုပ်ချင်တာ လုပ်ပါ၊ ကလေးတွေရော "
" အင် .. ၊ ရှင် မသိဘူးးလား "
အမျိုးသမီးက အံ့ဩသလို ကြောင်အအ ဖြစ်ပြီး ပြန်မေးတယ်။...
" ရှင် မသိဘူးလား။ ရှင့်သူဌေးလွှတ်လိုက်တာလေ၊ ရှင်တို့ရုံးက မန်နေဂျာက ကလေးတွေကို လာခေါ်သွားတယ်လေ။ မြို့ထဲက ပြပွဲ လိုက်ပြမလို့လေ "
" ..ဘာ ..ဘယ်လို "....
>> Intermission
( သူဌေး က ညနေ ၅း၀၀ နာရီရောက်တော့ သူအားထားရတဲ့ သူ့တပည့်ရဲ့ စကားကို အမှတ်ရသွားတယ်။ အဲဒါနဲ့ အလုပ်ရုံကို လာကြည့်တယ်။ ဇွဲနပဲ နဲ့ လုပ်နေတဲ့ သူ့တပည့်ကို မြင်တော့ ကျေကျေနပ်နပ်ကြီး ပြုံးမိတယ်။ တစ်လက်စတည်း သူ့တပည့် ခွင့်တောင်းထားတာကိုပါ သတိရမိတယ်။ တကယ်လို့ သူသာ ဒီအချိန်မှာ သွားနှုတ်ဆက်ပြီး ခွင့်ပေးလိုက်ရင် အားလုံးချောမွေ့သွားမှာ ဖြစ်ပေမယ့် အလုပ်ကတော့ အကောင်းဆုံးဖြစ်နိုင်မှာ မဟုတ်တော့ဘူး။ အလုပ်ထဲမှာ ဈာန်ဝင်နေတဲ့သူကို အနှောက်အယှက်ပေးရာ ရောက်သွားမယ်လို့ တွေးမိတယ်။.. ဒါနဲ့ပဲ တပည့်အိမ်ကို ဖုန်းဆက်တယ်။
တပည့်ရဲ့ ဇနီးကို အကျိုးအကြောင်းပြောပြပြီး
ကလးတွေကို ပြပွဲကို လိုက်ပြဖို့ သူ့မန်နေဂျာကို ခိုင်းစေလိုက်ခဲ့တာပါ.....).
ဒါကြောင့်လည်း Tumba မှာ ရှိတဲ့ သိပ္ပံပညာရှင်တိုင်းဟာ အလုပ်မှာ စိတ်ဖိစီးမှုတွေ များပြားလွန်းပေမယ့် အလုပ်ထွက်သွားခဲ့တဲ့ လူတစ်ယောက် မှ မရှိခဲ့ပါဘူး။
ဘာဖြစ်လို့လဲ ဆိုတော့ သူတို့ ရဲ့သူဌေးဟာ အလုပ်ကို အလုပ်နဲ့တူအောင် ပြင်းပြင်းထန်ထန်လုပ်တတ်ပေမယ့် အတွင်းစိတ်မှာတော့ နူးညံ့တဲ့ နုလုံးသားပိုင်ဆိုင်ထားလို့ပါပဲ ။

ဒါနဲ့ စကားမစပ် ဒီ သူဌေး ဟာ ဘယ်သူလဲဆိုတာ ကို ခန့်မှန်းနိုင်ကြပါ့မလား။
သူတို့အားလုံးချစ်တဲ့၊ ဘော့စ်လို့ ခေါ်ကြသူ ဟာ Dr. APJ Abdul Kalam ဖြစ်ပါတယ်။

အိန္ဒိယနိုင်ငံရဲ့ သမ္မတပါ။
၂၀၀၂ ခုနှစ် ကနေ ၂၀၀၇ ခုနှစ်အထိ ရွေးကောက်ခံခဲ့ရတဲ့
အိန္ဒိယနိုင်ငံရဲ့ ၁၁ ယောက်မြာက် သမ္မတဖြစ်ခဲ့သူပါ။

နောက်ပြီးတော့ ဒီဖြစ်ရပ်ဟာ စိတ်ကူးယဉ်မဟုတ်သလို
ပုံပြင်လည်း မဟုတ်ပါဘူး။ သတင်းစာပို့သမားတစ်ယောက်ရဲ့ ဘ၀ကနေ ကမ္ဘာ့အင်အားကြိးနိုင်ငံတစ်ခု ရဲ့ သမ္မတဖြစ်လာခဲ့တဲ့ လူတစ်ယောက် ရဲ့
ကိုယ်ချင်းစာတရားလေး တစ်ခု အကြောင်းမျှသာ ဖြစ်ပါတယ်။....

29/12/2023

သက်တန့်ရောင်လေးတွေ ဖြာထွက်နေသလိုမျိုး
လှပလွန်းတဲ့ ဒီမြစ်ကို Rainbow River လို့
အလွယ်ခေါ်ကြလေ့ရှိပေမယ့်
အမည်ရင်း က Cano Cristalesမြစ် ဖြစ်ပါတယ်။

ကိုလံဘီယာ မှာ ရှိတဲ့ သက်တန့်မြစ်ကို
တစ်ခါရောက်ဖူးရုံနဲ့ မြင်ရမယ့် မြင်ကွင်း က
ကိုယ့် ကိုအသက်ရှုရပ်သွားမတတ်ဖြစ်စေမယ့်
လှပတဲ့ မြစ်ဟာ အနီ၊အနက်၊အစိမ်း၊အပြာ၊အဝါအစရှိတဲ့
အရောင် ၅ ရောင် ဖြာထွက်လေ့ရှိပါတယ်။

ဒီလိုရောင်စုံဖြာထွက်နေတဲ့အလှကပဲ လာရောက်လည်ပတ်သူတွေရဲ့ စိတ်အစုံကို လွင့်ထွက်သွားစေနိုင်စွမ်းရှိတယ်လို့ သတင်းကြီးနေတာဖြစ်ပါတယ်။

အဲဒီမြစ်နဲ့ ပတ်သက်ပြီး
ကိုလမ်ဘီယာသတင်းထောက်တစ်ယောက်ကလည်း
"ကောင်းကင်ကနေခုန်ဆင်းလာသယောင် ဆန်းကြယ်လှပနေတဲ့ ကမ္ဘာပေါ်မှာ အလှပဆုံးမြစ်တစ်ခုပါ"လို့ ဆိုထားပါတယ်။
......

29/12/2023

ခရီးသွားတဲ့အခါ.....

27/12/2023

ကျွန်မတို့ဟာ တစ်ခါတလေမှာ အမှားတွေကို
သင်ခန်းစာယူပြုပြင်ဖို့ထက်
အလားတူအမှားမျိုးကို ထပ်ခါထပ်ခါကျူးလွန်မိတတ်ကြပါတယ်။

ပြီးခဲ့တာတွေ ထားလိုက်ပြီး
အခုလာမယ့် နှစ်သစ်မှာ ဒါလေးတွေကို ဆင်ခြင်ပြုပြင်ကြရအောင်နော် ..။

🔸 တာဝန်ယူတတ်ဖို့သင်ယူပါ!
ကျွန်မတို့နေ့စဉ်ဘဝမှာ ကြုံရတဲ့ အရာတိုု်င်းအတွက်
ကိုယ့်ဆီမှာပဲ တာဝန်ရှိတာကြောင့် သူတစ်ပါးကို အပြစ်ပုံချ၊ အပြစ်တင်ငြူစူနေတာထက် အပြည့်အဝ တာဝန်ယူလိုက်တာက အကောင်းဆုံးပါ။

🔸 လက်ခံတတ်ဖို့ကြိုးစားပါ!
လူတွေပြောင်းလဲတတ်တာဟာ သဘာဝမို့ သူတို့ရဲ့ပြောင်းလဲခြင်းအပေါ် သွားအပြစ်တင်နေတာထက်
လူ့သဘောသဘာဝကို လက်ခံတတ်ဖို့ပဲလိုပါတယ်။

🔸 လုပ်ရမယ့်အလုပ်ကို အချိန်ကိုက်လုပ်ဆောင်ပါ!
ကုန်ဆုံးသွားတဲ့အချိန်တွေကို ပြန်လှည့်လို့မရသလို အရာအားလုံးဟာ အစီအစဉ်တကျသွားနေတာဖြစ်လို့ မလိုအပ်တဲ့အရာတွေအတွက်
အလုပ်ပျက်ခံ၊အချိန်ကုန်ခံပြီး စောင့်ဆိုင်းနေဖို့မသင့်ပါဘူး။

🔸 စိတ်ဓာတ်ကြံ့ခိုင်ပါ!
ဘဝမှာကိုယ့်ကိုလိုအပ်တဲ့သူတွေလည်း ရှိနေအုံးမှာပဲ။
သူတို့အတွက် ကိုယ်တိုင်ကအမြဲကြံ့ခိုင်နေဖို့ လိုပါတယ်။
ဒါဟာ သူတို့အတွက် ကြံ့ခိုင်တယ်ဆိုထက် ကိုယ့်အတွက် ကိုယ်ကြံ့ခိုင်တာပါပဲ။
အကြောင်းက သူတစ်ပါးရဲ့ အားကိုးခြင်းခံရတဲ့ဖီလင်၊ ကိုယ့်ကိုလိုအပ်နေတဲ့သူတွေ ရှိနေတယ်ဆိုတဲ့ ဖီလင်ဟာ ဘာနဲ့မှမတူဘူးလေ။

🔸 ချက်ချင်းဆုံးဖြတ်ချက်ချလိုက်တာထက် အကျိုးအကြောင်းအရင်ဆက်စပ်တွေးပါ!
ကျွန်မတို့ရဲ့အပြုအမူ၊လုပ်ဆောင်မှုတွေဟာ
နေ့စဉ် ကိုယ်တိုင်ရဲ့လူမှုဘဝကိုသော်လည်းကောင်း၊
အခြားသူတွေရဲ့ဘဝကိုသော်လည်းကောင်း
တနည်းတဖုံတော့ သက်ရောက်မှုရှိနေတတ်ပါတယ်။
ဘဝကိုစစ်တုရင်ကစားပွဲတစ်ခုလိုပဲ တွေးကြည့်အုံး ရလဒ်ကောင်းရဖို့အတွက် ဆက်စပ်တွေးတောမှုတွေ အများကြီးလုပ်ရပါတယ်။
ကိုယ် ဟာ အမြဲတမ်းမမှန်နိုင်ဘူးဆိုသော်ငြား
ဒီအကျင့်ကောင်းကို လက်ခံကျင့်သုံးတာဟာ မမှားပါဘူး။

🔸 ရဲရင့်သတ္တိရှိပါ!
ရင်ခုန်စရာကောင်းတဲ့ခံစားမှုဆိုတာ အချစ်မဟုတ်ပါဘူး။
ကိုယ်မှန်တယ်ထင်တဲ့အရာကို မကြောက်မရွံ့ပဲ ရဲဝံ့စွာလုပ်ဆောင်တတ်မှု၊ တာဝန်ယူတတ်မှု၊အမှားသိရင် အမှန်ပြင်နိုင်တဲ့စိတ်တို့ပဲဖြစ်ပါတယ်။ အဓိကက ကိုယ့်နှလုံးသားက ကိုယ့်ကို စကားပြောတဲ့အတိုင်း လုပ်ဆောင်ဖို့ပဲလိုတာပါ။

🔸 ကိုယ့်အတွက် အပြန်အလှန်ရှိတဲ့သူတွေကိုပဲ ရွေးချယ်ပေါင်းသင်းပါ!
ဘယ်အရာမဆို ကိုယ်ချည်း တစ်ဖက်သတ်ဖြစ်နေတယ်ဆိုတာ
ကြာရင် မကောင်းပါဘူး။ ကိုယ့်ပတ်ဝန်းကျင်ကို ကိုယ့်ကိုချစ်တဲ့သူတွေနဲ့ပဲ ဝန်းရံပါ။သူငယ်ချင်းမိတ်ဆွေဆိုတာ ရွေးချယ်ပေါင်းသင်းလို့ရလျက်နဲ့
ဘာလို့များ ကိုယ့်ကိုမပျော်စေတဲ့သူ၊ ကိုယ့်ခံစားချက်တွေကို မအီမသာဖြစ်စေတဲ့သူ၊ကိုယ်ပျော်ဖို့အတွက် စိတ်အားမထက်သန်တဲ့သူတွေနဲ့ ဘာအကြောင်းကြောင့်များ ဆက်သွယ်နေအုံးမလဲ?
သူငယ်ချင်းမိတ်ဆွေဆိုတာ ရွေးချယ်ပေါင်းသင်းလို့ရပါတယ်။
ကိုယ့်ကိုရွေးချယ်ခဲ့သူတွေကိုပဲ ကိုယ်ရွေးချယ်ပါ။

🔸 ကိုယ် ဖြစ်ချင်တဲ့အရာ၊လုပ်ရမယ့်အရာတွေကို ဘယ်တော့မှမရွေ့ဆိုင်းပါနဲ့!
ကျွန်မတို့ဟာ အရေးကြီးတဲ့အရာတွေကို ဘယ်တော့မှမရောက်လာနိုင်တဲ့
'မနက်ဖြန်'ကိုပဲ ရွေ့ရွေ့ပစ်တတ်ကြသလို
ဘဝအတွက် အရေးကြီးတဲ့အခွင့်အရေးတွေကိုလည်း
ငြင်းဆန်တတ်ကြပါတယ်။
ဒီလိုနဲ့ ဘာကိုစောင့်လို့စောင့်မှန်းမသိလိုက်ခင်မှာပဲ အရွယ်တွေလွန်၊အချိန်တွေလွန်သွားတတ်ကြပါတယ်။....
🔸 နှစ်သစ်မှာ အားလုံး အဆင်ပြေ ပျော်ရွှင်ကြပါစေ

27/12/2023

ဂျာမနီမှာ ပန်းတွေ ခင်းထားတဲ့ လမ်းမ လေး တစ်ခုရှိပါတယ်။
ဆောင်းအကုန်နွေအကူးမှာ ဆိုရင်
ဂျာမနီဘွန်းမြို့ Heerstraasse လမ်းမလေးဟာ
ချယ်ရီပန်းတွေ နဲ့ ပြည့်နှက်လို့ နေပြီး
လမ်းဘေးဘီဝဲယာ မှာ ချယ်ရီပင်လေးတွေ နဲ့
အရမ်းလှပြီး သဘာ၀ရဲ့ အလှတရား က ဆွဲဆောင်မှု ရှိလွန်းလို့
အလည်လာရောက်သူတွေ နဲ့ စည်ကားလေ့ရှိပါတယ်။ ....

26/12/2023

အချစ်ဆိုတာ

25/12/2023

အခွင့်အလမ်းဆိုတာ

24/12/2023

နှလုံးသား ရဲ့ အလိုအတိုင်း......

22/12/2023

ဇူကာဘတ်တို့၊ စတီဗ်ဂျော့ဘ်တို့ကို အားကျငေးမောတတ်ကြတဲ့
ကျွန်တော်တို့ လူငယ်တွေကြားထဲမှာ
သူတို့လိုအောင်မြင်ကြီးကျယ်ချင်စိတ်တွေ ကိန်းအောင်းနေတတ်ပါတယ်။

သူတို့လိုဖြစ်ချင်ရင် သာမန်ပေးဆပ်ရင်း နှီးမှုနဲ့မရတာတော့အမှန်ပေါ့။
ရောက်ချင်ရင် ရောက်လောက်တဲ့ခရီးကို တကယ်သွားရတာကိုး။

ရင်ဆိုင်ဖြတ်သန်းမှုတွေနဲ့ ရှေ့ရောက်သွားတယ် ဆိုရာမှာ
ကိုယ်ရူးသွပ်စွဲလမ်းရာဘဝကို စိတ်ကူးစိတ်သန်းကောင်းကောင်း နဲ့
သူများနဲ့မတူတဲ့ကိုယ်ပိုင်ဟန် ဆန်းသစ်ဖန်တီးမှုတွေဆိုတာ
တကယ်လိုအပ်ပါတယ်။

🔹 မနက်ခင်းလမ်းလျှောက်ကျင့်ကြည့်ပါ

အိပ်ရာနိုးတာနဲ့ အလုပ်လုပ်မယ့်အစား
ပန်းခြံထဲဖြစ်ဖြစ် ၁၅ မိနစ်လောက် မနက်ခင်း လမ်းလျှောက်ကျင့်ပေးပါ။
အာမခံနို်င်တာတစ်ခုက ဦးနှောက်ကြီးတစ်ခုလုံးပွင့်သွားမယ်။
တစ်နေကုန်တစ်နေခန်း အလုပ်လုပ်ဖို့
ပိုကောင်းသွားမယ်။

စိတ်အားတက်ကြွပြီး အတွေးတွေလန်းနေလိမ့်မယ်။
ဇောစိတ်ကပဲ လူကိုသယ်တယ်။
ဇောစိတ်ကပဲ လူကိုပြန်မောလျစေတယ်။
ဦးနှောက်ကို အရင်ဂရုစိုက်ပေးရမယ်။

မနက်ခင်းဆိုတာ မနေ့ကရှုပ်ထွေးမှုတွေမှန်သမျှ အကုန်ခလုတ်ပွင့်စေတဲ့အချိန်ပဲ။

🔹 တစ်နေ့တာဘာလုပ်မလဲ ???

လမ်းလျှောက်ပြီးတာနဲ့ အိမ်ပြန်နားမယ်။
ထိုင်ပြီးအနားယူမယ်။
တစ်နေ့တာလုံး အထိရောက်ဆုံးအလုပ်တွေကို သတ်သတ်မှတ်မှတ် ချရေးမယ်။

🔹 စိတ်ပိုင်းစေ့ဆော်မှုနောက်ကို မုဆိုးလိုအမဲလိုက်ပါ

အလုပ်လုပ်ချိန်တိုင်း ဆန်းသစ်မှုတစ်ခုအမြဲပါနေဖို့က
မလွယ်ဘူး။
ဆိုတော့ ကိုယ့်အတွက် စိတ်ပိုင်းစေ့ဆော်မှုဖြစ်စေတဲ့အရာတွေ လ်ိုတယ်။
အိုက်ဒီယာကောင်းတွေ ကျိန်းသေရတာ
ဒီလို စေ့ဆော်မှုပြင်းနေတဲ့ အချိန်တွေဖြစ်တယ်။

🔹 စိတ်တူကိုယ်တူတွေနဲ့စုဆောင်းပါ

ကိုယ့်နဲ့ စိတ်တူကိုယ်မျှတဲ့သူတွေနဲ့ ကိုယ့်အချိန်အများစုကိုကုန်ဆုံးပေရမယ်။
တကယ်ကြီး ၁၀၀ ရာခိုင်နှုန်းအဖြေမှန်ပဲ။
သင်ယူစရာရမယ်။ အလုပ်တွေဆက်လုပ်ဖို့ရည်မှန်းချက် ပိုကြီးလာမယ်။
စူးစိုက်မှုပိုရမယ်။
ရည်မှန်း ချက်တွေပိုပြီးလာမယ်။
ကိုယ့်နဲ့ရူးသွပ်မှုရာချင်းတူလေ ကိုယ့်အတွက် သူတို့ဆီကခွန်အားပိုရလေပဲ။

🔹 ရှိပြီးသားစိတ်ကူးကောင်းတွေကိုထပ်ပြီးအဆင့်မြှင့်

စိတ်ကူးကောင်းတာကတစ်ဆင့်၊ လက်တွေ့ဖြစ်အောင်လုပ်တာက
နောက်ထပ်တစ်ဆင့် ၊ဒီစိတ်ကူးကောင်းတွေကိုပဲ
ပိုပြီး ကျယ်ပြန့်မယ့်အဆင့်မြင့်မှု ထပ်လုပ်ပေးရမှာက
ပိုကြီးတဲ့ ခြေလှမ်းတွေဖြစ်တယ်။

🔹 အလွန်အမင်းမလုပ်မိစေနဲ့

အလုပ်တွေ အချိန်မီပြီး သတ်ဖို့ဆက်တိုက် ဆက်တိုက်လုပ်ရင်း
စိတ်ကူးတွေက ပုံစံခွက်ထဲရောက်သွားတတ်တယ်။
ဒါကလူတိုင်းကြုံတယ်။
လိုအပ်တာကအနားယူတတ်ဖို့ပဲ။
နည်းလမ်းတစ်မျိုးတည်း ထပ်လောင်းလုပ်နေမယ့်အစား
ဦးနှောက်ကိုဖွင့်ထားဖို့ အနားယူအားဖြည့်ပေးလိုက်...
အလုပ်ပြန်လုပ်တဲ့အချိန် ပိုကောင်းတဲ့နည်းလမ်း ကို ရမယ်။ သေချာတယ်။
လုပ်ရတာပိုထိရောက်လာမယ်။

🔹 ဝေဖန်မှုကို ခံနိုင်ရမယ်...တလက်စတည်းမှာ ပစ်ချနိုင်ရမယ်။

ဘဝမှာ ဆိုးဆိုးဝါးဝါးတွေရော၊
ပြင်းပြင်းထန်ထန်တွေရော မျိုးစုံ ဝေဖန်ခံရမယ်။
မှန်ကနု်တဲ့ဝေဖန်မှုကိုတော့လက်ခံတတ်ရမယ်။
အပုပ်ချတာဆိုရင်တော့ ကျော်ပစ်လိုက်။
ဝေဖန်ပေးတာက ကျေးဇူးတောင် တင်ရသေးတယ်။
ကိုယ့်ဟာကွက်ကို သိရလိမ့်မယ်။

🔹 လုပ်ရဲကိုင်ရဲတဲ့မာန်ရှိဖို့ လိုတယ်။

အကျိုုးဆက်တွေ၊ အပျက်တွေဘက် ကြိုတွေးပြီး
အရမ်းအားကုန်နေရမယ့်အစား ဒီအင်အားတွေကိုစွန့် စားဝံ့ဖို့သုံးပစ်လိုက်ပါ။
ခြေလှမ်းမလှမ်းရဲရင် ဘယ်အလုပ်ဖြစ်မလဲ။
အမှန် နဲ့အမှားခွဲခြားရတာက နည်းနည်းရှုပ်ထွေးလိမ့်မယ်။
အဓိကက လုပ်ရဲကိုင်ရဲပါစေ။

🔹 ဘောင်အပြင်ဘက်ထွက်ပြီးတွေးမယ်

သူများ မစဉ်းစားတဲ့ဘက်ကို ကိုယ်တွက်ရမယ်။
သူများမမြင်တဲ့ရှုထောင့်ကို
ကိုယ်လှမ်းမြင်ချင်ရင် ဘောင်ထဲကနေတော့မရဘူး။

ဘောင်ပြင်ထွက်ပြီးတွေးတတ်ပါစေ။
ကို်ယ်ပိုင်ဟန်ကို ရှာရတဲ့ကိစ္စဖြစ်ပါတယ်။
ကိုယ်လုပ်ထား၊ ဖန်တီးထားတဲ့ အရာတစ်ခုကိုမြင်ရင်
ဒါကိုယ့်လက်ရာ၊ လက်ချက်မှန်းထင်းနေစေတဲ့
ကိုယ်ပိုင်အသွေးအရောင်ဖြစ်စေဖို့ပါပဲ။

🔹 ကိုယ့်ကိုယ်ကိုယ်ချီးကျူးပေးဖို့

ဒါလေးကဘ ာမှမဟုတ်ပါဘူးထင်ရတယ်။
တကယ်ကအကြီးကြီးပဲ။
သေးသေးလေးကအစကိုယ်အောင်မြင်ခဲ့ပုံကို ပြန်တွေးပြီး
ကိုယ့်ကိုယ်ကိုယ်ချီးကျူးပေးရမယ်။
သိပ်ကောင်းတဲ့အလေ့အကျင့်မို့ မွေးမြူထားပေးပါ။
ရေရှည်မှာ ကိုယ့်ကိုယ်ကိုယ် ယုံကြည်မှုအပြည့်ဝဆုံး ဖြစ်လာစေတဲ့အချက်ပဲ။

🔹 ပျော်ရွှင်မှုတွေကို ဝေမျှ

ပြသနာတွေချည်းပဲ ရင်ဖွင့်နေမယ့်အစား
ကိုယ့်ပျော်ရွှင်စရာတွေကိုလ ဲအမှတ်တရဖြစ်အောင် ဝေမျှတတ်ဖို့လိုတယ်။
ဒါမှ ကိုယ်ပါပိုပြီး တက်ကြွခွန်အားကြီးလာတယ်လို့
ခံစားလာရမှာဖြစ်ပါတယ်။

🔹 စိတ်ထွက်ပေါက်ရှိပါစေ

ဂိမ်းဆော့ပေးတာက အကောင်းဆုံးပဲ။
အလုပ်တွေ အပုံလိုက်ကြီးလုပ်လိုက်ပြီးရင် စိတ်ထွက်ပေါက် အနေနဲ့ဂိမ်းဆော့ပေးပါ။
ဂိမ်းက ပြသနာကို ဖြေရှင်းနို်င်စွမ်းအတွက် ဦးနှောက်ကို
ကောင်းကောင်း လေ့ကျင့်ပေးပါလိမ့်မယ်။
ကိုယ်မဖွင့်မိတဲ့တံခါးတွေ ပွင့်လာမယ်။

🔹 ကိုယ့်စိတ်ကူးဉာဏ်ကိုထုတ်ပြောဖို့ဝန်မလေးနဲ့

အတူတူ အလုပ်လုပ်ပြီဆိုရင် ကိုယ်ရတဲ့စိတ်ကူးတွေကို
စိတ်တူကိုယ်တူတွေနဲ့ တကယ်အစစ်အတိုင်း ဖွင့်ပြောပေးဖို့လိုတယ်။
ဦးနှောက်တစ်ခုထက်ပိုပြီး စုမိတဲ့အခါ
ဒီစိတ်ကူးကြီးက ပိုပြီးခမ်းနားလာလိမ့်မယ်။
မျှဝေဖွင့်ထုတ်ပြီး လုပ်ဖော်ကိုင်ဖက်တွေရဲ့အမြင်ကို အမြဲတီးခေါက်ပါ။

🔹 စနစ်တကျရှိပါစေ

ပရမ်းပတာမဖြစ်ချင်ရင် အလုပ်ကိုစနစ်တကျလုပ်ဖို့က
မှတ်စုနဲ့မှတ်ပေးတတ်တဲ့အကျင့်ကို လုပ်ပေးပါ။
အိပ်ခါနီးမှာ ဒိုင်ယာရီလို လေးထားပေးပြီး
ကိုယ်တစ်နေ့တာ ပြီးမြောက်ခဲ့တဲ့အလုပ်တွေကို ချရေးပါ။

🔹 ဘယ်လောက် စိတ်အားထက်သန်ပြီး ရူးသွပ်သလဲ

ဒါက လူကိုမောင်းနှင်ပေးတဲ့ မိန်းအင်ဂျင်ပါပဲ။
ကိုယ်လုပ်တဲ့ အလုပ်ထဲ စစ်မှန်အောင် ရူးသွပ်ပျော်ရွှင်နေရတယ်ဆိုရင်ကို အိုင်ဒီယာဆန်းဆန်းတွေထုတ်ဖို့က
တကူးတကကိုမလိုတော့သလိုပါ။

အချိန်ပြည့်ကိုယ့်ဦးနှောက်က ဒီရူးသွပ်မှုနောက်ကို လိုက်နေတဲ့အခါ
အောင်မြင်မှုတွေက
ကိုယ့်ဆီကို ဝင် ခ စားလာမှာပါ။
....

19/12/2023

ခရီးတခုသွားဖို့ လိုက်နာသင့်တဲ့ အချက် (၇)ချက်
+++++++++++++++++++++++++++++++++++++

ခရီးတစ်ခု သွားပြီဆိုရင်
အရင်ဆုံးကို Safe ဖြစ်စေဖို့ စဉ်းစားပါ ..
🔹 ပြည်တွင်းဖြစ်ဖြစ် ပြည်ပဖြစ်ဖြစ် ခရီးသွားတဲ့အခါ တန်ဖိုးငွေသင့်ပြီး ကောင်းမွန်တဲ့ တည်းခိုနေရာရဖို့ လိုပါတယ်။ ဒါဟာ ခရီးသွားတိုင်းအတွက် ပထမဆုံး ဆုံးဖြတ်ရမယ့်ကိစ္စဖြစ်ပြီးတော့ ကိုယ်သွားတဲ့ ခရီးမှာ
မေးစမ်းခြင်းမျိုး ပြုလုပ်သင့်ပါတယ်။ခရီးစရိတ် သက်သာဖို့နဲ့
ကောင်းမွန်တဲ့ တည်းခိုဆောင်မှာ စိတ်ချမ်းသာစွာ တည်းနိုင်ဖို့
ဒေသခံတွေကို မေးတာမျိုး လုပ်ရမှာဖြစ်ပါတယ်။

🔹 တကယ်လို့ သင်ဟာ မရင်းနှီးမကျွမ်းဝင်တဲ့နေရာမှာ
အခက်အခဲတွေ့ရပြီဆိုရင် အွန်လိုင်းကနေ သင့်ရဲ့ မိတ်ဆွေတွေဆီ အကူအညီတောင်းပါ။သင့်မိတ်ဆွေက သင်ရောက်နေတဲ့ မြို့ သင်ရောက်နေတဲ့ နိုင်ငံမှာ မရှိသည့်တိုင် သူတို့ရဲ့ မိတ်ဆွေတချို့ဆီကို ညွှန်ပေးခြင်းက သင့်ရဲ့ အခက်တွေ့မှုကို ဖြေရှင်းနိုင်ပါတယ်။

🔹 ခရီးတစ်ခုကို သွားတဲ့အခါ လိုအပ်တာကတော့ ကိုယ်သွားမယ့် နေရာနဲ့
ကိုယ်တည်းတဲ့ အကွာအဝေးကို သိဖို့ပါပဲ။ဒီတော့ Google Map လို
GPS ဆော့ဝဲလ်တွေ ဆောင်ထားသင့်ပါတယ်။ဒါဟာ သင့်ကို အငှားယာဉ်နဲ့ လိုက်လံပို့ဆောက်သူတွေ ဂျင်းမထည့်ရအောင် လုပ်ဆောင်ခြင်းဖြစ်ပါတယ်။

🔹 ကိုယ်က ပြည်ပကို ခရီးသွားရင် ငွေစျေးကို သေချာစုံစမ်းပါ။များသောအားဖြင့်တော့
ဒေါ်လာနဲ့ တွက်တာမို့ ကိုယ်ရောက်တဲ့ နိုင်ငံက ငွေကို ဒေါ်လာနဲ့ တိတိကျကျတွက်ခြင်းက အကောင်းဆုံးဖြစ်ပါတယ်။ဒါဟာ ငွေပိုငွေလျံလည်း ပြန်ထွက်နိုင်ပြီးတော့
သင့်ကို တိုင်းပြည်အသစ်က လူတွေလည်း ငွေကို လိမ်မယူနိုင်အောင်ဖြစ်ပါတယ်။

🔹 ပြည်ပတိုင်းပြည်တွေကို ခရီးသွားနေရသူအတွက်
မရှိမဖြစ် သင်ကြားသင့်တာကတော့ အင်္ဂလိပ်စကားဖြစ်ပါတယ်။အင်္ဂလိပ်လို လည်ပတ်စွာ ပြောဆိုတတ်ရင် ဘယ်နိုင်ငံရောက်ရောက် သိပ်တော့ ဒုက္ခမရောက်နိုင်ပါဘူး အင်္ဂလိပ်စကားမပြောတဲ့ နိုင်ငံတောင် သံရုံးက အရာရှိတွေတော့ အင်္ဂလိပ်လို ကောင်းကောင်းတတ်ကြပါတယ်။

🔹 ပြည်တွင်း ပြည်ပ ခရီးထွက်တဲ့အခါ ကိုယ်တည်းတဲ့ဟော်တယ်မှာ အစားအသောက်ပါ တခါထဲပါပြီးသားဆိုရင် ပြည့်ပြည့်ဝဝတောင်းပါ။မရှက်ပါနဲ့။ကိုယ်က သူတို့ကို ပြည့်ဝတဲ့ အခကြေးငွေ ပေးထားတာဖြစ်တဲ့အတွက် သင့်မှာ ရွေးချယ်ခွင့်ရှိပါတယ်။ပြီးတော့ ဒေသအစားအစာတွေကို လူအုံနေရာမှာ မဝယ်ပဲ သာမာန် ရောင်းချနေတဲ့ စျေးတန်းတွေကို ရှာဖွေဝယ်ခြင်းက အကောင်းဆုံးဖြစ်ပါတယ်။

🔹 တကယ်လို့ သင်ဟာ ခရီးဆုံးပြီး အိမ်ပြန်တော့မယ်ဆိုရင်တော့
သင်ရဲ့ ပိုက်ဆံအိတ်ကို အပြီးပိတ်လိုက်သင့်ပြီဖြစ်ပါတယ်။
ဘာမှ ထပ်မဝယ်တော့ပဲ အိမ်ပြန်ခရီးမှာ တင်းတိမ်လိုက်ဖို့ လိုတာဖြစ်ပါတယ်။
တချို့က ခရီးသွားတွေ ကို သီးသန့် ဂျင်းထည့်တဲ့ ဆိုင်တွေရှိပြီး ကားသမားတွေနဲ့ လမ်းညွှန်တွေနဲ့ ပေါင်းပြီး ခရီးသည်ဆီ အပြန်ကိုလည်း ရသလောက် ရိတ်တတ်တာဖြစ်ပါတယ်။

🔸🔸 ဒါတွေကတော့
ISM ရဲ့ ခရီးသွားဝါသနာအိုးလေးတွှေအတွက်
သိထားသင့်သမျှ လမ်းညွှန်မျှဝေပေးလိုက်တာပဲ ဖြစ်ပါတယ်။ ....

18/12/2023

ဘဝမှာ နံပါတ်တစ် ဦးစားပေးလုပ်ရမဲ့ အရာတွေ ...
💁🥰
ဘဝ က တိုတောင်းလှပါတယ်။

တိုတောင်းလှတဲ့ အချိန်လေးအတွင်းမှာ အကန့်အသတ် နဲ့ အသက်ရှင်နေတဲ့ အတွက်
ကျွန်တော်တို့ ရဲ့ ဘဝ ဆိုတာဟာ ဓါးသွားပေါ်က ပျားရည်စက် လို့ ဆိုရင်လည်း
မမှားနိုင်ပါဘူး။ အကန့်အသတ်လည်း ရှိတယ်။ အချိန်လည်း တိုလှတယ်။

အဲဒီအတွင်းမှာပဲ ကျွန်တေ်ာတို့ တွေဟာ
တခြား အဓိပ္ပါယ်မဲ့ တန်ဖိုးမရှိတဲ့ အရာတွေကို လုပ်ကိုင်နေရင်း နဲ့ပဲ
အချိန်ကုန်နေတော့မှာလား။
ဒါမှ မဟုတ် ဘဝ မှာ နံပါတ် တစ် ဦးစားပေးလုပ်ရမယ့် အရာတွေက ဘာတွေများလဲ.

✅ စိတ်ကို တည်ငြိမ်စေမဲ့အရာတွေအတွက်အချိန်ယူပါ။

တရားထိုင်တာ၊ စာအုပ်ဖတ်တာ စတဲ့ စိတ်ကို တည်ငြိမ်စေတဲ့ အရာတွေပြုလုပ်ဖို့အတွက် လူအများစုဟာ အချိန် ပေးလေ့ပေးထမရှိပါဘူး။ အချိန် လုံလုံလောက်လောက်မရှိဘူး လို့လဲ ထင်ကြတဲ့အတွက်ပါ။ အခုအချိန်ကစလို့ အဲ့ဒီဆင်ခြေတွေကို ရပ်လိုက်ပါ။ သင့်စိတ်ကို ငြိမ်းချမ်းစေတဲ့အချိန် အခိုက်အတန့်တွေဟာ ရှိကို ရှိသင့်တဲ့အတွက် ဒီနေ့ကစပြီး စတင် လုပ်ဆောင်လိုက်ပါ။

✅ ပင်ကိုယ်စိတ်ရင်းကို အမြဲနားစွင့်ပါ။

ကိုယ့်အတွက် အရေးကြီးဆုံးနောက်တစ်ခု ကတော့ လုပ်သင့်တာပဲ လုပ်ပြီး၊ အချိန်နဲ့အမျှ ပြောင်းလဲနေတဲ့ ကိစ္စတွေကို ကိုယ့်ရဲ့ ပင်ကိုယ် စိတ်ရင်းနဲ့ပဲ ပြုမူဆောင်ရွက််ပါ။။ ဒါဟာ အများကြီး အထောက်အကူပြုပါတယ်။

✅ မလုပ်ချင်တဲ့ အရာတွေကို အတင်းမလုပ်ပါနဲ့။

ဒီအချက်ကတော့ အဓိကကျပါတယ်။ စိတ်က လက်မခံနိုင်ဘဲ ငြင်းဆိုချင်တဲ့ အကြောင်းအရာ ရှိရင် ပြတ်ပြတ်သားသားငြင်းလိုက်ပါ။ အားနာဖို့မလိုပါဘူး။ အဲ့ဒီကိစ္စကိုလုပ်ဖို့ အတွက် တစ်ကယ် အဆင်ပြေမပြေ ခွဲခွဲ ခြားခြားသိဖို့ လိုအပ်ပါတယ်။

✅ လူတွေပြောသမျှ အရာတိုင်း လက်ခံတာကို ရပ်လိုက်ပါ။

ကိစ္စတစ်ခုခုကို ကိုယ်တိုင် ဝေဖန်ပိုင်းခြားတာထက် အခြားသူရဲ့ ပြောဆို ဝေဖန် အကြံပြုတာ မှန်သမျှ လိုက်လုပ်တတ်တယ်ဆိုရင်တော့ ရပ်တန်းကရပ်လိုက်ပါ။ လူဆိုတာ ကိုယ့်ဆုံးဖြတ်ချက်နဲ့ ကိုယ်ရှင်သန််ဖို့လိုပါတယ်။ ကိုယ် ဘာကို လုပ်ချင်လည်းဆိုတာကို သိပြီး၊ ကိုယ်ချလိုက်တဲ့ ဆုံးဖြတ်ချက်တစ်ခု ကြောင့် အမှားတွေကြုံခဲ့ရင်လည်း ကိုယ်တိုင် လက်ခံပြီး ရင်ဆိုင်နိုင်စွမ်း ရှိရပါမယ်။

✅ အသက်ရှူပါ။

စိတ်ဖိစီးတာကြောင့်ဖြစ်ဖြစ် ၊ စိတ်လှုပ်ရှားတာ၊ ကြောက်တာပဲဖြစ်ဖြစ် လုပ်နေတာတွေကို ရပ်လိုက်ပြီး အချိန် အနည်းငယ်ပေးကာ အသက်ကို ဖြည်ဖြည်းမှန်မှန် ရှူတဲ့ အကျင့်ကို လုပ်ပါ။ ဒီလိုလုပ်ခြင်းဟာ ကိုယ့်ရဲ့ နှလုံးခုန်နှုန်းမြန်နေတာကို လျှော့ချပေးပြီး၊ ဦးနှောက်နဲ့စိတ်ကို တည်ငြိ်မ်စေပါတယ်။

✅ အာဟာရဓါတ် မျှတအောင်စားပါ။

လူအများစုဟာ အစောက်အသောက်တွေ စားတဲ့ အခါ ကျန်းမာရေးနဲ့ မျှတ တာ မမျှတတာ ထက် ကိုယ်ဘာကို စားချင်လည်းဆိုတာ ကို ပိုပြီး အာရုံစိုက်တတ်ကြပါတယ်။ ကိုယ် စားလိုက်တဲ့ အရာ ဟာ ကိုယ့့်ခန္ဓာကိုယ်၊ စိတ်၊ ဦးနှောက် စတာတွေနဲ့ အများကြီး ဆက်နွယ်နေတဲ့ အတွက် အစားအသောက်စားတဲ့အခါ အာဟာရမျှတမှုကို ဦးစားပေးပြီး စားသုံးသင့်ပါတယ်။

✅ စိတ်ကို အစာကျွေးပါ။

ကိုယ်ဟာ ကိုယ်ပိုင် စဉ်းစားမှု ကို အမြဲအာရုံစိုက်သင့်နေပြီး အဲ့ဒီ စိတ်ဟာ အကောာင်းဘက် ကို ခေါ်ဆောင်တာလား၊ အဆိုးဘက်ကို ခေါ်ဆောင်တာလားဆိုတာ အမြဲ သတိချပ်ပါ။ တစ်ကယ် လို့ ကိုယ့်စိတ်ဟာ ဆိုးရွားတဲ့ အပြုအမူ၊ အလေ့အကျင့်တွေမှာ ပျော်ပါးနေပြီ ဆိုရင်တော့ ဒါဟာ မကောင်းတဲ့ အငွေ့အသက် ပါပဲ။ ဘယ်လို လျော့နည်းအောင်လုပ်မလဲ ဆိုတာ တွေးတောပါ။

✅ ကိုယ့်ကိုယ် ကို ယုံကြည်ပါ။

လုပ်မဲ့ကိစ္စတစ်ခုမှာ စိတ်က မလုပ်သင့်ဘူးလို့ ခံစားရတဲ့ အခါ ခြေတစ်လှမ်း နောက်ဆုတ်ပြီး၊ နားထောင်လိုက်ပါ။ ကိုယ့်စိတ်ကို ကိုယ် မယုံရင် ကိုယ့်ကိုယ်ကို ယုံကြည်မှု ရှိမှာ မဟုတ်ပါဘူး ။ တလက်စတည်း ပြောရမှာက စိတ်ကို အလိုမလိုက်ဖို့ပါ။

✅ နားဖို့ လိုအပ်လာတဲ့အခါ နားလိုက်ပါ။

လူအများစုဟာ ကိုယ့်ကိုယ်ကို အမြဲ တွန်းအားပေးတတ်ကြသလို ပတ်ဝန်းကျင်က မိမိကို အကောင်းပြောတာမျိုးကို လိုလားတတ်ကြသူတွေပေါ့။ ဒါဟာ အမြဲတမ်းတော့ ကောင်းနေမှာမဟုတ်ဘူး။ ကိုယ့်ရဲ့ ပထမဦးစားပေးဟာ ကိုယ်ဆိုတာ ဘယ်တော့မှမမေ့ပါနဲ့။ ကိုယ့်ကိုယ်ကို အနားပေးဖို့လိုအပ်လာတဲ့ အခါ ဘေးပတ်ဝန်းကျင် အာရုံမစိုက်ဘဲ ကိုယ့်ဆုံးဖြတ်ချက် ကိုသာ အဓိကထားပြီး ကောင်း ကောင်းမွန်မွန် နဲ့ သက်သောင့်သက်သာ အနားယူပါ။ အဲဒီအချိန်မှာ စိတ်ကို တည်ငြိမ်မှု ရှိပါစေ။

✅ လေ့ကျင့်ခန်းပုံမှန်လုပ်ပါ။

လူအများစုဟာ ကိုယ် အဓိကကျတယ်လို့ ထင်တဲ့ အရာတွေ အပေါ်မှာ သာ အာရုံစိုက်လေ့ရှိကြပြီး ကိုယ့်ခန္ဓာကိုယ်ကို ဂရုစိုက်ဖို့ မေ့လျော့နေတတ်ကြပြီး လေ့ကျင့်ခန်းလုပ်ဖို့ကို အချိန်ပေးလေ့မရှိကြပါဘူး။ ဒီလို ဆင်ခြေပေါင်းများစွာကို အခုအချိန်ကစပြီး ရပ်တန့်ဖို့လိုပါပြီ။ ကိုယ် ဟာ ကျန်း မာရေးမကောင်းတဲ့သူ တစ်ယောက်လို့ စိတ်ထဲက ပုံဖော်ကြည့်ပါ။ ကျန်းမာရေး မကာင်းတဲ့အခါ ကိုယ်အရေးကြီးတယ်လို့ သတ်မှတ်ထားတဲ့အရာတွေကိုလည်း လုပ်နိုင်တော့မှာမဟုတ်ပါဘူး။ ကျန်းမာရေးက အမြဲ နံပါတ်တစ်ပါ။....

16/12/2023

ဘန်ကောက်ခရီးစဉ်ဆိုပြီးအလည်သွားနေကြတာတွေရှိပါတယ်။ဘန်ကောက်ဟာ စည်ကားသိုက်မြိုက်ပြီး မြန်မာ လုပ်သားပေါင်းများစွာလည်းရှိတဲ့ နေရာဖြစ်ပါတယ်။ဒီလိုဘန်ကောက်လိုနေရာမှာ
နိုင်ငံခြားဧည့်သည့်တွေ ၂၄ နာရီစျေးတန်းတွေ ရှိပြီး
လူဦးရေထူထပ်တဲ့ ဘန်ကောက်မြို့အကြောင်းဖော်ပြပေးလိုက်ပါတယ်။

• Bangkok isn’t the real name of the city!
ဘန်ကောက်ဟာသူ့ရဲ့ နာမည်အမှန်မဟုတ်ပါဘူး။
ဒီမြို့တော်ရဲ့ မူရင်းနာမည်ကရှည်လွန်းလို့ ဂရင်းနစ်စံချိန်တောင်ဝင်ခဲ့တာဖြစ်ပြီး သူ့ရဲ့ နာမည်က ....
“Krung ThepMahanakhonAmonRattanakosinMahintharaAyuthayaMahadilokPhopNoppharatRatchathaniBuriromUdomratchaniwetMahasathanAmonPimanAwatanSathitSakkathattiyaWitsanukamPrasit.” ဖြစ်ပါတယ်။

• It’s also known as “Venice of the East.”
အရှေ့တိုင်းရဲ့ ဗင်းနစ်မြို့လို့ ဘန်ကောက်ကို တင်စားခေါ်ဝေါ်ပါတယ်။မြန်မာနိုင်ငံအင်းလေးလိုဒေသရှိပြီးသူတို့ဆီမှာလဲလှေတွေနဲ့ စျေးသည်တွေ စားသောက်ဆိုင်တန်းတွေနဲ့ စီတန်းနေတာဖြစ်ပါတယ်။

• Home of millionaires!
မီလျံနာပေါင်း ၂ သိန်း လောက် ထိုင်းမှာရှိကြပါတယ်။အဲ့ဒီထဲက 95 % လောက်ဟာ ဘန်ကောက်မှာနေတာဖြစ်ပါတယ်။

• Population and population!
ထိုင်းနိုင်ငံရဲ့ လူဦးရေအထူထပ််ဆုံးသောမြို့တော်ဖြစ်ပါတယ်။

• Traffic
ဘန်ကောက်ဟာရန်ကုန်ထက် လမ်းပိုပိတ်ပါတယ်။ကီလိုမီတာနည်းနည်းလေးသွားဖို့တောင် နာရီနဲ့ချီစောင့်ရပါတယ်။

• The laws are really interesting!
ဘန်ကောက်ရဲ့ ဥပဒေတချို့က ထူးဆန်းပါတယ်။အပြင်သွားတဲ့အခါ အောက်ခံဘောင်းဘီမဝတ်ပဲမသွားရပါဘူး။ကားစီးတဲ့အခါ ရှပ်တွေ မဝတ်ရပါဘူး။ပိုက်ဆံကိုလူလယ်ခေါင်မှာဖျက်ဆီးတာမျိုးမလုပ်ရပါဘူး။လုပ်ရင် ထောင်ကျပါတယ်။

• Though there are poor people in Thailand
ဘန်ကောက်ကိုချမ်းသာကြွယ်ဝပြီးစည်ကားနေတဲ့ မြို့တော်လို့ ထင်ပါလိမ့်မယ်။တကယ်ကတချို့သောဆင်းရဲသားရပ်ကွက်တွေမှာစားစရာမရှိအောင် ငတ်မွတ်ခေါင်းပါးနေတာရှိပါတယ်။

• Where Red Bull was made.
1976 ခုနှစ်ကနေChaleoYoovidhya က ဘန်ကောက်ကနေအချိုရည်စထုတ်ခဲ့တာဖြစ်ပါတယ်။လက်ရှိလဲ ကျွဲရိုင်းကိုဘန်ကောက်ကနေထုတ်နေတာဖြစ်ပါတယ်။

• The biggest gold Buddha & Chinatown
ထိုင်းရဲ့ လှပတဲ့ Chinatownမှာ ကြီးမားသပ္ပာယ်လှတဲ့ ရွှေဘုရားကြီးရှိပါတယ်။ဒေါ်လာသန်းပေါင်း 250 အကုန်ကျခံပြီးတည်ထားကိုးကွယ်ထားတာဖြစ်ပါတယ်။

• Respect the King.
ထိုင်းတွေစုဝေးနေတဲ့ နေရာမှာ ဘုရင်မကောင်းကြောင်းပြောလို့မရပါဘူး။ ထိုင်းတွေရဲ့ နှလုံးသားမှာသူတို့ဘုရင် အမြဲရှိတယ်လို့ ပြောနေကြဖြစ်ပါတယ်။....

15/12/2023

အဖိုးအိုတစ်ယောက် က ဖရဲသီးတွေ ရောင်းတယ်။

သူ့ရဲ့ စျေးနှုန်း က အံ့ဩဖို့တော့ ကောင်းတယ်။
ပုံထဲမှာ မြင်ရတဲ့အတိုင်းပဲ ။
ဖရဲသီး တစ်လုံးကို ၃ ဒေါ်လာ၊
၃ လုံး ယူမယ်ဆိုရင် ၁၀ ဒေါ်လာ ..တဲ့။

လူငယ်တစ်ယောက် က အရွယ်ကောင်း ဖရဲသီးတစ်လုံးကို ရွေးဝယ်လိုက်တယ်။
အဘိုးအို ကို လှမ်းပြောတယ်။
"အဖိုး၊ ဒီမှာ ၃ ဒေါ်လာ နော်။ တစ်လုံးယူလိုက်ပြီ။ "

သိပ်မကြာခင်မှာပဲ
လူငယ်ကလေး က နောက်တစ်လုံးထပ်ဝယ်တယ်။
၃ ဒေါ်လာ ပေးတယ်။
နောက်တစ်ခေါက်လည်း နောက်ထပ်တစ်လုံး ထပ်ဝယ်ပြန်တယ်။
၃ ဒေါ်လာ ပေးခဲ့ပြန်တယ်။

ပြီးတော့ လူငယ်ကလေး က ခပ်လှမ်းလှမ်းကနေပြီး
အဖိုးအို ကို စပ်ဖြဲဖြဲနဲ့ လှမ်းပြောတယ်။

" အဖိုး၊ ကျွန်တော် ဖရဲသီး ၃ သုံးလုံး ဝယ်တာ၊ ၉ ဒေါ်လာ ပဲ ပေးရတယ်။
အဖိုးက အတွက်အချက်လည်း မတတ်၊ စီးပွားရေးလည်း မလုပ်တတ်သေးပါဘူး ဗျာ .."
ပြုံးဖြီးဖြီးကြီး လုပ်ပြီး ကောင်လေး ထွက်ခွာသွားတယ်။

ကောင်လေးစကား ကြားတော့ အဖိုးအိုက ပြုံးတယ်။
သက်ပြင်းငွေ့ငွေ့ချပြီး တကိုယ်တည်း တီးတိုးပြောတယ်။

" အင်း၊ ငါ့ဆီမှာ စျေးလာဝယ်တဲ့ လူတိုင်း ကတော့ မင်းလိုပဲ ပြောသွားကြတာပဲ ..။
စီးပွားရေး ဘယ်လို လုပ်ရမလဲဆိုပြီး
ငါ့ကို သင်ပေးဖို့ မင်းလိုပဲ ကြိုးစားကြတာပါပဲ
ကောင်လေး ရေ " ....
၂၄-၆-၂၀၂၀

15/12/2023

မီလျံနာတိုင်းဟာ ပိုက်ဆံများများရှာပြီး အောင်မြင်တဲ့ဘဝတစ်ခုကိုရဖို့ ကိုယ့်လမ်းကိုယ်ဖောက်ကြိုးစားရပါတယ်။

ဒါပေမယ့် ယေဘုယျအားဖြင့် အဲဒီလို လူတွေ ရဲ့ အမူအကျင့်တွေကို
လေ့လာစစ်တမ်းကောက်ကြည့်တဲ့အခါမှာတော့
သာမန်ထက်ထူးခြားနေတာကို တွေ့ရပါတယ်။

အဲဒါကတော့ ချမ်းသာကြွယ်ဝသူတွေမှာ တူညီတဲ့ အမူအကျင့်တွေ
အများကြီး ရှိပါတယ်။ အဲဒီအထဲက ထူးခြားတဲ့ ၁ ခု ကတော့
အားကစားလိုက်စားတာပါပဲ။

ချမ်းသာသူအများစုဟာ ကိုယ့်ရဲ့ စိတ်နှင့်ခန္ဓာကျန်းမာရေးအတွက်
တစ်နေ့မှာ မိနစ် ၃၀ လောက် အချိန်ပေးပြီး
ငယ်ငယ်ကတည်းက စွဲစွဲမြဲမြဲ ကစားခဲ့တဲ့အားကစားတစ်ခုခုကို
ပုံမှန်အချိန်ပေးလေ့ရှိပါတယ်။

အဲဒီမှာတော့ သူတို့က အောင်မြင်မှုကို မရှေးရှုပါဘူး။
အဓိကအားဖြင့်တော့ အားကားလုပ်လိုက်ခြင်းဟာ
လူရဲ့ ဦးနှောက်ကိုအနားပေးပြီး
စိတ်ကူးလမ်းကြောင်းအသစ်တွေလည်း
ထပ်မံမွေးဖွားလာစေနိုင်လို့လည်း ဖြစ်ပါတယ်။ ....

15/12/2023

ပထမဆုံးအကြိမ် လကမ္ဘာပေါ် ခြေချသူနှစ်ဦးရှိခဲ့တယ်။
အားလုံးသိကြတဲ့ Neil Armstrong‎ အပြင်
နောက်တစ်ယောက်က Buzz Aldrin ဖြစ်တယ်။

အဲဒီတုန်းက Neil Armstrong‎ စကားတစ်ခွန်းပြောခဲ့တယ်။
အဲဒီစကားက ဒီနေ့ချိန်ထိ ဆိုရိုးစကားအဖြင့် သုံးခဲ့ကြတယ်။

"ကျွန်တော်ရဲ့ခြေလှမ်းငယ်တစ်လှမ်းက ကမ္ဘာပေါ်က လူတွေအတွက်
ခြေလှမ်းကြီးတစ်လှမ်း ဖြစ်ခဲ့တယ်"

လကမ္ဘာရောက်သူတွေရဲ့ အောင်မြင်မှုဂုဏ်ပြုတဲ့ပွဲမှာ သတင်းထောက်တစ်ဦးက
Buzz Aldrin ကို အဖြေရကျပ်တဲ့ မေးခွန်းတစ်ခု မေးလိုက်တယ်။

"Armstrong‎ လကမ္ဘာပေါ် အရင်ခြေချခဲ့လို့ လကမ္ဘာရောက် ပထမဆုံးလူသားအဖြစ် သတ်မှတ်ခံခဲ့ရတယ်။ ဒီအတွက် ခင်ဗျာဝမ်းမနည်းဘူးလား"

ပရိသတ်တွေရဲ့ သိလိုတဲ့အကြည့်အောက်မှာ Buzz Aldrin က
တည်တည်ငြိမ်ငြိမ် ပြန်ဖြေခဲ့ပါတယ်။

"ကမ္ဘာမြေပေါ်ပြန်ရောက်တဲ့အချိန် အာကာသယာဉ်ကနေ
ကျွန်တော်အရင်ဆုံး ထွက်ခဲ့တယ်။
ဒါကြောင့် ကျွန်တော်က တစ်ခြားကမ္ဘာကနေ
ကမ္ဘာမြေပြင်ပေါ် ပထမဆုံး ခြေချခဲ့သူဖြစ်တယ် ဆိုတာကိုလည်း မမေ့နဲ့ပေါ့ဗျာ..."

ပရိသတ်ရဲ့ ရယ်မောသံနဲ့အတူ အားရကျေနပ်တဲ့ လက်ခုပ်သံတွေ
ဟိန်းထွက်လာခဲ့တယ်။

လုပ်ဖော်ကိုင်ဖက်ရဲ့ အောင်မြင်မှုကို သင်လေးစား၊ တန်ဖိုးထားခဲ့ဖူးပါသလား?

သူ့အတွက် ကိုယ့်လက်ခုပ်သံကို ပေးခဲ့ဖူးပါသလား?

အောင်မြင်မှုမှာ သူ့ကြောင့်၊ ကိုယ့်ကြောင့်ဆိုတဲ့ အတ္တတွေနဲ့
ခွဲခြားသတ်မှတ်စရာ မလိုပါဘူး။
အဖွဲ့ရဲ့အောင်မြင်မှုက ကိုယ့်အောင်မြင်မှုပဲဖြစ်တယ်။......

12/12/2023

မကြောက်ပါနှင့် ....

09/12/2023

လမ်းကလေး.

05/12/2023

မညာပါနှင့်....

30/11/2023

အချိန်တိုင်း ပျော်ရွှင်ချင်တယ်ဆိုရင် .

29/11/2023

ကမ်းခြေနီ.

29/11/2023

စားရမှာလား
စောင်ခြုံပေးရမှာလား
တကယ်ကို မသဲကွဲဘူး 🥲..
photo crd ;

29/11/2023

ဟိုတယ်ဒီဇိုင်နာ BillBensley ရဲ့ လက်ရာ
ကလေးဘ၀ ရဲ့ အပန်းဖြေစခန်းလေး

ရှေးကမ္ဘာကိုတမ်းတနေတတ်သူတွေနဲ့
စိတ်ကူးယဉ်ခဲ့သမျှတွေမှာ
အလှပဆုံး အခမ်းနားဆုံး နဲ့ ချစ်စရာအကောင်းဆုံးလက်ရာလေး

ကြေးနီရောင်ကန်များ၊ ရေချိုရေငန်ကန်တွေ
ငြိမ့်ညောင်းတဲ့ ကြိုးတံတား
တိမ်သားအပြည့်တွေ့နိုင်မယ့် အိပ်မက်နန်းတော်
မိုးသစ်တော တွေနဲ့
အရမ်းကို နေချင်စရာ လည်ပတ်ချင်စရာအကောင်းဆုံး နေရာလေးတစ်ခု..
photo :

29/11/2023

ပြောကြည့်လေ .. ပြောကြည့် 🤣...

29/11/2023

ဗီယက်နမ်မှာ ရှာဖွေတွေ့ရှိခဲ့တဲ့
ကမ္ဘာ့အကြီးဆုံးလှိုဏ်ဂူ

Quang Binh ပြည်နယ်
Hang Son Doong (တောင်မြစ်လှိုဏ်ဂူ) ဟာ

အရှေ့တောင်အာရှမှာ အံ့မခန်းအခမ်းနားဆုံး ရှုခင်းတွေထဲက တစ်ခုပါပဲ၊
လှိုဏ်ဂူကို အစိုးရက 2013 ခုနှစ်မှာ သာ ဝင်ရောက်ခွင့်ပြုခဲ့ပြီး
နောက်ပိုင်းမှာတော့
ရှေးဟောင်းယဉ်ကျေးမှု ပျက်စီးမှာ စိုးတဲ့အတွက်
တစ်နှစ်မှာ လူအနည်းငယ်သာ ခွင့်ပြုခဲ့ပါတယ်။ ..
photo : Daniel Kordan

29/11/2023

မမေ့ပါနှင့်

26/11/2023

အခက်အခဲတွေကို
ဘ၀ နောက်ဆုံးအချိန်အထိ ရင်ဆိုင်အနိုင်ယူခဲ့သူ ....

25/11/2023

လူတွေ စိတ်ဆင်းရဲကြတယ်ဆိုတာ
အများအားဖြင့် ဖြစ်ခဲ့ပြီးသား အဆင်မပြေမှုတွေကို
" ပို တွေး " လို့ ဒါမှမဟုတ်
ဖြစ်မလာသေးတဲ့ အဆင်မပြေမှုတွေကို
" ကြို တွေး " လို့ပါ ။

"ပိုတွေး "နဲ့ " ကြိုတွေး " ကို အဖော်လုပ်ပြီး
စိတ်နစ်မွန်းနေတဲ့ လူတစ်ယောက်ဟာ
လက်ရှိအခြေအနေကို အကောင်းဆုံးဖြစ်အောင်
ဘယ်လိုလုပ်မလည်းဆိုတဲ့ " လိုတွေး "
မတွေးနိုင်တော့တဲ့အတွက်
စိတ်ဆောက်တည်ရာမရဖြစ်ပြီး
စိတ်ဆင်းရဲရပါတယ် ။

"ပိုတွေး" နဲ့ "ကြိုတွေး " ကို သံယောဇဉ်ဖြတ်ပြီး
" လိုတွေး " ကိုသာ စနစ်တကျ ဖော်ထုတ်
ကျင့်သုံးနိုင်ခဲ့မယ်ဆိုရင်
စိတ်ဆင်းရဲရတဲ့ အဖြစ်မျိုးက
လွတ်မြောက်နိုင်ပါတယ် ။

ကိုယ်ကိုယ်တိုင် " လိုတွေး " ကို
မဖော်ထုတ်နိုင်ရင်လည်း ဖော်ထုတ်နိုင်တဲ့သူဆီ
အမြန်ဆုံးချဉ်းကပ်ဖို့ အရေးကြီးပါတယ် ။....
အရှင် ဆန္ဒာဓိက