What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 13:00

http://www.seinyaungchi2014.com/

စိန်ရောင်ခြည်ဘုရားဖူးဝန်ဆောင်မှု့လုပ်ငန်း, No. 104, 37st, (Lower Block)Between Merchant Road & Strand Rd, Kyauktada Township, Yangon (2024)

11/01/2023

❤ကောင်းချင်းမဂ်လာအခါခါပြည့်စုံကျပါစေ❤

စိန်ရောင်ခြည် မိသားစုရဲ့
ဘုရားဖူး ဧည့်သည်တော်များ အတွက်
အထူး မေတ္တာ စေတနာ လာပြီနော်

၂၀၂၃ ခုနှစ် ဇန်နဝါရီလ အတွင်း ထွက်ရှိမည့်
၈ ည ၉ ရက်ခရီးစဥ် နှုန်းထားလေးဖြစ်ပါတယ်ရှင့်
အမေရိကန် ဒေါ်လာ $760

ထွက်ရှိမည့် အထူးလျော့စျေးနှုန်းထား ခရီးစဥ်
၂၈.၁.၂၀၂၃ မှ ၆.၂.၂၀၂၃
😍😍😍😍😍😍😍😍😍😍😍😍😍

လိုက်ပါဖူးမျော်လိုသူဘုရားဖူးဓမ္မမိတ်ဆွေ အားလုံးတို့အနေဖြင့် နိုင်ငံကူးလက်မှတ် Passport သက်တမ်း အနည်းဆုံး ရှစ်လ ဖြစ်ရပါမယ်ရှင့်။
အသေးစိတ်အချက်များကို ဆက်သွယ်မေးမြန်းနိုင်ပါသည်။

🙏ဓမ္မမိတ်ဆွေသူတော်စင်အပေါင်း သွားရောက်ဖူးမျော်ဖို့ ဖိတ်ခေါ်အပ်ပါတယ်ရှင့်🙏

🕋မြန်မာဘုန်းတော်ကြီးကျောင်းတည်း
ရောက်ရှိဖူးမျော်ရန်နေရာဌာနများ👉
ဖွား ၊ပွင့်၊ ဟော ၊ စံ
(သံဝေဇနိယလေးဌာန)
🙏မြတ်ဗုဒ္ဓပွင့်တော်မူရာ ဗုဒ္ဓဂယာ🙏
🙏မဟာဗောဓိစေတီ
🙏သတ်တဌာန(၇)ဌာန
🙏ဒုက္ကရစရိယာတောင်
🙏ဃနာနို့ဆွမ်းဆက်ကပ်ရာနေရာသုဇာတာအိမ်
နေရာ စေတီကုန်း
🙏ရွှေခွက်မျောရာနေရာ
🙏မြတ်ရှစ်ဆုပ်လှုဒါန်းရာနေရာ

🙏တရားဦးဟောတော်မူရာ မိဂဒါဝုန်တော🙏

🙏ပဉ္စဝဂ္ဂီ(၅)ဦး ဘုရားရှင်အားခရီးဦးကြိုဆိုရာ
ချောက်ခဏ္ဍီစေတီတော်
🙏ရွှေအုတ် ကျောင်းတော်ရာ
🙏အာသောက ကျောက်စာတိုင်
🙏အနတ္တလက္ခဏသုတ် ဟောရာ ဓမ္မေခစေတီ
🙏ကုမာရဒေဝီကျောင်းတော်ရာ
🙏မူလဂန္ဓကုဋီတိုက်

🙏ဖွားတော်မူရာ လုမ္မိနီ🙏

🙏ဘုရားလောင်း ဖွားတော်မူရာ လုမ္မိနီ အင်ကြင်း
တော
🙏မယ်တော်မာယာ သားဆုပန်ရာနေရာ
🙏နိငြောဓါရုံကျောင်း
🙏သားတော်ရာဟုလာ သာမဏေဝတ်စေခြင်း
အထိမ်းမှတ် စေတီ
🙏ကပိလဝတ် နေပြည်တော်ဟောင်း

🙏မြတ်စွာဘုရားရှင် ပရိနိဗ္ဗာန်စံတော်မူရာ
ကုသိနာရုံ🙏
မြတ်စွာဘုရားရှင်တရားကျင့်ကြံအားထုတ်ရာ
🙏ဘုရားရှင် ရေကြည်တော်သုံးတော်မူရာနေရာ
ဌာန
🙏တေဇောဓာတ်လောင်ကျွမ်းရာ အင်္ဂါရစေတီ
🙏ရေသပ္ပါယ်ရာ ကကုဓမြစ်
🙏မဟာပရိနိဗ္ဗာန စေတီတော်ကြီး

အစရှိသော နေရာဌာန များသို့ သွားရောက်ဖူးမျော်လေ့လာရပါမည် ရှင့်။

👍ခရီးစဉ်တစ်လျောက်
ရန်ကုန်-ဂယာ-ရန်ကုန်
ဗီဇာ
ဝင်ကြေးများ
ကေဘယ်စီးနင်းခများ
တည်း၊စား
အားလုံးစားရိတ်ငြိမ်းအပြီးစီးခရီးစဥ်လေးဖြစ်ပါတယ်ရှင့်။
(သတ်မှတ်နှုန်းထားထက်ထပ်မံကောက်ခံခြင်းမရှိပါ
ညမောင်းခရီးစဉ်မပါရှိပါ။
👨‍👩‍👧‍👦လိုက်ပါဖူးမျော်မည့်ဘုရားဖူးမိသားစုများအား
ကုမ္မဏီမှ
ခရီးဆောင်အိတ်ကြီးတစ်လုံး
ဘေးလွယ်အိတ်တစ်လုံး
ယောဂီတဘတ်
စိန်ရောင်ခြည်ရင်ထိုး
မှတ်စုစာအုပ်၊ဘောပင်
ဦးထုပ်
ဘုရားစာအုပ်
နေကထိုင်
သွားတိုက်တံ၊သွားတိုက်ဆေး
မျက်နှာသုပ်ပဝါ
ဘီး
ခရီးသွားအသက်အာမခံ
အိန္ဒိယနိုင်ငံတွင်ဆက်သွယ်နိုင်ရန်အတွက်ဖုန်းနံပါတ်များရေးသွင်းထားသောလည်ဆွဲကပ်များကို
လက်ဆောင်ပြန်လည်ပေးအပ်ပါမည်။

လိုက်ပါဖူးမျော်လိုသူ ဓမ္မမိတ်ဆွေများအနေဖြင့်
စာရင်းပေးသွင်းလိုပါက
မြန်မာကျပ်ငွေ နှစ်သိန်း(သို့)အမေရိကန်ဒေါ်လာ
ဖြင့်👉 #စိန်ရောင်ခြည်ဘုရားဖူးလုပ်ငန်း
( Legend Travel&Tour)
ရုံး အမှတ်(104)ကမ်းနားလမ်းနှင့်ကုန်သည်လမ်း
(37)လမ်းအောက်ဘလောက်(မြန်မာ့လေကြောင်းရုံးနှင့်ကပ်လျက်)
📲09795500796
📲09-788845610,09420131459
သို့လည်းကောင်းဆက်သွယ်စုံစမ်းစာရင်းပေးသွင်းနိုင်ပါသည်။
Facebook Messanger မှလည်း မေးမြန်းစုံစမ်းနိုင်ပါသည်။

29/12/2022

ကိုယ်တိုင်ရောက်သွားသလို ဖူးမြင်ရမည့်
မြေမြတ်မဟာ ဗုဒ္ဓဂယာ အကြောင်း
https://youtu.be/Fm0NuT9jfM0

ကြည့်ရှုရန် လင့်ကိုနှိပ်ပါ . . ..
About the Great Buddha Gaya
နောက်ခံစကားပြောပါသည်။
-------------------------------
အိန္ဒိယ - ဗုဒ္ဓဂယာအကြောင်းများ
တင်ပေးနေသော Youtube Link
https://www.youtube.com/

25/12/2022

မဂ်လာရှိသော နံနက်ခင်းလေးမှာ မဂ်လာအပေါင်းနဲ့ပြည့်စုံကျပါစေလို့ စိန်ရောင်ခြည်မိသားမှ ဆုမွန်ခြွေသ နှုတ်ခွန်းဆက်သပါတယ်ရှင့်🙏🙏🙏

ဗုဒ္ဓဘာသာဝင် သူတော်စင်အပေါင်းအားလုံးတို့ရဲ့
အထွတ်အမြတ်ထားရာ မြတ်ဘုရားရဲ့ ဒေသနာတော်များကို ဖူးမျော် လှုဒါန်းနိုင်ရန်နှင့် ဘုရားရှင် လှည့်လည် သီတင်းသုံးတော်မူရာ နေရာဒေသများကို မျက်မြင်ကိုတွေ့ လေ့လာ.ဆည်းပူးနိုင်ရန်အတွက် သွားရောက်ဖူးမြော်နိုင်ကျစေရန် နိဗ္ဗာန်ဆော် အပ်ပါတယ်ရှင်

📰နှစ်စဥ် ထွက်ရှိမြဲခရီးစဥ်များကို စိန်ရောင်ခြည် မိသားစုမှ ပို့ဆောင်စီစဥ်ဆောင်ရွက်ပြုလုပ်ပေးလျက်ရှိပါသည်။

မကြာမှီရောက်ရှိလာတော့မည့် ၂၀၂၃ နှစ်သစ်မဂ်လာရက်မြတ် ဇန်နဝါရီလတွင် တရားထူးတရားမြတ်များ ဟောကြားတော်မူရာ ဗုဒ္ဓဂယာ မြေမြတ်မဟာသို့ 🙏🙏🙏

၇ ညအိပ် ၈ ရက်ခရီးစဥ်များ(USD 750$)
(နိုင်ငံကူးလက်မှတ်သက်တမ်းရှိသူများ)

သံဝေဇနိယလေးဌာန၊ အဝိဇဟိတလေးဌာန
နှင့် အခြားသော ဗဟုသုတရဖွယ်နေရာများ

၁၄ ညအိပ် ၁၅ ရက်ခရီးစဥ်
(သက်တမ်းရှိနိုင်ငံကူးလက်မှတ်ကိုဆောင်ထားသူများ)

သံဝေဇနိယလေးဌာန၊ အဝိဇဟိတလေးဌာန
နယူးဒေလီ၊ တပ်မဟာ၊ ကြာဖူးပုံသဏ္ဍန် ဘာသာပေါင်းစုံ ဝတ်ပြုကန်တော့ ဆုတောင်းရာနေရာ
အစရှိသော နေရာဌာနများကို

စီစဥ်ပြုလုပ်ပို့ဆောင်ပေးနေပါပြီ၊ သွားရောက်လိုက်ပါဖူးမျော်လိုသော ဧည့်သည်တော်များအနေဖြင့် နှစ်စဥ် (ဇန်နဝါရီလမှစ ဧပရယ်လအထိ)
လေယာဥ်လက်မှတ်များ ပြောင်းလဲသောကြောင့်
ကြိုတင်စာရင်းသွင်းရန်လိုအပ်ပါသည်ရှင့်

&Tour
#စိန်ရောင်ခြည်ဘုရားဖူးဝန်ဆောင်မှုလုပ်ငန်း
အမှတ်(၁၀၄)ကုန်သည်လမ်းနှင့်ကမ်းနားလမ်းကြား
၃၇ လမ်း ၊ မြန်မာ့လေကြောင်းရုံးကျောချင်းကပ်၊
ကျောက်တံတားမြို့နယ်၊ရန်ကုန်။

သို့လည်းကောင်း

09795500796

09788845610

သို့လည်းကောင်း

Page Messanger မှ လည်းကောင်း အသေးစိတ်အချက်မေးမြန်းစာရင်း ပေးသွင်းနိုင်ပါသည်

🙏ကုသိုလ်ထူးများရစေဖို့ စိတ်မှာရည်မှန်းသွားရောက်ကျစို့🙏

22/12/2022

❤နှစ်သစ်ကူးမှာ ကုသိုလ်ထူးဖို့ ဂယာဘုရားဖူးသွားကျပါစို့❤

စိန်ရောင်ခြည် မိသားစုရဲ့
ဘုရားဖူး ဧည့်သည်တော်များ အတွက်
အထူး မေတ္တာ စေတနာ

၂၀၂၃ ခုနှစ် ဇန်နဝါရီလ အတွင်း ထွက်ရှိမည့်
၇ည၈ ရက်ခရီးစဥ် နှုန်းထားလေးဖြစ်ပါတယ်ရှင့်
အမေရိကန် ဒေါ်လာ $750
😍😍😍😍😍😍😍😍😍😍😍😍😍

လိုက်ပါဖူးမျော်လိုသူ
ဘုရားဖူးဓမ္မမိတ်ဆွေ အားလုံး
အမြန်ဆုံး စာရင်း ပေးသွင်းဖို့တော့ လိုပါမယ် ရှင့်

🙏ဓမ္မမိတ်ဆွေသူတော်စင်အပေါင်း
ကောင်းကျိုးလိုအင်ဆန္ဒနှင့်ပြည့်စုံကျပါ
စေ။
မဇ္စျိမဒေသဗုဒ္ဓဂယာ မြေမြတ်မဟာ
ဘုရားဖူးခရီးစဥ်

🕋မြန်မာဘုန်းတော်ကြီးကျောင်းတည်း
ရောက်ရှိဖူးမျော်ရန်နေရာဌာနများ👉
ဖွား ၊ပွင့်၊ ဟော ၊ စံ
(သံဝေဇနိယလေးဌာန)
🙏မြတ်ဗုဒ္ဓပွင့်တော်မူရာ ဗုဒ္ဓဂယာ🙏
🙏မဟာဗောဓိစေတီ
🙏သတ္တဌာန(၇)ဌာန
🙏ဒုက္ကရစရိယာတောင်
🙏ဃနာနို့ဆွမ်းဆက်ကပ်ရာနေရာသုဇာတာအိမ်
နေရာ စေတီကုန်း
🙏ရွှေခွက်မျောရာနေရာ
🙏မြတ်ရှစ်ဆုပ်လှုဒါန်းရာနေရာ

🙏တရားဦးဟောတော်မူရာ မိဂဒါဝုန်တော🙏

🙏ပဉ္စဝဂ္ဂီ(၅)ဦး ဘုရားရှင်အားခရီးဦးကြိုဆိုရာ
ချောက်ခဏ္ဍီစေတီတော်
🙏ရွှေအုတ် ကျောင်းတော်ရာ
🙏အာသောက ကျောက်စာတိုင်
🙏အနတ္တလက္ခဏသုတ် ဟောရာ ဓမ္မေခစေတီ
🙏ကုမာရဒေဝီကျောင်းတော်ရာ
🙏မူလဂန္ဓကုဋီတိုက်

🙏ဖွားတော်မူရာ လုမ္မိနီ🙏

🙏ဘုရားလောင်း ဖွားတော်မူရာ လုမ္မိနီ အင်ကြင်း
တော
🙏မယ်တော်မာယာ သားဆုပန်ရာနေရာ
🙏နိငြောဓါရုံကျောင်း
🙏သားတော်ရာဟုလာ သာမဏေဝတ်စေခြင်း
အထိမ်းမှတ် စေတီ
🙏ကပိလဝတ် နေပြည်တော်ဟောင်း

🙏မြတ်စွာဘုရားရှင် ပရိနိဗ္ဗာန်စံတော်မူရာ
ကုသိနာရုံ🙏
မြတ်စွာဘုရားရှင်တရားကျင့်ကြံအားထုတ်ရာ
🙏ဘုရားရှင် ရေကြည်တော်သုံးတော်မူရာနေရာ
ဌာန
🙏တေဇောဓာတ်လောင်ကျွမ်းရာ အင်္ဂါရစေတီ
🙏ရေသပ္ပါယ်ရာ ကကုဓမြစ်
🙏မဟာပရိနိဗ္ဗာန စေတီတော်ကြီး

အစရှိသော နေရာဌာန များသို့ သွားရောက်ဖူးမျော်လေ့လာရပါမည် ရှင့်။
👉ခရီးစဉ်အတွက် သတ်မှတ်နှုန်းထားမှာ
အမေရိကန်ဒေါ်လာ $750
ဖြစ်ပါတယ်။

👍ခရီးစဉ်တစ်လျောက်
ရန်ကုန်-ဂယာ-ရန်ကုန်
ဗီဇာ
ဝင်ကြေးများ
ကေဘယ်စီးနင်းခများ
တည်း၊စား
အားလုံးစားရိတ်ငြိမ်းအပြီးစီးပါခင်ဗျာ။
(သတ်မှတ်နှုန်းထားထက်ထပ်မံကောက်ခံခြင်းမရှိပါ
ညမောင်းခရီးစဉ်မပါရှိပါ။
👨‍👩‍👧‍👦လိုက်ပါဖူးမျော်မည့်ဘုရားဖူးမိသားစုများအား
ကုမ္မဏီမှ
ခရီးဆောင်အိတ်ကြီးတစ်လုံး
ဘေးလွယ်အိတ်တစ်လုံး
ယောဂီတဘတ်
စိန်ရောင်ခြည်ရင်ထိုး
မှတ်စုစာအုပ်၊ဘောပင်
ဦးထုပ်
ဘုရားစာအုပ်
နေကထိုင်
သွားတိုက်တံ၊သွားတိုက်ဆေး
မျက်နှာသုပ်ပဝါ
ဘီး
ခရီးသွားအသက်အာမခံ
အိန္ဒိယနိုင်ငံတွင်ဆက်သွယ်နိုင်ရန်အတွက်ဖုန်းနံပါတ်များရေးသွင်းထားသောလည်ဆွဲကပ်များကို
လက်ဆောင်ပြန်လည်ပေးအပ်ပါမည်။

လိုက်ပါဖူးမျော်လိုသူ ဓမ္မမိတ်ဆွေများအနေဖြင့်
စာရင်းပေးသွင်းလိုပါက
မြန်မာကျပ်ငွေ နှစ်သိန်း(သို့)အမေရိကန်ဒေါ်လာ
ဖြင့်👉 #စိန်ရောင်ခြည်ဘုရားဖူးလုပ်ငန်း
( Legend Travel&Tour)
ရုံး အမှတ်(104)ကမ်းနားလမ်းနှင့်ကုန်သည်လမ်း
(37)လမ်းအောက်ဘလောက်(မြန်မာ့လေကြောင်းရုံးနှင့်ကပ်လျက်)
📲09795500796
📲09-788845610,09420131459
သို့လည်းကောင်းဆက်သွယ်စုံစမ်းစာရင်းပေးသွင်းနိုင်ပါသည်။
Facebook Messanger မှလည်း မေးမြန်းစုံစမ်းနိုင်ပါသည်။

22/12/2022

စိန်ရောင်ခြည်ရဲ့ အမျိုးတွေ အားလုံး မဂ်လာပါရှင့်
အားလုံးသတိရ လွမ်းဆွတ်လျက်ပါ။

အားလုံးသော မိတ်ဆွေသစ် မိတ်ဆွေဟောင်းအားလုံးကို ပိုမိုကောင်းမွန်သော ဝန်ဆောင်မှု့တွေနဲ့
နွေးထွေးပြူဌာစွာဖြင့် ကြိုဆိုနေပါတယ် ရှင့်။

21/12/2022

🙏ဗုဒ္ဓဂယာမြေမြတ်မဟာ🙏

၇ည၈ရက် ခရီးစဥ် နှစ်သစ်ကူး အထူးလျော့စျေးနှုန်း မြန်မာကျပ်ငွေ (၂၀၅၀၀၀၀ကျပ်)

ခရီးစဥ်တလျောက် စား၊တည်းငြိမ်း၊ ဝင်ကြေးများအပြီးစီးဖြစ်ပါတယ်ခင်ဗျ။

မိမိတို့ ကိုယ်တိုင်လှုဒါန်းရန်နှင့် လက်ဆောင်ပစ္စည်းများဝယ်ယူရန်သာ ငွေသားလိုအပ်ပါမယ်နော်။

ပြည်ပနိုင်ငံတွင် သုံးရန်လိုအပ်သော ငွေကြေးများကိုလည်း ကာလပေါက်စျေးနှုန်းထားအတိုင်းလဲလှယ်နိုင်ရန် ကူညီဆောင်ရွက်ပေးပါမည်။

ခရီးစဥ်တလျောက်တွင်လည်း ရန်ကုန်လေဆိပ်မှစတင်၍
မြန်မာTour Leader ပါဝင်ကူညီဆောင်ပေးပါမည်။

တခြားသော ခရီးစဥ်နှုန်းထားများကိုလည်း ထပ်မံကြေဌာ ပေးပါမည်ခင်ဗျာ။

အသေးစိတ်အချက်လက်များကို သိရှိလိုပါက

(အမှတ်၁၀၄)၃၇ လမ်း ကျောက်တံတားမြို့နယ်။
အောက်ဘလောက်၊ မြန်မာ့လေကြောင်းရုံးကပ်လျက်တွင် စိန်ရောင်ခြည်ဘုရားဖူးဝန်ဆောင်မှု့လုပ်ငန်း Travel&Tour
သို့လည်းကောင်း ဖော်ပြပါဖုန်းနံပါတ်များသို့လည်းကောင်း ဆက်သွယ်မေးမြန်းနိုင်ပါသည်။

09795500796
09788845610

21/12/2022

ဘုရားရှင်တို့၏ အဆုံးအမတော်
---------------------------
ခန္တီပရမံ တပေါ တိတိက္ခာ၊
နိဗ္ဗာနံ ပရမံ ဝဒန္တိ ဗုဒ္ဓါ။
န ဟိ ပဗ္ဗဇိတော ပရူပဃာတီ၊
န သမဏော ဟောတိ ပရံ ဝိဟေဌယန္တော။

တိတိက္ခာ = သည်းခံခြင်း ဟုဆိုအပ်သော၊

ခန္တီ = သည်းခံခြင်း ခန္တီသည်၊

ပရမံ = မြတ်သော၊ တပေါ = အကျင့်တည်း၊

နိဗ္ဗာနံ = ကိလေသာမှ ငြိမ်းခြင်း နိဗ္ဗာန်ကို၊

ပရမံ = မြတ်၏ ဟူ၍၊

ဗုဒ္ဓါ = ဘုရား ပစ္စေက ဗုဒ္ဓါတို့သည်၊

ဝဒန္တိ = ဟောကြားတော် မူကြကုန်၏။

ပရူပဃာတီ = သူတစ်ပါးကို သတ်ဖြတ်ညှင်းဆဲလေ့

ရှိသောသူသည်၊ ပဗ္ဗဇိတော = ရဟန်းမည်သည်၊

နဟောတိ = မဖြစ်။ ပရံ = သူတစ်ပါးကို၊

ဝိဟေဌ ယန္တော = ညှဉ်းဆဲသောသူသည်၊

သမဏော = ရဟန်းမည်သည်၊ နဟောတိ = မဖြစ်။

အငြိုငြင် အဆင်းရဲခံရခြင်း၊ သည်းခံခြင်းသည်

အမြတ်ဆုံးသော အကျင့်ဖြစ်၏။

နိဗ္ဗာန်သည် အမြတ်ဆုံးဟု ဘုရားရှင်တို့ ဟော၏။

သူတစ်ပါးအား သတ်ပုတ်သော ရဟန်းဟူ၍ မရှိ။

သူတစ်ပါးအား နှိပ်စက်သော သူမြတ်၏ဟူ၍ မရှိ။

---------------------------------------

သဗ်ဗပါပဿ အကရဏံ၊ ကုသလဿုပသမ်ပဒါ။
သ စိတ်တ ပရိယောဒပနံ၊ ဧတံ ဗုဒ်ဓါနသာသနံ။

သဗ္ဗပါပဿ = အလုံးစုံသော အကုသိုလ်ကို၊

ယံအကရဏံ = အကြင် မပြုခြင်း သည်လည်းကောင်း၊

ကုသလဿ = ကုသိုလ်ကို၊

ယာဥပသမ္ပဒါ = အကြင် ပြည့်စုံစေခြင်း လည်းကောင်း၊

ယံသစိတ္တ ပရိယောဒပနံ =

အကြင် မိမိစိတ်ကို ဖြူစင်စေခြင်းသည် လည်းကောင်း၊

အတ္ထိ = ရှိ၏၊ ဧတံ = ဤ အလုံးစုံသည်၊

ဗုဒ္ဓါနံ = မြတ်စွာဘုရားတို့၏၊

သာသနံ= အဆုံးအမတော်တည်း။

ခပ်သိမ်းသော မကောင်းမှုတို့ကို ကြဉ်ရှောင်ခြင်း၊

ကောင်းမှုကို ဆည်းပူးခြင်း၊ မိမိ၏ စိတ်ကို

စင်ကြယ်စေခြင်း ဤသည်လျှင်

ဘုရားရှင်တို့၏ အဆုံးအမတော်တည်း။

------------------------------------

အနုပဝါဒေါ အနုပဃာတော၊
ပါတိမောက္ခေစ သံဝရော။
မတ်တညုတာစ ဘတ်တသ်မိ ံ၊
ပန်တဉ်စသယနာသနံ။
အဓိစိတ္တေစ အာယောဂေါ။
ဧတံ ဗုဒ်ဓါန သာသနံ။

အနုပဝါဒေါ = မစွပ်စွဲ မကဲ့ရဲ့ခြင်းသည် လည်းကောင်း၊

အနုပဃာတော = မညှဉ်းဆဲ မသတ်ဖြတ်ခြင်းသည်

လည်းကောင်း၊

ပါတိမောက္ခေ = အကြီးဖြစ်သော ပါတိမောက္ခေ

သံဝရသီလ၌၊ သံဝရော = စောင့်စည်း ပိတ်ပင်ခြင်းသည်

လည်းကောင်း၊ ဘတ္တသ္မိ ံ = ဆွမ်းဘောဇဉ်၌၊

မတ္တညုတာစ = အတိုင်းအရှည်ကို သိသည်၏

အဖြစ်သည် လည်းကောင်း၊

ပန္တဉ္စသယနာသနံ = ဆိတ်ငြိမ်ရာ ဖြစ်သော

ကျောင်း၌ နေခြင်းသည် လည်းကောင်း၊

အဓိစိတ္တေ = ရှစ်ပါးသော သမာပတ်ဟု ဆိုအပ်သော

စိတ်ကို အစိုးရခြင်း အဓိစိတ္တ သိက္ခာ၌၊

အာယောဂေါစ = လုံ့လပြုခြင်းသည် လည်းကောင်း၊

အတ္ထိ = ရှိ၏၊ ဧတံ = ဤအလုံးစုံသည်၊

ဗုဒ္ဓါနံ = မြတ်သောဘုရားတို့၏၊

သာသနံ = အဆုံးအမတော်တည်း။

မကဲ့ရဲ့ အပြစ်မတင်ခြင်း၊ မသတ်ပုတ် မညှဉ်းဆဲခြင်း၊

ရဟန်းတို့၏ ပါတိမောက် အကျင့်သီလကို

စောင့်စည်းခြင်း၊ ဆွမ်း၌ အတိုင်းအရှည်ကို

သိခြင်း၊ ဆိတ်ငြိမ်သော ကျောင်းအိပ်ရာ

နေရာသို့ ကပ်ခြင်း၊ သမာဓိတရား၌ လုံ့လပြုခြင်း

..ဤသည်ပင်လျှင် ဘုရားရှင်တို့၏ အဆုံးအမတော်တည်း။

--------------------------
Photo Thaw Be

သက်ရှည် ကျန်းမာ စိတ်ချမ်းသာ

လိုရာဆန္ဓပြည့်၀ကြပါစေ။ . . . .

20/12/2022

စိန်ရောင်ခြည် ရဲ့ ဘုရားဖူးမိတ်ဟောင်းမိတ်သစ်များ ကျန်းမာချမ်းသာ ချင်းတွေနဲ့ပြည့်စုံနိုင်ကျပါ
စေ
🙏🙏🙏

ကျွန်တော်များ စိန်ရောင်ခြည် ဘုရားဖူးဝန်ဆောင်မှု လုပ်ငန်းမှ ဗုဒ္ဓဂယာ ဘုရားဖူးခရီးစဥ်များကို ပြန်လည်စတင်၍ ပို့ဆောင်ပေးနေပါပြီခင်ဗျာ

ရက်တို ရက်ရှည် ခရီးစဥ်
၄ည၅ရက်ခရီးစဥ်
၇ည၈ရက်ခရီးစဥ်

၁၄ည ၁၅ ရက်ခရီးစဥ်

မိသားစုသီးသန့်ခရီးများ
အသင်းဖွဲ့လိုက် ခရီးစဥ်များကို
၂၀၂၃ ဇန်နဝါရီ လမှ စတင်၍ ပြန်လည် ထွက်ရှိမည်ဖြစ်ပါသည်။

သွားရောက်လိုသော ခရီးစဥ်များအတွက် သက်တမ်းရှိ နိုင်ငံကူးလက်မှတ်(passport)ကိုင်ဆောင်ထားရပါမည်။

ထွက်ရှိမည်ခရီးစဥ်အားလုံးမှာ စားရိတ်ငြိမ်းခရီးစဥ်များဖြစ်ပါသည်။

ထွက်ရှိမည် ခရီးစဥ် နှုန်းထားများကို အချိုသာဆုံးနှုန်းထားအကောင်းဆုံး ဝန်ဆောင်မှုများဖြင့် စီစဥ်ပြုလုပ်ပေးမှာ ဖြစ်ပါတယ် ခင်ဗျ။

ခရီးစဥ် ရက်အတိကျနှင့်နှုန်းထားများကို မကြာမီရက်ပိုင်းအတွင်း #စိန်ရောင်ခြည်ဘုရားဖူးဝန်ဆောင်မှု ွင် ပြန်လည် ကြေဌာပေးပါမည်ခင်ဗျာ။

မိတ်ဟောင်းမိတ်သစ်များအားလုံးကို မျော်နေပါမယ်ခင်ဗျ❤❤❤❤❤
09795500796
09788845610

20/12/2022

နှစ်တစ်ရာကျော်က ဗောဓိပင်တူးဖော်ရေး မှတ်တမ်း (၁၈၉၂)

၁၈၆၂ ခုနှစ် ဒီဇင်ဘာလ ကျွန်ုပ်တွေ့ရသည့်အချိန်၌ ဗောဓိပင်မှာ များစွာ အိုမင်းနေပြီ ဖြစ်သည်။ အကိုင်းသုံးကိုင်း ဖြာထွက်နေသော အနောက်ဘက်ရှိ ကိုင်းမ ကြီး တစ်ကိုင်းသာ စိမ်းစိုလျက်ရှိ၍ ကျန်သော အကိုင်းများမှာ အခေါက်များကွာကျလျက် ခြောက်သွေ့နေကြသည်။ ထို့နောက် ၁၈၇၁ ၌ တစ်ကြိမ်၊ ၁၈၇၅ ၌ တစ်ကြိမ် ထပ်မံ ရောက်ရှိသော အချိန်၌မူ ဗောဓိပင်မှာ တစ်ပင်လုံး လုံးဝ ခြောက်သွေ့ သေဆုံးနေပြီ ဖြစ်ကြောင်း တွေ့ခဲ့ရသည်။ ထို့နောက် များစွာ မကြာမီ ၁၈၇၆ ခုနှစ်၌ လေမုန်တိုင်း တိုက်ခတ်ရာ ကျန်ရှိနေသော ဗောဓိပင်ခြောက်ကြီးမှာ အနောက်ဘက် နံရံပေါ်သို့ လဲကျသွားခဲ့သဖြင့် ဤသည်ပင် ဗောဓိပင်အို၏ နောက်ဆုံး သက်တမ်းကုန်ခြင်း ဖြစ်ခဲ့သည်။ သို့သော်လည်း ဗောဓိပင်အို၏ အစေ့များမှာ များစွာ စုဝေးကျန်ရစ်ခဲ့သကဲ့သို့ အပင်ပေါက်ငယ်များသည်လည်း လှဲကျသွားသော အပင်အိုနေရာ၌ ပေါက်ရောက်နေကြကြောင်း တွေ့ခဲ့ရသည်။

ထို့နောက် ၁၈၈ဝ ပြည့်နှစ်၌ ဘုရားကျောင်းဆောင်၏ နောက်ဘက် နံရံ အပြင်ဘက်မှ ဝဇိရာသန ပလ္လင်တော်ကို ဖော်ထုတ် တွေ့ ရှိခဲ့သည့်အခါ ဗောဓိပင် ရှိတော်မူခဲ့မည့် မူလနေရာ၌ မူလ ဗောဓိပင်ဟောင်း၏ အစိတ်အပိုင်းများ မြေအောက်၌ ရှိနေနိုင်သေး ကြောင်း ကျွန်ုပ်တွေးမိခဲ့သည်။ ထို့ကြောင့် ကျွန်ုပ်သည် ဝဇိရာသန ပလ္လင်တော် တွေ့ ရှိခဲ့ရာနေရာ၏ အနောက်ဘက် ခပ်လှမ်းလှမ်း နေရာကို တူးဖော်စေခဲ့သည်။ ကျောက်သား ပလ္လင်တော် မျက်နှာစာ၏ အပြင်ဘက်၊ ပလ္လင်တော် တွေ့ ရာနေရာ၏ အောက် (၃) ပေအနက်၊ ခေတ်သစ်အပင်ပေါက်ရာမြေသားသစ် မြေပြင်၏ အောက် ပေ (၃ဝ) အနက် သဲမြေထဲမှ ဗောဓိပင်ဟောင်း၏ လုံးပတ်ကြီးမားသော အပိုင်း (၂) ပိုင်းကို တူးဖော်တွေ့ ရှိခဲ့သည်။ အပိုင်းတစ်ပိုင်းမှာ (၆) လက်မခွဲ ရှိ၍ အခြားတစ်ပိုင်းမှာ (၄) လက်မ ရှိသည်။ အလျား (၃၂) ပေ၊ အမြင့် ပေ (၃ဝ)၊ ထု (၁၄) ပေ ရှိသည့် ဘုရားကျောင်းဆောင် နောက်ပိုင်းကို ထောက်ကန်ထားသည့် အုတ်နံရံထုထည် တစ်ခုလုံးသည် ဤနေရာ၌ တည်ရှိနေခဲ့သည်မှာ နှစ်ပေါင်း (၁၂ဝဝ) ကျော် ကြာပြီ ဖြစ်သည့်အတွက် ယခု မြေအောက်မှ တူးဖော် တွေ့ ရှိခဲ့သည့် ဗောဓိပင်၏ အစိတ် အပိုင်းနှစ်ပိုင်းမှာ အေဒီ (၆ဝဝ) မှ (၆၂ဝ) ကာလအတွင်း၌ သျှသျှင်္ကမင်း ခုတ်လှဲဖြတ်တောက်ခဲ့သော ဗောဓိပင်ဟောင်း၏ အစိတ်အပိုင်းများ ဖြစ်နိုင်ပေသည်။

ဗောဓိပင်တော်ကို မလိုမုန်းထားသူတို့ အကြိမ်အရေအတွက် များစွာ ခုတ်လှဲဖြတ်တောက်ခဲ့ကြသည်မှာ သေချာသည့် ဖြစ်ရပ် ဖြစ်သော်လည်း ထိုဖြစ်ရပ်၏ သက်သေကိုမူ အနည်းမျှသာ တူးဖော်တွေ့ရှိခဲ့သည်။ တိဗက် သမိုင်းဆရာ တာရာနာထ က အေဒီ (၁) ရာစုဝန်းကျင်၌ အနောက်ဘက်တိုင်းပြည်မှ ဘုရင်တစ်ပါးဖြစ်သည့် ဟုနိမန္တသည် မဂဓတိုင်းကို ကျူးကျော်တိုက်ခိုက်ခဲ့ ကြောင်း မှတ်တမ်း တင်ထားသည်။ ဗုဒ္ဓဂယာရှိ ဘုရားကျောင်းမှာ ထိုအချိန်က ဖျက်ဆီးခံခဲ့ရကြောင်း သိရသဖြင့် စင်္ကမ အဆောက်အဦးနှင့် တကွ ဗောဓိပင်သည်လည်း ဖျက်ဆီးခံရခြင်းမှ လွတ်မြောက်နိုင်မည် မဟုတ်ပေ။

ဟရ်သျှ ဝရ်ဓန မင်း ကွယ်လွန်ပြီးနောက် အဓိသေနမင်းနှင့် ၎င်းကို ဆက်ခံသော ဗြာဟ္မဏမင်းဆက်များ အုပ်စိုးစဉ်ကာလ အေဒီ (၇) ရာစုနောက်ပိုင်း၌မူ ဗောဓိပင်တော်သည် မသမာသူများဘေးမှ ကင်းလွတ်ခဲ့မည် ဖြစ်ကြောင်း မှန်းဆကြည့်ရသည်။ ထိုခေတ် ကာလအတွင်း တရုတ်နိုင်ငံမှ ဘုရားဖူးများလည်း ဗုဒ္ဓဂယာသို့ အကြိမ်ကြိမ် လာရောက်ဖူးမြော်ခဲ့ကြကြောင်း သိရ၍ ဗောဓိပင် ထိုနေရာ၌ တည်ရှိနေကြောင်းကို သူတို့၏ မှတ်တမ်းများ၌ ဖော်ပြခဲ့ကြသည်။ အကယ်၍ ထို တရုတ်ဘုရားဖူးများ ဖူးတွေ့ခဲ့ရသော ဗောဓိပင်တော်သည် သူတို့ ဖူးမြော်ခဲ့ကြပြီးနောက် နောက်ထပ် တစ်ရာစု ကာလ ဖြစ်သည့် အေဒီ (၇ဝဝ) မှ (၈ဝဝ) ထိ ဘေးကင်းခဲ့မည် ဆိုပါလျှင် မဂဓတိုင်း ဘုရင် ပုဏ္ဏ ဝမ္မဏမင်း အသစ်တဖန် စိုက်ပျိုးခဲ့သော ဗောဓိပင်သည် အေဒီ (၈၁၃) ဝန်းကျင်၌ ထီးနန်း ထူထောင်ခဲ့ကြသည့် ဗုဒ္ဓဝါဒမင်းဆက်များဖြစ်ကြသော ပါလမင်းများ လက်ထက်ထိ ဆက်လက် ရှင်သန်လျက် ရှိနေမည် ဖြစ်သည်။ ထို့နောက် ထိုဗောဓိပင်သည် ဗုဒ္ဓဝါဒီ ပါလမင်းဆက် ကုန်ဆုံးချိန် အေဒီ (၁၂ဝ၁) ခုနှစ် မဂဓတိုင်းကို ဘခ်တိယာ ခါလ်ဂျီ ကျူးကျော်ဝင်ရောက်သည့်အချိန်ထိ ဘေးကင်းလျက် တည်ရှိနေခဲ့မည်ဟုလည်း မှန်းဆ ကြည့်ရသည်။ မွတ်စလင် ကျူးကျော်တပ်များသည် ပေသျှဝါရှိ ဗောဓိပင်ကို ထိခိုက်အောင် ဖျက်ဆီးခဲ့ခြင်း မရှိသည့် အတွက် ဗုဒ္ဓဂယာမှ ဗောဓိပင်ကိုလည်း ဖျက်ဆီးခဲ့မည် မဟုတ်ဟု ယူဆရသည်။

ဗောဓိညောင်အမျိုးအစားသည် ကြီးထွားမူလျင်မြန်၍ သက်တမ်းတိုသည့် အပင်မျိုးဖြစ်သည့်အတွက် အသောကမင်းလက်ထက်မှ ယနေ့ခေတ် အထိ တစ်ပင်သက်တမ်းကုန်လျှင် အပင်သစ်တစ်ပင် အစားထိုးပေါက်ခြင်းဖြင့် ရှင်သန်ခဲ့မည် ဟု ယူဆရသည်။ မကြာခဏ ဖျက်ဆီးခံရသည့် အကြိမ်အရေအတွက်များပါ ထည့်သွင်းတွက်ချက်လျှင် ဗုဒ္ဓဂယာ၌ ဗောဓိပင်သည် အကြိမ်ပေါင်း (၁၂) ကြိမ်၊ (၁၅) ကြိမ်မှသည် အကြိမ် (၂ဝ) ထိ အသစ် အသစ် အစားထိုး ပေါက်ရောက် ကြီးထွားခဲ့မည် ဖြစ်သည်။

မြန်မာ မှတ်တမ်းစာ၌ ပသေနဒီကောသလမင်းကြီးသည် ဗောဓိပင်ကို တံတိုင်း (၂) ထပ်ဖြင့် ကာရံခဲ့၍ အသောကမင်းကြီးသည် ထို နှစ်ထပ်ကို ဝန်းရံကာ တတိယမြောက် တံတိုင်းကို လှူဒါန်းခဲ့ကြောင်း ရေးသားထားသည်။ ထိုအချက်ကို လက်ခံစဉ်းစားပါလျှင် ပသေနဒီ ကောသလမင်း လှူဒါန်းခဲ့သော တံတိုင်း နှစ်ထပ်မှာ သစ် အကာအရံ တံတိုင်းဖြစ်ခဲ့မည် ဟု ယူဆရ၍ သူ့နောက် နှစ် (၂၅ဝ) ဝန်းကျင်ခြား၍ နန်းတက်ခဲ့သော အသောကမင်းလက်ထက်၌ ထို သစ်အကာရံ တံတိုင်းများသည် များစွာ ပျက်စီးလျက် ရှိခဲ့ပေလိမ့်မည်။ ထို့ကြောင့် အသောကမင်းက ဗောဓိပင်၏ အရှေ့ဘက်၌ ဘုရားကျောင်းဆောင်ကို ဆောက်လုပ် လှူဒါန်းခဲ့သည့် အခါ၌ ထို ပသေနဒီကောသလမင်း လှူဒါန်းခဲ့သော သစ်အကာအရံတံတိုင်းကို ဖယ်ရှားခဲ့မည်ဟုလည်း တွက်ဆရသည်။

( ကင်နင်ဂမ်၏ ၁၈၉၂ တူးဖော်ရေးမှတ်တမ်းမှ ထုတ်နုတ်ပြန်ဆိုသည်)

ဘိကခြု ေ က သ ရ (Bhikkhu Kesara)

ပုံ- 1864-65 ခုနှစ် မပြုပြင်မီ မြောက်ဖက်မှ ဖူးတွေ့ရသော မဟာဗောဓိစေတီတော်နှင့် ဗောဓိပင်။

18/12/2022

အိန္ဒိယနိုင်ငံ ရှိ ဗုဒ္ဓမြတ်စွာဘုရား ပွင့်ထွန်းတော်မူရာ
မဟာဗောဓိပင်ကြီးအား (Forest Research Institute, Dehradun India ) အဖွဲ့ ပညာရှင်များ နှင့်ဂေါပကများမှ
ဗောဓိပင်ကြီးကြံ့ခိုင်သန်မာရေးအတွက် နှစ်စဉ်စစ်ဆေးစမ်းသပ်မှု့ ကို (၁၅.၁၂.၂၀၂၂)ရက်နေ့ က ဆောင်ရွက်ခဲ့ပါတယ်။
ဒီနှစ်လာရောက်စစ်ဆေးတဲ့ ရုက္ခဗေဒပညာရှင်များက Dr.Amit Pandey and Dr. San than Barthwal
တို့ ဖြစ်ကြပါတယ်။

ကြည်ညိုစရာ
အိန္ဒိယနိုင်ငံ မြေမြတ်မဟာ ဗုဒ္ဓဂါယာ မှ
Buddha Tree - မဟာဗောဓိပင်
~~~~~~~~~~~~~~~~~~~~~~~~~~

သက္ကတိုင်း ကပိလဝတ်ပြည့်ရှင် ဘုရာသုဒ္ဓေါဓနကြီးနဲ့ မိဖုရားခေါင်ကြီး မယ်တော်မာယာတို့မှ မဟာသက္ကဇ်(၆၈)ခုနှစ် ကဆုန်လပြည့်သောကြာနေ့မှာ အလောင်းတော်သိဒ္ဓတ္ထမင်းသားလေးကို ဖွားမြင်တော်မူခဲ့ပါတယ်။

ထိုနေ့၌ပင် မာဂဓတိုင်း ဗုဒ္ဓဂယာ(ဂယာမြို့အနီး)မှာပင် မဟာဗောဓိပင်ကလေး တစ်ပင်ပေါ်ထွက်ပေါက်ရောက်လာခဲ့ပါတယ်။

ထိုမဟာဗောဓိပင်ငယ်လေးဟာ အလောင်းတော်
သိဒ္ဓတ္ထမင်းသားလေးရဲ့ ဖွားဖက်တော်သစ်ပင်လေးဘဲ ဖြစ်ပါတယ်။

အလောင်းတော်မင်းသားဟာ သက်တော်(၂၉)နှစ်
အရွယ်အရောက် မဟာသက္ကရာဇ်(၉၇)ခုနှစ် ဝါဆိုလပြည့် တနင်္လာနေ့မှာပင် ထီးနန်းစွန့်ခွါ၍ တောထွက်တော် မူလာခဲ့ပါတယ်။

ထို့နောက် အလောင်းတော်ဟာ ရဟန်းပြုတော်မူပြီး
မာဂဓတိုင်း ဥရုဝေလတော မှာပင် (၆)နှစ်တိုင်တိုင်
ဒုက္ကရစရိယာအကျင့်ကို ကျင့်တော်မူခဲ့တာလည်းဘဲ ဖြစ်ပါတယ်။

မဟာသက္ကရာဇ်(၁၀၃)ခု ကဆုန်လပြည့် ဗုဒ္ဓဟူးနေ့(ဘီစီ-၅၂၈)မှာ ဖွားဘက်တော် ဗောဓိပင်
အောက်မှာပင် သစ္စာလေးပါးကို ထိုးထွင်းသိမြင်တော်မူကာ အနှိုင်းမဲ့ကျေးဇူးရှင် သမ္မာသမ္ဗုဒ္ဓဘုရားအဖြစ်သို့ ရောက်ရှိတော်မူခဲ့တာလည်းဘဲ ဖြစ်ပါတယ်။

ထိုနေရာဟာ အလောင်းတော်မြတ် သစ္စာလေးပါးကို ထိုးထွင်းသိမြင်တော်မူပြီး သဗ္ဗညုတရွှေဉာဏ်တော်ကိုရရှိတော်မူသည့် နေရာဌာနဖြစ်သောကြောင့်
ထိုနေရာ၌ ပေါက်ရောက်နေသော ညောင်ဗုဒ္ဓဗောဓိပင်ကို မဟာဗောဓိပင်ဟု ခေါ်တွင်လာခြင်းဘဲ ဖြစ်ပါတယ်။

ထိုဗောဓိပင်ကြီးကို မြတ်ဗုဒ္ဓသက်တော်ထင်ရှားရှိစဉ်ကတည်းက ရဟန်းရှင်လူ အပေါင်းတို့က မြတ်စွာဘုရား၏ကိုယ်ပွားတော် ကိုယ်စားတော်အဖြစ် ကိုးကွယ်ဆည်းကပ်လာခဲ့ကြသလို မြတ်စွာဘုရားပရိနိဗ္ဗာန်စံဝင်တော်မူပြီး နောက်ပိုင်းတွင်လည်း အလားတူပင် ကိုးကွယ်ဆည်းကပ်လာခဲ့ကြတာလည်း ဖြစ်ပါတယ်။

ထိုဗောဓိပင်ကြီး သမိုင်းအစဉ်အဆက်နှင့်ပတ်သက်၍ စာပေပညာရှင်များ၏ ရေးသားတင်ပြချက်များကို
ကောက်နှုတ်တင်ပြရရင်တော့-

(၁) ဗောဓိပင်ကြီးကို အသောကမင်းကြီးကိုယ်တိုင် ဗုဒ္ဓဘာသာဝင်မဖြစ်မီက ခုတ်လှဲဖျက်စီးစေခဲ့ပါတယ်။ယင်းနောက် ဗောဓိပင်ကြီးရဲ့တန်ခိုးအစွမ်းဖြင့်
သူ့အလိုအလျောက် ပြန်လည်ပေါက်ရောက်လာခဲ့ပါတယ်။

(၂) အသောကမင်းကြီးဟာ ဗုဒ္ဓဘာသာဝင်ဖြစ်လာပြီးနောက် ဗောဓိပင်အားကြည်ညိုသဒ္ဒါပွားပြီးအမြဲဆည်းကပ်ပူဇော်နေတာကို မနာလိုစိတ်ဖြစ်တဲ့မိဖုရားကြီးက ဖျက်စီးဖို့ကြိုးစားခဲ့ပြန်ပါတယ်။

(၃) ခရစ်(၆)ခုနှစ်မှာတော့ သျှီဝဘုရာင်ဆာဆင်္ကာက သုံးကြိမ်တိုင်တိုင်ခုတ်လှဲမီးရှို့ဖျက်စီးခဲ့ပြန်ပါတယ်။
ယင်းတို့ဖျက်စီးပြီးတိုင်းမှာ
မာဂဓဘုရင် ပူရာဏဗာရမင်းက ပြန်လည်စိုက်ပျိုးခဲ့ပြန်ပါတယ်။

(၄) ခရစ်နှစ်(၁၁၉၃)ခုနှစ် မတ်လမှာတော့
မဂိုလ်စစ်ဗိုလ်ချုပ်ကြီး မိုဟာမက်ဂိုရီတစ်ကြိမ်ခုတ်လှဲဖျက်စီးခဲ့ပြန်ပါတယ်။

(၅) (၁၈၇၆)ခုနှစ်မှာတော့ မုန်တိုင်းဒဏ်ကြောင့် တစ်ကြိမ်လဲကျ၍ ဗောဓိပင်ကြီးဟာ သေဆုံးသွားခဲ့ပါတယ်။
ထိုနေရာမှာဘဲ ကျောက်စာဝန် ကင်နင်ဂန် ကနဂိုဗောဓိပင်မှ မျိုးယူပျိုးထားတဲ့ဗောဓိပင်ငယ်ကို ထပ်မံစိုက်ပျိုးခဲ့ပါတယ်။

ထိုကျောက်စာဝန်မင်းကြီး စိုက်ပျိုးထားခဲ့သော ဗောဓိပင်ကြီးမှာ
ယနေ့လူအများဖူးတွေ့နေကြရတဲ့ ဗောဓိပင်ကြီးဘဲ ဖြစ်ပါတယ်။

ယနေ့အချိန်မှာ ဖူးတွေ့နေရတဲ့ ဗောဓိပင်ကြီးမှာ မြတ်ဗုဒ္ဓဘုရားအဖြစ်သို့ ရောက်ရှိတော်မူခဲ့တဲ့ ဗောဓိပင်ကြီးမှ အစဉ်အဆက်မျိုးပွားစိုက်ပျိုးလာခဲ့သော
မဟာဗောဓိပင်ကြီးဘဲ ဖြစ်ပါတယ်။

Mahar Bodhi
တည်နေရာ - မာဂဓတိုင်း
Photo - Ven Thaw Bi
ကိုးကား - အထွဋ်အမြတ်နေရာ

Crd Mahar Bawdi Tree

17/12/2022

"ဘုရားရှင်၏ ဆန္ဒ"

"ရိပ်သာနေရာ၊ ညင်သာတိုးတိတ်၊ အသိစိတ်" တဲ့။

ဒါက ရွှေတောင်ကုန်းသာသနာ့ရိပ်သာနေရာမှာ မြင်တွေ့ရတဲ့ စာသားလေးပါ။ ‌ဒီစာသားလေးဟာ ရွှေတောင်ကုန်း သာသာနာ့ရိပ်သာရဲ့ အခြေအနေကို ဖော်ပြနေပါတယ်။ ဒီရိပ်သာမှာ စကားပြောရင် ညင်ညင်သာသာ တိုးတိုးတိတ်တိတ် စကားပြောရမယ်လို့ သတိပေးနေတယ်၊ အသိရှိပါလို့လည်း တိုက်တွန်းနေတယ်။ ဒီရိပ်သာမှာ ပြည်တွင်း/ပြည်‌ပယောဂီတွေ တရားအားထုတ်နေကြတယ်။ ဒါကြောင့် တရားအားထုတ်နေကြတဲ့ ယောဂီသူတော်စင်တွေကို အနှောက်အယှက် မဖြစ်စေသင့်ဘူး၊ စကားကို အသံကျယ်ကျယ်နဲ့ပြောနေရရင် ဆရာတော်က 'တိုးတိုး' လို့ပြောပြီး သတိပေးတတ်တယ်၊ သူကပါစကားပြောပြီးသတိပေးရင် အနှောက်အယှက်ဖြစ်စေနိုင်တဲ့နေရာမျိုးမှာဆိုရင် 'တိုးတိုးပြောပါ' လို့ အဓ္ဓိပါယ်ဖော်ဆောင်တဲ့ အမူအရာနဲ့ ပြတတ်တယ်၊ လက်ညှိုးလေးကို နှုတ်ခမ်းနှစ်ခုရဲ့ အလယ်မှာ ကပ်ပြတတ်တယ်။ ရိပ်သာမှာ ပြည်တွင်း/ပြည်ပက စာသင်သားတွေလည်းရှိတာမို့ သူတို့ကိုလည်း စာကိုတိုးတိုးကျက်စေပါတယ်။ ဗုဒ္ဓယဉ်ကျေးမှု အခြေပြုသင်တန်းကာလတွေမှာတော့ စာကိုတိုးတိုးကျက်ကြဖို့ အထူးပဲကြောင့်ကြစိုက်ပေးပါတယ်။ ယောဂီတွေကို အနှောက်အယှက်မဖြစ်ရအောင် တံခါးအဖွင့်/အပိတ်ကိုလည်း ညင်ညင်သာသာ ပြုလုပ်စေပါတယ်။ ရေချိုး၊ အဝတ်လျှော်တဲ့ အခါတွေမှာလည်း အသံမကျယ်အောင် ပြုလုပ်စေပါတယ်။ ရိပ်သာနဲ့ သိပ်မရင်းနှီးတဲ့သူတွေ ရိပ်သာကို ဆွမ်းကပ်လာလို့ ကလေးတွေပါတဲ့အခါ အသံဆူတတ်တာမို့ အသံမကျယ်ဖို့၊ တိုးတိုးသာသာပြောဖို့ ဆရာတော်သတိပေးတာကိုလည်း အကြိမ်ပေါင်းများစွာ တွေ့ရဖူးပါတယ်။ အချိုးမကျလို့ ပြောစရာရှိလာရင် ဆရာတော်က အားမနာတတ်ဘူး၊ မညှာတတ်ဘူး၊ ပြတ်ပြတ်သားသားပြောတတ်တယ်။

မြတ်စွာဘုရားရှင်ကိုယ်တော်မြတ်ကြီးသည်လည်း တိတ်ဆိတ်မှုကို အလွန်ပဲ လိုလားတော်မူပါတယ်၊ တိတ်ဆိတ်မှုကို ဖျက်ဆီးလာခဲ့လျှင် ဘုရားရှင်လည်း ပြတ်ပြတ်သားသား ပြောပါတယ်၊ အားမနာတတ်ဘူး၊ မညှာဘူးလို့ ဆိုရမလိုပါပဲ။ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ရဲ့ တပည့်ရဟန်းအသစ်ငါးရာဟာ ကျောင်းတိုက်အတွင်းမှာ ဆူဆူညံညံပြောဆိုနေကြလို့ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ကိုပါ တပည့်ငါးရာနဲ့အတူ နှင်ထုတ်ဖူးပါတယ်။ ဘုရားရှင်ကိုယ်တော်မြတ်ကြီးသည် တိတ်ဆိတ်မှုကို ဖျက်ဆီးလာခဲ့လျှင် လက်ယာတော်ရံ၊ လက်ဝဲတော်ရံတို့ကိုပါ မညှာပါလား၊ ဆူညံတာကို မကြိုက်တာမို့ ဘုရားက တပည့်ကြီးနှစ်ပါးကို သင်ခန်းစာပေးလိုက်တာနဲ့ တူပါတယ်၊ ဪ... တိတ်ဆိတ်မှုကို အမှန်တကယ်နှစ်သက်တော်မူတဲ့ ဘုရားပါလား။

တိတ်ဆိတ်မှုရမှသာ ယောဂီတွေမှာ တရားအသိဉာဏ် တိုးတက်လွယ်တယ်၊ ဒါကြောင့် ယောဂီတွေမှာ တိတ်ဆိတ်မှုရဖို့ သိပ်ကိုလိုအပ်ပါတယ်။ 'တိတ်ဆိတ်မှုနဲ့သာသနာ့ရိပ်သာ' - 'သာသနာ့ရိပ်သာနဲ့တိတ်ဆိတ်မှု' ဆိုတာဟာ အမြဲဒွန်တွဲနေရမယ့်အရာပါ။ တိတ်ဆိတ်မှုကင်းကွာတဲ့ သာသနာ့ရိပ်သာဟာ ခေါင်းဆောင်ကောင်းမရှိဘူးလို့ အဓိပ္ပါယ်ဖော်ဆောင်နေပါတယ်။ သာသာနာ့ရိပ်သာမှာ တိတ်ဆိတ်မှုကင်းမဲ့နေရင် ကျက်သရေမရှိဘူး၊ စိတ်ကြည်နူးဖွယ်မဖြစ်ဘူး၊ စိတ်ချမ်းမြေ့ဖွယ်မဖြစ်ဘူး၊ သာသနာ့ရိပ်သာ လာတဲ့သူတွေရဲ့ပါးစပ်များက 'ဒီသာသနာ့ရိပ်သာက သိပ်အေးချမ်းတယ်၊ စိတ်ကြည်နူးစရာကောင်းတယ်၊ သိပ်စိတ်ချမ်းသာရတယ်' လို့ စကားထွက်လာအောင်ကို တိတ်ဆိတ်မှုရှိရပါမယ်။ ဆရာတော်က သူ့သာသနာ့ရိပ်သာမှာ အဲ့ဒီလို တိတ်ဆိတ်မှုရှိအောင် အမြဲဆောင်ရွက်ပါတယ်။ ဒါကြောင့် တကယ်လို့ စကားကျယ်ကျယ်ပြောမိတဲ့အခါ ဆရာတော်က စကားကျယ်ကျယ်ပြောသူတို့ အနီးအနားရောက်သွားရင် 'ဆရာတော်ကြွလာတယ်၊ တိုးတိုးပြောပါ' လို့ အချင်းချင်း သတိပေးတတ်ကြပါတယ်။ တိတ်ဆိတ်မှုကို အမှန်တကယ် နှစ်သက်တော်မူတဲ့ ဆရာတော်ပါ။

ဒီနေရာမှာ မြတ်စွာဘုရားရှင်ကိုယ်တော်မြတ်ကြီး တိတ္ထိတွေထံကြွတဲ့အခါ တိတ္ထိတွေပြောတဲ့စကားကို သတိရမိတယ်။

"အရှင်တို့ ရဟန်းဂေါတမ ကြွလာနေပါတယ်၊ အရှင်ဂေါတမဟာ အသံကျယ်ကျယ်လောင်လောင် ပြောတာကို မကြိုက်ပါဘူး၊ ဒါကြောင့် အသံမပြုကြပါနဲ့၊ တိုးတိုးတိတ်တိတ်နေကြပါ" တဲ့။

တိတ္ထိတွေဟာ သူတို့အချင်းချင်းစကားပြောကတဲ့အခါ ကျယ်ကျယ်လောင်လောင် ပြောတတ်ကြပါတယ်၊ ဒါကြောင့် ကျယ်ကျယ်လောင်လောင်စကားပြောနေတဲ့ သူတို့အချင်းချင်း သတိပေးကြတာပါပဲ။ မြတ်စွာဘုရားရှင် ကိုယ်တော်မြတ်ကြီး တိတ်ဆိတ်မှုကြိုက်နှစ်သက်တော်မူတာကို တိတ္ထိတွေကတောင် သိကြပါတယ်၊ ဘုရားရဲ့တပည့်တွေပါလို့ အမည်ခံထားကြတဲ့ ဗုဒ္ဓဘာသာဝင် ရဟန်း၊ ရှင်၊ လူတွေဟာလည်း ဘုရားရှင်ရဲ့အလိုတော်ကိုသိပြီး ဘုရားရှင်ရဲ့အလိုတော်ကျ သာသနာရေးဆိုင်ရာကိစ္စတွေကို ဆောင်ရွက်ကြသင့်ပြီထင်ပါတယ်။

မြန်မာနိုင်ငံဒေသအတော်များများမှာ အသံချဲ့စက်နဲ့ပြုလုပ်နေကြတဲ့ "အသံမစဲပဌာန်းပွဲ" တွေဟာ အတော်များပြားနေပါတယ်၊ ရွှေတောင်ကုန်းသာသနာ့ရိပ်သာအနီးက နေရာတွေမှာတောင် ပြုလုပ်လာကြလို့ ရွှေတောင်ကုန်းသာသနာ့ရိပ်သာက ယောဂီတွေလည်း အဲဒီအသံတွေကို ကြားနေကြရပါတယ်။ "မြတ်စွာဘုရားသာ သက်တော်ထင်ရှားရှိလို့ ဒီအသံမစဲပဌာန်းပွဲတွေကြားရရင် နှစ်သက်တော်မူပါ့မလား၊ တိတ်ဆိတ်မှုကို အလွန်မြတ်နိုးတော်မူတဲ့ဘုရားက ကြိုက်နှစ်သက်တော်မူမှာ မဟုတ်ပါဘူး" လို့ ဆရာတော်က မိန့်ကြားတတ်ပါတယ်။

"နောက်ပြီးတော့ ဘုရားရှိခိုးတာကိုလည်း အသံချဲ့စက်နဲ့ အသံကျယ်ကျယ်ရှိခိုးတတ်ကြတယ်၊ ဒါလည်း ဘုရားအလိုတော်ကျ ဖြစ်မှာမဟုတ်ဘူး" တဲ့။ ပဌာန်းရွတ်သူတွေ ဘုရားရှိခိုးတဲ့သူတွေကလည်း "ကြားရတဲ့သူတွေ ကြည်ညိုသဒ္ဓါပွားနိုင်အောင်ဆိုတဲ့ ရည်ရွယ်ချက်နဲ့လုပ်တာပါ" လို့ ပြောကြမယ်ထင်ပါတယ်၊ ဘုရားတပည့်တွေဖြစ်ကြတဲ့ ဗုဒ္ဓဘာသာဝင်တွေဟာ ဘယ်ဟာက ဘုရားအလိုတော်ကျမလဲလို့ စဉ်းစားပြီး လိုက်နာဆောင်ရွက်သင့်ပါတယ်။ ရွတ်ဖတ်သူတွေရည်ရွယ်တဲ့အတိုင်း ဘေးကကြားရတဲ့သူတွေမှာ ကြည်ညိုသဒ္ဓါပွားတယ်ဆိုရင်တော့ သူတို့ရည်ရွယ်ချက်ပြည့်စုံတယ်လို့ ဆိုနိုင်ပါတယ်၊ ဒါပေမယ့် ကြားရသူတိုင်းတော့ ကြည်ညိုသဒ္ဓါ ပွားချင်မှပွားနိုင်မှာပါ။ အိပ်ချိန်တောင်မှ တိတ်ဆိတ်အေးဆေးစွာ မအိပ်ရဘဲ ကြားနေရတဲ့အသံကိုတော့ ကြည်ညိုသဒ္ဓါ ပွားချင်မှပွားနိုင်ကြပါမယ်၊ 'ရှုပ်တယ်၊ နားငြီးတယ်၊ ဆူတယ်' လို့ တွက်တဲ့သူတွေလည်း ရှိနိုင်ပါတယ်၊ ကြည်ညိုသဒ္ဓါမပွားနိုင်ကြတဲ့ သူတွေအတွက်ကတော့ အနှောက်အယှက်ဖြစ်တယ်လို့လည်း ယူဆနိုင်ပါတယ်၊ တရားရှုမှတ်တဲ့ယောဂီတွေကလည်း အသံတိတ်ဆိတ်စွာနဲ့ တရားရှုမှတ်ရတာကိုပဲ နှစ်သက်ကြမှာပါ။

ဒါတွေကတော့ ကြားရတဲ့သူတွေဘက်က ဖြစ်နိုင်တဲ့ ခံစားမှုအမျိူမျိုးကို ခံစားကြည့်မိတာပါပဲ၊ "ပဌာန်းရွတ်တာ၊ ဘုရားရှိခိုးတာဟာ မကောင်းဘူး" လို့ မဆိုလိုပါ၊ ပဌာန်းရွတ်လို၊ ဘုရားရှိခိုးလိုတဲ့ သဒ္ဓါနဲ့ ရွတ်ဆိုရှိခိုးလို့ ဖြစ်ပေါ်လာတဲ့သဒ္ဓါကိုတော့ အဟန့်အတားမပြုကောင်းပါဘူး။ အသံချဲ့စက်နဲ့ ရွတ်ဆိုနေတဲ့ အသံမစဲပဌာန်းပွဲနဲ့ အသံချဲ့စက်နဲ့ ဘုရားရှိခိုးတာမျိုးတွေကို‌ မြတ်စွာဘုရားရှင်ကိုယ်တော်မြတ်ကြီး သီတင်းသုံးရာ ဇေဝန်ကျောင်းပေါက်ဝမှာ ပြုလုပ်လို့ ဘုရားသာကြားခဲ့ရင်၊ သိခဲ့ရင် "ချစ်သားတို့ - ကောင်းပါပေတယ်၊ သာဓု သာဓု သာဓု" လို့ အနုမောဒနာပြုကာ အားပေးတော်မူလေမလား၊ ဒါမှမဟုတ် တပည့်ကြီးနှစ်ဦးနဲ့ ၎င်းတို့ရဲ့တပည့်ငါးရာကိုနှင်သလို နှင်ထုတ်တော်မူလေမလားလို့ စဉ်းစားကြည့်မိပါတယ်၊ ဘုရားရှင်ရဲ့ တပည့်သားတွေဆိုတော့ ဘုရားအလိုတော် ကျ/မကျကို စဉ်းစားကြရမှာပါပဲ။

ပြည်ပကလာပြီး တရားရှုမှတ်နေကြတဲ့ ယောဂီတွေကို "ဒီလိုအသံချဲ့စက်တွေနဲ့ ပဌာန်းရွတ်၊ ဘုရားရှိခိုးနေတာကို ဘယ်လိုသဘောရပါသလဲ" လို့ မေးကြည့်ခဲ့ရင် သူတို့ပြည်ပကအခြေအနေကို ပြောပြကြပါတယ်။ သူတို့ပြည်ပနိုင်ငံတွေမှာ ဘေးအိမ်တွေကို ဒီလိုအသံနဲ့အနှောက်အယှက်ပြုရင် ဘေးအိမ်ကလူတွေက ပထမဟန့်တားကြပါမယ်၊ ဟန့်တားလို့မှမရရင် တရားစွဲကြပါတယ် တဲ့။ ဗုဒ္ဓသာသနာဝင်မဟုတ်တဲ့ သူတို့က တိတ်ဆိတ်မှုကို သိပ်တန်ဖိုးထားကြတယ်၊ သူတစ်ပါးရဲ့လွတ်လပ်မှုကို အနှောက်အယှက်ပေးတာ မကြိုက်ဘူးဆိုတဲ့ သဘောပါပဲ၊ ဒီနေရာမှာ ဆူညံမှုပြုတာဟာလည်း ကိုယ့်လွတ်လပ်ခွင့်ဆိုပေမယ့် သူတစ်ပါးအား အနှောက်အယှက်ဖြစ်စေတဲ့ လွတ်လပ်ခွင့်မျိုးကိုတော့ မည်သည့်သူတော်ကောင်းပုဂ္ဂိုလ်မျိုးကမှ နှစ်သက်မှာမဟုတ်ပါ။ မြန်မာနိုင်ငံမှ သတိပဌာန်တရားတော်ကို လိုလားကြလို့ ဗုဒ္ဓသာသာနာဝင်မဟုတ်တဲ့သူတွေကတောင် မိုင်းပေါင်းများစွာဝေးကွာတဲ့နေရာတွေကနေ ‌ငွေကြေးအမြောက်အများအကုန်ခံပြီး မြန်မာနိုင်ငံကို လာရောက်အားထုတ်နေကြတာမို့ ဗုဒ္ဓတပည့်အမည်ခံ ဗုဒ္ဓသာသနာဝင်တွေကလည်း အစွမ်းကုန်ကူညီပေးကာ မိမိတို့ဗုဒ္ဓသာသနာဝင်တွေရဲ့စိတ်ထဲမှာလည်း ဗုဒ္ဓအဆုံးအမ စွဲတည်ဖို့ကြိုးစား၊ ဗုဒ္ဓသာသနာဝင်မဟုတ်တဲ့သူတို့ရဲ့ နှလုံးသားထဲမှာလည်း ဗုဒ္ဓအဆုံးအမတွေ စွဲတည်သွားအောင် ဝိုင်းဝန်းကြိုးစားကြသင့်ပါတယ်။

သာမဏေကျော် ရေးသားပြုစုသော ရွှေတောင်ကုန်းသာသနာ့ရိပ်သာဆရာတော်၏ တစ်ဘဝတာခရီးမှ ကောက်နှုတ်ဖော်ပြပါသည်။

Panditarama Sayatawgyi - ပဏ္ဍိတာရာမ ဆရာတော်ကြီး

17/07/2022

ကျွန်တော်တို့ ဗုဒ္ဓဘာသာ တော်တော်များများ မိမိဟာ ဘယ်လို ဗုဒ္ဓဘာသာထဲမှာ ပါဝင်လဲဆိုတာ သိစေချင်လို့ပါခင်ဗျ။

ဗုဒ္ဓဘာသာ ၅ မျိုး

(၁) ကုလ ဗုဒ္ဓဘာသာ

(၂) လာဘ ဗုဒ်ဓဘာသာ

(၃) ဘယ ဗုဒ္ဓဘာသာ

(၄) သဒ်ဒါဓိက ဗုဒ္ဓဘာသာ

(၅) ပညာဓိက ဗုဒ္ဓဘာသာ ရှိပါတယ်။

(၁)ကုလ ဗုဒ္ဓဘာသာ

ကုလ ဗုဒ္ဓဘာသာဆိုတာ ရိုးရာဗုဒ္ဓဘာသာ ကိုပြောတာပါ။ အမေအဖေက ဗုဒ္ဓဘာသာမို့ သားသမီးက ဗုဒ္ဓဘာသာဖြစ်လာ ရတာပါ။
ဘုရားရှင် ဘာလို့ ပွင့်မှန်း မသိ။
ဘုရား ဘာတရား ဟောမှန်း မသိ။
ကိုးကွယ်နေတဲ့ မြတ်စွာဘုရားကို ဘာကြောင့်ကိုးကွယ် ရမှန်း မသိ။
တရားတော်ကို ဘာကြောင့်ကိုးကွယ်ရမှန်း မသိ။
ဘုရားကိုဦးချတာ ဘာရည်ရွယ်ချက်နဲ့ ဦးချမှန်း မသိ။
ဘာကြောင့်ဒီလောက် ရိုရိုသေသေနဲ့ အလေးပြုနေမှန်းကို မသိတာ။ လုပ်တော့လုပ် နေတာပဲ အသိပညာ ဘာမှမပါတာ
ကုလ ဗုဒ္ဓဘာသာပါ။

(၂)လာဘ ဗုဒ်ဓဘာသာ

လာဘ ဗုဒ်ဓဘာသာဆိုတာ
လာဘ်လာဘလိုလို့ ကိုးကွယ်တဲ့ ဗုဒ္ဓဘာသာကို ဆိုလိုတာပါ။
ဒီဘဝ စီးပွားရေးလေးတက်မလားဆိုပြီးမှ ဘုရားကိုးကွယ်တာမှာရွေးပြီး
ကိုးကွယ်တယ်။
ဒီဘုရား ကိုးကွယ်ရင်တော့ လာဘ်လာဘ ပေါများတယ်။
ဟိုဘုရား ကိုးကွယ်ရင်တော့ စီးပွားရေးတက်တယ်ဆိုပြီး ရွေးကိုးကွယ်တာ
လာဘ ဗုဒ်ဓဘာသာပါ။

(၃)ဘယ ဗုဒ္ဓဘာသာ

ဘယ ဗုဒ္ဓဘာသာဆိုတာ ဘေးကိုကြောက်လို့ ကိုးကွယ်တာကိုခေါ်ပါတယ်။အန္တရာယ်ကင်းဖို့၊ ဘေးရှင်းဖို့၊အသက်ရှည်ဖို့၊ ကျန်းမာဖို့၊ဒီလိုအတွေးအခေါ်တွေနဲ့ ဘုရား ကိုးကွယ်တာ
ဘယဗုဒ္ဓဘာသာပါ။

ဒီ ကုလ၊လာဘ၊ဘယ ဗုဒ္ဓဘာသာ(၃)မျိုးကို အနိမ့်တန်းစား ဗုဒ္ဓဘာသာဟုခေါ်ပါသည်။ ခန္ဓာမှာ အသိ၊ဘာသာရေးအသိ ဓာတ်ခံနည်းတော့ လိမ်စားနေတဲ့သူတွေက လိမ်လို့ကောင်း နေပါတယ်။

(၄)သဒ္ဓါဓိက ဗုဒ်ဓဘာသာ

သဒ္ဓါဓိက ဗုဒ္ဓဘာသာဆိုတာ သဒ္ဓါတရားကို အရင်းခံပါတယ်။
သဒ္ဓါတရားဆိုတာ ယုံကြည်ချက်ပါ။ ဘုရား၊တရား၊သံဃာကို
တကယ်သက်ဝင် ယုံကြည်တာကို ခေါ်ပါတယ်။

ယုံကြည်တဲ့နေရာမှာလည်း မှန်မှန်ကန်ကန် ယုံကြည်တဲ့ သမ္မာသဒ္ဓါ နဲ့ မှားမှားယွင်းယွင်း ယုံကြည်တဲ့ မိစ္ဆာသဒ္ဓါဆိုပြီး (၂)မျိုးရှိပါတယ်။

မှန်မှန်ကန်ကန် ယုံကြည်ချက် ဆိုတာ သစ္စာတရား သိတော်မူတဲ့ မြတ်စွာဘုရားဟာ ဝေနေယျ သတ္တဝါတွေကို သူသိသကဲ့သို့ မေတ္တာ ဂရုဏာတော်အပြည့်နဲ့ သစ္စာလေးချက် အနက်ကို ဟောကြားတော် မူခဲ့ပါတယ်။

ပိဋကသုံးပုံကို သံဃာတော်တွေက စောင့်‌ေရှာက်ထားတာပါ။ သံဃာတော်ကို ယုံကြည်မှု။ ဒါတွေက ရတနာမြတ်သုံးပါးကို မှန်မှန်ကန်ကန် ယုံကြည်တဲ့ သမ္မာသဒ္ဓါ ယုံကြည်မှု။

အနှစ်သာရ ရှိတာကို ရှိတယ်လို့သိပါတယ်။ မှန်တာကို မှန်တယ်လို့ သိတယ်။ သိတဲ့ အပြင်၊ အမှားလမ်းကို ရှောင်၊အမှန်လမ်းကို ဆောင်တာ သမ္မာသဒ္ဓါ ရှိတဲ့
သဒ်ဓါဓိက ဗုဒ်ဓဘာသာပါ။

(၅)ပညာဓိက ဗုဒ်ဓဘာသာ

သစ္စာတရားကို သေချာသိတဲ့ ဗုဒ္ဓဘာသာကို ပညာဓိက ဟုခေါ်သည်။ပညာဓိက ဗုဒ္ဓဘာသာဟာ တရားတော်ကို ယုံကြည်တယ်။ တရားတော်ကို ဘယ်လိုယုံကြည် တာလည်းဆိုတော့ ရမ်းယုံကြည်တာမဟုတ်ဘဲ ခန္ဓာအသိနဲ့ အသေအချာသိပြီး ယုံတယ်။ထိုသို့ သိတာကို ပညာ ဟုခေါ်ပါသည်။

သစ္စာလေးပါးကို အသေအချာ ပညာနဲ့သိတဲ့ ဗုဒ္ဓဘာသာ၊ ဖြစ်ပျက်မှုတွေကို သိတဲ့ ဗုဒ္ဓဘာသာ ဖြစ်ပျက်မြင်တာ ခန္ဓာက မြင်တာလား ပညာကမြင်တာလားဆိုတော့ ပညာကမြင်တာ
ပညာဓိက ဗုဒ်ဓဘာသာပါ။

အပါယ်မျိုးစေ့တွေ၊အပါယ်ကျ ကြောင်းကံတွေ လုပ်ထာတာရှိတယ်။
သူ့ကိုတားချင်ရင်၊ သူ့ကိုအကျိုးမပေးစေချင်ရင် ဘာနဲ့ဖြတ်ရမလဲ ဆိုတော့
ဥာဏ်နဲ့ဖြတ်ရမယ်။ဥာဏ်နဲ့ ဖြတ်လိုက်လို့ ဖြစ်ပျက်မဂ်ဆိုက်နေတဲ့ ပုဂ္ဂိုလ်မှာ
သဒ္ဓါလည်းပါတယ်၊ ပညာလည်းပါတယ်။ ဒါသည် သဒ္ဓါဓိက နှင့် ပညာဓိက ဗုဒ္ဓဘာသာ ဖြစ်ပါသည်။

သဒ္ဓါနှင့် ပညာ balance (ဟန်ချက်ညီ)ဖို့လည်း လိုပါတယ်၊ သဒ္ဒါလွန်ကဲ ပညာနည်းပြန်ရင် (နှလုံးလှ လူမိုက်ကြီး) သူတော်ကောင်းလူအကြီးဖြစ်သွားပါတယ်၊ သဒ္ဓါနည်းပြီး ပညာကဲနေပြန်ရင်လဲ ပညာရှိလူမိုက်ကြီး ဖြစ်နိုင်ပါတယ်။ ဆိုလိုတာက ဘယ်အရာမဆို အစွန်းမရောက်စေဖို့ပါဘဲ။

Credit : မြတ်ဗုဒ္ဓသာသနာ

12/07/2022

🌹🙏ဝါဆိုလပြည့်နေ့အကြောင်း သိကောင်းစရာ 🙏💐
~~~~~~~~~~~~~~~~~~~~~~~~~~~

ဝါဆိုလပြည့် နဲ့ ပတ်သက်လို့ ဗုဒ္ဓဝင်မှာ
"သန္ဓေ တောထွက် ဓမ္မစက်
မိန့်မြွက်သံချို လဝါဆို" ဖွင့်ပြထားပါတယ်။

ဘုရားဖြစ်စဉ် ဗုဒ္ဓဝင်နှင့်စပ်သော
၀ါဆိုလပြည့်နေ့၏ ထူးခြားဖြစ်စဉ်များမှာ
*************************
၁။ ဘုရားလောင်းသိဒ္ဓတ္ထမင်းသား
ပဋိသန္ဓနေသောနေ့
၂။ ဘုရားလောင်း တောထွက်တော်မူသောနေ့
၃။ ဂေါတမမြတ်စွာဘုရား ဓမ္မစကြာတရား စတင်ဟောတော်မူသောနေ့
၄။ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့
၅။ ဘုရားအဖြစ်ကို ၀န်ခံတော်မူသောနေ့
၆။ တရားရတနာ စတင်ပေါ်သောနေ့ဖြစ်၍
၇။ သံဃာရတနာ စတင်ပေါ်သောနေ့ဖြစ်၍
၈။ ပုထုဇဉ်ခရီးမှ အရိယာခရီးသို့ စတင် ကူးပြောင်းခွင့်ကြုံသောနေ့
၉။ ဧဟိ ဘိက္ခု-ဟူသောစကားကို စတင်ကြားရသောနေ့

ဝါဆိုလပြည့် ဓမ္မစကြာအခါတော်နေ့******************************

ဂေါတမဘုရားလောင်းတော်သည် ပဉ္စဝဂ္ဂီ ၅ ဦးတို့ စွန့်ခွာထွက်သွားပြီးသည်နောက် တစ်ကိုယ်တည်း တရားကျင့်တော်မူခဲ့ရာ မဟာသက္ကရာဇ် ၁၀၃ ခု၊ ကဆုန်လပြည့်၊ သောကြာနေ့တွင်သဗ္ဗညုတဉာဏ်တော်ကိုရရှိကာဘုရားအဖြစ်သို့ ရောက်တော်မူလေသည်။

ထိုအခါ၊သဟမ္ပတိဗြဟ္မာမင်း၏ လျှောက်ထား တောင်းပန်ချက်အရ-
အဘယ်သူ့ကိုတရားဦး ဟောကြားအံ့နည်းဟု ဆင်ခြင်တော်မူ၏။

ဗုဒ္ဓမြတ်စွာ၏ အာသယာနုသယဉာဏ်၊ ဣနြ္ဒိယ ပရောပရိယဉာဏ်တော်တို့ ဖြင့်ဆင်ခြင်ခြင်းဖြစ်သည်။

ပထမ ဦးစွာဈာန်လမ်းပြခဲ့ဖူးသော အာဠာရရသေ့ ဆရာကိုမြင်၏။ ထိုရသေ့ကား ကွယ်လွန်ခဲ့ပြီဖြစ်သည်။
ထိုမှတစ်ဆင့် ဥဒကရသေ့ဆရာကို မြင်တော်မူလေသည်။ ဥဒကရသေ့လည်း ကွယ်လွန်ခဲ့ပြီ ဖြစ်၏။

ထို့နောက်၊ အခြားသော ကျေးဇူးရှိခဲ့ဖူးသူများအား တရားဦးဟောကြားရန် ကြည့်တော်မူပြန်သည်။
ထိုအခါ ပဉ္စဝဂ္ဂီငါးဦးတို့ကို မြင်တော်မူလေသည်။

သူတို့ငါးဦးသည် ဘုရားလောင်းက အစားအသောက်ချိုးခြံသောအကျင့်မှ ပုံမှန်ပြန်လည်စားသောက်သောအကျင့်သို့ ပြောင်းခဲ့သောကြောင့် ဘုရားမဖြစ်နိုင်တော့ဟု ပဉ္စဝဂ္ဂီတို့ ယူဆခဲ့ကြ၏။ ထို့ကြောင့် ဘုရားလောင်းအားစွန့်ခွါပြီးဗာရာဏသီ၊ မိဂဒါဝုန်တောသို့ သွားရောက်ခဲ့ကြခြင်းဖြစ်သည်။

မြတ်ဗုဒ္ဓသည် ထိုရသေ့များထံ ချက်ချင်း မကြွပေ။ သုံးရက်သီတင်းသုံး စောင့်ဆိုင်းတော်မူ၏။
ထို့နောက်မှ ဗာရာဏသီအနီးရှိ မိဂဒါဝုန်တော သို့ ကြွချီ ခရီးဆက် တော်မူလေသည်။ မြတ်စွာဘုရားကြွလာသည်ကို ပဉ္စဝဂ္ဂီတို့ မြင်ကြ၏။ ခရီးဦးမကြို၊ဝတ်မပြုလိုကြတော့ပေ။

သို့ရာတွင် အရှင်မြတ်သည် ဖန်ရည်ဆိုးသင်္ကန်း ဝတ်ရုံလျက်ပင် ဝင်လာတော်မူ၏။
ကိလေသာ ကင်းစင်သဖြင့် အေးချမ်းတင့်တယ် ကြည်ညိုဖွယ်ရှိ၏။
သို့ဖြစ်ရာပဉ္စဝဂ္ဂီတို့သည် ခရီးဦးကြိုကြရ၏။ ရှိခိုးပူဇော်ကြရ၏။ နှုတ်ခွန်းဆက်ကြရ၏။

အချိန်ကား နေမင်းကြီးဝင်လုဝင်ဆဲအချိန်၊ လမင်းကြီးမှာ ပြူလစ်စ အခါသမယ ဖြစ်၏။
ဆည်းဆာ ညချမ်း ဖြစ်သည်။
သူတော်မြတ်ဓာတ်ကြောင့် သာယာဖွယ်ကောင်းလှပေ၏။

မိဂဒါဝုန်တောကား ရွှင်ပျအေးမြနေ၏။
ဆိတ်ငြိမ်မှုဖြင့် ပြီးလျက်ရှိ၏။
ထိုအခိုက်တွင် မြတ်စွာ ဘုရားရှင်သည် ပဉ္စဝဂ္ဂီတို့၏ ရှေ့တွင်ထက်ဝယ်ဖွဲ့ခွေနေတော်မူသည်။
ထို့နောက်၊ "ရဟန်းတို့" ဟု ခေါ်ဝေါ်ကာ နှုတ်ခွန်းဆက်တော်မူလိုက်၏။
ဤကား တရားဦးဟောရန်ဖိတ် ခေါ်သံအစတည်း။

ပဉ္စဝဂ္ဂီတို့သည်သီလစင်ကြယ်ပြီးသူများ ဖြစ်ကြသည်။
ထို့ ပြင်၊ သဒ္ဓါ၊ ဆန္ဒ၊ ဝီရိယစိတ်ထားပြည့်စုံနေပြီးသူများ ဖြစ်ကြလေရာ မြတ်စွဘုရား၏ စကားအစသည် သူတို့၏ နှလုံးသားဝယ် တရား တည်၍တည်၍ လာလေသည်။

ထိုအချိန်တွင် မြတ်စွာဘုရားက မိမိဘုရား ဖြစ်တော်မူကြောင်း မိန့်ကြား၏။
တရားနာယူကြရန်လည်း
တစ်ဆက်တည်း တိုက်တွန်း၏။

သို့သော်မယုံကြည်နိုင်ကြသဖြင့်သုံးကြိမ်သုံးခါ ငြင်းဆန် ကာ နေကြ၏။ မြတ်စွာဘုရားသည် ထိုငြင်းဆန်မှုကို ဘုရားဖြစ် ကြောင်းထပ်မံသိစေပြန်၏။

ပြီးမှ "တရားဦး" ခေါ်ဓမ္မစက္က ပဝတ္တန သုတ္တ ကိုဟောကြား တော်မူလေသည်။ ထိုတရားတော်၏ အဆုံးဝယ်
အရှင်ကောဏ္ဍညသည် လူသားများ အနက် ပထမဦးဆုံး သောတာပတ္တိဖိုလ်၌ တည်လေ၏။
ထိုနေ့သည် ဝါဆိုလပြည့်နေ့ ဖြစ်၏။

ထို့နောက်တဖန်၊ ဒေသနာကိုဟောပြတော်မူရာ ဝါဆိုလပြည့်ကျော်
(၁) ရက်နေ့၌ အရှင်ဝပ္ပ၊
(၂) ရက်နေ့၌ အရှင်ဘဒ္ဒိယ၊
(၃) ရက်နေ့၌ အရှင်မဟာနာမ်၊
(၄) ရက်နေ့၌ အရှင်အဿဇိ တို့သည် အသီးသီးသောတာပန် တည်ကြလေကုန်၏။
ပဉ္စဝဂ္ဂီအားလုံးပင် "ဧဟိဘိက္ခု" ရဟန်း အဖြစ်ရောက်ကြလေသည်။

ဝါဆိုလပြည့်ကျော် (၅)ရက်နေ့တွင် မြတ်စွာဘုရားသည် "အနတ္တလက္ခဏသုတ္တ" ကို ဟောကြား တော်မူခဲ့သည်။
ဤတွင် ငါးဦးလုံး ရဟန္တာ ဖြစ်တော်မူကြလေသည်။
ထိုနေ့ကို လည်း"ရဟန္တာနေ့" ဟု ဗုဒ္ဓဘာသာဝင်တို့ သတ်မှတ်ယူကြကုန်သည်။

ဝါဆိုလပြည့်နေ့ကိုမူ တရားဦး"ဓမ္မစကြာ" ဟောကြားသောနေ့ ဖြစ်၍ "ဓမ္မစကြာနေ့့" ဟု ယနေ့အထိ
ဗုဒ္ဓဘာသာဝင်တို့ အလေးအမြတ်ပြုခဲ့ကြပေသည်။

Credit : Original Post