19/06/2024
🌴⛰️ညောင်ဦးမှ ဆင်ခေါင်းတောင်နေ့ချင်းပြန်ခရီး🌴⛰️
ကျွန်မတို့ ဒီနေ့ ဆင်ခေါင်းတောင်ကို ညောင်ဦးမှ နေ့ချင်းပြန်ခရီးတိုလေးသွားခဲ့ပါတယ်။
ညောင်ဦးမှ မနက် ၅နာရီတိတိမှာ စတင်ထွက်ခဲ့ပါတယ်။ မိတ်ထီလာရောက်တော့ မနက် ၇နာရီခန့်ပါ။ ကားဆက်မောင်လာပြီး မနက် ၈နာရီမှာ ကူမဲမြို့သို့ရောက်ပြီး မနက်စာစားကြပါတယ်
မနက်စာစားပြီး ကူမဲဈေးမှာ အချိုရေဗူးများ၊ မုန့်များ၀ယ်ပြီး မနက်၈နာရီခွဲလောက်မှာ ကူမဲမှ ထွက်လာပါတယ်။ ဟန်မြင့်မိုရ်လမ်းခွဲ ရောက်တော့ ၈နာရီ ၄၅ လောက်ရှိပါပြီ လမ်းခွဲမှ ရွာငံလမိးအတိုင်း တည့်တည့် မောင်းလာပြီး နာရီ၀က်နီးပါးလောက်မောင်းရပါတယ်။ ဆင်ခေါင်းတောင်ကို ၉နာရီ ၁၅ မှာရောက်ပါတယ်။
လူလဲ နဲနဲရှင်းတော့ အိမ်သာသန့်ပြီး အ၀တ်လဲတဲ့နေရာသီးသန့်ရှိပြီး ရေလဲ အရမ်းမနက်တဲ့နေရာရှင်ရင်း Taungyi restaurant ကိုရွေးလိုက်ပါတယ်။
ရေစပ်တဲလေးက ၂၅၀၀၀ကျပ်ပေးရပါတယ် လွတ်လွတ်လပ်လပ်နဲ့ ရေလေးတွေကြည်လင်ပြီး ရေချိုးလို့အရမ်းကောင်းပါတယ်။
ဘောကွင်းဌားခက ၄၀၀၀ကျပ်ပေးရပါတယ်။ အစားအသောက်တွေလဲ အဲဆိုင်မှာ မှာလို့ရပါတယ်။
ကျွန်မတို့အဖွဲ့ကတော့ ရေခဲပံုးနဲ့ အပြည့် အအေးဘူး၊ ဘီယာ၊ soju၊ အားလုံးသယ်သွားပါတယ် ရေနွေးဓာတ်ဗူးလဲယူသွားတယ် တခါသုံးခွက်လဲယူသွားတယ် ကော်ဖီဖျော်သောက်ဖို့နဲ့ ခေါက်ဆွဲဗူးလေးတွေရေနွေးစိမ်စားဖို့ပါ။ အအေးသောက်ရင်း လျှာကျွမ်းပြန် အာလူးကြော်စားပြီး ရေစိမ်ရတာ အရမ်းအရသာရှိပါတယ် 😁 ကြက်ဥပြုတ်တွေလဲသယ်သွားတော့ အစားအသောက်တွက်ပူစရာမလိုတော့ဘူး ။ Taungyi restaurant ကလဲ တဲဌားခပေးပြီးတာနဲ့ အမှိုက်ပုံးနှစ်ပုံးလာပေးတယ် ကိုယ့်အမှိုက်ကိုသေချာပစ်ရုံပဲ။ နေရာလဲ အရမ်းသန့်ပါတယ်။ ဓာတ်ပုံရိုက်လို့လဲကောင်းတယ်။ ရေက လူကြီးခါးလောက်ပဲရှိပါတယ်။ ကလေးလေးတွေအတွက်ကတော့ အဆင်မပြေပါဘူး။
ကလေးဘောကွင်းလေးတွေယူသွားပြီး ကြိုးလေးနဲ့ချည်ပြီးကူးခိုင်းရင်တော့ရပါတယ်။
၉နာရီခွဲကနေ နေ့လည်၁နာရီထိ ရေဆော့လိုက်စားလိုက်လုပ်ပြီး တစ်နာရီခွဲတော့ ဆင်ခေါင်းတောင်ကနေပြန်ထွက်လာပြီး ကျောက်ဆည် ရွှေသိမ်တော်ဘုရားကိုဆက်သွားပါတယ်။ ဘုရားရောက်တော့ နှစ်နာရီကျော်ခန့်ရှိပါပြီ ဘုရားအေးဆေးဖူးပြီး နေ့လည် ၃နာရီမှာ ပြန်ထွက်လာပါတယ်။ မိတ်ထီလာရောက်တော့ လေးနာရီ ခွဲနေပါပြီ အဲကနေပြန်ထွက်လာကြတာ ညောင်ဉီးကို ည ၇နာရီ မှာ ပြန်ရောက်ပါတယ်ရှင်။ အေးအေးဆေးနဲ့ အရမ်းေပျာ်ဖို့ကောင်းပါတယ်။
Bluetooth speaker box လေးတွေနဲ့power bank လေးတွေယူသွားဖို့မမေ့နဲ့နော်။
လေတိုက်တော့ sunscreen လိမ်းသင့်ပါတယ် ။
အိမ်ရောက်တော့ အသတွေနီပြီးမဲလာတယ်။ လက်ရှည်၀တ်ချိုးရင်ပိုအဆင်ပြေပါတယ်။ တဲဌားခလဲအဆင်ပြေတယ်လို့ထင်ပါတယ်။ ဈေးမေးပြီးမှ ဌားပေါ့နော် ။ ဈေးမေးပြီးမှစား အဲတာဆို အဆင်ပြေပါတယ်။
Thank you 💕
