Lalland Transport and JCB service

05/08/2024

Bonjour a tous
Zordi Lundi le 5 Aout 2024
Hier letemp fine rest plus aumoin ensoleiler presque entier lile
Pour journer zordi
Gramatin ciel plus aumoin degagE avec n la brise 11kmh qui p souflE depuis lest sud est et la journer du vent pour 18kmh en moyenne
Ver 5 heur ena n ti trace nuage qui pour frole la cote sud et sud ouest avec posibilite n ti la pluie 2 3minute me so chance tomber rest minime
La journer kapav dir ensoleilE malgre qui de fois pour ena bann passage nuageuse
Asoir apre minuit ena lendroit kapav gagne 2 3mm lapluie
Temperature gramatin 13 degre lor Grand Bassin et plusieur lendroit 14 degre cot abitier ena sa fraiseur gramatin la
La journer lor la cote pour fair 25 a 28 degre
La mer rest movais avec vague 2.5 metr dans le sud et 2 metr dans lest
Louest vague 1.7 metr et le nord vague 1.5 metr
Maree haute 13 heur 45
Maree basse 7 heur 32 et 19 heur 27
Sa semaine la letemp kapav dir pour bon me la mer pour rest movais avec vague entre 2 metr a 2.5 metr dans lest et le sud
Weekend pour ena vague 3 metr
A RODRIGUE hier zot fine gagne n ti trace lapluie
Pour journer zordi cot zot le temp pour ensoleiler apre soleil lever
La brise 21kmh depuis sud est
Ena un p nuage active dans n distance 100km direction sud est sa bann nuage la ena n capacite jusqua 10mm et posible t**d dans lapre mid oubien asoir zot kapav gagne n ti p lapluie
La mer ena vague presque 2.5 metr en haute mer
Bonne semaine et bonne journer a tous

22/07/2024

Bonjour a tous
Zordi Lundi le 22 Juillet 2024
Hier pas fine gagne lapluie
Le temp pour journer zordi p alle en faveur bann zenfant lecole
couma dir letemp in fini conais zot fine rentre en vaccance et p donne zot jolie letemp qui kapav prolonger un p jour
Gramatin ena n ligne qui fine developE parti La reunion et bann nuage en haute altitude p fair le ciel voiler lor La Reunion et sa bann nuage la ena n tendence pour monte ver nous me bann nuage la pour blocque dans n distance 50km ar la cote sud ouest et le temp cot nous pour bon
Gramatin etoilE en general la journer plus jolie letemp encore
Pas pour ena lapluie zordi et demain Mercredi aussi letemp pour plus aumoin bon
La brise faible en moyenne ena n la brise 13kmh depuis lest
La mer calme avec vague moince qui 1 metr dans louest
Le nord 1.2 metr lest et le sud vague 1.4 metr
Temperature la mer 24.8 degre
Maree haute 13 heur 45
Maree basse 7 heur 30 et 19 heur 30
Zordi gramatin temperature minimal pour 16 degre et la journer avec presence soleil pour fair temperature monte jusqua 29 degre lor Port Louis
Mardi gramatin et Mercredi gramatin pour fair un p plus frais
A RODRIGUE hier zot fine gagne n trace lapluie
Pour journer zordi gramatin le ciel bien degager et etoiler en general me ena n ti ligne qui p evoluer pas loin dans lest
La journer ena posibilite zot kapav gagne entre 1mm a 4mm lapluie ar sa bann nuage qui pour vine dans parage cot zot malgre qui ena n tendence bann nuage la p perdi lintensitE lapluie
La mer ena vague 1.5 metr en haute mer me apre midi kapav pour ena vague 1.8 metr en haute mer
AGALEGA le temp pour bon zordi et sa semaine la
Bonne journer et bonne semaine a tous

17/07/2024

Bonjour a tous
Zordi Mercredi le 17 Juillet 2024
Dernier 24 heur Nouvelle Decouverte fine enregistre 3.8mm lapluie
Le rest bann place cot fine gagne lapluie ti entre 0.2mm a 1.5mm
Fine gagne n tremblement de terre dans sud Locean Indien mem place qui dernier fois lor point 52.8 sud 25.8 est Magnitude 4.8
Le temp pour journer zordi
Gramatin ena un p nuage qui asosier ar n ti system frontal qui pour traverse nous gramatin e n bon parti lile pour nuageux avec risk n ti p lapluie
Le nord lest le sud et lor plteau central concerner
Sa letemp la li kapav alle jusqua 7 heur et entre 7 eur edmi a 10 heur letemp pour plus aumoin bon me pour ena n 2iem bande qui pour traverse nous dans la journer cot kapav re gagne n ti p lapluie
Pas pour ena gros chifre
Grosomodo kapav dir qui letemp pour plus aumoin bon malgre pas a 100 pourcent
La brise p soufler n vitest 22kmh depuis lest sud est
Demain letemp pour plus au moin bon
La mer dans louest pour ena vague 1.2 metr le nord vague 2 metr]
Le sud vague 2.5 metr et dans lest vague 3 metr en haute mer
Maree haute 10 heur 36 et 22 heur 11
Maree basse 4 heur 19 et 15 heur 49
Temperature minimal 15 degre lor Grand Bassin gramatin
La journer 26 degre lor Port Louis
A RODRIGUE hier zot fine gagn n ti trace lapluie
Pour journer zordi gramatin ena beaucoup nuage qui p monte depuis sud est et le ciel pour charger ar nuage avec risk ti lapluie
La journer le temp pour plus aumoin bon me de fois pour nuageux avec n la brise 41kmh qui p soufler depuis sud est
La mer ena vague 3 metr et qui pour arrive 3.5 metr la journer
AGALEGA zot pour gagne un p lapluie zordi
Bonne journer a tous

14/07/2024

Bonjour a tous
Zordi Dimanche le 14 Juillet 2024
Dernier 24 heur plus gros chifre lapluie fine enregistre
Mare aux Vacoas. Rich en Eaux. Nouvelle Decouverte 3.2mm
Pour journer zordi
Avec presence anti cyclone 1027hpa en plein sud Mascareigne
Nous pour ena n letemp venteux avec n la brise 29kmh qui p soufler depuis sud est
Gramatin n bon parti lile pour rest couvert avec risk ti lapluie 1 2 coup kapav tomber me pas pour ena gros chifre lapluie
Maximum 7mm pour prochain 24 heur me sa si pas sure
La journer letemp pour plus aumoin bon presque 75 pourcent lile
N parti lor plateau central me tendence li plus lor moitier sud kapav gagne 2 3minute lapluie dans lapre midi
Me globalement nous kapav dir qui letemp pour plus aumoin bon
La mer pour ena vague 1.5 metr dans louest et 2.3 metr le nord
Lest et le sud vague pour presque 3 metr en haute mer
Maree haute 4 heur 38 et 17 heur 53
Maree basse 11 heur 02
Temperature la mer 24.8 degre
Temperature plus frais pour 15 degre gramatin bann place cot abitier fair frais et plus chaud pour dans la journer 27 degre lor la cote louest
Pour RODRIGUE hier zot fine gagne 1mm lapluie
Pour journer zordi letemp gramatin pour n ti p nuageux avec n la brise 38kmh depuis sud est
La journer letemp pour plus aumoin bon
La mer pour ena vague 3.2 metr en haute mer
Bon Dimanche et bonne journer a tous

13/07/2024

Bonjour a tous
Zordi Samedi le 13 Juillet 2024
Dernier 24 heur bann gros chifre lapluie qui fine enregistre a Maurice
Mare aux Vacoas et Champ de Mars 5mm et Nouvelle Decouverte 4mm et les rest bann lendroit cot fine gagne lapluie bien moince
Pour journer zordi
Gramatin le ciel pas pour etoiler. ena un p nuage qui pour traverse lile de lest a louest me lapluie pas sure tombe boneur
Apre soleil lever letemp pour plus aumoin bon pas net ensoleilement me risk lapluie li faible et pas pour ena nuage qui pour former localement me la brise p soufler un p fort 32kmh depuis lest sud est et plus gros rafal du vent kapav pour gagne parti Grand Bassin 60kmh
Apre midi ver 14 heur 15 heur pour ena n bann nuage qui kapav traverse nous avec n ti risk lapluie lor Plateau central
Asoir aussi letemp pour plus aumoin bon
Me la mer movais avec vague 3 metr dans lest et 3.5 metr dans le sud. le nord vague 2.5 metr et dans louest vague 2 metr
Maree haute 3 heur 58 et 16 heur 57
Maree basse 10 heur 26 et 23 heur 08
A RODRIGUE hier ena place fine gagne presque 1mm lapluie
Pour journer zordi cot zot si gramatin nuageux et avec presence fort anti cyclone qui presque dans le sud cot zot la brise p soufler fort 42kmh depuis sud est
La journer le temp pour plus aumoin bon mem si zot gagne n ti lapluie pour n certaine lheur li pas pour gros chifre 1 2mm
La mer movais avec vague presque 4 metr en haute mer
Bon weekend et bonne journer a tous

10/07/2024

10/07/2024

Bonjour a tous
Zordi Mercredi le 10 Juillet 2024
Hier le temp fine rest ensoleiler entier lile
Pour journer zordi
Gramatin ena n ti trace nuage qui pour traverse nous boneur sans ocaine goute lapluie et ena n trainer nuage qui p vine depuis sud est me tous sa bann nuage la avand arrrive parti cot nous pour fini disiper en cour de route et pour laise place a n journer plus aumoin ensolieler zordi si
Gramatin pour fair n ti p plus frais hier 15 degre et zordi 14 degre
La journer 27 28 degre lor Port Louis et dans louest
La brise p soufler n vitest de 13kmh depuis presque sud est
Pas pour ena gros rafal du vent zordi
La mer praticable avec vague 1.3 metr dans louest a le nord
Lest vague 1.7 metr et dans le sud entre 2 metr a 2.2 metr
Maree haute boneur fini traverser 2 heur 33 et 15 heur 23
Maree basse 9 heur 10 et 21 heur 05
A RODRIGUE hier zot fine gagne un p lapluie entre 3mm a 4mm
Pour journer zordi
Gramatin entre 2 heur 3 heur kapav gagne n ti lapluie la farine me sa si so chance tombe li ti bien minime me sinon ver 4 heur et la journer letemp pour plus aumoin bon avec n la brise 22kmh depuis sud est
La mer ena vague 2.2 metr et weekend la mer pour extra movais cot zot avec vague 4 metr surtous Samedi
Bonne journer a tous

08/07/2024

Bonjour a tous
Zordi Lundi le 8 Juin 2024
Premierement mo remercie zot tous qui fine prend n letemp pour souhaite moi n bon lanniversair la liste la tro longue pour mo prend zot nom
Mem lhotel cot mo ti ete weekend tous dimoune bann personel lhotel et tous presque tous client Mauricien fine recontre moi et fine souhaite moi n bon lanniversair
Mille merci zot tous
Hier letemp ti bon antier lile apart n ti trace lapluie ena place fine gagnez
Pour journer zordi
Nous pour ena mem type letemp ensoleiler presque entier lile avec n la brise faible 9kmh qui p soufler depuis le sud
Gramatin pour fair 15 degre Grand Bassin
Nouvelle Decouverte et Vacoas 16 degre
La journer 28 degre lor Port Louis et dans louest
Gramatin ena n ligne dinstabilite qui p evoluer tous pres dans lest me bann nuage qui p costE ar la cote lest pour disipE et bann nuage qui porteur jusqua 25mm lapluie pour ecarte plus ver lest en mer. v dir letemp pour rest ensoleiler entier lile zordi
La mer praticable avec vague 1 metr dans louest et le nord vague 1.3 metr
Lest et le sud pour ena vague 1.6 metr
Maree haute 14 heur 32
Maree basse 8 heur 17 et 20 heur 06
A RODRIGUE hier pas fine gagne lapluie
Pour journer zordi gramatin le ciel pour plus aumoin nuageux avec risk n ti p lapluie gramatin boneur
La journer pour ena nuage en haute altitude qui pour fair le ciel voiler avec n la brise 22kmh qui p soufler depuis lest nord est
La mer praticable avec vague 1.5 metr
AGELAGA letemp bien etoilE gramatin et la journer aussi letemp pour rest ensoleiler
Bonne journer et bonne semaine a tous

06/07/2024

Bonjour a tous
Zordi Samedi le 6 Juillet 2024
Dans la nuite fine ena naisance nouvel Lune a 2 heur 57 et demain li pour visible a Maurice
Hier letemp fine rest plus aumoin bon presque entier lile apart n ti trace la pluie fine gagnez ver 13 heur 30 certain lendroit
Pour journer zordi
La brise p afaiblie et qui p soufler a 16kmh depuis lest et la brise pour continuer afiable zordi la journer demain et Lundi me qui pour oriente li plus ver le sud
Hier fine enregistre 14 degre lor Grand Bassin et zordi 15 degre
La journer pour fair 27 degre lor Port Louis et dans louest
Letemp pour journer zordi gramatin bann nuage dans louest pour disiper et pour laise place a n journer plus aumoin ensoleiler
Dans lest gramatin ena n ti p nuage qui p evoluer et just parti Belle Mare gramatin entre 4 heur a 5 heur kapav vine nuageux me risk lapluie li minime et presque entier lile apre soleil lever letemp pour plus aumoin ensoleiler
Ver midi edmi a 14 heur posible depuis Old Grand Port Range pour vine bien nuageux avec risk n ti p lapluie qui pas pour depass 2mm
Sa nuage la li kapav bouge lor plateau central me qui pas pour menace gate letemp zordi
La mer dans region Mon Choisi so temperature li 25.5 degre et parti Blue Bay li 25 degre
Vague pour 1.2 metr dans louest et 1.6 metr dans le nord
Lest et le sud vague 2 metr
Maree haute 13 heur 33
Maree basse 7 heur 15 et 19 heur 05
A RODRIGUE hier letemp ti bon cot zot et ena place fine gagne 0.5mm lapluie
Pour journer zordi cot zot la brise p soufle depuis lest a 31kmh
Le temp gramatin ena un p nuage qui pour traverse zot et si arrive zot reusi gagne la pluie boneur li pour apepre 1mm a 2mm
La journer letemp pour plus aumoin bon
La mer ena vague 2.5 metr en haute mer
AGALEGA zordi depuis boneur mem ena bann nuage convective qui p former pas loin ar zot 50kmh dans louest et zot a risk gagne bann gros lapluie lorage zordi la journer et jusqua 50mm posible
Demain pas sure mo pour poste zafair letemp parcequi mo pas pour la et demain mo lanniversair mo prend n ti break
Bon weekend et bonne journer a tous

04/07/2024

Bonjour a tous
Zordi Jeudi le 4 Juillet 2024
Hier gramatin fine gagne lapluie n bon parti lile et la journer letemp ti amiliorer et dans la nuite fine re coumence gagne lapluie
Chifre qui fine enregistre me pena tous chifre
Belle Mare 5mm. le nord 3.5mm
Pour journer zordi
Gramatin ena un p nuage qui asosie ar n ti system frontal qui p evoluer dans nous parage avec risk lapluie lor plateau central lest le sud et le nord. me bann nuage dans le nord p donne n signe qui pour disipe au fil de heur et bann nuage qui p traverse lile depuis sud est pour donne un p lapluie certain lendroit jusqua 9 heur 10 heur
Chifre la nuite et cequi pour tomber encore pas pour depass 15mm
Apre 10 heur pour vine nuageux et lapluie pour coumence diminuer et au fil de heur soleil qui pour metre so presence a 80 pourcent
V dir le temp zordi li pour en 2 phase avand midi nuageux avec risk lapluie et apre midi letemp pour plus aumoin ensoleiler avec n la brise 26 kmh qui p soufler depuis sud est
Demain et weekend letemp pour plus aumoin bon mem pas a 100 pourcent ensoleiler partous me pas li pas pour sa movais letemp la
La mer movais dans le sud avec vague 3 metr. lest vague 2.7metr
Louest vague 1.7 metr et le nord 2 metr
Maree haute midi 20 et 23 heur 58
Maree basse 5 heur 59 et 17 heur 52
Temperature minimal 14 15 degre gramatin region cot p gagne sa bann chifre la
La journer pour fair 26 27 degre lor Port Louis et louest
A RODRIGUE hier zot pas fine gagne lapluie
Pour journer zordi
Gramatin bann nuage qui p traverse zot p coumence disipe
Lheur soleil lever jusqua midi p paret n jolie letemp
Me ena n ti trace nuage qui p evoluer pas loin dans sud est kapav vine donne zot un p lapluie ver midi 13 heur me so chance tomber oubien bann nuage la rest existe li 50 50
La mer pour vine movais cot zot dans la journer avec vague 3 metr en haute mer
La brise p soufler 36kmh cot zot depuis sud est
AGALEGA zordi aussi letemp pour plus aumoin ensoleiler
Me dans la nuite posible zot kapav coumence gagne lapluie et demain a Dimanche zot a risk gagne lapluie lorage
Bonne journer a tous

03/07/2024

Bonjour a tous
Zordi Mercredi le 3 Juillet 2024
Hier avand midi lapluie qui nous fine gagne 10mm lor Riche en Eau
Belle Mare 9mm
Apre midi et dans la nuite pas ti ena lapluie
Letemp pour journer zordi
Avand laise nous coumence avec temperature
Posible pour fair 13 degre zordi gramatin ver 4 heur a 6 heur lor Grand Bassin et Nouvelle Decouverte 14 degre et plusieur lendroit 15 degre avec n la brise 23kmh qui p soufler depuis sud sud est
Gramatin ena un p nuage qui p traverse dans lest et n parti sa bann nuage la kapav pour coste dans lest et sud est avec risk n ti p lapluie boneur parti Rose Belle et bann lendroit pres pres couma Plaine Magnien Rich en Eau me risk la li minime
La journer ena n ti posibilite gagne 2 a 4mm lapluie just lor plateau central me apre letemp pour refair
Globalement nous pour ena n letemp plus aumoin bon zordi
Me ena n system frontal qui pour traverse nous apre midi avec risk lapluie apartir 16 heur ou coumencement la nuite
N chifre jusqua 15mm kapav gagnez certain place dans la nuite
La nuite pour fair encore frais et demain gramatin aussi
Apre passage sa system frontal la nous pour concerner par bann la brise fort et frais acorz pour ena n asse fort anti cyclone 1030 hpa qui pour dans sud Mascareigne
Nous pour resenti lhiver la sa semaine la et mem weekend pour fair bien frais
La mer ena vague 1.6 metr dans louest a le nord
Lest vague 2.1 metr et le sud vague 2.3 metr
Maree haute 11 heur 34 et 23 heur 18
Maree basse 5 heur 13 et 17 heur 08
A RODRIGUE hier zot pas fine gagne lapluie
Pour journer zordi letemp cot zot
Gramatin letemp pour plus aumoin bon cot zot et me dans la journer aussi avec n la brise 32kmh qui p soufler depuis sud sud est
La mer ena vague 1.5 metr me en haute mer ena vague 2.3 metr

02/07/2024

Bonjour a tous
Zordi Mardi le 2 Juillet 2024
Hier entier Maurice fine gagne un p lapluie me moitier le sud letemp ti plus pas bon avec n chifre lapluie Rose Belle 79mm
St Felix 76mm. Rich en Eau 50mm
Nouvelle Decouverte et Grand Bassin 20 et 22mm
Le nord et Belle Mare 4mm. louest presque 10mm
Pour journer zordi
Gramatin entier Maurice nuageux avec 2 etage nuage en basse couche et en moyenne altitude
Plusieur lendroit boneur rester reste kapav gagne lapluie
Jusqua midi letemp pas pour sa bon la avec risk lapluie lapluie surtous lor plateau central et le sud
Apre midi et demain letemp p paret pour bon me ena n ti system frontal qui p monte depuis le sud et Jeudi Pour ena lapluie
Weekend letemp pour plus aumoin bon surtous Dimanche
Me pour fair de plus en plus frais
Hier minimal ti 16 degre et zordi 15 degre gramatin
La brise p soufler 22kmh depuis sud sud est
Dans le sud et region Au Morne jusqua Grand Bassin pour ena rafal du vent plus fort 45 50kmh
La mer pour ena vague 1.6 metr dans louest. le nord 1.8 metr
Lest 2.3 metr et dans le sud vague 2.5 metr
Maree haute 10 heur 37 et 22 heur 32
Maree basse 4 heur 19 et 16 heur 17
Temperature la mer dans louest et le nord 25.5 degre
Dans lest et le sud la mer 24.8 degre
A RODROGUE ena un p nuage qui p evoluer tous pres dans lest cot zot et gramatin kapav vine nuageux me bann nuage porteur lapluie jusqua 25mm et zot pour tombe en mer et bann nuage kapav rest a lecart dans lest et le temp rest plus aumoin bon la journer me toujour ena sa ti posibilite n parti nuage detacher et vine parti cot zot et kapav gagne n ti p lapluie
La brise 25kmh qui p soufler depuis sud sud est
La mer ena vague 2.6 metr en haute mer
AGALEGA letemp pour bon zordi
Bonne journer a tous

01/07/2024

Bonjour a tous
Zordi Lundi le premier Juillet 2024
Hier la journer letemp ti plus aumoin ensoleiler presque entier lile
T**d dans lapre midi bann nuage qui fine influence letemp lor Rodrigue hier fine coumence raproche Nous par lest et dans la nuite Riche en Eau fine gagne 17mm lapluie et Rose Belle 13mm le nord 3mm
Pour sa premier jour Juillet la, letemp pas p annonce agreable
Pour plus aumoin mosade avec n lapluie qui kapav continuer tomber jusqua demain avand midi
Bann nuage qui p vine depuis lest nord est ena n tendence pour stagner parti cot nous avec n chifre en moyenne 15mm me ena lendroit couma Bel Air Sebastopol. Montagne Blanche Cluny
Riche en Eau. Rose Belle. Grand Bois. La Flora. Trois Boutique.
Plaine Magnien. zot kapav gagne entre 25mm a 45mm lapluie
mem lor plateau central ena risk 30mm lapluie pour prochain 24 hr
Rose Hill. Port Louis si ena chance lapluie apartir 11 heur
Pas blie parapluie zordi
Temperature minimal 15 degre sois 16 degre acorz ena n ti instabilite dans lair et nous pas pour resenti tros frais
la brise p soufler depuis lest sud est a 23kmh
Avec n le temp lapluie lapluie soleil pour gagne lapeine pour dominer par so presence et demain gramatin temperature pour baise daventage kapav 13 14 degre region Grand Bassin
La mer agiter dans louest et le nord avec vague 1.7 metr et 2 metr
Lest vague 2.5 metr et le sud vague 2.7 metr
Maree haute 9 heur 20 et 21 heur 37
Maree basse 3 heur 07 et 15 heur 13
A RODRIGUE hier Ponte Canon fine gagne 6.5mm lapluie
Plaine Corail 4mm
Pour journer zordi cot zot, bann nuage qui ti dans parage cot zotb fine fini decale ver louest et p arrive dans direction Maurice,
Le temp gramatin bon cot zot me ena nuage qui kapav former dans n ti ligne dinstabiliter et zot kapav gagne lapluie dans lapre midi oubien asoir
La brise 29kmh qui p soufler depuis sud est cot zot
La mer ena vague 3.3 metr en haute mer
AGALEGA letemp pour plus aumoin bon zordi et p fair chaud
Bonne journer et bonne semaine a tous

30/06/2024

Bonjour a tous
Zordi Dimanche derneir jour pour mois Juin
Hier la journer letemp ti ensoleiler presque entier lile
Pour journer zordi
Gramatin ena beaucoup nuage qui dans nous parage qui p donne limpression pour vine gate letemp zordi me en faite non
Kapav gramatin bann nuage la pour reusi donne n ti p lapluie parci par la me tous sa bann nuage la pour disipe apre soleil lever
V dir journer zordi letemp pour plus aumoin ensoleiler avec n la brise 21 kmh qui p soufler depuis sud est
La mer agite dans louest et le nord avec vague 2 metr
Lest vague 2.5 metr et dans le sud la mer plus movais avec vague 2.7 metr
Maree haute 7 heur 39 et 20 heur 30
Maree basse 13 heur 55
A RODRIGUE hier zot fine gagne 1mm lapluie me dans la nuite mo penser zot bizin fine gagne lapluie et qui p continuer tomber avec n chifre jusqua 13mm posible si ajoute chifre zordi aussi
Apre 15 heur 16 heur letemp pour amiliorer cot zot avec n la brise fort 40kmh en moyenne
La mer movais avec vague 3.3 metr
Sa bann nuage qui p influence letemp a Rodrigue pour dans nous parage zordi asoir et dans la nuite zordi nous pour coumence gagne lapluie et sa lapluie la pour continuer demain gramatin et demain la journer avec n chifre qui kapav avoisine lor 20 a 30mm
Image satelite Eumetsat ena n ti contraiter p rate rate 15minute image et mo fine tourne moi ver satelite INDIAN METEOROLOGICAL DEPARTEMENT et mo trouver qui zordi apre midi pour gagne xtra inondation lor PAKISTAN la ville KARACHI et so bann lendroit qui pres lor n reyon 50kmh
Bon Dimanche et bonne journer a tous

29/06/2024

Bonjour a tous
Zordi Samedi le 29 Juin 2024
Rest 185 jour pour 2024 terminer
Hier la journer et la nuite fine gagne jusqua 17mm lapluie parti Belle Mare et Riviere du Rempart. Nouvelle Decouverte 12mm
Le nord 10mm et Rose Belle 7mm
Pour journer zordi
Gramatin encore ena un p nuage qui pour continuer traverse nous avec risk un p lapluie lor plateau central lest sud et le nord
Me au fil de heur apre soleil lever bann nuage porteur un p lapluie pour fini traverser et bann nuage qui p monte depuis sud est pour ena n tendence disiper et pour laise place a n journer plus aumoin bon me pas a 100 pourcent ensoleiler et apre midi letemp pour vine plus bon nuage pour diminuer beaucoup et mem demain letemp pour bon et pour plus bon qui zordi
La brise fort 32kmh qui p soufler depuis sud est avec rafal du vent entre 42kmh a 58kmh
Temperature plus frais hier gramatin malgre qui meteo Maurice pas fine aficher me mo presque sure nous fine desann enbas 15 degre
Zordi gramatin posible 13.5 degre a 14 degre parti Grand Bassin
Nouvelle Decouverte. Vacoas Beau Bassin si frias gramatin 15 degre
Lot semaine Jeudi gramatin pour fair xtra Frais kapav 12 degre
Zordi La journer pour fair 24 degre lor Port Louis
La mer dans louest pour ena vague 1.8 metr le nord vague 2 metr
Lest et le sud vague pour entre 2.5 metr a 2.8 metr
Maree haute 5 heur 59 et 19 heur 12
Maree basse midi 35
A RODRIGUE hier Pointe Canon fine gagne 6 mm lapluie
Plaine Coraile 11mm lapluie fine enregistre
Pour journer zordi pas tro jolie letemp de fois pour ensoleiler me de fois kapav gagne lapluie n chifre 5mm posible me demain zot kapav gagne entre 13mm a 16mm v dir demain journer lapluie en perspective cot zot
La brise 31kmh depuis sud est et qui pour renforcie de heur en heur et demain pour ena la brise 42kmh
Sa bann nuage qui pour influence zot letemp Dimanche pour arrive dans nous parage Lundi et le temp pas pour bon lor Maurice Lundi
La mer cot zot zordi pour ena vague 2.7 metr en haute mer
Bonne journer et bon weekend a tous

28/06/2024

Bonjour a tous
Zordi Vendredi le 28 Juin 2024
Dernier 24 heur parti Grand Bassin fine gagne 1mm lapluie et le rest place just n ti trace lapluie entre 0.2mm a 0.8mm
Pour journer zordi
Nous p resenti qui nous en plein lhiver avec n temperature 15 degre gramatin plusieur lendroit me zordi kapav desann enbas 15
La journer pas sure pour depass 25 degre
Gramatin ena un p nuage qui pour traverse nous de temp en temp
Pas pour ena gros chifre lapluie. ocontrair de fois pour etoiler et avand midi n letemp mi figue mi raisin me rest bien nuageux lor plateau central avec n la brise 25kmh qui p soufler depuis sud sud est et rafal du vent 50kmh
Apre midi posible moitier sud et lor plateau central kapav gagne un p lapluie avec n chifre jusqua 8mm me si n la pluie qui pour contiue lheur la chifre kapav arrive lor 13mm certain lendroit couma Grand Bassin
Weekend n bon parti lile le temp pour plus aumoin bon me demain gramatin pour fair n ti p plus frais qui zordi
La mer zordi rest movais avec vague 2.8 metr dans leste et le sud
Le nord vague 2 metr et dans louest vague 1.8 metr
Maree haute 4 heur 44 et 17 heur 57
Maree basse 11 heur 26
A RODRIGUE hier parti Pointe Canon fine gagne 1.5mm lapluie
Pour journer zordi zot pour ena n letemp qui resemble pareil a Maurice
Ena n ti system frontal qui p evoluer tous pres dans sud ouest cot zot et zot kapav pour gagne un p lapluie dans la journer me pas gros chifre entre 4mm a 9mm
La mer ena vague 2.8 metr en haute mer
AGALEGA gramatin ena bann nuage en haute altitude qui pour fair le ciel voiler boneur et la journer zot rest toujour a risk gagne lapluie avec n la brise fort 47kmh
Bonne journer a tous

22/06/2024

17/06/2024

Bonjour a tous
Zordi Lundi le 17 Juin 2024
Zordi a Maurice bann Musulman celebre Eid al Adha
Mo souhaite tous bann camarade Musulman mo bann famille et mo bann voisin Eid al Adha Mubarak
Hier bann chifre lapluie qui nous fine gagnez lor Maurice
Riviere Noir 77mm. Rich en Eaux 37mm. Beau Bassin 23mm
La Queen 20mm. Quatre Bornes 14mm
Le temp pour journer zordi
System frontal qui fine donne nous sa bann chifre lapluie p evacuer li ver nord est et gramatin ena bann nuage active pas loin dan nord ouest Maurice qui ena n capacite 92mm lapluie en 3 heur et ena beaucoup lorage zeclair en mer acctuellemnt
Gramatin n parti sa bann nuage la kapav frole la cot nord ouest et posible donne n ti p lapluie ver 6 heur parti Port Louis jusqua Grand Baie me pas pour ena gros chifre parcequi le temp pour coumence amiliorer au fil de heur
Ver 7 heur 8 heur pour ena beaucoup brouillard lor region La Vigie
Grand Bassin et bann lendroit en hauteur
Sa semaine la le temp pour plus aumoin ensoleiler me pour fair n ti p plus frais gramatin
Normalement quand nous gagne n la brise depuis le sud nous resenti fraiseur un p plus me nous dans n zone legerement instable et zordi nous pas pour tro resenti sa fraiseur la
Me demain gramatin oui 16 degre
La mer praticable avec vague 1 metr dans louest et 1.4 metr le nord
Lest et le sud vague 1.7 metr
Maree haute 9 heur 46 et 21 heur 56
Maree basse 3 heur 55 et 15 heur 29
A RODRIGUE hier zot pas fine gagne lapluie
Pour journer zordi letemp pour plus aumoin ensoleiler
Me la journer posible zot kapav gagne entre 1mm a 2mm lapluie
Dans la nuite sois demain zot pour gagne un p lapluie
La mer vague 1.7 metr en haute mer
AGALEGA dans la nuite zot fine bizin gagne un p lapluie et gramatin aussi ena bann bande asse active qui pour traverser et donne zot n ti p lapluie me apre 10 heur letemp pour plus aumoin bon cot zot si
Bonne semaine et bonne journer a tous

13/06/2024

Bonjour a tous
Zordi Jeudi le 13 Juin 2024
Hier la journer pas fine gagne lapluie me t**d dans lapre midi et asoir bann chifre qui nous fine enregistre pas fine depass 2mm
Rafal du vent plus fort fine soufler lor Champ des Mars 79kmh
Pour journer zordi
Nous dans n zone tres humide et legerement instable avec presence n fort anti cyclone 1035hpa qui trouve dans sud Mascareigne et qui fine expand
Nour pour ena la brise 40kmh en moyenne qui p soufler depuis lest nord est avec rafal du vent entre 80kmh a 100kmh ver 9 heur 10 heur parti Champ de Mars. Vacoas. Domaine les Pailles
Nouvelle Decouverte. Grand Bassin
Le temp pour xtra nuageux avec risk lapluie de temp entemp me pour n dure 2 3minute
Apre midi risk lapluie li posible augmenter ena mem risk lorage dans alentour Maurice Reunion dans n reyon 800km
La mer xtra movais avec vague 2.5 metr a 3 metr dans louest a le nord
Lest et le sud vague 4 metr me parti Poste la Fayette pour ena vague croise et kapav gagne bann vague 5 metr qui kapav fair raz de maree
Maree haute hier ti ena n ereur me pour zordi li comme suit
Maree haute 3 heur 51 et 17 heur 54
Maree basse 11 heur 04 et 23 heur 27
A RODRIGUE hier zot pas fine gagne lapluie
Pour journer zordi cot zot si la brise bien fort 44kmh depuis lest
Rafal du vent 70kmh
Le temp cot zot de fois pour ena bann passage nuageuse en haute altitude qui pour traverser sans risk lapluie
Ena n ti p nuage qui p vine depuis lest et qui posible donne zot 1mm lapluie parti le nord
La journer le temp pour plus aumoin bon me tres ventreux
La mer movais avec vague 4 metr en haute mer
li fortement deconseiler pour pas fair bann sorti en mer
AGELEGA hier zot fine gagne gros lapluie
Zordi gramatin ena encore nuage active qui p developer et n parti sa bann nuage la kapav vine donne zot encore un p lapluie boneur
La journer letemp pour amiliorer
Bonne journer a tous

09/06/2024

Bonjour a tous
Zordi Dimanche le 9 Juin 2024
Dernier 24 heur fine gagne 24mm lapluie lor Grand Bassin.
Nouvelle Decouverte 17mm. Rose Belle 15mm.
Le nord 6mm et le sud 9mm
Pour journer zordi
Gramatin n bon parti lile le temp rest couvert accompagner ar lapluie le nord Lor plateau central lest le sud concerner
Bann nuage qui p evoluer dans lest Maurice ena n capaciter pour donne entre 30mm a 40mm lapluie
La journer lor moitie sud est letemp pour rest plus aumoin couvert avec risk lapluie et entre midi a 16 heur ena risk gagne un p plus gros lapluie n bon parti lile. mem le nord et parti Moka Rose Hill aussi kapav gagne lapluie
Gros chifre lapluie qui nous kapav gagnez pour prochain 24 heur pour entre 13mm a 30mm
La brise 23kmh depuis lest sud est et rafal du vent entre 33kmh a 45kmh
Demain letemp pour plus aumoin bon me ver Mercredi ou Jeudi nous a risk gagne gros lapluie
La mer ena vague 1.2 metr dans louest et 1.8 metr dans le nord
Lest et le sud vague 2.5 metr
Maree haute 14 heur 39
Maree basse 8 heur 25 et 20 heur 05
A RODRIGUE hier zot fine gagne 7mm a 11mm lapluie
Pour journer zordi
Bann nuage qui p raproche zot par lest ena n capacite entre 25mm a 40mm lapluie et posible apartir 6 heur zot pour gagne lapluie et qui kapav continuer n bon leur temp mem la journer ena risk lapluie
La brise 33kmh cot zot
La mer vague 2.5 metr en haute mer
AGELEGA gramatin letemp pour bon me la journer posible zot kapav gagne lapluie
Mercredi a Vendredi zot a risk gagne gros lapluie par bann nuage active qui assosier ar n system depresionair
Bon Dimanche et bonne journer a tous