Siddhicharan - सिद्धिचरण नगरपालिका

06/05/2024

आगोले जलेर सिद्धिचरण नगरपालिका-१० बेतेनीमा आमा छोराको मृत्यु भएको छ । सोमबार मध्यान्हको समयमा हरिबोले बसाहा सामुदायिक वनको डढेलो खरबारीमा प्रवेश गरेपछि खर जोगाउने क्रममा ५५ वर्षीया पुन्यमाया धमला र उहाँका छोरा १५ वर्षीय कञ्चन धमलाको घटनास्थलमै ज्यान गएको हो ।

14/02/2024

सरस्वती स्तुति
सरस्वती मया दृष्टा वीणा पुस्तक धारिणी।।
हंस वाहन संयुक्ता विद्यादानं करोतु मे।।

02/02/2024

ओखलढुंगा जिल्ला स्थायी घर भइ हाल पढाई तथा रोजगारीको सिलसिलामा काठमाडौं उपत्यकामा बस्दै आउनुभएका दाजुभाइहरु बीच भेटघाट, सहयोग र समन्वय बढाउन तथा खेलकुदमा रूचि उत्प्रेरणा गर्ने उदेश्यले ओखलढुंगा फाउन्डेसनले फुटसल खेल अयोजना गर्ने निर्णय गरेको छ ।

प्रतिस्पर्धा पालिका-पालिका बीच गरिनेछ । खेलले समुदायहरूलाई एकैठाउँ ल्याई खेलकुदको महत्वलाई बढावा दिंदै जिल्लावासीहरूको आपसी सम्पर्कलाई सुध्रिढ गरि स्वस्थ, सक्रिय र समावेशी समाज निर्माणमा सहयोग पुर्याउने छ ।

प्रतियोगिता हुने मिति : २०८० / १२/२६ (घोडेजात्राको दिन)
स्थान : धन्यन्तरी फुटसल ( पहेलोपुल, काठमाडौं)
सहभागि टिम : ओखलढुंगाका हरेक पालिकाबाट १/१ टिम ( जम्मा ८ टिम)
खेलको प्रकार : नकआउट
दर्ता शुल्क : रु. १०००० प्रति टिम (७ जना खेलाडी र एक व्यवस्थापक)
पुरष्कार:
विजेता: ट्रफी, नगद रु ५०,००० (रु पचास हजार ) र सम्पूर्ण खेलाडी र ब्यबस्थापकलाई मेडल
उपविजेता: ट्रफी, नगद रु २०,०००(रु बिस हजार) र सम्पूर्ण खेलाडी र ब्यस्थापकलाई मेडल
अन्य सम्पूर्ण सहभागी टिमलाई सहभागीको सर्टिफिकेट र मायाको चिनो

सुविधा :
१) टिमको जर्सी आयोजकको तर्फबाट
२) खेल आयोजना हुने दिन खाजाको ब्यबस्था

दर्ता प्रक्रिया:
१) माथी भनेको जस्तै ८ (७ खेलाडी १ ब्यबस्थापक) जनाको टिम बनाएर दर्ता गर्नु पर्ने छ !
२) खेलाडी ओखलढुंगाको स्थाई बासिन्दा हुनुपर्नेछ ।
३) एउटा गाउँपालिका/नगरपालिकाबाट एउटा मात्र टिम खेल्न पाउने भएकोले जसले पहिले दर्ता गराउछ त्यो नै टिम खेल्न पाउनेछ ।
४) दर्ता गर्दा अनिवार्य कम्तिमा एउटा नेपाल सरकार द्वारा मान्यता प्राप्त परिचय खुल्ने कागज (नागरिकता, लाइसेन्स वा मतदाता परिचय पत्र) हुनुपर्नेछ ।
५) प्रतियोगितामा राष्ट्रिय फुटसल लिग खेलेको र राष्ट्रिय 'ए', 'बि' र 'सि' डिभिजन लिग खेलिसकेका खेलाडीलाई टोलीमा खेलाडीको रूपमा समावेश गर्न पाइने छैन ।
उपलब्ध गराउनु पर्ने विवरणहरु
१. नाम, उमेर
२. स्थायी ठेगाना
३. अस्थायी ठेगाना
५. परिचय खुल्ने कागजपत्र

आयोजक:
ओखलढुंगा फाउण्डेसन

सम्पर्क :
9851358983

01/02/2024

More details coming soon ⚽️

17/10/2023

14/02/2023

ओखलढुंगामा सुक्खा महिना लागेसँगै आगलागीका घटना बढ्न थालेका छन् । करिब एक महिनाको अवधिमा जिल्लाका विभिन्न स्थानमा आधा दर्जनभन्दा बढी घरमा आगलागी भएको छ।
आगो नियन्त्रणका लागी ल्याइएका सिद्धिचरण नगरपालिकामा रहेका दुईवटा दमकल भने प्रयोगविहीन अवस्थामा रहेका छन् । गाउँका घरहरू जल्दा सदरमुकामका दमकल प्रयोगमा आउँदैनन्।

Read more at: https://samachardainik.com/news-details/128824/2023-02-13

12/02/2023

राज दयाल ओखलढुंगा l जिल्लामा संघीय सरकारको ‘एक स्थानीय तह एक आधारभुत अस्पताल’ निर्माण गर्ने योजना अलपत्र परेको छ ....

12/02/2023

ओखलढुंगाको रुम्जाटारबाटै सवारी चालक अनुमतिपत्र बन्ने भएको छ । प्रदेश १ का तत्कालीन भौतिक पूर्वाधार विकास मन्त्री अम्बिरबाबु गुरुङको पहलमा २ वर्ष अघि स्थापना भएको यातायात व्यवस्था कार्यालय ओखलढुंगाले सवारी चालक अनुमतिपत्र ओखलढुंगाबाटै दिने तयारी गरेको हो । यातायात व्यवस्था विभागले रुम्जाटारबाट लाइसेन्स जारी गर्नेगरी अनलाइन फारम खुला गरेको छ ।

अनलाइनबाट फर्म भरेर रुम्जाटारबाट ट्रायल दिन चाहनेका लागि सेवा दिन सबै तयारी पुरा गरेको यातायात कार्यालय रुम्जाटारका प्रमुख गोपाल दाहालले बताए ।

09/02/2023

यता केहिँ जनप्रतिनिधि भने चुनावअघिको बाचा पूरा गर्न लागिपरेर उदाहरणिय बन्दै गएका छन् । यस्तै उदाहरणीय जनप्रतिनिधि हुन् सिद्धिचरण नगरपालिका ११ का वडाध्यक्ष विनोदकुमार ताम्राकार । जसले चुनावअघि आफू निर्वाचित भए वडा कार्यालयबाट आफूले पाउने सबै तलब, भत्ता सामाजिक हितको काममा खर्चिने प्रतिबद्धता जनाएका थिए ।

राज दयाल ओखलढुंगा । निर्वाचन अघि उम्मेदवारहरु विभिन्न चुनावी एजेन्डा र प्रतिबद्धता लिएर आफूहरुलाई भोट दिन आग्र.....